احلى مرااااهقه

⭐️ عضو مميز ⭐️
الســــلام عليكم ورحمة الله وبـــــركاته


قصيــــده ...

قمه في الألم...في الـــوداع...

الأمـــــل ....


اتـــــرككم مع القصيده

أتمنـــــى ان تعجبكم...








أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي
 

انـجـــال

كاتبة
⭐️ عضو مميز ⭐️
مشاركة: الشــــاعر الذي حضر زفاف حبيبته.....

شــــاعرنا

ابدا ولا اعرف كيف ابدا ــــ ولكنها البدايه لجرح شاعر جامح بمعانيه

الصادقه وباحساسه .. ذكي في اقتناص الجميل ,, يمتعنا معه بهذي الصوره
الجميله .. ليحلق بنا في سماء الشعر الحقيقي ..

وصح لسانك وما قصرت يا شاعرنا ..
نتواصــــ ,،,انجــالـ ,،,ـــــــــل
 

سآآري

⭐️ عضو مميز ⭐️
مشاركة: الشــــاعر الذي حضر زفاف حبيبته.....

اختي

احلى مرااااهقه

الكلمات والله على الصميم

تقبلي مروري

اخوكي

almodllal
 

ولـودي

⭐️ عضو مميز ⭐️
مشاركة: الشــــاعر الذي حضر زفاف حبيبته.....

صراحه مو روعه الا فوق الروعه
حرام والله ليش ما تزوجها
بس ابيات من ذهـب
مشكوره مراهقه
 

المتواجدين حالياً (عضو: 0, زائر: 1)

أعلى