ليه المتزوجين يدخلون الشات؟؟ارجومرور كل رجل متزوج!!

[frame="3 80"]بسم الله الرحمن الرحيم..
اخواني الرجال الموضوع هذا انا اوجهه لكم بالذات .. واتمنى ماتبخلو بالرد...
صحيح اني جديدة على المنتدى وباقي مامريت الا مرور الكرام بس انشالله بحاول اعطي كل اللي عندي..
المهم ندخل للموضوع....
وش الشي اللي يجبر الرجل المتزوج انه يدخل للشات؟؟
والغالب منهم يحملون احلى المشاعر والعبارات الرومانسية اللي زوجته احوج بها من غيرها..
طبعاً هذا الشي لفت انتباهي لاكثر من مرة ادخل ادردش واتفاجأ ان غالبية اللي يطلبون خاص متزوجين..
وللامانة مايتكلمون كلام جريء وفاحش ومخل بالأدب.. ولكن يتكلمون بأجمل كلام الحب..
احلى الاحاسيس يمتلكونها..
ويختلفون عن بعض منهم اللي له سنتين واللي ثلاث واللي ماله الا شهور قليلة متزوج..
ومنهم اللي في العشرينات ومنهم بالثلاثينات بالعمر..
والغرض واحد يبحثون عن الحب والاحاسبس ..
انا ماانكر ان اغلب الحريم بعيدات عن الرومانسية ولكن المرأة بطبيعتها حساسة..
يعني يقدر الزوج يخليها صديقة وحبيبة وام واخت وزوجة وكل شي.. لو حبها بقلبه وعطاها من مشاعره..
ارجوكم انا بصراحة اتمنى اعرف وش الشي اللي يبغاه الزوج علشان يكون سعيد..
مابي اندم بعد زواجي.. اتمنى اعيش انا واللي بتزوجه احلى حياه..
واتمنى عن طريقكم اعرف حاجات الرجل الاساسية علشان يشعر بحب زوجته؟؟
اتمنى تجاوبوني عل اسئلتي..
ولكم جزيل الشكر والله يهنيكم ويسعدكم..[/frame]​