لبيب المالكي.
⭐️ عضو مميز ⭐️
يابحر موجك تهادى ويـش علمـك يابحـر
خابرٍ موجك عواصف والعواصف فيك غير
العواصف/ فيك غير / و شوفها مد النظـر
والعيون الي تشوفك يابحر تنسـى الغديـر
يابحر جتـك المشاعـر بالبواخـر تنتظـر
واقفه وقفة اميـره وانـت يابحـر الاميـر
يابحر جتك الرسالـه عاجلـه ماتختصـر
هديل / هديل /فعلهـا فـعـلٍ خطـيـر
فجرت عرق المحبه واقلبـت لونـه حمـر
بعد ماكان اصفراره حافـرٍ بالقلـب بيـر
يابحر وش عاد عذرك بنصحـك لاتعتـذر
انتفض يابحر هيا وافعـل اللـي مايصيـر
البحر هذا قصيـدي يحتـوي نظـم الفكـر
لازهمته ينقلب موجه علـى كفـي يسيـر
مايسيـر الا بـدربٍ كلـه ابـداع وزهـر
ولايهزه غير فعلٍ يجعـل الخافـق يطيـر
هديل .. ولعتهـا نـار ياقـرب الخطـر
تطلق جيوش المشاعر ياعسى بالامر خيـر
خير وين وجيش يهجم يبحث انواع النصـر
راسمٍ خطة هجوم وعازفٍ بالحـرب زيـر
جيش واثق جيش كامل جيش في وصفه ندر
جيش متسلح بطبـعٍ فـي حركاتـه يثيـر
ذيك بسمات العذوبه ذيك نظـرات السحـر
كل هذا في هجومه والدفاع اقـوى وجديـر
والنتيجـه الاخيـره انتصـر ثـم انتصـر
جيش بنتٍ من حلاها تلـت القلـب الكبيـر
أسمعيني ياهديل /عقب ماعشقـك حضـر
ودي بسهرة مشاعر وانتي للعاشق عشيـر
لو بغيتـي الحقيقـه معـكِ ياحلـو السهـر
اسكر بروووعة حضوورك آه ياحلو المصير
ودي يـاودي وودي ودي يـاودي كـثـر
بس امالي كيف احققها / ولو شـيٍ يسيـر
لو تقولين الصبـر بقولـك ويـن الصبـر
ودي بشوفك غناتي واسمع لمـوج الاثيـر
لو اشوفك في فرنسا او اشوفك فـي مصـر
المهم انـي اشوفـك لـو تقوليـن بعسيـر
الا مع طاري عسير الي لهـا مـد وجـزر
بالحلا ماهيب حولك انتـي احلـى وبكثيـر
