دمــــ غلاـعة

⭐️ عضو مميز ⭐️
الســــلام عليكم ورحمة الله وبـــــركاته


قصيــــده ...

قمه في الألم...في الـــوداع...

الأمـــــل ....


اتـــــرككم مع القصيده

أتمنـــــى ان تعجبكم...

:::::::::::::::::::::::::::

أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي

::::::::::::::::::::::::

م . ن . ق . و . ل



 

الحلاكله

⭐️ عضو مميز ⭐️
مشاركة: قصيده .. لــ شــــاعر حضر زفاف حبيبته.....

ياربيه يا قويه هالرجال على اللي صار له
من جد عن عشرين رجال
بس قهر ليش ماتزوجه دامه يحبها كل هالحب عندك خبر يادموعه؟؟
ومنهو الشاعر؟؟؟



وتسلمين ياقلبي على رروعه مانقلتي لنا
 

نبض الخفوق

<font color="#5A8752">مشرف سابق</font>
❤️ نورت تغاريد ❤️
مشاركة: قصيده .. لــ شــــاعر حضر زفاف حبيبته.....

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

قصيده روووعه وجميله جدآ وفعلآ مثل ماقال شكلها طلعت من قلب ومن ضيق

بس كيف يمديه انا لو مكانه ماقدرت اقول جمله مفيده على بعضها وهذا ماشاءالله عليه قال قصيده كامله


دمعة غلا يعطيك العافيه على النقل

تحياتي لكِ
 

الحلاكله

⭐️ عضو مميز ⭐️
مشاركة: قصيده .. لــ شــــاعر حضر زفاف حبيبته.....

هههههههه
مسيل والله كسرت خاطري يمكن هو يحب حبيبته اكثر منك عشان كذا كتب
وتراها على شكل قصه والشاعر الكبير يعرف ينسق القصيده زين
وعقبالك يامسيل


دموعه عذراا على اللقااافه
 

دمــــ غلاـعة

⭐️ عضو مميز ⭐️
  • كاتب الموضوع كاتب الموضوع
  • #7
مشاركة: قصيده .. لــ شــــاعر حضر زفاف حبيبته.....

الحلاكله قال:
ياربيه يا قويه هالرجال على اللي صار له
من جد عن عشرين رجال
بس قهر ليش ماتزوجه دامه يحبها كل هالحب عندك خبر يادموعه؟؟
ومنهو الشاعر؟؟؟



وتسلمين ياقلبي على رروعه مانقلتي لنا

مشكورة ياقلبي على المرور

هذا ياعمري عشانه يحب بصدق

مايحرمني ربي من طلتك
 

دمــــ غلاـعة

⭐️ عضو مميز ⭐️
  • كاتب الموضوع كاتب الموضوع
  • #8
مشاركة: قصيده .. لــ شــــاعر حضر زفاف حبيبته.....

مسيل الدموع قال:
توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

قصيده روووعه وجميله جدآ وفعلآ مثل ماقال شكلها طلعت من قلب ومن ضيق

بس كيف يمديه انا لو مكانه ماقدرت اقول جمله مفيده على بعضها وهذا ماشاءالله عليه قال قصيده كامله


دمعة غلا يعطيك العافيه على النقل

تحياتي لكِ
مشكور اخوي مسيل على المرور

مسيل يمكن ماحبيت مثله

لاعدمناك
 

دمــــ غلاـعة

⭐️ عضو مميز ⭐️
  • كاتب الموضوع كاتب الموضوع
  • #9
مشاركة: قصيده .. لــ شــــاعر حضر زفاف حبيبته.....

الحلاكله قال:
هههههههه
مسيل والله كسرت خاطري يمكن هو يحب حبيبته اكثر منك عشان كذا كتب
وتراها على شكل قصه والشاعر الكبير يعرف ينسق القصيده زين
وعقبالك يامسيل


دموعه عذراا على اللقااافه

عادي ياقلبي خذي راحتك
تمونين
 

المتواجدين حالياً (عضو: 0, زائر: 1)

أعلى