الحلاكله

⭐️ عضو مميز ⭐️
هذه قصيده اعجبتني وحبيت انقلها لكم..


انا العزوبي واتقطع تقطاع........ على زواج البنت تدمع عيوني

انا العزوبي وين مارحت مرتاع........ زين العذارء يالعرب جننوني

اشوفهم في كل روحه ومرجاع.......... من حيث ماوليت هم عذبوني

فالبيت فالتلفاز والصوت مذياع......... حتى العمل ياناس مافارقوني

وليا نويت السوق ناوي تبضاع.........اروح وارجع منخطف حيل لوني

ارجع وقلبي حايسٍ بين الاضلاع........ من زود دقاته تخلع امتوني

اللـي تغنـج فالمشـي بالـتـدلاع.......... واللي تناظرني بطرفن فتوني

وام العيون السود والرمـش قطـاع....... وام الجدايل والكحل بالجفونـي

وام النقاب اللـي تمصـعك تمصـاع........ قدام عيني والبشـر يشهدونـي

كنهـا تمتـع فـي عذابـي تمتـاع.......... وانا العزوبي كان ربي ف عوني

واهل الجـنوز الضيقه واهل الاوساع......... مدري وش اللي حدهم يلبسوني

منهـم تجرعـت المـراره تجـراع.......... في كل يوم يزيد همي وحزوني

لو نطلع المريخ في لحظـه وسـاع.......... نلقى العوايـل قبلنـا يطلعونـي

من بعد طرح وجمع وهمـوم وصـراع........ قررت انا اخطب بنت وانهي ظنوني

وفي ليلة الفرحه تقـول انـي مرتـاع......... ومن زود مافينـي تراقـل سنونـي

ابوهـا قـال اليـوم مانـي بطـمـاع......... عندي شروطن للمهر واعذرونـي

يقوم يوحـي لـي ويشـر بالاصبـاع.......... يبغي المهـر ميتيـن او يكثرونـي

يقول يبغى العرس في قصور واقـلاع......... ونبغى ذهب لام العروس المزونـي

ونبغى الحلا والكيك من كـل الانـواع......... تـبـون والا ياعـسـا ماتبـونـي

ناس ٍ تحسب البنت شروه ومبياع.......... تبي المكاسب لو زادت ديوني

ماهمهم لو زاد همي والاوجـاع......... ماهمهم ياكود ملي البطونـي

يامؤمنـن بالله ساجـد وركــاع.......... بنتك امانه حاذر انك تخونـي

لا تعنس ابنيتك في سّبت اشبـاع......... نفسك وجمع افلوس ماينفعوني

بكره ليا جتك المنيـه والاوجـاع.......... تندم ولا ينفعك دمع العيونـي

الخيمه اللي بدون عمدان وشراع........ يمكن تطيرها الهبايب بهوني

انا العزوبـي واتسكـع تسكـاع........ تكفون بالله يالعرب زوجوني


وسلامتكم...
ههههه والله كسر خاطري هالشاعر اللي يعرفه خلونا نتبرع له !!

وان شاء الله تحوز على رضاكم.


مع حبي لكم
اختكم
الحـــ كله ــــــلا
 

نشيد الوطن

⭐️ عضو مميز ⭐️
مشاركة: انا العزوبـي واتسكـع تسكـاع........ تكفون بالله يالعرب زوجوني

الحلا كله


نقل عذب

سلمت يداك


شكر لك

ولك تحياااتي


دمت بود
 

الحلاكله

⭐️ عضو مميز ⭐️
  • كاتب الموضوع كاتب الموضوع
  • #3
مشاركة: انا العزوبـي واتسكـع تسكـاع........ تكفون بالله يالعرب زوجوني

نشيد الوطن ياهلا وغلا والشكر يعود لك وبطلتك الحلووه نورتنا
 

سآآري

⭐️ عضو مميز ⭐️
مشاركة: انا العزوبـي واتسكـع تسكـاع........ تكفون بالله يالعرب زوجوني

شكراً اختي

الحلا كله

ان شاء الله ننتظر منك المزيد

تقبلي

مروري

أخوكي

almodllal
 

الحلاكله

⭐️ عضو مميز ⭐️
  • كاتب الموضوع كاتب الموضوع
  • #5
مشاركة: انا العزوبـي واتسكـع تسكـاع........ تكفون بالله يالعرب زوجوني

almodllalياهلا وغلا اخوي الف شكر على مرورك الطيب اللي اسعدني
 

عربجي مزيون

⭐️ عضو مميز ⭐️
مشاركة: انا العزوبـي واتسكـع تسكـاع........ تكفون بالله يالعرب زوجوني

الحلا كله

صح لسانك ولسان الشاعر وسلمت يداك على النقل الرااائع
قصيده عذبه تحكي الواقع الملموس ومعاناة الشباب في وقتنا ا لحاضر
ودام الدعوه فيها تبرع حتى انا بعد ابي تبرعكم ههههههههه

تحياتي لكي وتقبلي مروري
اخوك عربجي مزيون
 

الحلاكله

⭐️ عضو مميز ⭐️
  • كاتب الموضوع كاتب الموضوع
  • #7
مشاركة: انا العزوبـي واتسكـع تسكـاع........ تكفون بالله يالعرب زوجوني

هلا وغلا عربجي ههههه الله يسلمك يالغالي اخطب بس وتلقى كل شي جاهز هههه ومرورك اسعدني
 

فهدة بنت فهد

⭐️ عضو مميز ⭐️
مشاركة: انا العزوبـي واتسكـع تسكـاع........ تكفون بالله يالعرب زوجوني

قصيدة طريفة وان كان الامر مبالغ فيه ..الشكر للشاعر والناقل الذي اضحكنا ورسم البسمة

على شفاهنا ..
 

ناعمة الصوت

⭐️ عضو مميز ⭐️
مشاركة: انا العزوبـي واتسكـع تسكـاع........ تكفون بالله يالعرب زوجوني

الحلا كله
تسلميلي على هالنقل الحلو
 

المتواجدين حالياً (عضو: 0, زائر: 1)

أعلى