تعاريف قد تحتاجونها في حياتكم اليوميه

الموضوع في 'منتدى الالعاب والوناسه' بواسطة فاتن الحب, بتاريخ ‏31 أغسطس 2006.

  1. فاتن الحب

    فاتن الحب .. عضو مميز ..

    إنضم إلينا في:
    ‏25 ديسمبر 2004
    المشاركات:
    4,605
    الإعجابات المتلقاة:
    17
    نقاط الجائزة:
    220
    --------------------------------------------------------------------------------



    بعض التعاريف اللي ممكن تحتاجونها

    الدلخ :ا وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله

    المنسم :كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

    المهوي :هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... الشخر المخر أو أبو مشخر ! : من نفس فصيلة المنسم !

    السلنتح :قليل الأدب

    جحلط ( بتشديد اللام ) : وهم مرحلة متقدمة للسلنتح

    مزّلب :يعني بايعها بتراب

    مسفّح :يعني طاير في العجّة وهو ما عنده ما عند جدتي , يعني بالعربي الفصيح من جنبها

    الصتيمة :وهو الشخص اللي ماعنده ماعند جدة جدتي ...!!...ويصدق أي شيء يقال له

    المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل

    المفهي :هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : ها

    الحقنة :هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

    العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه

    العربجي :يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة وتسمى في بعض دول الخليج جريمبه)
    و حاط مفاتيحه في سلسلة و لا بس نعال سحاتيه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من فصيلة العرابجة بأن هذه إشاعة مغرضة أطلقها عليهم أحد الخكاريا...

    الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ...
    .
    المرجوج :هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة

    المطفوق :من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!

    زعّيط :مسوي نفسه يفهم في كل شيء وهو من جنب العارضة خخخخخخ

    المصرقع :هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال

    المفلت :هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش

    اللزقه:هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهذا ياكثررررررره كثرااااااااااه

    مسرووووووق بس سرقته عشان افيدكم في هالتعاريف<<<الله والفايده اللي جايبته خخخخخخخخخ
    تعاريف قد تحتاجونها في حياتكم اليوميه
     
    جاري تحميل الصفحة...

  2. رجيتكـ لاتخليني

    رجيتكـ لاتخليني عضو

    إنضم إلينا في:
    ‏26 أغسطس 2006
    المشاركات:
    127
    الإعجابات المتلقاة:
    0
    نقاط الجائزة:
    0
    مشاركة: تعاريف قد تحتاجونها في حياتكم اليوميه

    هههههههههههههههههههههه

    ونعم الفايده

    بس تعاريف جنان

    مشكوره ع الصرقه
     
  3. ملاك الاموره

    ملاك الاموره .. عضو مميز ..

    إنضم إلينا في:
    ‏15 مارس 2006
    المشاركات:
    13,124
    الإعجابات المتلقاة:
    12
    نقاط الجائزة:
    270
    مشاركة: تعاريف قد تحتاجونها في حياتكم اليوميه

    ههههههههههههههههههههههههههههاي

    يسلموووووووووووو
     
  4. ميسم

    ميسم شرقاويه .. عضو مميز ..

    إنضم إلينا في:
    ‏23 يونيو 2006
    المشاركات:
    3,806
    الإعجابات المتلقاة:
    147
    نقاط الجائزة:
    350
    مشاركة: تعاريف قد تحتاجونها في حياتكم اليوميه

    بس لاحظوا معي كلهم مختصين بالتماااسيح
     
  5. قمر روحي

    قمر روحي .. عضو مميز ..

    إنضم إلينا في:
    ‏28 يونيو 2006
    المشاركات:
    11,951
    الإعجابات المتلقاة:
    3
    نقاط الجائزة:
    0
    مشاركة: تعاريف قد تحتاجونها في حياتكم اليوميه

    هههههههههههههههههه

    تنرجي يا ربي


    على التعااريف الي تضحك
    ههههههههههههههه

    ميسومه اكيد كلهم مختصين بالتمااسيح
    ههههههههههههههههههههههههههه


    يسلمووووووو على الموضوع الفله
     
  6. ميسم

    ميسم شرقاويه .. عضو مميز ..

    إنضم إلينا في:
    ‏23 يونيو 2006
    المشاركات:
    3,806
    الإعجابات المتلقاة:
    147
    نقاط الجائزة:
    350
    مشاركة: تعاريف قد تحتاجونها في حياتكم اليوميه

    ايوه احنا براءه من هذي المصطلحات’
     
  7. حصوصه

    حصوصه عضو

    إنضم إلينا في:
    ‏20 مارس 2007
    المشاركات:
    93
    الإعجابات المتلقاة:
    0
    نقاط الجائزة:
    0
    هههههههههههه شكراً من قلب
    فهمت كلامات كان اخوي يقولها ومااعرف المعنى خخخخخخخخخخخخخ
    <<<<<<<<<<مسكينه اخوها طايح فيها سب

    بس فيه كلمه بضيفها لاني تعلمتها من اخوي وسميته بموبايلي بهاالاسم الا وهي
    البثر<<وهو الشخص اللي مافيه صفه شينه مو عنده يعني باختصار
    هالكلمه تختصر كل المصطلحات اللي قلتيها وهذاعلى ذمت البثر اخوي
    هههههههههههههههههههههههه
     

الاعضاء الذين يشاهدون محتوى الموضوع(عضو: 0, زائر: 0)