عنوووودالصيد

❤️ نورت تغاريد ❤️
(( هذي قصه حصلت مع ولد جيرانا ))


كانو مجتمعين هم والعائله في استراحة من الاستراحات اللي في الرياض كان ولد جيرانا متزوج وعنده ولد سبحان الخلاق فيما خلق اذا شفته تقول هذا مو طفل طبيعي كان عمره سنه ويتكلم كلمات مفهومه وكان الولد ذكي بطريقه تخليك تخاف عليه من الحسد المهم عشان ما اطول عليكم قالت زوجة ولد جيرانا له انتبه للولد وخله عندك عشان بصلح العشاء تعرفون انتم عاد حرص الرجال مو مثل المره على الاطفال المهم خذا الولد معه وبعدين قعد يسولف مع الشباب بعد نصف ساعه الام قرصها قلبها وحست بخوف على ولدها وسئلت الاطفال عن ولدها وقالوا قبل شوي شايفينه عند ابوه تطمنت الام وللزيادة في الطمأنينه قفلت باب المسبح عن ولدها بالقفل المهم بعدها بساعه ونصف تعشوا وخلصوا قالوا الشباب خلونا نروح نسبح عشان نهضم العشاء واجتمعوا ودخلوا المسبح واول مادخلوا وكان اول الداخلين ولد جيرانا اللي هو ابو الولد وش تتوقعون شاف



















شاف ولده طافي على سطح المسبح ومنتفخ وكان شكله على قولتهم يخرع منتفخ وعيونه طالعه يعني موقف جعله مايمر على اي شخص المهم ولد جيرانا كان عنده امل ان ولده يكون للحين فيه نفس لاكن مع الاسف يوم ودوه المستشفى قالوا من ساعتين متوفي يعني يوم الام تجي تقفل باب المسبح كان الولد قد غرق لاكنه ماطفى على سطح المسبح الا بعد ماتوفى وانتفخ من المويه وتوفى هذاك الولد جعله من حور الجنه وجعله شفيع لوالديه انشاء الله يوم القيامه





طبعا الوالد جاه حاله نفسيه والام قعدت يمكن سنه تعاني من موت ولدها لاكن كل شي في الدنيا يبدا صغير وبعدين يكبر الا الحزن يبدا كبير وبعدين يصغر لين يتلاشى

وابشركم عوضهم الله بولد وبعدين بنت وقدروا انهم ينسون او يتناسون ولدهم

والله يكفينا وياكم الشر ويحفظنا وياكم


واتمنى من الجميع انهم ينتبهون لعيالهم اذا كانوا في استراحه فيها مسبح عشان ماتنقلب سعة الصدر نكد


واسفه على الاطاله

 

عنوووودالصيد

❤️ نورت تغاريد ❤️
  • كاتب الموضوع كاتب الموضوع
  • #3
مشاركة: قصه تعور القلب ياليت الكل يقراها عشان يستفيد

مشكوررررررره يااخت دره على مرورك وتسلمين يالغاليه
 

بنت الأصول

⭐️ عضو مميز ⭐️
مشاركة: قصه تعور القلب ياليت الكل يقراها عشان يستفيد

مرحبــا


بجد قصهـ مؤثرهـ ..:tears:

وهذي عبرهـ للي يغفلوا عن عيالهم ..

بس بصراحهـ يعني حتى لو الله رزقهم بعشرهـ عيال ماراح يقدروا انهم ينسوا ولدهم دقيقهـ ..

عمووماً .. الف شكر على القصهـ المحزنه ..

ما ننحــرم ..
 

يسااف

⭐️ عضو مميز ⭐️
مشاركة: قصه تعور القلب ياليت الكل يقراها عشان يستفيد

تسلم اخوي وما تقصر على القصة الجميله الرائعه الي كتبتها
لا حول ولا قوة الا بالله العلي العزيز
_________مع تحياتي_________
يسااف
 

ريحة المسك

⭐️ عضو مميز ⭐️
مشاركة: قصه تعور القلب ياليت الكل يقراها عشان يستفيد

بارك الله فيك أختي الفاضله على القصة ....نسأل الله تعالى ان يحفظ اولاد وبنات المؤمنين والمؤمنات ..اللهم آمين ..،،
 

حلا سدير

⭐️ عضو مميز ⭐️
مشاركة: قصه تعور القلب ياليت الكل يقراها عشان يستفيد

بارك الله فيك ع سرد القصه
هذا النوع من الحوادث يتكرر باستمرار وقد حدث مع أحدى أقربائي نفس الموقف لطفل لديهم يبلغ الثلاث أعوام جعله اللع شفيع لوالديه
تحياتي
 

دلوعة المساعرة

❤️ نورت تغاريد ❤️
مشاركة: قصه تعور القلب ياليت الكل يقراها عشان يستفيد

الف شكر لك على القصة المؤثرة
مثل القصة اللي صارت مع ولد خالتي
 

محبة المدينة

❤️ نورت تغاريد ❤️
رد: قصه تعور القلب ياليت الكل يقراها عشان يستفيد

السلام عليكم
اختي الكريمة
أشكرك على هذه القصة المحزنة وما تحمله من تحذير وتنبيه
وأنا كذلك حصل مع أخي الصغير قصة مشابهة ولكن الله نجاه وتمكنا من إسعافه والحمدلله
وكما قالت الأخت بنت الأصول انه مهما حصل فلن يستطيعوا نسيانه والحمدلله على كل حال
 

المتواجدين حالياً (عضو: 0, زائر: 1)

أعلى