الصمت

❤️ نورت تغاريد ❤️
دمعه على خد اليتيمه لهـا شـان
من كثر ما هي تدمع العين جفـت

في كل لحظه تنثر الدمع الاعيـان
وفي كل موقف عبرت الحزن صفت

تمسح ادموع الهم في كل الأحيان
تشكي فراق اللي له العيـن رفـت

تشكي افـراق الأم والاب سيـان
لولا العقل والدين كـان استخفـت

العالم اللي حولهـا كلـه احـزان
تبغى السعـاده والسعـاده توفـت

العيد غير العيد لو عـود ازمـان
لا جاء نهار العيـد قامـت تلفـت

تشوف كل الناس بالعيـد فرحـان
والقلب حزنه فيـه قـام ايتكفـت

كلٍ نهار العيـد يفـرح وطربـان
وعند اليتيم اشموع الأفراح طفـت

لو تشتري في ليلة العيـد فستـان
ما تلبسـه لـن السعـاده تخفـت

ما له حلى لو لبسته بين الأقـران
ماله حلـى لـو الحنايـا تشفـت

تجر ونات الأسى وين مـا كـان
وفستانهـا بالعيـد قـام ايتعفـت

تقول حظي طايـحٍ بيـن الاخـوان
يقطعك ياحظٍ مـع الوقـت زفـت

غاب الفرح يوم الفرح ما بعد بان
والصوت من بعد الطفوله مخفـت

اقول وادموع اليتامى لهـا شـان
من يمسح الدمعه ترى العين جفت

تحيات اختكم الصمت
 

بوتر جينات

⭐️ عضو مميز ⭐️
مشاركة: دمعه على خد اليتيمه

مشكوووره اختي الغاليه ... روووعه .....
لاتحرمينا من جديدكِ القااادم ...
فأنا بانتضاااركِ ,,,,,,,
تحياتي ....
 

الصمت

❤️ نورت تغاريد ❤️
  • كاتب الموضوع كاتب الموضوع
  • #3
مشاركة: دمعه على خد اليتيمه

نورتي الصفحه شكرا على مرورك الجميل

والله يجزيك الف خير
 

انـجـــال

كاتبة
⭐️ عضو مميز ⭐️
مشاركة: دمعه على خد اليتيمه

يااهلا والله بشااعرنا
وصح لساانك وما قصرت والله الله في القصيده جميله
اتمنى انك ما تحرمنا من ابدااعك القادم نتوااصل انجال
 

المتواجدين حالياً (عضو: 0, زائر: 1)

أعلى