أعماق الشمري
⭐️ عضو مميز ⭐️
هذي ثمان شهور عدّت على خير
عدّت ولالك ياقصيـدي طـواري
أبطيت ماسيّرت ظمـن المساييـر
وانا على جيتـك طـال إنتظـاري
شف كيف حسّادي على غير تبرير
قالوا علي إنّي أعيـش إنكسـاري
هم ظنّوا إنّي مثلهم بس انا غيـر
الشّعر عندي ماهو شي إظطراري
الشّعر مهمـا يعتلـي بالمشاهيـر
يبقى شعر ماهو صحيح البخـاري
هذا وانا ماودّي أكشف غطى البير
لكن علـى ماقيـل رد إعتبـاري
الشّعر في هـالوقت يحتاج تكريـر
طغى على ثلثـه كـلام الحـواري
ماكل من يكتب قصيـده شكسبيـر
ولاكل ناقد لو يصيـب إستشـاري
وانا قصيدي لو بدى فيـه تأخيـر
أخير عندي من عجاج الـذّواري
إمّا قصيدٍ مثـل صـرف الدنانيـر
ولاّ السّكوت برغبتـي وإختيـاري
ماني من اللي يكتبه تحـت تأثيـر
شيٍ يقرّب لـه طـوال المسـاري
ولاني من اللـي يكتبـه للدّنانيـر
اللي مديحه بس وقـت الطّـواري
ولاعرضته في رئاسـات تحريـر
وقار شعري يعتبر مـن وقـاري
شاعر وعندي معجبين وجماهيـر
ولي الشّرف فيهم أفاخر و أماري
والقصيده منقوله
