الله اكبر كيف تخدمني الضـروف .... لجل بنت شفتها بيـن الضيـــــــــــــــوف
من بنات الحور خضبات الكفوف .... حسنها مع وصفها شـي كبيــــــــــــــر
أضحكت لي و أشرت بنت الحلال .... وأرمشت بالعين غمزة مـــــــــــع دلال
محتواها اثنين حسن مع جمــــال .... ليتنـي اكسـب رضاهـا بالمسيــــــــــر
وقفت قالـت تكلـم باختصــــــــــار .... أتعبتنـي وقفتـي طـول النهــــــــــار
لو تقول وش أنت من أي الديــار .... ما يهم إن كنت تاجـر آو فقيــــــــــــــر
قلت آنا يا بنت من دار الكـــــرام .... من لفانـا فاصدآ يلقـى احتــــــــــــرام
حبنا للضيف تقدير وســـــــــــلام .... الكرم والجـود وعكسـه مـا يصيـــــــــر
قالت كويتي اضني ما خطيــــــت .... بيـن ممشـاك جـزم لا نويــــــــــــــــت
شيخكم جابر بخيص بكل بيـــــت .... ما يداني شوفت احداً مستجيــــــــــــر
قلت آنا يا بنت صعب تعرفيـــــن .... وان عرفتي مـا هقيتـك تبخصــــــــــن
بالقبايل والعرب وش تفهميــــن .... يـا بنت يجهلـك شـي كثيــــــــــــــــــر
قالت أنت من المحرق والمنامه .... وان تكلم واحداً يوزن كلامـــــــــــــــــه
يمشي بعز وشموخ واستقامــة .... الخليفـة ومـن يجاورهـم بخيـــــــــــــر
جعل ربي يحفضك بنت الأصول .... إن عرفتي مقصدي شرحه يطـــــــــول
مقصدي واضح ولا ضني يزول .... لكن اخطيتـي بتحديـد النضيـــــــــــــــر
قالت الشكوى على الله من قطر .... ياعسى سقياها سيـل مـن مطــــــــــــر
الفخر في أصلهم كل الفخـــــــر .... ديـره آل ثانـي عساهـا تستنيـــــــــر
قلت والله حيروني هالبنــــــــات .... ذكرهم بالخيـر فـي كـل الصفـــــــــات
الحقيقة صعب تحديد السمـــــات .... بـس تـوك مـا وصلتـي للستيــــــــــــــــر
قالت الظاهر عرفتك من بعيــــد .... وش يفيـد ان قلـت والله مـا يفيــــــــــــد
دار زايد يا عسى خيره يزيـــــد .... هي ديـار العـز والخيـر الوفيــــــــــــــر
قلت والله منيتي في دار زايـــــد .... التمني وان حصـل صعـب وكايـــــــــــد
هم هل الفزعات وأهل للشدايـــد .... شيخهم زايد ولـه قـدراً كبيـــــــــــــــــر
قالت اسمع لا تفارق هالمكــــان .... ولا تحاول لو يطول ابـك الزمــــــــــــــان
حد علمي من صلاله في عمــان .... انكشفـت وبيـن السـر الخطيــــــــــــــــر
قلت والله ما وصلتي للجـــــواب .... وكل وصفك جاوز حدود الصعــــــــــــاب
يا عسى مسقط يغطيها سحـــاب .... وتزدهر بالخير فـي جـو مطيـــــــــــــــر
قالت سعودي ووصفك ما يضيع .... هم هل الشيمة وأهل قدراً رفيــــــــــــع
كل بيت شامل حب الجميـــــــــع .... ديره ابـن سعـود يحسـب للمجيـــــــــــــر
قلت والله في كلامك صادقـــــــة .... ديرتـي يـا بنـت السعودية وشمسه شارقـة
كما سحاب ومزن شعشع بارقة .... مملكة والجـود فيهـا مـا يحيــــــــــــــــر
أضحكت ضحكة وقالت واهنـــي .... من بقربـك لـو بساعـة يهتنــــــــــــــــي
السعودي صعب راسه ينحنـــــي .... وان حنى راسـه يعلـه للكسيـــــــــــــــــر