اهداء الى بنات المملكه,,,

احبك وربي

❤️ نورت تغاريد ❤️

إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال

وإن بغيت الجود فيها الجود من عـرقٍ أصيـل
هذي ( بنت المملكه ) بنـتٍ تضاهـا بالرجـال

ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال

أي وربـي للسعوديـه انـا مارضـى بـديـل
يا بعدهم يالرطب ياللـي كسـر سـوق الخـلال

يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال

إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال

من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال

إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال

إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال

إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال !!


مــع تحيـــاتي
احبـــ وربي ــك​
ملاحظه: ارجو من المشرفين نقل الموضوع الى منتدى القوافي
 

ويلكـ من الله

⭐️ عضو مميز ⭐️
مشاركة: اهداء الى بنات المملكه,,,

كلماات رائعه وجميله ويستااهلووا اكثر

ويعطيك الف عاافيه اخوي احبك وربي
 

nosa

⭐️ عضو مميز ⭐️
مشاركة: اهداء الى بنات المملكه,,,

هههههههههههههههههههه
لا فيني اناااااااااااا
تسلم احبك وربي
 

فهدة بنت فهد

⭐️ عضو مميز ⭐️
مشاركة: اهداء الى بنات المملكه,,,

اجمل قصيدة قرأتهاوارشحها قصيدة الموسم .. الف شكر على اعظم واجمل اهداء

لاننا لاول مرة نسمع اطراء من ابناء بلدنا !! دائما قصائدهم في غيرنا ومن هم اقل منا خَلقا وخُلقا!!

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

صدقت فما ذكرت الا الحقيقة والواقع ...
 

احبك وربي

❤️ نورت تغاريد ❤️
مشاركة: اهداء الى بنات المملكه,,,

بصراحه انا سعيد جدا بتفاعلكم مع القصيده
وبنات المملكه يستاهلوو كل خير
وان شاء الله القادم افضل
 

احبك وربي

❤️ نورت تغاريد ❤️
مشاركة: اهداء الى بنات المملكه,,,

تسلمين اختي فهده على ترشيحك للقصيده
وكلامك بصراحه وسام اعتز فيه من اخت عزيزه وغاليه

مع تحياتي
احبك وربي
 

الحلاكله

⭐️ عضو مميز ⭐️
مشاركة: اهداء الى بنات المملكه,,,

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

تسلم وصف ررائع وصح لسان قايلها

والف شكر لك
 

احبك وربي

❤️ نورت تغاريد ❤️
مشاركة: اهداء الى بنات المملكه,,,

تسلمين الحلا كله
وانتي اروع واروع
يعطيك العافيه ولا يحرمنا من مرورك
 

المتواجدين حالياً (عضو: 0, زائر: 1)

أعلى