مشكلتي

السلام عليكم ورحمة الله وبركاته

حابه أعرض لكم مشكلتي واتمنى تساعدوني فيها

انا انسانه حساسه جــداً وابسط شي يأثر فيني تتعب معدتي واعاني من الألم فيها

قبل شهرين واسبوع قدر الله يتوفى شخص قريب لي

يعلم الله ان موته أثر فيني بشكل كبيييييير
وكانت صدمممممه لنا رغم انه كان مريض بالمستشفى
الحمدلله على قضاءه وقدره ..
الله يجعله ويجعل موتي المسلمين في الجنه ،،


لكن ما اخفي عليكم تعبت كثير ومازالت حزيييينه جعلكم ماتذوقون الحزن ولا يمر يوم الا ابكي لا شعورياً عليه ماني مستوعبه اننا فقدناه..

واتخيل شكله كل شوي واقعد افكر كيف تغيرت ملامحه بالقبر وش كان وده قبل لا يموت واكيد كان يتمنى يحضن عياله قبل لا يموت

امور وافكار والله متعبه ومالها نهايه براسي

اعاني من معدتي زاد الالم فيها من الصدمه

احاول اشغل نفسي بأمور الحياة لكن ماقدرت انساه

الحزن يعصر قلبي من اشوف زوجته واطفاله الصغار

قرب رمضان الله يبلغنا به

ماودي يجي رمضان وانا باقي فيني هالحزن الكبير

تعبت والله 💔​

وعليكم السلام و الرحمة

اولاً خلينا نمسك جانب حساسيتك
وبسبب فرط حساسيتك المعدة طبيعي تتأثر
وممكن تؤدي لامراض القولون وغيرها لان القولون مرض نفسي اكثر من كونه عضوي


كونك انسانة حساسة لازم تنمي ذاتك وثقتك وحبك لنفسك
وتتابعي دورات مثل توكيد الذات او تعلم الاستقلالية بمشاعرك راح يفيدونك هالدورات وتوعيّ تفكيرك
مثلاً تحسستي من امر طبيعي بالبداية تتأثري وتتعبي
بعدها خلاص حاولي تبرمجي مخك وافكارك انك انسانة واثقة حيل من نفسك
واعطي مخك اللاوعي عدة كلمات ايجابية
وانتِ قدام مرآيتك
انا انسانة استحق الحياة
انا انسانة اقوى من عاطفتي وقادره اتجاوز حزني
انا احب نفسي وماراح يأثر فيني اي شي
ومن هالكلمات الحلوه الي مثلك 🍬



ثانياً
الله يرحم ميتكم ويغمد روحه الجنة يارررب
ثانياً حبيبي لازم تعرفي ان ربي ارحم فعباده اكثر منا
هو ارحم ب اولاده وزوجته
وهو ارحم بقريبك لانه كان تعبان
تخيلي لو انه بصحته وعافيته ؟! مو راح تكون الفاجعه اكبر واقوى عليكم ؟!
لازم تعرفي ان هذا طريقنا كلنااا
ولازم تؤمني بأقدار الله ماتتخيلي تخيلات تجهد افكارك
لان احنا اذا متنا جسدنا مجررد جسد
ارواحنا هي الي تروح لرب العباد
انا هالسنة ماتت جدتي ومات عمي ومات انسان قريب حيل لقلبي والله
اول ماماتت جدتي حزنا كثير
وجتنا وحدا بالعزا حذرتنا
قالت انتبهوا ترا (الحززن يجر حزن )
وفعلاً بعد جدتي ماتوا 2 عزيزين ع قلوبنا
لان سبحانه ما امرا بالعزا 3 ايام الا لان حزننا مايتعدا 3 ايام

ف لازم انتِ الي تقوين الي حولك وتتحرري من افكارك الي تجهدك 👌🏻👌🏻
تتخلصي من عاطفتك المفرطة


وتعوذي من الشيطان لانه يجري بمجرى الدم ويشغل الانسان بأفكار مالها نفع ويشغلك وينسيك انك تشكري ربك ع نعم حولك 👌🏻👌🏻

احصي ايجابياتك والنعم الي حولك وخليك ممتنة لها
واحمدي الله ع حالك والحمدلله انه شخص قريب مو شخص يعز عليك حيل

حاولي تبعدي عن الفراغ بقدر ماتقدري
تلهي نفسك بدورات عن بعد بقراءة كتب اي شيء ياعسل
المهم اطوري من نفسك بدل ماتفدني ذاتك
صدقيني لما تريحي بالك معدتك من نفسها بتخف وتنسي الامها

واهل ميتكم صدقيني ان ربي بيسر امورهم وربي ماينسى عباده

ولا تنسي تشتري جلابية رمضان وتتكشخي 😉😚
انا فهمت شخصيتك من بين سطورك
انتِ تحتاجي تعيشي دور البطله بدل دور الضحية 😉


💋🍬​