نرج ـسية

أُحَآديةُ الهَوى ..!
مشرفة
-
السلام عليكم ورحمة الله وبركاته ..!

وحده من لا يحتاج مقدمة تعريفيه فبمجرد ذكر اسمه تعلم بأنك أمام فخامة الكلمة .. وصدقها .. وضميرها الحي ..
"
الشاعر الإنسان "
قصائده تنطق بلغة القلب.. المجتمع .. العقل .. الحياة بشكل عام .. وتستنطق الأرواح والعقول ..!
ولان الكلمات يستحيل أن تنصفه .. وضيف تغاريد الوحيد الذي لن يتكرر ..!
أترككم مع من يقول هو ذا " سالم السيار " ..!
:
591909


:

-
نبدا بـ قصة ليه :


591910

:
لـيـه ..!
هذا هو اللي تبيه
اني ارحل من حياتك
وأشعل عيوني بـ ( ليه ) ؟
بس خلاص
هذا هو اللي قدرته
وقدرك ربي عليه
بذمتك هذا كلام
اني ارجع من جديد
أرجع افرش
كل تعب عمري
وانام
هذا هو اللي تبيه
وهذا هو اللي قدرته
وقدرك ربي عليه
اني ارحل من حياتك
وأشعل عيوني بـ ليه ؟
بس خلاص
بذمتك هذا كلام
أني ارجع من جديد
أرجع افرش كل تعب عمري
وانام
زين لحظه !!
لاسألوني الناس وينك
وان دروا ضحكة عيونك
عن عيوني
سافرت ردت لعينك
بذمتك قول وش اقول
قول قول
قول قول
الله يخرب بيت بيتك
توني يادوبي بديت
بعت عمري و إشتريتك
خطوه خطوه و إشتريت
توني بأطراف البدايه
مدري وشلون إنتهيت
ياخي حس
والله عيب اللي تبيه
أني ارحل من حياتك
وأشعل عيوني بـ ليه ؟
لاجبينك شمس واحساسك مطر
لاعيونك شوق وشعورك دفا
جبت لك بيدي إبتسامات العمر
ليه تكسرها على اطراف الشفا
شوف بعثرني احتياجي بالنظر
شوف وجهي امتلى منك بأفا
ماتجي منك ولكن يابشر
ماانت اول من طعني بالجفا
أبرك ادفن كل جروحي بالسهر
ولا افكر من ورى قلبك شفا
ول ياقلبك مايجيب الا القهر
ول ياعمرك ماعرف طعم الوفا
والا أنا مثل النهر ابقى نهر
من تحوسه ترجع تشوفه صفا
فيني والله احساس لامنه ظهر
يشعل ضلوعك إذا قلبك طفى
هذا هو اللي تبيه
وهذا هو اللي قدرته
وقدرك ربي عليه
بذمتك هذا كلام
أني أرجع من جديد
أرجع افرش
كل تعب عمري
وأنام
وين أروح !!
شلون أجيب
لقلبي المجروح
روح
هذا هو اللي تبيه

:

591911

:
مو معقوله تجي منك وترميني لاي انسان
............... يلملمني ولا يلقى بعيوني غير دمعاتي
انا ماصدق انك انت تنهيني من الوجدان
............... وترميني وانا اشوف القبر نادى مسافاتي
وكسرني الشتاء ياوليد وانت بداخلي دفيان
............... تحملت الاسى والظيم عشانك يابعد ذاتي
وصحى بي البرد واللاهوب وانت بداخلي غفيان
............... تحملت السنين وقلت على الله تلملم شتاتي
انا امك ياهيـه امك حملتك والعذاب الوان
............... ولدتك والالم سكين يركز داخل لهاتي
وانا اثناء الوالده من بكى صوتك طعنت احزان
............... لاني شفتك بصوتك تنادي كل طموحاتي
ومهدتك فعين وعين يشرب حزنها القران
............... وهزيتك وكان النور يتهزهز من دعاتي
اضمك في يديني لاتجي وتقول انا بردان
............... تركت البرد لضلوعي رح انشد رعشة شفاتي
وزولك من ركض فيني لمست بداخلي اوطان
............... وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان
............... وكانت رنته من فلس خنقته لك بشيلاتي
كبرت وصرت بعيوني شجاعن واشهم الفرسان
............... وحلفت اني على عرسك لارقص كل شيباتي
اسولف للبشر عنك اقول ولا به اي نقصان
............... رضع عز الشهامه شب طموحه في معاناتي
وله شان الصقر لا لا اخذ منه الصقر له شان
............... يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان
............... وهم يدرون ماغطى منامي غير وناتي
افاااااا وشلون تتركني يكحلني عمى النسيان
............... وانت ادري فيوم الحشر جنه تحت خطواتي
لك الله مانطق صوتي لك الا بدعوة الغفران
............... ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
............... ويرمونك مثل امك وتذكر حلم شيباتي ..!

:
591912

:
غريب تبيعني وقلبـي فـداك بنبضـه وعمـره
............... وتتركني بشموس الويل وتاخـذ منـي ظلالـي
افا ماكنت احسب انك تخـون الملـح والعشـره
............... ولا فكرت يجيني يـوم وتتركنـي انـا لحالـي
تروح وتترك بقلبي طعـون الوقـت والحسـره
............... واداري جرحي عن عين الشماته وعين عذالـي
عطيتك من حلا ايامي وشربت من الوصل مـره
............... عشان اليا لفـت سـود اليالـي توقـف قبالـي
عطيتك حب في شريـان قلبـك صافـي نهـره
............... ولا بين في عينك يا ضعيـف النفـس والحالـي
نعم بغيابك اتشكـل مـن الاوهـام الـى جمـره
............... واحرق اللي بقى فينـي مـن الاحـلام وامالـي
هنا بحرق من اوراقي وهم مستقبلـي وقصـره
............... واحرق طيوفك بزفرة اسف مـن نـار موالـي
خلص كل الوفى بهالوقت ما فـي وافـي سـره
............... حبيب يبيع كل عمـره عشـان يعيـش للغالـي
وش اللي يجني هالطيب في هذا الوقت من صبره
............... ماغير الشوك وجروح اليـال وضيـم غربالـي
بوقف قلبـي روح العـب بعيـد وانقلـع بـره
...............اقص الراس لو مثلك يمر لو مـره فـي بالـي
بوقفني واقـول انهـا ضريبـة وافـي قـدره
............... بذرة الصدق ولا اتحسف على نكـران الانذالـي
نعم مجروح ولكن ما يطيح القلـب مـن كبـره
............... مثل ما اخطيت انا بحالي بوقفنـي انـا لحالـي ..!

:
591913


:

على هذا الشطر امشي واوازن عمري بالاحساس
............... يهزون الشطر حتى يطيح العمر واحساسه
وأناأمشي فوق جمرات الليالي وحملي الوسواس
............... أضل واهتدي أحيان من بالي ووسواسه
فتحت الريح كم مره وانا واقف على القرطاس
............... ركلت الحبر من شفت الصديق يفح خناسه
سكبت الخطوه في ضحك الزوايا المورقه من الناس
............... الين اشذرت في عمر الطريق وقلب جلاسه


:

591914


"
أسمع وإستمتع "
:

:
:
:
:
:eqb28:



 

نرج ـسية

أُحَآديةُ الهَوى ..!
مشرفة
  • كاتب الموضوع كاتب الموضوع
  • #4
-
591927

:
"
الجرآح "
عسى مازعلتك البارح وزودت الجراح جراح
................ عسى ما مرت الدمعه على اهدابك من اسبابي
جرحتك من كثر شوقي وخليت الكلام رماح
................ ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
................ تعال وشوف بغيابك غلاك شلون سوابي
حرام تغيب من عمري وتعطيني الفراق اوشاح
................ حرام الدمع في عيني مناديله هي اهدابي
غيابك يشغل عيون الزوايا ويمتلي اشباح
................ وانا انثر صوتك بقلب المكان واشعل ابوابي
تلفت للامل دام الرجاء في عمري يلواح
................ اناديلك ولو شرهت وصولك تقطع اعصابي
ابيك الجاي من عمري انا ما ابيك شي وراح
................ ما دامك اجمل واخر ما دامك اول احبابي
ابي ارتاح يا عمري انا ادري هم تبي ترتاح
................ تعال وقبل ما افرح ترى تفرحبك ثيابي …
احبك احبك …
يا بعد عمر الحزن والجرح والافراح …
احبك احبك …
كثر ما نامت عيونك داخل اهدابي ..!


:



" كذبة أحبك "

 

نرج ـسية

أُحَآديةُ الهَوى ..!
مشرفة
  • كاتب الموضوع كاتب الموضوع
  • #5
-
591929


:

تضحك تظن الحزن أنك دفنته
........... أخفيت حزنك صح لكنه بانك..
ظنك طعنك العمر / والله طعنته
........... من قبل يكونك موت كونت كانك..
ساكنك جوع وجوع غيرك سكنته
........... [ماعشت نفسك يوم مره عشانك]
الطيب صنته لكن البخل خنته
........... ماصنت نفسك لكن الطيب صانك
تبي الصراحه كل هالكون عنته
........... اسمك يسافر فيه وأنت بمكانك
ماتنعوج بأنذال والطيب صنته
........... لو تنعوج بأنذال عدلك شانك
لاماسجنك الطيب والله سجنته
........... أطلعت كفك قبل يطلع لسانك
طيبك و صنته..أعرفك كيف صنته
........... أن خان كفك قالوا الطيب خانك ..!

:



"
الحياة والقلق "

 

نرج ـسية

أُحَآديةُ الهَوى ..!
مشرفة
  • كاتب الموضوع كاتب الموضوع
  • #6
-


:


أعقل عن الفزعات .. واكبح جنونك
.................... احيان من ربعك تجي دايم صويب

خل الفراسه نظرتك في عيونك
.................... ولا بد من بين الذيابا تجي ذيب

احيانا من طيبك ترى يجرحونك
.................... وبعض الجروح احيان لا يمكن تطيب

طيبك يكون الكف منهو يصونك
.................... والطيب لـ نفوس الرديا ترى عيب

احيان هقواتك تصيب وتصونك
.................... واحيان لا والله تخونك ولا تصويب

اللي تهقابه طيب خيب ظنونك
.................... واللي تهقابه شر يجيلك على الطيب ..!

 

عاقل المجانين

[كاتب تغاريد]
السيار


كبير شعراء جيله
استاذ الشعر ومدرسه الإلقاء المختلف
طاروق متفرد وتقطيع مميز
لو قسناه بمقايس اليوم
فهو الترند وهو قمه هرم المؤثرين

تواجده بيننا يعني بقعة الضوء المسلطه
على تغاريد تضاعفت

اهلا وسهلا بشاعرنا الكبير


العميده الله يعطيك العافيه على جهودك
كلمات الشكر لاتوفيك على جهودك في تغاريد

وهذا واضح جدا في قيادتك لقسمك
الي يعتبر بالتأكيد الاميز بين الاقسام
 

المتواجدين حالياً (عضو: 0, زائر: 3)

أعلى