تجربتي مع علاج الحبوب واثارها مع الشرح // شرح مفصل ✅✅

حَمامة ألدَّوح

حمـامـة 🕊 "
مشرفة

❤🍁

السلام عليكم


هلووووو حبايبي شلونكم
اول شي اني مو دكتوره ولا خبيره بالبشره
لكن اتكلملكم عن تجآربي
وهاي تجربتي مع حبوب البشره
كنت امسح بصور عندي زايده بالتلفون وشفتهم وتذكرت تجربتي
وگلت خلي افيدكم

طبعا من فتره صارت بوجهي حبوب بسبب بروتين بالجم فصار عندي حب بوجهي مو طبيعي

اني للأسف مارحت دكتور
لكن استخدمت علاج حبوب لاخويه كونه قبلي كان يعاني شويه من الحب وراح للطبيب وعمل فحوصات وتحاليل وكتبله على علاج تنشيف الدهون اللي بالبشره وبنفس الوقت مقشرات
اني استخدمتهن بدون وصفه او استشاره من عندي طبعاً استخدمتهم فقط ١٢ يوم وبهذي ال ١٢ يوم حيل تأذيت
اول شي صرت ادوخ حيل
وثاني شي تعب مو طبيعي
ومعدتي تتقلب
واضافري تكسرن
وشعري صار يوقع بشكل مو طبيعي جداً مخيف
وصابني هبوط بالضغط

يعني بالنهايه رحت للدكتوره كنا بوحده وصارت ثنين 😁💔

المهم الدكتوره طلبت مني تحاليل وفحوصات والعلاج كاان مايلائمني اللي استخدمته من اخويه
كتبتلي على نوع حبوب مراح اگوله الكم لان ماريد تجربتي التعبانه تنعاد
وكتبلتي على كريم الاكرتين راح انزل صورته هذي اول مرحله من العلاج
خلصت كورس العلاج مع الحبوب والاكرتين
الاكرتين بين يوم ويوم اخليه ساعتين قبل النوم وبعدهه اغسله وانام
تذكروا انه الاكرتين ميصير اللي يستخدمه يطلع بالشمس بدون واقي شمسي عالي وضروري ضروري مرطب بشره

نرجع نكمل // البشره اللي يصير بيهه حبوب عميقه بعد تنشيفها يحتاجلها تدخل طبي واجهزه حتا لاتبقى اثار حبوب وحفر
و بعد مانشفن الحبوب نهائياً من الجلد
لان ميصير تعالجوهه ب الـRF
وبيهه حبوب لان يلتهب الوجه
عالجتني الدكتوره بجلسات (( Microneedling radio frequency ((RF

طبعاً جلسات RF فوائدها تجدد الخلايا وتحفز الكولاجين بالبشره وتسد المسام ويزيل اثار الحبوب والحفر بالوجه عن تجربه
استمريت على جلسات
RF لحد ماصفى وجهي تماماً اني بشرتي كانت صافيه بس اللي تعبها الحبوب
وبعدها سويت جلسات ليزر كاربوني

الليزر الكاربوني يوحد لون البشره وينطيها نظاره ويزيل التصبغات و يعادل نسبة الدهون بالبشره الدهنيه
لهذا ماانصح بيه للبشره الجافه ينشفها
طبعاً كله باشراف طبي تعلمت اني مااخذ شي بكيفي ومااروح لمراكز تجميل فقط طبيبتي الجلديه والحمد لله بشرتي رجعت مثل قبل بنظارتها وصفائهآ

ملاحظه مراحل علاجي كله ماكنت اطلع بالشمس واذا طلعت لازم واقي شمسي للوقايه من اشعة UV
والشرح بالصور موثقته حتا لا انساه 😊

وهاي الصور حبايب مو تخافون 👇👻
واي استفسار اني حاضره
ترى صارلي ٣ ساعات اكتب
عيوني سوربن 😁

والايفون خلص شحن مرتين
وفقرات رقبتي تشنجن 💔😂

ملاحظه
امنع منعاً باتاً
نقل مواضيعي
لغير منتدى او صوري
لان موضوعي مجهود شخصي
وتجربتي اني. شخصياً
واني مامسجله بأي منتدى
غير تغاريد انزل بيه تجاربي
551904
551905
551906
551907
551908
551909
551910
551911
 

التعديل الأخير:

حَمامة ألدَّوح

حمـامـة 🕊 "
مشرفة
ماشا الله عليج
مجهود خيااال
ويارب يستفيدون البنات الي بشرتهم تحتاج

عساج عالقوه كابتن😍❤

الغاليه شاهه فدوه لعينچ
ويگويچ ربي ويعافيچ
يستاهلون التعب الحبايب
ولعيونكم كلشي يهون
تعبكم راحه
❤🌸
 

المتواجدين حالياً (عضو: 0, زائر: 1)

أعلى