•  :.البقاء في المنزل سلاحنا الأقوى بإذن الله:.

مواسي

[شاعر تغاريد]
-
صبّحكم الله بـ الخير والمسرات .. والرضا والبركات ..!
وتقبل منآ ومنكم صالح الأعمال ..!
بمأن الجميع ماشاء الله متفاعل هذه الأيام والكل تقريباً موجود ..!
حبيت أنزل لكم م هـ الأبيات اللطيفة الخفيفة ..!
واتمنى أن تنال على إستحسانكم .. وترتقي إلى ذائقتكم وتحصل على تفاعلكم ..!

:
يا حظيّ العاثر صرنا قرابه

............ صرنا جسد واحد ولا به مرُوات

لون الفرح والحزن فينيّ تشابه
............ حتى رسول " الصبر " في داخليّ مات..!


صباحك ومسائك جنة يانرجسية
وتقبل الله منا ومنكم صالح القول والعمل
صح لسانك لاخر حدود الحرف
في كل اطلاله لك تُثرين الواحه بجميل هجسك
وتعطين مساحه للشعر
لاعدمناك
"

ابياتي تقتبس من واحتك العزيزة لكنها تغرد خارج السرب
انقادت لخاطر لدي ولم استطيع منعها

:


البارحه خايلت وصلك سحابه
.....................مشتاق لبروقك مواقيت لحظات
تعال علمني حروف الكتابه
.........................مابين طاريها تعبت التلفات
تركتني ياشوق باطراف غابه
.......................وحيد تزعجني مع الليل اهات
كنت اعتذر للحلم يامن سرابه
.....................واليوم تشربني ضما كبد ولهات
الي طواه الياس متعب ركابه
.....................يسهر طوال الليل للصبح مابات
اصحابنا صارو وحوش وذيابه
......................واحبابنا ماهمهم غير خذ هات
الكل منهم ينهش الصبر نابه
..................درب السلامه وين هيهات هيهات
لاياوجودي وجد من صك بابه
...................يبغى السعاده والسعه والمسرات
عيا عليه الوقت ماراح جابه
.....................يوم خلعت بابه من الريح هبات
يامن وقف محتار يرقب شبابه
..........................لايارد لدجله ولا يارد فرات
الوقت مايدري وش الي نوابه
........................ماعاد يدرك فالميادين وقفات
والي يضيع في حياته صوابه
....................دنياه ماتسوى ولا فرسن الشات
في كل يوم يزيد حلمي غرابه
.......................ويطول مابيني وبينه مسافات
ماهمني منهو ضميره غدابه
.......................ولابعد منهو على الظن يقتات
ولاحسبت احساب للي غيابه
...........................مايطلبه مدرك تمناه لافات
همي وغمي واحتياجي ومابه
.......................الي يشابه طلعت الجود مدات
ماهو بلا قشه ولاهو هبابه
.....................ذاك البحر في عمقه اللول نبّات
في صبغته للي يعرفه مهابه
.......................يكفيك لامنّه حضر كل غايات
وين انت يامن فيك وسع ورحابه
..........................متى تبدل نار فرقاك جنات
ياصاحبي صاحبك محدٍ درى به
.......................حمله ثقيل وزايد الوقت علات
محتاج لك لا راح صبري نهابه
......................تعال ماني فيك راعي مهادات
الي يراضيني بوصله جنابه
.....................كني بوصله حي والعالم اموات
وقفت مع نفسي ولاهي طلابه
............(على رصيف الشمس في رحلة الذات)
لولاك ما خايلت وصلك سحابه
.....................مشتاق لبروقك مواقيت لحظات




مواسي ...
والقوس لـ عناد المطيري

 

المتواجدين حالياً (عضو: 0, زائر: 1)

أعلى