ماجد بن عجاج

.. شاعر ..
[شاعر تغاريد]
يطيب لي ويشرفني طرح قصائدي و ابياتي بين كوكبة من المتألقين و الممتعين شعرياً . و الشكر لاصحاب هذه المبادرة و لصاحبة الجهد المبذول و الملحوظ المشرفة و الشاعرة المتألقة / نرجسية


..........................................................

تبين الصدق .. يابنت الوفا .. وش موقفي بـْليّاك؟
بعــــــد مـ افــراقنا أثـخن أمـلنا بالطعون و مـات


خذي بعض الحزن فيني كتبته مـن ضميـر وجـاك
ابطلق لك على اوراقي مساجينـه من الآهاااااات


اخاف ظنونك( بصمتي) تهيـئ لـك ابـي انسـاك
اخذت الصمت لي حيلـة يعوضنـي عـن العبـرات


ولكـن لا تذكـرتك .. دمعـتك .. والكذب يفـداك
تخيلتك مع غيري .! امانة كيف عينـي تبـاات .!؟


اذا الليل انتصف و اقبل نعاس العين يتغشاك
يضمك.. يـزرع بوجناتـك الحمـرا بعـض وردات


و يَعرف ماعرفته من خبايا .. شَعـْر كـم آذاك
اذا زحتي كذا قذلة على وجهـك .. بقـت خصـلات


يحيطك في سواليفه مـ بين اعشقْك .. بين اهواك
و أنا أدري بردّة أفعالك .... على هذي الغراميات


يدوّر راحتك حتى ينالـــه من رغيد رضااااااك
و انا ادري براحتك ... راحت..معَ بسمتْك مجبورات


انا مالومه لشخصه و لا نـنلام انا ويّــاك
اذا أهلك يسومونك و لاغلا سعر... قالوا : جــات



يكفّي من فقد .. بدر السعـادة .. فـي زفافـك ذاك
يكـــــفّـي عينـه تشاهـد مشاهـد هـذي اللحظـات



نـوى يرسـم ملامـح للبعـاد المضنـي الفـتـاك
نوى شاعِرْك .. يوصف لك بقايا الحب في كلمـات



ضمى بَعدك و لاقرّب (غدير الغيد) .. يذكـر (مـاك)
رحل غصبا .. الى صدّه .. تجرّه للورا .. لاءااااات



تسامى عن خنا الـزلات مــــ تهمـه .. إذا عـلاّك
على عرش الوفا سلطـان يستعبـد بـه النـزوات



هنا استجمع قـواه اللـي أخيـرة قال:بتناساك
مثل مافـت ّ مـع غيـره قطـارك يالامانـي فـات



هنا نادى .. مناديـــل ٍ عـليها كاتبـه يمناك
مـعَ اغـلا الهدايا منْك و ألبومات .. معزومـات



على حفلة من النيـران (تحييهـا) جميـع أشيـاك
لعلّ و ياعسى عينه و هو عنّك بعيــد .. تـبات
 

ماجد بن عجاج

.. شاعر ..
[شاعر تغاريد]
  • كاتب الموضوع كاتب الموضوع
  • #2
عزّي لهم...بعض الرجال العفيفين
محــتاج لكن حاجـــته ماتــذلّه

قليل مــا جرّح يــدينه مــن الدّيـْن
و مامرّ بلسانه سوى (الحمد لله)

يرسل سؤاله اذا احـــتاج بالعين
و الفاهم اللي يســتشف و يحلّه

تاجر صبر مصدر تجاراته الدِّين
يبذخ صبر لاي مشكلة و اي علّة

جدول حياته قاسمه بين شيــين
يسعى ورى رزقه و أمل مايـملّه

يوزن اموره زيـن فوق الـموازين
و ماياخذ الاّ مـ اتـّسَع في محلّــه

تجلس مَعَه تاخذ و تعطــي و لا يّبين
في جلسـته غير ابتـــسامة و فلّة

اتضحّكه نكتة و يطربْه بــيــتـــين
باله وسَـــع للضحك و الحـزن كلّه

فصيلته في ذا الزمن واحد ... اثنين
مابين عشــــرة مايساون ظــلّــه
 

ماجد بن عجاج

.. شاعر ..
[شاعر تغاريد]
  • كاتب الموضوع كاتب الموضوع
  • #3
سؤالي عنْك ما يعني رجوعي
و لكن قلب من خلف الضلوعي
.

بغى يسأل عليكم بعد مدة
و جيتك حسْب رغباته و طوعي
.
و لا شفّي ادوّر فيك حاجة
و لا مذعور.. اهدّي فيك روعي
.
و لا اتظنين هارب من همومي
و من طعناتها تنزف دموعي
.
هي الذكرى الجميلة لك خذتني
جحودي لما مضى ..ماهو بطبوعي
.
و لا آكل من البستان و ارحل
و اخرب كل زرعه بعد جوعي
.
و لا فكرت ... في غيرك افكّر
ربوعي مثل ماهي .. هي ربوعي
.
و اذا الانسان له شكله و نوعه
أنا باهل الوفا تلقين نوعي
.
لذا حطي في بالك يوم انا أسأل
وفا منّي و لا يعني رجوعي
.
 

ماجد بن عجاج

.. شاعر ..
[شاعر تغاريد]
  • كاتب الموضوع كاتب الموضوع
  • #4
تكبّري بالــصــمــت ... وش لـه ترديــن.؟ /// على مــديحي فـي هــواك وســمــوّه




ياجاهلتنــي .... كــثـْر ماانــتــي تــمــادين /// يكثـر فضولي في غموضــك و أتـوّه





أزهم(عطيــنــي وجــه).... ياللي تــعوفيــن /// وّجهـك من البـسمـات .. ألحظ خلوّه





اعشــق بــرودك ... فاهمــه زين مـازيــن /// على الشفـايف يـنتـصر قــول (توّه)



(توّك) و (مايمـــديك)...(لسّى) و (بعدين) /// وجيهٍ (لصبري عليـك) ... و هـــدوّه


و(الهل عساها) و(المتى) وعسكر(الوين)؟ /// مستــنـفريني ... بغيبتك و(التــأوّه)


حتــى زرعت الشــوق في داخــــل العيــن /// قطفت في رؤيــاك ... حاصل نموّه


كملتــها ... وعــدّيــت حــدّي .... لخديــن /// خــطــفت بُــوسـة ... مالها بالأخــوّة


مــمــكـنّ هالـبوســـة تــخــليــك تبــكــيــــن /// عاادي ولا بهتم ... لكـن ... بنــوّه :


الــحــب .... لعــبة مــاتــعــرف القوانــيــن /// مهزومهــا باحيان ... يزداد قــــوّة


خصّة لِــيا من كــان مـعــشــوقــتي (لِـــيــن) /// (بنتي).. لها مليووون بوسة أبوّة
 

المتواجدين حالياً (عضو: 0, زائر: 1)

أعلى