بقايا ابيات

[شاعر تغاريد]
بسم الله الرحمن الرحيم



" مرتجله "
٣:٣٠ ص

١١ يوليو ٢٠١٩


a6.top4top.net_p_1287nicnq0.jpg


مانسيتك لجل ارجع واذكرك
لو اغيب بكل احساسي معاك

علميني كيف قلبي ينكرك
انتي غيابك عن عيوني هلآك

يوم افكر بك
خيالي يسكرك
والمشاعر كلها تتبع خطاك

يافديتك يوم فليتي شعرك
اتغزل بك وعضيتي شفاك

ليت لي قدره بحرفي اسحرك
او انقص وسط قلبي من غلاك

((
عضمتين ٍ عذبتني بنحرك ))
ياعقاب اللي بلا ابوك ابتلاك

لاتلوم عيوني اللي تسهرك
شوقي البردان ضميه لدفاك

شاعرك كاتب بصفحة دفترك
( السعاده والفرح لحظة لقآك )

حاجة ٍ وحده تحيّر شاعرك
كيف ينادونك مها وانتي " ملآك "؟





٣:٣٠ ص
١١ يوليو ٢٠١٩

 
التعديل الأخير:

بقايا ابيات

[شاعر تغاريد]
  • كاتب الموضوع كاتب الموضوع
  • #2




"غمضت عيني"


مدخل :
ياجعلها ترضيك ياصاحبي @ذاك
وان قلت لي ( تكفى ) فلا اقدر اردك

_____________

قندتلك دلة قصيدي على النار
فنجالها راسي وقافي قدوعك

ومجلاسك بعيني وروحي لك الدار
وقلبي تتكآبه على حد كوعك

عن وصلنا مابي تقدم لي اعذآر
وعن حبنا مابيك تعلن رجوعك

تعال يكفي عناد لاعاد تحتار
نوّر حياتي فيك واشعل شموعك

بسقي جفافك والصحاري بك انهار
من اول اغصانك الى آخر فروووعك

قلبك مثل لون السماء بعد الامطار
والشمس نورك وقت لحظة طلوعك

لو تعلنين الحرب ، او تبغي الثآار
قلب ٍ سكنتي فيه يكسر دروعك

خايف جنوني فيك ياخذني اشهار
مجنون والمجنون وضعه يروعك


صمتي دليل اني من الناس منهآر
وبعض الخفايا يمكن انها تلووعك

غمضت عيني ، عن سواليف واسرار
واشياء تجهلها ، بخفايا طبووعك

سبحان من بدّل حلا الوقت ، بأمراار
واصبحت فوق الحب! تحت آمر طوعك
__________________




مخرج :
لاتقول لي ( تكفى ) انا كلي فداك
والله ما اقدر بعد تكفى اردك




 
التعديل الأخير:

المتواجدين حالياً (عضو: 0, زائر: 1)

أعلى