.. ديـ J e f a f ــوان !

j e f a f

الذكريات ..
[شاعر تغاريد]
كيف الحركة حقت العنوان ؟ monk:coldsweat:
قاعد اتخيل انه عنوان كتاب monk:closedeyesmile:

.
.

المهمة الاصعب ف حياتي .. وهي اني ارجع اجمع اشياء ربما اجد البعض منها في مفكرة الجوال وبعضها في المنتدى وبعضها بالتأكيد ذهب ادراج الرياح .. لكن باذن الله هنا البداية لكل جديد وقديم .. بما يخص هذه العضوية .. ومانشر في هذا المنتدى او تويتر او خارجه .. وبالله التوفيق ..

شكراً للادارة ومشرفي القسم على هذه اللفتة الجميلة .. :wrda:

تنبيه : قد تكون بعض القصايد فيها اخطاء او ملاحظات تقبلوها كما جاء بها زمنها وامكانياتها ..
انا تعديلي قليل جداً وقت ماتنزل القصيدة .. اما اذا تعديناها ف تبقى كما هي ..

وحياكم الله ..
 

j e f a f

الذكريات ..
[شاعر تغاريد]
طبعاً يهم اي شخص متابع ..
يعرف اول قصيدة بديت فيها في الديوان هنا في تغاريد :smileskisses:
البدايات اذا ماعندك قابلية تسمع كلام الجمهور ف مستحيل تتقدم خطوة ..
نص البداية .. كسر حواجز كثيرة واظهر اشياء كثيرة ..
رغم بدائيته وبعض الملاحظات اللي ذكرت ف الموضوع .. خاصة لمن عنده اللحن اهم شي في التركيب والوزن ..


كنت احبك وانتهى بي موعدك ..
وآبتدى بي ليل نبضاته عَنآ ..
فيمامضى كان ودّي آسعدك ..
وآوقدك شمعة بآحضان الهَنا ..
ياخسارة ظرفك اللي آبعدك ..
ياجفاف آرض المفارَق والفنى ..
لو تسأل الآفراح عنّي تِنشدك !
ليه تهدّ آحلام قبل لاتِنبَنى ..؟!
وليه الألم صاير اللي يوعدك ..
إنّه يكون بكلّ ذكرى بينّنا ..؟!
ذاب الوجع في خيالٍ يطردك ..
ذاق السراب ولا آرتوى به مِنّنا ..
آنشطر قلبٍ عروقه تُوردك ..
هو بقى شي ماتكسّر وآنثنَى !!
آختفي طيف الأمل في آسوَدِك ..
حتى آنا صاير تراني مو بَنا ..!




https://vb.tgareed.org/t/405236/
 

j e f a f

الذكريات ..
[شاعر تغاريد]
واما قصيدة الانطلاق .. ومحاولة التصاعد في الكتابة رغم بقاء الملاحظات بالتأكيد خاصه انها زمنياً قريبه جداً من اول قصيدة كتبت ..
هي شي ماينسى ابدا .. ودائما ما ارجع لها وكأني كتبتها بالامس .. واتذكر كل تفاصيلها ...
وفيها ايضا أمر راح اظهره ..
كل شاعر في داخله يعلم يقيناً بأنه يستطيع ان يقدم نص كامل متكامل الصور والمفردات على بحر معين يجيده او يستطيع ان يترجم فيها المعقول واللا معقول من افكاره ..
ومن هنا كثير من القصائد ستشاهدون انها على هذا النمط
اجد فيها كثيراً من نفسي وما اريده وما احاول ان اصوّره وابعثره وارسمه ..
رغم انها طويلة ونفسها صعب اذا كان الامر يتعلق بالتصوير والمفردات والقافية المرتبطة بالشجن الفكري والعاطفي .. لكن كانت ايضا تجربة جميلة خلتني اتخطى الـ 10 ابيات للقصيدة ..


تقول القصيدة :

.
.


ألَا يَاكْبر معاني الحب ألَا يَآ أجمل التصوير
ألَا يَآ أصدق الامال واعذب سطر في كتابي
تركتك صورتي الاجمل بلا لمسة بلا تزوير
رجعتُ ومثلِ ماكنتي / بوقفاتك على بابي
اضمّد فيك احساسي وقلبٍ ملّ مِنَ التأخير
تشوف العين مِن كانت تِسَهِّر لأجْلَها آهدابي
ويعيش القلب مع حُبّه ولاَ همٍّ معاه يسير
وانادي في العشق موعد علاج كسور ابوابي
تعالي نغير الاوراق تعالي نجدّد التفسير
لكل اللي مِضى منّك وتمحي مِنَّه اغْيابي
وانا باخذ على كفي سنينٍ عِشتها تقدير
واقول اسف على عمرك يَ اوّل وآخر احبابي
رضيتْ إنّي اعيشك همّ صبرتي لاجل هَآ التغييّر
من اجل عيون رجعتنا صَمدْتي ونلتِي إعجابي
ألا يَاطْهر بقاع الحب انا اسف على التقصير
انا اسف اذا يومٍ / قسيت بِلُومي وعْتابي
احبك من هنا لآخِر حدودَ ألفاظي والتعبير
واحبك لو دَخلهم يأس / وعيّا حرفِ إنْجابي
رذاذ الشوق بِشفاهِك يذوّب عاشقك ويِصير
بدون احساس مايَشْبع من اللّذة وُمَاطَابي
اعيش بسكرة انفاسك ثمالة مالها تبرير
سِوى إنّي تِنفّسْتِك وصرتي كل اطيابي
عَطيني من وُصوفك غيم او آرويني مِنَ التّمطير
بلمعة كِحلِك الاسود من رموشك لأكوابِي
وعُذراً ياجموع العشق بدون مقدمة وتشفير
على المكشوف تِلعَبها وأسايرها بِ ألعَابي
ترُو طالت بنا الغيبه وزاد بشوقها التأسير
جموح العشق مايعيبه بسِلْبٍ كانْ وِايجابي
وانا في عز حاجاتي لفاني مِنّك التبشير
رجوعك رجّع الدنيا شِبابُ وازهت اثْوابي
رسمتك بالسما حلمٍ وهَلّت بك سحابة خير
كتبت مِن الفرح ابيات بديته قبل يبدابي
هَلا يَاكْبر معاني الحب هلا يَآ أجمل التصوير
هلا يَآ أصدق الامال واعذب سطر في كتابي
هلابك قلتها مليون ولها في داخلي تكرير
جمعت من العَرب حَكيٍ وقاله فيك تِرحابي
لِقانا اجمل الاقدار لِفاني والاماني تشير
على روحٍ وضمّتها تزيّنّي فِ جِلبابي
تركتِك صورتي الاجمل بلا لمسة بلا تزوير
رجعتُ ومثلِ ماكنتي / بوقفاتك على بابي


https://vb.tgareed.org/t/408595/
 

j e f a f

الذكريات ..
[شاعر تغاريد]
وبعد هذي القصيدة .. راح جفاف نكب نفسه ب قصيدة ابياتها اطول .. وعادة المستجد في الشعر يقصر الفكرة والابيات حتى يقلل اخطاءه .. وهنا يعني تبين ان الشعر له حواس كثيره قد تملك في بعضها ومن ثم تبدأ في تتابع الاخريات والحصول عليها ..


انا هنا حقيقة ..
اعلن ان بداياتي للشعر في تغاريد هو المحطة الاولى واللي اتواصل فيها الان ..
لذلك اعلم اني قليل القراءه وغير متابع ف كنت اعتقد ومازالت ان التطور سيكون بنفس الاهتمام بالقراءه والاطلاع ومتابعة القصائد ومحاكاة الشعراء الكبار ...
قد لا يتصور البعض ان عضو ف منتدى يكتسب شيئا من الفنون من خلال القسم اللي يهتم فيه ..
والحقيقة انا مثال لذلك ..
فقط الديوان واحفظ كلمات الاغاني العتيقة .. وقلت بسم الله وطبيت :coldsweat:


بشْكيلَك الحال لَا والله إلا بشْتكيك
صدر الهَوى ضَاق واحلامنا آشقيتها
جَفّت عروق الدم وهي تصرخ تبيك
ولاَ مَيّلَت اشواقنا قَطَفْتَها وَارْمِيتها
طال انتظاري وعَيَّتِ اللُّقْيَا تِجيك
او بالاصح جاتِك / وانتْ مِنْ ردّيتها
ذبلت الخطوات ، وهيّا بين / ايدِيك
لَا إنْت اسْقيت الظُّمآ : ولَا خلّيتها
هِي ذَنبها فيك / تِتْبَع خَطاوِيك
بَآمْرَ الحنين بَآمْر الوَلَه سَرّيتها
مَاهُوب ذنْبي لو اصونِك واداريك
مِنْ زود مَا آبيك / غِيبِتكْ راعيتها
مير الجّفآ لازاد بآقْصى نُواحيك
طاحت اسْدانِ الآماني ولآ سَمّيتها
شوق الشتّا / فِي ضلوعي يناديك
ومعاطِف الاوهام مِنْ عُقبْ مَلّيتها
كِنّي مدينة خاضعه في مُوالِيك
وَسط الخرايط / اخذْتها وآخْفيتها
صار الكفن فِي كتابي امانيك
وَبْكلّ حرفٍ لِك / رايةٍ ذَكِّيتها
كذا تجازي اللي يحبك ويغليك ؟
وكذا تواسِيلِي / مُواجعٍ هلّيتها ؟
ماعلّموك إن الهَجر سنّته فيك !
وتقولُ لِي باكر / مواجعك لِقيتها !
وماعلموك إنّ الوفا طِبّ غاليك ..!
وارض المحبّة / بالجُروح انْديتها !
عيني تحبك / وغيرها اللي تِبَكِّيك ..
ولاجلهَا عُيونك / شُوفني بَكّيتها ..
نزوة غياب وصاحبَتْني مُوانيك
قَصَّتْ تذاكر رحلَةٍ / .. اهديتَها
لُون الرحيل اللي يعانق شُواطيك
في واحة الدّمعْ / مَراكِبك رَسّيتها
مهما تِضيق في فِضايا ثُوانيك
ومهما تِكابِر / سَاعةٍ ادْميتها
راضي بِبُعْدِك / وآنتظار الشبابيك
راضي بجمْرَه / داخلي صَحّيتها
لانّي احبك وقلبي اللي يِفاديك
غصبٍ عليّ / مُواوِلِك جَرّيتها
غصبٍ عليّ / بالتَناقُض آحَاكِيك
سَطْرٍ يِحبّك / وصفحَةٍ عَنّيتها
وارْجَع أَردّد في هوامش اغانيك
ذكرى العِشِق / مقطوعةٍ غَنّيتها
صار التناقض في سيادة معاليك
أمْتَصّ فيه اشْواق / لاَمِن جِيتها
ونبض الجّفآ لو تِشرّب مِساقيك
ضَمّدت اوراق الهَوى / وداوِيتها
وعِشْرتك بِالعمر لوْ هانت عليك
صعبٍ تهز اركان حبيّ / وبيتها
هَذا الوفا ذقته مِنْ شَهْدْ صافِيك
ومانيب ناسي سنينك لَوْ نِسيتها
وَعْدٍ بِقالي وصورةٍ فِي مُواضيك
خابت مواعيدك / وصورتك ضميتها ..!

https://vb.tgareed.org/t/410522/page-2

 

j e f a f

الذكريات ..
[شاعر تغاريد]
جرح الايام / سواح !

الطيف شوفك في سما الفكر مرتاح
والعشق موعد يجْمع اللي يحبون
عطرٍ بقلبي داخل الروح فواح
تبطي القوافي عن بحوره يضيعون
حرْفٍ طموحه كسّر اسْهام وارماح
يبني الجزيله قبل عنْها يسجّون
لاجله ينادي والهَوى اليوم ذبّاح
بعضٍ مِن اللي في رجاها ينادون
ذكرَى وماضي في مناجاة ارواح
ترسم اماني لامستْ ما يقولون
والحب كلمة لو تبي اليوم ارباح
قِصّ المسافة وامْحي اللي يظنون !
ممنون انا حظٍ جِمعْنا بَالألواح
وممنون انا جرحٍ كتبْته وموزون
إرتاحْ ماظني على البُعد برتاح
إلا وبيتك داخل الصدر مسكون
بحْرِك عميق ومُلهم الشعر سفّاح
ينصَى الليالي لاتِزوّد بِيَ طعون
إنْ قال بِغْيابك ماعليّه بِمن راح
تأكد إنّه من ورَى قلبْ مغبون
ولاّ الحقيقة شوفها نور وضّاح
يشرق بها نبضٍ بقلبي ومكنون
فَيّ تسامَا زَيَّن العشق بُوشاح
يجنيه احساسٍ مع الوقت بِدْخون
مجنون احبك جَرح الايام سَوّاح
ضامي يقول إنّه يحبك ومجنون​
 

j e f a f

الذكريات ..
[شاعر تغاريد]

.
.



بيتك فِ قلبي لو عيونَك تِدلّه
بين الضلوع اللي تبارز قَهرْها
ابطت وُعودك والهَجْرِ لي تسلّه
وتقصم الفرقآ سَنايم ظهرْها
سألت قبلك بالعشق مِن يِجلّه
قالو تُوقَّى من مخافي بحرْها
زود الدلع بعض الاحبة تِملّه
وماكلّ غيمة نافعه في اثرْها
وكفرَ المحبة مِكْثِرٍ مِن يهلّه
نزوة عيونٍ باينه في بَطرْها
ومِن يقول إنّه مَلكْ قلبِ خلّه
ذكّره باللي مضى في قَدَرْها
واحد ترك له واحدٍ بألف علّه
ومِن اجل واحد العلاقة نِكرْها
واللي يقول إنّ الهوا في مَحلّه
والحبُّ عنده كلمتينٍ ذِكرْها
يوقد من الفرقآ على كلّ زلّه
وسهل المواقف مايبرّر خَطرْها
خلّه فِ حُبّه لو درى بَه يِبلّه
ماهو مثالٍ ينعزف بَه وُترْها
ماهو بحبيبٍ من شراله مَجلّه
يقرا المشاعر ولايِطبِّق سَهرْها
يمشي مع اللي فاقدٍ ماوُصلّه
يقفي مع اللي منتهي بَه صَبُرْها

.
.

الى ان قلت :

والحب اصبح سلعةٍ دون سَلّه
يهزّها غيرك وتجْنِي ثمرْها
وكلّ ساقط في المحبة عَنَالّه
لاقط ضميره منزوي في مَكرْها
ماودي اكتب عن حَسَدْهم وغلّه
مير الحروف اللي تضمد كًسِرْها
الحبّ أمّي والحياة تِكتِملّه
لاضاق بالدنيا فضاها وبَرْها
حبٍ قديمٍ في حياتي مُوَلّه
حُبٍ عفيفٍ من عباية طُهرْها
لاجلك ابخضع في كسوفٍ وذلّه
ياريحة الجنّة وأطْيَب عِطرْها
وغيرِك بحبّي مايساويك لِلّه
انتي بعمري في سمايا بَدرْها
.
.
واللي يحبّ! يسمع اللي بَقولّه
خلّك وُفيٍّ صادقٍ في وُطرْها
راعِ المشاعر لو حروفه مِقلّه
يِكسَب الذكرى وغيره خَسرْها
لاغاب شوفه لاتِكفِّن بِـ زلّه
عِشرَةٍ حياةٍ في ضيافة قَبرْها
خلّك كريمٍ مع حبيبٍ تِجِلّه
تجلّ نفسك لاتعاظَم قَدَرْها
وأما انا : مَعْ فقيدي وظِلّه
روحي تحبّه حِكمةَ اللي فِطرْها
بيته فِ قلبي لو عيونه تِدلّه
بين الضلوع اللي تبارز قَهرْها


https://vb.tgareed.org/t/431924/
 

j e f a f

الذكريات ..
[شاعر تغاريد]
بالله قِلِّي يالعمر وش صابَنا
وش جرى عقب الليالي الماضية
ليه الهموم مِنْ تِغطِّي بابَنا !
وليه الاماكن من عِقبهم خالية !
صار السهر مُونِسٍ لَآهْدابَنا
وصدورنا تِزفر ولاهي راضيه
رحْنا المواني علّها تِلقابَنا
آحلام موعد اصبحت متهاوية
وسط الشتات فاقدينِ صُوابَنا
وأكْمَل علينا غيابهم بالقاضية
صرنا الجروح ودمّها اثوابَنا
نمشي الدروب والخُطى مِتْعامِيه
بِعِدْنا كثير عنْ مسار احبابَنا
والدمع نابِت في ثرانا الدامية
ماعلمّونا عن خريف اعْشابَنا
وكيف اليّباس بالعروق الضامية !
وماعلّمونا ليه الغيوم تِهابَنا
وعَيّت تِغسِّل مواجعٍ مترامية !
طلّ الغُروب وتِرمّلتْ آسْبابَنا
لأجْلِ الدمار مَا تَأخَّر ثانية
ماهُو تَرى مَوعدٍ يَرقَى بَنا
ولَامنْ بِيَحْيِي لي رميم عْظاميه
لاجَا الفرج ولاَنْتَهى نِصابَنا
من الكّسور وصرخةٍ متقافية
جار الوَعد وآلْتُوى بِرْقابَنا
حبل اللّقى فِي عناقِ اوْداجِيه
زَال الوصل عنْ نِزيف مْصابَنا
وروحي غدتْ فِي كِفونٍ عارِية
بالله قِلّي يالعُمر وشْ جَابَنا
بوسط الدمار تِنْتِشل مئاسِيَه
هو بِقى يالعُمر فِي شَبابَنا
نبضات قلبٍ في سِمانا لَافِية !
ولاّ حِنّا يالعُمر / اقْفى بَنا
ليلَ الهّنَا قبل امنياتٍ تالية !
ماقلت لِي يالعُمر وش صَابَنا
وش جَرى عِقب الليالي الماضية !


https://vb.tgareed.org/t/416488/
 

j e f a f

الذكريات ..
[شاعر تغاريد]



يامُنيَةَ الصبح يآ شمسَ المحبين ِ
يامنتهى احلامِ قلبٍ مابَرى حاله
شفتك بعُتمَ الفِكر كِنِّك تِناديني
واقْبَل عليّ الفجر مازانتْ آحْواله
يقول وينه حبيبك ؟ لِيهِ مِجْفيني ؟
من بَعدِ اخر وداعٍ قاعدِ لْحاله
قَيّد بِيَدّه اماني صاغها فيني
واقفى وانا اجرّ خلفه حِنثِ اقواله
زنزانة الحب آوَتْ ظُلمة اسْنيني
من عقب ماكان نُوري شَيِّ يِهنالَه
لامدِّ حبل الوصل في راحة يديني
ولا كَفكَفَ الدمعِ لا مَرّوْ على جَاله
احْكَم مغاليق وُدّه لأجلِ يعْصيني
وغصبٍ عليّ اتعنّى وافتح اقْفاله
بدّل بشرع الوفا / والبسمَة / واللِّيني
في منبر الهجر بعد الود مِنزالَه
جربت اكون الجّفا يومه يِداريني
وغصبٍ اغيِّر هَجْرِ شَرعه وآوْفَآلَه
ظنيت بيتَ العِشْق بالسّعْد يآويني
واثْرَه رمادٍ نِزيف الوّقت يَرثَالَه
تعالِ واسي دموع العين بالعينِ ِ
إنْ كانِ ودك تزور الموق وِاسْيَاله
إنْ كانِ قصدك طيور البُعْد تِشْقيني
للحين اغصان حُبك حيل ميّاله
غريبِ ياذا الاملْ كيفَك تِعنّيني
والاغرب انّي اشكّ انّي على باله
ومن اجل قلبٍ كبيرٍ لَه يُودِّيني
على ضِفافٍ مِنَ الذكرى تِفضّى له
وفيتُ وعيّت فصوله لِي تِوفّيني
وروحي غَدتْ مِنْ كسوفَ الحبّ همّالَه
اول خريفَ العمر واخر عناويني
وخاطرٍ طاب بَعْدَه وهز فنجاله
تعبت اكابر شُبوب الشوق تِكْويني
وتعبت ارممّ جروح بروح مِغْتالة
وتعبت اساير دروب اللي يساليني
واتْعبني جَرّ الامل مع زِيفِ منواله

https://vb.tgareed.org/t/415107/
 

j e f a f

الذكريات ..
[شاعر تغاريد]
قصيدة لم تنشر من قبل .. واخذها زميل لي منشد وسواها شيلة لكن غير متوفرة الان عندي الا تسجيل صوتي ما اقدر ارفعه هنا ..

القصيدة في تكريم عمتي "ام بندر" بعد تقاعدها من العمل في التعليم وقيادة المدرسة بعد 31 سنه ماشاء الله ..


من قبلِ مَانْطق ياشعوري بالابيات
وأهني اصحاب الهمم والقيادة
بوجز بوصفي دام هالوصف بالذات
يقصر على سطر الوفا والريادة
ثلَاثينِ ماهي / يَ أم بندر شوّيات
وعامٍ عليها بخدمتك والاجادة
افنيتِ عُمرٍ حاضرٍ مابعد مات
على مداد العِلم والاستفاده
جهدٍ وتبقىَ صفحته كل ماجات
بالخير نذكر وقتها والاشادة
ياكَمْ تخطّى فكرها كل الازمات
وتمضي المسيرة بالعزم والارادة
وياكَمْ تمهّد بالقرار الصعوبات
الحِلم والحكمة بَها شي عادة
مواقفٍ تبرز لنا معدن الذات
الفعل طيّب واعتلَى بالسيادة
واللي شغل بالعلم جُل اهتمامات
انا اشهد انه فاز بأشرف عبادة
يالله عسى جنات ربي لكِ جِزات
والاجر تبقى حِسبته في زيادة
 

المتواجدين حالياً (عضو: 0, زائر: 1)

أعلى