حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #2










- سرده :blue::dove:


انسحب ..
لما تلاقي حالك وصلت مع الحدا يلي بتحبو ..
لطريق ماعد تعرف وين بدك تروح فيه ..
لما تلاقي حالك وصلت لمرحلة ما بقى عرفان تتعامل معو فيا ...

و انسحب ..
لما تلاقي التغيير المتغيرو بروحو اكبر من نزوة عابرة ..
حطا بضهر الايام ..

انسحب ..
لما يديق عليك المكان ..
لا تحرق حالك بالصبر .. لا تجمد و تبقى بالوهم ..
عم تخلق حجج .. و الف عذر ..
وقت يلي من الاصل ما حاول يبرر ..
يوضح ..
شافك بخنقتك .. و مع هيك سكر شبابيك الكلام ..

انسحب ..
لما تحس حالك متردد ..
بكل تصرف بقى عم تتصرفو ..
و كانك غريب عن مرايتك ..
و الراحة انفقدت .. و انفقد جواتك السبب ..
لا تتمسك .. وتكتر عتب ..
بس هيك بعز ديقتك .. انسحب و ارتاح ..

#حُروفَ_خَرسَاءَ ☕❤

من الارشيف
١يناير
http://soo.gd/E9p2
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #3








- سرده ❤:dove:

فاقت الصبح بكير ما لقت رسائل منو :Neutral:
مع انو نامت بكير لانو حضرتو اتأخر بالسهرة مع رفقاتو :Neutral:
بعتتلو وهيه معصبة..
- صباح الخير :Neutral: .. ليش مانك باعتلي شي .. وليش سهران لهلوقت .. وشو ضليت تعمل .. يعني مو فارقة معك ان حكينا ولا هئ :mad:
وحكي طويل عريض x'D
ماعد تتحمل لازم تعمل شي لحتى تجاكرو وتعصبو :relievedface:
دقتلو الصبح monk شوي ورد بصوت نعسان وهلأ فايق من النوم :winkytongue:
- الوووو
- كيفك حياتي :happyblush
- امممم مين معي :.)
- ولاه اجدب قوم حاكيني
- لكك لك انتي مجنونة :mad:
- هئه ليش هيك عم تحكي عليي :cryingface:
- ليش عم تتصلي الساعة 9 الصبح .. شو اعمل فيكي :Neutral:
- يعني اشتقتلك بدي حاكيك :'(
- بتعرفي اني نمت الساعة 6 الصبح واليوم عطلة وحضرتك مفيقيتني الساعة 9 :mad::mad:
صارت تضحك بصوت واطي وخبت ضحكتا مشان ما يعصب بزيادة :) وهيه بتعشقو وبتعشق حكياتو لما يعصب ويصير يصرخ عليها :winkytongue: وهيه تحاكيه بكل براءة :relievedface: "خبيثة"
- خلص خلص اسفة ماعد انزعلك نومتك :cryingface:
- لك يا رووحي يا عمري حبيبتيي مشان الله بدي نام :'(
- ايي روح نام تضرب :noexpression:
- اي تصبحي على خير :frown:
- تلاقي الخير..
سكرت الخط وفرطت ضحك x'Dx'Dmonk
ما كفتا هالشغلة لحتى تنتقم استنت شوي ورجعت اتصلت فيه ..
- لكك شووو هالازعاج هاد من الصبح :mad::mad::mad: شو بدك
- بدي قلك اتغطا منيح :cryingface: وانو انااا اناا
- ينعن عمري..انتي شو :winkytongue:
- مقهورة منك :noexpression:
- انقلعي من خلقتي خليني اندفس :confused:
- ما بحبك دب :'(
- بس انااا..
طوط طوط طوط "سكرت الخط بوشو" x'D
- ايي بالناقص :confused: لعما شو مجنونة
غمض عيونو مشان يكمل نومتو وما قدر استنا مجنونتو لحتى ترجع تتصل وتتغالظ عليه :relievedface:
بس ما اتصلت :) اجا اتصل عليها ردت..:extremelyhappy:
- الوو
- لك ياا الوو :winkytongue::winkytongue:
- يييي شو هالازعاج من الصبح :confused::confused:
- هلأ انا يلي ازعجتك :confused::Neutral:
- اي ايي انت حدا بيتصل ع حدا بهالوقت وبفيقو لعما :teary::perservingface:
صارت تقلدو وهوه طاير عقلو فيا :winkytongue::winkytongue:x'D
- هههههه شو بعشقك لما تعيدي حكيي :winkytongue:monk
- ههههههههه يا روحي :happyblush
قصدي من الآخر شو بدك :confused:
- لك اشتقتلك دبة :firstimekiss:
- دبة بعينك ولاه :relievedface:
- دبة بعيني وبقلبي .. بحبك جدبة :winkytongue:
- اي اي وانا بحبك .. بس يلا روح بدي نام :relievedface:
- طيرتي النوم من عيوني وبدك تنامي :confused:
- بلا كترة حكي وغنيلي :cryingface:
- يلاا تنام يلا تنام ندبحلك طير الحمام روح يا حمام لا تسدق منضحك ع مجنونتي لتنام :winkytongue::kissingheart:
#هآامش: بقولو من وقتا نامت بغيبوبة من ورا صوتو يلي بتعشقو :winkytongue::winkytongue:

#حُروفَ_خَرسَاءَ ☕❤
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #4







- سرده yay:dove:
سامحي مرة وحدة وبس ... ولا تطلبي الشي مرتين ...
والمكان يلي مابترتاحي فيه انسحبي بهدوء منه ...
والشغل يلي مو عاجبك غيريه ...
واللي بوقفلك ع النقرة أغلطي قدامو واخسريه ....
واللي مابتهمو مصلحتك ... من مصلحتك إنك تهجريه ...
واللي بيضل يغلط ويتأسف لا عاد تعذريه ...
ويلي ببعد عنك خطوة ... غيري طريقك كلو واتركيه ...




#حُروفَ_خَرسَاءَ ☕❤

من الأرشيف
٥ يونيو
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #5












FB_IMG_1562742912147.jpg


- سرده ❤
رح نكبر سوا ..
ويختير هالعمر .. انت ومعي ..
و القلب يبقى بأحلام الولدنة .. عم يضحك ..
و رح يتكو شيباتك .. ع حضن قلبي ..
و امسك ب ايدك اكتر ..
حتى اذا الخرف .. ضيع من خطواتي الطريق ..
تبقي طريقي .. و ابقى بعجقة الدنيا الك وطن ..
و رح تبقى الايام تشبهنا ..
بكل جنون ايامنا .. يلي عم نرسم ذكرياتا ..
بدقات القلب و نظرات تعشّق بالروح ..
و طفولة و غنج من ملامحك ..
و كتف بحجم كل تحديات حياتك ..
يسندك ..
و صدر بضلوعو يأوي ضوجة افكارك ..
ويحتويك ..
كل ما كبر العمر فينا ..
و زاد الادمان .. بيناتنا ..
رح نكبر سوا ..
وما تخافي من الملل .. و الروتين ..
الدفا يلي بيخلق بين الارواح ..
صعب شي يقدر يغيرو ..
قد ما تبدلت الفصول ..
وتغيرت الايام .. ...


#حُروفَ_خَرسَاءَ ☕❤


من الأرشيف
١٠ تشرين الاول
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #6










- سرده
من فترة كنت طالعة بالسرفيس وفي واحد قاعد جنبي عم يحكي مكالمة مع خطيبتو ، و عم يسايرها بالحديث " ولك منشاني ، طيب منشان خاطري ، بحياتي عندك ، بترجاكي خلص " و صوتو عالي ومسموع يعني .. و انا عم قول بيني وبين حالي " هاد شو بدو منها ؟ وع شو عم يترجاها هيك ؟" الفضول موتني بصراحة !!

شي غريب ، شب طول وعرض ومو هامو شكلو قدام الناس اللي قاعدة وفي شباب ورانا عم يتهامسو عليه وعلى اسلوبو مع البنت وطريقة كلامو ..

المهم ... عم يحكي معها وبدون أي مقدمات قلا " صوتك المبحوح من البكي هاد وجعلي قلبي ، صح أنا خطيبك ولسا مالي الحق أني اسأل أبوكي ليش مزعلك ، بس انا مافيني خليكي تنامي زعلانة ... وأنا بموت فيكي .. طيب ليكي عشر دقايق وبكون تحت بيتكن ... جايبلك معي شوكولا ومحارم منشان تمسحي دموعك " .. وصار يضحك ويراضي فيها .. رجع قلا بضحكة " الله يخرب بيتك ع بيت أبوكي ... كل الي بالسرفيس سمعانين حكيي .. بس بتعرفي معلش .. المهم بحبك "❤
تطلعت فيه وقلتلو الله يخليكن لبعض ويجمعكن .. قلي حاربت مشانا كل الدني لوافقو اهلا عليي والحمد لله الاسبوع الجاية عرسنا صدقوني فرحت اكتر منو والله yay

#الخلاصة : الحنية ، الحنية يا جماعة ، أقسم بالله بتراضي أي حدا حتى لو كان حجر وبتجبر بخاطروا وبحكيك وفعلك رح يتطمن ويحس بالأمان ، وهاد شب وما همو أي شي ولا حتى شكلو قدام الناس وهمو الوحيد يعرف شبا و يراضيها حتى لو على حساب نفسو !
" هي الناس الي قلبها نضيف وأبيض ونادر أنك تلاقيهن ، هي الناس الي حرام تموت "!
لاتكونوا قاسيين وخلي عندكن حنية .. حنية تغمر كل الأرض ❤

#حُروفَ_خَرسَاءَ ☕❤

١ حزيران
http://soo.gd/E9p2
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #7









سرده
ما بتححبههآ؟
لا تقلههآ بححبكك
- شآيفههآ عم تتعلق فيكك؟
بععد عنههآآ!!
- مشآعرهإآ موو لعبةة
وقلبهآ إذآ انككسر مآ فيكك تججيب بدآلو :bhert: "
- ححتى اللمعةة اللي بعيونههآآ رحح تخختفي
- ككل دمعةة بتنزل منن ععينهآ!!
رحح تككون برقبتكك :bhert: '
- ككل غغصةة وححرقة قلب!!:bhert:
رحح تككون برقبتكك ،
- ككل لححظةة بتنخنق ومآ بتلآققي ححدآ تششكيلو!!
رحح تككون برقبتكك :bhert:
- كلمه مو مسامحتك.. عندك يمكن عاديه ..عند ربك مافي شي بينسا حطا ببالك الدنيا دواره...
- اذا مآ بدكك تخخآف الله فيهآآ!!
ككفي أنآنيتكك وخخآف الله بححآلكك!!


#حُروفَ_خَرسَاءَ ☕❤

١٠ حزيران
http://soo.gd/E9p2
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #8








سردة :blue:grenhard

بعترف انو بهالوقت عم بشتقلك كتير
بعترف انو بهالوقت عم بدعيلك كتير
بعترف انو محبتي وعشقي الك يوم بعد يوم عم يزيد
بعترف انك لمعة القمر الموجود بالسما
بعترف اني بشوف حالي فيك
بتعرف انك سرقت حتى ملامحي
صارو الناس يشوفوك بعيوني
بعترف اني وصلت لمرحلة اقوى من الادمان
بعترف آنو عشرتنا وحبنا تخطو شي اسمو حب
بعترف انو قصتنا غير كل القصص
بعترف انك انت غير كل رجال هالكون
بعترف انك إيماني وقوتي ووطني واماني وعزوتي
بعترف اني شفت فيك كل الحلى يلي ع طرقات الشام
بعترف انك جملّت روحي بكلشي حلو
بعترف اني ادمنتك ادمنت صورتك ، ضحكتك ، صوتك ، عيونك ، غزلك ، رجولتك ، عصبيتك ، حنيتك
بعترف قدام عيونك اني رح كون الك اليوم وبكرى ولبعد مية سنة
رح كون اهلك ووطنك ودنيتك وراحتك
رح كون كلشي حلو كنت تحلم فيه وتتمنه

#حُروفَ_خَرسَاءَ ☕❤

٢٠ نيسان
http://soo.gd/E9p2
 

حُروفَ خَرسَاءَ

• ' ✨ أنآ بلا ظل؛ لأني امرأةٌ مُضِيئة ✨ ' •
⭐️ عضو مميز ⭐️
  • كاتب الموضوع كاتب الموضوع
  • #9






سرده ❤:dove:

بهل حياة مافي شي اسمو صدفة ✋✨
مافي شي اسمو عابر هيك اجا بوئت عادي او شفتو لهل شخص بالصدفة
في شي اسمو قدر القدر هوة ربنا بيحدد طريئنا فيه ..
بيجمعنا مع ناس وبيفرئنا عن ناس
بغير حياتنا مية وتسعين درجة للسعادة ومية وتسعين درجة للحزن

اقدارنا مكتوبة
لا بد انو نمشي بحياتنا متل م مكتوبة م نعترض ع حكمة ربنآ
لأن القدر هوة يلي بيبئى معنا طول لحياة
sada168 (1).gif

مافي شي اسمو صدفة .. ✨
ربنآ بيكون مسجلك ئصة حياتك ..
يعني انت اذا شفت حدا بتحبو بمكان .. رح تحكي
"صدفة حلوة" بس هاد اللقاء ربنا هوة يلي بدو ياه يصير .. ومدونلك ياه بدفتر حياتك ..
لكل واحد قدر خاص فيه ..
وم فيك تعارض هاد القدر لو شو م عملت ..
والايمان بالقدر شي حلو كتير ..
يعني اذا صار شي بشع بحياتك وانت ئلت هادا قضاء الله وقدرو .. ح يهون لبشع ..
ورا كلشي بشع شي حلو

خلي عندك ايمان
sada168 (1).gif


#حُروفَ_خَرسَاءَ ☕❤


٢٥ تموز
http://soo.gd/E9p2
 

المتواجدين حالياً (عضو: 0, زائر: 1)

أعلى