" ابيآت القصيد " ⚘

بقايا ابيات

[شاعر تغاريد]

-




⚘⚘⚘⚘



بسم الله الرحمن الرحيم








اكتب من الحد الجنوبي اعذب ابيات القصيد
في ديرة ٍ مقطوع عني بث برج إرسالها

لعيون ذيك اللي سقت بالقلب شريان الوريد
امشي لها صعاب الدروب ولو تطول اميالها

مشتاق لك والشوق فيني كل لحظة لك يزيد
ياجوهره في وسط قلبي عايشه بلحالها

لبيه ياعيون المها لبيه يا الحسن الفريد
فرس فرس مابه احد غيري لها خيّالها

والله ان قلبي قبل ماعرفك بأحساسه عنيد
مادريت انك لقلبي والجروح ادوالهااااا

كل المشاعر تحت امرك تعزف الحان النشيد
وان غبت عنك يشهد الله حالتي يرثى لها

سارعي للمجد دوما ً وافردي غصون الجريد
يا الشجره اللي طول عمري راقد ٍ بضلالها

يانخلة ٍ من دونها سيفين خالد بن وليد
هيهيات منهو بالمعارك طامع ٍ يرقى لها

البارحه يالعنبوها ذوبت صلب الحديد
كم جثة ٍ طارت بفعل جنودنا وابطالها

كم ليلة ٍ فوق الجبل اراقب وجالس وحيد
روس الحوث قدام عيني ماهنت مقيالها

الحرب هاذي ماحصل فيها ولا شي ٍ جديد
كم فتنة ٍ جينا قصرنا بالفعول جدالها

هاذي قصيدة شاعر ٍ صامل وذو باس ٍ شديد
من روس قوم من الطناخة مايلين عقالها

واليوم في حايل وباكر راجع لرحله وصيد
قال المثل : ما للحمول الا ظهور جمالهاا

يالغاليه راضي بكل اللي إلاهي له يريد
وهالحرب قدني قد بديت افتح رموز اقفالها

ترا
بقايا ابيات والله عنك لايمكن يحيد
لا يابعد زين العرب بأنواعها واشكالها

وان مت لا تبكي علي الله يقبلني شهيد

مكتوب في وصيتي " معي ادفنو سلسالها "







حصري < غصب عن عين التعبير


وسلآمة قلوبكم
⚘⚘⚘


 

التعديل الأخير:

شواطىء الاحلام

مُمتنه للخيال الذي يُنقِذُني دائمًا
⭐️ عضو مميز ⭐️
يا الله قصيدة رائعة جدا جدا نحن امام ملحمة شعرية لفارس بطل من ابطالنا الكرام
وأنا أقرأها تذكرت مقولة الحب والحرب يتشابهون في شيء واحد كلاهما يحتاج رجال
حفظكم الله ابطالنا الكرام وأعادكم الى أحبابكم سالمين غانمين
كل الشكر :wrda::wrda::wrda:
 

حرفٌ لا يطفو

[شاعر تغاريد]
"
الله الله

وكيف لك أن تخفي الشمس يا بقايا أبيات

هذه القصيدة المشعة الأبية الآنفة عن كل مبتذل يجب أن تكون متصدرة دوماً

صح لسانك وبيض الله وجهك أيها الشاعر البطل
بالتوفيق والنصر دوماً إن شاء الله
تحيتي
 

عبدالرحمن

لاَ غايبْ يعود ، ولاَ ذكَرياتٌ تنسَى ..
طاقم الإدارة
[ الإدارة ]
ياصباح الخير وصح لسانك
والله من الهاجوس الي فيك مشاء الله ، مايخلي محل مايصطي فيه

ابدعت والله
والله ينصرنا وياكم ويسدد رميكم
 

المتواجدين حالياً (عضو: 0, زائر: 1)

أعلى