صاحبي .. غير الاصحاب !

j e f a f

الذكريات ..
[شاعر تغاريد]


السلام عليكم ..
مبطي على الديوان واهله ..
اجدد التحية ..


.
.


نكبر ولكن! حلمنا دايم شباب
لا الوقت وقته والليالي لياليه
حيث إنّ قلبي مُولَعٍ فيه ما تاب
لا مرّ عامه ، كِنّ عمري يناديه
ابْذِر سنينه بالحشا نبضِ واحْباب
والشوق يحصد ذكرياته وطاريه
احب فيهِ الحبِّ وإن كانِ كذّاب
حتى مع الاوهام / لو هِي تسلّيه
نكبر ويبقى فقدهم صوتِ ماغاب
ومع كل خفقه : كسرةٍ من تِغلِّيه
ودي تشوفه عين وقتي والاهداب
ودي بدقيقة .. ثم اوَقِّف : تُواليه
ودي لقانا .. دونِ سورٍ وبَوّاب
حتى لو اني ما زَعَلْته : براضيه
حنّا تعلمنا الوفا قبل الاعجاب
وقبل التلاقي والرسايل واياديه
نحفظ وجوده بالغلا يوم ينساب
ونُوقف علىٓ اطلال : حُبه ونبكيه
نحب منهو حبّنا .. قبل الاسباب
وقبل الظروفُ وقبل سِبّة تجلّيه
لاغاب موعد! ماسبقْنا لَه عْتاب
ونقول في بكرة عسانا نلاقييه
ولْيَا ضعفْت بلحظةٍ قلت ماجاب
هذا الزمن له بالشبه : من يوازيه
نكبر! وذا اللي ماحسبْنا لَه حساب
ان الزمن لافات : ما عاد ترجيه !!
دام الهوَى مآ فيهِ دستور وكتاب
ماعاد عندي ياهوايا : مشاريه
ابنتظر لو هو غدَى طيش وأسْراب
من ساحلي الهايم لاخر موانيه
أبيه يعرف .. حلمنا عاش بَاغْراب
وأبيه يسمع ضيقتي وش توصّيه !
لا عاد تُوثَق في حبيبٍ : ولو طاب
لك بالزمان اليوم : دربٍ تماشيه
انا وُثقت وصاحبي غير الاصحاب
قَفّى وعذَّب : قلبِ منهو وثق فيه ..!

.
.

دمتم بود .. :wrda:
 

بقايا ابيات

[شاعر تغاريد]
دام الهوَى مآ فيهِ دستور وكتاب
ماعاد عندي ياهوايا : مشاريه
ياعمري يابو ابراهيم
صصصصصصصح بدنك مليون يالغالي

تسلم يدينك

كنت انتظر منك الجديد بقصايدك
ويومه وصل ماغير اقرا واصفق ⚘⚘
 

المتواجدين حالياً (عضو: 0, زائر: 1)

أعلى