ديوان الشاعر سلطان الجالي

صادق التعابير

~$ الراعي $ ~
[شاعر تغاريد]
؛


بسم الله الرحمن الرحيم ....

نشكر ادارة المنتدى ومشرفيه على اتاحة هذه الفرصه ...

واتمنى ان يجد كل من يتصفح هذا الديوان المتواضع غايته

علماً بأن تواريخ بعض قصائدي غير واضحه لكن احاول قدر الامكان ادراج التاريخ التقريبي لكل قصيده

وشكراً لكم

:wrda:

اخوكم
سلطان الجالي
(صادق التعابير )




صراحة ...
https://bit.ly/2Xw145b

https://sarahaa.com/w/7836413

 
التعديل الأخير:

صادق التعابير

~$ الراعي $ ~
[شاعر تغاريد]
؛

؛
الـصـدر مـدهـل ينـزلـه جـايـر الـخــوف
لاقـالـو احبـابـك عــن اعـيـونـك ابـعــاد

لــج الهـزيـم بـعـوج الأضــلاع مــردوف
بـــرزوم مـــزن مثـقـلـه تـنـقـل اوتــــاد

تسـمـع دوي جرجورهايـضـرب ادفــوف
يـرجـف رديــف بحـيـن مايرجـفـه جــاد

يرهـش مـدد هشـالـه ابــدون عـاصـوف
رأي الـنـظـر مـابــدل الـشــك بــووكــاد

مقصـوده الـي صادفـت دهــر بعـجـوف
تلفـض حريـص بميرتـه ينـطـق اشــداد

ثـوب العـذر مشقـوق والعفـو مضـفـوف
بـعـد الـغـيـاب. المنـتـضـر مـالــه بـــلاد

جامقبـل أكثـر ماحمـل صـدره احـتـوف
وتجمـح وتكبـح داخـل اضلوعـه اجيـاد

هي هي . وش حالك .نعم .عينك تشوف
هــذي تفاصـيـل الشـقـاوي لــك اشـهـاد

انــا عـلـى حـطـة يــدك تـاركـك نـــوف
خفـاق ينتـق لــك ولــك نـبـض بـفـواااد

وداعـتـك قـلــب وشـرايـيـن مـشـغـوف
أســرف غـــلاه وجـــاك بـالــود مـنـقـاد

يامنـيـة الـلـي طــاح بـالـجـد مـكـتـوف
مـالـه عــن الـهـم العَـفَـر حــول مـشـراد

رهــن العـفـو. كـفـو العطا.ود.مخـلـوف
سقمـه عفـا. عــن قــادح السـهـد بـزنـاد

يـاوارثــه تـيــه الـفـخـر كـبــر مـزلــوف
حـســن الثـنـا.ولـف لـمـواريـك مــرتــاد

تطـاولـي نـجـم الـجـدي بـعـد مـزفـوف
ضـــي الـســواري و المصـابـيـح وقـــاد

فيـه الشُعـل نـور يتطايـر مــن ارفــوف
محافلـه سـارت بهـا حضـوض الأحـفـاد

مـادام لـك بـإرض المكاسيـب مقـطـوف
لــك البـقـا. ولا الفـنـا. حــض الأجـسـاد

تـفـاخـري بالـمـيـت بـعـهــد واحــلــوف
مـالــك طـلـيـب بـــدم وافـيــك يـنـهـاد

ماياسـعـك حـيــز غـــدى ورد مـكـفـوف
هـوى. هــوا. لــو ارتـمـي رمــت مـاكـاد

دفـع الجـدا. فيـه المـدا.صـرد مـرجـوف
مــال الـهُـدا. بـادمـس دجـا.فـود عــواد

انجـي نـواجـذ وانـجـدي دقــة اكـفـوف
حـسـره تــلاك اسنـيـن بحـنـوك حـسـاد

لاجنـد الحاسـد نصـل سـهـم واسـيـوف
مايـتـقـي دون السـرابـيـل مــــن قــــاد

مايكـمـن السـامـي ولـوتــذري اكـهــوف
حـيـن القـصـايـد تقـتـفـي درب قـصــاد

ماسـال حبـر بخـشـم الأقــلام مـرعـوف
إلـــى بـعـيـد بـعـيـن الأشـعــار يـنـعــاد

فـي كـل سـوق يسـاق لـه علـم موقـوف
مــلـــزوم راد. بـغـبـةالـمـلـح مـــيـــراد

قاضـيـه دنــدن دوزن الـحـان مـعــزوف
سـلــوان لـلــي يـطـربــه جـودالأنـشــاد

والصـوف لــه بيـديـن سـاديـه مـنـدوف
ولاذاد.شــي. بحـالـة وفـــود الأضـــداد

وسحـم الـضـواري للرعـايـا لـهـا حــوف
لابــد ماتـدخـل مـداخـيـل أهـــل عـــاد

ولكـل قـول وعلـم واصــف ومـوصـوف
والــي يحـبـل لصيـدتـه صـيـد مـاصــاد

ماهـمـنـي زارف خـبــر. عـنــد مـــزروف
يبـدي. ولا عـمـره شـكـر فضـلـة الـضـاد

عذرالقمرلويسـتـحـي مـنــك مـكـســوف
وعــذره مـعـه لــو ماتـحـدده الأرصـــاد

ياشمـس ذقـت برحلـة العمـس معـيـوف
ولاعــاد لــي فــي داجــر اللـيـل مـرقـاد

لادجــت بــك ليـلـي تلمسـتـك اطـيـوف
والـــي بـقـالـي بـالـرجـا مـنــك مــــازاد

لاقلـت طالـت غيبتـك. قلـتـي اضــروف
لوتعـذر الحـجـه هــوى صـاحـب اعـنـاد

كم كم وانا ازهم مسمـع الحـي بحـروف
وأستـنـجـده فـيـهـا وانــاديــه مــافــاد

صحـت وتقـطـع بالـخـلا حـلـق ملـهـوف
والـصــوت مـفـلـس مـالـقـا حـيــد رداد

ولازلــت نـاشـد للـرجـا.فـرد مـضــروف
يغـنـي بيـانـه كـــل مـــن جـــاه نـشــاد

كـلـي كـتـاب لحـضـرة الـكـل مكـشـوف
للـصـلـح قـــام و صـــادر الـمـسـك وراد

والأه لــو تُحـسـر لـقـت بـالـرجـا أووف.
لــو نـلـت مطلـوبـي هناواطـعـم الـــزاد

مـيـر الـبـلا دايــم بالأصـبـاع مـطــروف
والعـيـن ماتسـلـم مــن اعـيـون حـسـاد

والدمـع مايسـلـم مــن شـفـاي ملـقـوف
وشفيـك؟ ووش يقـنـع شـديـد وشــداد

أسلـم لــي افــرد للبـحـر طــي ملـفـوف
وأبحـر مــدام ان الـعـذل ســوط جــلاد

وأجمـع شظايـا حلـم باليـاس منـسـوف
ووجــدي تفـطـر مــن مثايـلـه الأكـبــاد

أبـتـركـه والـطـايــف بـعـابــر يــطــوف
ويكـتـب لــه الـمـازن وفـــا. لـلـوفـا ذاد

يـاشـوك. لاتمـشـع مـغـاريـزك الـصــوف
وطالـبـك لاتـجـدع مواصـيـلـي احـــداد

اليـاس جمـره تشتـعـل داخــل الـجـوف
والعـجـز يـدفـع داخـــل الـجـمـر وقـــاد

والصـدر مـدهـل ينـزلـه جـايـر الـخـوف
لاقـالـو احبـابـك عــن اعـيـونـك ابـعــاد
٢٠١٣​
 

صادق التعابير

~$ الراعي $ ~
[شاعر تغاريد]


؛

يا سحابه حال قطرك دون شوفك سامحيني
مالمحتك . لين ما اهديتك عيوني ياسحابه
ديمك الهمال يمطر .... وصل مابينك وبيني
لكن الي مرني ...... بالهجر يامقسى عذابه

تشبه ادموع المفارق للوصل في موق عيني
كلها عقب الغياب المر ..... في عيني تشابه

ياشبيه المزن حزني ... ماترك عقبك يديني
تايهٍ عقبك ..... ويحجبني عن الواقع ضبابه

تعرفين انك ملامح فرحتي ..... وانك حنيني
وجهك اجمل ذكريات العمر كله .... ياشبابه

صرتي انتي ذكرياتي ... كلها واجمل سنيني
سالفة ذكراك عندي ........ كلها قدر ومهابه

كل مايممت وجهاتي ابي غيرك ..... تجيني
كنك انتي لي قواميس الشعر .. ويا الكتابه

حالت الفرقا سنين العمر مدري صرت ويني
عشت عمري في غيابك بين حزني .. والكآبه

حاصرتني في فراقك .. من يسار ومن يميني
وامطرت فيها عيوني .. فقد من طول غيابه

إستحل الياس واصبح يا مفارق .. من يقيني ؛
شوفتك والغول والعنقا .... خيالاتٍ تشابه !!

وحال قطرك دون شوفك ياسحابه . واعذريني
كيف اشوفك عقب ماهديتك عيوني ياسحابه




 

صادق التعابير

~$ الراعي $ ~
[شاعر تغاريد]
؛


يجول فيني جاير الضيق واحداه
...............عني بكثر مسامر الهرج وأنفيه
لوكان مالي فيه شفٍ ومشهاه​
...............لكن اجامل فيه وقتي واداريه​
بعض الكلام احيان مافيه منجاه​
...............يرميك في غبات بحره وترميه​
يلمس شعور انسان ماعاد ينساه​
...............لوكان مالك فيه مقصد ولا فيه​
صحيح هذا الوقت ياناس ماقساه​
.............ترديك بعض احيان غربة منافيه​
سريت ليل الهجر أكتبه وأقراه​
................لين اكتبت كل المعاني مساريه​
ياتل قلبي تل ... دلوٍ من ارشاه​
................تله مع الحيّام ....وارد لضاميه​
على الذي لاغاب ماطقت فرقاه​
...............وليا حضر غيّبت في رحلة التيه​
ياوجد حالي كيف وشلون ابلقاه​
...............عجزت اعيش العمر ساري لياليه​
الله من المكروه والشر .....ياقاه​
...............ويسلمه من كل ....مكروه يرميه​
ويبلّغه غايات نفسه .... ومرماه​
............ويجعل له الحسنى/ ويرحم معزيه​
ويرحم سهيرٍ سامر الحرف واغناه
............عقب المفارق واصبح النور يضويه
16 يونيو 2019

https://vb.tgareed.org/t/496930/page-15




 

صادق التعابير

~$ الراعي $ ~
[شاعر تغاريد]
؛




عديت لك سبعين بارق وشديت
شديد من ضاقت عليه الرحابه

يامزنة الغيث المسمى لك ابديت
مافي خفوقي يشتكي من صوابه

البارحه ياقرة العين...... ناديت
طيفك دعيته عقب طول غيابه

قلتي وش الي تطلبه يوم ناديت
قلت امطريني بالوفا ياسحابه

قلتي هواي يسوقني عنك واقفيت
يوم اختلف ضني وضنك تشابه

قلت اختلافك منك ماوالله اخطيت
ماهو أنا الي يقفل الهجر بابه

يامزنة القطر المدي عينك ابكيت
لو تحملين الود....... للي شقابه

اعرف حدودي وادري اني تعديت
بعض الحصون الي زهتها المهابه

ساقتني الذكرى وانا مالها اسقيت
نبضي عطاها من حروفي جوابه

اشتاقها لوكنت عن شوقي اغضيت
حال النصيب ولابقى لي طلابه

يافقدها .... ياطول مافيك غنيت
هذا الذي ماكنت حاسب حسابه

الحب مثل النبض يحيا به الميت
لو ليلي الموحش سريته نهابه

يافرقدين الجدي فيك استدليت
لا ادمس ضلام الليل واخفى هضابه

ادل مع طول النظر فيك ماخفيت
ينثر هجوسي مع نجومك زهابه

طال السفر ياغربة الروح وازريت
والصبح عيا ينكشف من حجابه

اساير انجوم الضلام المواقيت
الي عليها فالمواسم رقابه

الجون يانجم السها و التوابيت
والقايد الي دعوته مستجابه

تهديك يم الجدي من غير تشتيت
واتلى النعش للقطب كم يقتدا به

انسان انا ياعاذلي يوم حبيت
اعشق هواجيس الشعروالكتابه

بنت الفكر عندي لها منزل وصيت
لاغابت احساسي تجيه الكابه

تقبل ليا حنت عليه وحنيت
مثل السحاب الي ترازم ربابه

واحيان تقفي مثل مايقفي الميت
فيها الرجا مقطوع عني جوابه

واحيان احايلها وانا ماتواسيت
تفزع لمطلوبي وتهدي جوابه

اقضي هموم الوقت معها تسليت
في ليلي الموحش مع الي سرابه

تمثلت لي شفتها يوم لديت
انثى توقد بالملامح شبابه

لين يتنفس طاهر الصبح سجيت
مع مزنتي عن موحشات الذيابه

https://vb.tgareed.org/t/497431/
منبعها تغاريد

 

صادق التعابير

~$ الراعي $ ~
[شاعر تغاريد]
:



تبغى الصراحه والصراحه محاكيك
......................يحسب عدد ياسابح الفكر طايل
لاتختلف ياهاجسي بك مساعيك
......................مااضني اهنا دامني معك اخايل
اسرح صباحك وايضاً اسري مساريك
........................من راحتي ومغازل النوم جافل
مايستريح اللي سمع صوت داعيك
........................لويكتب ايام العمر وانت عاجل
لاجيت اشد عنانك وجيت ابرخيك
...............................يا خيل ماهمّلته ابلا معاقل
ابدي حسابي قبل اجيبك وواوديك
.....................واعرف مواضع حافرك والمداخل
مع السلامه ليتني دوم اخاويك
.....................مالي يزود ويصبح النقص كامل
يكفيك يانفسي عن اللي يعاديك
..........................ان التجني والحسد شر خاذل
البيت لويبني عموده قوافيك
.......................يهدم على ساس اللذي به يجادل
مدام اني عن خانق الضيق اسليك
.......................يامهجتي وان قالو الناس جاهل
جاهل يبيع اللي يبيعك ويشريك
....................يغني وصاله عن وصل كل سافل
يا درب لاخر سكتك لازم امشيك
.....................حافي ولالي عقب ما احفيت ناعل
تسمع قنيب بعالي الصوت يدعيك
.........................ماهو سفيه ويلبس ثياب عاقل
دكتور ينفع واشتكي منك واشكيك
..................واشرح لك اللي بالهواجيس حاصل
حبيبتي منها عسى الله ينجيك
.......................لك رمحها لو ينغرس فيك قاتل
ناديتها يا جعلني من فداويك
...................من صبرك اللي لاخر الحد واصل
واثنيتها مابين معك اسرح وفيك
........................سببت لي يازين لين المفاصل
مع مسرحك لاجيت اردد مغانيك
.................مال الفرح يا مسرح الحزن فاصل
ماكن من حولك ولا من حواليك
.....................حافز ولا دافع على الود حامل
واسلوبك الكايد عفس من يخاويك
........................ويهدده بسلاح تدمير شامل
لاقلت لك وش فيك ياعين مغليك
.....................ماينفع اسلوب الدلع معك فاشل
وان قلت مالي فيك من علتي فيك
.................دام الزعل والهجر تحصيل حاصل
ليش احتمل لعيونك اجمل امانيك؟؟
......................مادام عندك كهرب المخ فاصل.!!

تاريخ النشر 2015
 
التعديل الأخير:

صادق التعابير

~$ الراعي $ ~
[شاعر تغاريد]
:

؛

العذر ياصاحبي منك السموحه
..................لاتشيل بخاطرك لا لا تكدر
النصيب الي غموضه في وضوحه
.................مايعرفه كل من ورد وصدر
لو وردتو مداكم
ما رويتو ضماكم
لو خذيتو معاكم
دلوكم مع رشاكم
واقف البير طيه
عند راعي المطيه
والسنين المديه
مانساها نساكم
ضاع مفتاح قفله
يوم بعضي وقف له
ليليكم من ولف له
يحمد الي سراكم
والغريب الي رضا نفسه طموحه
..............كل ماعدى على مشراف حدر
تاريخ النشر 2015
 

صادق التعابير

~$ الراعي $ ~
[شاعر تغاريد]
؛

؛

؛

مالقيت المنا .......... عقـب طـول الجهـد
والجهـل للـدرك ........ والملافـض سعـد
كيف اذوق الهنا ....... وانت جوف اللحد
والجمل لو برك .............
مالقيت المنا


تـبـنـي الـــي بـنــا......... والـفـنـا للـعـهـد
والـحـبـل يـنـضـرك ..... للبـشـايـر ولــــد
احتـكـم للفـنـا .......... يبـنـي الـــي هـــدد
والـحـمـل يـحــذرك ...
تـبـنـي الـــي بـنــا


الـمـواقـف طـنــا ....... والـمـعـارك جـلــد
والـحـيـل تـخـبـرك ..... والضـعـافـه لـهــد
وفـدنــا وفـدنــا ............ للـسـفـاره وفـــد
ماحـتـمـل واعـــذرك .. و
الـمـواقـف طــنــا


عند ضرب القنا ............. لاتحسب العدد
والعقـل يظهـرك .......... والشجاعـه مـدد
الشـهـاده غـنـا ..............والنعـيـم الـوعـد
والجـلـل معـتـرك ....
عـنـد ضــرب القـنـا


دوك منـي سنـا .......... ياطريـقـي وعــد
والـجـزل يحـضـرك ......والهـزيّـل خـمـد
بينـك انتـه وانـا ..........لاضمنـت السنـد
يحتفـل مـاطـرك .......
دوك مـنـي سـنـا


البـعـيـّيّـد دنــــا ....... والـقـريّــب بــعــد
والـنـحــل مــاتــرك . بالـمـنـاحـل شــهــد
كيف اذوق العنا ......... وين طير السعد
والسهل بـه شَـرَك ........
والبعييـد دنـا


لايجيك العنا ............. لانقص لك مدد
والمثل يذكرك .... مـن زرع وش حصـد
لاجـنـيـت الـجـنـا ..... يـــوم كـــلٍ رقــــد
والـعـلــل تـقـهــرك ...
لايـجـيــك الـعـنــا


2013
 
التعديل الأخير:

صادق التعابير

~$ الراعي $ ~
[شاعر تغاريد]

؛


؛


يا وقتي يا مطول ليلك
...................مع طولك ماتقضي شف
ساري بك يا مفتر حيلي
.....................لو بك هم وسقم وحف
وبالدنيا ماشاف الراحه
.....................من مثلي يا ناشد شف
يحمل فوق المتن اهمومه
......................ويمر الشكوى ويعف
والشاقي له همه باقي
...................ما يترك صدره ويخف
مال الفرحه عنده طاري
.................لو غنو مع ضرب الدف
يا خالي لو جيتك خالي
....................من همي ماجفني رف
جيتك ساتر عنك اهمومي
.....................والمنهل بعيوني جف
لو ضيقي يطبق بظلوعي
..................ما ابديته لو حزني لف
صابر والدنيا وش فيها
..................ينفعني من صفق الكف
لو هي للفرقه عنّتني
.................بين اشعل للنور وطف
يقضي لي بالعازه لازم
.................ذروه تمشي فوق الخف
2012
 

المتواجدين حالياً (عضو: 0, زائر: 1)

أعلى