روايات الأعضاء / ما توقعت بعد الخيانات يلي عشتها ارجع لاقي حب جديد

RoSiie

⭐️ عضو مميز ⭐️
البارت الثامن

~~~~~

كان قاعد بالصالون عم يقلب القنوات بملل حتى سمع صوت جرس الباب فراح يفتح
إلياس / اهليييين شباااب
خالد / أهلين إلياسو
و دخلهم للصالون
ألياس / شو كيفكم شباب
أمير / قبل ما نشوفك كنا مناااح
إلياس / تصدق نفس حالتي
و ظلو يدردشو
~~~~~
صحت من النوم مسكت موبايلها بتشوف الساعة
رؤى / لسا بكير ما نمت غير نصف ساعة أممم بس مو جاييني نوم
قامت غسلت وجهها و طلعت من الغرفة و راحت لغرفة منال و بطريقها مرت على غرفة مجد و كان الباب مفتوح شوي من دون وعي طلت من الباب و شافته
رؤى بنفسها / واااو جسمه جذاب حتى و هو نائم حلو كثير..... يا الله انا شو عم قول
و طلعت من الغرفة بسرعة و راحت لعند منال و طرقت الباب
منال / تفضل
فتحت رؤى الباب و دخلت و جلست جنب منال
منال / انتي ما نمتي
رؤى / لا نمت شوي و فقت
منال / هاا أوكي
و ظلو يدردشو مع بعض
و بعد شوي
رؤى / انا عطشانة دقيقة و برجع
منال / أوكي
و نزلت رؤى لتحت و بطريقها مرت عالصالون هي شافت أمير و خالد بس ما اهتمت وهي قالت اكيد أنهن رفقاته و راحت للمطبخ ويفتح شربت
~~~~~
أمير / و لك مين هالقمر يلي مر من هون
إلياس / هي رؤى بنت عمي
خالد / واااو كثير حلو
أمير / ناديلها نتعرف عليها
إلياس / ههههه أوكي
و لما كانت طالعة من المطبخ ناداها إلياس / رؤى
فراحت عنده
رؤى / نعم
إلياس / هدول رفقاتي و بدهن يتعرفو عليكي.... هذا أمير وهذا خالد
رؤى /و انا رؤى تشرفنا
خالد وأمير / الشرف إلنا
رؤى / بلا أنا طالعة
خالد و أمير / باي
و طلعت عند منال
أما الشباب ظلو يدردشو بالصالون
~~~~~
منال / تأخرتي
رؤى / ها إي رفقاتو إلياس تحت تعرفت عليهن و اجيت
منال / اهاا
~~~~~
بمنزل أحمد
فاقت ليلى من النوم و شافت الساعة
ليلى / حلو لسا ما اجا وقت الأشعة
قامت للمطبخ بتجهز القهوة
~~~~~
عند الشباب

إلياس / شباااب شو رايكن نساوي حفلة اليوم
خالد / حفلة ؟؟!!
إلياس / ايي حفلة ببيتنا بما انو مافي أحد
أمير / فكرة حلوة و بتكون سهرة ولا اروع
إلياس / يلا آنا طالع خبر البنات
و طلع لغرفة منال و فتح فورا
منال / هيبه انت ما علموك تطرق الباب
إلياس / لا ما علموني .... رؤى انتي هوون!!
منال / خيير شو جابك
إلياس / شو رأيكم نساوي حفلة اليوم
رؤى بحماس / عندي؟؟
إلياس / اييي
منال / فكرة حلوة
إلياس / اوووكييي رايح فيق مجد
و طلع من عندهن متوجه لغرفة مجد
إلياس / مجد مجوووود قوووم
مجد / خيييييير
إلياس سحبه من ايده / قوووم يلا
مجد / شبك جنييت
إلياس/ لا لسا... ليك رح نعمل حفلة اليوم قوم لتسعدنا
مجد / طيب طيب ليكني قمت
و قام جهز نفسه و نزل لتحت مع إلياس و بعدهن نزلوا رؤى و منال
بس المفاجأة انو ما لاقو خالد و أمير
لمح إلياس ورقة فوق الطاولة فتحها ولا كان مكتوب فيها " نحنا رحنا البيت رح نجهز حالنا و نخبر اهلنا و بنجي"
طلعوا مجد و إلياس ليجيبو مشروبات و بيتزا و أشياء ثانية
أما البنات زينو البيت بعدها راحوا يجهزو حالهن
~~~~~
بغرفة رؤى

كانت قاعدة قدام المرايا عم تعمل شعرها بمكواة السيراميك و لما خلصت حطت مكياج ولا الست فستانها ولا راحت عند منال
منال / واااو طالعة تجنني
رؤى / و انتي كمان حبيبتي
منال / ليكي رورو اتصلي بالبنات انا رح زبط شعري و بلحقك
رؤى / اوووكي
و نزلت لتحت
اتصلت أول شي بعبير
و بعد 3 رنات ردت
رؤى / الوو عبورة
....../ الوو مين معي
رؤى / انا رفيقة عبير
...... / اها انا أخوها
رؤى / طيب اعطيني احكي معها
...../ شو بدك منها
رؤى / موضوع بيننا لا تتدخل
...... / اوووهووو لكان بأحلامك لتحمي معها
رؤى / اففففف
عبير / سوري سوري حبيبتي هذا أخي الغبي
رؤى / عادي حبيبتي.... انا حبيت اعزمك على حفلة نحن نشتريها ببيتنا اليوم عالساعة 5
عبير / يعني بعد ساعتين
رؤى / اي
عبير / أوكي اكيد بجي
و سكرت ولا كلمت رؤى كل صديقاتها و عزمتهن
و بعد شوي اجو الشباب
و حطوا المشروبات وهو البيتزا و هنن كمان اتصلوا برفقاتهن
~~~~~
بمنزل احمد
قاعدين بالصالة
ليلى / أحمد موعد الأشعة تبعك بعد ساعة
أحمد / أي صح جهزي حالك حتى نطلع
" احمد مريض بالسرطان بس حالته مو كثير خطرة "
جهزوا حالهم ولما كانوا حيطلعو
ليلى / خذوا راحتكم البيت بيتكم
إلين / يسلمو و انتبهوا لحالكن
أحمد / يلا بخاطركن
و طلعوا من البيت
~~~~~
رؤى / باقي ساعة عالحفلة
منال / أي صح
و دردشو شو الين ما يجي وقت الحفلة
أما مجد فكان طول الوقت عم يطلع برؤى كانت كثيير عاجبته
و رؤى كمان كان عاجبها بس حاولت ما تبين
و ظلو يدردشو حتى أجا موعد الحفلة و اجو الضيوف أولهن كانت عبير
فتحو لها الباب و كان معها شاب
رؤى / مين هاد الشاب
عبير / اخي
رؤى / اجا معك
عبير / الشباب عزموه
رؤى / أوكي فوتي
و لما كانت رايحة معها سمعت صوت احد يناديها التفتت و كان أخوها
عبير / شو بدك
سعيد / وين البنت يلي اتصلت فيك
رؤى / شو بدك فيني
سعيد " واااو كثييير حلوة " / لكان انتي هي
رؤى / خيير ما عجبتك
سعيد / لا ما عجبتيني مو حلوة بنوب
رؤى بسخرية / ههههه و كإنو انت الحلو
و راحت مع عبير و سعيد راح عند الشباب
و اجو الكل الضيوف واستمتعو بالحفل
~~~~~
كان قاعد هو و زوجته بالصالون
عمر / مو كإنو تاخرو
إلين / أي والله معك حق
عمر / رح اتصل فيه
و اتصل على أخوه
و بعد عدة رنات رد
عمر / الوو اخي...... نعم..... كيف.... ششو عم تقول
و وقع الموبايل من ايده
~~~~~
بالحفلة

الكل كان مستمتع بوقته
شوي و سمعو صوت جرس الباب و راح إلياس ليفتح
إلياس / تأخرت يا حلو
امير / احكي مع يلي معي
إلياس باستغراب / مين قصدك؟؟
طلعت هدى من ورا امير
إلياس بانزعاج / هي شو جابها معك ؟
أمير / والله انا ما دخلني بالأساس أنا مو طايقها بس شو ساوي امي اصرت اني أخذها معي
إلياس / طيب طيب فوت
و راح إلياس مع أمير
و هدى راحت عند البنات
هدى / هااي
منال بهمس / هالغبية شو جابها ؟؟
رؤى / ما بعرف
راحت رؤى و قعدت جنب سيرين ( بتدرس معهم بالجامعة علاقتها مع رؤى و منال عادية و حتى مع هدى )
هدى / مرحبا
سيرين / اهلين
و ظلت تدردش معها
بعد شوي سيرين ملت من هدى وحبت تروح
سيرين / اممم انا رايحة للحمام
منال / سيرين بتعرفي مكان الحمام صح
سيرين / أي حبيبتي
و راحت سيرين

خالد / إلياسوو
إلياس / نعممم
خالد / عطشااان
إلياس / أي ليكها المشروبات قدامك
خالد/ لاء بدي ماء
إلياس / طيب ليك هداك الباب هو باب المطبخ
خالد / اوكي شكرا
و راح المطبخ و شرب ماء
و لما كان طالع صادف سيرين
و سيرين ما كانت منتبهة انو في حدا و لما شافته شهقت و حطت ايدها على صدرها من الخوف
خالد ما قدر يتحمل / هههههههههههههههههه
سيرين بقهر / ليش عم تضحك
خالد / ههههههه لا ولا شي
سيرين / و بعدين مين انت
خالد / انتي يلي مين ؟؟
سيرين / ما دخلك
خالد / لكان انتي كمان ما دخلك
سيرين/ اففف اصلا مو ميتة حتى اعرف مين حضرتك
و راحت ضحك خالد و توجه للشباب
مجد / شباب أنا رايح للمطبخ جيب باقي المشروبات
و بعد ما مجد
خالد بهمس و هو يأشر لسيرين / أمير بتعرف مين هديك
امير / لتكون عجبتك
خالد / بلا سخافة
امير / اممم بظن انها بتدرس مع هدى
خالد / اهاا
~~~~~
بمكان ثاني بتركيا
كان يسوق السيارة بسرعة جنونية ولا زوجته خائفة ولا مو فاهمة شو عم يصير
..... بخوف / شو صاير عمر احكي لوين رايحين
عمر / أأخي احمد بالمشفى
إلين بصدمة / ككيييف
عمر / ساوا حادث سيارة
و بعد شوي وصلو المشفى
و سأل عن أخوه
موظفة الاستقبال / المريض وهو المرة يلي كانت معو حالتهم خطرة و هنن بغرفة العمليات
~~~~~
كانت رؤى عم تحكي مع مجد
و بعد شوي الشباب نادو مجد فراح لعندهن
و لما كانت رؤى راجعة سحبتها هدى
هدى بحقد / شو كنتي عم تساوي مع مجد
رؤى بسخرية / هه و شو دخلك
هدى / احكيي
رؤى / يكون بعلمك انو مجد ابن عمي و بحكي معو مثل ما بدي مو مثلك انتي وحدة غريبة ما يعرفها او بالأحرى بيكرهها
هدى / مجد ما يكرهني
رؤى / اي واضح
هدى / ليكي مجد إلي أنا لا تحاولي تقربي منو وإلا بتندمي
رؤى بعدم مبالاة/ سوى يلي بتقدري عليه مو خايفة منك
و راحت رؤى
~~~~~
ظلو ينتظرو عند غرفة العمليات إلى أن طلع الدكتور
عمر بلهفة / طمني دكتور
الدكتور / نحنا بذلنا جهدنا بسس الأعمار بيد الله..... أنا آسف المريضين انتقلو لرحمة ربهم
انصدمو عمر و إلين
عمر و دموعه تنزل / لا لا مستحيل اخيي
إلين و هي تبكي / اهدا و ادعيلهن بالرحمة اهدا
~~~~~
انتهت الحفلة ولا الكل رجع لبيته
و رتبو البيت و طلعو ينامو
~~~~~
& بعد يومين &

انتهت جنازة ليلى و أحمد
و بكرا يرجعوا للندن
~~~~~
المساء
الساعة 8:00

إلياس / بظن أبي و امي بكرا رح يرجعو
رؤى / أي يمكن معناتو لازم نروح للجامعة بكرا
منال / أي صح
مجد / شو رأيكم نتفرج شي فيلم لبين ما يجهز العشا
منال / اوكي بس يكون رومنسي
رؤى / أوكي
مجد / هي يلي يتحب الاكشن
رؤى / ههههههه هالمرة غيرت رأيي
و تفرجوا الفيلم و تعشو و نامو
~~~~~
& يوم جديد &
البنات راحوا للجامعة
وإلياس راح للشركة و مجد طلع
~~~~~
بالطيارة

إلين / المسكينة رؤى كيف رح نخبرها
عمر / أي والله اكيد رح تنصدم
إلين / الله يكون بعونها و يصبرها
عمر / اميييين
~~~~~
المساء
رجعوا البنات من الجامعة
و دخلوا البيت
رؤى / ههههه أي شفتي
منال / ههههه أي بس ما توقعتها تساوي هيك
رؤى / اااا عمي اجيتوو و سلمت على عمها و مرت عمها
رؤى / بس الصراحة أنا زعلانة منكم لانكن ما اخذتوني عند بابا و ماما
شاف فيها مجد بنظرة حزينة و نزل راسه
عمر / بنتي ابووك و امك..تو.......
و نزلت دمعة من عينه

~~~~~

نهاية البارت
بانتظار آراءكم و توقعاتكم
و الى اللقاء في البارت القادم
 

RoSiie

⭐️ عضو مميز ⭐️
البارت التاسع

~~~~~

عمر / توفو
منال صرخت / كييف
رؤى / لا لا مستحيل مستحييل
انهارت عالارض و قعدت تبكي بكاء يقطع القلب
الكل زعلوا عليها منظرها من جد يقطع القلب
قربت منها منال لتهديها
بس رؤى بعدت عنها
رؤى وهي تبكي / بعدي عني بعدي ما بدي ياكي ما بدي ما بدي
قامت ركض لغرفتها و قفلت الباب
طلعت وراها منال
منال من ورا الباب / رؤى حبيبتي لا تساوي بنفسك هيك حرام
إلين / بنتي افتحي الباب
و ظلو يحاولون معها انها بتفتح الباب بس من دون جدوى
------
& بعد مرور شهر &
رؤى دائما حابسة نفسها بغرفتها و ما بتطلع الا للضرورة
و الباقي على حالهم
~~~~~
المساء
إلياس / امي رؤى ما طلعت من غرفتها ؟
إلين / لا يا ابني ما طلعت
عمر / الله يكون بعونها و يصبرها
الكل / امين
دخل مجد للبيت
مجد / اهليين
عمر / مرحبا
قعد معهم شوي و بعدها طلع لغرفته
و بطريقه مر من غرفة رؤى
مجد / رؤى
رؤى كانت جالسة عالسرير و تشوف صور أمها و أبوها لما سمعت صوته دق قلبها بقوة
مجد / رؤى افتحي الباب
رؤى / ما بدي ما بدي شوف حدا
تنهد مجد و توجه لغرفته
~~~~~
منال / انا طالعة شوف رؤى يمكن ترضى تفتحلي
عمر / أي روحي يا بنتي
~~~~~
عند رؤى
كانت قاعدة و سرحانة تتذكر كل لحظاتها مع أمها و أبوها
رؤى بنفسها / تركتوني مثل ما تركني اياد و الكل ليش هيك عم بخسر يلي بحبهن لييش
قطع سرحانها صوت دق الباب
منال / رؤى حبيبتي افتحي الباب
رؤى / .......
منال / بتعرفي البنات بالجامعة مشتاقينلك و كل يوم يسألوني عنك
رؤى / مو مهم
منال / طيب عالاقل انزلي كلي شي ما بيصير هيك
رؤى / منال ما بدي ما بدي شي
~~~~~
هدى / أي هههههه بتستاهل
نورهان / ماتوا أمها و أبوها مرة وحدة
هدى / هههههه يا حرام.... بتعرفي رح حاول اقنع أمي انو نروح بكرا عند خالة الين
نورهان / أوكي و خبريني شو بيصير معك
هدى / أوكي باي
نورهان / بااي
سكرت من عندها و نزلت تكلم أمها
~~~~~
يوم جديد تعلن عنه أشعة الشمس
~~~~~
عند رؤى
فاقت بكير اليوم
و كانت قاعدة بغرفتها مثل العادة
بس حست بعطش شديد و طلعت من الغرفة متوجهة للمطبخ الصغير يلي بهذا الطابق
~~~~~
أما مجد
كان نازل تحت ليفطر بس انتبه لرؤى مشى بسرعة و لحقها و مسك أيدها و لفها له
انصدم من شكلها كان وجهها شاحب
مجد / رؤى ليش عم تساوي بحالك هيك
رؤى / .................
مجد / رؤى بيكفي اذا مو عشانك عشان امك و ابوك برأيك لو كانو عايشين و شافوك بالهحالة رح ينبسطو اكيد لأ بعرف انك زعلانة و هذا شي اكيد بس مو لازم توقفي حياتك خلص عيشي حياتك
نزلت الدموع من عيون رؤى و راحت ركض لغرفتها
رؤى بنفسها / هو معو حق بس....
تنهدت و قالت / خلص أنا لازم عيش حياتي
راحت تحممت و ظلت تقريبا ساعة و نصف
و بعدها طلعت جهزت نفسها و نزلت
ما كان في بالصالة غير إلين
رؤى / صباح الخير خالة
إلين بفرح / صباح النور بنتي و اخيرا طلعتي
رؤى ابتسمت و ما حكت شي
أما إلين نادت الخادمات و قالتلهم يجهزو الاكل لرؤى
أكلت رؤى و ظلت مع إلين بالصالة
~~~~~
بالجامعة
بالكافتيريا كانو قاعدين بطاولة
مايا / أممم يعني لحد هلأ ما طلعت
منال / لا والله
سيرين / حالتها صعبة والله
عبير / أي صح
~~~~~
بالشركة
إلياس / أممم الاجتماع بعد ساعتين صح
السكرتيرة / أي أستاذ
إلياس / اوكي
طلعت السكرتيرة
إلياس / أممم شراكتنا مع هالشركة رح تربحنا كثيير
~~~~~
دخل البيت و هو يحكي بالموبايل
مجد / ( امممم ما بعرف...... طيب انت شو رايك....... لا لا حبيبي ما اخذت اجازة عشان ساعدك بالشغل...... " جلس على الكنب وكمل كلامه"ههههههه طيب طيب...... أي بعرف سمعت عن هي الشركة....... ليك بدك رأيي الغي اجتماع اليوم و اعقد صفقة مع هي الشركة..... اوكي باي )
نزل الموبايل و رفع راسه و انصدم لما شاف رؤى رغم انها نزلت وتجهزت كان باين الحزن بعيونها
مجد / رؤى !!!
إلين / هلأ لانتبهت
مجد / ههههه كنت عم بحكي مع إلياس و ما انتبهت " التفت لرؤى " كيفك ؟؟؟
رؤى / منيحة
ابتسم لها و انشغل بموبايله
~~~~~
بالجامعة
عبير / يلا بنات اجا سعيد باااي
مايا و منال / باي
منال / اففففف وينو هالسواق الغبي
مايا / شوي شوي عالمسكين
منال / صارلي ساعة عم انتظر شوفي الكل راحو
مايا / اي ساعة ما صارلنا خمس دقايق ... لا يكون الوقت توقف ياويلي
منال / مايا بلا هبالك هلأ اي صح انتي مع مين رح تروحي ؟؟
مايا / اتصلت عالسواق شوي و يوصل
شوي و وصل سواق مايا
مايا / هاا ليكو اجا
منال بخوف / افففف والله هذا تأخر كثيير
مايا / قالتلي رؤى انك خوافة بس ما توقعت لهالدرجة
منال / بلا سخافة هذا شكلو ما رح يجي احسن شي اتصل على مجد
مايا / اخوك الحلو
منال رفعت حاجب / و انتي وين شفتيه ؟؟
مايا / بالحفلة و سألت رؤى عنو بس ما بظن انو هاد هو امم مو متذكرة اسمو بس ما بظن انو مجد
منال / إلياس ؟؟؟!!
مايا/ اي اي هو
منال / هممممم
و اتصلت على مجد
منال / اففففف موبايلو مقفل
مايا / طيب اتصلي على الثاني
منال / بحاول
( الوو.. أي.. لا بس السواق ما اجا.. طيب ابعثلي سواق من الشركة.. اها أوكي .. يلا باي )
منال / خلص شغلو و رح يجي
مايا / اها طيب بستنى معك
منال / منشان تشوفي حبيب القلب
مايا / و لك اي حبيب قلب بس منشان ما تظلي لحالك
منال / ههههههه
~~~~~
....... / سيييرين
سيرين / نعم بابا
مراد / بنتي عمك مبارح اجو من السفر
سيرين / أي بعرف ماما قالتلي
مراد / و بكرا رح يجو لعندنا
سيرين / طيب
بعد شوي
قامت سيرين / عن اذنك بابا
مراد / اذنك معك
طلعت لغرفتها و اتصلت ببنت عمها سارة
سارة / الوو
سيرين / مرحبا سوير
سارة / كم مرة بدي قلك انو اسمي سااااااااااارة مو سوير
سيرين / ههههه طيب طيب ما قلنا شي " سكتت شوي و بعدها قالت بحماس " عمي بكرا رح يجي لعندنا
سارة بخبث / عمي ولا ابن عمي ؟
سيرين / ههههه الاثنين
سارة / والله ما بعرف شو عاجبك فيه
سيرين / بحبو بحبو بحبو
سارة / ههههه خلص لا تموتي علينا
~~~~~
منال / ليكو إلياس اجا
مايا / اوكي باي حبيبتي
منال/ ما بدك تشوفي حبيب القلب
مايا / انقلعي
~~~~~
ركبت بالسيارة
إلياس وهو يشغل السيارة / مين هي ؟
منال بابتسامة خبيثة / ليش عم تسأل ؟؟
إلياس / مجرد فضول
منال / هممممم هي مايا
إلياس / أها
~~~~~
فتح البيت
و دخلوا
صرخت منال / رؤى
مجد / اااااي اذني
منال / ههههههه
و راحت ضمت رؤى بقوة
إلياس وهو يجلس / شوي شوي عالبنت خنقتيها
منال / اشتقنالك يا حلوة
إلياس / أي والله
رؤى/ خلص ما عاد بترككن ولا دقيقة
~~~~~
و انتهى اليوم عادي على كل ابطالنا
~~~~~
& يوم جديد &
كالعادة يلي راح للجامعة و يلي راح لشغلو
~~~~~
بالجامعة
نورهان / مو كنتو رح تروحو عن مجد
هدى/ ماما ما رضت
نورهان / اها
~~~~~
بطاولة أخرى
ياسمين / و اخيرا شرفتي انسة رؤى
رؤى / جننتوني من الصبح ياريت ظليت بالبيت كان احسن
عائشة / لا خلص حبيبتي بس كنا قلقانين عليك
رؤى / يا روح قلبي انتي
~~~~~
...... / اهلين حبيبتي
ميرنا بدلع / اشتقتلك حياتي
...... / و انا كمان اممم شو رايك نلتقي بكرا
ميرنا بزعل / ليش مو المسا
...... / مشغول و ما بقدر
ميرنا / طيب بشوفك بكرا
سكر من عندها وبداخله / هه مصدقة اني بحبها المسكينة.... انا ما في بقلبي غير هديك الحلوة ااه بس ايمتا تصير لي

~~~~~

نهاية البارت
بانتظار آراءكم و توقعاتكم
و الى اللقاء في البارت القادم

 

RoSiie

⭐️ عضو مميز ⭐️
مو معقول
بجد التفاعل منعدم
وين المتابعين
عم اتعب و بالنهاية ما لاقي ولارد
لييش طيب
لو ما بدكم الرواية قولولي
 

RoSiie

⭐️ عضو مميز ⭐️
البارت 10

~~~~~

بالجامعة
و تحديدا بالقاعة
الطلاب قاعدين يستنو

عبير / واااو بنات شكل الدكتور ما رح يجي
عائشة / بس مبارح قال عندنا درس مهم
مايا التفتت عليها و هي تقلد الدكتور / بكرا عندنا درس مهم " رجعت لصوتها " و لك شبك لازم تفرحي لانو ما جا
ياسمين / بعدين مين قال انو ما جا
عائشة / صراحة انا بدي يجي لاني بحب هالمادة
منال / و انا كمان
مايا / افففف بموت و بعرف شو عاجبكم بالدروس
منال التفتت على رؤى / رورو ليش ساكتة
رؤى سرحانة / ..............
عبير و هي تحرك يدها قدام رؤى / رورو
رؤى / هاااه
مايا / شو رورو القط بلع لسانك
رؤى / لا بس سرحت شوي
مايا / بنات شو رايكم نطلع من الجامعة
عائشة / و المحاظرات
مايا / عادي يا قلبي اصلا ما باقي غير محاظرتين
منال / حتى لو
مايا / اي اسطفلو انا بطلع يعني بطلع
عبير بحماس / انا معك
ياسمين / و انا كمان لاني مليت
مايا / و انتي رؤى ؟؟
رؤى رفعت اكتافها بعدم اهتمام / معكم
عبير / حلوووو
بهاللحظة دخل طالب و قالهن انو الدكتور غايب
اغلبية الطلاب طلعو للكافيتيريا ينتظرو وقت المحاظرة يلي بعدها
~~~~~
رؤى / ليكها السيارة هنيك
ياسمين / وااااو هي سيارتك
رؤى / اي
عبير / يا حظك حلوة كثيييير
رؤى/ ههههههه
مايا باستهبال و هي تمسك قلبها / وااااي قلبي الصغير لا يتحمل
البنات / هههههههه
~~~~~
نورهان / يعني ما لقيتي وقت الا هلأ
هدى/ افففف ما بقدر بعد الجامعة بخاف بابا او اخي يجو ياخدوني لهيك اتفقت معو هلأ
نورهان / طيب طيب
هدى / خلص بس بحكي معو و برجع
نورهان / اوكي عم استناك
~~~~~
منال و هي قاعدة بطاولة بالكافيتيريا مع عائشة / الغبية طالعة
عائشة / مين قصدك
منال / مين غير هدى يعني
عائشة / ههههههه
منال ابتسمت ثم نزلت راسها و قعدت تفكر
قطع عليها تفكيرها صوت عائشة / لساتك متذكرته
رفعت راسها / والله ما قدرت انساه حاولت كثيير بس ما قدرت بحبو والله بحبو
عائشة بحنان / بعرف حبيبتي بس هو راح لازم تتقبلي الواقع
منال تنهدت و ما قالت شي
" عائشة اقرب وحدة لمنال لانهن بيعرفو بعض من لما كانو صغار و كمان عائشة مثل منال هادية و خجولة و تهتم بدراستها و خوافة شوي يعني شخصيتها مو قوية
بعكس مايا و رؤى
مايا مرحة لابعد حدود و معروفة بهبالها
اما رؤى كمان مرحة ولا لطيفة لكن بنفس الوقت شخصيتها قوية و واثقة من نفسها ما تسمح لاحد يهينها او يغلط عليها و عنيدة لدرجة ما بتتصورونها "
سيرين / أهلا بنات
منال و عائشة / اهلييين
و قعدت معهم
~~~~~
بالسيارة
رؤى كانت حتشغل السيارة بس قطع عليها صوت مايا
مايا / بنات هديك مو هدى
البنات كلهن التفتو ما عدا رؤى يلي ماهتمت
عبير / رؤى شوفي
لفت رؤى بملل بس استغربت من الشاب يلي عم تحكي معه هدى
مايا / مين هالشاب
رؤى بعدم اهتمام / اكيد واحد من الشباب يلي بتعرفهن
مايا بسخرية / عأساس بتحب ابن عمك
رؤى/ هه اصلا يلي بترمي نفسها عالشباب توقعي منها اي شي
شغلت السيارة
رؤى/ بنات وين بدكن تروحو
مايا / خذينا لشي حديقة
رؤى / اوكي
~~~~~
هدى/ مثل ما اتفقنا
الشاب بخبث / اوكي و البضاعة حلوة
هدى / و انا بجبلك شي مو حلوو
الشاب / طيب متى
هدى / بعدين بخبرك المهم انتبه و اصحك تكتشف انك من طرفي
الشاب / اتفقنا
و رجعت للجامعة
~~~~~
بالشركة
بمكتب إلياس
إلياس / بتعرف صاحب الشركة يلي عملت معه الاجتماع اليوم حسيت و كإني بعرفه من زمان طريقة حكيه و اسلوبه مألوف
مجد / يمكن عم بتتوهم او مشبه ......المهم شو صار اتفقتو
إلياس/ اي حكينا شوي عن الشغل و بعد كم يوم رح نعمل اجتماع ثاني
مجد / اها طيب
إلياس/ انا خلصت شغلي خلينا نطلع
مجد / طيب يلا
و طلعو من الشركة بعد ما مرو على عمر
و إلياس طول الوقت يفكر بصاحب الشركة " كل شي نفسه اسلوبه و هدوئه و ضحكته حتى صوته..... لالا شو عم احكي اكيد مجرد صدفة "
نفض راسه من هالافكار و كمل طريقه مع مجد
~~~~~
رؤى / بنات يلا خلونا نرجع
مايا / مر الوقت بسرعة
ركبو السيارة و رجعو للجامعة و قعدو بالكافتريا
عبير / باقي ربع ساعة عإنتهاء المحاظرة
رؤى / انا رايحة عالحمام
راحت رؤى و بطريقها مرت على شباب صارو يتغزلو فيها
ما اهتمت لهم و كملت طريقها و لما كانت راجعة
واحد من الشباب بصوت عالي / بتشوفي يا حلوة ان ما خليتك لي انا
التفتت عليه و ناظرته من فوق لتحت باحتقار ثم لفت و رجعت للبنات

~~~~~

نهاية البارت

 

RoSiie

⭐️ عضو مميز ⭐️
خاب املي جدا لما دخلت و ما لقيت ولا رد
شو صاير بالمنتدى
بحاول قدر الامكان اصبر بس بجد كل ما ادخل بتحطم زيادة
وييين المتاابعين
رح انزل فصلين بسبب التأخير يلي صار
مع انو ما في ولا رد كل هي الفترة
بس ما رح اهمل روايتي
و اتمنى من قلبي يرجع التفاعل لها

البارت 11

~~~~~

المساء
بغرفة سيرين
سيرين / منيح انكن جيتو
سارة / اكيد بجي لشوف حبيب قلب سيرين
سيرين / بلا غلاظة كيف طالع شكلي ؟
سارة / بتجنني
سيرين ابتسمت و ما حكت شي
~~~~~
بسيارة
فيها شخصيات جديدة اول مرة نشوفها
ناريمان / يا اولاد اهدو
رغد / امي احكي مع ابنك
مروان / ههههه شو دخلني اذا انتي خوافة
رغد / اففففف غبي
مروان / ههههه مثلك
عامر / خلصنا بكفي خناق يلا انزلو
مروان بخاطره " و اخيرا وصلنا اااه مشتاقلها مووووت "
نزلو من السيارة و دقو الجرس
سلمو على الموجودين و يلي هم مراد و اخوه اي عم سيرين و ابناءهم
و بعدها جلسو الصبايا و الشباب " مروان و ريان اخو سارة "مع بعض بجهة و الكبار بجهة
مروان /شو كيفكن بنات
سارة / الحمد لله تمام
اما سيرين فما ردت لانها كانت مجمدة مكانها حبيب الطفولة قاعد جنبها
مروان بابتسامة / و انتي سيرين كيفك ؟؟
سيرين بتوتر / اا تمام و انت
مروان / بخير
و ظلو يحكو مع بعض
مروان كان ملاحظ انو رغد تكلم سيرين بغرور و من دون نفس بس قال بعدين بيسألها
" بالحقيقة رغد من زمان ما تحب سيرين و بعد ما سمعتها تحكي مع سارة و عرفت انها تحب اخوها كرهتها اكثر "
~~~~~
& يوم جديد &
بمنزل جديد اول مرة نزوره
ميرنا / اففففف شو قصدك
ليزا / قصدي انو يمكن يكون عم يخدعك يعني
ميرنا / انا واثقة فيه هو ما رح يخدعني
ليزا / حبيبتي انا كمان كنت بحبو لجان بس شفتي شو ساوا
ميرنا / بس مو نفس الشي
ليزا / براحتك
~~~~~
بالجامعة
نورهان / دبرتي رقم رؤى
هدى / اي بس شو بدنا نساوي فيه
نورهان / هلأ مو انتي رح تلتقي بمجد
هدى / اي
نورهان / لكان اسمعيني لما تلتقي فيه ابعثي مسج لرؤى انو تجي لهداك المكان و هيك هي بتكرهو و هو بيكرهها
هدى / امممم اي والله فكرة حلوة لكان انا بكرا بتصل بمجد
نورهان / اوكي حلو
~~~~~
بشركة جديدة
و يلي هي شركة شريك إلياس
السكرتيرة / استاذ تفضل هالاوراق لازمهن توقيعك
...... / طيب ما عندي اجتماعات اليوم
السكرتيرة / لا استاذ
....... / اوكي شكرا
~~~~~
رؤى / منال انا بروح للمحل دقيقة و راجعة
منال / اوكي اصلا هالسواق ما رح يجي هلأ اكيد بيطول مثل العادة
رؤى / اوكي انا رايحة
و راحت لتشتري من دون ما تحس بيلي كان عم يراقبها
و لما كانت راجعة
حست باحد يمسك ايدها
التفتت و كان شاب حست بانها شايفته من قبل بس ما اهتمت كان كل همها تفك ايدها بس مافي امل
سحبها بقوة و اخذها لجهة ما فيها ناس و لزقها بالجدار و قرب منها و طبع بوسة على خدها
اما رؤى فكانت مجمدة مكانها و ما حست الى بيلي ضرب الشاب بوكس قوي و لما جا الشاب بيرد البوكس مسك ايدها و لواها و بعدها التفت لرؤى و مسك ايدها و مشاها معه شوي و بعدها وقف
رؤى / س سسعيد
سعيد / انتي منيحة؟؟
رؤى و هي تحاول تحبس دمعتها / اي اي منيحة .... شكرا
سعيد / ولايهمك...... بتعرفيه لهاد ؟؟
رؤى هزت راسها بالنفي و ما حكت شي
كملو مشي حتى وصلو لعند البنات
~~~~~
وصلو لعند البنات
و البنات استغربو لما شافوهن مع بعض
عبير / انتو وين كنتو؟
سعيد / كنت جاي لهون و شفتها بالطريق
عبير / اها طيب نمشي
سعيد / يلا
ركب سعيد سيارته و عبير ودعت البنات و راحت
منال / رورو شبك
رؤى / هاه
منال / شبك انتي
رؤى / لالا ولا شي
منال / طيب ما رح نمشي
رؤى / مو رايقة سوق اتصلي بالسواق
منال و هي مستغربة من انقلاب رؤى / طيب!!!
~~~~~
بكوفي قريب من الجامعة
هدى / ساويت يلي قلتلك عليه
جاك / اي
هدى / حلوو ورجيني الصور
جاك و هو يمدلها مجموعة صور / تفضلي
هدى بابتسامة خبيثة / حلوووو "ومدتله مبلغ من المال" هذا حقك
جاك اخذ المال و راح
اما هدى ظلت تقلب بالصور و بعدها اتصلت بنورهان
نورهان / الوو
هدى / رح طييييير من الفرحة الصور معي هلأ
نورهان /ههههه طيب شوي شوي
هدى / هههههه والله مبسوطة
نورهان / حلو لكان بكرا ساوي مثل ما اتفقنا اوكي
هدى / اووووكي و اخيرا بنتخلص منها
نورهان / يلا حبيبتي انا لازم سكر
هدى / ليش وينك انتي
نورهان بتوتر / اا بالبيت .... ييلا بااي
و سكرت من دون ما تنتظر رد هدى
اما هدى فاستغربت من هالشي و من توتر نورهان
~~~~~
قاعد بغرفته على سريره و يفكر فيها ما غابت عن باله و لا دقيقة
مستغرب من كل هالتفكير فيها حتى هو مو لاقي تفسير لهالشي
بس الشي الوحيد يلي يعرفه انه كان رح يجن لما شاف هداك الشاب يبوسها كان ممكن يقتله بهديك اللحظه لو ما مسك اعصابه
" اااه بس لو اعرف مين هداك الشاب و شو بدو منها "
قطع على تفكيره صوت طرق الباب
رد / ادخل
دخلت عبير و هي تقول / داخلة من دون عزيمة يا حلو
سعيد / شو بدك
عبير / افففف تعال العشا جاهز
سعيد ابتسم لاخته و نزل لتحت
~~~~~
بالليل
الكل نام ما عداها هي يلي ما قدرت تنام و ما رضى النوم يزورها
حاولت تنام بس من دون فايدة
تفكيرها مشوش
رؤى " مين هداك انا متأكدة اني شايفتو بس وييين وييين افففف و شو بدو مني وو سعيد شو جابو لهنيك يلا منيح انو اجا عالاقل ساعدني من هداك الواطي "
و كملت تفكيرها و هي محتارة و مو قادرة تتذكر وين شايفة هداك الشاب
~~~~~
يوم جديد
بالجامعة
قاعدة تحاول تركز بالمحاظرة و هي مو قادرة تفتح حتى عيونها بسبب قلة النوم
مايا يلي كانت قاعدة جنبها / رؤى شو صايرلك
رؤى / ولا شي بس بدي نااام
مايا / ههههههه اكيد سهرانة مبارح
رؤى / لا قولي ما نمت ابدا مبارح
مايا / هههههههههههههههه
رؤى / ولك اسكتي كل هاد ضحك
مايا وهي تحاول تحبس الضحكة / لا بس تخيلت رؤى كيس النوم ما بتنام غريبة هههههههههه
رؤى / هيييييييه انتي
مايا ظلت تضحك و مو قادرة توقف حتى طردتها الدكتورة من المحاظرة و هي ولا همها هالشي اصلا اخر همها الدراسة هي ورؤى
~~~~~
اما رؤى فابتسمت و بداخلها ضحكة على رفيقة عمرها
رغم انها اعتادت على البنات هون بالجامعة و ارتاحتلهن بس بتظل مايا رفيقة عمرها من لما كانو صغار كانو مع بعض و هي الوحيدة يلي ما تخبي عنها شي
~~~~~
انتهت المحاظرة و طلعو للكافيتريا
عبير /هههه مايا بدي اسألك على شو كنتي عم تضحكي ؟؟
مايا تذكرت شكلها و رجعتلها نوبة الضحك
رؤى / افففففف ليش حكيتي هي اذا ضحكت ما بتسكت لبكرا الصبح
مايا / هههه لالا خلص بسكت
رؤى / انا رايحة اشتري اكل احسنلي من القعدة معكم
مايا / استني بجي معك
و راحو سوا
مايا / رورو شو رايك تجي عندي بالبيت اليوم
رؤى / اليوم
مايا / اي اليوم شبك
رؤى / اممممم اوكي مو مشكلة
مايا صرخت و ضمت رؤى بقوة
رؤى / هههههه جنيتي
مايا / والله مليت هداك البيت مافيه غيري و الخدم
~~~~~
نورهان / يعني خلص بيجي
هدى / اي بيجي
نورهان / اتصلتي على رؤى
هدى / لا و بعدين ما رح اتصل رح ابعثلها مسج
نورهان / اي احسن
هدى / اي صح مبارح ليش سكرتي بسرعة
نورهان تلعثمت / اااا لا لا ولا شي بس كنت مشغولة شوي
هدى / اها
~~~~~
........ / رغد يا رغد وينك
رغد / نعم مامي
ناريمان / وينك صارلي ساعة عم دور عليكي
رغد / كنت بالحديقة
ناريمان / ليش ما رحتي للجامعة اليوم
رغد / اميييي والله تعبانة و مالي خلق
ناريمان / طيب طيب اخوكي وينه
رغد / ليش هو كمان ما راح
ناريمان / ما بعرف عنكن انتو كل واحد بمكان
سمعو صوت من وراهم / مين هدول يلي كل واحد بمكان
ناريمان / و اخيييرا شرف مروان بيك
مروان / اووهووو شو صاير كمان
رغد / انت ليش ما رحت للجامعة ؟
مروان رفع حاجب / و انتي ليش ما رحت ؟؟
رغد بغرور مصطنع / لاني اكبر منك
مروان / لا يا حلوة ما حزرتي انا اكبر
رغد / لا انا
ناريمان / خلصنا بلا خناق و امشو قدامي عالغذا
~~~~~
لما كانت طالعة من الجامعة و نيتها تروح مع مايا لبيتهم اجتها رسالة
فتحت موبايلها و انصدمت بمحتوى الرسالة

~~~~~

نهاية البارت
 

المتواجدين حالياً (عضو: 0, زائر: 1)

أعلى