روايات الأعضاء / جننتيني بحبك يابنت ابوك

جدل

⭐️ عضو مميز ⭐️
جننتيني بحبك يابنت ابوك

البارت الرابع

حزينه بائسه,تزداد رغبتها في العزله



ريم الي طالعت منصور كان منهمك بالشغل هو وربعه

رائد بتعب/اووووف اش الاوراق هذي الله ياخذك بموت
منصور/اكيد مو طول عمرك رامي اعمالك فوقنا
خالد"تالين"/انا خلصت ورفعت حواجبها بعناد/يابطيئين اشتغلوا زي الخلق
سلطان الي رفع حاجب/بالله وانت اش اسمك
خالد/خااللد الجاااازي ياسليطين
سلطان/سلطعون يقطع امغالك قال سليطين
ضحك رائد؛/وهو صادق
خالد/بالله يارويدين
منصور/خويلد اسكت الحين كملوا اشتغلوا بعدين تفلسفوا
رائد الي طالعه/اش علينا من عملك صح
منصور الي طالعه بغرور/وهذا وانا اشتغل عملك بس
رائد يقاطعه/طيب طيب خلاص كملوا
دخل رامي/هلاا هلا
منصور الي وقف يسلم على ابن عمه/روميو وصل يساعدنا
رائد/روميو اقول من هي يا رامي
رامي يمثل الوله/اوه اوه لاتذكروني فيها اطيح
سلطان الي غثاء/الله ياخذك قال حب
خالد/واش فيها
سلطان/الحب للاغبياء مثلك
خالد الي عصب/ وليش الحب حرام ياشيخ
سلطان الي وقف/ايه يا غبي
خالد/مالتزمتك تحب يا غبي اكيد مو مجرب الحب والحنان
منصور ورائد الي يطالعوهم بصدمه
رائد/ماتغيروا من قبل سنين
سلطان وخالد الي استغربوا/كييف
منصور/يقصد اول ايام لندن
خالد وسلطان الي ذكروا وطالعوا بعض وضحكوا/عهههههههه
خالد"تولين"/انا وهالسلطان طول عمرنا اغبياء
سلطان/لابعد درجة


بلاك فلاش للوراء
قبل9سنوات

انقذ صديق ابو تركي تولين بعدما كانوا رح يتهمونها بانها قاتله
كانت تبكي انها بمكان جديد ماتعرفه
وصل عبد العزيز صديق ابوها للفله تبعه دخل لعندها
تولين بدموع/طلعوني مابي اقعد
ابو زياد/طيب بس اول خليني افهمك الموضوع
تولين الي جلست بعد ماطمنها
ابو زياد"عبد العزيز"/ابوكي اتهموه بتهمه تبييض الاموال وطلعت برائته لان مافي دليل بس انتي استعجلتي لما دخلتي الزنزانات مع الرجال هذاك لانه حاول يعتدي عليك عن طريق ابنه وانتي اطلقتي النار صح
تولين/كنت مضطرة
عبد العزيز/ادري انك كنتي مضطرة بس في تهمه قتل موجه لك وفي شاهد بانك قتلتيه ولهذا افظل لك تبعدي عنهم الين نحصل الشاهد مو عارف وينه ومن هو
تالين بهم/يعني ماقدر اشوفهم صرت لوحدي
عبدالعزيز بحنان/شوفي يا تالين انا وابوك من اعز الاصدقاء وانا ابي تكوني امانه عندي للوقت المناسب الين نحصل الشاهد ويمكن نقعد سنين ندوره وربما مانحصله فلو انك تعتبري نفسك من عايلتي مافيها شي
تولين الي دمعت/يعني رح تكون انت بخطر بوجودي عندكم
عبد العزيز /لا لان بنغير شخصيتك
سمعوا دقه الباب انفتح كانوا عيال عبد العزيز دخلوا بعد الاذن سلموا على تولين كانوا ماجد وزياد ووسيم وسلوى وسديم
تولين/انا موافقه اقعد بس بشرط اسوي الي ابيه
عبد العزيز/طيب ايش نسميك
سلوى/ريم ولا دانه
سديم/لا لا سيرين
تولين الي فكرت/او خالد
ماجد/بس خالد اسم ولد
تولين/هذا هو المطلوب
وسيم بغباء/ولد!!
تولين ضحكت/مو ولد انا اكون الولد
عبدالعزيز للي جاء بيرفض/بس هذا خط..قاطعته تولين/لو سمحت محد رح يعرف وانت قلت اني حره بقراري وانك مارح تفرض علي شي
عبدالعزيز الي فكر بعدين تكلم/طيب من اليوم انتي خالد رح اكلم شخص يطلع لك بطايق بهذا الاسم بس رح تكون في شروط
تولين/تمت من الحين
زياد الي كان مستغرب من موافقه ابوه بس سكت وتقبل الوضع هو ووسيم وماجد
وسيم/اجل لازم تشتري ثياب
عبدالعزيز بمزح/اسمع ياخويلد ان ماهتميت بدراستك حسابك عندي
ضحكت ومثلت/طيب يبه الحين ابي ثياب اروح السوق
ماجد الي كان بعمرها راح وجاب ثياب جديده مالبسها من قبل اخذتها وطلعت قعدت نص ساعه
نزلت
الكل كان متفاجى
عبد العزيز/قصيتي شعرك
تولين/اجل شلون ولد بشعر
ماجد/ولد ولد بس بنيته ضعيفه
ضحكت/هههه انا خالد عبدالعزيز الجازي احم احم ومن قدي
عبد العزيز الي طالعها/اجل روح السوق وياويلك تتاخر
خالد/اجل رح اطلع اسبقوني يا شباب
الكل طلع
بعد ساعه كانت بافخم مركز رجالي كان فيه بنات جايات يشتروا لاخوانهم والي لحبيبها والي لزوجها والي لابنها وكان في شباب الي يرقم والي يشتري
كانت تمشي تولين/ياربي كانهم نفس الشي احح مارح ادور فساتين اه يادنيا
طالعت شباب كان واحد جالس بملل وواحد يقلب الاثواب وواحد يضحك
تكلمت/السلام عليكم
طالعوها كلهم رد اثنين والثالث طنش/وعليكم السلام
خالد الي رفعت يدها لراسها باحراج منهم/عفوا انا توي جاي من خارج البلد وماعمري شريت ثوب فاممكن اخذ رائيكم
الثالث بملل/احسن لك رد للخارج مالك مكان هنا وانت خكاري
انصدمت منه/خلاص شكرا جأت بتمشي وهي تلعنه سمعت واحد/طيب مافيها شي يا سلطان اهداء رح نساعده وخلاص
سلطان/والله ياطيب نصير انت بكيفك اش علي منك
منصور/لحظه لو سمحت يا اخ
لفت له/نعم
منصور الي مد يده يسلم تولين الي طالعت يده بتردد تلامسه ولا لا
سلطان الي يطالع بملل/اشوف مطول الاخ سلم ولا شايف نفسك
خالد الي سلمت /لا عفوا
منصور/تعال اوريك احسن انواع الثيابات وراح امامه وبدا يوريها تولين الي مستغربه وتطالعهم بملل
سلطان الي مو متقبل لشخصية خالد/وبعدين معك متكبر علينا ليش الا شكلك متخلف وتبي تاديب
تولين الي ملت منه تكتفت/خير ياطير اش عندك الحين الا الغرور قاتلك
سلطان وقف واشر باصبعه/انت ياحشره تحسب نفسك من
تولين الي طالعته بغرور/انا تول..وسكتت
سلطان الي ابتسم بسخريه/شفت انك سخيف
خالد/انا خالد عبدالعزيز واكبر منك يا
قاطعه سلطان/سلطان الكسار وعلى عينك
الشاب الثالث الي كان مطنش ركز/وااااافف وبعيدن معكم والله زهقت باي
منصور/استهدوا بالله والله حتى انا زهقت من الهوشه الفاضيه مو رائد بس
خالد/عفوا منك بس ربيعك هذا يبي له اعادة تاديب
سلطان الي قرب جاء بيضربها بكس بس تفادتها/الحين تبي تندعس صح
سلطان ضحك/ورينا يا كخاري
تولين الي عصبت بس سمعت صوت ماجد/خالد!
لفت/نعم
ماجد طالعهم وعرف ان في مشكله/اهدا مو وقت المشاكل معاك
تولين الي هدات/مو فاضي لاشكالك وطالعت منصور/شكرا والله الحين جاء اخوي وراح اشوف معه
منصور الي اشر لسلطان بمعنى اسكت وتكلم/عفوا ماسويت شي

درست تولين الثانويه بمدرسة خاصه كانت تحضر الاختبارات ولما صارت 19 خريجه حصلت منحه دراسيه للندن
ودعت اخوتها الي وقفوا معاها باصعب لحظاتها وابوها وامها الي ماتفرقهم عن اهلها الحقيقين
وصلت لندن
كانت تفكر في حياتها ثلاث سنوات عاشتها بهية ولد صارت تتقن حياتهم ثيابها نوع عطرها حركاتها طبيعتها صارت جادة بتفاصيلها راحت الفندق الي استقبلها بالترحيب المميز ليله كانت تحس بالوحده صحت الصباح راحت تروشت لبست شميز فضفاض وجاكت لان درجة البرودة قويه نزلت تتمشى دخلت كافيه
القارسون/what do you want please?
خالد/one cup of coffee and any Soup
القارسون بابتسامه/
Do you want meat soup?
خالد/amm ok that is great i hold on.
راح القارسون بطلبها وكانت الوحيده الي طلبتها والي ماتوقعوا احد يطلبها فبتتاخر شوي
فتحت كتاب اشترته وهي في الرياض كان روايه(لاجلك سأتغير)بدات تقراء وندمجت
مالاحظت جلوس الشباب توقفت عن القراءة عندما رمى شاب تعليقه الساخر غثاء/الله ياخذ كل الاشكال تبع الحب يجيبوا الغثاء
طالعته بغرور/ ماجربت الحب يعني
/الحب للاغبياء مثلك
عصبت/ وليش الحب حرام ياشيخ
سلطان الي وقف/ايه يا غبي
خالد/ما قلت لك تحب يا غبي اكيد مو مجرب الحب والحنان ومو ضروري يكون حب بين انثى ورجال في حب بين زوج وزوجته اخوه خالات بس انت متخلف
سلطان بغرور/انا متخلف شكلك ماتعرفني سلطان الكسار
خالد/ماتهمني المهم اني انا خالد عبدالعزيز الجازي

منصور الي ذكر/لحظه انت الي قبل 3 سنوات كنت بالسعودية
طالعته باستغراب وذكرت الثلاثه الي كذبت عليهم طالعتهم/اهاا هو انتوا
سلطان ورائد الي تذكروا
خالد/نفس الشخص الي هاوشني جاي يهاوش بالندن هذي بلاد مثقفه يا حبيبي ماتستحمل المتخلفين
سلطان الي طالعه بغرور/خلك على جنب يابزر قام وطلع من الكافي ومنصور ورائد الي لحقوه
خلصت فطورها دفعت ووراحت بسرعه لاقرب مكتبه اشترت لها اقلام وكتب ودفاتر وطلعت كانت تجري لان الدكتور الي بيدرسها جاد وصلت وهي تعرق/ sorry cause I'm leta
الدكتور بتفحص شاف الي بيدها/ok I wash that is last onc can you came
خالد بفرحه/thank you very much
دخلت للصالة المحاضرة وجلست باقرب كرسي سمعت تعليق بالعربي/اههه وين مااروح يطلع لي
لفت وشافت سلطان ماقدرت تمنع ابتسامتها وضحكة ضحكة خفيفه/هه يادنيا ولفت
سلطان الي نفس الموضوع بسبب الصدف العجيبة ضحك يعني نفس التخصص يدرسون ونفس الكليه ونفس الاستاذ وبالقرب من بعض لفت طالعته/الاثنين الي كانوا معك يدرسون هنا
سلطان/ايه واشر لهم بعيونه وشافتهم خالد'تولين' <<<<اخاف تنسوا ان خالد بالاصل بنت الله الله بخالد
لفت لسلطان/اقول من السعودية انت
سلطان/ايوه
خالد/نتكلم بعدين لايقوم يقتلني الدكتور شكله مركز علينا من لما ضحكنا ما ابي انطرد من اليوم الاول
سلطان/اوك وكمل يتابع كلام الدكتور الي يوضح لهم طريقته الصارمه في التدريس وقواعده
الدكتور/that is every thing for today see you
الطلاب الي راحوا يودعوا دكتورهم والي كان منشغل بنفسه والي طلع دار حوار بين خالد وسلطان والمشاكل مادخلت وضحكوا وصل منصور ورائد/اففف الدكتور خبيث
رائد بتحلطم/يعني الساعه5 صباح وحنا بالمحاضرة اش الجنان هذا
منصور الي شاف خالد/خير
حكوا لهم القصه ومن يومها وهم اعز اصدقاء درسوا مع بعض وتخرجوا والحين يشتغلوا بس مايعرفوا حقيقة خالد


انتهى البارت صح صغير بس والله اني تعبانه مالي حيل اكتب اكثر وعفوا عفوا عفوا مليون مره على الاخطاء الاملائيه
 

جدل

⭐️ عضو مميز ⭐️
جننتيني بحبك يابنت ابوك

البارت الخامس

جميع القصائد لأجلك شابت وتبعثرت



امل الي كانت ببيت عمها جهز لها اثاث من افخر الشركات و طلب لها دكتورة من خارج البلد علشان يعالجها وتقدر تمشي بدون عكاز
كانت تمشي في الحديقة/كانت الحياة سوداء من بعد اخوي وامي وابوي عشتها بالمستشفى ندبت ولعنت حظي مليون مره اني ما مت معاهم صح كانت فتره مره بس في امل رجعني عايشة بعد موت اهلي اني عرفت عمي او اعمامي بس عمي ابو رامي كان السند كان البلسم الي طيب جروحي اعرفه من اسبوعين بس وخلالها حسيت ان ابوي جنبي وهذا الشي مخلي الحياة تستمر عندي صح واضح ان في مشاكل رح تكون بسبب الورث بس مستحيل اتنازل عن حقي
طالعت بنات عمها الي كانوا سحبين على الجامعاتهم
سمعت صوت يناديها/اموله
لفت شافت بنت عمها ساره
امل ببتسامه/ياهلا
ساره/قاعده تتمشي وواضح تفكيرك بعيييييددد بمكان ثاني
امل الي ضحكت/وانتي اتركي الفضول
ساره الي تخصرت/الله عندك اسرار
امل بعناد/اوووه اسرار دولة لو تعرفي
سمر من وراء/اخاف يكون معك بيبي
امل الي تمثل انها بريئه/نوووو انا مؤادبة مافي معي ليكون انتي معك
سمر مثلت الدوخه وضحكت ساره
سمر/وه وه فديته لاتذكريني فيه
ساره/مفضوحه
امل/جد جد انا زهقانه كلموني اسراركم
سمر الي سحبتها وساره معاهم جلستها وجلست جنبها وساره بالارض/اسمعي بس سر ماتقولين لحد
امل بحماس/طيب كملي
سمر/هو طبعا صديق رامي اخوي من اعز اصدقائه المهم هو اسمه هلال
ساره/هذا الاهبل عشقته الغبيه مع انه بهذلها
امل/واااوو بالموضوع لقاءات
سمر الي انحرجت/يووووه مو لدرجة هذي الله ياخذكم الموضوع ان مره كنت امشي بالشارع وكان في قليلين ادب الله ياخذهم يرمون كلام ويعني هلال يعرف اني اخت رامي اول ماشافهم يعني قال لهم ليه لاحقينها وبعدين انا استحيت ودخلت المول وهو لحقني قال لي لا اطلع بدون السواق وما ادري ايش طلع لي الجن وقلت له مالك شغل واحم احم عصب وبعدين بدا يصرخ انه غبي واني ما استاهل ووو المهم هذك اليوم زعلت ورديت البيت ابكي ليه يدخل ويوم مع يوم مادري كذا عدة مواقف واعتذر وبعدين
كملت ساره/سرق قلبها ههههههه خبله
سمر/خلاااص اوووصصص لا تسألوني المهم اني احبه
امل/تتوقعي يخطبك
سمر الي توترت/هذا الي اخاف منه الرفض انه مايكون في بيننا تبادل مشاعر
امل/خلاااص بدانا بالمخاوف انسوا الموضوع تعالوا نتمشى
سمر/طيب يله
________________
صحت الساعه12 ضهر قعدت في السرير بدون اي تحرك تحس مالها طاقه انها تصحصح او تواجه اهلها خصوصا وهي عارفه ان بدر رح يجي اليوم مثل ماقال لها سمعت دق الباب قامت مشت ببطء/من
ندى/علا صحيتي
علا الي فتحت الباب شافت اختها ماراحت لمدرستها استغربت/ندى ليه مارحتي المدرسة
ندى/كنت قلقانه عليكي مارحت انتظرت لما تصحي انتي بخير
علا الي تضايقت لما تذكرت يومها السابق/انا تمام ندو اكلمك بعدين الحين انا متضايقه
ندى بدون تفكير/بسبب ان بدر بهذلك والله كان لصالحك
علا/بعدين نتكلم لو سمحتي
ندى/طيب المهم الحين بيت عمي رح يجون اليوم جهزي حالك تقولك ماما
علا الي تضايقت وحست ان دموعها بتفضحها /طيب باي
ندى/لا تنسي هاا تمام ومشت
علا الي غلقت بابها وراحت فتحت جوالها شافت 3 الف رساله وتس اب استغربت فتحت بس توقفت عند رساله من صديقتها/ماتوقعت ان تطلع منك هذي الاشياء بعمارة دعارة ياعلا انتي الي كلنا نوثق فيك والي نتمنى نصير مثلك في النهاية تكوني كذا انا مايشرفني اكون رفيقتك وخصوصا بعد سمعتك الزفت انتي ورغد الكل صار عارف بلاويكن الله لا يبلينا
علا الي دمعت/شلون وصل لهم الموضوع انا لازم اكلم بدر يغلق الموضوع
مسحت دموعها وراحت تتروش ونزلت تساعد امها

الساعه2 عند ريم ومنصور
كان منصور مشغول اما ريم خلصت كل عملها وقاعده زهقانه
منصور شافها/خلصتي
ريم/من زمان
منصور/طيب الحين تقدري تروحي وبكره لازم نروح الميتم الي بيكون المشروع فيه
ريم الي تكره موضوع الميتم/مو ضروري اكون موجودة
منصور/ضروري لانك السكرتيره الي عليك هذا العمل
ريم الي مالها حيل بس غصب عنها/طيب استاذ منصور
منصور/كذا تمام
ريم الي اخذت اغراضها وطلعت على خرجتها قابلت رائد
رائد/السلام عليكم
ريم الي ردت/وعليكم السلام استاذ رائد الاستاذ منصور في مكتبه
رائد/اها طيب وانتي وين رح تطلعي
ريم الي تضايقت انها يسال عن خصوصياتها/خلصت عملي ورح اطلع
رائد الي حس انها تضايقت كمل/رح تروحي البيت يعني
ريم/استاذ رائد لو سمحت الا خصوصياتي مابي احد يسألني فيها
رائد/اها طيب سلام
ريم الي مشت وتركته
رائد الي دخل لعند منصور/سلامو آليكم كيف هال انتا
منصور/انا الهمدولله تمام انتا كيف هالك
رائد ضحك/الله ياخذك من يتهبل معك تصدقه
منصور/لانك اهبل الحين اش جاي تسوي روح اشتغل
رائد الي تذكر/السكرتيره تبعك غريبه
منصور الي طالعه/ليش؟؟للحظه لحظه ليكون ناوي تشبكها
رائد/استغفرالله مو اذا تكلمت عنها ابي اشبكها بس فكرت وغيرت رائيي
منصور/لاتحاول تشبكها
رائد/حسيتها بتقتلني قبل شوي لما سألتها وين ناوية تروح
منصور/رائد شابك نص بنات السعودية يكفيك الا سكرتيرتي مابي اعرف انك تعرضت لها
رائد/مالت بس عليك على اساس ميت عليها الا انت مهتم فيها ليش
منصور/المسأله مو اهتمام مسألة انها غير الي اشتغلوا عندي والدليل الموقف الي حصل
رائد/الفضول عندي اشتغل ايش من موقف
منصور ركز/اقووول انقلع
رائد ضحك/انا اشم ريحه رومانسيه
منصور/ياخي سكرتيره احبها خف علينا تحسب اني مثلك
رائد/ان ماحبيتها ماكون رائد ياخي من قلقك عليها مني عرفت
منصور/رائد اذلف
رائد الي قام/عموما انا رح اروح لعند خالد يبي مني اقابل الموظفين الجدد
منصور/بأمان الله
________________
الساعه 4
في بيت مشاري الجبار
كانت تطالع ضيوف امها وعمتها الي زارتهم كانت متوتره من موضوع بدر و فضيحة الجامعة
سمعت امها تناديها/علا
وقفت/ها ي يمه
ام حمد/تعالي ابغاكي في موضوع جلست جنب امها الي بدات تكلمها ان الزواج سنه الحياة وانه الامومه قاطعتها علا/في شخص خطبني صح
امها/ابن عمك بدر
علا/ومن كلمك عمتي
امها/عمك كلم ابوك ان بدر يبيكي على سنه الله ورسوله
علا/طيب
ام حمد/بدر يبي انك تردي عليه اليوم اما تقبلي فيه او ترفضي
علا/انا موافقه
امها باستغراب/توقعت ترفضي او تطلبي وقت
علا/يمه خلاص قلت موافقه
ام حمد/طيب فكري لليل هذا زواج
علا/قولي لهم موافقه
ام حمد/طيب يالله اروح اكلم ابوك
وتركت علا مع البنات الي كانوا مندمجين ويتهاوشوا ويتمازحوا وهي خارج النطاق

ابو حمد/يعني وافقت
ام حمد/ايه بس قول لهم انها تبي تفكر لبكره لا يفكروا انها بلا حياء
ابو حمد/مافيها شي بس بقول لهم كذا يالله رح اروح اكلمهم
دخل/حيا الله ابو بدر والشيخ بدر
ابو بدر/الله يحيك ردت البنت
ابو حمد/والله ماقولك الا كل خير البنت مارفضت بس تبي تفكر لبكره على الاقل وهذا حقها صح يابدر
بدر الي كتم غيضه وهو يتوعد لها/اكيد حقها مانقدر نقول شي
ابو حمد/على بركة الله

بمكان ثاني عند واحده من بطلاتي كانت تتجهز لحفلته زميلتها بعدما اخذت اذن من خالها تروح كانت بأجمل صوره لها كانت لابسه فستان طويل بنك وسايبه شعرها مفتوح ماتوقعت ان ياسر ممكن يكون بالبيت و نزلت شافت رنا تتسمع الاغاني في الايبود/مارح تروحي معي
رنا بملل/خذي معك رناد والله مالي خلق وهي متجهزة تبي تطلع
لميس/طيب
رناد الي نزلت/يلله يا سلاااام يالله لموس بسررررعععععههههه نبي نطلع
لميس ضحكت/متحمسه الاخت
رناد/ياسر بالبيت على فكره
لميس الي اختفت ضحكتها/قوووولللي والله
رنا /روحي تغطي
لميس/خبله عارفه ولا كلمتني طلعت لغرفتها شافت باب الغرفه مفتوح توقعت ياسر
تكلمت/احم احم ياسر
ياسر الي كان يقرا واحد من كتبها سمع/نعم
لميس/ممكن تمد لي طرحتي وجاكتي لان ماني متغطيه وماكنت داريه انك بالبيت
ياسر/توني دخلت لحظه بجيب لك شاف طرحتها وجكتها مدهم لها من بعيد وهي خلف الباب سحبت الاشياء ولبستها دخلت شافته جالس بكل هدوء/متى دخلت
ياسر الي يتفحصها/مالي كثير
ياسر اشر لها تجلس وجلست /بغيت شي
ياسر/العقد تبعنا بكره وانا مجهز كل الاحتياجات
رفعت راسها بصدمه/بكره
ياسر/اظن كلمك ابوي امس
لميس الي نزلت دموعها/وانا جبت رائيي شلون تقرر بدون ماتكلمني
ياسر الي استهزاء/ومن متى انا استأذن منك اظن عارفه كيف عايشه
لميس/ياسر لو سمحت انا ما اقدر
ياسر الي وقف مد يده لها وهي استغربت بس مسكته_العلاقه بين ياسر ولميس قويه لانه رباها هو من وهي طفله بس حبيت اذكركم_مسكت يده سحبه معه للجدار توجه وغلق الباب ورجع لعندها/ايش الي مخوفك من زواجنا
لميس الي تبكي مسحت دموعها بيدها/انا طول عمري اعتبرك ابوي واخوي احسها صعبه ماقدر اكون معك الاحساس يقرفني لو سمحت تفهمني
ياسر/بس انا لا اخوكي ولا ابوكي انا كنت وللحين خطيبك اشلون فكرتي ان الموضوع تمضية وقت
لميس الي نزلت دموعها مره ثانيه/انا مابي لا تغصبني بشي ما ابيه مابي اتزوج من شخص اعتبره ابوي مااتقبلها
ياسر الي حس بأن الوضع مرسوم في عقل لميس غلط تكلم بهدوء/بس انا خطيبك انا مختلف عن ابوكي ان مو اخوكي
لميس الي عصبت/مااابببيييك مابييك جأت بتمشي بس حست بياسر يضمها من خلفها بطريقة مختلفه مو نفس ضمته لها لما تكون خايفه ولا لما يفرح لها ضمته لها مختلفه لمستها مختلفه حست فيه يلف يده حول خصرها ويضمها بقوة تكلم بهمس/الوضع مختلف تماما هذا الي معروف انا خطيبك واقدر اسوي اكثر من الي سويته الحين انتي تختلفي عن رناد ورنا انتي الحين امراه ورجل خطيب وخطيبته
لميس الي ترتجف بخوف ماهي معتادة على هذا الاسلوب لاول مره تمر فيه قالت برجفه ودموع/ياس ياسر ب بعد عني لو سمحت بعععد عني
ياسر/شفتي كيف خفتي لانك عارفه حقيقه اني انا وانتي زي باقي الخاطبين لازم مساحه بس انتي ماكان عندك مساحه
لميس/ياسررر بعددد خلاص مو قادره اتحمل لوسمحت يكفي حرام عليك
ياسر الي تركها وهي بتعدت مباشرة كانت مفجوعه والدموع تنزل جلست بالارض تحاول تلتقط انفاسها وتجمع نفسها بس ماقدرت كانت تبكي وتقول/ابي اروح عند عمي مابي اقعد اكثر مااابي اقعد اكثر
ياسر الي حس انه غلط انه يفاجها بهذي السرعه وانا غلط يقرب منها بس ماكانت نيته الاستمتاع نزل لعندها وبدا يعاملها بحنان الاخ والاب الي اعتدت عليه رغم صرامته/لمووس حبيبتي خلاص انا اسف تعالي اول مامسك يدها بعدت يبخوف/لا تلمسني
ياسر/مارح اسوي لك شي تعالي مد يده لها وهي تطالعه نفس الطفله الي جأت لهذا البيت قبل السنين بس بصوره اكبر
مسكت يده بعد تردد اخذها لسريرها/يكفي بكاء انا اسف خلاص
راح اخذ مناديل مبلله وراح يمسح الميك اب الي اعتفس حالتها ماتسمح لها تروح الحفلة اول ماخلص خلاها تنام وغطاها ونزل على نزلته شاف امه وخواته
ام ياسر/ايش فيها لميس
ياسر ببرود/دلع بنات وبس
رنا/مو قالت انها بتروح حفله صديقتها
ياسر/مافي حفله خلاص خليها تنام
انه بشك/انت مسوي لها شي مستحيل لميس ماتروح الحفله وتنام الا بسبب
ياسر/مافي شي بس كلمتها ان العقد بكره وجنت اجل لو تعرف ان العرس بعد شهر بتموت
امه/ياسر تعامل معها بالهدوء
ياسر الي مشى/انا اعرف اتعامل معها باي
________________
عند رعد الي طل من البلكونه شاف امل بالحديقه مع خواته تأملها/مو بسيطه يابنت مشاري تبي تلعبي خلينا نلعب شاف ابوه توجه لعند امل/امل
امل الي تعدلت/نعم
ابو رامي/الحين ابي اتكلم معك
امل/خير
ابوها/في بنت اسمها لميس من عايلتنا ابيكي تتعرفي عليها
سمر/ومن هذي؟؟
ابو رامي انتي ماتعرفينها لانها عايشه عند خالها من سنين واحنا للاسف جدك منعنا ان احنا نشوفها وانا ابي امل تعمل علاقه معاها وابيك تتجهزي علشان نروح نزورها
امل/وليه انا بالذات
ابو رامي/رح تعرفي وقت ثاني
امل/طيب انت تامرني امر الحين رح اروح اغير مسكت عكازها/باي
عمها/لا تتاخري يابنتي
طلعت وقابلت رعد الي يطالعها باستهزاء/السلام عليكم
طالعته بتحدي/وعليكم السلام
رعد/باقي اسبوعين بس و نشوف من الي قد تحديه
امل/مارح اتنازل لو قلت ماقلت وانا بنت مشاري
رعد/صدقيني رح اكسر غرورك
امل/نشووف يا استاذ رعد
رعد/ نشوف والبادى اظلم مشى وهي توجهت لغرفتها صح انها تمثل القوه بس تهديد رعد خوفها

_______________
عند لميس الي صحتها خالتها/لمووس اصحي
لميس الي فتحت عيونها/هلا يمه
ام ياسر/قومي اذن مغرب وانتي ماصليتي وبعد عندنا ضيوف جايين
لميس الي جلست/من هم؟؟ماالي خلق ياخالة
ام ياسر/صح رح تتفاجئي بس بيت عمك جايين يزوروكي
لميس الي تفاجأت/بيت عمي؟
ام ياسر/ادري ان الموضوع صعب وانهم مافكروا يشوفوكي من قبل بس عمك يبي يشوفك
لميس الي حست بغصه/الحين ذكروا ان في واحده تقرب لهم مابي اشوفهم
ام ياسر/الموضوع مختلف شوي مادري ليه مهتمين
لميس الي مسحت دموعها/طيب
ام لميس/اسرعي تمام لان نصف ساعه وهم عندنا
لميس الي وافقت وقامت عملت شاور سريع ولبس بلوزة ونزلت كانت خايفه مرتبكه قعدت مع البنات ينتظروا لما سمعوا دق الباب لميس الي ارتبكت قامت للباب/من
ابو رامي/انا ابو رامي عم لميس
امل الي كانت هادئه
لميس الي سحبت نفس وفتحت/هلا عمي
ابو رامي الي شاف لميس/لميس؟؟
لميس/ايه انا لميس
ابو رامي/ممكن تنادي خالك
لميس/طيب تفضل مافي احد
دخل ولف لامل/ادخلي يا امل
لميس الي شافت امل بيدها عكاز رحمتها وقامت تساعدها ابو رامي الي ابتسم
امل وهي تطالع لميس/كيفك؟
لميس الي ارتاحت لعمها وامل الي تحسبها بنته/انا تمام وانتي
امل الي تحس بالفراغ ماعادت تحس ان في شي حلو تكلمت بعدم مصداقيه/انا تمام
لميس الي كلمت الخادمه تنادي خالها جلست عندهم والسكوت كان سيد الوضع
لميس الي حست انها تبي تفرغ و تشبع فضولها/انتوا ليه ذكرتوني؟
ابو رامي الي طالعها/الحياة اجبرتني اعمل الصح
لميس/والصح هو؟
ابو رامي/عارفه ان ابوك توفي
لميس الي اهتزت من داخلها/ ابوي ماعمري عرفت عنه شي كل الي اعرفه انه تركني انا وامي وتزوج وعاش حياته
ابو رامي/الوضع ماهو نفس الي تتخيليه والوقت رح يثبت كلامي
لميس الي نزلت دموعها/اي وضع انت عارف انا في اي مرحله انا بمرحله غصب عني انفذ الي مابيه وتقولي ابوي مات ابوي مات من زمان من وعمري9 سنين مات
امل الي تذكرت ابوها/عمي جبتني علشان تفتح جروحي اكثر ولا ايش؟
ابو رامي/ماجبتكم على الفاضي عارفهه يا لميس ان امل نفس حكايتك
امل قاطعت عمها/انا اختلف عنها انا عايلتي ماتت امام عيوني
ابو رامي/استهدوا بالله ماجيت علشان تبكوا ولا اذكركم مواجعكم انا جيت ابي ابني علاقتك فينا وابي تكوني انتي وبنت عمك زي الاخوات لانكم في مرحله متشابهه امل فقدت اهلها ولميس نفس الشي
نزل خال لميس وتغطت امل/السلام عليكم ابو رامي
ابو رامي/وعليكم السلام ابو ياسر اخبارك اشلونك
ابو ياسر/الحمدلله احنا تمام وانا اتشكرك على زيارتك انت وبنت اخوك الحين تعال نتكلم بالموضوع لحالنا وانتم خذوا راحتكم
لميس/تأمر
راحوا المكتب وامل ولميس الي قعدوا لحالهم يتكلموا في غرفه لميس تكلموا وفضفضوا
لميس الي رتاحت/امل
امل/وت
لميس/تشكرات وربي كتمت لدرجة بجن شكرا لانك جيتي
امل ضحكت/وانا مثلك والله من اول يوم لنا بكينا وضحكنا وشكينا لبعض
لميس/انتبهي من هالرعد والله يخوف
امل/بس مو مثل خطيبك
لميس ضحكت/ياسر مو شرير لدرجة هذي بس يعني ماقدر اتقبله صح اني احبه بس ما احسه زي خطيبي احسه اخوي ابوي عمي خالي كل دنيتي
امل/بس لازم تتقبليه
لميس/يعني اوافق عليه وخلاص
امل/ايه صدقيني احسن لك من شخص ماتعرفيه
لميس/نشوف
جأت الخادمة كلمتهم ان ابو رامي يبي امل تروح/لموس اعطيني رقمك
لميس/طيب بس بليز تعالي عندي هالفتره والله حبيتك زي اختي
امل/حاضر رح اطب لك كلللل يووم
ضحكت لميس/عاد لاتصدقي روحك
امل/هههههه طيب بس ها اجتهدي بالجامعه
لميس/اهااي خلصت ورجعت الناصح
ضحكت امل/يالله سيوو
لميس/بايات
______________
كانت راجعه لبيتها والوقت تأخر كانت عند اميره صديقتها لما سمعت شباب يرمون عليها كلام وعرفت انهم تبع سالم
شافت سالم يقرب خافت ومشت بسرعه
سالم/يابنت الميتم لاتسوي عمرك شريفه
ريم الي دمعت كرهت الوضع الي يتكرر لها كل فتره
سالم الي مسكها من يدها/يكفي تمثيل تعالي معاي هي ليله واحده بس
ريم الي سحبت يدها/انت مجنون ولا غبي اقولك هدني...... نهاية البارت
 

جدل

⭐️ عضو مميز ⭐️
جننتيني بحبك يابنت ابوك

البارت السادس

سالم/لا تسوي فيها شريفه
ريم الي دمعت/بعد عني غبي ماتفهم اقولك بعد لا الم الناس عليك
سالم/ورينا منو بيأخذك هذي الساعه جاء سحبها وهي صاحت
كان منصور يمشي وشاف الموقف لما مسكها وشك بالموضوع توجه لعند سالم/خير يا طير ايش في؟!!
سالم/الموضوع مالك شغل فيه
ريم الي ترتجف/بعد عني دفته وسالم الي مسكها وعمل كف طيحها
منصور الي جن جنونه قام ضرب سالم/تمد يدك ليه يانجس ياكلب
ريم الي حست بخوف وقفت مسحت دموعها ومشت بسرعه وهي تبكي
منصور الي ضرب سالم وسالم دفه وهرب منصور الي لحقها/ريم ريم
ريم الي صرخت/اتركوني كافي حرام عليكم
منصور الي عصب من هروبها راح مسكها من معصمها ولفها بأتجاهه/غبيه ولا ماتسمعين
ريم الي انفجرت بكاء/ياخي ابي اعيش يوم بدون اي ذل واهانه مابي شفقه احد علي ولا ابي حد يحميني ابي اعيش بأمان مو صعبه
منصور/طيب ليش انتي بالذات ليش يلحقونك اش يبون منك وانا اوعدك ابعدهم عنك
ريم الي مسحت دموعها/اسفه لاني صرخت فيك بس انا متضايقه وثانيا يلاحقوني لانهم حيوانات
منصور/اوصلك بيتك مع السواق
ريم الي رفضت/شكرا مابي والبيت صار قريب
منصور/افظل شي تكوني تروحي وتردي مع سواق
ريم باستهزاء/اكيد انا غنيه لدرجة احصل سواقين وماحتاج عمل
منصور فهم/يعني ااا خلاص خلاص اشوفك بالشركة
ريم الي شافته بيروح ندمت انها صرخت فيه مع انه انقذها كانت بتضيع بس لولا الله ثم منصور نجت لحقت منصور/استاذ منصور
منصور لف/هلا
ريم الي حست بالخجل منه/اسفه مره ثانيه وشكرا لك
منصور الي ابتسم/على الرحب والسعه
ريم الي مشت لبيتها بسرعه
اما منصور الي ابتسم وراح الكوفي ولكن تفكيره بمكان ثاني
_______________
كان يحرق دمه طول اليوم منتظر للفرصه الي بتطيح بيده يرويها العين الحمراء اخذ رقمها بعدما طلع من مجلس الرجال بحجه مكالمه هامه دق عليها
اول ماشافت رقمه حست قلبها بيطلع من الخوف ردت/بدر
بدر بتهديد/انزلي فورا للحوش الخلفي
علا/بس
قاطعها/لاتخليني افضحك وارتكب فيكي جريمه
علا الي خافت/طيب الحين بنزل
اخذت لها جاكت طويل وطرحه بسرعه ونزلت بدون ماحد يركز شافته منتظر لها تقدمت بخوف/ن نعم
بدر الي توجه لها سحبها بعنف من اكتافها للجدار/انتي تلعبي على مين
علا بدون فهم/مافهمت
قرب منها اكثر/لاتستغبيني اكره احد يستغبيني
علا الي خافت منه/والله ماستغبيك
بدر/انا غاصب نفسي اتحملك واتزوجك علشان اتفادى الفضيحه تجي انتي ماتردي وتطلبي وقت عشات تفكري ناسيه ان اشكالك مالها اي وقت او رائي لانك عاهره وخسيسه
علا نزلت دموعها مع كلماته الي قالها/بس بس انا ماطلبت وقت انا سويت مثل ماقلت لي وافقت
بدر الي جأء بيصرخ بس شاف الدموعها بعد نظره ولف عنها/استغفرالله بس صرخ ماكنتي تقدري تقنعي عمتي توافق
علا الي زاد خوفها/حاولت بس مادريت انها قالت لابوي اني طلبت وقت
لف لها وقال بتهديد/لو اعرف انك كذبتي ففضيحتك على يدي سامعه
علا/اي
بدر بعدم اي تفاهم/انقلعي من قدامي والعرس بعد اسبوعين احسن بعد تصرف اليوم ماصرت اوثق فيكي
علا الي دخلت توجهت لغرفتها تبكي اما بدر فرجع لعند ابوه وعمه وبلغه انه يبي العرس بعد اسبوعين لو ينفع ابو علا ما مانع بس طلب انه يشوف رائي علا الي كانت موافقه على كل شي وتفقوا وكل واحده رد لبيته
________________
لميس/خلاص انا موافقه
ياسر بدون مباﻻه/معلومه جديدة
ابو ياسر بحزم/ياسر
ياسر/طيب العرس بعد شهرين معروف اي شي تبيه جهزيه
لميس بتردد/ممكن طلب
ابو ياسر/امري
لميس/ابي اقضي ايامي هذي مع امل بنت عمي ممكن
ابو ياسر/طيب بس مو كل الايام ايام محدده كوني روحي لها وايام محدده كوني اعزميها
لميس الي نطت لخالها تبوس راسه/تسلم لي الله يخليك
ابو ياسر/يازين المصالح الحين روحي نامي
لميس/اوكي باي

مر اسبوعين على ابطالنا لميس الي صارت علقتها هي وامل قويه اما علا الي كل تحضيرات عرسها المفاجى كانت تحت يد امها واختها ورغم ان العرس كان مفاجاه وبوقت مو متوقع الا ان المعازيم كانوا كثيرين اما لميس الي كان عقدها اليوم الثاني ماهتمت ورعد وخطته الي كان يجهزها و ناوي ينفذها بكره

عندها كانت باردة تجاه كل التجهيزات الي ما شاركت فيها والي اقامت عليها امها واختها كانت عند الكوافير الي تكلمها وهي تبتسم مجامله
الكوافير/اي خلاص شوي ونخلص وتلبسي فستانك ورح اعمل لك اي اشي ناقص
علا الي تحس ان حريتها قربت تنتهي ثقتها مهدوده وميته خوف من بدر خلصت عملها ولبست الفستان فكت شعرها وعملت لها باقي المكياج علا الي دمعت
الكوافير الي صرخت بفزع لا يخرب مكياجها/ولييك لا لا خلي الدموع لبعدين هلا بعدك ماطلعتي وبعد اهلك معك لك شو رح تعمولي لما تروحي وتفارقيهم ليك مابيصير قوي البك شوي
علا الي مسكت دموعها
الكوافير الي خلصت/انا رح ظلي هون لزبط اي اشي رح يخرب اوكي هلا رح اطلع منشان المصوره بدا تصورك انتي والعريس
علا الي ارتجفت تكلمت بصعوبه/طيب
خرجت الكوافير وبعد دقائق صمت سمعت زغاريد الحريم عرفت ان بدر رح يدخل ارتجفت وضمت يدها
سمعت امها/ياهلا ياهلا بوليدي ادخل ادخل
بدر الي ابتسم لها/هلا بالمهلي ودخل
اول مادخل لف بعينه بالغرفه وتوقف نظره على الملاك الي يشوفه كانت حلوه لدرجة بدر الي تأملها ماقدر يمنع نفسه سمع اخته نور/بدوووررر مو وقت تسرح فيها ههههه اصبر
نزل عيونه سمع المصورة/ممكن تقرب من عروسك وانا رح اروح اجيب الكميرا من السيارة دقايق بس وطلعت
ام بدر بغمزة لام علا/ يالله نطلع نكمل التجهيزات
نور الي فهمت/اييه صح احنا رح نكمل التجيهزات على قولتهم وانتوا كملوا التجيهزات هنا وضحكت
ام بدر/استحي يا شيخه عيب عليك ماقصدنا كذا
نور بنص عين/اي اي والله ان قصدكم كذا بس لاتقصر يابدر خلك رومانسي
ام بدر الي ضحكت اجباري/مجنونه استحي هذا وهي مو مزوجه الله يستر اذا تزوجت
بدر باستفزاز وفرصه علشان يبين لعلا انها صارت تحت يده/مايحتاج تسووا اي شي علا صارت لي والكل عارف ومايمكن استحي اقرب منها
علا الي تضايقت لما قرب منها حست يده تلف حول خصرها وضهرها ملاصق لصدره/صح ولا لا ياعروس
علا الي ماعرفت ترد بس حست بخجل من انظارهم لها
نور الي رحمت علا/يوووه حرام عليك البنت استحت وصارت طمطومه وشافت امها وعمتها/استحوا وطلعوا من عندهم وضحكت
ام بدر الي اغتاظت وام علا الي ضحكت/هههههه بنات هالجيل عليهم حركات يالله يالله نطلع وطلعوا وهم يهادروا نور الي تستهبل

بدات ترجف وهي بقربه وملاصقه له
بدر الي همس في اذنها/اعتقد ماله داعي الخوف من لمستي لانها مو شي كبير بقدر الي سويتيه انتي والانذال
علا الي ماسكه دموعها/فكني!
بدر الي قرب من رقبتها وعلا الي تلسعها انفاسه قال بقرف واشمئزاز/لاتخافي ما اقرب لمجربة ومو كذا وبس مجربه بدون زواج يعني الي لمسها نجس وهي غلطه
فكها وبعد من جنبها
علا الي مصدومة من كلامه من اول لحظاتهم يهينها يوصفها بالمجربة بالنجسه وغلطه نزلت دموعها سمعت صوته المستهزاء/دموع التماسيح مالها داعي لاني فاهمك لاتفضحينا بالعرس امسحي وجهك
علا الي حست انها بتصرخ ولاتبي تنتحر تقتل نفسها ماعمرها انذلت لدرجة هذي اخذت منديل ومسحت وصلت المصورة/ممكن نسرع لان في معي زفاف ثاني لازم اروح اصور
بدر الي قرب لما طلبت منه هذا
المصورة/ممكن بس تلف يدك على خصرها وانتي يامدام تطالعيه في عيونه
كانت بعالم ثاني ماتسمع هدرتهم وتفكر في حياتها خرجت من تفكيرها وهي تحس بالم في خصرها كان بدر ضاغط بقوه
المصورة/ياعلا طالعي عيونه
علا الي رفعت عيونها الدامعه في عيونه الحادة المتقرفه
المصورة/خلصنا من هذي اللقطه الحين ممكن تحملها وانتي قربي وجهك من وجه العريس بحيث تكون جبهتكم متقاربه او متلاصقه بناخذ بالحالتين والي مابتعجبك بنحذفها او بنطلعهم كلهم ذكريات
علا الي رفضت/مستحيل لا تخلي الصور جريئات لدرجة هذي
بدر الي طالعها باستهزاء بس سكت اما المصوره الي رفضت/ماهي جريئه هذي صور للعمر مو كل يوم رح تسويها
علا/الا جريئة
بدر الي تكلم بهمس/مو جريئه لا تخافي الشي الجريئ انتهى وقته الحين مجرد صوره ماهي مصيبه
علا الي بعدت/مستحيل اسوي كذا
المصورة الي حاولت وعلا ترفض
المصورة الي اعتذرت/مدام كل الصور قلتي عنهم جريئات مع كل الي اصورهم اجيب لهم حركات اجرئ ويسووها ممكن تتفاهم معاها يا استاذ بدر انا رح اطلع خمس دقايق على بال ماتكلمها وخرجت
بدر الي تاكد انها راحت توجه لها مسكها من يدها بقوة المتها/اااه فك يدي عورتني
بدر/جريئه ها والي تعمليه انتي ماهو جريئ ولا وقح ولا مقرف انتي زانيه اشلون الحين تستحين من صور اسمعي رح تنفذي كل الي بتقول بالحرف سامعه
علا الي تبي تبكي وصوتها باكي/انا موو زانيه انا نظيفة انا انظف من الي تقول عليه
بدر الي شفق عليها يوم زفافها وهو قاعد يذلها بس تستاهل هي الي ماصبرت على نصيبها وسوت الحرام حتى لو ندمت اش بيفيد الندم بعد وقوع الفاس
علا الي مسحت دموعها/الله يخليك مابي اتصور انا مخنوقه مو قادرة اكمل انا يالله واقفه على ارجلي
بدر /اوووف وانا مابي بس لازم
سمع صوت المصورة/ان شاء الله اقنعتها
بدر بدون اي فرصه لعلا بالاعتراض/اي موافقه نتصور
المصورة الي فرحت وبدات تتكلم وعلا الي ماسكه نفسها مع انها تحس بدوخه
المصوره/ممكن يا استاذ بدر بس تمسكها من خصرها وترفع وجهها بيدك من ذقنها وطالع في عيونها مع ابتسامه
بدر الي نفذ وعلا الي زي الدميه كل الي تقوله غصب عنها تنفذه وتسكت بدر الي طالعها شاف لمعه الدموع في عيونها ونظره الانكسار والتعب حس انها تعبانه مثل ماقالت طالعها اول مالطقتت الصوره /اظن يكفي يا مدام تصوير
المصور/بس لازم ناخذ اكثر
بدر/قلت لك يكفي ماهو ضروري
المصورة/انت عارف ان جلسه التصوير ساعه واحنا للحين 25 دقيقه بس يعني بالوقت الباقي لازم اصوركم لاني متفقه مع امك كذا
بدر/ال35 الدقيقه الباقيه ممكن ارتاح فيها وماهو ضروري التصوير وكمان في تصوير بعدين ماهو ضروري الحين
المصورة/بس
قاطعها/رجاءا بدون اي ازعاج خلاص مانبي روحي لزفاف الثاني جبنا لهم وقت وفلوسك كلها بجيبها ولا باخذ فلس
المصور الي خاب املها فيهم/طيب مع السلامه اخذت اشياها وطلعت
بدر الي جلس اما علا الي نزلت دموعها وصوت بكاها طلع قام غلق البوابه وعلا الي جلست مسحت دموعها غمضت عيونها
بدر/من متى وانتي تعبانه
علا الي طالعته/تقريبا اسبوع بس وجع راس وتعب شوي
بدر/طيب ارتاحي قبل الزفه
علا الي وقفت/رح اسوي الميك اب الي خرب
بدر/اسرعي لايطب علينا احد ويشك في وضعنا
علا الي عملت شوي بودرة وصلحت رسمتها الي شوي منها انتزع اول ماخلصت جأت بترجع للكنبه ترتاح من التعب بس حست بدوخه بسيطه جأت بتطيح بس تمسكت بالجدار بدر الي قام مسكها/اش فيكي انتي
علا الي حست بغثاء من الريحه العطر سحبت نفسها سحب للمغسله واستفرغت
بدر الي مستغرب الحاله الي وصلت لها كله علشان ماتبي الزواج يصير فيها كذا
علا الي اخذت منديل وحمد ربها ان الروج مايروح بسهولة
جلست بدر الي قلقان قام جلس وتكلم معاها بلطف/اصبري بس لما نخلص واطلب لك دكتور
علا الي طالعته/لا مجرد تعب من الارهاق
بدر الي بعد وراح نادى امه يبداو الزفه وبدات الزفه ومشت علا وهي تحس انها باي لحظه ممكن تطيح دخل بدر ولبسوا بعض الشبكه الاماس ورقص الحضور وبدر طلع لمكان عرسه

______________
بمكان ثاني كانت تجهيزات العقد جاهزة كانت بكامل انوثتها مو مصدقه انها رح تطلع امام ياسر كذا/لا لا هذا ضيق حرام عليكم
امل/لموووووس ماهوب ضيق بدون دلع الحين خلصنا والناس موجودين وانتي تقولي مو عاجبك
لميس/موو انه مو حلو الا كلش حلو ويجنن بسسس استحي من ياسر
امل/مالت طول عمرك عايشه معاه ومو كذا بس هو رباكي ويدخل غرفتك كذا عيني عينك والحين تستحي مالت
لميس/متاكدة مارح اندم
امل/والله مابتندمين هي فتره بتقعدي تشوفي ان زواجك من ياسر غلط بس انتي تحبيه صح اكيد بتتقبلي انه زوجك
لميس/طيب
رنا الي جت بسرعه/لممممممممممييييييس الحين ابوي جاي للعقد واخير زوجة اخوي
امل الي طمنت لميس وطلعت عند الحريم اما ابو ياسر جاب للميس للعقد مسكت القلم ووقعت وهي ترجف ومغمضه اول ماوقعت سمعت الزغاريد ملت المكان فتحت شافت توقيعها بجنب توقيع فخم توقيع ياسر قالت بعدم استيعاب/الحين انا زوجتة جد
رناد/لا من كذب هههه اكيد زوجته وجد الجد
لميس/هاا
ضحك الكل وباركوا لها كلموها ان ياسر بيدخل وطلعوا طالعت الباب بتوتر هاجمتها ريحه عطره الرجالي الي شرته له هدية من قبل تعمد انه يتعطر فيه رغم ان معه عطور للحين ماستخدمها وريحتها احلا لميس الي مافتهم لها السبب كان التوتر هو الي مسيطر عليها وقفت زي القلم لما شافت ياسر دخل اما ياسر الي طالعها باندهاش هذي لميس الي كل يوم يشوفها لا لا هذي واحده ثانيه هذي لميس بس انثى كامله مو الطفلة الي رباها هذي زوجته المقرر زواجهم من سنين دخل بكل برود لعندها قرب منها لميس الي توترت شافته قدامها بالظبط/الف مبروك
ردت بحيا/الف مبروك علينا
ابتسم ورد/انتي الحين لميس
لميس الي حمرت ياسر/الحين انا زوج وزوجته مو خطيب وخطيبته الغبيه اكيد
لميس الي طالعته بس قاطعها وهو يقرب منها وهي تراجعت للوراء بس وصل لها مسكها من كتفها حست فيه يقرب من وجهها غمضت عيونها وهو باس جبهتها وهي فتحت عيونها بس انصدمت فيه وهو يبوسها في خدها
ياسر الي بعد وطالعها/لا للحين وانتي نفسها الغبيه الي تنخدع
لميس الي حست بضيق كانت متاكدة انها مستحيل تتقبل هاذا الزواج مسكت دمعتها ومسكت نفسها لاتقول له يبعد دخلت خالتها وجابوا الكيك ودخل خالها وخوات ياسر باركوا لهم وخلوا ياسر يلبسها طقم الالماس
_________________
بعد وقت
الساعه 12 ليل
جلست عند امل تبكي/مابيه يا امل انا احس اني غلطت انا كاره حالي كاره نفسي ياريت ماوافقت يا امل
امل الي ضمتها /خلاص يكفي دموع ذبحتي نفسك من ساعه رح تتعودين هي كلها فتره
لميس الي بكت
امل/حرام تخيلي تجي خالتك ولا بنات خالك ويشوفونك اكيد بيعروفوا وبيزعلوا اكيد رح يتاثروا ويتحسسوا كافي دموع علشاني
لميس الي مسحت دموعها/ان شاء الله
امل بحزن/لازم ارد البيت
لميس/اقعدي عندي
امل/صعبه شوي لي عندك يومين
لميس/طيب زوريني
امل الي ابتسمت/بكرة وعد مني
لميس الي ودعتها وامل الي نزلت لعند السواق يوصلها
____________
انتهى البارت
 

قصور من الأسرار

♥أميرة قلبه♥
⭐️ عضو مميز ⭐️
يعطيك العافية و ربي يقويك روايتك جميلة جدا و مشوقة
انا بكون من أول المتابعين لك و اختي معي من خلف الكواليس
ننتظر البارت الجديد
 

قصور من الأسرار

♥أميرة قلبه♥
⭐️ عضو مميز ⭐️
يعطيك العافية و ربي يقويك روايتك جميلة جدا و مشوقة
انا بكون من أول المتابعين لك و اختي معي من خلف الكواليس
ننتظر البارت الجديد
 

المتواجدين حالياً (عضو: 0, زائر: 1)

أعلى