• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

تغريبة

صادق التعابير

~$ الراعي $ ~
[شاعر تغاريد]
؛


؛

إهداء
لخالي العزيز
إبراهيم العُمري القرشي


لاجيت ابكتب بإسمك ابيات وامثال
...........................تعجز حروف الشعر رد الأجابه
واقصر مسافه تختصر طيب الأقوال
.......................لو بااختصر وسع المدى والرحابه
انت اشبه بكلمه لها بالوفا حال
..................................عاملتها ماثلتها بالغرابه
شجره مداد اجذورها طول الأميال
..........................وفروعها تاصل حدود السحابه
مورق رطيب اغصانها ناهل ازلال
.........................ويانع ثمرها مرتوي من شرابه
غاشي مديد اطرافها ابحور واجبال
..........................باامر الله المحسن عطايا ثوابه
تهدي بحر كم حقق احلام وآمال
............................للمستشير الي لقابك صوابه
من جدك الفاروق لك مجمع اخصال
...........................عند السؤال وعند رد الأجابه
حكمه وحكم وعلم وعلومك اجزال
......................حنكه وصبر وجبر كسر وعصابه
لك بيض الأيدي محتوي بيض الأفعال
.............................وعمر يتجدد بالواحق شبابه
لك البقا مع طول الأيام ياخال
............................مادام بفحول المدارك نجابه
ومادام ببطون الكريمات رجال
.........................يولد على نعم الحسب والنسابه
لجلك علم نوماس فخر ولك ضلال
........................يغني طريد العاديه عن زهابه
لاصارت الحيره لها رمح قتال
......................وابنودها تفضي على حكم غابه



صادق
 

صادق التعابير

~$ الراعي $ ~
[شاعر تغاريد]
؛

مــا قــلتُ والله يـا أمـي بـقـافــيـةٍ
إلا وكـان مــقـامـاً فــوقَ مـا أصـفُ

يَخضرُّ حقلُ حروفي حين يحملها
غـيـمٌ لأمي علـيه الطـيـبُ يُـقتـطفُ

كريم معتوق




؛



اليوم تفاجئت ان امي رسامه :rolleyes:


جالس اسولف انا وياها قبل شوي
ورحت دخلت غرفتها
قالت ماشفت شي متغير ...
طبعن بحكم اني دايم مفهي قلت لا ..:.)
قالت ماشفت الرسمه الي رسمتها ...شفها فوق السرير
واروح اشوفها ياعمري ي امي تقول من الطفش مدري وش اسوي لقيت قطعة الكرتون هذي وماكان عندي الوان غير الاقلام الحبر ورسمت هذي الرسمه .....!!!
بس فن والله تسلم يدها
بعد عيني يا امي ليتني طلعت مثلك ...
تقول لو عندي بنيه كان مونستني وجالسه عندي

اصلن وهي حامل في كانت تحسبني بنت
وسمتني سفانه ....
بس طلعت ولدههههههه
الله يخلف عليك ي امي...
ويرزقني برك


a1.top4top.net_s_1271ms8ol0.jpg



 
التعديل الأخير:

صادق التعابير

~$ الراعي $ ~
[شاعر تغاريد]


:


؛

يا أنين السراب الهم فيني بليه
......................ابتلتني ولا لي با السلامه منادي
طالبك كان عندك ود ولا حميه
.....................لا تخلي خفوقي يبتلي في سهادي
ايه احبك وصادق وافي بكل نيه
................وأنتي اوفى من الي دمعته فا الحدادي
جيت لك كل قلبي لك وعمري هديه
.........................إقبليها وخلي حيرتي للمعادي
كن للجرح لاونيت ميسم وكيه
................قبل اترجم صداه وقبل ابرمج مرادي
كل ما اسج ليله في فضاها مديه
...............أرقب النجم واقطف مدتي من وكادي
الألم لايهمك دام مو بيك بيه
..................إسترح لاتشيل الهم وش فيك عادي
أحتمل لجل عينك للجروح النديه
..................وإرقد الليل وامرح لايهمك بعادي
خلني يوم مال الضو للمغربيه
.............وإنثنا الضل الاكحل يحتضن كل وادي
لجل عينيك هايم صح ولا خطيه
.............يكفي إنك شرابي وأنت ملحي وزادي
كل ماناض برق الغيمه العقربيه
................فيض سيله تباشره الحضر والبوادي
ومن تولع بك لجاشه تجين ابرديه
...............ينقلب في محيطك هايج البحر هادي


صادق
 

صادق التعابير

~$ الراعي $ ~
[شاعر تغاريد]
؛



صادق .. تـمـنـى والأمـانـي دمــــــاره
مـن كـثـرة احـلامـه سـكن قلبه الخوف

مـن ويـن مـاوجـه يـشـوف الـجـســاره
مـن هـمـه اللـي بالحشى يحرق الجوف

ويـن الـطـريـق الـلـي يـسـره مـسـاره
ويـن الـنـهـار اللي على شوقه يشوف

يـاويـن يـلـقـى بـالـكـواكـب مــــداره
ويـن الـنـجـوم الـلـي على بابه وقوف

وش لـون يـسـدل لـلـعـذاب الـسـتــاره
بـ أحضان من هي له على حاله تروف


صادق
 

صادق التعابير

~$ الراعي $ ~
[شاعر تغاريد]
:



تجربه علمتني يوم حضي وقف
...............كيف سم التجافي في عروقي نقع
والهوى من يعاند رجفته لا رجف
.............زلزل ايوان صدري لين ملكه نزع
دار بيني وبينه حال مالي نصف
...............بين جور الفراق وحال مابه طمع
مشكله بالمشاعر شوق منهو تلف
...............لاطرت له طواري ثار منها فزع
وكم ليالي بكتني نغمت الي عزف
..................وفرقتي مواني في مكاني قطع
ماعرفتي جنابك ليش قلبي نزف
.............وانتبهتي وش اللي من عيوني وقع
وكيف ياحال فاني كل منهو وصف
............جيت مابين حض وبين غبن ووجع
ويل من شاف ريقه في لهاته نشف
..........وجاك ملهوف عاجز مستغيث ورجع


صادق
 

المتواجدين حالياً (عضو: 0, زائر: 1)

أعلى