• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

معقدة وشائكة ..!

مدونات الاعضاء

معقدة وشائكة ..!

ريحانه ..

"ولي بين القبور ضلع وروح .
مشرفة
"



رحمة الله عظيمه جدا

امس كانت عندنا اختي المتزوجه ومعها ولدين ماشاءالله عليهم حركيين وفيهم لقافه المهم حطينا السفره وهم يلعبون بالحوش
واذن واختي قالت شوفوا عيالي مالهم صوت وانا جالسه اكل تمره
واسمع صوت اختي تصارخ وتنادي الحقووني فلان مسكته الكهرباء انا مااستوعبت شي ماعرفت ايش اسوي ماقدرت اطلع اشوف ارجف بمكاني اقولهم خذو المكنسه لانها خشب يفصل الكهرباء امه اخذت المكنسه وتركض وبعدين رجعت انا ببالي اقول ذي صار لها شي استخفت ليه ماراحت لولدها بس ماشاءالله عليها احسنت التصرف وبسرعه تطفي عداد الكهرباء وهي تطفي العداد ثلاث من اخواتي عنده بالحوش والصغيره راحت تمسكه ولطف الله فيها وفيه بفصلت الكهرباء مررره شعور يخوف ان بلحظه يروح شخص وانت ماقدرت تسوي شي .. منظر ولد اختي تحلفون انه مييت خلاص عيونه صارت بيضاء ولايرد علينا امه ضغطت ع صدره تنعشه الحمدلله رجع للوعي ويده ورجوله زرقاء عطول اخذوه للمستشفى وسوله تخطيط قلب والحمدلله بلطف الله ورحمته رجع طبيعي ويلعب ومافيه شي بس انحرقت يده شوي ..

اختي الكبيره اتذكرها بكذا موقف تنقذ اشخاص عندها حسن تصرف وسرعه بهذي المواقف ماشاءالله . .
بعد هاليوم صرت افكر كيف اكون قويه واحسن التصرف بهالمواقف
ضروري جدا والله الكل يتعلم ويحاول ..


كان يوم صعب جدا ..
الحمدلله على كل حال
والله يحفظنا ويحفظكم من كل مكروه .




اذكرولي مواقف صعبه مرت عليكم ..

https://goo.gl/cuSR6k
 

ريحانه ..

"ولي بين القبور ضلع وروح .
مشرفة
'





صباح الخير يا يوم مولدي ..

٩/٢٥

حريصه برمضان مااخالط الناس اللي تسبب اذى او تخرب جوي
واضطر اهاوش واتضايق واتأزم .. المهم قبل يومين جتنا حرمه
كرهتنا حياتنا بمشاكلها وسواليفها وحقدها ..
بدون موعد اقتحمت بيتنا فأضطريت اجلس معها واقهويها
المهم تسولف وتلكع بالكلام وانا هاديه ومروقه بشوف نهايتها
فجأه تشطح وتقول جعله بحظك والله لايوفقك اذا انا ماقلت كذا ..
يازفته انا وش دخلني فيك وبسالفتك والله صدمتني بتلقائيه قلت جعله بحظك وحظ ولدك بهالليله الكريمه ..
المهم صارت تهرج وتلف ع اختي الصغيره تقول جعله بحظك وانا خصيمتك يوم القيامه .. وجاء اخوي وتقوله انا دعيت عليك ان الله مايوفقك .. ياحياتي ع اخوي خلقه متعقد من حياته ووضعه
وهو اكثر شخص يحسن لها الجاحده انغبنت منها وقلبي يغلي
قلت الدعاء بيرجع عليك محد سوا لك شي والله اني بدعي عليك واتحرى ليلة القدر ..
كلامها كله فال شين وشماته ..
المهم ذيك الليله وانا افرش سجادتي وادعي
من قلب قلبي دعييت عليها لانها احزنت قلب اخوي ..
اخواني اضعف عندهم جدا ..


وانا انام واحلم اني واقفه بحوش وفيه بنات ووحده تقول السماء تمطر وكأن الجو شمس مو وقت مطر وانا اشوف المطر رحت اركض تحت المطر وادعي وابكي يالله شعور يجنن صحيت وانا احس براحه عجيبه .. اللهم استجابه لدعواتي ❤..




'
٢٧ عاماً من القلق ..
https://goo.gl/cuSR6k
 

ريحانه ..

"ولي بين القبور ضلع وروح .
مشرفة
"





حاسه ب...

مو طبيعي لما تعيش شعور ماتعرف ايش تصنفه ..
او شخص يعاملك بمليون اسلوب واسلوب
تجاهد وانت تحدد ايش يبغى او ليش يتصرف كذا
كثير تراودني فكرة اني انعزل عن الكل وحتى اقرب
الاشخاص لقلبي صحيح ان العزلة احياناَ مؤذيه
ولكن اخف اذى من تقبل بعض التصرفات ..



'



>> دايم اقول لأخواتي
انا ابغى شخص
مفصل علي تفصيل
ويردون بضحكه !!
 

ريحانه ..

"ولي بين القبور ضلع وروح .
مشرفة
'










بنت اختي عاشت اغلب حياتها معنا بنفس البيت كأنها اختي مو بنت اختي .. وامها قبل يومين تزوجت وانا طلبت انها تجلس عندي وانتبهه لها لاني متعلقه فيها مررره اخاف عليها ومااتخيل حياتنا بدونها .. راحت امها وهي نامت عندي الصبح صحتني وتنادي ماما انصدمت امها مو موجوده قالت وين ماما قلت بالجامعه تخلص وترجع رجعت نامت وطنشت امها وعادي تلعب وتسولف اليوم جتني تقول ماما كيف طولت وانا اصرفها وتجيب كيس وتجمع بقايا اشياء امها وتقولي نطلعها بالزباله الكبيره حقت الشارع انا ضحكت عرفت انها فاقده امها بس تكابر واحسها بدت تكرهها ليش تركتها وتقولي انتي احلى من ماما انا دموع عيني تجمعت صارت تتكلم ان امها نستها وماجابت لها ملابس والعاب وماتحبها بكييت لما صدعت واختي تضحك تقول عادي ليش تبكي انا خفت نفسيتها تتأثر او تاخذ موقف خفت اني افقدها وتروح خفتتت من اشياء كثيييره
...
يوم زواج امها ، امها كانت تبكي وحنا نتغدا سألت امها ليش تبكي وانا قلت ماما اكلت بصل وبكت قالت لااا ياماما خذي خيار البصل مو زين وامها تنفجر تبكي اكثر .. من وقتها مسكت دموع بس الليله ماقدرت ..





'

شعور فقد الأم صعب
زمان كنت اعاتب امي الله يرحمها بيني وبين نفسي
ليش ماتت وتركتني اعاتبها بشي مو بيدها ..



"
٢١ يونيو
 

ريحانه ..

"ولي بين القبور ضلع وروح .
مشرفة

'







أحيان كثيرة أشعر بأني لا أستحق كل هذا القلق والأرق، وكل هذا الخوف والتردد والترقب والانتظار الذي يسلب مني عمري بأكمله، لا أطالب بالمعجزات وإنما أشعر بأني أستحق حياة هادئة فقط.


https://goo.gl/cuSR6k
yay:dove:
 

ريحانه ..

"ولي بين القبور ضلع وروح .
مشرفة
'









"ربّي، هذا كتفي لترى كيف الحمل ثقيل، وهذا قلبي المنبوشُ بحكاياتٍ تعرفها، وتفاصيل تدركها. أسأل العوض، أسألك أن تنتصر لحلمٍ داخلي، أتوسل إليك بأعظم أسمائك وصفاتك.. عجل لي الإجابة والاستجابة."
 

المتواجدين حالياً (عضو: 1, زائر: 1)

أعلى