منيف القحيم

[شاعر تغاريد]
تبعثر التفكير في ليل ...........مشتاه
مطولك ياليل هجوسه .........هبايب

يا حرف سجل هاجسي قبل....لنساه
أوقد من هجوس المعاني ...حطايب

جدف بقيفان الشعر بحر...... الأمواه
لتهمك أمواج بها الملح ........ذايب

الفلك تجري بك إلى شط ......مرساه
فلك الهجوس اللي وتدها..... طنايب

وارسم على وجه الزمن عين.... وشفاه
إنثر من مزون المدامع .........صبايب

يا وقت وشبك كل ماجيت...... أبلقاه
حطيت في دربه ظروف .....وصعايب

ويا وقت وشبك كل ما جيت... أبنساه
جبته مع أشواقه ضيوف .....وحبايب

إحترت في خطوات الأشواق .....وياه
اليا متى يا حبنا وأنت.............غايب

أجيك تبعد؟ فيك الإحساس ما أقساه
وأغيب يدعيني بك الشوق .....ذايب

تقول وينك ؟ جتك الأشواق...بقصاه
والشوق يكبر في وصال ......القرايب

لملمت جرحي بعد مابعدك.....أدماه
وضميتني ضم الهواء.........للسحايب

ونفثت بي سحر الهوى ........والمعاناه
وتمتمت بعقود تهد ...........النجايب

طلاسمك بحبال الأفكار ..........مقواه
وصورتك صارت في عيوني....هدايب

أضحيت أشوف الناس شخصك ولاماه
وأشوف بعيونك بلاد ...........العجايب

وأشتاق لك لاعسعس الليل......بمساه
وأحن لك وتشب فيني ............لهايب

صوبتني في مقتل زان ..............مرماه
شربكتني وأقفيت عطني .........سبايب

تلعب بقلبي ليه ؟ ما تسمع .......الآه
ما تدري إن جروح صدك ......عطايب

ياللي إذا ناديتني قلت لك ..........هاه
آمر تدلل لك جميع.............الطلايب

ليه التغلي منك ؟ من قلبك......أعماه

من كدر أنهار الوصل ...........بالشوايب

وين الغرام اللي على خدك .........أقراه

ياللي ترجعني ليا رحت ..............تايب

ويش النهايه معك ؟ ياحب.........أهواه

والله كل اللي أشوفه ................غرايب

يالله تنسيني هوى الحب .............يالله
اللي مسبب لي عذاب .........ومصايب
 

نرج ـسية

أُحَآديةُ الهَوى ..!
مشرفة
-



يآآآهـ من القلب
قصيدة بكل ما تحمل معنى قصيدة
معنى ومبنى
كل تتنهد مع كل بيت .. وكأنه وصل بك إلى اقصاه ..!
قافية تترقص على ثغر الشطور
يا وقت وشبك كل ماجيت...... أبلقاه
حطيت في دربه ظروف .....وصعايب

ويا وقت وشبك كل ما جيت... أبنساه
جبته مع أشواقه ضيوف .....وحبايب
^
هـ البيتين تاخذ كـ مصطلح شعري بـ صوره المتكاملة ..!
أهنيك على هـ النص ..!
وتستاهل التثبيت وبـ جدارة ..!

:
"
"
 

خيّال

ربي اغفر لي خطيئتي يوم الدين
[شاعر تغاريد]
ابدعت في سبك الذهب واجهر .. ضياه
قلبٍ شَعْبه الشوق يم ..... الحبايب

الله عليك يا منيف
ابيات اخذت من الجمال والجزاله حقها
وافي
عذوبة احاسيس وقوة معاني وروعة تصوير
صح لسانك على هالشعر الفااااخر​
 

منيف القحيم

[شاعر تغاريد]
  • كاتب الموضوع كاتب الموضوع
  • #5
-



يآآآهـ من القلب
قصيدة بكل ما تحمل معنى قصيدة
معنى ومبنى
كل تتنهد مع كل بيت .. وكأنه وصل بك إلى اقصاه ..!
قافية تترقص على ثغر الشطور


^
هـ البيتين تاخذ كـ مصطلح شعري بـ صوره المتكاملة ..!
أهنيك على هـ النص ..!
وتستاهل التثبيت وبـ جدارة ..!

:
"
"
شكرا على المرور الرائع وشكرا على التثبيت.
وشكرا على التعليق الجميل الذي أستفيد منه سلبا وإيجابا
فلك خالص تحياااتي :wrda:
 

منيف القحيم

[شاعر تغاريد]
  • كاتب الموضوع كاتب الموضوع
  • #6
ابدعت في سبك الذهب واجهر .. ضياه
قلبٍ شَعْبه الشوق يم ..... الحبايب

الله عليك يا منيف
ابيات اخذت من الجمال والجزاله حقها
وافي
عذوبة احاسيس وقوة معاني وروعة تصوير
صح لسانك على هالشعر الفااااخر​
صح بدنك ، ولاهنت على المرور الرائع والتعليق الذي أفتخر به من شاعر له كلمته بالشعر . فلك خالص التقدير ودمت بخير وعافيه
 

نواره..|~

~..دنيا بلا معنى..~
[شاعرة تغاريد]




عدت الى تغاريد حامدة لله عودتي لالشيء سوى أن وقعت عيناي على هذه الفاتنه .. جميله وصادقه .. أهنيك على الأبداع والحبكه .. شاعر يستحق كل التقدير والمديح .. وهنيئاً لتغاريد انبثاق شاعر مبدع وجزل ... صح لسانك :wrda:..|•
 

ماجد بن عجاج

.. شاعر ..
[شاعر تغاريد]
صح فكرك و بوووووحك العذب .. شااعر ممتع رااااقي .... لله درررك ....

يا وقت وشبك كل ماجيت...... أبلقاه
حطيت في دربه ظروف .....وصعايب

ويا وقت وشبك كل ما جيت... أبنساه
جبته مع أشواقه ضيوف .....وحبايب

إحترت في خطوات الأشواق .....وياه
اليا متى يا حبنا وأنت.............غايب

أجيك تبعد؟ فيك الإحساس ما أقساه
وأغيب يدعيني بك الشوق .....ذايب


مخاطبة ... معاتبة ممتعة في صياغتها رغم المعاناة بمعانيها .... صح لسااانك حتى ترضا
 

المتواجدين حالياً (عضو: 0, زائر: 1)

أعلى