شئ عجيب ان القمر يشعل لهايب

خيّال

ربي اغفر لي خطيئتي يوم الدين
[شاعر تغاريد]
العجايب عادها بالفكر تسري
بين تفكير العقل وجنان صايب

خيّم الليل البهيم وجال فكري
في امور العشق يوم القلب تايب

عشت داري بالغرام وقلت مدري
يوم اشوف حبيّبي انسى الحبايب

يجتمع في مبسمه كاسي وخمري
والغريب ان العقل ماهو بغايب

يوم قلبي ينسرق من وسط صدري
غصب عني دون حرب ولاحرايب

صقر حر وفِي عيون الزين وكري
يحتويني رمشها والقلب ذايب

حر مااقدر امتلك لحظات امري
حبر صك الرق من كحله سكايب

شفت من ضو القمر مشتب جمري
شئ عجيب ان القمر يشعل لهايب

كيف رجلي تقتنع باحساس كسري
من الم فرقاه وتجر النحايب

لين اهاتي تضم سيوف صبري
فعل فارس شد سيفه للكتايب

الحياه اللي بلا محبوب خبري
الهنا فيها مشابه للمصايب

والحياه اللي بها محبوب عمري
الفرح فيها نحر كل النوايب​
 

طير بالسما

وَكلُ شمسً لهآ غروبَ !
.. عضو مميز ..
يشرفني اني أكون اول من يقرا ويرد على هذي القصيده الرائعه
قصيده سلسه وجميله حروفها
الابداع له ناسه وانت واحد منهم
صح لسانك خيال ابيات جزله من شاعر جزل
واجزل الشكر لك :wrda:
 
التعديل الأخير:

نصخ روحي

اللهُمَّ الجنّه والنعِيم الأبدي لي ولوالدّٓيٰ
.. عضو مميز ..
الله الله مبدع وربي

صصح لسآنك مليون ولايسدون

كتبت فـ أبدعت وامتعت ياالغالي
وماهو غريب عليك
يعطيك ألف عافيه اخوي

 
التعديل الأخير:

ماجد بن عجاج

.. شاعر ..
[شاعر تغاريد]
يسعد صباح الشعر ... صباااح فااخر رااايق عذب ... يسعد لي فكرك ... صح بوووووحك حتى ترضا ... شهادتنا فيك مجروحة:) .... لله دررك شااعرنا الفخم...

يجتمع في مبسمه كاسي وخمري
والغريب ان العقل ماهو بغايب

يوم قلبي ينسرق من وسط صدري
غصب عني دون حرب ولاحرايب

صقر حر وفِي عيون الزين وكري
يحتويني رمشها والقلب ذايب

حر مااقدر امتلك لحظات امري
حبر صك الرق من كحله سكايب



الله الله الله ..... قراءة وحدة لا تكفي ,,,
 

خيّال

ربي اغفر لي خطيئتي يوم الدين
[شاعر تغاريد]
يشرفني اني أكون اول من يقرا ويرد على هذي القصيده الرائعه
قصيده سلسه وجميله حروفها
الابداع له ناسه وانت واحد منهم
صح لسانك خيال ابيات جزله من شاعر جزل
واجزل اشكر لك :wrda:
انا اتشرف بمثلك وشرواك طال عمرك
وجود راقي وحضور جميل يسعدني
ان يلقى ما اكتب رضا معاليك
صح بدنك مدد بلا عدد
وانا اللي اشكر لك روعة كلامك
:wrda:
 

عطر الذاگره

" تـريـاق "
.. عضو مميز ..
يوم قلبي ينسرق من وسط صدري
غصب عني دون حرب ولاحرايب


................................................


وربي أجمل قصيده وأجمل شعر

گل بيت يأبى الا أن يختص بالجمال وحده

گتبت ، فأبدعت ، فأدهشت..

ما أجمل أشعارگ شاعرنا وما أجمل ملهمتگ
..

لأنه شيء عجيب أن القمر يشعل لهايب..

:wrda: :wrda: :wrda:
 

خيّال

ربي اغفر لي خطيئتي يوم الدين
[شاعر تغاريد]
الله الله مبدع وربي

صصح لسآنك مليون ولايسدون

كتبت فـ أبدعت وامتعت ياالغالي
وماهو غريب عليك
يعطيك ألف عافيه اخوي
هلا بالورد وعبيره وروعته
زاد متصفحي جمالا بفخامة
اشراقتك
صح بدنك اسعدني هذا التشريف
الله يعطيك ما تتمنين​
 

المتواجدين حالياً (عضو: 0, زائر: 1)

أعلى