• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

الهوى الغايب

وابل

الهوى الغايب
.. عضو مميز ..
"

باعترف لكم بشغله إن احساسي مرهف
وقلبي طيب لدرجة اذا شفت نملة شايله
شي اكبر منها يتقطع قلبي عليها
وودي اشيله
عنها
واوصله للجحر اللي تبيه

لكني ماعرف لغة النمل علشان اقولها
احد منكم يعرف لغة النمله
 

وابل

الهوى الغايب
.. عضو مميز ..
"

فيه ناس تزعل عليك وانت ماتدري
وتقاطعك وانت ماتدري
وترضى عليك وانت ماتدري
وتظلمك وانت ماتدري
وتشره عليك ومالهم حق بالشرهه
ياخي علمني يمكن انت مهم عندي
علمني يمكن انا ماجبت خبرك
علمني يمكن انا ابادلك نفس الشعور
سواء لك قبول او عدم قبول
علمني علشان تعرف اللي عندي
هالنوعية من البشر وش وضعهم
 

وابل

الهوى الغايب
.. عضو مميز ..
"


اليوم وانا طالع اسوي رياضة
قبل الفطور بساعتين كعادتي اليومية
اكتشفت شغلة اول مره انتبه لها
الا وهي ان الكلام له ثقل
بمعنى لما تمشي مشي سريع
وانت بتتكلم داخلك مع نفسك
يوثر على سرعة مشيتك بحيث تكون ابطىء
لاحظت هالشي كنت امشي بخطوات سريعة
وفيه شخص اخر يمشي بخطوات سريعة
اذا تكلمت مع نفسي ودخلت بافكار
اتأخر عن الشخص هذا واذا انتبهت لنفسي
وفضيت راسي من الكلام والافكار
اكون امشي اسرع منه
لذلك اكتشفت ان الكلام له وزن وثقل
على وزن الانسان اذاً يكون مؤثر
على النشاط والسرعة
فعلاً الكلام له ثقل على الشخص نفسه
فما بالك لما يطلع منك كلام سيء على شخص
آخر اكيد راح يكون مؤثر على الشخص ويزيده
حمل فوق طاقته
انتبهوا لكلامكم مع انفسكم ومع الآخرين
هو فيه حكمه بالموضوع بس تعرفون
تأثير الشوربه والسمبوسه والفمتو واللقيمات
لكن انا متأكد ان الفكرة وصلتكم

والسلام عليكم ،،،
 

وابل

الهوى الغايب
.. عضو مميز ..
"

عندي حساب تويتر قديم من 2015
من زمان مافتحته
امس دخلت لقيت وحده كاتبه لي منشن هاي
كتبت لها أهلين وحطيت ورده
اليوم ردت علي
كاتبه بدري صار عندي ولدين وبنت
شكلي تأخرت بالرد

والا
 

وابل

الهوى الغايب
.. عضو مميز ..
"

الأجانب عندهم شخصية خيالية
اسمها المستئذب
وهي ان يتحول الإنسان الى ذئب
وقت اكتمال القمر
نحن لدينا
المستكلب
مالها وقت محدد
شخص تعرفه زين
فجأة تلاقيه صار كلب

وفيه بعد المستحمر والمتبقر
ووووووووووووووووو
والقائمة تطول !
 
التعديل الأخير:

وابل

الهوى الغايب
.. عضو مميز ..
"


ياكرهي للناس اللي دائما يتحلطمون
وماغير يتشرهون على الناس وعلى الزمن وعلى وعلى ولاهو عاجبهم شي حتى النمله ماسلمت منهم يشرهون عليها يقولون تمر ولاتسلم والأدهى والأمر انهم يلعبون دور الضحية وهم مايشوفون البلاوي اللي يسوونها بالناس
هم بس اللي صح وغيرهم خطأ
جعل مايمر بدربي واحد منهم
الخلا بس الخلا

هههههههههه
كني تحمست بزيادة

مسيتو بالخير ،،،،
 

المتواجدين حالياً (عضو: 0, زائر: 1)

أعلى