غمضت عيني ، ⚘

بسم الله الرحمن الرحيم





مدخل :
ياجعلها ترضيك ياصاحبي @ذاك
وان قلت لي ( تكفى ) فلا اقدر اردك

_____________


بهرتلك دلة قصيدي على النار
فنجالها راسي وقافي قدوعك

ومجلاسك بعيني وعيني لك الدار
وقلبي تتكآبه على حد كوعك

عن وصلنا مابي تقدم لي اعذاار
وعن حبنا مابيك تعلن رجوووعك

تعال يكفي عناد لاعاد تحتااار
نوّر حياتي فيك واشعل شموعك

بسقي جفافك والصحاري بك انهار
من اول اغصانك الى آخر فروووعك

قلبك مثل لون السماء بعد الامطاار
والشمس عينك وقت لحظة طلوعك

لو تعلنين الحرب ، او تبغي الثآار
قلب ٍ سكنتي فيه يكسر دروعك

خايف جنوني فيك ياخذني اشهآار
مجنون والمجنون وضعه يروعك

صمتي دليل اني من الناس منهآر
بعض الخفايا يمكن انها تلووعك

غمضت عيني ، عن سواليف واسرار
واشياء تجهل ، عن خفايا طبووعك

سبحان من بدّل حلا الوقت ، بأمراار
واصبحت فوق الحب! تحت آمر طوعك

__________________

مخرج :
لاتقول لي ( تكفى ) ليا صرت وياك
خايف بعد هاذي خفوقي يرررردك







​

غمضت عيني ، ⚘

 

صح الله لسانك
قصيدة جزله و عسى عدوينك شهار اللي ما خليتها في خاطر ذاك ،،،
والشكر موصول لـ @ذاك اللي زهمك تكمل هذي الابيات الراقيه و الوافية

 

الله الله .. يابقايا ابيات ..
انت كل الابيات في نص موسيقي من الشعور العميق ..
وما اخفيك قصيدتك صادفت اني فعلا الان ماسك خط واسمع غمضت عيني عن سواليف بالي

عن وصلنا مابي تقدم لي اعذاار
وعن حبنا مابيك تعلن رجوووعك

تعال يكفي عناد لاعاد تحتااار
نوّر حياتي فيك واشعل شموعك
​

هنا .. والمشاعر مواصيلها غييييير !!
واذا بتسمح لي .. كأنك وراشد اتفقتو يوم قال :

واخفيت سري عن سواليف بالي
مشتاق لكن رغم جرحي قوي بآس

.
.

صح لسانك العذب ونصك الجميل ..
يا "كل الابيات .. واجمل قصيدة" ..

 

بهرتلك دلة قصيدي على النار
فنجالها راسي وقلبي قدوعك

ومجلاسك بعيني وعيني لك الدار
وقلبي تتكآبه على حد كوعك
..............................
الله الله أبياااات رائعه تخطف الأنظار من جمالها صح الله السانك ويسلم بنااااانك

 

تأصل بسلامه ابو ابراهيم وطمني عنك
الله يحفظك ويستر عليك وييسرلك طريقك
وصح بدنك ويسلم وجودك ومرورك يالغالي ⚘

 

يابن قحيم الله يبيض وجهك على حضورك الراقي
وصح بدنك لاعدمنا وجودك ⚘

 

صح بدنك ..
وياهلابك ي السمو ..
اما ذاك فأنا اقتنعت
انه ينطبق عليه المثل اللي يقول :
( حرك تبلش ) ..
محاوره يناطحك
وقصيد ويجاكرك
وابيات ويواجهك ..!
ثوبي صار يغار من بياض قلبه ..
شكله يغسله بإيريل ..!؟
وحنا ضاعت اعمارنا نتمضمض بتايد < سامجه
هههههههههههههههههههههههههههههههههه
مشي مشي