...........{ مُلتقى شعراء تغاريد ..!

السراب الابدي

.. شاعر ..
⭐️ عضو مميز ⭐️
زليت لكن ماتمنيت فرقاك
واخذت مزحي جد قبل اعتذاري

ياصاحبي حذراك حذارك حذارك
تنسى رفيقك بين ليل ونهاري

ماتدري انه لو زمانك تحداك
يوقف بجنبك لو رحا الوقت داري

اخذ الخبر دام الخبر يالخوي جاك
من صد من زله بيرجع اجباري

لان الليال اتدرسك شي ماجاك
في المدرسه ولاهي بعلوم وهذاري
 

صادق التعابير

~$ الراعي $ ~
[شاعر تغاريد]
ابيات من قصيدة كتبتها في رثاء والدي رحمه الله وغفر له

،

فكم نجم اشوفه طاح من عقب مالمع
وعقب الوهج راحت مواضي مشاهبه

وكم غيث اشوفه مالمع ضي بارقه
واروى دماديم ارتوت منه شاربه

وكم غيم اخايل بارقه حين مابرق
ولاشفت سيل اقراه يرخي ذوايبه

يحين انها بالبين الاسماء آذنت
وساق الوصيف بحامل الوصف ذاهبه

لنا حامي الحدين لاقال الا انجلي
بلغ للبيان النور وابدي مضاربه

متى ماالحقوق بحامي الحد تحتمي
لهابالمواقف شمس ماهي بغاربه

انا ماني بهافي بجهدي وحيلتي
ولاني من الي عاث يتلي رغايبه

وفي كل مايجلب لي المدح والثنا
مطاليب تشفيني بعالي مراتبه

هواي الوفا والحق والصدق مطلبي
ولو الفنا منهال تاتي سبايبه

وحنا على بيبان غربه لنا فضى
من الوقت ذقنا لون غاثي متاعبه

لي اليوم مبدا عقب ماشفت باالمدى
وعاينت من رايه بالأشوار صايبه

ولوكان منهو عنده اذنين يستمع
رعى الشور واصبح آمنن في مضاربه

وقالت حذامي صايب الراي والخبر
لها بالمدى نظره على الشوف ثاقبه

مراع القطا خلاه يترك منازله
ويهاب الخطر منهو طريده يقاربه

والأخبار منها ذايع الصيت منتشر
فلا يختفي لو كاتب الخط شاطبه

لنا فالنظر في سالف الدهر موعظه
فيافيه مافيها وفيها انتعاض به

اذا قيل قول وقايل القول ذا خطر
تمثل نوادي سامعه صوب قاضبه

رواويه لوكانت توافق وتختلف
تذود الملامح عن دوادي تذاع به

وتفضي لناالأمثال مايجلي العبر
تفوه وفاها فيه مافيه فاه به

وحى صوت صادق مرهف الهجس يسمعه
وكم صوت ماتسمع له اذنين صاحبه

ولولا الضيا ماشفت لليل من سرى
ولابالأجم من فج له درب سار به

ولوايقن المرتاب في حال ريبته
سكن طير صدره واهتنا واستراح به

الا حي من يحمل صباحه صبا السعد
وسالم تغنا له غطاريف ناحبه

لياهبت النكباء وياالصفر مسته
يعرف الذرى اللي فالشدايد يلاذ به

ربح من جناح الذل للعز يخفضه
ولافاز منهو نابت الريش طاربه

،


صادق التعابير
 

walleedsapra010

⭐️ عضو مميز ⭐️
عٌــآصّــفُـ لَـيِــلَــيِ
أرى فُـيِمًآ يِرى آلَنِآئمً
أنِيِ فُـيِ بًلَدٍ وٌجّـذِوٌرى فُـيِ بًلَدٍ
أصّـبًحً مًصّـيِريِ فُـيِ يِدٍ مًنِ لَآ يِعٌرفُـ قُدٍريِ
وٌآنِ آنِآمً خِـآئفُـآ مًنِ آنِ آمًسِـيِ
وٌمًنِزٍعٌجّـآ مًنِ يِوٌمًيِ
وٌمًتٌـحًسِـرآ عٌلَى مًآ هّـوٌ آتٌـيِ
وٌعٌنِدٍمًآ آبًدٍآ بًتٌـجّـمًيِعٌ شُـتٌـآتٌـ نِفُـسِـيِ ...
وٌآبًدٍآ بًتٌـضًـمًيِدٍ جّـرآحًيِ ...
وٌآبًدٍآ بًضًـمً روٌحًيِ بًيِنِ آضًـلَعٌيِ ...
آجّـدٍ آنِيِ لَآزٍلَتٌـ حًبًيِسِـکْ ...
لَآ أعٌــــلَــمً
آنِيِ مًآزٍلَتٌـ رهّـيِنِ مًآضًـ جّـمًيِلَ عٌشُـتٌـهّـ...
وٌوٌآقُعٌ مًــــر قُدٍ کْرهّـتٌـهّـ...

[emoji174] وٌلَيِدٍ صّـبًرى [emoji174]
 

صادق التعابير

~$ الراعي $ ~
[شاعر تغاريد]
،
،
،

جيت اعبر شعوري ... يوم ليلي سكن
والمساري طويله ...... والله المستعان

العيون الحزينه.. ليش.. مدري .. بكن
سببت لي ملامه ....... والله المستعان

يوم شوف الغوالي ... زاد قلبي شجن
ذكرياتي جديده ....... والله المستعان

كنهم يوم غابو .... عن عيوني وطن
دونه اسوار منفى ..... والله المستعان

 

ناصر1

.. ابو طلال ..
[شاعر تغاريد]
قبل الزحمه ابارك للجميع شهر الصيام
--
واقول
--
ياساكنــ ن فـى القلـب جيتـك اهنيك
واطـلـب مــن الله ان حياتـك سعيده

مبروك شهـر الصوم ياروح مغليك
اكـــرر الـتـبـريــك لـك ثــم اعـيـده

عســى تصوم الشهــر وربي يقويك
ايمـان تصومـه واحتـسـاب وعقـيـده

عســى الولــي مــن النار يـنـجـيــك
وتـحـقــق الـلــي فــى حياتـك تريـده

------

كلكم فى القلب انتم جميعا بالقلب ❤
ابو طلال
 

صادق التعابير

~$ الراعي $ ~
[شاعر تغاريد]
.

كل عام وانت طيب يا ابو طلال
وينعاد علينا وعليكم بالصحه والعافية واجتماع الكلمة والرحمة




أبيات قديمة من أرشيفي المتواضع



,


فطرت لك قلـب ... ودك تعـرف اشفافـه
تستسقي اسرار ..... تنتج لك عن شفافـي

خذ من شكسبير كذبة ......تختم اخرافه
ومن عند ابو سعود صدق لكامل اطرافي

يا صابر الصمت .... لو كبد القهـر لافـه
لف المواقيف....... لا يشمـت بـك الافـي

لو خفف الضيق ....من شرياني اوصافـه
دواتـه الـدم ......... لـو تنفعنـي اوصافـي

مير البلا ... طب .. ضيق المشتقـي طافـه
ما تشرق الشمس ... واسراج الفرح طافي

تبت يد الهم .. تـب وتـب ..... مـن حافـه
تهت بتواليه ...تيهة ...... مـن مشـا حافـي

وصل السهر هم ...... يشكي منـه ميلافـه
وحبل المواصيل ......مسه شـوق ميلافـي

ليلي لو اغفاه .. لحظـه .....ينظـر خلافـه
بعيون الاشواق ........ دايـم ينظـر خلافـي

لا قلت له .. ليش قلبي .. ترفـض انصافـه
يجفل على الصبح فيني ...يرفض انصافي

عـذره .. لياليـه .. مـن فرقـاه .... خوافـه
تطرب ثوانيـه ........ للـي يشكـي الخافـي

مرات .. اقول انت ياليـل العنـا ... سافـه
اقدح صوانيك .. وألبس ... فـروة السافـي

مقرود .. اناجيك .... كنـي كاهـن اعرافـه
يكفر بي الهم .... وادرك ضيعـة اعرافـي

اقفي عن الضيق .... لكـن داخـل غلافـه
يطويني القيد ........وابقـى داخـل غلافـي

من يفرش القاع ........ يلقـى ليلـه لحافـه
لا اقبل له البرد ......يفتح حضنـه الدافـي

من ضمة بحيل ...قامت ترجـف اطرافـه
وانا احضن البرد .... لين افقد به اطرافـي
 
التعديل الأخير:

ناصر1

.. ابو طلال ..
[شاعر تغاريد]
كل عام وانت بخير وصحة وسلامة وعافيه وسعاده اخوي صادق التعابير وصح لسانك وأعتلى شانك. وأمين على دعاؤك يالغالي. وتقبل الله منا ومنكم صالح الأعمال والطاعات والدعوات اللهم امين يارب العالمين
 

صادق التعابير

~$ الراعي $ ~
[شاعر تغاريد]
:

:

وأنت طيب وبصحة وسلامة
وصح بدنك ي الأمير وماعليك زود
وتقبل الله منا ومنكم صالح الاعمال وجعلنا من المقبولين


/

أبيات من إرشيفي


الله وكيلي هو خلقني من امشاج
وخلق لي اعيوني وسمعي معاديل

لجل التمس في ضيقة الدرب مخراج
واعرف طريق الخير والشر مااعيل

ياليل ياساري لك احروفي اسراج
مني قبس نوره ضوا عتمة الليل

لاتشتكي لوطال دربك من احراج
اوتشتكي من كثرة الحط والشيل

جعل الرجى يلقا مع النور مخراج
ويزودني سامع جزيل التماثيل

يهدي حبيس بغربته حكم الافراج
ويمشي ويقطف له من الورد اكاليل

ماقيل انا شاعر من النور نساج
وماهو لجل قد قلت ماقلته وقيل

باديه انا ماجيت سارح ودواج
ومبغى بعد لي منه رد المراسيل

حاصد كفافي مابعد جيت محتاج
عندي غناتي ماعدمت المحاصيل

وتلاطمت يامركب الفكر الامواج
وابحرت وآني في محاميك ماميل

كني وانا اراقب مرافيك بادلاج
عاقل وانا سايح لبس بردة اخبيل

كاتب بلا مكتب ولاعنده ادراج
ديدن حديثه يشتكي من غرابيل

آبد وهو مطرق ولايرفع احجاج
غض النضر ماعاش جيل بعد جيل

لو ينحصر قلبه وهو جوفه اخلاج
يمشى على رجوا الفرج فالمقابيل

كسير ماله بالحزن جبروعلاج
وحط الجفا دون اللقا و المواصيل

قلبه وهو طارق بلا صوت لجاج
جابه يسوقه سوق من دون تمهيل

ولي معه كبدي على حامي الصاج
ياحمس ميعاد الكبود المغاليل

كني وانا واقف على اطلال هداج
استنطق الي كان ينطق لي اقبيل

جاني موارد جم واعدوده اهواج
لين التغاضي بالغبا صار تمثيل

ماني على داير سوانيه رعاج
تنظر لي الي تجذب احبالها سيل

وهدوئها الي لجني صمته ازعاج
قامت تدن ارعود فيه المخاييل

وانشد وينشد للخبر صاحب اسياج
لين يتبصر ناشدي بااللمعاويل

ماشفت فكري غير يوم البحر هاج
وعم الثريا والجدي صاحب اسهيل

من هو ليا الدهناء نقل عين الافلاج
و من حول الديسه ليا ام التماثيل

وكيف الهرم مارب وسده بسوهاج
صارت نعامتنا بليا خلاخيل

ان غرر المحتال اهل ساحل العاج
ماغرر ارجال الجزيره ولا النيل

اللي تقص اسيوفهم حبل الاوداج
تمسي سمان القوم منهم مهازيل

ماسدد العملاق في دين محتاج
ترجم لهم تاريخ ماهم مجاهيل

والفخر ماهو كرسي ومنصب وتاج
ومكاثر الانعام والحرث والخيل

الفخر في مبدء وشرعه ومنهاج
ايضا وفي غرة مواضي وتحجيل

والعز يقطع له على ضامر افجاج
اللي قبل ما ينزل بشوفه يحيل


صادق التعابير
 
التعديل الأخير:

المتواجدين حالياً (عضو: 0, زائر: 1)

أعلى