• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

* نصفُ إنّتبـاه !

مدونات الاعضاء

* نصفُ إنّتبـاه !

اشجـان

⭐️ عضو مميز ⭐️
_

@@اشجـان
ماتدريّن قد إيش أتحمّس لما تدونيّن .. أحبّ تدويناتّك بلا أستثناء .. و يجذبنّي لما تختميّن بـ التواريّخ او الوقتّ نهاية كل تدوينّه ..
من كثّر ما انا مركزه فيهم ترى مره انتبّهت انكّ كتبّتي تاريخ سنه هجريه غلطّ بس مابغيّت احسسّك بلقافتّي:.)
بس باالفتره الحاليه مااشوفّك تحطينهاا.

مُدونة : @خريّف ! ❤. .

_

من طوّل الغيبات جاب الغنايم ، وكلامك ذا بحد ذاته غنيمه :.)

وع طاري التواريخ والساعاات ،
انا وحده عندي تقديس عظيم لهالاشياء
يعني والله حتى بكلامي وسوالفي
اقول مثلاً : صار كذا الساعه ١٢ وسويت الساعه ٣
يعني والله ف علاقة حُب بيني وبين الارقام :.)
الله وكيلك لو تشوفين تويتر عندي كله ساعات وتوااريخ:.)
واذا ع الاغلاط ؛ ي بنت الحلال اقربي من حزّتها
وعلميني اذا غلطت :.).
واحبتس.


+

ان شاءلله ع الايّام الجايه ابكتب شي مُهم لي وشاغل بالي
حالياً " طبعاً كتبت هالكلام عشان كلّ مادخلت هنا اشوف
واتذكر اني بكتبه، لاني صايره انسى واجد " .

- اللّهم صلِّ وسلّم عَ محمد ❤.
3:55

.

 
التعديل الأخير:

اشجـان

⭐️ عضو مميز ⭐️
_


_

مساء الخيـر .. ✨

اول يوم برمضان بوقت العصر الساعه ٤ ، كنا جالسين وامي كانت تتكلم بس كان عقلي يفكر ومانب منتبهه معها اسمعها تقول حديقه وبنطلع وجدك، ويوم خلصت ماسالتها اباقولها السالفه اللي قاعده ارتبها بعقلي عشان احكيّها لها ..

سالفه قريتها تقول :
كان فيه واحد اسمه "عايش" ووحده اسمها " نوره"
كان يحبها واجد ، قرر يخطبها من ابوها ، ويوم راح له رفضه ابو نوره بحجة انت ماعندك لا حلال ولا مال ، طلع عايش من عنده وصادف انه شاف نوره قالها : يانوره انا راح يصير عندي حلال ومال وابشتغل وابجي اخطبك ، وافقت نوره انه تنتظره لانها هي بعد كانت تحبه ..

سافر عايش لمنطقه مرموقه لانه كان يعيش ف قريه ، ودخل بالتجاره وصار يشتغل ، ومرّت الايام صار عنده مال وحلال ، وطبعاً رجع لقريته عشان يخطب نوره ، ولكن لما رجع تفاجئ انه نوره تزوجت باصرار من ابوها ، كان عندهم زمان البنيه لاجاها رجال قادر ع الزواج ماترفضه..

تفاجئ كمان انه انتقلت نوره مع رجالها لقريه ثانيه ولا احد يعرف هالقريه ، قام عايش وقال بيت شعر يقول فيه:
(
ابنشدك عن نور القمر، وشلون نوره ؟ )
وقرر انه يروح يدوّر ع نوره ، مرّ ع القريه الاولى وسلّم ع اميرها وقاله ابعطيكم لغز واللي يحلّه له كل حلالي ومالي ، قالو وشهو ؟
قال : ابنشدك عن نور القمر ، وشلون نوره ؟
قال واحد من الجالسين : ابيض ، ومنهم من قال اصفر وتعددت الاجابات ..
راح للقريه الثانيه وسالهم نفس الشي ولا احد عرف ، راح للقريه الثالثه وسالهم ، وكان وقتها تعب قالهم نفس الكلام ، وقال اسمحولي هالليله ابات عندكم ..

كان من بين الجالسين زوج نوره ، وسمع باللغز ورجع بيته وقال يانوره ، قالت له سمّ ؟
قالها : اليوم جاينا واحد خبل عطى لغز واللي يحله له ماله وحلاله !
قالت نوره وشهو اللغز يمكن اعرف جوابه ؟
قال : ابنشدك عن نور القمر وشلون نوره ؟
ابتسمت نوره وعرفت انه من عايش ، وقالت له عرفت الجواب قلّه
: (
مثل السمك بالبحر ، وشلون عايش ؟ )

ويوم اصبح الصبح راح زوج نوره لعايش وقاله الجواب ..
ابتسم عايش وقاله هاك حلالي ومالي ، وسلملي عَ نوره .

م اوريكم وجه امي يوم قاعده احكي لها ، كاني حالفه عليها الا تسمع السالفه ويوم خلصت قالت ها خلصتي؟ قلت ايه قالت هيا قوميي المطبخ ينتظرتس :bhert::.)

الزبده ياجماعه / حُب الاولييّن مامثله .

برعاية صلاة التروايح :
٢/ رمضان / ١٤٤٠
٩:١٤
 

المتواجدين حالياً (عضو: 0, زائر: 1)

أعلى