1. المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

إِنتِفَاضَةٌ وَ شَغَفْ!

الموضوع في 'مدونات الاعضاء' بواسطة مِشمِش✨, بتاريخ ‏7 يوليو 2018.

  1. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ١١:١٥ ص


    كل كمشة حب الله خلاني أعطيها
    غرّقني بأضعافا
    لأنو من تربة حرمانو
    بتنبُت جنينة عطايا



    كيف أوصل المشاعر الحلوة ؟
    كيف أوصف شعوري الحالي بحروف و كلمات ؟
    كيف أكتب لكم الي عم يصير معي ؟
    ما عم لاقي كلمات مناسبة بس إنو جاي ع بالي عيط و احضن شخصين كتير بعاد عني!!
    جاي ع بالي فرح كل العالم ياخي بدي ياكن تحسو بفرحتي و الله!!
    آوووه يا رب الحمد لله حتى يبلغ الحمد ...

    حلمي عم يتحقق و الله :tiredface::55:


    ❤️✨
     
  2. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ٢:٠٦ م

    فقت اليوم الصبح بدوخة و كتير كنت تعبانة من شو تحديداً ما بعرف بس الي بعرفو انو كنت كتير تعبانة بس المود كان فوق و الله :.):55:...
    المهم اليوم تمقلبت مقلب استغفر الله العظيم و أتوب إليه


    كنت حاسة و قلقانة بنفس الوقت
    كنت حاسة إنو رح يصير شي معي اليوم بس ما توقعت انو يكون هيك شي :Neutral::bhert:
    حالياً طلعت من تأثير الصدمة و حاسة حالي بكيت كثير رغم انو ما بكيت بتعرفوه الشعور الي بكون بعد بكاء طويل و من قلب x'D
    انا احس بذاك الشعور الآن في التو و اللحظ و الثانية



    /



    مقطع من الطفولة
    _أين نختبئ؟
    -في الخزائن
    خلف الأبواب..
    _هيّا
    واحد..اثنان..ثلاثة..عشرة
    أفتح عينيّ الآن!



    طائرة فوق آلاف الجثث
    تُلقي التراب عليهم


    "
    بكرة العيد ومنعيد وبندبح بقرة بو سعيّد"
    _هههههه..بقرة بو سعيّد ماتت قدماً
    أتذكر؟
    -نحنُ بقر بو سعيّد إذاً!

    /


    يصدح صوت الإذاعة
    في أرجاء حيٍّ محطم: في هذا اليوم

    من المتوقع نزول القذائف على المنازل
    اختبئوا جيداً..
    _هل نحن نملك منازل!
    -كم أنّكَ ساذج..أتريد أكبر من الأرض منزلاً؟
    _أين نختبئ؟
    -في الخزائن
    خلف الأبواب..
    _لا يارجل... لِمَ العذاب!
    هيّا إلى التراب



    و بس هيكا :55::dove:
     
    آخر تعديل: ‏25 ابريل 2019
  3. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .

    الساعة الآن :
    ١١:١٦ م


    فكم من كربة أبكت عيونا
    فهونها الكريم لنا فهانت
    و كم ذقنا المرارة في ظروف
    برغم قساوة الأيام لانت
    هي الدنيا لنا فيها شؤون
    فإن زينتها بالصبر زانت


    من يوم ١/١/٢٠١٩ م إلى يوم ٢٨/٤/٢٠١٩

    Snapchat-725240910.


    فترة أخذت من قلبي و صحتي و عمري و عافيتي الكثير، بس عوضت فيها شغلات ما قدرت إعملها بالفترة الي راحة بسبب شوية ظروف، مبسوطة بحالي كثير و فخورة بحالي أكثر

    الحمد لله الذي بنعمته تتم الصالحات

    ❤️❤️✨
     
  4. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ١٠:٤٨ ص

    هالفترة من حياتي كتير غريبة و مليانة كتير مشاعر !
    الاحتفالات كتير و الفوتات و الجيات لدرجة صاروا خدودي يوجعوني من قوة الضحك و الانبساط :.):55:
    حكيت لبابا هالشي و صار يضحك يضحك و حكالي موقف صار معو انا هيك تطمنت انو في الي يصير معو اضرب مني اذا فرح :.):55:
    المهم ما علينا
    صحيح وصلت لمرحلة ما حلمت فيا لما كنت صغيرة ولا تمنيتها ولا كنت بتمناها بالعكس كنت إكره هالشي و كتير بس المهم وصلت و لما وصلت لهالمطرح عرفت إنو أنا هاد مكاني هاد الشي الي الله خلقني مشانو و المفروض اتعب و اشتغل عليه من زمان، ما رح قول ضاع من عمري كثير بالعكس أنا مريت بضروف كتير صعبة و مشاعر كتير مختلطة
    مبارح كنت قاعدة مع إخواتي عم نحكي و هيك الكهربا كانت مقطوعة مشان هيك:.):bhert:
    المهم نط واحد يقول و ربي انو نحنا مو طبيعين يقول عشنا بكتير مناطق و تأقلمنا مع كثير ضروف شفنا كتير شغلات بهالعالم يا الله أديشنا قوايا، حبيت كلامو و الله عنجد نحنا هيك، عشنا بلا أب و أم فترة عشنا فترة بالحرب عشنا ببلد كتير برد و بالعكس عشنا ببلد كتير شوب عشنا ببلد متوفر فيها كل شي و كمان ببلد كتير صعب يتوفر فيها كل شي يمكن البعض يشوف هالشي ولا شي بس انا شخصياً أشوفه إنجاز، بمراحل حياتي مريت بكتير حالات نفسية من قوة السعادة و التفاؤل الى الانهيار و محاولة الموت ، صرت اوقات لما اقعد مع حالي و اتذكر رغم انو صعب كثير اتذكر كثير شغلات بس انو تمر بخاطري كتير ذكريات اتذكر اوقات كنت اخد حبوب بدي اقتل حالي و موت و بعدها اروح استفرغ اتذكر كم مرة ما استفرغت و اهلي لحقو علي و عملت غسيل معدة هالشغلات بتبكي انو شام شو وصلك لكل هاد اتذكر انو كنت اسهر للفجر افكر بس و اذا جيت بدي نام اخد حبوب منومة بس هلا بكفي حط راسي ع المخدة و ادخل في غيبوبة ما قوم منا الا تاني يوم بابا و ماما بيحكولي عن كمية الامراض و كمية التعب الي كنت اتعبه لما كنت صغيرة حتى شفت صورة لي و انا كتير صغيرة ما عرفتني و الله يا بابا مين هاي ؟!
    انو عنجد انصدمت كيف قدرت وصل لعمر ال21 و انا بهالحالة كتير شغلات و صور و مواقف حكولي ياها اهلي ما كنت اعرف عنها شي لاني و ببساطة كنت كتير صغيرة
    لو كنت بعرف هالشغلات يمكن كنت رح قول لحالي اني كتير قوية و كنت رح اثبت بكل هالعواصف الي عم مر فيها...
    ماني ندمانة على ولا شي و مافي ولا يوم راح من حياتي عبث وضياع انا تعلمت و انبريت لحتى صرت هيك ، يا رب للأحسن...


    عموماً :
    قبل كم يوم توفى الشيخ :
    فتحي الصافي



    الي هو مثال يحتذا به ممكن يتخذو الشباب العربي المسلم قدوة لالو و يعرف كيف ما يقنط من رحمة الله و انو مهما بلغت معاصيك الله غفور رحيم تواب
    هالشيخ عندو كلمة مشهورة الي هي
    "اي نعم"
    بتذكرني بحدا كتير غالي ع البي
    الله يعوض الأمة الإسلامية و يبعتلها واحد متلو و أحسن


    و بس و الله ...
     
  5. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ٨:١٨ م




    IMG_٢٠١٩٠٥٠٧_١٩١٧٢٥.

    " تَرَاوِيحْ ، رَاحة ، من هموم الحياة و ضغوطها استراحَة"


    /


    اللَّهُمَّ أُمَّتِي، وَجِرَاحَهَا، وَشَبَابَهَا، وَأَسْرَاهَا،
    وَالْمُصْلِحِينَ فِيهَا، وَالْحَامِلِي هُمُومِهَا ..
    لله ادلب لله غزّة لله حماة
    اللهم جُلّ بِلادِ المُسلمِينَ وَمَنْ فِيهَا اللَّهُمَّ سَلِّمْ ..


    /

    هُدنةً هُدنةً هُدنةً يا قلب
    لأعرف الأرضَ من السماءِ.


    ❤️✨

    .
     
  6. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ١٠:٥٩ م

    اليوم كان يوم جبار كتير
    حلو حلو حلووو ولله الحمد
    رغم انو جرحت حالي جرح كتير كبير
    بس قلبي عم يقولي :
    ضلي اضحكي ضلي اضحكي
    عيونك ما خلقت للبكي ❤️❤️
    يسعدلي قلبي بس :relievedface:
    لما يكون بابا فايق هلا من النوم و يكون الي مصحيه اتصالي ويحكيلي انو خلص متأكد يومي رح يكون كتير حلو لانو بلش بصوتي :.):55:
    عاد أنا بعد هالجملة مودي يصير بالسما
    سبحان من جعل سعادة و راحة البنت
    و قوتها بوجود أبوها :55:

    كمان شغلة اليوم أكثر كلمة سمعتها
    " الحمد لله ع السلامة و مبارك عليك و يا رب آخر الأوجاع"..

    أنا اليوم تخطيت أصعب مرة بحياتي مرحلة تمنيت اتخطاها من زماااان بس اليوم الله كتب لي اتخاطاها، و فرحت و فرح كل الي يحبوني بسبب هالنجاح الي حققتو ....
    انا اليوم مبسوطة لدرجة أقدر أقول
    "يا أرض اشتدي محد قدي" و الله جد :.):55:
    قسم بالله طاير قلبي و عقلي بالسما :cryingface::55:
    يا رب الحمد لله يا رب اوصل لاخر المشوار و حقق كل شي عم احلم فيه
    يا رب دوام هالشعور
    يا رب لا سقوط ولا خيبة ❤️❤️

    /

    -شام..
    - هاه؟!
    - تقدري تشغلي المكيف من فوق ولا ما بتوصلي ؟
    هاد الي عم يسأل هالسؤال أخي الي أصغر مني بستة سنين بآخر فترة لاحظ انو صار أطول مني و من يومها و هو مستلم اخته الكبيرة الله يهديه:.):bhert:

    /

    كمان شغلة ،أحيانا الواحد لما يفلت الشغلة بيعرف قيمتا ولما يفلت الأشخاص بيعرف قيمتو هو...
    و بس و الله x'D:bhert:

    /

    حلا الفيمتو الي يوم شفته حبيت شكله و قلت أجريه بس صدمني الطعم الي لسا ما جربه نصيحة لا تجربه :.)

    /

    من الآخر من الآخر
    " سعادتي لا توصف"

    :55::dove:
     
  7. سَحآب"

    سَحآب" إِنتِفَاضَةٌ وَ شَغَفْ ! .. عضو مميز ..

    إنضم إلينا في:
    ‏29 يوليو 2017
    المشاركات:
    6,427
    الإعجابات المتلقاة:
    32,344
    نقاط الجائزة:
    640
    .


    الساعة الآن :
    ٢:٣١ م

    لله ما أخذ وله ما أعطى
    إنا لله و إنا إليه راجعون
    اللهم ارحم جدي و ووسع نزله و أسنكه في جنات الفردوس مع النيين و الصديقين و الشهداء و الصالحين ...
     

الاعضاء الذين يشاهدون محتوى الموضوع(عضو: 0, زائر: 1)