• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

إِنتِفَاضَةٌ وَ شَغَفْ.

مدونات الاعضاء

إِنتِفَاضَةٌ وَ شَغَفْ.

شام"

"عُصفُور "
⭐️ عضو مميز ⭐️
.


الساعة الآن :
٨:٢٩ م

يا سوريا صرنا بعاد وبعدك بقلبي عياد
ما الحب متل الموت والموت ما بيموت


أوقات هيك فجأة بيجتاح قلبي شعور شوق عظيم لسوريا
و الشام و حارات الشام و ريحة الشام
بحب الشام و اسمها بقلبي محفور
يا رب سفرة قريبة ع الشام "سوريا تحديداً"

"و مَا الشّوق إلّا لصباحِ خيرك سوريا "


:55::dove:
 
التعديل الأخير:

شام"

"عُصفُور "
⭐️ عضو مميز ⭐️
.


من صراحة :


من زمان ما رديت و انا مقصرة
و الله تاخذونيش ☹❤



لا اعلم ما تمرين به في حياتك ولن افهمه مطلقا فأنا لم اعش ظروفك ولا يحق لي كتابة نصائح هنا والتظاهر بالمثالية.الحياة ليست سهلة لكنها جميلة بحلوها ومرها.ابتسمي تعلمي كيف تسعدين نفسك دون تدخل من بشري.سيمنحك ذلك شعورا مذهلا.ابحثي عن ما يسعدك.وابتسمي

-
شكراً و على خطى كلامِك مِن زمان سائرون

امين .
-
يااااااا رب يسمع منّك

بداية جميله ، أحترامي ..
-
نورتني

انتِ دايمًا مثل النور اللي يطل في الظلمة مثل الأمل اللي يجي بعز اليأس .. مثل كل شيء حلو ممكن يصادف أي أحد حزين.. مشاعرك مثل ملمس الحرير تجي ناعمة تدعب مشاعرنا .. تصدقي صرت آخاف عليك من قسوة الأغاني .. عسى ربي يفرح قلبك وييسر أمورك ويفرحنا فيك ..!
-
أنا أحبك و الله

ابدع وجمال طرح وتسلسل في مدونتك يجبرني اني ادخل مدونتك ومااطلع منها جميلة انتِ في سردك للاحداث
-
الشي الي يجذب الناس لمدونتي بحبو كتير و الله العظيم رغم اني ما بعرف شو هوي بالنسبة للناس الي حكتلي سهرت بمدونتك مبارح غفيت و انا بمدونتك غير الي قالت ايمت رح تبلشي بكتابك، هي قوية الكلمة هاي و أكبر مني بس خلص حطيتا براسي :.)
ياخي انو انتو عبارة عن شكولاته سودا و هيك ☹
أحبجم نفسا ما أحبها و اللهي❤



يا حلوك ويا حلو حكاياتك .. وقصصك .. وشخابيطك
ياختي أنتِ كمية جمال وتفاؤل ..!
شوفتك إشراقة
نورك يجبر الجميع انه يبتسم
الله يحفظك ويغمرك ب نعيمة
ونظلي شمس تغاريد
يا روحيّ أنتِ ..!
-
أموتن عليك آني ☹❤

اشتقت لبنت الشام القديمة :(
-
شام اليوم غير شام مبارح ☹
بس رح ترجع وعد
❤❤


مااجملك ومااجمل حرفك وماارفع اخلاقك حفظك الله وحفظ شامنا من كل شر
-
اللهم آمين ❤❤



http://cutt.us/J7wBP

زيدوني شغلات حلوة
باليز ☹❤
 

شام"

"عُصفُور "
⭐️ عضو مميز ⭐️
.

الساعة الآن :
٦:٢٨ ص

فكرت كتير شو لازم اكتب هون فكرت بكلمات اكتبا تعبر عن الي عم يصير جواتي ما لقيت!
بتعرفو أحياناً بحس الفصحى صعبة كتير هيك بتوجعلي راسي ما بعود فيني عبر ولا افهمها اوقات
لافيني اكتب ولا فيني اقرا بمل منا هيك!
بس العامية هيك بتكون خفيفة و قريبة ع القلب أكتر من الفصحى مو؟
أنا هيك بحس..
من فترة كتير منيحة تقريباً سنة كنت دايماً مو منيحة دايماً مدايقة مشاعري فايتة ببعضا و أخلاقي تحت الصفر بفكر كتير راسي بيوجعني كتير ببكي كتير حموضة صداع ضيقة قلب و تعب وخمول و ردات فعل اوفر...
بالرغم من كل هاد كان في شي جواتي هيك مولدن بخليني دايم اضحك و افرح، كنت بميل لالو ع طول الحمد لله، يعحبني الجنان رغم اني اميل للعزلة اكتر بس بعرف كيف اختلط بالعالم و اسعد حالي...
ظليت هيك قلت لحالي يا بنت هاي شخصيتك و انتي هيك خلص تقبلي حالك
بس الي خلاني ما ارتاح للوضع انو فجأة خسرت ستة كيلو من وزني و انا ما عملت دايت ولا شي و فوقها تعبانة و مرهقة و مالي خلاق لشي اما معدتي فعليها السلام..
كنت حس انو هالشي عم يصير معي لانو مريت بظرفين فيني قول وجعولي البي كتير كنت حس انو هالشي نتيجة عن هالشغلتين و انو رد فعل طبيعي
بس امي ما رضيت ولا عجبا الوضع و قررت نروح نفحص بشكل عام و عنجد طلعت معي شغلتين الدكتور قال انو هي الي بتسبب كل هالاضرابات النفسية!
و بلشت بالأدوية و الحمد لله عم حس حالي احسن بكتير راسي خفيف و قلبي كمان خفيف معدتي تستهبل بس عنجد خف وجعها..
الحمد لله، كنت مفكرة حالي محتاجة لطيب نفسي من ورا الي كنت عم حسو منيح الي طلعت القصة مو هيك...

/


متاهة :
راكب واقف ماشي انتا فيا للمتاهة عم بتحاول بتفتح باب و بتنبسط بدون ما تعرف انو في وراه عشر بواب مسكرة بترجع تحاول
بسكر بوشك باب بتزعل بدون ما تعرف انو في قدامك عشر بواب مفتوحة!
متاهة
هي يلي بنعيشا كل يوم و كل يوم بتعطينا فرص جديدة لنفتح أبواب جديدة بس ولا مرة رح تعطيك الفرصة طالما انتا فيا..
و انتا هيك هيك جواتا للمتاهة و انتا هيك هيك بتعرف شو اخرتا
بالنهاية كلنا رح نسقط بس فيك تستمتع بالرحلة
فيك تراقب تجن تسمع و تحس وفيك تضل عم تعد كم باب مفتوح و كم باب مسكر
متل اي مشوار فيك تنبسط فيه و فيك تضل عيونك معلقة ع العداد ومخك عم بقرش سيارتك اديش بتعمل بالتنكة
ما دام طلعتو للمشوار ليش عم تحس؟


/



" مُلهِمتي"

هالكلمة و الكلمات الكتيرة الي كانت معا حسستني انو فعلاً أثرت بحياة حدا، حسيت انو طلعت بفائدة و لو صغيرة رغم انو هالفائدة أبداً ما صغيرة بالعكس كبيرة كتير!
انو تفتح عيون حدا بسببك ع شغلات كتيرة و تنبنا بعقلو معتقدات و احلام و مجالات ابداع مالها حدود
حسيت اني أثرت فعلياً بحياة حدا
كتير قالو كلامك مؤثر بس أبداً ما شفت تطبيق لهالكلام الّا مبارح..
الفكرة الي انزرعت بعقلي و قلبي و قررت اعملها بس يصير عندي كيان خاص فيني مبارح شفت وحدة بتشبها كتير عم تنعمل حلمي تحقق ولو انو بعيد بس تحقق ..
مافيني اوصف شعوري للآن عم حس بصدمة هالشعور عم حس الدمع لساتو بعيني رغم انو نشف من زمان...

فخورة كتير بحالي و الله أكتر من أي وقت تاني..


يا رب يا حبيبي تقويني و اعمل الي ببالي
يا رب يا حبيبي توفق و تسدد و تجعل كل شي خالص لوجهك و يطلع بفايدة يا رب ❤
 

شام"

"عُصفُور "
⭐️ عضو مميز ⭐️
.

الساعة الآن :
١:١٧ ص


النسيَان لا يَحتَاجُ استِبدالَ الإنسانِ المُراد نسيَانُه بإنسانٌ آخر..
بِل بحياةٍ أُخرى بِدُنيا جَديدَة!
لَا الوُقوعَ فِي إنسانٍ آخر..
فلَيس مِن العَدلِ إستبدَالُ جرحٍ بجرحٍ آخَر!!


/

المتذمرون أمثالي مضلِلون في كلّ ابتساماتهم الحذقة ، لكننا كالغابات حين نكترث.
نحن نقع في حبّ الغيوم ومنازل السماء وفي حبّ الأشخاص الذين يمثلون لنا وحيّاً فريداً 💜✨

.
 

شام"

"عُصفُور "
⭐️ عضو مميز ⭐️
.

الساعة الآن :
١:٠٨ م


و نَمضِي مُغمَضي العَينين
إلى اللّا مكَانِ بِلا رَغبَة
مَن يُسيّرنا؟
أُحجِية القَدر!


Snapchat-1467654462.jpg

الجّو كتير حلو ☹💜

/



تِبقَى مِن أغلَى الحَبايِب


❤✨

.
 
التعديل الأخير:

شام"

"عُصفُور "
⭐️ عضو مميز ⭐️
.

الساعة الآن :
٧:٥٧ م

بتمر علينا أوقات و ظروف بيوجعلنا قلوبنا كتير
بنتعب منها وراها أكتر
بنزعل بندايق انو ليش انا يصير معي هالشي
ليش أنا من بين كل العالم بالكرة الأرضية
بننسى انو في ناس حياتن أصعب بكتير من حياتنا
في الي عايشين بحروب في الي مهجرين في الي مريضين ما فين يعملو أي شي بهالحياة
بننسى كووول هالشغلات و بنركز بس ع مشكلتنا
الواحد لما يشوف مصيبة غيروا بتهون عليه مصيبتو و الله العظيم..
قلبي قابضني كتير و في ناس شاغلة بالي بقوة ما بعرف شو عم يصير معن بس بالمرة ماني مرتاحة
يا رب يكون بخير


❤🚶‍♀️
 

شام"

"عُصفُور "
⭐️ عضو مميز ⭐️
.


"دين الله ليس للتسلية والمزاح واللعب"
"قل أبالله و آياته و رسوله كنتم تستهزئون"

وبمناسبة قرب موسم الأضاحي
انتبهوا تنشروا صور و تكتبوا عليها و تتمسخروا لانو هاي شعيرة من شعائر الله..
قال تعالى :
( ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ ) ".


و كُل عام و الأمة الاسلامية بخير
تقبل الله منّا و منكم صالح الأعمال

❤✨
 

شام"

"عُصفُور "
⭐️ عضو مميز ⭐️
.


الساعة الآن :
٧:٥٤ م

" إنجاز"

تعبانة كتير و مهدوم حيلي فوق ما كان جسمي كلو عم يوجعني عشت فترة توتر و قلق مو طبيعية
كنت عم ارجف و خايفة حتى الي بايدي ما قدرت امسكو متل العالم و الناس رغم انو الوضع ما كان بخوف كتير بس ما بعرف ليش خفت 😂💔
شجعني كتير صوت بابا ع التلفون و لما تماسكت و بلشت و خف الخوف حكالي و الله مانك هينة يا بنتي 😌💪💜
يا لبيييييه يا هو شعور فخم اخخ بس 💜✨

/


مين قال كلام الناس ما بأثر؟
مين قال كلام الناس لا بقدم ولا بأخر؟
لما يجي التشجيع من شخص غالي ع البك رح يكون غير شكل و رح تتعود بسرعة حتى لما يروح ما رح تقدر تبطل بالعكس رح تستمر و تطور من حالك أكتر و أكتر 💜✨
لما انتا بتكون بدك تعمل شغلة و بهالشغلة في عالم عاشت عمرا وهي عم تشتغلا لما يجو هالعالم و يحكولك برافو وقتا انتا اكيد بدك تنبسط و يصير قلبك بالسما
فعلاً كلام الناس بقدم و كتير يمكن ما ياخر بس بقدم 💜✨
يخليلنا الناس الحلوة بحياتنا 💜✨


/

كيف للنجوم أن تكون مُبهرة لهذه الدرجة!
_أريد أن أصبح نجمة✨
_أنا نجمة 😌✨
 

المتواجدين حالياً (عضو: 0, زائر: 1)

أعلى