صدمة ألـَم

صباحكم خير ... قصيدة لها مناسبتها يشرفني وضعها في صفحتكم الجميلة بعد غياب ...

الله يغنيني عن⁩ اللي يصدّون
يوم الظروف القاسية حاصرتني
.
وقت الرخا بلسان عذبٍ يغرُّون
و اثر الاذن دون العقل ضيعتني
.
مع السلامة .. لا بجيهم و لا يجون
صدمة أَلـَم .. لكنها صحصحتني
.
دمعة قهر و الله ما يستحقون
الاّ حسوف ايام .. فيهم لقتني
.
الله يعوضني .. أوادم يعينون
سدّ .. لهموم سيولها جارفتني
.
اخبارهم .. عطرٍ تعطّر به الكون
يسبق حقايق معرفة .. شرفتني
.
القى اهتمامٍ يثلج الصدْر..مكنون
بصدورهم .. و افعالهم محرجتني
.
معْهم دراهم ثانية .. دوم يعطون
من بنك (فزعةْ للخوي) مغنيتني
.
و ابقى معاهم بين داين و مديون
و انا بكلّي لو بغتني .. خذتني
.
يفداهم اللي بالشدايد يصدون
يوم الظروف القاسية حاصرتني


و سلامكتكم .... صدمة ألـَم

 

صح لسانك
كلام درر
تقبل مروري ياماجد

 

-

اااخ ي ماجد
جبتها ع العوق والله
صح لسانك حتى ترضا
قصيدة تحمل من المعاني .. والالم .. والعبر .. والحكم ..ما تحمل ..!
تستاهل العوض يا شاعرنا .. وكل علم زين ..!
دام نبضك .. وعساها تكون بداية تجدد وانطلاق بعد انقطاع ..!
لك اخوي ../

 

صح لسانك.... شاعر مبدع ودمت بكل خير

 

ابداع وجمال معهود .. بعد كل غيبه لاتاتي
الا بما يشفع لغيابك
صح منطوقك ...
. والله يجعل ايامك توافيق وسعاده....~


تحياتي لك ...~|•​

 

صح لسانكك
جزله الحروف ياراعيها
​

 

يوم الظروف القاسية / حاصرتني

.
.

صح لسانك يابو عجاج ..
ونص جميل غير مستغرب من شاعر مثلك ..
من دخلت الديوان وانت احد الاقلام المحبب متابعتها ..
صح لسانك حتى ترضى .. ودمت بود ..