رواية بردان ياحضن الدفا عطشان واظماني الجفا كامله

الموضوع في 'روايات' بواسطة Shahaad, بتاريخ ‏19 مايو 2017.

  1. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    هذا الطريق مظلم طويل
    ماله ملامح أو نهاية

    دايم أنا وحدي ,, تعبت أنا وحدي ,, مليت أنا وحدي !!

    بردان يا حضن الدفاا
    عطشان و اظماني الجفاا ,,

    رفض يساعدني القدر
    وعيا يطاوعني الطريق

    البارت (1)
    الشخصيات
    الجد والجده
    سعود الفارس و موضي الفارس (ابو سطام وام سطام) عيال عم
    اولادهم 1- سطام 54 سنه(ابو راكان)
    زوجته شيخه 48 سنه(ام راكان)
    اولادهم
    راكان 32 سنه/زياد 28 سنه/العنود 22 سنه/
    نايف 18 سنه/ساره 16 سنه
    2- سلطان 50 سنه (ابو بتال)
    زوجتة الجوهره 45 سنه (ام بتال)
    اولادهم
    بتال 30 سنه/سعود 26 سنه
    سامر 19 سنه /سمر 18 سنه
    وليد اخر العنقود 10 سنين
    3- عبدالعزيز 48(ابو طلال)
    الزوجة الاول مريم 45(ام طلال)/الزوجة الثانية الجازي 40(ام سيف)
    طلال 31 سنه/سيف 26 سنه
    نوال 24 سنه /اماني 15 سنه
    ريان 9 سنين
    4 – العنود 46(ام سند) متزوجة من " ولد عمها وولد خالتها بنفس الوقت " فهد 51 (ابو سند) (توفى ابوه وهو صغير ورباه عمه سعود هو واخوانه خالد و راشد وزوجهم بناته)
    اولادهم:
    سند 32 سنه /فارس 28 سنه /ياسر 26 سنه
    مرام 24 سنه / غرام 18 سنه
    5- الهنوف 44 سنه (ام عناد) متزوجه من ولد عمها خالد 49 سنه (ابو عناد)
    اولادهم :
    عناد 31 سنه /بدر 26 سنه
    ابرار 23 سنه / شجون 18 سنه
    6-مياسه40 سنه(ام صقر) متزوجه ولد عمها راشد 46 سنه(ابو صقر)
    اولادهم
    ريما 24 سنه / رنيم 22 سنه
    ريهام 21 سنه / رنا 20 سنه
    صقر 18 سنه روان 15 سنه
    7- رعد اخر العنقود من عيال سعود و موضي 36 سنه
    ابو سطام واولاده ساكنين في فلل جنب بعض في سور واحد والحديقة مشتركة بينهم واقبالتهم فلل اولاد اخوه ازواج بناته نفس التصميم ثلاث فلل وتحيطها سور واحد مابينهم الا شارع فـ دائما مجتمعياً مع بعض الا سطام تركهم من 16 سنه وسكن الرياض
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
    الرياض
    من حوالي سنتين وهي كل فترة ترتب المكتبة وتهتم فيها وتتذكر كل ذكرياتها الحلوة والمرة من خالها نايف وجدتها الظبي
    العنود بتنهيدت حزن / الله يرحمكم ويسكن روحكم الجنة من بعد ماخذ الله امانتكم معاد بهالبيت فرح والا امان رحتوا وارح الفرح معاكم ... استغفر الله العظيم .. استغفر الله العظيم .. استغفر الله العظيم
    سمعت صوت ساره تناديها بخطوات سريعة اتجهت لباب الجناح
    العنود بهتمام \ خير فيه شي
    ساره \ خالاتي تحت مسوين رجة ودوشت كلام يااااكثره يبونك تنزلين
    العنود تتافف \ اوووف طيب شوي وانزل
    ساره بلقافة \ نفسي اعرف ويش فيها ذا المكتبة ليش تحبينها هالكثر
    العنود بابتسامة \ فيها كتب قيمة لو تمسكين كتاب واحد منها راح تستفيدين و تبطلين لقافة >> مسكت أرنبة انف سارة وقرصتها فيها << وبعدين اعطيتي امي دواها
    سارة بتافف / اييي لاعاد تسوين ذا الحركة و ايه اعطيتها و يالله ننزل
    العنود / اية خلنا ننزل قبل خالتك شريفة تشرفنا
    ساره / ههههههههه ضحكتيني حسستيني اني بحصة ابلة نوير حقت ااا
    قاطعتها العنود / بس بطلي قرقرة ويالله خليني البس عباتي وانزل
    سارة بتافف / طيب طيب
    العنود وهي تتعداها / بطلي تافف واستغفري

    في الخبر ....
    الشباب مجتمعين بالاستراحة الخاصة فيهم
    راكان \ هههههههههههههههه الله يقطع ابليسكم ماتسيبون اهبالكم .. وانتم يالكبار تحطون راسك براس الصغار>>> يقصد بالكبار بدر وياسر
    سامر معصب\ اللحين انا صغير ياركانوه اجل حتى اللي خبرك صغيرين
    راكان فهم قصده وبستخفاف \ هه لاتعصب انت رجال فيك البركه بس اقصد فارق السن بينك وبين الخبل اللي جنبك
    سامر زادت عصبيته لانه فهم قصد راكان يستخف به \ لا تخلين اخرب عليك ياراكان وتشوف من الرجال
    راكان يزيد علية / ههههه ما انت بقدها وخلك ساكت هههههه
    بدر يغير الموضوع .. بضحكة\ هههه انا اتحدا واحد منكم يدخل المجمع بدون عائله وبدون مايطردونه لو ماسوينا كذا كان الطعنا اللين البنات يرضون ويتكرمون يروحون معانا ويرجعون بدون ما يخذون لهم شي من المجمع
    ياسر بقهر\ ايوه والله صادق اذكر كنت ابي لي غرض بسيط من المجمع واخذت غرام معايه ياشين ذاك اليوم والله اني فكرت انها اخذت المجمع كله فوق الوقت اللي خسرته خسرت جيبي
    صقر\ ههههههه بس حركة بدر وسامر تهبل والله لو شفتوا اشكالهم كان فطستوا من الضحك ههههههههه
    الكل \ هههههههههههههههههه
    زياد \ وهذا انت ياصقر مالك غير يومين وسحبوك اجل لو تقعد هينا على طول بتنحرف لا والله عمتي مياسه وعمي راشد تجننوا
    عناد بمزحه \ انا نوي اخبر عمي راشد علشان يتصرف معاك
    سعود يكمل \وانت ياسامر عقابك راح يوصلك
    راكان بنذاله \ لكن نتستر عليكم اذا خبرتونا كم رقم وزعتوا وكم رقم جبتوا
    بدر يتريق \ حوالي 50 رقم وزعنا و100 رقم جبنا
    صقر صدق لانها كان ينتظرهم برا المجمع في السيارة وبعصبيه \ افااا يابدر والله ماتوقعتها منك تسوي هالحركات ماتخاف على محارمك
    سامر يمثل العصبيه\ ماهقيتها منك يابدر وانت ياراكان مادام عرفت نيته معناته ماانت باحسن منه لك سوابق
    ياسر بجدية تمثيل \ بصراحة العزوبية مرض فتاك يا اخي لاتلومه بصراح طولتوا يالشيبان وانتم مااعرستوا وبناتنا عنسوا ينتظرونكم وحنا يالفقارا مالنا الا هالمعاكس ودروب الشياطين بالله ياصقر نلام
    بدر كان يطلع موسيقى حزينة من فمة وياسر يتكلم
    صقر عصب صدق \ انت وجهك واش تنلام وعزوبية ومادري ايش تقول هذا حرام يعتبر من انواع الزنا ماتخاف ان احد محارمك يصير له مثل ماتسوي ببنات الناس وانتم يالكبار مااا ... انقطع كلامه وهو يشوفهم متسدحين من الضحك
    الكل / ههههههههههههههههههههههههههههههههههه
    بتال يضحك / والله ياصقر ههههههههههههه اول مره احد يضحكني هههههههههه بها الشكل ههههههههه ااااااه يابطني
    عناد يمسح دموعة من كثرة الضحك / هههههههه كل الحكاية كلام فاضي هههههه انت صدقته ومشوها عليك هههههههههه
    طلال و سيف وسند وفارس داخلين عليهم \ السلام عليكم
    الكل \ وعليكم السلام
    سيف \ وش فيكم صوت ضحككم طالع لبرا خير ان شاء الله
    سعود وهو يهدي نفسة / تونا مسوين مقلب بصقر
    سند بابتسامة/ افاااا وش مسوين بعد
    ياسر وهو مبتسم \ ورحنا المجمع بدون عوائل
    سند يبتسم على هبال اخوة .. بهدوء ويجلس بجنب صديقة وكاتم اسراره طلال \ وكيف هذي ؟
    بدر ويفتخر والابتسامة مرسومه على وجهه \ ابد الله يسلمك تنكرنا بالزي الهندي وسوينا نفسنا سياح
    سامر وهو يعدل جلسته \ وبس شافونا لبسين نسافه وهالفة ونهز بها الراس دخلونا
    ياسر يتذكر اشكالهم ويضحك\هههههههههههههههههههههه بس شكلكم يفطس من الضحك وخاصة سامر و النقطة الحمر اللي حاطها بجبهته
    سامر \ لا وبدر يقول لحارس الامن انا في اروسه يشتري هديه مال انا
    الكل\هههههههههههههههههههههههههههه
    طلال اشر على صقر / و ايش فيه الاخ معصب
    الشباب التفتوا عل صقر ورجعوا يضحكون وقالو لشباب اللي صار
    ــــــــــــــــــــــــــــــــــــــــــــــــــ ـــــــــــــــــــــــــــ
    بقصر ابوسطام وابو بتال الكل مجتمع الرجال بالمجلس الخاص والحريم معاهم والبنات بالمجلس الداخلي
    البنات يتكلمون عن ازياء المصمم اللبناني العالمي آيلي صعب
    سمر \ بنات ايش رايكم اخذلي الفيروزي
    غرام بتايد\ ايه راح يطلع عليك روعه كنت راح اقولك ايش رايك فيه
    سمر \ يا حياتي اذا عجبك خلاص خذيه انتي يفدك يا روحي
    غرام تحضنها وتبوسها على خدها\ لا يا عمري قصدي لك انت اخترته
    سمر تبتسم لها \ وانتي ايش اخترتي
    غرام\ الاحمر ايش رايك
    شجون بعصبيه \ هي هي هي انتي وياها مايكفي مفوتين علية الفلم وقاعدين تطالعون هل المفسخين وقاعد تتباوسون وتحضنون بعض وماكان احد حولك
    نوال بتايد\ ايه والله وهي صادقه وتختارون الفساتين وماكان غيركم يبي يختار وبعدين مايصير انا اخت العريس يعني انا اختار اول وحده
    مرام من جابوا طاري العرس خجلت وحمر وجهها وصارت تشرب العصير وهي تطالع التي في
    غرام مبققه عيونها\ هي انتي لايكون نسيتي اني انا اخت العروسة يعني انا اولى
    ريما ورنيم ورنا وريهام وروان بعد الاتفاقيه بصوت واحد\ هيييييييييي نحن هنا
    الكل سكت لثواني مخترع وبعدها انفجروا ضحك
    ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
    بالمجلس ابو سطام وزوجته واولاده وبناته حوله ماعدا سطام اللي بكره يوصل الشرقيه ورعد لسه مسافر
    ابو سطام بقلق \ يا سلطان ماعندك خبر عن اخوك رعد من امس ماكلمنا ولا سمعنا صوته
    ابو بتال\ تطمن يبه هو بخير وماعليه اخلاف هو بس راح لريف يشم هواء وان شاء الله لا جاء بعد شهر بعرس طلال اقنعه يبقى ومايصير خاطرك الا طيب يا الغالي
    ابو عناد\ يا عم هو لسه قلبه موجعه كل ماجاء الشرقية وتذكر مرته الله يرحمها يرجع ويهج .. لزوم نربطه بالأرض ونشغله بشي
    ابو صقر يكمل بتأييد \ صدق يا عم خلي الحريم يدورون له على مره ولا جاء نحاول فيه يتزوج يمكن يقتنع
    ابو طلال\ مالك لو يا ابو صقر ماهقيت ان رعد يجي بالمسايسه في مسألته الزواج مايبيله الا الغصيبه والا بيقعد طول عمره على الذكرى
    ابو بتال برفض \ رعد رجال مو بنت حتى نغصبة رعد مايمشي الا بالحيلة
    ابو سطام بعد تفكير في حالة ولده اخر العنقود واللي متعب حاله بالترحال والسفر التفت جهة زوجته وشافها تمسح دموعة بطرف شيلتها خفية عن باقي ابنائها ولكن لا يخفى على ذلك العاشق المتيم بها
    ابو سطام بعد صمت ثواني هز راسة وكانه يحادث نفسة \ يصير خير ان شاء الله .. يصير خير
    ــــــــــــــــــــــــــــــــــــــــــــــــــ ـــــــــــــــــــــــــ
    يوم جديد
    بالرياض
    في سيارة ابو راكان ارمادا يسوقها نايف و معاه ابوه و معاه جده ابو نايف
    تعريف بأبو نايف وعائلته
    ابو نايف سعد ال سعد 78 سنه زوجته الظبي توفت قبل سنتين بحادث مع ولدها وبنتها خلود
    بنته الكبيرة شيخة 48 سنه ام راكان وسبق التعريف بها لها تؤام اسمها شمه نسخة طبق الاصل منها توفت بعد ولدتها ابنتها منار
    بنته الثانية شريفة 45 سنه ( ام عبدالله ) سيتم التعريف بها لاحقا
    بنته الثالثة خديجة 36 سنه متزوجة من 16 سنه ولم تنجب الا الان
    نايف 35 سنه الولد الوحيد اعزب توفى هو وامه بحادث سيارة غريب قبل سنتين
    بنته الرابعة خلود 33 سنه كانت بالحادث اللي صار لامها واخوها هي الناجية الوحيدة بس اصيبت باكتئاب حاد بعد الحادث دمر نفسيتها
    عائلة ابو راكان بالسيارة وحدة ووراهم سيارة عبدالله
    في سيارة عبدالله الهمر .... التعريف باللي موجودين بالسيارة
    شريفة ام عبدالله و خديجة تم التعريف بهم
    عبدالله 28 سنه - مها 24 سنه – حنان 18 سنه
    ابو عبدالله رجل اعمال وكثير السفر وشريفة مايهمها امره اهم شي رصيدها ورصيد عيالها بالبنك دايم يزداد وهو مطنشهم ولا يهتم فيهم اصلة من حائل منقطعة الصلة بين اهله وزوجته
    مها بصوت هامس \ اوووف مابغينا نطلع من ذي الرياض اختنقت
    حنان مثلها بالهمس / ايه والله صادق ياحظ مناير راحت جده لا بعد راحت تقابل الحب
    مها اطلقت تنهيد\ يا الحب يعذب القلب انا الحق حبيبي من مكان لمكان وهو ولا همه ...اكملت بفرحه .... بس امي قالت لي ما يأخذ غيري وهو راح يحبني بعد الزواج الحب اللي قبل الزواج يروح بسرعه ماابيه
    حنان بهمس / اللي يسمعك يقول تحبينه صدق
    مها بهمس / صح ما احبه بس امك ويش اسوي فيها قلت اكذب على نفسي واقول حبيه والا انا ادري ان عقله وقلبه لبنت عمه سمر
    حنان بهمس / اسمعي اسمعي اخوك المدلل العاشق ويش يقول
    عبدالله بعصبية / يمه انا ما قلت ابي العنود بسيارتي ليه ما جبتيها
    ام عبدالله بحده / لو انك صاحين من بدري ومضبط السيارة كان سحبتها لك وجبتها لكن ما مشينا من البيت الا وهم قدهم مشوا تبي اوقف نايف بالشارع واقول له نزل اختك خبل انت
    عبدالله بعصبية \ ما يهمني يمه دبري لك صرفة والا اعجلي علية واخطبيها خلني اتزوجها كم لي وان اطلبك تخطبينها والا ماتبين تشوفين عيال ولدك
    ام عبدالله بتنهيدة وتفكير / اصبر شوي خلي الطبخة تستوي على نار هادية تصير اطعم
    خديجة بغباء / وشهي طبخته؟
    شريفة بحدة / وانت ويش دخلك كملي نومك جعلك بنومة الخبلة اختك >> تقصد شمه
    خديجة ما فهمت شي ورجعت تنام
    عبدالله وقف عند المحطة مثل نايف / هااا تبون شي
    مها بلقافة \ ايه عبودي جيب شوكولا وشيبس ومشروبات غازيه ومويه
    عبدالله باستهزاء \ وغيره تبون شي
    مها بابتسامه\ لا سلامتك
    عبدالله سكر الباب بقوة ومشي لسوبر ماركت وعينه تلتفت على سيارة ابو راكان اللي واقفة عند دورات المياة يمكن يلمح زول العنود لكن ابد السيارة مضلله وما يشوف منها شي وبعد مارجع ماكان معاه الا علب الماء
    مها / وين اللي طلبناه
    عبدالله بعصبية/ عبي بطنك بالماء تشبعين ان كنتي جيعانه وان كنتي عطشانه يرويك وابلعي لسانك لاحط حرتي فيك ...
    مها بلعت لسانها وسكتت وحنان نامت وما حست باللي حولها
    وصلو لشاليهات اللي حجزها راكان بطلب من جده ابو نايف ونزلوا و نازلو اغراضهم
    ــــــــــــــــــــــــــــــــــــــــــــــ
    كان واقف يطالع للمدخل الرئيسي يمكن يلمح سيارته اشتاق له من شهور ما شافه اشتاق يشم ريحته
    هذا اول فرحته هذا البكر مأخذ الفكر حتى لو زعلان منه ما يقدر ما يسامحه
    دخل علية ولدة سلطان وشافه واقف ويناظر للمدخل الرئيسي وعرف ايش فيه ابوه / يبه .. سطام وصل الحمد لله
    ابو سطام بفرحة / وينه فيه وانا ابوك خله يقلط
    سلطان باعتذار/ يبه انت تعرف الخط طويل وسطام كبر والمشوار اتعبه فهو راح يم الشاليهات يرتاح وبكره ان شاء الله يسير علينا ويسلم ويعطينا علومه
    ابو سطام بحزن على حالة ولدة / قلبي على ولدي وقلب ولدي على حجر الله يسامحك يا سطام تجي يمنا ولا تسير علينا
    قسى قلبك الله يسامحك يا بوك الله يسامحك
    بعد صمت دام لمدة ثواني ... يا ولدي قول لإخوانك وخواتك يجون يتغدون عندنا امك من صباح الله خير وهي تعافر فهالمطبخ ماخلت اكله يحبها سطام ما سوتها
    سلطان بزعل من حال اخوه/ ابشر يبه الحين اخبرهم جميع
    ــــــــــــــــــــــــــــــــــــــــــــــــــ ـــــــــــــــــــــــــــــــــــ
    في بيت العنود ام سند....
    غرام بعباتها وتركض مع الدرج شافها سند وابتسم على خبال اخته
    سند / على وين غرامي اكيد عند حبيبة القلب
    غرام تكلمه وهي تلبس شيلتها / ايه اكيد عند سموره حبيبتي
    سند يمسك يدها/ الحين ابي افهم انتي ماعندك وقت معين لزيارة 24 ساعة مقابله بيت خالي سلطان ما كأن عنده عيال ويبون راحتهم و....
    قاطعته غرام / هوب هوب هوب سندي حبيبي اخوي الغالي جدتي مسوية غداء علشان خالي سطام وهو ماجاء فقرروا يغدونا عندهم علشان نونس جدتي وانت بعد ملزوم تروح .., تفلت يدها من يد اخوها وتبوسه على خدة وطلعت بسرعة
    سند ضل واقف وهو يفكر بخواته دايم خايف عليهم و شايل همهم بس ما يرضى زعلاهم تحرك بيصعد لجناحه
    العنود " ام سند " خارجة من جناحها وقابلة سند صاعد الدرج ومتوجة الى جناحه
    العنود / يمه سند منت رايح لبيت جدتك الكل مجتمع عندها يمه مانبي خلقها يضيق فديتك يمه لاتقول لا مانيب رايح
    سند ابتسم لامه وباس راسها / تأمرين امر يا الغالية بس اغير ملابسي اسمحي لي
    ابتسمت العنود لولدها عمره ماضيق خاطرها دايم يلبي طلبها حنون وما يخبر احد بوجعة دايم تدعي له بالزوجة الصالحة اللي تريح قلبه وقلبها
    العنود / مسموح يمه بس لا تتاخر ماراح احط لقمة بحلقي اللين اشوفك على السفره
    ابتسم سند وهز راسه وقبل راسها وراح لجناحه يبدل ملابسه ويروح لبيت جده
    ــــــــــــــــــــــــــــــــــــــــــــــــــ ــــــــــــــ
    بيت مياسة
    ريما ورنيم وريهام ورنا وروان جاهزين ينتظرون صقر
    رنا / اوف هذا تأخر وينه فيه كله علشان يغير ملابسه
    ريما / انتظري شوي كان احد طارد وراك
    روان / لانه حبيب القلب تدافعين عنه
    رنا / لو وحده فينا كان ماخليتي كلمه عليها
    ريهام/ ابي اعرف سر هالغيره كل واحد ماخذ حقها من الاهتمام عند امي وابوي...
    قاطعهم .../ ليتكم تحملون نص اهتامهم فيني احسها خنقتني خلاص ماعاد اقدر اتنفس
    ريما / صقر ويش ذا الكلام
    رنيم/ والله ماتوقعت اسمع منك هالحكي توقعتك انك تفرح لمن امي وابوي يدللونك ويهتمون فيك
    صقر بعصبية/ انا ماني بزر ولا بنت يدللوني ويهتمون فيني انا رجال وخط شاربي ويالله بلا كثرت حكي امشوا يالله
    البنات سكتوا بعد ما شافوا عصبية صقر ومشوا وراه بدون صوت
    ــــــــــــــــــــــــــــــــــــــــــــــــــ ــــــــــــــــــــ
    في بيت الهنوف ام عناد
    عناد نازل مع الدرج ويسمع صوت ضحكة شجون العالية اللي يكرها ودايم يقول انتي بنت ضحكتك لازم تكون هادئة
    عناد بعصبية/ شجججججججججججوووووووووووووووووووون
    شجون من سمعة صوته اتخبت وراء بدر اللي كانت تضحك معاه
    شجون بخوف/عناااااااااد .. جاك الموت .. بدير لا تتركني
    بدر بضحكة / انا مالي دخل ابي الفكة اتركيني يا بنت
    شجون ببكيه وهي تتمسك فيه / بدوري حبيبي انا بوجهك لا تتركني بين يدين .......
    ماكملت كلمتها الا وعناد ساحبها من قفاها .. شجون شهقت من الرعب
    عناد بعصبية / انا ما قلت لك الضحكة الماسخة ذي ما عاد اسمعها وان سمعتها اكسر فمك ما قلت لك من قبل ليه ما تسمعين الكلام انتي .. جاوبيني .. انطقي
    شجون برعب / عنــ ..ـاا..اد والله .. بدون قصد .. تطلع مني والله .. اذا ضربت عندي .. مؤشرات البسط والفرح .. تطلع هذي الضحكة .. انا مااااعرف كــ..ــيـ..ـف تطلع ... والله ... والله
    عناد رافع حاجب وبتريقة / لا ماتعرفين كيف تطلع ها .... وبعصبية.... والله لو مو رايحين لبيت جدي كان علمتك كيف تطلع امشوا قدامي يالله
    بدر طلع وهو فاطس من الضحك على شكل شجون وشجون طلعت تجري وراه ومقهورة من بدر اللي ضحكها وانحاش وهو يدري بان عناد موجود .. متجهين لبيت جدهم ووراهم عناد متنرفز وواصل حده لانه تعبان وخاطره ينام لكن مجبور على القعدة
    ــــــــــــــــــــــــــــــــــــــــــــــــــ ــــــــــــ
    في بيت ابو طلال
    طلال / سيف ما انت رايح لبيت جدي
    سيف بدون مايلتفت لطلال وتركيزة على التي في/ لا ماني رايح
    طلال جاء وجلس جنب اخوة وحط يدة على كتفة/ لية ما انت رايح اذا تعبان كلنا تعبانين بس علشان خاطر جدتي يهون كل شيء
    سيف بنرفزة/ لا مو تعبان ارتاح وحتى لو تعبان احد بيهتم .... رمى يد اخوه وطلع لغرفته
    طلال استغرب تصرف اخوه بالأول واخذ بخاطرة وبعدين تعوذ من ابليس وفكر انه يمكن من ضغط الشغل
    نوال نازله من الدرج وهي مستغربه / فيه شي كاني سمعت صوت سيف عالي ومعصب
    طلال بضيق/ اية يقول مو رايح لبيت جدي يالله لا نتأخر عليهم
    نوال بحزن لحال سيف هي الوحيدة اللي عارفه بحال اخوها / يالله والله يهدي سيف ويصلحه لازم يجيب لنا حكي
    طلال / اذا سألونا عنه نقول متعبة القالون واخذ له علاج ونام حتى يرتاح
    نوال / ان شاء الله على امرك
    ــــــــــــــــــــــــــــــــــــــــــــــــــ ــــــ
    ابو سطام ساكن بأكبر فله او بالصح قصر هو وولده سلطان
    بصالة الطعام الكبيرة كان مجتمع فيها الرجال والصالة الصغيرة مجتمعين فيها الحريم بس الباب اللي بينم مفتوح للأخر الكل مجتمع والاصوات في كل مكان لكن قلبها معاه هو وبس كل مابين لحظة والثانية تسرق لها نظرة
    نوال شافتها وحبت تلعب بأعصابها واشرت لريما تنتبه لنظرات مرام وطلال
    نوال بابتسامة خفيفة وهي بعباءتها وبرقعها مثلها مثل باقي البنات
    نوال بخبث/ خلاص بعد ما بقى غير كم اسبوع يعني مايحتاج ها الحركات وتغمزلها
    مرام وجهها احمر من تحت البرقع ومتوقعة انها تنكشف وهي منزله الشيلة على عيونها
    ريما بضحكة/ اقول تراء حولك عازبات ومراهقات وكل العيون عليك
    العنود ام سند دخلت عرض بالمزح وبصوت غاضب / مراموه ياجعلك لصلاح ويش جابك ياللي ماتستحين الحين يقولون ماعرفت اربيك ولا فوق شينه قوات عينه قاعدة تراسلينه بالجوال وعيونكم مبقبقه ببعض تبين تخلين اختك المراهقة تنحرف >> سحبت غرام من قفاها وهي مي عارفة شيء>> شوفي وجهها البري كيف << غرام تطالع امها من تحت الغط ومي فاهمة شيء >> تبين تخربينها قومي يالله على فوق اقعدي لوحداك وهاتي الجوال يالله اشوف قدامي
    مرام غرقت عيونها بالدمع واعطت الجوال امها وصعدت لفوق تحت نظرات طلال المستغرب
    والبنات قعدوا يضحكون على مرام ونظرات طلال
    ـــــــــــــــــــــــــــــــــــــــ
    بتال / هيه طلال ... اكلمك .... يهزه .. ويش فيك انت؟
    طلال بعد منتبه / هاا لا سلامتك ما فيني شيء
    سند منتبه من اول .. وبابتسامه / اتركه يابتال اتركه امي خربت عليهم الجو.....غمز له
    بتال عارف حركات عمته .. ابتسم/ الله يهديها عمتي ماتفوت فرصة
    فارس مبتسم/ امي احلى شيء عندها هذي اللحظات
    طلال مستغرب / كلكم شفتونا
    ياسر يضحك/ هههه اية وابوي بعد بس بعيد عنا شوي لو هو قريب كان زادها
    بتال بستغراب ان زوج عمته خفيف ظل مثل عمته/ عمي فهد يسوي سوايا عمتي العنود لالا ما اصدق
    سعود بستغراب مماثل / والله قوية ما اصدق
    ياسر / لبى امي وابوي والله لمن يجلسون مع بعض ونكون معاهم كل شيء لا تستغربه وحنا نشاركهم الهبال
    سند / قصدك انت وغرام
    فارس/ اية لا تدخلنا حنا مالنا بالهبال
    ياسر / تصدقون بعض الحيان احس انكم مأنتم اخواني ثقيلين دم يا كافي .. انا حاس ان بدير اخوي
    بدر يبتسم / الله يا يويسر احس انت وغرام وانا وشوجي اخوان وسنيد وعنيد وفويرس ومراموه وابراروه اخوان ثقاله ثقاله يالطيف بس الله لايبلانا
    صقر وسامر طالعو بعض/ لا يالخونه الحين مالنا مكان بينكم
    بدر وياسر/هههههههههههه
    ياسر / خلصت التذاكر
    الكل ضحك ماعدا عناد وبتال اما سند فمبتسم كالعاده
    عناد بعصبية لانه مايحب هالاستهبال وهالكلام اللي ماله فايدة/ كل تبن انت وهو واقعدوا قعدت رياجيل والا انقلعوا لقسم البزران
    بتال بتهدئة/ ويش فيك عناد بارود اعصابك بسرعة تشتعل ماصارت والا راكان مو موجود خلاص احنا ماننفع
    سعود/ ايه ياعناد .. بيعنا بسوق وانا اخوك وخذ روقانك
    عناد بشبه ابتسامه/ ماعاش من يبيعكم يا غالين الاثمان بس انا تعبان شوي و يبيلي ارتاح
    طلال تذكر سيف وضاق خلقة انتبه له سعود وجلس جنبه / ويش اللي مضيق خلقك
    طلال ابتسم/ لا مو متضايق بس ارهاق الشغل عارف الشركة اليوم ضغط عليها
    سعود سكت ثواني لانه كشف كذبة طلال حط يده على كتفة/ لجاء في بالك تحكي اللي في خاطرك تراني موجود
    ابتسم طلال وهز راسة بالموافقة ووقف سعود ومشي عنه
    طلال بخاطره "ويش تبيني اقولك ياسعود اخوي وعضيدي كارهني ويش اقولك آآآآآآه ياسيف الله يهديك بس"
    ـــــــــــــــــــــــــــــــــــــــــ
    عند الحريم والبنات
    الجوهرة/ العنود ويش سويتي في مرام لقيتها مقطعة عمرها من البكي
    العنود / هههههههههههه شفتها تناظر طلال من تحت لتحت وتراسله بالجوال وانا قايله لها شهر مايشوفك ولا تشوفينه ولاتكلمينه وهي ابد معطيتني طنش
    مريم ام طلال/ يويلي على وليدي بتتعبينه يالعنود ارحميه شوي على الاقل يسمع صوتها
    الهنوف بتأييد / لا يا اختي لا تضعفين خلينا نلعب فيهم شوي
    العنود / والله انك اختي شقيقتي تفكيري وتفكيرك منحرف
    البنات والحريم/ ههههههههههههههههههه
    غرام / يمه ويش مخططه عليهم بعد اعرفك امي خبز يدي
    الجازي ام سيف/هههههههه ويش امك خبز يدك انتي خبز يدها
    شجون بمداخلة/ لا خالتي هذاك زمان الحين البنت تربي الام وهي تحرف الام
    مياسة بجزع/ اعوذ بالله الله يبعد عنا هذا الزمن يا بنتي
    سمر/ الحين تشوفين البنت لابسه عباية متسترة ومحترمة والام الله هم سترك عبايتها مخصره ومطرزه ولا كانها مرة كبيرة ولها لبسها وحشمتها
    الجازي / لاحول ولا قوة الا بالله
    غرام/ ايه وبعد تغازل شباب والسوالف وكل شيء
    شجون / وفية العكس الام تشوفينها متسترة ومو باين منها شي والبنت الله يسترنا بستره الميك اب والعباية كانها بعرس
    الجده المستمعه للحديث / يارب لطفك يالله يارب تصلحلنا النية والذرية ياكريم ولاتطلع منا ذرا فاسد
    الكل / امين
    ــــــــــــــــــــــــــــــــــــــــــــــــــ ـــــــــــــــــــــــــــــــــ رواية بردان ياحضن الدفا عطشان واظماني الجفا كامله
     
    جاري تحميل الصفحة...
  2. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    في الشاليهات
    راكان بعد ماابعد عبدالله بمساعدة نايف وفضيت الجلسة لراكان وابوة وجده
    ... / يبه هذا انت في الشرقية انت وجدي ابو نايف بكرة تروحون لجدي وعمامي وتخطب لي سمر رسمي من عند عمي
    سلطان وانا كلمته قبل لا اجيكم
    ابونايف بعصبية / مادام انت كلمته ويش فايدة روحتنا
    راكان بضيق/ جدي ماله داعي هالكلام وانا عارف اخرته بيوصل ليش
    ابونايف بعصبية/ لايش بيوصل يعني .. تقرر وتخطب وبعدين تبينا ننفذ .. عبيد عندك حنا
    راكان بطولة بال/ حاشاك يبه بس انا خبرتكم من سنتين عن الموضوع وقلت لك اول ماتنتهي من دراستها بالثانوية ابي اتزوجها وهذي هي خلصت والخطاب يدقون بابها
    ابونايف بغيض/ وخير ياطير فيه اللي احلا منها وتسواها
    راكان عصب/ ماابي غير بنت عمي سلطان ولو الف الدنيا كلها ما الاقي مثلها
    ابونايف بعصبية/ الا فيه مها بنت خالتك حلا واخلا....
    قاطعه راكان وهو بقمة العصبية/ ماابي غير بنت عمي تبون تخطبونها وتحضرون ويصير لكم قدر اهلا وسهلا ماتبون احسن ماتقدرون توقفون بطريقي اتزوج واسكن بالشرقية واشتغل عند عمي هو يتمناني من قبل واتحداكم اذا شفتوا وجهي بعدها وشوفوا من يشتغل لكم بالشركة >>> عارف نقطة ضعفهم
    ابو راكان يطالع ابونايف وهو بداخله يتمنى راكان ياخذ من بنات عمه بس مايقدر يتكلم لسانه ثقيل وحلقة ناشف ويحس بسكاكين تنغرز بحلقه
    ابونايف بخوف من فقد راكان وهو عارف راكان اذا قال كلمه يسويها/ خلاص ..خلاص بكره نروح ونخطبها لك لو مااحبك كان ما..
    قاطعة راكان وهو يقبل راسه وقبل راس ابوة / ماقصرتوا الله يخليكم لي انا رايح وبكره اشوفكم عند جدي سعود
    وراح وتركهم واتصل على زياد وقاله رايح لعمامه وزياد بقي بالشاليه
    مها بعد ماعرفت ان راكان موجود كثرت من الميك اب حول العيون لبست احلى لبس عندها وكثرت العطر و خرجت من الغرفة و تجهة لامها وطلبت من امها تروح هي وخالاتها لمجلس الرجال
    دخلت ام عبدالله واخواتها ومها المجلس .. ام عبدالله/ وين راكان خبرونا انه موجود وينه ماشفته
    عبدالله بطفش / راكان رجع لعمامه
    مها بخيبت امل/ لا ما مداه توه واصل
    نايف ماسك ضحكته على شكلها المضحك
    ابونايف بقهر/ ها لولد مو صاحي ماغير ناقع عند عمامه ابي اعرف هم ويش مسوين به ساحرينه
    شريفة/ اكيد يبه اجل يجي يم امه ولا يسلم عليها
    نايف في داخلة " كلن يناظر الناس بعين طبعه .. يعني اذا انتي صاحبة سحور هم بعد اصحاب سحور"
    ابو راكان نزل راسه بضيق مشتاق لامه وابوه واخوانه بس مايبي صداع الراس والضيقة كل ماحاول يروح يتعب ويمرض وقلبه يوجعه فصار يكرة الجية لأهله
    خديجة/ يبي لنا نروح لوحده تفك السحر وكاد انه تلقا لها مليون عقدة فيه
    شريفة/ خلينا نرجع الرياض اول مانوصل اسال وحدة تعرف فها السوالف
    خديجة/ اية ياختي اذكر ام علي جارتي قالت لي عن وحدة فكت سحر زوج بنتها وصار يحبها وخاتم باصبعها بعد ماكان مصبحها و مسيها ضرب تقول ان اسمها ام سعيد يبيلي اسالها عن مكان هالقارية (القارئة) يمكن يفيد معاه
    ام عبدالله برتباك / هااا لا لا لاتسالينها ام علي كما بخور السوق بكرة تلاقين نجد كلها تدري بانك تدورين ام سعيد لا لا تسالينها ولا شيء انا اسال واعرف
    نايف قام من الجلسة بدون محد يحس وراح يم خواته شافته حنان ونادته
    حنان بدلع ماسخ/ نايف نونو
    نايف بضيقة وهو صاد/ هلا حنان تبين شيء
    حنان ضايعة في خرايطها/حياتي اشتقتالك
    نايف عارف هالموال / حنان عيب اللي تسوينه وانتي مثل اختي فاستحي الله يستر عليك
    حنان بغباء / يعني كيف نايف ماتشتاق لشوفتي والا انت ماتحبني
    نايف بزهق/ لاحول ولا قوة الا بالله حنان بعدي عن طريقي لايجي عبدالله ويفكر بشينه ويذبحني
    حنان بخوف حقيقي / بسم الله عليك جعل يومي قبل يومك و...
    ماكملت كلامها لان نايف مشى قبل ماتكمل متجهه لاخواته
    ـــــــــــــــــــــــــــــــــــــ
    العنود بعتب / الله يا زياد لا انت و لا راكان كلفتوا خاطركم بسؤال عنا
    زياد بخجل من معاتب اخته وهي صادقة لهم شهرين غايبين عنهم وهم ساكنين مع بعض بالرياض ولا فكر يسأل/ والله عارف اني قاطع بس ايش اسوي وانا اخوك هذي شركة جدي من هنا وارجع بيت راكان وانا هلكان وحط راسي وانام واليوم الثاني نفس الموال وان لقيت فرصة ازور امي واسلم عليها بس الاقي عندها خالاتي واضطر اطلع بسرعة وبعض الاحيان مالحق امر عليكم
    ساره بحضن زياد ودموع بعينها/ شهرين يازياد شهرين وحنا بنفس المدينة لانسمع صوتكم ولا تسألون عنا
    زياد يحضنها ويقبل جبينها/ اعذريني حبيبتي بس لو كان عندكم جوال كان احسن
    العنود/ عندنا جوال بس محد يعرف رقمه غير نايف ومحد يدري عنه
    زياد باستغراب / ليه
    العنود بهدوء/ مانا حابين احد يزعجنا ولا نحب نتصل على احد وحتى حنا ما نستعمله مضرته اكثر من منفعته
    ساره بابتسامة/ انا حافظه الرقم بس حنا مانتكلم به الا نادر يا نكلم نايف يا منار وهم وحدهم اللي يعرفونه
    زياد زاد استغرابه وبداء يشك بالامر/ ليه وامي ماتدري عنه
    ساره بسرعه/ لالالا ولا نبيها تدري
    زياد/ ليه؟
    العنود بهدوئها المعتاد / امي تعبانه ولا تطلع برا البيت علشان تتصل وبعد علشان خالاتي ما يزعجونا به وكل شوي يتصلون وانت عارف سوالفهم
    زياد صدق كلامهم وزالت كل الشكوك/ خلاص على راحتكم راح اتطمن عليكم عن طريقة وأطمنكم عني وعن راكان
    ساره/ حنا حافظين رقمك ورقم راكان نايف سجلة لنا بس لاتقول لاحد زيود
    زياد ابتسم وضربها على موخرة راسها بخفه/الحين ياكبري وتقولين لي زيود ولا يهمك راح ابلغ راكان
    ساره تبتسم/ ولا تنسى تقوله سر
    زياد ابتسم لاخته الصغيرة وباس جبينها ولحظة دخول نايف / وراح اقوله سر من عيوني
    نايف/سلام ... هوووهووووو خليتك معاهم نص ساعة سويتوا فيها اسرار اجل معاد بخليكم مع بعض
    الكل /وعليك السلام
    العنود بهدوء / لا سر ولا شيء بس قلنا لزياد عن الجوال وانه مانبي احد يدري بوجودة
    نايف هز راسه .. والتفت على زياد / كيفكم ياخواني >> يسأل بعتب
    زياد ابتسم/ بخير وانت كيفك وكيف دراستك
    نايف/ الحمدلله وتخرجت بنسبة عالية الحمدلله وابي اقدم بجامعة الامام محمد بن سعود قسم هندسة وان شاء الله خير
    زياد مستغرب / صدق يا نايف
    نايف / ايه صدق وليه مستغرب .. وابتسم بالم .. توقعت اني صايع وفاشل
    زياد/ لا محشوم يا اخوي بس ما توقعت لك بالدراسة
    نايف ابتسم بألم/ اخوان بس اغراب عن بعض
    زياد تألم من الكلمة وابتسم بخجل وطلع جواله ومده لسارة تسجل فيه الرقم
    ساره تبتسم/ امممم راح اكتب سارونه الحلوه تمام وصارت تطقطق بالجهاز
    نايف / ابوك يا الاستحلال الجوال للعنود ويش لك
    ساره تمد لسانه / مادام العنود راضية ويش علية فيك
    نايف يسوي نفسة بيضربها وهي تخبت بحضن زياد وهي تصارخ خايفه وكانه ضربها صدق ضحكوا زياد والعنود ونايف على شكلها
    ــــــــــــــــــــــــــــــــــــــــــــــــــ ــــــــ
    بعد الغداء والقهوة والشاهي الكل انتهاء من التعب وراح لبيته بس قلبين محروقه على ضناها اللي بقربهم وبعيد عنهم
    ابو سطام وام سطام

    نوال خرجت من فلة جدها وما انتبهت لسعود اللي واقف برا بعد ما خلص مكالمته
    نوال/هلا دكتور ايمن
    .../الحمد لله بخير
    ..../ لا ابدا تفضل
    ..../ بخير الحمد لله شكرا لسؤالك عن الحال
    .../ شكرا دكتور لمساعدتك
    .../ ما ادري اشلون ارد لك جميلك .. ما قصرت
    .../ مع السلامة
    لفت وانصدمت بوجود سعود قدامها وهو رافع حاجب
    نوال بارتباك لا ارادياً/ هذا دكتور بالمستشفى اللي كنت اتدرب فيه كان....
    قاطعة سعود وهو مستغرب/ وليه هالتوتر والتبرير انا ما سألتك .. فجاه خطر في باله شيء وعصب ... لو كان اتصال عابر ماخفتي لها الدرجه وبعدين انت ماخلصتي تدريب ليش يتصل عليك .. ليكون بينكم شي .. احترمي اهلك اللي معطينك الثقة يا انسه
    نوال عصبت / انا محترمه نفسي واهلي غصباً عليك وما اسمح لك تكلمني به الطريقة
    سعود عصب من طريقة كلامها/ لا تصارخين لااعطيك كف يربيك
    نوال عصبت اكثر / انا متربيه قبل لا اشوف وجهك.. ورفعت يدها وهي تأشر بصباعها وباستهزاء.. ومن انت حتى تربيني
    سعود مسك يدها بسرعه ولواها وشرار يطلع من عيونه / والله يا نويل ان رفعتي يدك مره ثانية بهالطريقة لكسرها لك .. وفلت يدها
    نوال خافت وتألمت من يدها وراحت تجري لبيتهم وعيونها مغرقة دموع وسعود خذا سيارته ومشي بسرعة
    ــــــــــــــــــــــــــــــــــــــــــ
    غرام تجري من الدرج وفي يدها دفتر مذكرات شجون وماتشوف قدامها و صدمت بشي وطاحت على الارض
    ......./.... ايييييي وجع يالخبل ماتشوف قدامك
    شجون بس شافت عناد جري رجعت غرفتها وقفلت الباب
    عناد والبركان ثاير من راسه لو ماتدارك نفسه كان طاح على ظهرة / انا الخبل والا انتي انا نفسي اعرف هالعايله احد داعي عليها ببنات خبلات جن مايعرفون لركاده والعقل وانتي ويش جابك بهالوقت لبيتنا ياناشبه لبتال وسعود يالي انا وبدر والله ان شفتك هنا لاحش رجولك حش فاااااااااااهممممممممممممه >> قالها بصوت عالي
    غرام وقفت و بقوة عين تخفي وجع الكلمات اللي قلها عناد / والله البيت بيت عمي مالك دخل ادخله والا ما ادخله لمن يكون بيتك هذاك الوقت اطردني مالت عليك هااا>>> كشت بيدينها وراحت تجري
    بدر يحمد ربه انها مشت قبل لا يذبحها عناد وراح جري على غرفته حتى لا يسمع له تهزئه
    ابرار نزلت / خير وش فيه ... ليه ها الصراخ
    عناد بعصبيه/ اسمعي ابرار ان شفت غراموه ولا شجين مع بعض بها البيت لاتلومون الا نفسكم
    ابرار فهمت على طول وبتهدئة/ خلاص على امرك مايصير الا اللي بخاطرك
    عناد زفر بضيق وطلع لغرفته وابرار راحت لغرفتها
    ــــــــــــــــــــــــــــــــــــــــــــــــــ ـــــ
    شجون على السرير تحت الفرشة مرعوبه من عناد
    انطق باب غرفتها وزادت دقات قلبها رعب
    بدر بصوت هامس/ شوجي شجوني انا بدرك افتحي لاتخافين
    شجون/ بدر .. عناد حولك شيء
    بدر حب يزيد عليها شوي/ ياويلك ياشجون متحلف فيك انتي وغرام ليتوطئ في بطنكم
    شجون تفكر " خير وسيله لدفاع الهجوم"" ابي اهاجمك ياعناد مثل غرام"
    شجون تذكرت كلام غرام وماقدرت تكتم ضحكتها الصاخبة
    هههههههههههههههههههههههاااااااااااااااااي
    بدر وراء الباب نقز من الفجعة/ بسم الله الرحمن الرحيم ... وبعصبية... صدق يوم يقولون عنك مسترجله والله مالومهم
    شجون سمعته وعصبت من كلمة مسترجلة فتحت الباب / انت هيااااااااااااااا شنو مسترجلة
    بدر / اجل ذي ضحكة انا اذكر البنات لضحكوا ما عاد ودك يسكتون ضحكتهم كأنها اغنية رومانسية مو انتي كنه فلم رعب
    شجون بتكشيره/ تدري الشرهه مي عليك الشرهاه على اللي يتكلم معاك وقفلت الباب في وجهه
    بدر عصب من حركاتها وراح لغرفته
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
    ريما / رنيم ما انت شايفة صقر صار عصبي زيادة من لمن جينا الشرقية
    رنيم مركزة على اظافرها ومعاها المبرد وتفكيرها بشيء ثاني ولا ردت على اختها
    رنا/ من صدقك ريما انتي شايفه رنيم فاضية مشغولة بأظافرها اهم يعني
    رنيم طالعتهم بنظره وراحت غرفتها
    رهام/صدق هالبنت ويش تفكر فيه بس 24 ساعة في غرفتها وماسكة موبايلها والا المبرد والا الاب توب
    روان/ لا يروح تفكيركم لبعيد تكلم صديقتها صالحة
    ريما/ انا ماني مرتاحة لها البنت من ايام ابها احسها صاحبة مشاكل
    رنا / لا تسمعكم تراها تذبحكم ولا ترضى عليها "وبستهزاء تقلد رنيم" صديكتي الصدوك
    ريما بتنهيده/ وبالله المستعان .... المهم صقر مو ملاحظين تغير وحنا مالنا الا كم اسبوع بالشرقية
    دخلت مياسة على هالكلمة / السلام عليكم ..... ويش فيه صقر تعبان متضايق ولا تخبون عن شيء
    الكل / وعليكم السلام
    روان بغيره/ كلش ولا صقرك هو المهم واحنا ابد لو نموت محد مهتم فينا اهئ اهئ اهئ >> صارت تبكي
    مياسة راحت تضمها وتبوسها على خدها / يا ماما يا روحي انا يا سكر المعقود انتي تحت عيني بس صقر ولد واكثر وقته برا البيت ما اعرف ايش يسوي وهو في فترة مراهقة
    روان ببكيه / وانا بعد فترة مراهقة والا هو الولد الوحيد حبيب الكل هئئئئئئئ
    دخل صقر وهو جاي من المسجد ما سمع كلام روان الاخير بس سمع بكاها قبل جبين امه وجلس جنب روان
    صقر بحنان/ من زعل حبيبة اخوها رونه ليه يا عمري من زعلاك قولي لي بس والله ما ينام الليلة الا وهو زعلان
    روان تحب صقر بس تغار من اهتمام الكل فيه وهي لا... ابتسمت له وحضنته بيدينها/ لا حبيبي محد زعلاني فديتك
    سمعوا صوت طيحة وصرخة الم/ آآآآآآآآآآآآآآه
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
    ابو سطام وسلطان خارجين من المسجد بعد صلاة العشاء
    سلطان بمودة / يبه بكرة ان شاء الله جاي ابو راكان وعمه ابو نايف يخطبون سمر لراكان خبرني راكان بهذا الشيء وانت خابر هو محيرها " محجر عليها " ويبيها من ثلاث سنين وانا قلت له خلها تخلص الثانوية وبعدين راي الزواج عندها
    ابو سطام مبتسم/ والله وكبروا العيال يا سلطان اجل راكان مستعجل على العرس
    سلطان مبتسم/ ايه يبه والله لو هي عليه ما خرجت سمر من البيت ومن حضني بس هذا المكتوب واللي لازم يصير
    ابو سطام عاقد حواجبه وبحده/ وش لك تخليها عندك هذا مصير كل بنت وولد عمها اول بها زوجها وعن الهرج الماصخ راكان رجال وينشد بها الظهر مثل ماربيناه ماتغير وزياد ماعليه اقصور بس الخوف من نايف ما نعرف شيء عنه هو رجال والا ماسك درب الرخوم وخواته وما شفناهم غير لمحه
    سلطان / الله يهديهم ويصلحهم ان شاء الله اكلم راكان وخلية يجيبه هو وخواته والله اني ما اذكرهم زين اذكرهم يوم كانت العنود في الابتدائي وساره تحبي
    ابو سطام وكانه يحدث نفسة / الله يسامح من كان السبب ... الله يسامحه ..
    سلطان ما فهم القصد / ادعي له يبه مالنا غير الدعاء وبعدين حنا ما نقدر نقوله اترك عمك وشركته وتعال عندنا بعد موت اخو مرته نايف ماله احد ابو نايف يساعده ويعينه في الشركة وهذا راكان يساعدهم وشايل الشركة على كتوفة وفيه الخير انه هو واخوه كل خميس وجمعة يجي يمنا
    ابوسطام بحزن/ والله ان كل ماقالوا راكان جاي يفز قلبي اخاف علية من الخط واتخيل يدخل علينا وابوه واخوانه وخواته معه وافراح ويوم اشوفه لحاله يحز في خاطري وبعدين احط الاعذار لسطام
    سلطان/ هذا هو يبه ... بكرة ان شاء الله يجي ونشوفه ونشوف عياله ونروي ضمانا
    ابوسطام/الله كريم يابوك الله كريم
    وصلو للبيت وسلطان قبل راس ابوة / تصبح على خير يبه
    ابو سطام بمحبة / وانت بخير وداعة الله
    سلطان / بحفظ الرحمن
    ــــــــــــــــــــــــــــــــــــــــــــــــــ ـــــــــــــــــــ
    دخل سلطان لبيته وشاف اولاده وزوجته مجتمعين بصالة
    سلطان بابتسامه /السلام عليكم
    الكل وقف / وعليكم السلام
    الكل قرب من سلطان وقبل راسه ويده جلس ابو بتال وزوجته جنبه بكنبة وحده وبتال وسعود بكنبه اخر وسامر بكنبه مفرده
    نزلت سمر وابتسمت لأبوها واخوانها وامها / السلام عليكم .... وقربت من ابوها وقبلت راسه ويده
    الكل / وعليكم السلام
    سلطان مسك يد بنته وجلسها بينه وبين زوجته / هااا بابا سمر كيفك و ايش اخبار تقديمك للجامعة
    سمر بابتسامه / بابا لسه باقي على التقديم .. بس انا وغرام وشجون ننتظر بدا التسجيل ونقدم
    سلطان بابتسامه وبنبرة مقصودة/ لازم انتي وغرام وشجون مع بعض
    سمر باستغراب / ايوه بابا حنا مواعدين بعض مانفترق ابداً
    سلطان/ بس يا بابا لابد في هاالحياة يجي يوم وتفترقون
    بتال وسعود كانوا فاهمين مقصد ابوهم وابتسموا وسامر ماعنده خبر
    سامر بممازحة بوقت غلط / ايوه يعني واحده تطيح على راسها من الخبال وتتجنن ونوديها مستشفى المجانين شهار اللي بطائف او تفطس بيد واحد من اللي راعبتهم او....
    قاطعته سمر بخوف/ بسم الله عليهم فالك ما قبلناه ويش ذا الحكي سامر
    سلطان بعد ما أعطا سامر نظره سكتته / اتركيك منه بابا وخليك معايه ... مسك يدينها الاثنتين وحطهم بوسط كفوفه...
    سمر حبيبتي انت تدرين ان راكان ولد عمك يبيك زوجه له وانا قلت له بعد ماتخلصين الثانوية وهذا انتي خلصتي وهو اليوم فاتحني بالموضوع وانا ابي اعرف رايك انتي موافقه تتزوجينه او لا
    سمر وجهها حمر من الموضوع وخجلت ونزلت راسها ماتمنت تسمع من ابوها هالكلام قدام اخوانها والحين مو عارفة ايش ترد وخاصة اخوانها متجمعين ويناظرونها بس هي تعرف عادة ابوها اذا كان فيه موضوع يخص احد ومهم يقوله قبال كل اهل بيته"
    بتال عرف ان ابوه مافتح الموضوع قدامهم الا يبي مساعدتهم وهو يعرف حساسية الموضيع اللي تخص سمر بذات
    بتال بحنيه / سمر حبيبتي اذا ماكنتي موافقة فاعرفي انه محد راح يغصبك
    سمر رفعت راسه لبتال بعد ماقال اذا ماوفقتي وخافت يفهمون سكوتها غلط ونزلت راسة والكلام يضيع منها
    سعود شاف نظراتها حب يلعب عليها / يبه قول لراكان ماله نصيب عندنا مو هذا اللي تبينه ياسمر
    سمر زادت دقات قلبها وشوي وتبكي بصوت هامس / لا .. بـ..ـابـا .... وماقدرت تكمل
    سلطان طالع عياله مو فاهم شي وياشر لبتال يعني مو موافقة .. ولان راكان مجنون فيها وسمر تدري بخطبته من ثلاث سنين وموافقة فليش غيرت رايها اكيد فيه شيء
    ــــــــــــــــــــــــــــــــــــــــــــــــــ ــــــــــــــــــ
    عناد نازل من الدرج لبس جينز و تيشيرت متوجهه للاستراحة (الامكان الوحيدة اللي مسموح بها يلبسون فيه الشباب غير البس الرسمي هي الاستراحة والمزرعة)
    شاف ابوة و امه واخته ابرار في الصالة قبال التي في ..عناد بابتسامه/ مساء الخير
    الكل / مساء النور
    ام عناد / هلا يمه هلا حبيبي
    عناد قبل راس ويد امه وابوه / كيفكم يا الغالين؟
    ابو عناد/ بخير ... شكلك طالع على وين العزم ان شاء الله
    عناد بابتسامه/ رايح عند الشباب بالاستراحة تامر بشيء يبه
    ابو عناد بابتسامه / سلامتك يبه بس لا تطولون بالسهره وبكره لا تنسى العزيمة
    عناد يبتسم وهو يتذكر راكان/ لا يبه ماني بناسيه وراكان معاي
    ابو عناد وام عناد فهموا القصد / ههههههههههههههههههه
    ام عناد مبتسمه / الله يتمم له على خير ويحصل مناه ..وبنبره مقصودة .. وعقبال اللي حوله
    عناد ابتسم/ وليه ماتقولين عقبالك ياعناد بوضوح يا ام عناد ماله داعي هالنغزات
    ابو عناد بنبره مقصودة / وانت بتقعد كذا لمتى .. اللي بعمرك عيالهم يلعبون بحضنهم
    عناد بهدوء/ يبه انا مالي ومال الحريم ما فهم لهم ولا لي طولت بال لسوالفهم
    ام عناد بحنان / يا يمه ابي اشوف عيالك وابي لغفت عيني قلبي يكون مرتاح عليك انت واخوانك
    عناد بجزع / جعل عمرك طويل يا الغالية ويش جاب هالطاري الحين
    ابرار / يمه دخيلك بالا هالطاري واللي يعافيك
    ابو عناد بحزم لعناد / اللي جابة شفقتنا على حفيد يلعب بحضننا .. واكمل بحنان .. يابوك العمر مو دايم لنا نبي نفرح فيك انت واخوك قبل ما الله ياخذ امانته
    عناد / يبه ..الـ ...
    قاطعة ابوه بصوت اقرب الى العصبية / لا تبربر هذا بدر يبيني ازوجه وفاتحني بالموضوع اكثر من مرة وانا حلفت ما يتزوج قبلك وان سواها لغضب علية ليوم الدين
    عناد يحاول يتمالك أعصابه ويتكلم بهدوء / يبه ليه الحلوف الله يطولنا بعمرك كان زوجته ان كان له خاطر بالعرس
    ابوعناد بحدة / هذا العلم وصلك وذنب بدر برقبتك
    عناد عارف اذا زاد بالحكي ما راح ينتهي على خير فالسكوت بعض الاحيان افضل ابرار قاعدة ومعتصمة بسكوت وتراقب الوجيه... وبدر نازل مع الدرج ويغني
    بدر يدندن / مساء الخير والاحساس والطيبه ... مساء ما يليق الا باحبابي
    بدر بابتسامته وصوته غير مود الجلسة كلها وقلبهم من التوتر الى الروقان
    ام عناد بمحبه / فديت ها الصوت ربي لا يحرمني منه
    ابو عناد بدعابة/ الله الله يا الهنوف قبل ما تقولين فديت ها الصوت غير لي انا ... الحين لولدك الله يا الزمن.. لنا الله
    الهنوف حمر وجهها وبهمس مسموع / خاااااااااالد
    الكل / ههههههههههههههههه
    عناد يكلم بدر بهمس/ تروح معي الاستراحة بسيارتي والا انا بسيارة وانت بسيارة
    بدر بهمس/ وياك بسيارة وحده وقبل مايطلعون جاهم الاعصار
    شجون تنقز مع الدرج وبصوت عالي /هااااااااااااااااااااااااااااااااااااي
    عناد التفت عليها وكان بيغسل شراعها بس سماعه لصوت ابوه سكته ... ابوعناد بضحكة / هاااي ياهلا بفرحة هاالبيت
    بدر يضحك / هههههه يبه قصدك دمار البيت
    شجون بدلع غريب عليها / همممممممم قول انك غيرن وبس لاتلفق عليه التهم .. وتجلس جنب ابرار
    بدر يحط يدينه باذانيه ويقول بصوت عالي / يعععععععععععععع لوعتي كبدي بذا الدلع ما يليق ما يليق ابد لاعاد تعيدينها
    ابرار تضحك / ههههههههههه
    عناد عطا شجون نظره ووقف .. وقف معاه بدر واستأذنوا وطلعوا
    ابرار بهمس لشجون / قومي صلي لك ركعتين ان عدا هالتصرف على خير بدون اصابات يمممممممه نظرات عناد تقتل
    شجون بهمس مماثل / لحظر الماء بطل التيمم مادام ابوي موجود مايقدر يفتح فمه
    ــــــــــــــــــــــــــــــــــــــــــــــــــ ـــــــــــــــــــــــــــــــ
    العنود وبنتها غرام وابوها في الصالة وحاطين قناة وناسة ويرقصون و يستهبلون ومرام تضحك وتصفق لهم
    سند نازل مع الدرج ويبتسم على امه وابوه وكيف غرام تستهبل معاهم ...
    غرام شافت سند وصارت تناديه / سند .. تعال فلها وربك يحلها .. تعال فرفش شوي شويتين .. عاشوواا .. وراااء .. تنكس .. تنكس .... ونيننننيتت ونيييتتت ونييييت
    مرام تصفق / كللللللللللوووووووووووش ... تتنكس تتنككككس عاشت امي عاش ابوي عليهم غرومه
    سند ضحك على كلام خواته وتصرفاتهم وهو نازل الا ياسر يجري مع الدرج ويشارك امه وابوه واخته ويرقص معاهم
    فارس نازل ووقف جنب سند
    فارس رفع جواله ويصور ابوه بدون ما ينتبه له لثواني بسيطة وقفلها وهو يبتسم انتبه له سند ورفع حاجبه مستغرب من الحركة
    سند بحزم / فارس وش اللي سويته !!
    فارس يبتسم / مو الشباب ما يصدقون لمن نقول ابوي يشجع امي على الاستهبال وهو مثلها ابي اوريهم المقطع
    سند بعصبية / واذا قدر الله وانسرق جوالك ماتخاف تنفضح ... وبعد ما انت شايف اختك معاهم
    فارس بثقة / لا تخاف اوريه الشباب وامسحه على طول والليلة بعد .. وغرام مو واضحة بالمقطع
    سند بتنبيه/ انا مو معاك بها اللي تسوية امسح المقطع ... وانتبه وانا اخوك لاتسبب لنا مشاكل مالها داعي
    فارس هز راسة بالموافقة واشر لامه وابوة وطلع وسند وراه بعد ما ارسل تحية لامه وابوه
    بعد ماخلصت الاغنية وجلسوا
    ابوسند يتنفس/ والله كبرنا يا العنود اغنية خمس دقايق اتعبتنا
    العنود بغنج/ لا حبيبي اذا احد كبر فهو انت اما انا لساتني بنت الـ14
    ابو سند بغزل/ الا والله انك احل من بنت الـ14
    مرام بمداخله/ احم احم نحن هنا
    ياسر بضحكة/ يعني لا تحرفونا وبعدين تصبح نهايتنا مأساوية ولاتنسون فيه عروس
    مرام خجلت وسكتت
    ابوسند بدعابة / انت مو تبي تطلع .. يالله فارق ... يالله
    ام سند بخجل تمثيلي/ ايه اطلع ... وخلينا نتغزل .. انا و ابوك .. بدون بزاريين
    غرام /خخخخخخخخخخخخخخ يعني انت بزر اطلع برا خخخخخخخخخ
    ياسر يوقف/ لا والله عاد من كبرك حتى انتي بزر انقلعي بس .. مع السلامة
    ابو سند وام سند / بحفظ الرحمن
    غرام بقهر / حضكم عندكم استراحة تتجمعون فيها يا حسره علينا ما عندنا مكان يضفنا
    ياسر التفت عليها وهو عند الباب/ هيييييي اذكري الله لا تنحرق الاستراحة وحنا فيها .. وبعدين شنو ماعندكم مكان يضفكم .. اللي يسمعك يقول انتي قاعدة بالشارع
    غرام / لا بس طفااااااااااااااش خاطري نسهر انا والبنات وننام مع بعض برا جدران البيت
    ياسر بعصبية / هذا اللي باقي نوم برا البيت ما فيه لا رحتي عند زوجك سوي اللي يريحك
    ابو سند عصب/ يااااااسر مادام انا موجود مالكم حق تحكمون على بناتي واذا انا موافق مالكم دخل
    غرام بابتسامة نصر ومدت لسانه لياسر وتسوي حركات بيدها تقهره فيها ... وياسر انقهر وطلع .. ومرام تضحك عليهم
     
  3. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    طلال نازل وشاف نوال طالعه لغرفتها وحب يسألها عن سيف
    طلال / سلام
    نوال / هلا وعليكم السلام
    طلال / ما شفتي سيف؟
    نوال / الا توه طالع مع فارس
    طلال / كان معصب والا مروق؟
    نوال ابتسمت / لا طيب ومروق ... طلال لا تزعل من سيف هو يحبك بس يغار بسبب اهتمام ابوي فيك وتاركه
    طلال دخل يدينه بشعرة وشدة لوراء طلع زفره ضيق / الله يهديه والله اغلية واعزة وبعد ابوي بس هو الله يصلحه .. اخذله نفس عميق يهدي نفسه .. يالله انا رايح تامرين على شيء
    نوال بتردد / اممممم عندي موضوع وحابه اتكلم فيه معاك بس مو الحين وقت ماتكون فاضي
    طلال باهتمام / خير ان شاء الله بخصوص ايش الموضوع
    نوال بتوتر / ااا بخـ..ــصوص.. الـ..وظـ..يفة
    طلال عاقد حواجبه .. وبعدين اخذ نفس عميق / يصير خير ان شاء الله بكرة الصباح نفطر سوأ ونتكلم بالموضوع تمام
    نوال هزت راسه بالإيجاب وهي مبتسمه بارتباك ضمها طلال بيده من كتوفها وهمس بهدوء / لا تخافين وانا اخوك ان شاء الله ما يصير الا اللي يسرك .. قبل جبينها وتركها
    نزل وشاف امه وخالته وابوه واخوانه .. اماني وريان يلعبون مع ابوه وامه لعبة اونو
    سلم على الموجودين واستأذن بهدوء وطلع كان ضايق خلقة على حالته مع اخوه وها التصرفات اللي تصدر من اخوه
    ــــــــــــــــــــــــــــــــــــــــــــــــــ ــــــــــــــــــــــ
    في الاستراحة كالمعتاد الشباب مجتمعين ويفضفضون لبعض ويضحكون ويلعبون

    طلال نظراته على سيف وهو يسولف مع فارس وبعض الاحيان مع زياد ويبتسم لضحكة اخوه ويتمنى يكون بدال فارس ويكون قريب هالكثر لسيف خاطره يساله بس مايعرف كيف يفاتحه بالموضوع ... ضغط على شفايفه واخذ قرار انه يأجل هذا الموضوع بعد زواجه بفترة منها يبعد شوي عن البيت ويخلي ابوه يهتم بسيف شوي

    سعود وهو مسترخي على كنبة بعيده عن الشباب وكان يفكر في نوال ويمسك يده وتذكر كلامها وزاد قهره زفر زفرت ضيق بصوت عالي وانتبه له بتال ... بتال قرب جهة اخوه وحط يده على راس اخوه
    بتال / ارمي همك بصدري وانا خوك وخذ افراحي
    سعود بابتسامه وعدل جسمه وجلس / ابعد الله عنك الهم يا الغالي
    بتال بحنان / ويش اللي مضيق صدرك
    سعود بهدوء / ابد مو شيء مهم .. بسيطة ان شاء الله ولا يهمك
    بتال عرف ان اخوه ما وده يتكلم / اذا ودك تتكلم انا موجود والله يا سعود اذا عرفت من احد سبب ضيقتك لزعل عليك زعل كبير
    سعود ابتسم مال وقبل كتف اخوه / الله لا يحرمني منك يا عضيدي مالي احد من بعد الله غيرك

    راكان وزياد يتكلمون ومندمجين بالكلام وواضح انه كلام مهم ... راكان / ويش لون ما فهمت !!
    زياد / ولا انا بس فيه شيء .. العنود وساره يتكلمون عن الجوال وكانه شيء خطير .. لو عرفت عنه امي او أي احد من خالاتي بتصير مشكله
    راكان بثقة/ انا اثق بالعنود فلا تخاف عليها عقلها اكبر من عمرها .. واذا مخبيته عن خالاتي فانت تعرف خالاتك الواحد يكره عيشته معاهم
    زياد / ظنك كذا
    راكان / ايه بس لا تشيل هم
    زياد بحزن / اليوم لمن تكلمت معهم العنود كانت مو طبيعية بها شيء ما عجبني هي مريضة او عندها مشكلة
    راكان بضيق / لاحول ولا قوة الا بالله وانا نسيت ما امر عليهم واسال عن حالهم لي .. لي حول الشهر او اكثر ما ادري والله بس لي فترة طويلة ما شفتهم
    زياد بحنية / تصدق ان ساره تغيرت بها الشهرين اللي غبته عنهم فيه كبرت و احلوت الله يحفظها من كل شر
    راكان بابتسامه / خبري تشبه لي يوم كانت صغيره ... ابي اشوف شكل مؤنث كيف صاير
    زياد يضحك / هههههههههه تذكر خالي نايف ويش كان يقول
    راكان هز راسة بالإيجاب / الله يرحمه ويسكنه الجنة ويرحم جدتي ام نايف كان يقول جعل الشبهة بالملامح وبس
    زياد /ههههههههههه الله يرحمهم ويسكنهم الجنه

    سند وعقله يفكر بحبيبته ويتمنى يخطبها بس خايف ينرفض آآآآه ياقلبي
    جلس جنبة فارس / ههههههههههه شوف انتبه لردت الشباب بعد مايشفون ابوي
    انتبه فارس ان سند مو معاه هز كتفه / سند انت معي
    سند انتبه /هممم خير بغيت شيء
    فارس بغمزه / اووووووووه شكل اخوي منصاب بحمى راكان وطلال
    سند فهم القصد وابتسم / عن الكلام الزايد ويش عندك
    فارس ابتسم / ابيك تنتبه لردت فعل الشباب لشافوا حركات ابوي
    سند بحزم / انا ما قلت لك امسحه واترك عنك هالهبال
    فارس بضحكة / امي العنود فديتها ملكة الاستهبال ماتبيني اطلع مثلها
    سند يبتسم / انا كنت مفكر غرام وياسر اللي عندهم سوالف الهبال طلعت مثلهم
    فارس رافع حاجب / خشمك منك لو كان اعوج ياخوي
    سند ضحك / ههههههههه حلوة عجبتني
    قام فارس وشبك جواله بالتي في ونبهه الشباب علية
    فارس / ياشباب شوفوا كيف اقولكم ابوي مثل امي وانتم ماتصدقوني
    الشباب شافوا المقطع وقعدوا يضحكون ماعدا عناد وبتال عصبوا
    عناد بصوت حازم / فارس امسح المقطع وعن هالمسخرة ماتستحي انت هذا تصرف واحد كبير وفاهم
    بتال بحزم وصوت حاد / جيب الجهاز كامل واكسره بتفضحنا انت
    سيف يتدخل / ويش فيه ما صار شيء وما فيه احد غريب بينا حتى تكون فيه فضيحة
    عناد واصله عنده / ابلع لسانك انت وانكتم .. توجه لفارس ... وسحب الجوال منه .. بس فارس ما سمح له
    فارس بحده / عناد ابعد عني والا تشوف شيء ما يعجبك
    عناد بغضب ووجهه محمر / فارس اذا انت بزر وما فيه احد يعلمك الادب والصح من الغلط انا اللي بعلمك
    سند واللي لاول مره يشوفونه بهالعصبية وصوته يكون بهالحدة / عناااااااااد ثمن كلامك ان فارس غلطته صغيره فغلطتك اكبر
    عناد وهو رافع صوته / وانت ماشفت ويش سوا اخوك .. هذا تصرف واحد متربي ...
    قاطع كلمته صفعة قوية على خده من سند وبصوت حاد من تحت اسنانه/ ثمن كلامك قبل ماتقوله اخوي متربي ومو محتاج من يربيه
    تدخل بتال وطلال لأبعاد سند .. وراكان وبدر اخذوا عناد
    ياسر بعصبية / هذي مو اول مره اسمع عناد يقول عنا مانا متربايين قبل سمعته غرام تقول ان عناد يقول هالحكي لكن ماصدقتها وهذا هو يقولها قبالتنا
    زياد يحاول يهدي باقي الشباب / صلوا على النبي يا جماعه وهدوء شوي
    الشباب بعد ماتعكرت الجلسة الكل مشي لبيته
    ــــــــــــــــــــــــــــــــــــــــــــــــــ ــــــــــــــــــــــــــــ
    في بيت ابو صقر
    ام صقر وابو صقر دخلوا لجناحهم وقت نومهم .. البنات بالصالة الداخلية فوق وقبالتهم صحن حلى مسويته ريهام
    ريما وريهام قاعدين بالصالة فوق يطالعون الاي باد ويتنقلون بين المنتديات
    رنا تشوف لها برنامج عـ التي في ... رنيم كالمعتاد بغرفتها على جهاز الاب توب تتكلم مع "صالحة صديقتها" و تتراسل معاها
    روان جات وجلست جنب ريما وبهمس / ريما
    ريما تلتفت عليها/ ههم .. كلمتي رنيم
    روان بهمس / لا .. لمن دخلت عليها ما حست فيني وقربت منها وقعدت اقراء بعض الكلام اللي مكتوب بينها وبين صالحة ... وبارتباك ... ما ادري هالكلام عادي والا فيه شي غلط ..
    ريما باهتمام / ويش هو الكلام المكتوب
    روان بارتباك / صديقتها تكلمها عن واحد تحبه وقالت لها انه خطبها وان اخوه اللي كان معاه بالحديقة وشافهم معجب برنيم ويبي يتعرف عليها يقول انه حبها
    ريما بستغراب / من شاف من ؟ وايت حديقة ؟ انا مافهمت !!!
    ريهام اللي كانت تسمع للحديث / ريما تذكرين لمن كنا بابها رنيم تزعجنا في وقت الاجازات نطلع وبعض الاحيان يكون مو مخططين لها بس هي تصيح وتبكي الا نطلع ولحديقة معينه بعد
    ريما باهتمام / اية ويش يعني
    ريهام / كانت تقابل صالحة وبعض الاوقات تتركني وتمشي معاها .. وبارتباك .. واكثر من مره صالحة كانت تقابل شباب وتقول لرنيم هذا اخوي او ولد عمي و..
    ريما بعصبية / وليه ما قلتي لي يالغبيه وانا اقول ليه كل مانوصل للحديقة رنيم تنط على الحمامات وتسحبك معاها
    روان / من ضمن الكلام اللي قريته انها بترسلها الرقم ورنيم براحتها اذا تبي تتواصل معاه او لا
    ريما بثقة مصطنعة / لا تخافون على رنيم اكيد ما بتسجل الرقم هي ما تخون الثقة اللي عطونا اياها اهلنا وصدت عن خواتها وتفكر تكلم رنيم بهذا الموضوع بالوقت المناسب
    ــــــــــــــــــــــــــــــــــــــــــــــــــ ــــــــــــــــــــــــــــــــــــــ
    على البحر
    عناد بضيق / ماتوقعتها من سند
    راكان بهدوء / بس لجيت للحق انت الغلطان وانت اللي حديته على ذا الشيء
    بدر متضايق لضيقة اخوة / بس ماتوصل لمدة اليد يا راكان
    عناد يحس بنار بوسط جوفة ولو طب وسط البحر ما انطفت هالنار
    راكان بحزم / لو احد قالك مانت متربي ويش بترد علية يا بدر وهذي الاهانه واصلة لامك وابوك بتسكت ترضى احد يتكلم عن امك بشينه
    عناد فكر لثواني ووقف بجزع / والله ماكنت اقصد .. خالتي العنود امي وان احد اهانها اهني قبلها
    راكان يوقف وبحزم / واللي قلته مهو مهانه لها ولقدرها ما حشمتها ولا قدرت تربيتها لعيالها اللي هي تربيتنا والله والله لو مو سند عطاك الازم كان اخذتها مني
    عناد جلس وهو مجروح من كلام راكان بس يستاهل .. يستاهل اكثر بعد ... راكان ترك عناد واتصل على بتال يسال عن سند وقاله انه وصلوه للبيت بعد مهدوه شوي
    راكان ركب السيارة وتوجهه لقصر جده ينام فيه .. وعناد وبدر كملوا جلستهم على البحر بصمت لمدة ساعة ورجعوا للبيت
    ــــــــــــــــــــــــــــــــــــــــــــــــــ ــــــــــــــــــــــــــــــ
    يوم جديد
    بعد صلاة الفجر
    عناد شاف سند خارج من المسجد ومتوجهة للبيت لحق سند .. عناد يقبل راس سند / اعذرني يا خوي والله مو قصدي اللي فهمتوه .. وفوقها معصب .. ويوم شفت سوات فارس حطيت حرتي فيه
    سند اللي تفاجا من عناد بس تمالك نفسة و بهدوء/ ولو يا ابو خالد ما توصل انك تشك بتربيته ولو واحد من اخواني اخطاء وانت جازيته بدون ماانت تغلط بالحكي كان فداك ولا احد يقدر يفتح فمه بحرف بس اللي يزعلانا انك مو اول مره تقول هالكلام .. ولا تحسبنا ماني داري عن كلامك اللي تقوله عن غرام .. علشان عمي وخالتي ساكتين والا ما نرضى احد يزعل الغرام بشي هالمره نبهناك يا عناد لكن المره الجاية مانعديها بسهوله .. اشوفك على خير ... ترك عناد وهو يغلي من داخله
    عناد بنفسة " اجل ياغريم تقولين لاخوانك عن كلامي وماتقولينهم عن سواد وجهك والله لاربيك وانا ولد ابوي"

    بعد صلاة الظهر

    في مجلس الرجال الخارجي الكبير على الغداء ابو سطام وأولاده واحفاده وابو نايف وابو راكان وعبدالله ونايف كانوا حاضرين الكل لبس الزي الرسمي اللي هو ثوب وشماغ او غتره الا عبدالله ونايف لبسين جينز و تيشيرت
    سلطان متضايق من شكل نايف وعبدالله لانه مايحب يشوف احد جالس بالمجلس لابس غير الزي الرسمي
    عبدالله لبس جينز ازرق غامق و تيشيرت رصاصي وفية صورت تنين بالأبيض وشعره مجعد لأخر رقبته شكله بالمجلس بشع وهو ياكل العلك حاول فيه نايف انه يترك العلكه بس مسمع كلامه وقعد يعلك فيها
    نايف لبس جينز اسود و تيشيرت ابيض وفيه كتابه بالأسود وشعره لأسفل رقبته بشوي مكان متقصد هالبس بس مالقاء في شنطة ملابسة ثوب له ولا كان متوقع الخطبة ولان زياد وراكان مو مثل جسمه هو اقصر منهم بشوي واضعف فاضطر على هالبس كانوا عيال عمه متقرفين من عبدالله واخوانه معصبين من عبدالله ومنه

    بعد السلام والسؤال عن الاحوال والاحاديث الجانبية وكل يتحدث مع الاخر بهمس او ينتبة مع سالفة يقولها احد الكبار
    راكان يهمس لزياد وبعصبية/ اخوك ماعنده ثياب ولا يعرف درب الحلاقين
    زياد بهمس/ الله يهديه ادعي ان عمي سلطان يعديها له
    راكان بهمس/ والله لو اليوم صار شيء اعرف اني ذابح الخبل اخوك مابقى الا هو يخرب خطبتي
    قطع عليهم صوت ابو سطام / حياكم الله تفضلوا
    وقاموا على المقلط علشان الغداء
    ــــــــــــــــــــــــــــــــــــــــــــــــــ ـــــــــــــ
    عند الحريم ام راكان واخواتها وبناتهم
    ام سطام / اشلونك يا ام راكان واخبار الاهل
    ام راكان تطالعها .... وردت عنها شريفة " ام عبدالله " / بخير انا اختها شريفة وذي اختي خديجة وذي بنتي مها واللي جنبها حنان وهذي اختي الثانية خلود وهذي العنود واختها ساره بنات سطام
    الكل استغرب ردها عن ام راكان تدخلت العنود " ام سند "
    ام سند / ما شاء الله ويشلونكم يا بنات ان شاء الله بخير
    ام عبدالله ببتسامه زائفة / بخير بخير
    ام سند بابتسامه للعنود بنت اخوها/ ما شاء الله يا العنود والله كبرتي واحلويتي وصرتي عروس خبري بك وانتي صغيرة وماعاد شفنك
    العنود نزلت راسه بخجل بصوت هادي خجول / تسلمين يا عمه عيونك الحلوه
    ام سند/ وانتي ياسارونه والله احلاويتي وكبرتي خبري بك وانتي تحبين
    ابتسمت سارة ونزلت راسة خجلانة .... التفتت العنود والهنوف لبعض وغمزوا لبعض
    ام عناد / ما شاء الله الزمن يجري والعيال كبروا والبنات كبروا وان شاء الله نزوجهم ونفرح فيهم ونشوف عيالهم
    العنود وساره زاد احمرار وجههم وخجلهم وتمنوا الارض تنشق وتبلعهم
    ام عبدالله فهمت انهم قصدهم يبون يزوجون بنات اختها لعيالهم وتضايقت وعصبت
    قطع عليهم السالفه ام سطام تقلطهم على الغداء
    ــــــــــــــــــــــــــــــــــــــــــــــــــ ــــــــــــــــــ
    عند البنات
    غرام/ بنات .. خالتي ام راكان واخواتها ماحبيتهم ابد وبعد البنتين السمر بنات ام عبدالله
    رنا وشجون بتايد/ ايوه صدق
    ريما / لا حرام باين انهم مساكين وطيبات بس ذي السمراء وبناتها ما حبيتهم
    نوال/ بس العنود بنت عمي سطام باين انها كبرنا وطيوبه وحبوبه دخلت قلبي انا ماتذكرها كثير
    ابرار بأعجاب / بصراحة ما شاء الله اول مافتحت عن وجهها بغاء قلبي يوقف ماتوقعت بهالجمال ما شاء الله
    رنيم بأعجاب اكبر/ والله حسيت نفسي عندها رجال ان كان انا فهيت من شفتها وشلون لو يشوفونها الرجال الا محد طل بوجهنا
    شجون / ما شاء الله تبارك الرحمن ماخذه هزين من منو
    غرام / امها شوفوها فيها شبهه بس كانها تعبانه
    نوال / اية صدق الله يشافيها
    الكل / امين
    ابرار / عن كل الحكي اللي ينقال لزم نعترف انها تدخل القلب وتتربع فيه
    مرام / وانا كمان دخلت قلبي بعد الغداء نسحبها تجلس معانا
    رنيم بابتسامه/ مرومه شنو دخلت قلبك وتربعت لو يسمعونها بعض الناس يغارون
    مرام حمر وجهها من الخجل والبنات قعدوا يضحكون عليها
    سمر طول الحكي عن العنود وهي مكتومه لانها تعرف باللي يصير بالمجلس فحبت تغير الموضوع اول ماجات الفرصه / وانتي سلامات ويش حصل لك << تقصد رنيم
    رنا بلقافة/ ابد هي ماتمشي بالبيت الا والمبرد بيد والبي بي بالأذن ومانتبهت لمشيها تكعبلت بالفرشة وطاحت على يدها
    رنيم بألم / الحمدلله مانكسرت يدي بس شعر بسيط واسبوعين وافك الجبيره
    الكل / الحمد لله على السلامة
    رهام/ الحمد لله انها مرت على خير وما صارت كسر والا حضرتي الزواج ويدك مجبره بالجبس
    رنيم بدموع / والله كان مت قهر
    ريما تضمها / بسم الله عليك جعل عمرك طويل
    ,,,,, وراحوا يتغدون
    ــــــــــــــــــــــــــــــــــــــــــــــــــ ــــــــــــــ
    بعد الغداء جابوا المقهوين القهوة وبدا سامر و ياسر وبدر يصبون القهوه
    ابو نايف وابو راكان نزلوا فناجينهم وراكان فهم القصد ومن التوتر شرب القهوه بسرعة مره وحده وهي ساخنة ونزل الفنجان وصار يأكل شفته من جهة اليسار هذي عاده عنده لتوتر الشباب شافوا شكله وكتموا ضحكتهم لا يسمعون لهم كلمه من جدهم او من ابو بتال
    ابو سطام/ اشربوا فناجيلكم وطلبكم ما ينرد بحول الله
    ابو نايف / حنا جايين طالبين القرب.... نبي بنت سلطان لولدنا راكان على سنة الله ورسوله
    ابو سطام ابتسم / وحنا ما نلقى احسن من ولدنا لبنتنا
    ابو بتال/ اعذرني يبه
    التفت ابو سطام بغضب .. وبسرعة سلطان قال / البنت موافقه بس عندها شروط يا راكان اذا موافق عليها نبارك لك واذا لا الوجه من الوجهة ابيض
    ابو سطام شد على قبضة عاصاه لو ما فيه ضيوف كان قال الازم لسلطان
    اما ابو نايف التفت على راكان وشافه مبتسم وابو راكان ضايع مو عارف شي بس يقلد ابو نايف وبس
    راكان بثقة/ ابشر يا عمي انت وبنتك وكل شروطها ملباه قبل ما تقولها وبنت عمي غاليه و تستأهل تتشرط وتامر
    ابو نايف كتم غلة وقهرة بصدرة يكره سعود الفارس واخوة مازالت قصة الماضي محفورة بذاكرتها استحالة ينساها ويكره قربهم بس ...
    ابو بتال ابتسم على حب راكان لسمر وكبر معزته / شرطها يكون لها بيت لحالها وتكمل دراستها
    راكان بفرحة / تامر امر البيت وبنيته ومجهزها مو ناقص غير تنور المكان والدراسة ان شاء الله تكملها بخير بس بالرياض مو بالخبر >>> قالها بخوف وهو رافع يدينه
    الكل / هههههههههههههههههههههه
    زياد يطالع اخوة والفرحة اللي باينه علية ونايف يناظر اخوه ويحمد ربه بداخلة انه اخذ البنت اللي يحبها والله ابعده عن خالاته وبلاويهم ويدعي له ان الله يتمم له بالخير كان يسمع وهو مبتسم
    عبدالله كان مقهور بصوت هامس لنايف/ لية ما قلت لي ان اليوم بيخطبون لراكان
    نايف بلا مبالة ويطالع عيال عمه وعماته ويتمنى يخالطهم بس الظروف ماساعدته نايف/ مادري مثلك انا الحين تفاجأت .. واسكت واسمع
    عبدالله بخبث/ هاا اذا مو امي خربت هالزواج ماتكون شريفة
    نايف بتوجس / يعني شنو تسوي !!
    عبدالله ومازال يهمس / هااا بعدين تعرف
    نايف زاد خوفه وهمه وانتبه لراكان
    راكان / ياعمي اذا ماعليك امر ابي الزوج بعد زواج طلال بأسبوعين لانه عندي سفرت عمل وابي زوجتي معي
    ابو سلطان بتفكير لدقائق بسيطة وشاف ابوة وضيقته فما حب يزعل ابوة/ ان شاء الله الله يتمم لكم على خير ويجمع بينكم على خير بس الملكة ماتصير الا قبل العرس بيوم
    راكان بضيق / ليه
    سلطان بابتسامه / هذا شرطي ولا يطول العرس
    راكان بخوف / لالالا خلاص قبل العرس بيوم ... بيوم والله يعيني
    الكل / هههههههههههههه ...وبدأ الكل يبارك لراكان اللي من الفرحة كان وده يطير
     
  4. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    داخل القصر
    البنات حاول يكلمون العنود وساره بس خالتها شريفة اعطتها نظرة خلتها تمسك مكانها
    رن جوال الجوهره وقالت لام راكان انه عمها ابو سطام واخوان زوجها يبون يسلمون عليها وعلى بناتها
    في المجلس الداخلي كانوا ابو سطام وام سطام وسطام وسلطان وعبدالعزيز وزوجاتهم وبناتهم والعنود والهنوف ومياسة وبناتهم الاخوات سلموا على اخوهم سطام بوله من شهور ما شافوه اخر مره في عيد الاضحى يعني قبل 6 شهور وزيادة
    دخلت ام راكان ومعاها بناتها سارة والعنود العنود كانت متغطي كانت معتقدة وجود احد من عيال عمامها او عماتها بس لمن ماشافت احد غريب فتحت وجهها
    ابو سطام لمن شافها فز قلبه وام سطام تراقبه بدون ماينتبه
    ابو سطام / لا اله الله ماشاء الله تبارك الرحمن قربي قربي وانا ابوك
    قربت العنود وقبلت راسة ويدة بصوت انثوي هادي/ ويشلونك ياجدي عساك بخير
    ابو سطام بفرحة ووله واضح بصوته / من شفت وانا بخير بشريني عنك وعن امك .. وبصوت عالي .. ويشلونك يابنتي ياشيخة ويشلون الاهل
    العنود بصوت هادي موجوع / الحمدلله على كل حال
    ام سطام بستفسار / علمها يبنتي امك ليه ماترد علينا
    العنود ابتسمت بارتباك وبصوت مبحوح / اعذروها امي مرضيه
    سلطان بابتسامه / الله يشافيها .. ههههه .. يبه ما تبي تترك البنت تسلم علينا
    ابو سطام / الله يشافيها يابنتي وسلمي على عمامك وتعالي جنبي هنيا >> وياشر لها على الكنبة اللي جلس عليها بينه وبين ام سطام
    ابو طلال وابو بتال من اول مافتحت العنود وجهها وهم يذكرون الله على زينها
    رجعت العنود تجلس بين جدانها وساره بعد السلام جلست جنب والدتها ابو سطام اللي جالس بين اخوانه وخواتها جالسين قبالهم وزوجات اخوانها شوي بعيد عنهم والبنات معاهم
    العنود بعتب/ الله اكبر ياسطام 6 شهور لا نشوفك ولا نسمع صوتك
    الهنوف بعتب/ لاتقول مشغول ارسل رساله من وقت لوقت على الاقل
    سطام خاطره يتكلم بس يحس بضيقة ومو قادر تغير لون وجهه لسواد فحب يلطف الجوء سلطان وغير الموضوع
    سلطان بنظره لخواته سكتتهم/ ويشلونك يا بنتي ياساره ان شاء الله بخير
    ساره بصوت واطي خجول / بخير الحمدلله
    ابوسطام وام سطام العبرة خانقتهم وماقدروا يتكلمون شايفين وحاسين بولدهم فيه شيء بس مايدرون ايش والظن اثم
    عبدالعزيز ابو طلال / ماشاءالله ياسطام بناتك كبروا وصارو عرايس ماجولهم خطاب
    سطام يطالع بناته ويحس بضيقة تزيد علية
    العنود وساره خجلوا وحمرت وجيههم ونزلوا روسهم
    ابو سطام يمسك يد العنود / بشرينا عنكم كيف احوالكم ويش مرض امك ووين تتعالج
    العنود بغوض / الزهايمر يبه الله يكفيك شره
    سلطان / لاحول ولا قوة الا بالله من متى يابنتي
    العنود كانت بترد بس صوت جوال ابوها قطع الموضوع
    رن جوال ابوراكان وكلمه ابونايف واستعجله على الخروج والرجوع لشاليه
    ابوراكان بصوت متعب وخايف/ صار لازم نمشي عمي بالسيارة ما ابي اتاخر عليهم خرج بسرعة ولا سلم على والديه واخوانه وخواته وبناتهم خرجت بنته العنود بعد ما استسمحت من جدها واعتذرت منها وخذت امها واختها وطلعت
    ام سند باستغراب / سطام فية شيء والا ايش
    سلطان بحدة / العنود ويش ذا الحكي خلاص ادعو له بان الله يهديه ويصلحة ويرجعه لطريق الصحيح
    عبدالعزيز/ ايه يالعنود وبعدين سطام كانه ولد ابو نايف ماعنده غيره جزاه الله خير انه يهتم فيه
    مياسة / بس مو لدرجة انـ ..
    قاطعهم ابو سطام بعصبية/ خلاص كل واحد يتيسر على بيته اتركونا انا ومرتي نبي نرتاح
    الكل تفاجأوه بعصبية ابو سطام وانسحبوا بهدوء وتركوا المكان خالي لـ ابو سطام وام سطام
    ام سطام تبكي/ الولد ماهو بصاحي ماهو بصاحي
    ابوسطام يهديها / ادعي له يامره ادعي له كود ربك يهديه ويبعد عنه الشر
    ام سطام تمسح دموعها بشيلته / لا تكذب علية انت حاس باللي حاسته
    ابو سطام نزل راسه وقعد يستغفر/ يامره ان بعض الظن اثم .. لا تظنين لا تظنين
    ام سطام / استغفر الله استغفر الله استغفر الله واتوب اليه
    ــــــــــــــــــــــــــــــــــــــــــــــــــ ـــــــــــــــــــــــــــــــ
    سلطان بجناحة ويتذكر ولد اخوه نايف لمن خرج من المجلس بعد الغداء
    سلطان بعصبية/ نايف تعال
    نايف التفت لعمه / هلا عمي امر
    سلطان بعصبية/ ويش ذا اللبس اللي لابسه لو جونا ضيوف وانت بذا البس ويش يقولون
    نايف بتسامه / العذر والسموحة ياعمي والله مو متقصد هالبس بس الاهل نسوا ثوبي لا يحطونه بالشنطه ولا ادري عن خطبة راكان لو دريت ماشفتني بذا البس .. قرب من عمه وقبل راس خشمه وقبل كتفه .. اعذرني ياعمي
    سلطان هداء شوي / وشعرك ليه مطوله
    نايف بابتسامه / صديقي ماجد بن عبدالعزيز بن منصور .. اكيد تعرفه ياعم .. محلفني اني مااقص شعري الا لمن يرجع ونروح الحلاق سو وانا وعدته وهو هالأسبوع ان شاء الله راجع
    سلطان ابتسم / وانعم بعيال ال منصور كلهم .. بس وانا عمك ليه ماتزورنا مع اخوانك
    نايف بضيق / والله ياعم مو كرهن بكم ما ازوركم والله يعلم بمعزتكم بس ما اقدر اترك خواتي بالرياض لحالهم
    سلطان بسرعه / وليه ماتجيبهم معك
    نايف لقاها فرصه ان يقول لعمه عن الهم اللي بصدره لانه تعب وشاف انه مايقد يحمل هالمسؤولية لحاله / ياعم ا.. قاطعهم ابو سطام وهو ينادي سلطان
    سلطان / بعدين نكمل موضوعنا وترك نايف ودخل لـ ابوه نايف بقي بآلامه وهمومه

    دخلت الجوهره وشافته منسدحة وسرحان يطالع السقف .. جات وجلست جنبه على السرير
    الجوهره / ويش فيك حبيبي؟
    ابتسم سلطان / سالمتك بس تذكرت طلب راكان يبي العرس بعد عرس طلال باسبوعين
    الجوهره عقدت حواجبها / بس مايمديها تجهز
    سلطان/ الا يمديها بعون الله بعد يومين طيارتكم على لبنان جهزي لها من هناك اسبوعين عندكم قبل عرس طلال وخذي العنود ومرام تكمل تجهيزاتها معاك والاسبوعين الثانية تسافرون لدبي
    الجوهرة / اذا كان رايك كذا يصير خير وبعد نحجز لها امور الصالون والتجميل هناك... خبرت سمر
    سلطان / اية قبل شوي قلت لها
    الجوهرة تذكرت رد سمر وصارت تضحك/ ههههههههههههه تذكر يوم قلت لها ايش رايك بزواج
    سلطان يضحك/ ههههههههههه اول شي لما قالت لا بابا عصبت وبعدين فهمتنا

    سمر بصوت هامس مخنوق / لا بـ ..ـابا
    سلطان بعصبية / مانتي موافقة
    سمر بخجل وبهمس / لا ااا قصدي موافقة
    بتال وسعود وسامر / ههههههههههههههههههههههههه
    سامر / والله لو راكان موجود كان وقف قلبه
    بتال / ههههههههههههه كان خاطري اشوفه
    سمر قامت من مكانه وراحت جري لغرفتها
    سلطان للجوهره وبغمزة / هذا الخجل هههههههههههه

    رجع للواقع على همس الجوهره / ويش اللي مضيق صدرك
    سلطان ابتسم ومسك يد الجوهره وقبله بعشق وضمها لصدره / ولا شيء .. خلينا ننام
    ــــــــــــــــــــــــــــــــــــــــــــــــــ ــــــــــــــــــــــ
    عناد مع راكان في السيارة
    عناد بابتسامه / والله مبروك ياراكان وبعد شهر ونص عرسك
    راكان يلتفت علية / قصدك شهر
    عناد بستغراب/ كيف ؟
    راكان/ مو عرس طلال بعد اسبوعين وكم يوم وانا بعده باسبوعين احسبهم يطلعون شهر
    عناد / لااله الا الله بسرعة تمشي الايام
    راكان ابتسم/ ايه الله يعديها على خير وبسرعة وحبيبتي تكون بحضني
    عناد/ هههههههههههههههههههههههه ماعدا تقدر تستحمل
    راكان/ فاض بي الشوق
    عناد / هههههههههه الله يعينك ولايبتلينا
    راكان رافع حاجب / يعني تبي تفهمني انك ماتحب غرام الحين
    عناد بقرف / اعوذ بالله قلو البنات علشان اخذ ذي
    راكان / لاتنسى انها بنت عمك .. وبعدين انت دائما تتكلم عنها فقلت يمكن تحبها
    عناد / لالالالا مااحبها ولا اطيقها وغير السالفه الله يخلي لك سمر
    راكان / هههههه.. امين.. لها الدرجة كاره غرام
    عناد زفر / اوووووووووفففففف غير السالفه
    راكان شاف وجهه عناد كيف تغير وماقدر يمسك ضحكته / هههههههههههههههههههههه
    ــــــــــــــــــــــــــــــــــــــــــــــــــ ـــــــــــــــــــــــــــــــ
    في الاستراحة عند الشباب اغاني ورقص احتفال بمناسبة خطوبة راكان وسمر
    ياسر / والله ما انت هين ياراكان
    راكان بغرور ورفعة حاجب / ليه شايفني ياسر انا راكان على سن ورمح
    ياسر يستهبل/ لا والله انت على الكنبة في الاستراحة
    الكل ماعدا راكان / هههههههههههههههههههههه
    راكان بقرف / يعني تستهبل انت وخشتك
    بدر يتلقف / ويااااااااا حلاتها من خشه... خشمك ... يلتفت لياسر ويسلمون على بعض ...
    سامر وصقر يستعبطون / والله ما نتركم معاكم ويسلمون على بعض بالخشم
    بتال / ياشين اللي يسوي نفسة خفيف دم على كبر ياخي يلوع الكبد
    الكل ماعدا الرباعي / ههههههههههههههههه
    سعود /راكان صدق تبي العرس بعد شهر
    راكان يبتسم/ ان شاء الله على خير
    سيف / والبيت ؟
    راكان بجدية/ انا بنيت بيتي قبل ثلاث سنين من لمن طلبت بنت عمي اشتريت ارض بمخطط راقي وبنيت فله من تصميمي وعلى ذوقي واثثتها ومن شهر جاهزه
    فارس/ اكثر من مره ننزل الرياض وما تنيمنا الا باستراحتك المعفنة والحين تقول عندك فله
    طلال بثقل/ ليه ما خليتنا نشوفها
    راكان رافع حاجب/ الحين زياد ماخليته يشوفها ولا يطبها الا من عند الباب تبون انتم تشوفونها تبطون قبل صاحبتها محد يطبها
    زياد / بس انا شفتها من برا بصراحه ابداع كيف من داخل
    راكان بخوف/ اذكر الله لا تصكها عين والا هي منهدمه ويتاجل العرس والله ان صار لبيتي شيء لذبحك يازيادوه
    الكل / ههههههههههههههههههههههه
    ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
    يوم جديد ابو راكان وجماعته رجعوا الرياض
    ام عبدالله بعصبية وغضب / سواها راكان سواها هو وعمه كسر قلب بنتي وماراح اخليها تعدي على خير لخليه يطلقها وقبل ماتكم الشهر عنده
    خديجة / ويش بتسوين ياختي هذا يبي يتزوجها لا بعد شهر كمان والبنت حاطه شروط
    ام عبدالله / مالت عليها وعلى ابوها يتشرطون وليه ما يتشرطون مأخذين راكان الفارس آآآآآآآآآآآآآه يالقهر لا ويقول لي عبدالله انه باني لها فله تجنن وكبيره كانه قصر وماراح اخليها تتتهنا فيها بنت سلطان وقولي شريفة ماقالت
    خديجة / ولا بعد حريمهم حاطين العين على العنود وساره
    ام عبدالله بصوت عالي وبعصبية/ اسمعي ياشيخة العنود وسارة ماعاد لهم روحه لعمامهم ابد خذو راكان وبياخذون العنود ... العنود لولدي عبدالله وماتاخذ غيره
    ابو نايف بصوته الرخيم / ناسيتن انهم عيال عمها
    خديجة / ايوه يا اختي هذولا عيال عمها ان قالوا نبيها ماتقدرين تردينهم هذي عاداتنا وتقاليدنا
    ابو نايف /البنت لازم تعرس اجل تبينها تعنس اللين ولدك يخطبها
    شريفة / وهذا انا اخطبها لولدي ها ويش رايك يا ام راكان
    ابو نايف/ موافقين على عبدالله بس خله يشتغل
    شريفة بعقدة حواجب / عبدالله عنده خير وماعليه قصور مايحتاج يشتغل
    ابو نايف/ادري وانا ابوك بس لجاء يخطب.. راكان بيرفض وحجته انه مايشتغل خله يقعد بالشركة ولو وراء المكتب بس بالاسم شهر وانا اساعده بالخطبة والزواج واقنع راكان
    شريفة بتفكير/ تم يبه عبدالله بيشتغل بشركة ابوه
    خديجة / مبرووووك ياخيتي
    كانت وراء الباب بجلال الصلاة ودمعتها بعينه سمعت كل شيء وراحت ركض لجناحهم ( جناحهم غرفتين نوم وصاله ومطبخ تحضيري صغير وحمام وغرفة ثالثة لنايف اكبر غرفة بحمامها) ساره فتحت الباب بسرعة .. العنود كانت لبسه جلال الصلاه وتقراء قران
    ساره بخوف وتتنفس بسرعة/ العنود
    العنود قفلت المصحف ورفعته على المكتبه / ساره بسم الله عليك ايش فيك؟
    ساره ضمة العنود / سمعتهم يبون يزوجونك لعبدالله وجدي بيقنع راكان سمعت كل شيء
    العنود خافت من قوة ام عبدالله الخبيثة / يعني خلاص بتبدا الحرب
    ساره صارت تبكي وضامته العنود و قعدت تدعي ربها يفرجها عليها ويساعدها ويبعد عنها شر ام عبدالله
    ــــــــــــــــــــــــــــــــــــــــــــــــــ ـــــــــــــــــــــــــــــــ
    بعد العصر في جناح سمر الكلينكس معبي الغرفه وغرام قاعده على السرير وعلبة الكلينكس جنبها
    غرام تبكي وتشهق / آآآآآآآآآآآآآآآآآآآآهئ يعني خلاص آآآآآهئ بتروحين الرياض وتتركيني آآآآآآآآآآآآآهئ وين وعدك ليه انه ندرس مع بعض ونبقى دايم مع بعض آآآآآآآآآآآهئ آآآآآهئ خاطري ادعي على راكان بس اعرف انك بتزعلين آآآآآهى مو لازم وعد الدراسه آآآآآآآآآآآآآآآآآآآآآآآآآآآهئ آآآآآآآآآآآآآآآهئ ابسط شيء اني اساعدك بتجهزيك لزواجك ما الحق آآآآآآآآآآآآآ هئ آآآآآآآآآآآآآآآآآآآآآآآهئ آآآآآآآآآآآآآآآآآآآآآهئ رايحة لبنان وانا ابي اقعد لحالي ...
    وتسحب منديل وتمسح دموعها بشكل مضحك وترميه وتسحب ثاني وتمسح انفها ....
    سمر جلست جنبها على السرير وهي تبكي وتمسح دموعها بالمنديل / آآآآآآآآآآآهى والله مو بيدي لاتزعلين عليه ياليت تروحين معايه لبنان ياليت عمي فهد يسمح لك بس اخاف يرفض
    في هذي الحظة سلطان خارج من جناحه يبي ينزل يتقهوى عند ابوه وسمع صوت بكى وشهقات في جناح سمر وراح يتطمن عليها وسمع اخر كلام سمر وصار يضحك على ها الثنتين اللي يعتبرهم بمكانه وحده في قلبه
    غرام تمسح دموعها / انا واثقه من ابوي بيسمح لي بس خالي سلطان بيرفض
    ...... / واللي يقولك انه حجزلك تذكره علشان تسافرين معاهم
    التفتوا ثنيناتهم على مصدر الصوت غرام تبكي/ شنو قلت ماسمعنا
    سلطان بابتسامه/ اقولك روح جهزي شنطتك لان حجزت لك تذكره وبكره انتي مسافره لبنان
    غرام مو مصدقة وقفت فوق السرير بالاشعور / احلف الحين اجهز شنطتي والليلة نايمه هينا
    سلطان ضحك عليهم ونزل وغرام نطت على عبايتها ولبستها بسرعه وراحت جري لبيتهم
    وهي نازله صدمت في سامر وكملت طريقها
    سامر بعصبيه / الحمدلله والشكر مخبوله
    ــــــــــــــــــــــــــــــــــــــــــــــــــ ــــــــــــــــ
    سند وعناد وفارس وبدر وياسر وصقر كان الجو روعة وقرروا يجلسون بالحديقة وطلبوا القهوه والحلا وفرشوا لهم بالأرض وجلسوا يسولفون
    عناد يكلم بدر و ياسر/ انتم متى تكبرون وتعقلون وتبطلون حركاتكم
    سند يبتسم/ خليهم ياعناد مادام انهم يسونها عندنا ذا الحركات خليهم على راحتهم
    فارس/ عناد لا تخليهم يكبتون بداخلهم وبعدي اخاف انهم يضيقون ويدورون منفس ثاني لهم ويتعرفون على شباب مانعرف اخلاقهم
    بدر / خير يا اخوي مسوين شيء غلط او نقاصه في العقل نضحك ونمزح فيها شيء >>يلتفت على ياسر وصقر
    ياسر / لا مافيها شيء بس عقد اخوك بيحطها فينا ياحبيبي ياعناد هذي مزوح تجي وتروح عادي فلها وربك يحلها
    صقر/ الحين ان ضحكنا معاكم وستانسنا تضايقتوا وان رحنا لشباب غير تضايقتوا بالله وش تبينا نسوي
    عناد / هييييييييه انت وياه اكلتوني انا ماقلت شيء غلط قلت كبروا عقولكم
    سند / الله يهديك ياعناد اتركهم مادام بين اهلهم يسون هالسواة اذا قدام غريب هذاك الوقت عاتب
    بدر عصب / خلاص غيروا الموضوع ااا.... ايش فيهم هذولا والتفتوا الكل لمكان ماياشر بدر
    ــــــــــــــــــــــــــــــــــــــــــــــــــ ـــــــــــــ
    غرام تسحب شنطة كبيره لسفر من بيت عمها خالد وشجون وراها غرام عندها شنطتها بس عشان تقهر شجون
    غرام / يالدبااااااااا بعدي انا محتاجتها اقولك ابي اسافر مع سمر وااااابيهاااااا وتسحب بشنطة
    شجون تسحب الشنطة من يد غرام / لا ماتاخذينها ليه ماتاخذوني معاكم
    غرام / لان مافي مكان بطياره وبعدين الطيارة متشيلك يالدبااااااااااااااا
    شجون / اجل مافيه شنطة واقلبي وجهك ,, وتشد الشنطة جهتها
    غرام / جعلك ياشجونوه هلوست رنا بريجيم ومخفت رنيم على مبرد الاظافير وافتك منك
    شجون / ليه تخلوني لوحدي لييييييييييييييييييييييييييييه اسولف مع منو
    غرام انتبهت ان الشنطة ثقيله حيل وكسرت ظهرها اكيد فيها شي
    غرام بغباوه / شوجي ماتحسين الشنطة ثقيله
    شجون بغباوه مماثله / الا بس قلت يمكن ماتبي تروح معاك
    غرام / الله يالذكى مادري من وين جايبتيه انتي حاطه فيها شي او احد خاش فيها شي
    شجون بتفكير/ لا ... شهقت ... ليكون احد حاط فيها كنز
    غرام رفعت عينها وكان خاطرها تعطيها كف على ذكائها <<< قصدي غبائها
    غرام / خلينا نفتحها ونشوف ... وهم يفتحونها مانتبهوا لعناد اللي جايهم معصب وناوي عليهم
    فتحوا الشنطة ووووووووووووووووووووووو
    ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
    انتهى البارت
     
  5. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    البارت الثاني


    في الرياض
    نايف وصل منار من المطار ونزلها بالبيت
    ( منار نسخة ثانية من العنود بس فيه اختلاف بسيط اللي يعيش معاهم كم يوم يعرف يفرق بينهم ويشوف الفرق الواضح اللي بينهم بس اللي يشوفهم مره وحده او مابين فترات طويلة يفكرهم شخص واحد منار تشبه امها " شمه " بالملامح والعنود تشبه امها " شيخة " بالملامح لذالك الشبهة كبير بينهم لانهم امهاتهم خوات تؤام منار تجي فترات لـ الرياض هي ساكنه عند جدتها بجده عندها حريه كبيره وخالتها شريفة مالها دخل بها لانها ما تملك ثروة ماليه مثل العنود تحب العنود وساره ونايف وتجي الرياض على شانهم كم يوم وتسافر )
    منار تدق الباب على العنود وساره
    العنود / مين؟
    منار بفرح / عنوده انا منار
    العنود فتحت الباب / هلا منار الحمدلله على السلامة
    منار تسلم عليها / الله يسلمك .. التفتت جهة ساره وشافتها نايمه على الكنبه
    العنود / توها نايمه ... تعالي اجلسي مسويه شاي والبسكويت اللي تحبينه
    منار بعد ما فسخت عبايتها / اهاا تيب.. وجلست على الكنبة.. وخذت لها قطعة بسكويت ... كيف الشرقية وكيف البيت بغيابي
    العنود تبتسم / كل شيء على حطت يدك بس اللي زاد ان خالتي شريفه تبي تزوجني لعبدالله قريب
    منار بخوف/ لا تقولين
    العنود بابتسامة وسخرية / هذا اللي صار وانتي اعطيني اخبارك
    منار بحزن على حال اختها وحبت تفرحها / امممم راح اكون بجده على طول بعد ثلاث شهور خلاص جهز كل شيء وراح يصير الامر بيدي وجدتي معاد تقدر تامرني
    العنود بفرحه/ الله يوفقك ياعمري وانتي تستاهلين .. وبعدين جدتك تحبك فلا تزعلينها .. ضمت منار العنود
    منار وهي تبكي / عنود ليه .. ليه ما تدافعين عن نفسك ليه ما تصرخين بلا انتي قوية والله قوية
    العنود / حبيبتي كل شي بالهداوة يصير ... وبهمس .. اتممن اموركم بسر والكتمان .. وحبه حبه
    منار رفعة راسه وتطالعها باستغراب ... ابتسمت لها العنود وغمزت لها
    ــــــــــــــــــــــــــــــــــــــــــــــــــ ـــــــــــــــــــ
    بتال وطلال مع سلطان في مكتبة الخاص اللي بالقصر
    سلطان يطالع على ملف المشروع الجديد / هذا المشروع اللي بالرياض راح يكون تحت ادارتك انت يا بتال وهذا الملف فيه كل الدراسة والامور المتعلقة به راح ياخذ حوالي من 6 الى 10 شهور كتأسيس وبعدين فيك تكلف احد يتابعه
    بتال / عندي فكرة كامله بالموضوع وان شاء الله راح انزل الاسبوع الجاي لفرعنا بالرياض واجهز اموري وبعد زواج طلال راح نبدأ بأول خطوة من المشروع
    سلطان / وانت يا طلال من كلفت يمسك شغلك اللين ترجع
    طلال / اخوي سيف وكلمت ابو مبارك يتابع معاه كل شيء وبهذي الطريقة يتعلم الشغل اكثر
    سلطان / وانت واثق بسيف يقدر يتحمل صلاحياتك
    طلال / ان شاء الله قادر وسيف ذكي وبسرعة راح يتعلم ومنها يحس بان له وجد وقيمة
    سلطان فهم عليه/ اممم على خير ان شاء الله... وانت ناقصك شيء جهزت بيتك
    طلال بابتسامه / تسلم يا عمي مو ناقصني شيء والبيت الحمدلله كملته وجهزته مما جميعه مو ناقصه الا تشريف العروس
    سلطان يضحك / هههههه خلاص راح الكثير ما بقى الا القليل ... يكلم بتال .. امم كم تذكره حجزت لبيروت
    بتال / امي واختي وسعود وفارس وعمتي العنود وبنتها مرام
    سلطان / وزيد وحده لبنت عمتك الثانية
    بتال وطلال باستغراب / غرام
    سلطان / ايه انا وعدتها تروح مع سمر
    بتال يبتسم / ان شاء الله تامر يبه
    طلال نزل راسه يحاول يخفي ابتسامته
    ــــــــــــــــــــــــــــــــــــــــــــــــــ ـــــ
    سعود خارج من الفله ومتوجه لـ عيال عمته بعد ما عرف انهم متجمعين بالحديقة
    وقف قدام بيت عمه عبدالعزيز بعد ما شاف سيارة غريبه واقفه قبالها ونزلت منها نوال
    راح بسرعة لجهتها والشرار يطلع من عيونه وقبل ما تدخل البيت مسك يدها
    سعود بحده/ من هذا اللي جيتي معاه؟
    نوال فلتت يدها بقوة / وانت ايش يخصك!
    سعود بعصبية / جاوبي وبس
    نوال بعناد/ مالك دخل من انت حتى تسالني؟
    سعود بعصبية / ولد عمك ومكسر راسك
    نوال بعصبية مماثلة / تخسي
    سعود جاء بيمد يده والا بيد سيف مسكته .. سيف بغضب / سعود ويش تسوي ؟
    سعود بعصبية / اختك جايه مع واحد غريب ولما اسالها مع من جايه تقل مالك دخل
    سيف بحدة / وهي ما غلطت انت ويش دخلك ابوها اخوها زوجها
    سعود عصب اكثر وتركهم وهو في داخله يتحلف بنوال وراح يخليها تترك هالوظيفة وتقعد بالبيت بس بطريقة يقدر هو الوحيد المتحكم بها البوه المتمردة
    سيف دخل وراء نوال وشافها تفسخ عبايتها .. بحدة / نوااال
    نوال التفتت علية وبهدوء/ نعم
    سيف بعصبية / من اللي جيتي معاه
    نوال / دكتور ايمن وصلني مع اخته
    سيف / وليه يوصلك ما عندنا سايق والا ما عندك اخوان لو اتصلتي علية كان جيتك
    نوال بحده / شوف جوالك كم اتصال فيه وما رديت عليه وبعد طلال ما يرد والسواق مشغول مع امي واتصلت على ابوي وهو طلع مشغول واستاذنت منه ان صديقتي توصلني وهذي مي اول مره وابوي سمح لي واذا عندك اعتراض روح قولة لابوي .. مشت وتركت سيف واقف
    ــــــــــــــــــــــــــــــــــــــــــــــــــ ـــــــــ
    شجون وغرام وهم يفتحون الشنطة وانفتحت فجاه وبسرعه نطت بوجههم اماني
    غرام وشجون صرخوا بخوف / يييييممممممممممممممممممممممممممههههههه
    شجون مسكت اماني/ انتي شنو تسوين بالشنطة
    اماني بارتباك/ ااااااااااااا كنننننت ابببببببببببي اسويلك سربرايز هههه هههه
    شجون رافعة حاجب/ معصقل انا اعرفك ما تدخلين غرفتي الا وتأخذين شيء اعترفي احسن لك
    اماني تحاول تهرب وغرام تحاول تبعدها عن الشنطة بس شجون ماسكه الثنتين
    فجاه شجون حست بان يد ماسكتها من القفاء وعرفته على طول من ريحة عطره
    عناد بحده / انتو ماتستحون على وجهكم هذا شكل بنات عوائل
    ( شجون كانت عبايتها مقلوبه وحافيه والبرقع خيطه نص العين ومايل وشوشه طالعه نصها وغرام عبايتها مرفوعه جنب عن جنب وشبشب نوعين والغطاء مرمي باهمال واماني معفسه من كثر ماجلست بالشنطة)
    شجون مي عارفه ايش ترد بس ماسكه غرام واماني بقوة
    عناد بعصبية لغرام/ انتي يالخبله ويش تبين بالشنطة هذي بتهاجرين
    غرام بعباطة / لا قاعده على قلبك ... بس ابي اسافر كم يوم مع سمر لبنان وراجعه
    عناد بعصبية / انخبلتي بنت مسافره تجهز نفسها للعرس ويش دخلك انتي
    غرام ويدها على خصرها وتهز واصباع على راسها/ حوووووووووورررررررررره اسوي اللي ابيه محد يمنعني ابوي وامي موافقين انت ويش يخصك
    عناد بحده / ما انتي برايحه وتنثبرين هنا مفهوم
    غرام تحط يدينها على صدرها يعني انه خافت / ييااااااااااي خوفتني ياوووووووممممممااااااه ... وبصوت عالي ... هياااا انت اعرف حدودك لانت ابوي ولا اخوي حتى تحكمني... أيه والله اعطيناكم وجه وبزياده .. وتبون تتحكمون فينا .. تبي تنافخ نافخ على اختك ذي البطة مو علية يا معقد...
    سند وفارس وياسر متفاجئين من الحوا ر اللي بين عناد وغرام..!
    وصقر يحاول يبعد البنات عن عناد بدون ما يضربهم لان باين انه وصل حده ...
    عناد فك اخته واتجه على غرام يبي يضربها بس سند وقف في وجهه
    سند بحده/عنااااد احترم حدودك ولا تغلط انت مالك حق تعاقبها على شيء اذا شفت الغلط تخبرنا وحنا نتفاهم معاها
    في هذي الحظة هربت اماني وغرام سحبت الشنطة بسرعة وشجون ما انتبهت لهم الا بعد ما بعدوا عنها
    شجون طلعت غرفتها وهي مقهورة من عناد وغرام واماني ومتحلفه فيهم طبعاً قصدها غرام واماني لان عناد صعب
    ــــــــــــــــــــــــــــــــــــــــــــــــــ ـــــــــــــــ
    بتال وطلال طلعوا من مكتب سلطان وهم خارجين شافوا وليد وريان يلعبون كرة قدم
    بتال وطلال نزلوا يلعبون معاهم شوي مرت من جنبهم اماني ونادت ريان و وليد
    اماني / رييييييييااااااان وليييييييييييد تعالوا سرقت شريط بلاي ستيشن من شوجي مصارعة يجننننننن
    ريان طالع وليد .. وليد طنشها وكمل لعب مع بتال وطلال وريان
    اماني " هذا كله وما سمعوني خليني اروح عندهم"
    اماني اتجهت لهم / ريانوه وليدوه ما تسمعوني يامل اصمخ
    وليد برفعة حاجب/ سمعناك تتفاخرين بسرقة
    اماني بابتسامه من تحت غطاها / ايه سرقة شريط المصارعة من شجونوه تعالوا نلعب فيه
    بتال وطلال وقوف يسمعون للحديث بصمت والابتسامة على شفتهم
    وليد رافع حاجب/ شيء بسرقه ما نبيه وبعدين المحلات ماليانه وغرفتي مليانه ليه حق شجون يعني
    اماني تطالع ريان / هيه انت ما تبي تروح معاي تلعب بلاي ستيشن
    ريان برفعة حاجب ونفس طريقة وليد بالكلام/ لا ابي العب مع وليد
    اماني تطالع وليد / وليه ان شاء الله ما تبي تلعب معاي حضرة الاستاذ وليد
    وليد برفعة حاجب / لانه سرقتيه ما اخذتيه باستأذن وهذا غلط
    اماني فاتحة فمها متفاجأه لانه يتكلم نفس طريقة بتال / ياااااااااالله عقدك بتال حراااااااااام ضاعت طفولتك يا ولد عمي يالخبل احلا شيء لمن تاخذ لعبة وتلعب بها وهي ميب حقتك لها طعم ثاني والله اسال مجرب
    بتال يطالعها / هييه ويش عقدته لانه قال الصح البزر وانتي يالخبلة ياكبرك ماتعرفين ان السرقة حرام
    اماني طالعتهم وصدت وهي معصبها متجهة للبيت لانها متاكده راح تطلع وهي متعقده وكارها البلاي ستيشن
    وليد بصوت عالي / احسن لك تروحين لشجون وتلعبين معاها اذا سمحت لك
    اماني بخوف / لالالالالالا بعد اللي شفته لا لو اموت ما روح لها ... وراحت تجري لبيتهم
    ـــــــــــــــــــــــــــــــــــــــــــــــــ
    بعد ايام ....
    بلبنان
    سمر وغرام ومرام والجوهره والعنود وسعود وفارس في لبنان .. بأحد دار الازياء .. سعود وفارس عند كوفي مقابل الدار والجوهرة والعنود مع احد المسؤولات عن الدار وتوريهم احدث التصاميم والبنات يطالعون لباقي التصاميم المعروضة
    سمر / غرام شوفي هذا الفستان ايش رايك فيه
    غرام / ما عجبني كثير الا اذا غيرتي شوي فيه يعني من هنا.. تاشر على فتحت الصدر.. فتحتها كبيره حيل ... وشوفي الخصر .. راح يبين انك دوببااا ومطعج خصرك .. ماحبته
    مرام جايتهم ومعاها فستان اسود قصير توب / غرام .. سمر ايش رايكم بها الفستان
    سمر وغرام / واووووووو
    غرام / ناعم ورايق يشبهك مرومه حياتي
    سمر" تاشر على فستان طويل وضيق للخصر وبعدين يتسع فيروزي
    لف على الرقبه وقصت الصدر رايقه وحلوة / غرام ايش رايك بالفستان هذا
    مرام / مره روعة لونه وموديله يخلي الوحده كانها حورية البحر
    غرام طالعته وكثير عجبها / روعه
    سمر بابتسامه / هذا هدية مني انا ومرام لك
    غرام دمعت عيونها بتفارق مرام وبعدها سمر حست العبره خانقتها / الله يخليكم ليه .. وضمتهم
    سمر / بس ما نسينا شجون والا تذبحنا ما يكفي سافرنا وتركناها هناك
    غرام تضحك / ايه تذكرت يوم شافتنا راكبين السيارة رايحين المطار هههههههههه
    سمر / حزنتني وانا قلت لبابا يكلم عمي خالد ويسمح لها بس قالي ان عناد اخوها رافض وزعلان
    غرام / هذا الشخص معقد قبل اقول اخوانك بس الحين لمن شفت سعود حسيته حبوب
    سمر / كل اخواني حبوبين بس مايبينون
    غرام/ محد مثل اخواني لبى قلوووووووبهم ياناس رواقاااااااااه
    مرام / مادام ابوهم فهد وامهم العنود اكيد بيطلعون حلوين
    العنود ضمتهم من وراء/ قاعدين تحشون فيني انا وابوكم
    غرام بابتسامه / لا يمه قاعده امدحكم اقول لبى اخواني اللي رايقين بسبب امي وابوي
    العنود بشوق / والله اشتقت لهم
    الجوهرة بغمزه / اشتقتي لعيالك والا لابو العيال
    العنود بضحكة / اكييييييييد للعيال وابوهم لبى قلب فهودي فديته والله
    الكل / ههههههههههههههههههه
    ــــــــــــــــــــــــــــــــــــــــــــــــــ ـــــــــــــ
    سعود وفارس بالكوفي وسعود كل ما يتذكر نوال يعصب
    فارس / ويش فيك انت ترا البنت ما غلطت السواق ماجاها واخوانها مقفله جوالاتهم ووصلتها صديقتها مع اخوها وابوها عنده علم يعني ما غلطت
    سعود بعصبية / وليه ما اتصلت على وحده من بنات عمها تجيها مع واحد من عيال عمها او ترسلها سواق البيوت ممتلئة سواقين والا لزم ترز وجهها مع الغريب
    سعود تذكر نقابها وعيونها وزاد غضبه (لان نوال لبسه برقع واسع فتحت عيونها ومو مغطيتهم بالشيله
    وعيونها واضحه ونوال تتميز بعيون ساحره وساع وناعسة ورموشها كثيفه وسودا ومكحله رباني)
    سعود ضرب الطاولة بيده " والله لربيك يا نوال واذا ما سويتها ما كون اخو بتال"
    فارس استغرب عصبية سعود الزايدة وسعود معروف ببرودة اعصابه
    ــــــــــــــــــــــــــــــــــــــــ
    بالرياض نايف عرف بموضوع خطوبة عبدالله للعنود
    نايف بعصبيه / والله لو يكون اخر واحد به الدنيا ما راح يتزوجها لو تقعد طول عمرها عانس ببيت ابوها مو مقصرين عليها وعبيد دواه عندي واحسن لكم تبعدون عنا لانه فاض بي من سوأياكم
    ام عبدالله / نويف لا ترفع صوتك عليه تراك مانت بقدي لساتك بزر والعنود غير عبدالله مي ماخذه وزواجهم بعد رمضان 6 العيد ووريني يانويف ويش بتسوي
    نايف بعصبيه / تشوفين يام السحور اذا ماخليتك تبكين دم على ولدك بدال ماتفرحين ماكون نايف اخو راكان وطلع من البيت معصب
    ام عبدالله تفكر وخافت من نايف يسوي شيء .. وهو مثل راكان مو سهل بس لساته عضمه طري .. وراكان مايقعد بالبيت لو كان يقعد كان تصرفت بس مايقعد .. ولا ياكل عندهم واذا اكل ماياخذ غير من العنود كانهم شاكين بشيء.. زاد الخوف نايف ليش قال ام السحور اكيد يعرف شي قطع تفكيرها صوت خديجة
    خديجة بغباء / شريفه ويش تسوين مع نايف .. ؟
    شريفة بقرف / ما سوينا شي واسكتي ماني فايقة لك .. وبتفكير " لساتك بزر مو قدي ولا قد عبدالله اقدر اروضك بسيطة يا نويف بسيطة "
    خديجة / انا رايحة البيت زوجي جاي من السفر وابي اروح استقبله
    شريفة بقرف / ايه روحي روحي اركضي له روحي
    ـــــــــــــــــــــــــــــــــــــــــــــــــ
    في استراحة راكان بالرياض بتال وراكان وزياد وصديقهم تركي توه داخل
    تركي / السلام عليكم
    الكل / وعليكم السلام .. وبعد السلام والسؤال عن الحال .. جلس تركي بجنب زياد
    زياد / هلا وغلا من طول الغيبات جاب الغنايم
    تركي يبتسم / هههههه لا غيبات ولا شي سفره قصيره ورجعنا
    راكان / لوين سافرت هالمره
    تركي / للمغرب ... الحين ما تعرفوني على الوجه الغانم
    راكان / ولد عمي بتال بن سلطان الفارس وقريبا اخو زوجتي
    تركي عقد حواجبه / ولد عمك واخو زوجتك مو فاهم
    راكان بابتسامه / خطبت وزواج قريب حيل ان شاء الله
    تركي / اووووووووه على البركه وعقبال العزابيه .. بس اسمك مو غريب علية كاني سامعة
    راكان / بتال رجل اعمال وله كلمته بالسوق
    تركي بنبرة غريبه / اهااا والنعم
    بتال / والنعم بحالك
    دخل نايف وهو معصب ولا رد السلام قعد مقابل المسبح وكانت جلست راكان واللي معاه خلفها وما انتبه عليهم
    كان لبس جنز لنص الساق وبلوزه سوداء وفيها كتابات وشعرها واصل لحد كتفه وبعض الخصل طايحه على وجهة
    بتال بقرف / هذا مايعرف السلام ولا يعرف الاصول
    زياد مستغرب بان نايف يدخل بها الطريقة/ انا رايح اشوفه ويش فيه
    راكان معصب/ وقله ينقلع من هنا ولا عاد يطب ها المكان
    زياد التفت لراكان / انا ماراح اطرده اذا انت ودك قله
    زياد راح لعند نايف وجلس جنبه ونايف ما انتبه انه فيه احد بالاستراحة
    زياد / نايف فيك شي؟
    نايف انتبه لزياد / هلا زياد ما انتبهت لك اعذرني وقبل راس اخوه احتراما له
    زياد / ويش صاير معاك
    نايف" من متى تهتم يا زياد عمرك ما سالتنا دايم مع راكان" بدو نفس / ولا شيء
    راكان جاء عندهم وبحده/ انت ما تستحي
    نايف نقز من الصوت/ هلا راكان انت موجود ما انتبهت .. التفت وراء راكان وشاف بتال وتركي
    نايف رافع حاجب / بتال وتركي موجودين كمان والله ما انتبهت
    راكان / انت ما تستحي لبس لي لبس ما ادري كيف صاير ومطولي شعرك وكمان متعرف ترد السلام
    نايف بحده/ قلت لك ما انتبهت وخير يا طير بلبسي وشعري بايش مضايقك فيه
    راكان بغضب/ انقلع من استراحتي ولا اشوفك فيها وروح لصاحبك عبدالله واشباهك
    نايف بغضب / انا ما حدني على عبدالله الا انتم يا اخواني
    راكان مسك كتفه / لعرفت درب المرجلة تجي معانا ام اذا انت بهذا الشكل ما نبي نشوف وجهك
    نايف ينزل يد راكان بقرف/ ما ابي مجالس تضم مثلك انت واخوك
    تركهم وقبل ما يطلع من الاستراحة اعطى نظره لتركي ومشي
    ــــــــــــــــــــــــــــــــــــــــــــــــــ ــــ
    ام عبدالله تكلم عبدالله بتليفون
    شريفة / اسمع تخليه يصير خاتم بصبعك.... اذا ما نفذت كلامي بتضيع منك العنود
    ......انت ماتفهم .. انا اسوي كل شيء علشانك انت ... حنا نحتاج نايف ولازم يكون معانا
    ايه ... من الليله اذا تقدر ... انت ادراء ... فكر بس انا افكر يالله روح وبشرني بالاخبار الزينه
    .... مع السلامه .... وسكرت الخط وهي مخططه على دمار نايف حتى تسيطر على اكبر
    قدر من المال ما فكرت في مراقبة بناتها او تقربت الا الله وانتظار حسن الخاتمة
    ــــــــــــــــــــــــــــــــــــــــــــــ
    قبل زواج طلال بيومين رجع سعود وفارس والجوهره والعنود وبناتهم
    سلطان يستقبل الجوهره بابتسامه / ياهلا وغلا تو مانورت الشرقية والسعودية بكبرها
    ويضمها قدام عياله وبنتها ويقبل جبينها وسمر خجلت ووجهها حمر
    سامر / احم احم احم نحن هنا
    بتال / ايه يبه ارحم قلوب العزابيه
    سعود / انا وصلت تراني مسافر معاهم كأنكم نسيتوني
    بتال / افا يالعضيد ينساك الموت يالغالي ... ويسلم عليه
    سامر يضم سمر/ وحشششششششتيني يادباااا
    وجلسوا الكل يسال عن الحال والاحوال
    سلطان / ها ان شاء الله جهزتوا وخلصتوا
    الجوهره / ايه الله يسلمك العنود ومرام وغرام ماخالونا
    سمر / مرام كانت مجهزه وخالصه بس راحت معانا حتى تساعد
    رن جوال بتال بنغمة رسالة وكانت من راكان يبي يطمئنه
    ابتسم بتال وطالع لسمر / هذي رساله من راكان يسال عن الحال... ويش تبونا نرد ... نقوله اجل شوي
    الجوهره / بسم الله على بنتي ربي يتمم لها على خير
    سلطان / طمنه ولا تشغل باله هو في الطريق جايب اهلة علشان عرس طلال لا تخليه يسرع ويتوتر
    بتال باتسامه / ان شاء الله
    سلطان بخبث / وفستان العروس
    سمر حمر وجهها واستأذنت وطلعت لغرفتها
    الجوهره بابتسامه/ احرجتها الله يهديك .. وان شاء الله الفستان يوصل بعد 10 ايام وراح يعجبك
    سلطان بغزل / مادام انتي اللي اخترتيه اكيد بيعجبني ومسك يدها وقبلها
    بتال وسعود وسامر سحبوا نفسهم وقاموا قبل الفشيله
    ــــــــــــــــــــــــــــــــــــــــــــــــ
    غرام راحت تركض جهة بيت عمها خالد ومعاها هدية لشوجي
    غرام وكأنها تغني / شششششششششششوووووووووجييييييي
    عناد نازل مع الدرج لبس جينز وتيشيرت .. عناد سد اذونه بيدينه من قوة الصوت .. ولما شافها عصب / هييه انتي ماتعرفين الادب ماتربيتي
    غرام / اوووووووووه انا رايقه ومالي خلق اسمع عقدك شششششششششششششوووووجييييي
    شجون نازله بسرعه ومانتبهت لعناد / غغغغغغغغغغررررررررررراممممي
    وراحت تبوسها وتضمها وانفتح وجهه غرام لشدة ضمت شجون وعناد شاف وجهها وعصب
    عناد صد / تغطي ياللي ماتستحين صدق قلة ادب وما تربيتي
    عناد من كثر مايعيد هذا الكلمه جرحت قلب غرام وعزت نفسها
    غرام بحده / انا متربيه امي وابوي ربوني احسن تربيه واحترم نفسك مو كل شوي ماتربيتي ماتربيتي
    في هذي الحظة دخل ابوعناد ولمن شاف غرام ابتسم / هلا غرامي كيفك حبيبتي
    غرام خانقتها العبرة / هلا عمي وقبلت راسه ويده
    ابو عناد / كيف لبنان واجواها وان شاء الله مرام وسمر خلصوا جهازهم
    غرام مي قادره تستحمل / الحمدلله ... عن اذنك عمي .. وقبل ما يرد عطت الهدية شجون وطلعت بسرعة
    ابو عناد / ويش فيها غرام ليه طلعت بهذي الطريق
    عناد لسه معصب / لانها قليلة ادب وما تربت >> بعد ما تاب
    ابوعناد التفت على عناد بعصبيه / عنااااااااااد ويش ذا الكلام
    عناد / وهذي الحقيقه يبه ها البنت ما تربت اهلها ما عرفوا يربونها و....
    طررررررررررررررررررررررررررااااااااااااااااخ
    عناد حس بالحراره على خده وحط يده على خده وهو منصدم
    ابوعناد / والله انا اللي ماعرفت اربيك غرام تاج راسك
    والله ياعناد ان سمعت انك مضايقها مايصير لخاطرك طيب
    وتركه ابوه وهو واقف منصدم وشجون راحت تجري بعد ماشافت ابوها معصب
    بدر صادف شجون بصاله اللي فوق ووجها متغير لونه
    بدر بخوف / خير ويش فيه؟
    شجون بارتباك / ابوي ضرب عناد كف علشان زعل غرام
    بدر متفاجأ / تقولينه صدق والا تمزحين
    شجون / والله صدق وعناد عصب حيل
    بدر / الله يستر الليلة بتولع الاستراحة من عصبية عناد
    ــــــــــــــــــــــــــــــــــــــــــــــــــ ـــــــــــــ
    في المطار بالرياض كان باستقباله راكان وزياد واستقبلوه احلا استقبال
    رعد / كيفها احوالكم ان شاء الله بخير
    راكان/ الحمد لله تمام وانت
    رعد / الحمدلله على كل حال
    راكان ورعد كانوا بسيارة وحده لكزس 2012 لراكان وزياد معاه الارمادا تبع ابوه وفيها
    ابو راكان وام راكان و شريفة و خديجة ومها وحنان وساره ومنار
    ابونايف ما قدر يروح قال انه تعبان وما يقدر يروح وخلود تعبت نفسيتها واما العنود ..


    قبل يومين
    العنود بغموض / وليه ما اروح
    شريفه بحدة/ كذا انا امرت انك ما تروحين والا عاجبك الهرج يوم انهم يقولون يبون يزوجونك لاحد من عيالهم لا يا حلوه العبي غيرها انتي لولدي عبدالله وبس
    ساره / بس حرام العنود ماعمرها حضرت عرس خليها تروح
    شريفة / اذا موعاجبك انتي بعد لا تروحين
    ساره شهقت / لالا انا ابي اروح خلاص ما اتكلم
    منار / ليه ماتروح خليها تتونس
    شريفة بحده/ اقول مناروه موانك بتروحين جده خلاص مالي سلطة عليك والله والله يامناروه لو احطك براسي تعرفين ويش اسوي
    العنود تركتهم وراح لغرفتها وساره ومنار كانوا بيلحقونها ووقفتهم شريفه
    شريفة / هيه انتي وياها تعالوا هنيه ابيكم
    ساره ومنار جلسوا وهم مرعوبين من شريفة
    شريفه / سمعي يا منار ان رحتي لشرقيه اياني وياك تتلاطفين معاهم ابي السانك على الجنب الحد ادري عنك لسانك موس لعصبتي واسمك العنود مو منار وانتي ياسوير ياويلك ان طاح لسانك على السانهم اقصه لك
    منار / وليه هم ما يعرفوني ؟
    شريفة/ لا ما يعرفون ان عند شمه بنت وهي بنت سطام بالرضاعة .. لمن تروحين لهم يكون اسمك العنود لانكم تتشابهون وهم شافوا العنود مره وحده وراح يفكرون انها انتي
    منار منصدمه من تفكيرها / يعني تبيني اكرههم في العنود
    شريفه بابتسامة خبث/ اييييييييه عفيه على الشاطرة وان سويت اللي قلت لك عليه تروحين جده وانتي سالمه
    "ساره ساكته مرعوبة ومنار كذلك "... ام عبدالله ../. ها فاهمين
    ساره ومنار هزوا راسهم بالايجاب وصعدوا لجناحهم


    تتذكر العنود وكلامها وايش وصتها ماخافت على نفسها كثر ماخافت على خواتها

    العنود / لاتفكرين فيني انت طلعي من هالبيت واكيد انا راح اطلع مادام الله معاي ما راح تقدر تسوي لي شيء
    منار بصدمة / تبيني اشوهه صورتك عند اهلك؟
    العنود تبتسم لتطمئنها/ ماعليك مني واهلي انتم اما هم مايهموني الا اذا جاء الوقت راح يعرفوني زين بس المهم انتي خلصي عمرك وروحي لعمامك قبل ما تسوي لك شيء
    منار / بس يالعنود....
    تقاطعها العنود / لابس ولا شي ...

    قطع عليها تفكيرها صوت ساره بهمس / في ايش تفكرين؟
    منار بهمس/ في العنود .... وسكتوا منار وساره وتفكيرهم بالعنود
    ــــــــــــــــــــــــــــــــ
    نايف رفض يروح الزوج والعنود بالرياض
    نايف / لاتخرجين من غرفتك ابد وانا راح اكون ملازم لعبدالله
    العنود بتنبيه / انتبه منه هو وامه مخططين عليك بشيء ما ادري ايش
    نايف يفرك راسة يحس بصداع بيفجر راسه / لا تخافين علية انا... منتبه زين لنفسي ... اهم شي انتبهي للجوال واي شيء يصير ارسليه رساله وانا راح اكون باسرع مايمكن عندك
    العنود / ان شاء الله انتبه على نفسك وهذا ترمس الشاهي اللي تبيها تبي شيء ثاني
    نايف / لا سلامتك
    اخذ نايف ترمس الشاهي ومشي بعد ما طلعت اخته للجناحها وتأكد من تقفيل الباب عليها
     
  6. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    بعد العصر الساعة 5:00م ابو سطام وام سطام كانوا جالسين بالحديقة الجوا لطيف جالسين بالمكان المعتاد تحت المظلية يحبون يجلسون تحتها صباح ومساء سمر جاءتهم
    سمر / مساكم الله بالخير... وقبلت راس جدها وجدتها
    ابو سطام وام سطام / مساك ربي رضاء ورحمه
    ام سطام / هلا يمه هلا
    سمر تمسك دلة القهوة وتصب لجدها وجدتها / اشلونك يبه
    ابو سطام بابتسامه / بخير يا روح ابوك انتي ويشلونك وين غرامي وشجوني خاطري اضحك معاهم شوي
    سمر بابتسامه دائما جدها يقول كذا ولا جوا عنده يقول صدعتوا براسي ويطردهم / الحين جايين يبه .. ويشلونك يمه
    ام سطام بعتب / بخير.. زين انك سالتي والا يوم تشوفين ابوك سعود تنسين امك
    سمر تقوم وتجلس عند جدتها وتضمها وتبوسها على خدها / فديته اللي يغار انا
    سمعوا صوت سيارة والتفتوا وشافوها راكان ومعاه احد سمر على طول غطت وجهها
    ما كانوا يعرفون ان رعد يوصل اليوم نزل رعد من السيارة وابتسامة صفراء على وجهة من لمن دخل الخبر وهو يتذكر كل الذكريات اللي صارت معاه ومع عبير
    ام سطام بعبرة/هذا مو ولدي رعد
    ابو سطام بفرحة / الا هو هو رعد ياهلا ياهلا
    ووقف لكن رعد مشي بخطوات سريعة وضم ابوة وقبل راسة ويده والتفت على امه اللي ما قدرت تمسك دموعها
    وقعدت تبكي جلس وضمها على صدرة وقبل راسها ويدينها وخدودها ومسح دموعها بيدينه
    رعد بصوت مخنوق / دموعك غالية يا الغاليه
    ام سطام بحزن وهي ماسكة يدينه / يوجعني حالك يمه لاعاد تتركني يا امك والله اني كل ليلة امسي واقول ياربي بكرة اصحى واشوف رعدي والا تاخذ امانتك وعيني متعطشة لشوفتك
    رعد يقبل يدين امه / بعد عمر طويل يمه ليه هالحكي الحين يا الغاليه
    راكان بيضيع الموضوع ويغير الجو / احم احم تراني انا بعد جاي من خط سفر يعني محد بيرحب فيني ويسلم علي .. ويطالع لجهة سمر ويبتسم
    ابوسطام يضربه بعصاته / اهاا اسري تتبوسم لبنتي قدامي ياللي ماتستحي ... يضربه بعصاته على كتفة وراكان يضحك
    راكان وهو يضحك / هههههه يبه الله يهديك مرتي وشلون ماتبني ابتسم لشوفتها
    ابو سطام / للحين ماصارت مرتك لصارت تبوسم يالله الخلا
    راكان بابتسامه / ويشلون الخلا وانا ما سلمت على القمر >> يقصد سمر بس هو توجه على جدته وباس راسها ويدها
    رعد بغمزه وبنبرة مداعبه / القمر .. القمر هنا خليني انا اسلم عليها
    سمر حمر وجهها وصارت تتصبب عرق من الخجل كرهة الساعة اللي نزلت فيها
    رعد ضمها وباس يدها يعاند راكان ووقف جنبها وهو ضامها ويسالها وهو مبتسم ... رعد / ويشلونك حبيبتي وايش اخبارك
    سمر بصوت مخنوق يالله ينسمع / الحمد لله بخير
    راكان حاسد رعد ووده يذبحه وهو كل مارفع راسه تجيه ضربه من جده على راسة يخليه ينزل نظرة للأرض كره .. الموضوع عادي عند جده بس حب يحارش راكان ويعانده
    سمعوا صوت صراخ وضحك .. سمر عرفتهم وابتسمت ... رعد رافع حاجب / ويش فيهم ؟
    راكان بابتسامه / مهابيل العائلة بنات اخواتك .. ليت عناد فيه
    سمر ابتسمت لابتسامته ونزلت راسها
    شجون وغرام مانتبهوا لراكان ورعد / انااااا الفايززززززززززة
    غرام / ههههههههههههييييه انا الاولى
    شجون / هاا هاا اهااي ضحكتيني لا ياحلوة العبي غيرها انا الاولى
    رعد بابتسامه لها الثنائي ما يكبرون ابد لسه فيهم الطفوله / انتم الاثنين وصلت سوا
    التفتت شجون وغرام لمصدر الصوت وصرخوا مع بعض / لالالالالالالالالا رعاديييييي
    الكل سد أذانه من قوة الصرخة ,, ابو سطام / وجع يالمخابيل فقعتوا اذوني
    شجون تضم رعد وغرام تسحبها وتضمه ورعد يضحك على خبالهم
    راكان بلعانه / هلا هلا عناد حياك
    شجون انتفضت من ذكر اسم عناد وبعدت عن رعد والتفت يمين ويسار / وينه عناد
    غرام تكلم شجون / وخير ياطير عناد ويش بيسوي يعني ... والتفت على راكان ... وانت تسوي نفسك خفيف دم .. مع نفسك
    رعد اطلق ضحكة / هههههههههههههههههههههههههه حلووه مع نفسك من وين جايبتها
    غرام بابتسامه / راحت ايامك ياخالي العزيز الحين طلعت كلمات لازم تلتزم بها والا تكون جاهل يبيلها قعده وان اعلمك كم رعادي عندنا ... ضمة رعد وبصوت عالي ... اشـــتـــقــــتـاااااااااااالـك
    عناد داخل بها الوقت / السلام عليكم
    الكل/ وعليكم السلام
    ابوسطام / الطيب عند ذكرة
    عناد ابتسم ... وهو مر من جنب غرام وسمعها وهي تهمس / قصدة جبن سيرت القط جانا ينط ...
    ابتسم وراح جهة جده وجدته وباس راسهم ويدينهم وسلم على راكان وضم رعد بشوق / الحمدلله على السلامة وانا اشوف الخبر زايد نورها
    رعد بابتسامه / الخبر منوره باهلها
    البنات قرروا يطلعون لجناح سمر ... غرام تهمس لسمر/ خلينا شوي
    سمر بهمس / معاد فيني راكان اكلني بنظراته فشيلة
    شجون بخوف / وانا عناد بيذبحني
    غرام بطفش / ماشي خلينا نستأذن بس
    ابو سطام التفت لجهة البنات وسمع همسهم... ابو سطام / ويش عندكم يا بنات
    غرام بلقافة/سمر وشجون بيطلعون وانا مابي
    ابو سطام يكلم سمر وشجون / ليه تبون تتركون وانا ابوك ... اجلسوا الله يصلحكم ما فيه احد غريب
    سمر وشجون سكتوا .. غرام بلقافة / نبي نجلس ياجدي بس بشرط راكان يصد يمين حتى ترتاح سمر .." يصبحون البنات على يساره وبينهم الجد والجدة ورعد وما يقدر يشوف سمر" .... وعنيد يحلف ما يفتح فمه على شجون ويخانقها
    عناد عصب بس مابين عصبيته وزاد كرهة لغرام وراكان تمنى يصفق غرام كف حتى يسكتها انقهر منها
    رعد بابتسامه / وانتي
    غرام بابتسامه اكبر ومو مبينه غير عيونها من وراء الملثم / انا حوووووووووررررره معالي باحد دام ما اسوي غلط
    ابو سطام ينقل نظراته مابين عناد وغرام ويضحك وبنفسة " الله يرحمك ياخوي لو انك حي كان الحين مزوج غرام وعناد " وبصوت هادي / اجلسوا اجلسوا ماحد بيحاكيكم .. وبحزم .. راكان صدد صدد "راكان صد عنهم" انت يا عناد والله ان سمعت انك قايلن شي لشيخة كسرت عصاتي على ظهرك
    شجون / جدي اسمي شجووون مو شيخة
    ابو سطام / اهاا شيخـ.. شجون شجون ياهالاسم الماسخ
    غرام باستغلال / يا جدي هو دائما يخانقها ويضربها بعد وهي مسكينه ما تتكلم ولا يخليها تنام عندي او عند سمر او ببيت عمي راشد يقول عيب وما يصير حتى اخواني وعيال عمي كلهم مايخلونا بس عيب عيب
    عناد طالعها بصدمه ورعد وراكان ماسكين نفسهم من الضحك وشجون تدعي بداخلها على غرام
    شجون " جعلك الماحي ياغريم .. جعل ربي يمغصك .. اليوم بيذبحني عنيد الله يرحمني خليني اقراء على نفسي وقعدت تقراء الفاتحة والمعوذات وبعض الآيات اللي حافظتهم"
    ابو سطام لعناد بحد / عنيد لابركتن في عدوينك ليه تضرب اختك
    ام سطام بعتب / افاااا ياعناد وانا اقول انك رجال .. افااا ياعنادي طحت من عيني
    عناد بفزع / والله يايمه ماقط رفعت يدي عليها
    ابو سطام / وليه ماتخليها تنام عند خواتها ويش فيها بيوتنا بيتها مافيه احد غريب واعيال عمك هالاخبول مثلك
    عناد / بس يبه ا..
    قطع كلامه ابو سطام / لابس ولا شي ... التفت للبنات .. الليله كل البنات ينامون عندي .. وسوا كل اللي بخاطركم ولا احدا يقدر يقل لكم شيء
    غرام بابتسامت نصر / ربي يخليك لنا ياتاج راسي.. وتقوم تبوس راس جدها ... وتكمل .. ياجدي هم كل ليله يسهرون ويتجمعون باستراحة خاصة فيهم واحنا لا .. يحسرة علينا ماعندنا مكان خاص فينا
    ام سطام بستغراب / هاااا ويش ذا الخاص
    غرام / يعني يايمه مكان فيه تلفزيون وبلاي ستيشن وكل انواع الترفية والتسلية ويكون مايزعج احد ويكون لنا لوحدنا
    ام سطام / ما ادري عن خرابيطكم ذي معرفها بصركم
    ابوسطام لام سطام/ هههه خليهم عليه انا افهمهم .. التفت لغرام .. ووين هذا المكان اللي تبون فيه استراحتكم علشان نسويه لكم
    غرام بعدم فهم / كيف يعني
    ابو سطام بابتسامه / يعني انا ابي اسويلكم استراحة خاصه فيكم تتونسون فيها
    غرام مي مصدقة /احلللللللف ونااااااااسه
    ابو سطام /ويش احلف بدون حلفان وانا ابوك امري وين خاطرك نسويه ونسويه لكم
    غرام على طول اشرت على جهة الملحق لان من زمان خاطرها تخلية استراحة لهم / هناااك
    ابو سطام والكل معاه التفتوا على الجهة اللي اشرت عليها .. ابو سطام بعد صمت لثواني / تم
    عناد وراكان ورعد متفاجئين من ابو سطام وكيف اقتنع بسهوله لطلب غرام
    غرام وسمر وشجون صرخوا وضموا جدهم وجدهم يضحك عليهم
    سمعوا صوت احد يصارخ ويهاوش التفتوا وشافوهم العنود ومياسة والهنوف
    العنود والهنوف / انا الاولى
    العنود / انا الكبيره وانا الاولى
    الهنوف / ههههية انا اللي فايزة مو انتي
    مياسة تتنفس بسرعة / ويه انقطع نفسي تعبت
    رعد بمرح / الكبر شين
    الكل / هههههههههههههههههههههههههههههههههههه ماعدا عناد اللي الدخان طلع من راسه
    التفتوا العنود والهنوف ومياسة لصوت وشافوا رعد
    مياسة بصوت باكي / رعادددي حبيب قلبي ... وراحت بسرعة له وضمته
    العنود تبعدها / مو بالحالك اللي مشتاقه له
    الهنوف / ايه وبعدين ما يصير حنا خواته الكبار
    راكان يهمس لعناد / اذا كذا الكبار فلا عتب على الصغار ... هذي الكلمة كسرت ظهر عناد وماعاد يستحمل
    عناد بغضب وعصبية ترك المكان وراح بدون ما يستأذن
    ام سطام / عناد وين راح
    غرام / يمه مايقدر يمسك لسانه اكثر وهج قبل لايخربها
    ابو سطام ساكت وفي راسة تدور افكار كثيره وراكان ماسك ضحكته على شكل عناد
    مياسة لرعد/ رعدي اشتقت لك يانظر عيني
    رعد يقبل راسه / وانا يا الغالية اشتقت لكم جميع
    الهنوف / اجل ماعد به سفر وغربة خلاص
    رعد ابتسم ابتسامه باهته / يصير خير
    ابوسطام يناظر رعد بنظرات غريبة وصد بنظره للفراغ يفكر
    باليل الكل مجتمع حتى ابو راكان واللي معاه بمناسبة رجوع رعد
    ابو سطام / ياسطام يابوك لاتروح لفنادق ولا شيء المكان واسع ويشيل وان مشالك المكان تشيلك عيوني
    سطام والتعب باين علية وبصوت واطي ويهتز وكانه خايف او بردان/ اا خاا ف ان ان مااا ماا ييزعلوون
    سلطان فهم قصد اخوه واجرح بقلبه من كلمة " اخاف " / ولا يهمك ياخوي الحين اخلي العنود تكلم ام راكان وتقنعها بالنومه عندنا
    سطام سكت ... وسلطان اتصل على العنود وقالها الموضوع
    عند الحريم والبنات
    العنود/ يا ام راكان ويش رايكم تنامون الليله عندنا المكان كبير والاجنحة كثيره والحمدلله هذا ببيتكم ومكانكم
    ام راكان تناظر اللي حولها ولاتشوف الا الضياع ... ام عبدالله خاطرها تشوف الاجنحة اذا مجالسهم فخمة بهذا الشكل كيف الاجنحة
    ام عبدالله بابتسامة مصلحة / خلاص ننام هينا هي ليلتين ونرجع لرياض ماله داعي مصاريف الفنادق
    العنود والكل مستغرب من رد ام عبدالله بدال ام راكان وناسين سالفة مرضها وماعندهم المعرفة الكاملة باللي يسببه هالمرض << الله يحمينا ويحميكم وكل احبابنا منه
    الكل باستغراب يلتفت لبعض بسبب حالة ام راكان اللي باين عليها التعب
    ام سطام بفرحة / يا هلابكم و يا مرحبا اشيلكم بعيوني اذا ما شالتكم الارض
    ام عبدالله تطالع المجلس اللي جالسين فيه والتقديم وبداخلها " مالنا اسبوعين من جيناهم غيروا اثاث المجلس ول ول ول هذا من زود الفلوس يامال الفقر " ام عبدالله تعتبر من الطبقات الغنية بس الحسد معمي قلبها وقبله الحقد
    البنات يتهامسون بينهم على لبس منار واللي مفكرينها العنود وتفاجوا بلبسها غير عن المره اللي فاتت المره اللي قبل كانت متستره بالبس والعباه ام الحين مختلفة اختلاف كلي حتى بقصت الشعر ولونها " منار لابسة بنطلون ابيض لحد الركبه ولافه شريطة ذهبية على ساق وحدة ورابطتها فلونكه بدايتها والبلوزه ذهبي ملكي لف على الرقبة والظهر نصفة كاشف ومكياجها ثقيل شوي
    حاولوا البنات ينادونها بس هي مطنشتهم وتلعب بجوالة "جالكسي نوت" وساره تناظر لخالتها وتهديدها وما قدرت تتحرك

    ضيفوا العشاء بدري لان رعد تعبان من السفر وابو راكان واولاده فقرروا ينتهي العشاء بدري

    البنات بالجناح اللي جهزوه لهم الخدم بقصر جدهم سهرانين
    نوال / بنات ملاحظتوا فالعنود شيء غريب
    رنيم ونظرها بالبلاك / كل عائلة سطام غريبه الله يعين سمر عليها
    غرام برفعة حاجب / مع نفسهم ويش دخل سمر فيهم
    ريما / ايش اللي ويش دخلها فيهم هم اهل زوجها .. وبعدين تعالي هينا وش هذا الكلمة اللي طالعة بها مع نفسك مع نفسك
    غرام / تصدقين على كثر ما استخف بذا الكلمات اللي تطلع ومالها معنا زي خققققق و يب ومدري ويش الا اني استخفيتها على لسان احاول اني اتركها والا الاقي نفسي قايلتها
    ابرار / مو من عوايدك ياغرام تقولين كلام مو موزون او ماله معنا انتبهي لنفسك يابنت
    غرام / خلاص ان شاء الله على امركم يا ابلات
    نوال بتافف / اوووووووووف منكم انا اتكلم معاكم بشي وهم يتكلمون بشي ثاني
    مرام / بنات ظنكم راح اطلع حلوه بليلة عرسي
    البنات التفتوا عليها وشافوها سرحانه وتفكر فكل وحده كتمت ضحكتها وغطت عمره بالفرشة ونامت
    ــــــــــــــــــــــــــــــــــــــــــــــــــ ـــــــــــــــــــــــ
    بعد يومين
    يوم زواج " طلال " & " مرام "
    الكل كان مشغول بتجهيز لزواج ... العنود ام سند رايحة جاية .. متوترة .. هذي ام العروس مشغولة فاضية ماتدري ايش تساوي بس رايحه جاية
    ام سند / غرام ياغرررررررررررام
    غرام / لبيه يمه
    ام سند / اتصلتي تأكدين حجز الصالون مانبي مشاكل
    غرام بعتب/ يمه هدي عمرك ... تأكدت من الصالون ومن المصورة ومن مسكت الورد وكللللللللل الحجوزات تطمني يمه
    ام سند / متوتره ياغرام هذي اول عروس من بناتنا قلبي يدق دق مو طبيعي
    غرام بسخرية على حالها " انا الحين اللي ماخذه دور الام لازم اهدي ام العروس والعروس "
    غرام بابتسامه / هدي يمه ولا تروحين لمرام وانتي بذي الحاله بتزودين توتره فوق التوتر اللي هي فيه لا ويمكن يغمى عليها ....
    ام سند / بسم الله على بنتي الله لايقوله ... يارب تساعدنا وتعدي ها الليلة على خير
    غرام / امين ... يالله يمه رايحين لصالون لانتاخر عليهم .. مع السلامه نشوفك بالقاعة
    ام سند / بحفظ الرحمن
    تركت امها وطلعت لمرام ولبسوا عباياتهم وراحوا الصالون
    ــــــــــــــــــــــــــــــــــــــــــــــــــ ـــــــــــــــــــــــــ
    عند الشباب في الصالون كانوا يستهبلون على طلال ويغنون ويرقصون
    سيف معاه الطبله ويغني كل الاغاني اللي تخطر على باله او احد من الشباب
    و عريسنا يا بدر بادي .. دامت لياليك السرور
    و عريسنا يا عطر زاهي .. غلّب على كل العطور
    بدر وياسر وسامر وصقر / كللللللللللللللللللللللللللللللوووووش
    راكان يغني الزفة الكويتية والشباب معاه
    يامعيريس عين الله تراك ... والقمر والنجوم تمشي وراك
    ويتغنى بالقمر .... والنجوم ترد عليه
    يامعيريس عين الله تراك ... والقمر والنجوم تمشي وراك
    سامر وياسر وبدر وصقر / كللللللللللللللللللووووووووووووووووش
    الكل / ههههههههههههههههههههههههههه
    طلال كانت اكثر نظراته وتركيزه على اخوه سيف وشاف الفرحة الصادقة بعيونه
    خلص حلاقة طلال والتفت على سيف وهو مبتسم لاخوه وعيال عمه وعماته
    سيف بابتسامه وهو يتذكر دعوات ام طلال ويقلدها / ماشاء الله تبارك الرحمن لا اله الا الله .. ربي يحماك من العين .. عين الحسود فيها عود .. وربي يسعدك ويكمل فرحتك ويرزقك بالذريه الصالحة والباره قوووولووووا امين
    الشباب / اميييييييين .....هههههههههههههه
    راكان بصدق ورافع يدية / عقبالي ياااااااااارب
    الشباب /ههههههههههههههههههههه
    طلال يضم اخوه وكانه له سنين ماشافه وهمس / ربي يخليك لي ياعزوتي
    سيف قبل راس اخوه واخذه وراحوا للفندق يجهز نفسه وينزل للقاعة
    ــــــــــــــــــــــــــــــــــــــــــــــــــ ـــــــــــــ
    بالصالون النساء كانوا متقسمين البنات بصالون والحريم بصالون
    صالون البنات مرام كثير متوتره وما اكلت شيء من الصباح
    نوال / مرام ما يصير لازم تاكلين شيء ما تشوفين وجهك رايح اصفر
    مرام / والله ماني مشتهيه وبطني مررره يعورني ماني قادره
    نوال / لازم تجبرين نفسك على الاقل بقطعه من هالمعجنات وشوي من ها العصير حتى لاتدوخين نخاف يغمى عليك .. وبخبث .. والا كلمت طلال ويشوف صرفة معاك
    مرام بخوف لانه عارفه نوال ان قالت كلمه تنفذها / لالالا الا طلال خلاص هاتي الاكل
    جابت نوال المعجنات والعصير واكلت مرام منها وشربت العصير
    وكل ماتقول خلاص نوال تهددها الا ان قضت على المعجنات كلها وشربت العصير
    ــــــــــــــــــــــــــــــــــــــــــــــــــ ـــــــــــــــــــــــــــــــ
    البنات خلصوا من الصالون والكل صار جاهز غرام تكلم مرام
    غرام / السيارة وصلت هذا سند جاي ياخذك راح تروح معاك ريما و رنيم ونوال هم خلاص انتهوا اما انا ما اقدر اروح معاك رايحه اكلم لينا " اللي سوت لها المكياج " ابي اغير لون الروج مو عاجبني
    مرام / وانا كنت ابي اقلك ان لون الروج مو مناسب غيره
    غرام / خلاص اطلعي مع نوال سند برا
    طلعت مرام ونوال ورنيم وريما وركبوا السياره مع سند
    سند ماكان يدري من اللي راح يجي مع مرام
    ركبوا البنات السيارة والقوا السلام
    البنات / السلام عليكم
    سند بهدوئه المعتاد / وعليكم السلام رفع نظره بدون قصد على المراية اللي امامه ووقعت عيونه على عيونها ارتبك وصد وغير اتجه المراية .. كانت قاعده خلفه وعيونها واضحه من شافها تذكر قصيدة خالد الفيصل " البراقع "

    ما هقيت ان البراقع يفتننّي
    لين شفت ظبى النفود مبرقعاتي
    الله أكبر يا عيون ناظرنّي
    فاتناتٍ ناعساتٍ ساحراتي
    في هواهن يا سعد كيف طرحنّي
    راح عمري من مودتهن فواتي
    كان مما صابني ما عالجنيّ
    الوكاد اني خطيرٍ بالمماتي
    يا سعد خبر ظريف الطول عنيّ
    كان وده لي بعمرٍ في الحياتي
    من لحظني بس أهوجس به و اونيّ
    ما تركني هاجسي لو بالصلاة

    ابتسم / اخفف التبريد
    مرام بارتباك / امم لا
    سند بداء يحرك السيارة و بحنيه يمسك يدها / وليش ذي بارده .. وبهمس مسموع .. خليك واثقة من نفسك مثل دايم
    مرام تاخذ نفس وبخاطرها " والله ما انتم مثلنا يالرجال ماتحسون ولا تخافون "
    سند ابتسم وكانه عارف ما يدور بخاطرها / سوي مثل طلال .. سكت لثواني وهو يلتفت للجهة الثانية من الخط ويلف طارت السيارة .. مسوي فيها الثقيل واللي ماهمه شي وهو يرجف
    مرام كانت مركزه معاه وابتسمت لابتسامة اخوها وتخيلت شك طلال ونسيت شوي من ارتباكها
    ريما لنوال بهمس / ما شاء لله عليه سند ثقيل وراكز وفاهم اخته
    نوال بهمس مماثل / سند احن واحد من شباب العايلة حض اللي تاخذه
    رنيم سمعت كلام نوال وضحكت بداخله بسخرية " والله ما انتي عارفه شيء يا نوال على نياتك كلهم مثل بعض كللللللللللللهم مثل ابوي وجدي كللللللللللللهم عسى ربي يبعدني عنهم "
     
  7. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    9,360
    الإعجابات المتلقاة:
    376
    نقاط الجائزة:
    470
    عند البنات داخل الصالون سمر وغرام وشجون ورنا وريهام وابرار وروان واماني
    ابرار تكلم البنات / بنات من يجي ياخذنا
    سمر / راح اكلم سعود واشوف اذا يقدر يجي يا خذنا
    غرام / خليه يجي بسياره كبيره نرتاح فيها او ثنين يجون ياخذونا
    سمر تهز براسها وراحت تكلم اخوها
    سمر / هلا سعود .. تقدر تجي تاخذنا من الصالون ... ايه جهزنا... بس احنا مجموعة ... ايوة .. طيب ننتظر ... مع السلامه
    راحت جهة البنات وقالت لهم باللي صار ووصلت السياره
    كان عناد بالسيارة جمس 2012 وما احد يدري من اللي يسوقه
    طلعوا البنات لسياره ومن الصدفة غرام وراء عناد
    كانت فاتحه عيونها وبالملثم كانت تلفت النظر كانت تطالع للخط وبالها مشغول باختها
    وقف عناد عند الاشارة ووقفت جنبة سيارة فيها شباب وما انتبهت غرام لهم
    عناد انتبه لنظرات الشباب ورفع نظرة وشاف وحده من البنات فاتحه عيونها وشيايله الغطاء عنها وماكان يعرف من هي
    عناد بحده / اللي وراي غطي عيونك عساك العمى وبلا قلة ادب
    غرام عرفت الصوت و تفأجات رفعت نظرها له وشافته يطالعها طنشته وصدت
    فتحت الاشاره وعناد واقف ما تحرك وكانت أعصابه تغلي ويدينه مشدودة على الدريكسون " اطار السيارة"
    ابرار اللي جالسة جنب عناد شافت العروق بيدين عناد من العصبية واصوات السيارات وراه تطلبه يمشي ويفتح السير
    شجون تطالع غرام وتطالع نظرات عناد اللي لو كانت النظرات تقتل كانت قتلتها
    عناد بغضب ومن بين اسنانه / غطي عيونك والا شفتي شيء ما يسرك
    شجون بخوف وارتباك / غرام الله يخليك غطي عيونك وخلينا نوصل بسلام
    عناد بس سمع اسم غرام زادت عصبية وغضب وغرام علشان البنات ولا هو وقت عناد
    غطت عيونها وعناد ضغط على البنزين وزاد السرعة والبنات ميتين خوف
    لمن وصلو القاعة عناد التفت على الجهة الثانية وقبل ماتنزل غرام وبدون مايرفع نظره لها بهمس /
    رباتك على يدي يا بنت العم وقريب
    غرام خوفها صوت عناد ووترها زيادة بس بسرعة رجعت لها الثقة والقوة /
    ما تقدر تطولني ولا تقدر تمس مني شعرة واعلى ما في خيلك اركبه
    واللي ماتطوله بيدينك طوله برجولك "وبستهزاء " ياولد العم وقفلت باب السيارة بقوة
    خلت البنات ينقزون من الخرعة .. وعناد ابتسم... شجون كانت منتبهه لعناد وغرام بس ما سمعت الحوار اللي دار بينهم
    ودخلوا للقاعه وكل وحده فكرها شغال بشيء
    ــــــــــــــــــــــــــــــــــــــــــــــــــ ـــــــــــــــــ
    في الرياض ....
    كانت بجناحها واقفه امام المكتبة الصغيرة الموجودة .. وتفكر بشريط حياته والاسرار اللي عرفتها صدفه واللي خبرتها بها جدتها ام نايف وكاتمته بصدرها ومحد يدري فيها ولا يعرفها ..
    رجعت ذاكرتها قبل 15 سنه وهي لبسه فستانها الوردي وشريط البيضاء الملفوفة على ضفيرتيها وتطالع ابوها وجدها وأعمامها وهم يودعون اهلها من خلف زجاج السيارة بالمقعد الخلفي
    ابوسطام / انتبه للخط يابوك ولاتسرع والله الله بعمك وعمتك
    سطام بصوته الجهوري والمميز / ابشر يبه .. وبهدوء ... يبه بخطرك شيء عليه
    ابو سطام بحنان / لا يابوك جعلك سالم الا خاطري مسموح وراضي عليك
    سطام بهدوء/ والله يوبه لو مو عمي ابو نايف تعب بعد الخسارة اللي تعرضلها وطلب مساعدتي وان ماعنده الا بنياته وولده نايف لساه صغير ماكان تركتكم يبه
    ابو سطام يهز راسه / ماتقصر وابو نايف رجال كفو ويستاهل من يتعناله روح يبه لهم واذا احتجت لمساعدة لا يردك الا لسانك اطلب وامر يالغالي
    سطام يقبل يد والده وراسه / فمان الله ... ليقترب اعمامها واولادهم ويقبلوا راس والدها .. واخوتها راكان وزياد يقبلون يد وراس جدهما واعمامهما وودعوا اولاد عمهم وركبوا السيارة
    كان عمر راكان 17 سنه وزياد 13 سنه والعنود 7 سنين ونايف 2 وساره لم تبلغ السنه بعد
    التفتت الى اولاد اعمامها وبذات ذلك الفتى الحنون فبتسمت وبان الفراغ الذي تركته اسنانها المقتلعة حديثا وتحركت السيارة الى الرياض لم اعلم ما الذي كان ينتظرنا .... وبعز زحمة الذكريات سمعت طرقات قوية على الباب

    ــــــــــــــــــــــــــــــــــــــــــــــــــ ــــــ

    بالقاعة ليلة الفرح كانت بالغرفة تلبس فستانها والإكسسوار وتتعطر
    تذكرت كلامه وقاعدة تفكر به اول مره ماتعرف ويش يقصد حتى لمن ردت كانت تبي تعصبة بس تفأجات بابتسامته " ويش يقصد بكلامه ... ويش مغزاه ... وليه يبتسم .. اول مره اشوف ابتسامته .. " ابتسمت لمن تذكرت ابتسامته
    سمعت صوت طرقات الباب توجهت ناحيته وفتحتها .. كانت سمر....
    سمر منبهره / ماشاء الله تبارك الله غرامي تهبلين ماشاء الله تحصنتي حبيبتي
    غرام بتنهيده / ايه تحصنت
    سمر استغربت من غرام وباين انه فيها شيء ومزعجها / غرامي فيكي شيء
    غرام / لا لتشغلين نفسك
    سمر بعتب/ علية ياغرام
    غرام تبرر / تدرين اليوم بفارق مرام هذي اول مره
    سمر تضم غرام / ادعي ان الله يوفقها
    غرام حست بالعبرة تخنقها متضايقة كثير بس ماحبت تضايق سمر هزت براسها
    غرام حابه تغير الجوا طالعت سمر بابتسامه / ويش ذا الحلا لو يشوفك راكان الليله يملك وياخذك
    سمر خجلت وحمر وجهها وضربت غرام على كتفها معناته اسكتي وغرام ضحكت عليها
    وطلعت هي وسمر للمعازيم وصادفت البنات واقفين / سلام
    البنات/ وعليكم السلام
    غرام / ليش واقفين هينا فيه شيء
    ريهام / لا بس تونا مخلصين وطالعين من غرفة الملابس
    شجون بابتسامه / غرام انا اذكر ان مرام هيه العروس والله حاسة انك بتنخطبين الليله ويطيح حضنا
    غرام ابتسمت وبمزاح / اصل طول عمري حلوة .. وبعد ماابي اقعد بعد ماتزوجت مرام وهذي سمر لاحقتها ليش اجلس تبيني اعنس يعني لازم اكشخ علشان اعجب الحضور يمكن احد منهم يبي يخطب لاخ لولد شي منا مناك
    شجون / يالخاينه ولية ماقلتي لي عن مخططك كان كشخت اكثر
    غرام / يمديك تكشخين اكثر بزواج سمر بعد اسبوعين
    البنات كانوا ناسين عرس سمر مو متوقعين تروح عنهم بسرعة وراح تبعد عنهم وراح تسكن بالرياض
    رنا / لالالالا لاتقولين نسسسسسسسسسسسيت زواج سمر
    ريهام / اية والله نسينا بسرعة عدت الايام
    المطربة بدت تحيي الحفل ونوال جاها اتصل وراحت تتكلم بالجوال بعيد عن الازعاج كان سيف يبيها تخبر خالته يشوفون البوفيه نوال راحت تكلم خالتها وتركت البنات اللي راح يرقص واللي راح يسلم على بعض صديقاتهم المعزومات واللي كمل سوالف
    ريما / حبيبتي سمر خلصتي جهازك
    سمر / لا لسه رايحة دبي بعد كم يوم وراح اكمل بس حاسة ماراح اقدر لوحدي انا وماما يبلنا مساعده
    شجون بفزعه / افاااااااااا عليك انا ابي اروح معاك واساعدك
    رنيم / على هونك مو بس انتي راح نروح كلنا معاها مو حنا بإجازة وما صيفنا نضربها عصفورين بحجر
    غرام / فكرة حلوة بس كيف راح نقنع اهلنا
    سمر بابتسامة / هذي خلوها علية انا اكلم بابا واخلية يقنع عمامي لاتخافون
    شجون تضم سمر وتبوسها/ وووووووووووااه فديتك
    غرام تبعد شجون عن سمر وبعصبية/يالخبلة كسرتيها والله لو درا عنك راكان كان ذبحك
    سمر خجلت وراحت عنهم والبنات ضحكوا عليها وتوزعوا يشوفون المعازيم ويرحبون بهم و اللي يرقصون
    ـــــــــــــــــــــــــــــــــــــــ
    نوال تكلم خالتها ام طلال عن اتصال سيف
    نوال / يمه مريم ..
    مريم ام طلال التفتت لها/ هلا يمه هلا نوال امر حبيبتي
    نوال بابتسامه / يمه سيف اتصل ويقول شوفوا البوفيه اذا كان ناقصة شيء
    مريم برجاء / يمه نوال حبيبتي روحي انتي شوفيه اذا ناقصة شيء انا تعبت من كثر ماني رايحة جاية والحين اهل الجوهرة واصلين فشلة ما استقبلهم
    نوال / تامرين يمه الحين اشوفه واذا محتاجة شيء لا تقومين اتصلي علية وانا أجيبه لعندك
    مريم بمحبة لها البنت / تسلمين يالغالية وربي يشدك بعافيتك
    نوال راحت لجهة صالة الطعام تبي تشوف البوفيه
    ــــــــــــــــــــــــــــــــــــــــــــــــــ ــــــــ
    كانت تمشي مع البنات وقلبها يدق تذكرت رسالته وابتسمت فتحت جوالها من جديد وقرت رسالة مرة ثانية

    مشتاق لك ونبض قلبي يناديك ..
    والعين ترمش لشوفتك يا غلاها ..
    أسعد الأوقات ساعة ألاقيك ..
    تشفا جروحي بنظرتك يا دواها ..

    سمعت صوت يناديها التفتت لمصدر الصوت وشافتها
    سمر بابتسامه / هلا العنود
    منار بجمود / كيفك
    سمر بابتسامها البريئة/ الحمدلله
    منار / خلصتي جهازك
    سمر بخجل / لسة باقي ا..
    قاطعتها منار وبثقة وغرور / لاتتعبين حالك وتخسرين عمرك وتكثرين جهازك حابه اقولك انك انتي مو مطوله عند راكان اقل من شهر راجعة لاهلك مطلقة
    كملت وبابتسامة استهزاء / ليكون مفكره ان راكان يحبك .."وبملامح حزين".. يا مسكينه تحزنين .."بملامحة ماكره".. راكان مايبي يتزوجك علشان العشق المزعوم .. راكان يبي يتزوجك مصلحة انتي بنت سلطان سعود الفارس اللي اسمه يهز السوق هز اكيد راكان يبي يستغل هذا الشي وخاصه ان سلطان له بنت وحيده ويعزها ويغليها كثير واكيد راكان له من الحب جانب
    سمر مصدومه من الكلام وتدوره براسها مي فاهمة "ليه العنود تقول هالحكي"
    منار خاطرها تقولها لا تصدقين بس الخوف مسيطر عليها التفتت على خالتها وشافت نظرات التهديد وخافت ورعت لها نصايح العنود .. وكملت / راكان يعشق مها وكل الاسبوع عندها ويعرفها من لما كانوا صغار ومخطوبين لبعض بس ينتهي منك راح يطلقك ويرجع لها .. انتي فكري فيها راكان ما يعرف شيء عنك .. وبحزن حقيقي غلب على نبرت صوتها .. ولا شيء .. ليش يحبك ويعرف كل شيء عن مها ويشوفها دائم ..والعبرة خانقتها.. ما سمعتي المثل اللي يقول البعيد عن العين بعيد عن القلب
    منار حطت يدها على كتف سمر وبهمس وهي ترجف / فكري زين بكلامي يا بنت سلطان
    وتركتها وراحت لخالته اللي شافت تأثير كلا منار على سمر
    سمر ما انتبهت لمنار وهي تبعد عنها طالعت لمها وشافت نظرات مها وابتسامتها ابتسامة ثقة وغرور
    تركت الصاله وتوجهت لدورات المياه دخلت وحده منها وقفلت على نفسها وجلست على الكرسي ريهام كانت بجهة المغاسل شافت سمر وراحت وراها ووقف تنتظرها لان حست ان سمر متغير لون وجهها بعد دقائق خافت ريهام على سمر .. سمر ماكانت تبي تبكي حبست عبرتها وخنقتها .. تخاف من البعد .. تخاف تبعد عن حضن ابوها واخوانها مصدر امانها وعزوتها حست الدنيا تلف فيها سمعت صوت ريهام
    ريهام تدق الباب / سمر فيك شيء
    سمر تحاول توقف وتفتح الباب .. بصعوبة وقفت وفتحت الباب.. وبصوت مخنوق يادوب ينسمع / ريهام ساعديني
    ريهام بسرعة وخوف دفعت الباب وعضدت سمر اللي كانت تترنح وجلستها على الكرسي
    ريهام بخوف / سمر انتي تعبانه ... ايش حاسه ... انادي خالتي الجوهره
    سمر باندفاع / لالالا الا امي انا طيبه بس دايخة شوي يمكن لان مااكلت من الصباح والقلون انتفخ .. اكل شوي واشرب مويه واصير زينه
    ريهام بشك / متأكدة
    سمر بملل / ايه متأكدة
    ريهام /طيب قومي معايه للغرفة اللي تجهزنا فيها ترتاحين وتأكلين وبعدين ننزل لصاله تمام
    سمر هزت راسها بالموافقة ..وراحوا جهة الغرفة وريهام جابت اكل وعصير ومويه لسمر واجبرتها تأكل كل الاكل
    ــــــــــــــــــــــــــــــــــــــــــــــــــ ـــــــــــــــــــــــــــــــــ
    كان راجع لصالة الطعام نسى جواله بعد ماكان هو وسيف يتكلمون عن صواني الحلا ويضحكون

    سيف / يا اخي الحريم يقولون لك بالبيت ما ناكل نسوي رجيم حتى لا نتخن وااااي تبي تخرب جسمنا لالالا مستحيل ابطل عن الدايت حقي " كان يقلد صوت انثوي "
    " رجع لنبرة صوته " وشوف الحين صواني هالحلويات وغير اللي يتقدم لهم طول الليل واخر شيء رجيم .. دايت .. ابي اعرف كيف ينحفون وهم يأكلون كل هالانواع واللخبطة ... اقول ايش رايك نرجع بعد ما يتعشون ونشوف ويش مسوين بالصواني .. واتفقوا يرجعون بعد ما ينتهي الحفل

    كانت تفتح الصواني وتشوف الاصناف والترتيبات ومركزه بشغلة

    دخل وشافها واقفه قباله وتفتح الصواني دقات قلبه زادت والاحمر شعل بقلبه لهب وصد بسرعة وطلع وقرر بعد خمس دقايق يدخل ويأخذ جواله
    سمعت صوت التفتت يمين ويسار ما شافت احد وجات بتطلع سمعت صوت رنة جوال راحت جهة الصوت
    وشافت جوال أي فون 4 واسم المتصل عضيدي وصورة لشخص المتصل عرفت من له هالجوال اخذت الجهاز وهي مبتسمه بخبث وطلعت من الصالة
    رجع بعد دقايق وما لقى جواله عصب وتوتر فيه اشياء خاص ومهم ومن الغباء ما قفلة برمز زفر زفرت ضيقة وطلع بسرعة

    ــــــــــــــــــــــــــــــــــــــــــــــــــ ــــــــــــــ

    دخلت الصالة وهي تمشي بثقة ومشيتها الشامخة المعروفة ولو كبرت بالسن مازالت جميله ومشيتها مشيت شموخ
    استقبالاتها الجوهره بابتسامة / هلا يمه هلا يا الغالية
    ام عزام / هلابك يا روحي ..
    تعريف بأم عزام (مزون اخت موضي الصغيرة توفى زوجها من 5 سنين وهي تسكن القصيم اولادها
    الجوهره ام بتال وتم التعريف بها 45سنه والبنت البكر لمزون
    عزام 40 سنه متزوج وعنده اولاد ويشتغل بالسفارة السعودية ببريطانيا
    غيث 35 سنه وسيم ابيض محامي كان فاتح مكتب بالقصيم والان ناوي ينقل للخبر عند اقرباه
    هيفاء 27 سنه دلوعه وناعمة وجميله رافضة الزواج بحجة الدراسة والان مخلصة الدكتورة
    الجوهرة / هلا بأختي هلا
    هيفاء/ هلا بك زود .. الجوهره سلمت على والدتها واختها واخذتهم لخالتها والحريم بالاستقبال المعازيم
    ام سطام بفرح / هلا بريحة اهلي كلهم هلا .. " لموضي 2 اخوات ام عزام وام فهد متوفيه "
    ام عزام تقبل راس اختها الي بمقام والدتها / هلابك يا ريحة احبابي
    وكملت ام عزام تسلم على بنات اختها وزوجات اولادها
    هيفاء تقبل راس خالتها / كيفك يا خاله
    ام سطام بتفحص / هيفاء يا هلا وغلا .. بخير يا الغالية .. انت ويشلونك
    هيفاء بابتسامه / بخير الحمدلله
    العنود بابتسامه / هيفاء ياهلا ياهلا وسلمت عليها
    هيفاء بخجل من ترحيب الكل لها / هلابك زود
    الجوهره تكلم ريما / حبيبتي ريما قولي لسمر جدتها وصلت خلها تسلم عليها وخلي البنات يجون يسلمون بعد
    ام عزام / مبروك يام سطام العرس وربي يتمم لهم على خير
    ام سطام / الله يبارك فيك و عقبال غيث وهيفاء
    ام عزام / امين.. وتلتفت لام طلال مريم .. ويش لونك يام طلال ومبروك ماسويتو
    ام طلال / هلا خالتي بخير الله يبارك فيك و عقبال احبابك ان شاء الله
    ام عزام / كيف حال ابو طلال والعيال
    ام طلال / بخير عساك بخير وانتي بشيرنا عن حالك
    ام عزام / يسرك الحال .. تلتفت على العنود .. كيفك يا ام العروس
    ام سند / بخير يالغالية والله اشتقنالك يا خالة مو ناوين تنقلون يمنا
    ام عزام بابتسامه/ الا ان شاء الله قريب بننتقل ونغثكم
    الجوهره بفرحة / صدق يمه
    ام عزام / ايه ان شاء الله اخوك قال مالنا احد بالقصيم وشهو نقعد لها خلينا نروح الخبر وبينقل مكتبة للخبر
    ام سطام / وهذي الساعة المباركة ساعة جيرتك يا خيتي
    ام عناد بتلميح ونغزات / ما شاء الله ياخاله هيفاء محلوة زيادة زين انها جات معك
    ام عزام / اية تقول مشتاقة لخالتها واختها وعيال اختها
    ام صقر فهمت على ام عناد / مادام انها حابه خالتها وتشتاق لها ان شاء الله معاد هي بباعده عنها
    ام عزام مافهمت المقصد والجوهره عقدت حواجبها وقعدت تطالع لهيفاء فتره وبعدين ابتسمت بفرح
    سمر جات تركض من لمن سمعت ان جدتها جات تركت الرقص والبنات وجات مشتاقة لجدتها
    سمر تضم جدتها وبصوت باكي / ديده وحشتيني وحشتيني موووووت
    ام عزام تضمها / وانا اكثر يانظر ديده.. تمسح على شعر سمر وتبوسها..
    سمر انتبهت لهيفاء / خالتو هيفاء اشتقتلك وراحت تضمها
    ام عزام انتبهت للبنات اللي وراء سمر / ويش هالحلا ويش هالحلا يا ماشاء الله يا ماشاء لله كل وحده تسلم علية وتقلي اسمها واسم امها كود اني اخطب وحده لولدي غيث
    البنات استحوا ماعدا غرام وشجون اللي تضاربوا حتى يسلمون على ام عزام
    غرام / انا غرام بنت العنود يمه وصديقة سمر وسمر مررررررره تحبني اخطبيني انا
    شجون تدفها / لا خالتي اخطبيني انا احلا ومربربه اخطبيني انا شجون بنت الهنوف
    ام عزام تضحك على هبالهم / والله اني اشوف العنود والهنوف بصباهم
    العنود بفزع / اففاااا ياخاله يعني انا عجزت لا والله اني كبر هالغرام اللي قبالك
    ام عزام بضحكة راكزه / هههه والله ان هالغرام نسختك يالعنود ... تلتفت للبنت اللي شدت انتباهها اكثر...وانتم بنات من؟
    ريما تقدمة لها وقبلت راسها ويدها وبخجل / انا ريما بنت مياسة
    ام عزام اطلقت ضحكة /ههههههههههه وهذا انتاج مياسة يشبه لها العقل والخجل يا ماشاء لله يا ماشاء لله
    ريهام تقدمة وبعدها ابرار ونوال ورنا ورنيم وروان ولمن وصلت لاماني
    اماني بابتسامة عبط / وانا اماني ماني بنت العنود ولا بنت مياسه ولا الهنوف
    ام عزام بضحكة / اجل من بنته
    اماني / بنت الجازي وابوي عبدالعزيز زوج الثنتين
    ام عزام / ههههههههههههه ياحلوك يا اماني طلعتي بنت عبدالعزيز ههههههه زوج الثنتين
    الكل ضحك على كلام اماني وتعليقها على ابوها زوج الثنتين"
    ــــــــــــــــــــــــــــــــــــــــــــــــــ ــــــــــــــــــــ
    كانت بالغرفة وامها وغرام معاها لبسة فستانها الابيض جالسة متوتره وترجف
    غرام / مرام اقري المعوذات وهدي حالك وهذا لكم فترة مخطوبين وتشوفون بعض وتتكلمون المفروض خاف تواترك ذا
    مرام بتوتر/الحين غير ياغرام غير بطني يمغصني وآآآآآآآآآآييي يمه
    ام سند / صلي على النبي يابنتي واقري المعوذات كذا مايصير
    مرام اخذت نفس وطلعته بهدوا واخذت نفس ثاني وطلعت بهدوا ثواني وسمعت دق على الباب وزاد توترها
    غرام لبست عباتها وتغطت وراحت فتحت الباب وشافتها نوال وهي بعباتها
    نوال / هذا طلال الحين داخل جاهزه العروس
    غرام / ايه لحظة.. غطت وجهة اختها بالطرحة... الحين جاهزه
    دخل طلال لغرفة العروس وشافها واقفه ما شال عينه عنها ودخل معاه ابو سند وسند اللي وجهه محمر من الخجل وفارس وياسر
    طلال قرب جهتها وهي منزله راسة ما شافت غير طرف بشته السكري وجزمته البيضاء... طلال شال الطرحة عن وجهها وباس جبينها وهمس / مبروك
    مرام من الخجل صوتها اختفاء وبهمس ما ينسمع / الله يبارك فيك
    قرب منها ابو سند وباس جبينها / مبروك يا روح ابوك ربي يتمم لك على خير وصاتي لك يا بنتي صوني بيتك وحفظيه
    سند قرب منها وباس جبينه / ربي يوفقك ويسعدك
    فارس حضنها وباس خدها / راح اشتاق لسهر معاك اذا ضاق خلقي واشتقت لك راح اجيك لو بنص الليل واسهر عندك
    مرام خنقتها العبرة ونزلت دمعة .. غرام اللي واقفه بجهه الثانية من اختها شافت عيون اختها تنذز بهطول الدموع .. وبشهقة / فويرس لا تبكيها يخرب مكياجها
    ياسر يدف فارس / معاليك منه مصدق انه يقدر يقرب من جهة بيت عمي عبدالعزيز والله يذبحك طليل ما شفت عيونه كيف طاره وانت تحضنها .. بعد كذا يالله >> دز فارس على جنب >> شوف كيف تسلم على العرايس >> ياسر باس جبينها .. مبروك ياختي ... باس خدها ... راح اشتاقلك... باس خدها الثاني .. واشتاق لنصايحك .. باس يدينها .. وراح اشتاق لكيك اللي تسوينه
    طلال لا شعوريا بعد ياسر عن مرام / ههههههيييييه معاد بقيت لي شي
    مرام حمر وجهها و تيبست مكانها وطلال حمر من الاحراج والباقي يضحك عليهم
    دخل ابو سطام وسطام وسلطان وعبدالعزيز ورعد وراشد وخالد بعد ما خرجت العنود
    ابو سطام / مبروك يا عيال وربي يسعدكم ان شاء الله طلع ظرف واعطاه لطلال وطلع علبة سوداء مخملية وفتحها طقم ذهب مرصع بالألماس هذي هديتي لكم
    طلال يقبل يد وراس جده / ربي يطولنا بعمرك
    مرام تقبل يد جدها / الله يبارك فيك ويخليك لنا
    وتقدم عمامها وخوالها وكلن معاه هدايته وطلعوا بعدها ورفضوا التصوير وبقي رعد مع طلال ومرام يبي يتصور معاهم

    رعد كان طول الوقت ساكت تذكر ليلة عرسة هو وعبير تذكر كيف كان جرئي وهي خجلانه كثير تذكر نعومته كانت راح تخونه الدمعة بس حاول ما ينتبه علية احد ويصد عن الوجيه وكانه مشغول بجواله الا ان بدات المصورة التصوير

    وبعد التصوير طلع رعد وكملت المصورة باقي الصور مع مرام وطلال اللي كانت جريئة وطلال مبسوط ومرام تلعن المصورة داخلها

    بعد ماخلصوا تصوير جاتهم نوال / الحين نبي نزفكم جاهزين
    مرام عطشانه بس خجلانه انها تطلب قدام طلال .. طلال / نوال ممكن تجيبي لي مويه عطشان
    نوال / تامر من عيوني وراحت تجيب مويه
    طلال التفت على مرام وبهمس وابتسامة خبيثه على فمه/ عطشانه
    مرام بابتسامه خجولة وعفوية / ايه ويشلون عرفت
    طلال اطلق ضحكة / ههههههههههههه لان حالي من حالك انا عطشان وانتي الماي اللي يرويني وقرب منها .. بس نوال فتحت الباب بسرعة وخجلت من اللي شافته ..
    نوال بخجل وارتباك/ الـ..مويــ..ـه جبتها
    طلال ابتسم واخذ الكاسة وقربها من مرام .. اخذت الكاسه وشربت منها شوي واكتفت .. وطلال اخذ الكاسه وشرب من نفس المكان نوال انحرجت وطلعت ومرام عصبت من حركاته اللي فضحتها قبال الكل

    ام سند وام طلال دخلوا عليهم / يالله حبايبي .. ام طلال تقدمة من طلال وهو توجهه لها بخطوات سريعة وضمها لصدره وباس راسها ويدينها... ام طلال / مبروك ياوليدي وجعل ربي يرزقك بالذرية الصالحة
    طلال / امين الله يبارك فيك ويخليك لي يالغاليه
    ام طلال / يالله يمه يالله نزفك انت وعروسك وبعدين تتسهلون
    طلال مسك يد مرام اللي كانت مثل قطعة الجليد ومشي معاها
     

الاعضاء الذين يشاهدون محتوى الموضوع(عضو: 0, زائر: 3)