{ صـهـيـل الـقـوافـي }

الموضوع في 'مدونات الاعضاء' بواسطة ! بعيد الهقاوي !, بتاريخ ‏14 مايو 2017.

  1. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    مجاراة بيني وبين اخونا الشاعر السمو الله يذكره بالخير
    حينما كنت اكتب بمعرفي احساس


    قصيدة السمو

    4565.
    احساس اشوفك تطلب الحرب من عام
    تـدق طبلـك؛؛ يـاعـــــــدوي عـليـــــــا
    .
    مـاتـدري اني منـــك يالشيـن منضام
    لانـــك علي دايـم كـثيــــــر الخطيـا
    .
    مـن كثر كرهي لك اشوفك بالاحلام
    شكلك يطـري لي سـكيــــــنه وريـا
    .
    يالشيعي اللي تاركــن دين الاسلام
    تـعـال يالـمــــــــرجوج عندي هنيا
    .
    انـت واسير الشـعر ينبوع الاجرام
    يـاويلـكــــم لـو تحتضـــنكم يـديــا
    .
    والله لاعبـدكـم عبـادات الاصنـام
    واحــكم عليكـم بالهجـر والجـفيـا
    .
    مـدامـك انت الزير واســير همام
    اليـوم انـا منــــكم تـرانــــي بـريا
    .
    انـا السمو اللي على روسكم حام
    متوسطن بيـن القمر والثــــــريـا
    .
    فارس وامير وعندي الفين خدام
    ولا ارى غـيري من الناس شيـا
    .
    حكمه فهد تجمع على طيب صدام
    كسبتها بالطيـــــــب ماهـو كذايـا
    .
    وختــــــامها ياجعلكم حكم الاعدام
    بـالسم يـاجـــــــعله هنــــيا مـريـا

    4565.

    ردي على قصيدة السمو

    23535.

    ســر يـاقلـم متميـز(ن) بـيـن الاقـلام
    خـلك علـى خـبـري كـريـم(ن) سخيا

    مـن عـادتـك تـخـتال وتـحـطـم ارقـام
    وان عــانـدتـك اقـلام؛؛ تبقـى حـفيـا

    اكـتب لي ابيات(ن) جـزيلات وعظام
    نسجـتـهـا مـن فـكـر يـهـوى الـرقـيـا

    مضمونها واضح على الخاص والعام
    ولا شـك جـوهـرهـا مـا هـو بـالـخـفيـا

    جاني هجاء من شاعر(ن) كان ضرغام
    وقـمـت اتـفـكــر؛؛ فــي هـجـائـه ملـيـا

    يــقـول لـي شيعـي وانـا سـيـد اقـوام
    مـايـدري انـه جـاب شـي(ن) فـريــا

    عـلـى الاقـل الشيعـي انسـان صـوّام
    لـه مـذهـب(ن) حتـى ولـو هـو دنيا

    لـكـن بـلاك اللـي بـلا ديـن واحكـام
    بـيـن البـشـر عـايـش حيـاتـه شقيا

    مـابين خمـر وبين ميسر والازلام
    نـعـوذ بـالله؛؛ مـن حـيـاة الـرديــا

    ذيـاب بـن غانم رقى فوق الاهرام
    ويـقـول انـا علـى الاوادم وصـيـا

    لكن جـاه الصوت من قاصي الشام
    يـقـول لـه؛؛ بـوزيــد لا زال حـيـا

    تـرى الـقـزم مكـانـته بـيـن الاقـزام
    صعب(ن) يطـول طـويق وجبال طيا

    مالـت على تلميذي اللي على الكـام
    يـسهــر ويـتـغـزل؛؛؛ بــذيــا وذيــا

    واذا رقـد يـرقد على صوت مريام
    بـليـة(ن) يـاكـبـرهــا؛؛ مـن بـليــا

    وعـند اخـتباره كل ايـاديـه بـرشام
    امحـق صبي لا قـلت عنـدي صبيا

    يـاماجـد اسند قـومت الحـظ لا قـام
    واسمع كلامـي لأجل تصبح غنيـا

    انا الحكيم اللي على روس الاعلام
    ورثـت مـن لـقـمان ورث(ن) زكـيـا

    انـا النسيـم اللـي تـنفسه الاريـام
    وانـا ربيـع الــورد لا اصبح نديـا

    انـا جـناب الشعـر مـاضي وقـدام
    وانـا الـولي للشعـر اذا لـه ولـيـا

    انـا الفـرح لا داعـب شفاة الايتام
    لاقــال كـل(ن) فـاقــد(ن) والديـاّ

    انا الوصل لا صار به عشق وهيام
    اجـمـع قـلوب اثنيـن كـانـوا نـسيـا

    انـا السحـاب اللي بـه الخير عزّام
    وانـا الرعـد تسمع لـصوتي دويـا

    اذا اعجبـك هالشيء بصّم بالابهام
    وان مـااعجـبك دعيـت دعـوة تقيـا

    عـساك فـي دنيـاك تـغـرق بالآثـام
    وعسـاك لا مـن مـت مثـواك غـيـا

    بـجـاه مـن نـزّل تـبـارك والانعـام
    اللـي وضع من تحت مريـم سريا

    23535.
     
    عنآق ! ،نغم أزرق ،غَـزل ، و 31آخرون معجبون بهذا.
  2. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    666.
    يا موطني اليعربي وان طال هذا الصراع

    بـكـره شعـوبـك تـجـدهـم كلهـم نـازحيـن
    متى جـروحـك تـطيـب وينتهـي الإلتيـاع
    وتـعـود واحــة سـلام ودفء للعـالميـن

    الخير وافـر بجـوفك واغلب اهلك جيـاع
    يامـوطني اليعربي لاشـك ماانت بضنين

    انا ادري انك رهينه عند بعض الرعـاع
    اللـي مـن اسبابهـم تـنـاحـرو المسلميـن

    يـنـفـذون اجــنـدة دولـة بـنُـو قـينُـقـاع
    اللي تـدّور لشـق صفـوفـنا مــن سنيـن

    ياموطني اليعربي خايف يزيد الضياع
    ونـعـود للجهـل ونـداحـم بجـنب ٍ متيـن

    نرجع على جهلنا نعبـد يغوث وسواع
    ونكايـد السذّج اللي يعبـدون الحسيـن

    ضاقت علينا بأراضيك الفجوج الوساع
    وجفت مـدامع عيون الركع الساجديـن

    كـذاب مـن قـال تحـريرك مجـرد متـاع

    وكذاب من يجزم ان النصر بين اصبعين [​IMG]
    666.

    بقلمي

     
    عنآق ! ،نغم أزرق ،غَـزل ، و 26آخرون معجبون بهذا.
  3. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    32155.
    يـارب يـامعبـود تـغـفـر ذنـــوبـي
    وتـجيـرني نـار السعيـر ولـظاهـا

    جـيتـك وانـا العبـد الفقيـر اللعوبي
    اللـي قـضى دنـيـاه يـطـرد وراهـا

    جيتك جزوع وما معي غير ثوبي
    طامع بعفوك يا من ارسلت طاها

    يـارب سـامحنـي ويـسـر دروبـي
    وارفق على روحي ليا جا قضاها
    32155.

    بقلمي
     
    عنآق ! ،نغم أزرق ،غَـزل ، و 28آخرون معجبون بهذا.
  4. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر

    [​IMG]



    [​IMG]

    تـعـالي الله يـجـيـرك شـوفـي اللي حـصـل
    فـي غيـبتـك كل شي(ن)فـي تغـاريـد شاب

    شـاب الـولـه والـحـروف المـفردة والجُمل
    والـشـعـر جـفـت بـحـوره يـا لهـذا المُصاب

    والـورد.. بيـن الـجـداول مـن غيابـك ذبـل
    للـورد كـنـتي. الـعـذاة الطيبّـه. والـشـراب

    مـكـانـتـك فــ الـقـلـوب وفـي سـواد المُـقـل
    مـاغـيـرتهـا السنيـن ومـا حجـبهـا حـجـاب

    مبطين عـن حـرفك اللي مثـل شهـد العسل
    واحساسك وهمسك اللي مثل مزن السحاب

    طّـول غـيـابـك؛؛ ولـكـن مـافـقـدنـا الأمــل
    نـقـول بـكــره تـعـود. ويـنـتهـي هـالـغـيـاب
    [​IMG]

    بقلمي
     
    آخر تعديل: ‏5 مايو 2018
    عنآق ! ،نغم أزرق ،غَـزل ، و 24آخرون معجبون بهذا.
  5. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    مجاراة حصلت بيني وبين الشاعر القدير
    ومهندس القوافي ورفيق دربي خيّال

    وكانت على طريقة الألفيه

    رازي

    الألف اقسم شوفتك تشرح البال
    وشلون وانت الشاعر الجزل خيّال
    اكذب عليك ان قلت ماني بميّال
    لأشعارك اللي عبقها كالرياحين؛

    الباء بحور الشعر عندك سهيله
    تختال في نظم القوافي الجميلة
    شاعر ولد شاعر ومافيك حيله
    تصارع الامواج في بحر قزوين

    التاء تبارك من عطاك الجـزالة
    حـتى غـدا شعـرك مميـز لحالـه
    انا اشهد انه صار شعرك رساله
    يكفيك غنّوه اهـل لندن وبرليـن

    الثـاء ثمينـه مدتـك يـا كحيلان
    لا قفلت في وجه معسور بيبان
    لاهان من رباك ع الطيب لاهان
    ولاهان راسك ياعريب المسمين

    الجيم جمهـورك مـلاييـن وتـزيد
    كوّنت لك شعبية(ن) في تغاريد
    شعبيـة(ن) مانالها حامـد الزيـد
    ولا اعتقد حصّل عليها ابن حثلين

    الحاء حضورك للمواضيع يكمل
    دامك تسمى صاحب القاف الأجمل
    نفخر وتفخر فيك صفحات قوقل
    ياصاحب الوقفات فـ العسر واللين

    الخاء خدمت الشعر واتقنت حبكه
    استـاذ مـايخـفـاك حبكـه وسبكـه
    سـويـت للشعـار يـاخـوك ربـكـه
    وهذي وضعنا تحتها اليوم خطين

    الـدال دايـم نذكـرك وانـت غايـب
    حـبـيـب لازم يذكـروه الحبـايـب
    شرواك بلسم للجروح العطايب
    نبـحث عنه لا تـوهتنا العناويـن

    الـذال ذايـب في بساتينـك الشـوق
    اختارك انت اليوم عن كل مخلوق
    طيفـك سحـابه خلفها رعد وبروق
    أمــر بهـا مـنـزل تبـارك ويـاسيـن

    الـراء رعـاك الله يـاسيـد الجـود
    منك العطايا واجـده مالها حدود
    ماجاك في يوم من الناس منقود
    تنصاك لا اختلت عليها الموازين

    الزاء زهور الارض تختال لأجلك
    تـعـانق حـروفـك وطيـبـك وعـدلك
    مـاحـصّلـت بيـن المخاليـق مـثـلك
    عذب(ن)كما نهر الامازون والسين

    السين سـويت العجب وانت تـدري
    ادمـنت حـرفـك ليـن ذميـت شعـري
    أسـرت يـاخـيّـال قـلبـي وفـكـري
    حتى ولو تكتب من الشعر سطرين

    الشين شوفك ياابن الاجواد منوه
    مادام شعرك صار للناس غنوه
    كل(ن) يقول ابياتك اليوم حلوه
    احلى من الازهار وسط البساتين

    الـصاد صعبه يـابعــد عـيـن مغـليـك
    لو قلت بحروف اللغة اقدر اوفيك
    تعجـز حـروف الضـاد تـوفـي معـاليك
    وتحـصي خصالك يـازعيـم المياميـن

    الضاد ضعت وتهت والرب شاهد
    مابين عذب حروفك اللي توارد
    وان كان ماصدقت يفتيك ماجد
    تراه عندي اقرب من القريبين

    الطاء طبيعي لا رقيت المعالي
    هذا مكانك مايبي له سؤالي
    غالي وتبقى بين الاجواد غالي
    نبراس معروف(ن) بكل الميادين

    الضاء ظميرك مايشيل الضغينه
    يبات راضي والعرب خابرينه
    ياجعلها ياخوك تبطي سنينه
    ويعيش منبع للوفاء شهور وسنين

    العين عادي دامني تحت امرك
    شاعر وتعرف عندي اش كبر قدرك
    ياما صدحت وقلت لله درك
    ياشاعر(ن) تجعل من العيد عيدين

    الغين غالي لو تغربت عنا
    مهما تطوّل غيبتك ياسعدنا
    تبقى وطن مانرخصك ياوطنا
    شاعر شعارك صار نخله وسيفين

    الفاء فطين وكلمتك ترفع الراس
    اقولها صادق وتشهد لك الناس
    وتشهد لك ابياتك على كل قرطاس
    ويشهد على ذلك جميع المعادين

    القاف قلبك كنه البحر الاحمر
    يوسع ملايين(ن) من الناس واكثر
    انا اشهد انك ياابن الاجواد تشكر
    على رحابة صدرك الناصع الزين

    الكاف كفيت بحروفك ووفيت
    وعز الله اني من حلاها تشاويت
    تستاهل البيرق وتستاهل الصيت
    ياشاعر(ن) يخمد لهيب البراكين

    اللام لا هانت حروفك ولاهنت
    ياالقرم خليت العرب تدمن النت
    ما كن به شاعر على النت غير انت
    والمحترف ماهو كما ناس هاوين

    الميم ماتدري عن اللي نكنه
    من الغلا اللي كبر هالكون اظنه
    ياهيه يااللي قربك اليوم جنه
    ارفق على هالمعجبين المساكين

    النون نظمك عادته يسلب ألباب
    مابين شعّار(ن) ونقّاد وكُتاّب
    يلامس الاحساس وينال الاعجاب
    وغيرك ليا منّه كتب عنه مقفين

    الهاء هلالك ماخذ الكون كله
    متميز(ن) مابين كل الأهلّه
    كل القلوب العاشقه ماتمله
    مافيه نقص مكمل للثلاثين

    الواو واضح للعرب كل ماقيل
    خيّال معروف(ن) على صهوة الخيل
    تشهد له القمرا مع الشمس وسهيل
    دندون من روس الرجال الدنادين

    الياء يموت الشوق لو غبت ساعه
    ياشاعر الثقلين راع الرفاعه
    من ماضي الخزرج وأوس وخزاعه
    حبك تربع في قلوب الملايين

    56566164.

    خيّال

    الألف أقدح هاجسي واشعل النار
    وابهّر دلالي بزينات الاشعار
    تروى وتبقى للمخاليق تذكار
    واسوقها لحساس واوّفي الدين


    الباء بهرني شعرك اللي تقوله
    فعل السحاب اللي غزيرن هطوله
    اسقى الاراضي يوم سالت سيوله
    وانبت من الازهار ورد ورياحين

    التاء تاه العقل فيما نظمتة
    شعرك بمفهوم الجزالة وسمتة
    والمركز الاول بنظمك حسمتة
    شاعر وجمهورك عددهم ملايين

    الثاء ثقيل الحمل لو زاد ميله
    تعجز قلوب الناس عنه تشيلة
    إلا الذي شرواك لو يرتكيلة
    ما كَلْ زنده لو غدى الحمل حملين

    الجيم جاك الشعر معلن خضوعه
    يامن سقيت من العذوبة فروعه
    شعرك لراع الشاذلية قدوعه
    وزنه ذهب معيار واحد وعشرين

    الحاء حبيت ابذل الشكر وافي
    من قلب بالتقدير والود صافي
    واخص به ذيب الرجال السنافي
    احساس يانسل الرجال الميامين

    الخاء خوة نسل الاحرار نوماس
    الخوة اللي دايماً ترفع الراس
    إن قيل منهو قلت ياناس احساس
    فرح الصديق وسقم كبد المعادين

    الدال در الشعر منظوم غالي
    مثل النجوم اللي تزين الليالي
    من ينظمة فالشعر صاحب معالي
    له شعر تزهى من حلاه الدواوين

    الذال ذاع الصيت بالطيب والجود
    ياطيب المجنى وياطيب العود
    كلام حق ولا يبا مني شهود
    واضح وضوح الشمس في داخل العين

    الراء راع الاوله من يطوله
    يشهد له التاريخ عرضه وطوله
    فحل من نسل قوم(ن) زحوله
    قليل هيبتهم تهز السلاطين

    الزاء زان المنتدى في وجودك
    بالمرجلة حددت كامل حدودك
    يوم الادب منهاج لك في ردودك
    عزي لدنيا ما بها منّك اثنين

    السين ساويت النجوم المطله
    في شعرك اللي بالسليقة تهله
    ما كل شاعر قدر شعرك وصله
    اتعبت رواد الشعر فالميادين

    الشين شبت نار في ضو قمرا
    ومسامرت شرواك في ارض قفرا
    تسوالها من النوق مليون حمرا
    يامخاوي اصحابك على العسؤ واللين

    الصاد صغت الشعر مثل السبايك
    يزداد شعرك ذوق من حسن رايك
    يستاهل التثبيت والزود لايك
    ومن النجوم اعطيك خمسه وخمسين

    الضاد ضيا نورك منور تغاريد
    بابياتك اللي ما لحقها مناقيد
    زايد حلاها عن ثمار العناقيد
    مشّكله تفاح مع خوخ مع تين

    الطاء طاولت الجبال المنيفة
    باخلاقك اللي في ادبها مريفة
    نفسك كريمة والطبايع نظيفة
    كسبت باخلاقك قلوب المعادين

    الظاء ظلالك في ذراها تفيا
    منهو تعزوا بك يريد الحميا
    قلبك صخر والوجه طلق المحيا
    من انتخى بك عاش في عز شاهين

    العين عود الطيب فايح بخوره
    ونقدمة لحساس حزة حظوره
    ابيات شعري تحمل اسمه فخوره
    يزداد شعري من وصوفة نياشين

    الغين غاوي شعر من صغر سني
    سبحت في بحوره على كل فني
    لكن عذب انهارك اللي فتني
    اروى الذي وردوا على الشعر ضامين

    الفاء فرح قلبي بمثلك وشرواك
    صحبتك لي نوماس من قبل ماالقاك
    دامه وضح لي مسلك الطيب مبداك
    اسعى لجل صحبتك من ضمن ساعين

    القاف قدرك معتلي من اصولك
    واجمل خصالك زادته مع فعولك
    من طاولك يزري وهو ما يطولك
    ومن نافسوك بطيب لاشك مخطين

    الكاف كان الطيب يصعب صنيعة
    وبعض العرب قلبه ردي ما يطيعة
    انت سلكت الطيب ضلعه وريعة
    واتعبت من بعدك على الدرب ماشين

    اللام لي نظره ولي قلب شاعر
    انك رقيق احساس عذب المشاعر
    تملك قلوب الناس باسلوب ساحر
    والناس تتعب تمتلك ود قلبين

    الميم ما شفته من المدح جاني
    في شعرك اللي به جميل المعاني
    يبقى اثر منقوش وسط الجَنَاني
    ماانساه مادمنا على الارض حيين

    النون نضوي لين تبدي علينا
    تضوي وحنا نورنا ما يبينا
    عزي لحالي يخلف الله علينا
    مثل النجوم ليا بدت شمسك تبين

    الهاء هاك التاج ياحاكم القاف
    من يد شاهد فالسجلات ينظاف
    اشهد بأنك فالشعر كامل اوصاف
    تفوز بالمليون في نظم بيتين

    الواو وين اللي يبا جزل الاشعار
    يكتب في قوقل خمسه احرف بمقدار
    احساس يا سيف(ن) على الشعر بتار
    عذب وجزل مادام للسيف حدين

    الياء ياحظ الشعر يومي وصفتك
    وياحظي قبله لجل انا قد عرفتك
    حتى ولو بالعين ما قد نظرتك
    حنا على وضح النقا دوم صافين

    56566164.




     
  6. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    [​IMG]
    قـولـو لـدنيـا بلا معـنى وتـرف الشمـال
    العيد روّح وانا ادري العيد نوره ونوف

    قـولـو لهـم نــوّرونـا يــا بـنـات الـحـلال
    مبطيـن عنكم وعـن ترويضكم للحروف

    حـروفــكـم عسجـديـه عبـقهـا. لايــزال
    كـأنها عطـر شـرقي مـاركة زيرجـوف

    يازينها من حروف ومفردات(ن) جزال
    تسوى بساتين طنجه دانيـات القطـوف

    ما مثلكم بالحـضور إلاّ السحـاب الثقال
    ومـا مثلكم بالغيـاب إلاّ صليل السيـوف

    جـودو علينا بما يـروي كبـود الرجـال
    ويشبع غرور الغواني ناقشات الكفوف

    خلو جناب الشّعر يقول ي أحمد تعـال
    اقلط على منهل الخفرات نوره ونوف

    [​IMG]
     
  7. رازي

    رازي بـحـر القصيد .. عضو مميز ..

    إنضم إلينا في:
    ‏30 سبتمبر 2015
    المشاركات:
    1,774
    الإعجابات المتلقاة:
    12,657
    نقاط الجائزة:
    320
    الجنس:
    ذكر
    22.


    القمر والليل والجدي وسهيل
    ...............والشروق ونسمة الصبح ونداه

    والورود اللي تمايل بالخميل
    ...............والسحاب الجايد اللي في سماه

    والقصيد الجزل وبحور الخليل
    ..............وابيض القرطاس واقلام ودواة

    كلها تسأل عن انفاس الرحيل
    .....................ميته والاّ على قيد الحياة

    غيبتك ماخلّفت غير العويل
    ...............لين صارت قصة(ن) عند الرواة

    يامنال اطوي حدود المستحيل
    .................وارجعي للمنتدى يكمل حلاه
    40.
     

الاعضاء الذين يشاهدون محتوى الموضوع(عضو: 0, زائر: 0)