رواية بنت في مدرسة عيال اغنياء

الموضوع في 'روايات' بواسطة Shahaad, بتاريخ ‏26 ابريل 2017.

  1. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    8,162
    الإعجابات المتلقاة:
    238
    نقاط الجائزة:
    370
    التقيمات:
    0
    االسلام عليكم ورحمة الله وبركاته
    .
    .
    مئة وخمسه عشر بنت بمدرسه عيال اغنياء
    .
    .

    ما احلل النقل دون ذكر المصدر واسم الكاتبة
    .
    .

    [تــــركــي2]
    .
    .
    اعتذر على الاخطا الاملائيه ×__×
    .
    .
    بعدت عن تركي وضمت باسل الي يكون ابن اختها.

    ابعدت عنه وقربوا الشباب يسلمون عليها ببوسة على الراس.

    بقى انا الي ناظرتني.

    ابتسمت لي وحيتني ب/هلا والله بولدي شخبارك ابوي.

    ابتسمت بخجل وانا اسلم عليها من بعيد.

    الشباب يعرفونها من سنين بس انا.
    انا جديد ولا وامون عليها زي الشباب الي معتبرينها بمقام امهم.

    من ناحيه ثانيه.
    هي ماعرفتني.
    وهذا الي طمني.

    /تفضلوا لصاله الحين يجي خالكم منالك ومناصر قلت لهم انكم بتجون وهم متحمس يشوفنكم.

    الي فهمته ان اسم الاب منالك
    واتوقع اسم اخ تركي مناصر.

    اسماء غريبه بس عجبتني.

    تركي/لا يما بروح اشوفها واسلم عليها واجي.

    باسل/اي خالتي تراث بنشوفها ونجي نقعد معك تركي من وحنا بالطريق مزعجنا يبي يشوفها.

    ام تركي ممازحه بحزن/افا يعني ماجيتي عشاني انا بعد؟.

    تركي وهو يضحك ويضمه/لا يمه شدعوا انا جاي عشانكم كلكم.

    باسل/اي خالتي بعد حنا بنسلم عليها مارح نقدر نروح لها كل شوي.

    ام تركي/طيب سلموا وانزلوا تونا طافين على الغدا.

    بعدها ناظرت فارس وقالت/فارس الحلا الي سويته لي ماضبطط معي تعال وريني كيف تسويه بعد ماتنزل معهم.

    ابتسم وهو يقول/ابشري.

    الشي الي لاحظته ان اسماءهم متشابهه يعني مثل تركي وتراث ومنالك ومناصر.

    صراحه اصفق لهم ولو ان اخت تركي ف هي اكيد تجمع بين الاسماء هذي.

    والحين اسمها وش؟.
    ..
    وقفنا قدام باب ابيض مزين باطراف خطوط ذهبيه لامعه بمقبض ذهبي.

    انا واقفه بعيد عنهم ولا تسالوني ليه.
    تركي طق الباب طقات خفيفه بالكاد سمعتها.

    بعدها اسمعوا كلمة/ادخل.

    صوت انثوي خطف قلبي واذابه.
    طول عمري ال18 سنه ماسمعت صوت ناعم ورقيق مثل هذا.

    جاني احساس بان صوتي ولد عندها:).

    فتحوا الباب وادخلو.
    اما انا
    ظليت واقفه بعيد عن الباب.

    لحظات حتى جاء حمد ودخلني.

    اول مادخلت الغرفه شفت اسلاك كثيره
    وسرير كبير
    تجاهلت الاثاث الابيض وشكل الغرفه وركزت على الشخص صاحبه السرير.

    كانت متكئه على الجدار بحضنها كتاب وورا ظهرها مخده تحمي ظهرها الرقيق من قساوه الجدران كمامه الاوكسجين ومغذي بيديها وجهاز الضغط وجاهز كاشف دقات القلب .

    يوم قال لي تركي انها ضعيفه الجسم والاعضاء ماكان ابدا يمزح ولا انا توقعتها ب هالضعف.

    رغم مرضها الا انها كانت جميله بشعر اسود قصير يصل لرقبتها وعيون بنيه صغيره ناعسه وبيضاء اللون بملامح هادئه.

    اي مرض هذا الي يخلي هالملاك يهلكها!.

    كانت تتكلم مع تركي ب ابتسامه حانيه مشتاقه وباسل يرمي لها كلمات تخجلها.

    ماكانت منتبهه لي كانت متحمسه تتكلم معاهم.

    لين سال تركي عني وبعدها
    توجهت الانظار كلها علي.

    فجأه حسيت بالتوتر:)).

    للثواني ناظرتني
    ف ابتسمت لي وقالت/عضو جديد بالعصابه.

    ابتسم تركي وهو يناظرني ويقول/اي اكثر عضو معطي جو للعصابه.

    ابتسمت لهم.

    باسل قام من على الكرسي وسحبني وخلاني اجلس قدامها بالضبط.

    قال تركي/ماكينزي اعرفك على صديقي الصدوق المحب الخجول والقوي والي اكثر واحد ياكل منا بعد احمد زياد.

    ناظرت تركي بفخر الا انه نسى صفا وحده وهي اني اجملهم بس اوكي نمشيها.

    ضحكت بخفيف وهي تناظرني وتقول/تشرفت انا ماكينزي اخت تركي الكبيره.

    ماكينزي!
    تركي تراث منالك مناصر
    واخير
    ماكينزي:)

    تقريبا يجمع بين اول ووسط حروفهم.

    بس خلوا هذا على جنب
    ونجي للجنب الثاني.
    ماكينزي اكبر من تركي؟؟
    كان تركي هو الي اكبر منها.

    فسالت/اذا انتي اكبر من تركي ف كم عمرك؟.

    بعدها استوعبت اني سالتها بدون اي تفكير:).

    ابتسمت لي وقالت/انا عمري24.

    من الصدمه طلعت صوت شهقه حتى انا بنفسي انصدمت منها لكن المشكله مو هنا
    المشكله اني ناظرتها من راسها لرجلينها وناظرت تركي من راسه لرجلينه.

    ورجعت ناظرتها بصدمه.

    اضحكت ف قالت/لا يغرك عضلاته لو من هو بدونهم كان شفتيه كيف هو صغير.

    ضحك تركي وقال/من نظرتك حسيت نفسي ديناصوور.

    لو تدري انك بنظري ديناصور جميل:).

    بعدها بدا حمد يتكلم وبعدها تركي وبعدها باسل وبعدها رائد ومن هذا لذاك.

    حتى رن جوالي استاذنت منهم وطلعت.
    الجوال جاء بوقته:).
    حسيت اني دخيله بينهم.

    /اتصلتي بالوقت المناسب.
    قلت لمشاعر.

    مشاعر/انتي وينك مالك صوت طقيت على باب شقتك ولا احد رد وين رحتي؟.

    /رحت معهم لبيت تركي.

    مشاعر/راح تطولين؟.

    /لا راح اجي بالليل.

    مشاعر/اخاف يبقون يوم.

    /حتى لو بقوا انا برجع اليوم مارح اخليكم لحالكم.

    شفت ام تركي تجهز طاوله الاكل مع الخدم ف شافتني وابتسمت لي واشرت لطاوله بمعنى"تعال تفضل"

    حطيت يدي على صدري وبعدها اشرت على الجوال وابتسمت لها.
    امأت براسها.

    طلعت من البيت وتوجهت لخارج البيت بكبره وانا اتكلم معاها.

    /طيب خلاص الحين ارسلهم يجيبون لك الاكل اهم شي لا تطلعون وانا مو موجوده.

    ليلى اخذت الجوال من مشاعر وقالت/طيب نبي ننزل نتمشى.

    /لا.

    ليلى قالت بنزعاج/لا تصيرين نذله انتي بعد مو كل يوم نقدر نسافر هذي اول مره اسافر بدون اهلي خليني على الاقل اشري لهم هدايا.

    /لا جيت نروح كلنا اخاف يصير لكم شي وانا بعيده عنكم ب60 كيلو وش بيوصلني عندكم بدقيقه؟.

    اخذت منها سيدرا الجوال وقالت/ماعليك انا معهم.

    ابتسمت بسخريه وانا اقول/وهذي المصيبه انك معهم.

    شفت نفسي ابعد عن مكان البيت ف استدرات ورجعت بس
    قبل هذا

    لفت انتباهي من الجهه الثانيه (تل) صغير.
    حولت طريقي لذاك المكان.

    /خلاص لا جيت نروح كلنا نقطه انتهى.

    وقبل لا اسكر قلت لمشاعل/انتبهي عليهم لاتخلين احد يطلع يلا مع السلامه.

    بعدها سكرت.

    وقفت براس التل و
    وشلون المنظر اعجبني .

    مادري كم من مده كنت اتامل ولا ادري كم دقايق او ساعه راحت وانا اتامل هالمكان.

    لاني شفته يوقف جنبي ويقول/اعجبك؟.

    .
    .
    .
    ومن هنا نوقف ونكمل بالبارت الجاي.
    اتمنى اعجبكم.
     
  2. Shahaad

    Shahaad .. فريق تطوير المنتدى .. [ النخبة ]

    إنضم إلينا في:
    ‏4 فبراير 2012
    المشاركات:
    8,162
    الإعجابات المتلقاة:
    238
    نقاط الجائزة:
    370
    التقيمات:
    0
    /اي.
    قلت وانا للحين اناظر الي قدامي

    ناظرته وقلت/وشلون قدرت توصلني؟المسافه بعيده؟.

    /كنت بعد ماطلعت بخمس دقايق انا طلعت وراك.

    /ليه طلعت؟.

    /بروح اجيب اغراض.

    قلت بسخريه/شكلكم مخلين الخدم شكل.

    ابتسم وقال/عندهم اشغال ثانيه ولا لقيت احد فاضي ومن الازعاج اخلي واحد يجيب لي اغراضي وهو مشغول ومضغوط بالي عنده.

    ديناصور جميل وحنون:).

    كملت/انت محظوظ حياه وعائله واخت جميله وطيبه.

    ابتسمت/غيرك محروم.
    ابعدت نظري عنه ناظرت الشمس وهي تغيب.

    تركي/لا تغرك المظاهر عندي عائله طيبه وعندي اخت تحسدني عليها وحياه الكل يتمناها لكن.

    تنهد بعدها ناظر غروب الشمس وقال/انا لي اخ اكبر مني ب13 سنه كل الحمل والهموم كانت عليه تولا الاشغال وساعد ابوي بسن صغير وبعدها ب13 سنه احملت امي وجابتني كانت بذاك الظروف ماتمسح لطرفين براعيتي حياتي تقريبا تشبه حياة فارس بس بشكل اخف كنت اكل واشرب وانام لحالي اهلي كل واحد بجهه اخوي ماكان ينتبهه لي او يزورني الا كل مره وحده باشهر طويله وبسبب سني الصغير كان لازم احد يناظرني ف جاني اكتئاب بسن ال9سنوات ومن هنا جت اختي.

    التفت علي وقال/ك هديه صغيره لعيد ميلادي ال10.

    هديه؟؟.

    يعني ماكينزي تصير

    تركي/اختي بالتبني.

    عن اي صدمه احدثكم بالضبط.
    والحين هالشي يفسر ليه مافي اي ملامح من ماكينزي لعائله تركي.

    تركي/القانون الاماراتي يسمح بالتبني ولان ماكينزي يتيمه وماعندها احد يعاونها تبنوها اهلي عشاني عشان تنسى وحدتي كانت مثل النور الي خلت كل ظلامي ووحدتي يتكسر ويتلاشى.

    وكمل وهو يقعد/كان عمرها 15 سنه حالتها بذاك الوقت بسيطه كانت تقدر تمشي على رجلينها وتركض ويوم ابلغت سن ال16 امرضت بدا مرضها ينتشر بكل مكان من جسمها اهلكها لدرجه انها ماعاد قدرت تمشي.

    ناظرني وقال/يوم صارت بالكرسي المتحرك ماقدرت تطلع لمكان وبقت بالبيت وحتى انا ماعاد قدرت اللعب معاها زي قبل بسبب تعباها.

    /ضلت بالبيت تراقب هالتل الي كان مكاننا الي كان يحمل ذكريتنا الحلوه.

    ابعد نظره عني وكمل/اهلها ماتوا وهي بعمر12 سنه كانت مقطوعه من شجره ف اضطرت تروح للميتم بما ان ماحد راح يرعاها وبعد ماتبنوها اهلي مستحيل ينسون الفرحه الي شافوها بعيونها مستحيل ينسون كيف اضحكت وبكت بنفس الوقت كانوا يصفون لي فرحتها وكاني كنت اشوفها.

    /العائله كنز عظيم مافي بالكون ينافس هالكنز النفيس.

    صح كنز نفيس وغالي وللاسف 30 بالميه من سكان العالم فقدو هالشي وانا منهم.
    انا احس و اعرف شعور فقدان العائله واعرف وش معنى انك تكمل حياتك بدون هالكنز.

    من مقدسات الحياة
    الام.
    وبعدها العائله.

    انا اعرف معانات ماكينزي.

    تركي/بعد ما امرضت حست نفسها انها ثقل علينا وتبي تتخلص منا عشان مانشيل همها.

    ضحك بخفيف وقال/غبيه ماتدري انها كانت الجزء الاكبر الي احتلت فيه قلوبنا شفناها المكمل لنا مع انها ماتربطنا معاها صلة دم الا ان العائله تكون صلة روحيه.

    تنهد والعبره خانقته/للحين مانسى اول مره تقابلنا فيها.. بالبدايه مااهتميت لها وهي بقت تتلصق فيني كنها علكه لصقت بشعري كل يوم وكل يوم تتقرب مني مع ابتسامتها الطيبه.

    ضحك والعبره خانقته/حتى تمكنت مني وخلتني اتعلق فيها وبما اني كنت طفل محروم من الانتباهه وعواطف الاموميه قدرت علي بثلاث ايام كل يوم كل يوم نجي لل هالمكان نلعب نصرخ نعزم بعض بهالمكان ونغني هنا ونشوف غروب الشمس واحياناً ننصب خيمه وننام هنا.

    نزل راسه وقال/كل مادخل عليها اللقاها قاعده على كرسيها المتحرك تناظر من الدريشه الكبيره المطله على التل حتى لو تشوفني من بعيد تستقبلني ب اكبر ابتسامه طيبه وحنونه وبحضن دافي كأن مافي شي يحزنها او يألمها من الداخل .شي انكسر بداخلي.

    رفع راسه وناظرني/ف بديت كل يوم كل يوم اتدرب اي شي ثقيل اشيله امشي مسافات كثيره احمل سطول ماء كبيره على كتفي ابعدت عن لعب الاطفال ولعب مع العيال الي بعمري ورحت كل يوم اقوي عضلاتي حتى ابوي واخوي وامي استغربوا مني.

    ابعد وجهه عني وضحك بعد ماتذكر شي ف قال/وصلت لمرحله اني اشيل خادمه واركض فيها بكل مكان البيت.

    اضطراب بحسايسي مادري وش اسوي بالضبط اضحك او احزن عليه.
    بس مع ذلك
    خطر على بالي سؤال غريب واكيد ماهو وقتته ابدا.

    كمل/وهذا بس عشان اقدر اطلع فيها لتل مع كرسيها المتحرك م.

    قاطعته ب/ماجربت تطلع فيها بدون هالتمارين؟.

    ادري مو وقته بس فضؤل.

    /صدقني جربت اسويها وتمنيت الف مره ومره ماسويها وندمت طول حياتي ال11 سنه بذاك الوقت

    ناظرته بفضؤل ف قال/ذاك الوقت قررت اطلعها لتل وبما ان حجم جسمها مايقارن بحجم جسمي الصغير والهزيل ف ماقدرت ومع ذلك هي ماقالت لي شي وكل الي سوته ابتسمت لي بموافقه انا متاكد مليون بالميه انها كانت من الداخل رافضه هالفكره لانها تدري اني راح اعرض نفسي ولها للخطر بما ان التل كبير شوي بس ماكانت تبي تكسر حماسي ف اضطرت توافق على طلبي الغبي.

    كمل بعد ماخذ نفس/بنفسي كنت واثق ثقه عمياء اني راح اطلعها لراس التل واخليها تشوف منظر الغروب مره ثانيه بعد سنه من الحرمان لكن.

    حط يده على راسه واتكى عليها وكمل/بوسط التل كنت احاول اقاوم التعب وفعلا قاومته واول ماوصلت لراس التل وبس بقى ارفع الكرسي كامل للارض المستويه تراخت يدي من التعب وبسرعه مثل سرعه الصوت وسرعه الضوء انزلقت من يدي ف بديت انا وماكينزي بالتشقلب.

    تنهد وكمل/عانيت من رضوض خفيفه اما ماكينزي ضرب مؤخره راسها صخره وهذا الي خلها توقف عن التشقلب من غير الجروح الي سببتها الاحجار الصغيره ومن غير كسر في الرجل الي اضربت فيها الكرسي نزف راسها ف بديت اشوف الدم ينتشر من حول راسها ماكنت اقدر اصرخ او استنجد باحد لاني كنت دايخ وراسي صدع ف اغمى علي.

    /مادري وش صار بالضبط لاني فتحت عيوني ولقيت نفسي بالمستشفى ايدي كانت مجبصه بسبب الكرسي الي دعسها وضمادات متفرقه بنحاء جسمي اول ماقمت وتذكرت الي صار سالت عن ماكينزي كانوا راح يبدون يهاوشوني ويزفوني بس شافوا حالتي ف قالت امي انها بالغرفه المجاوره نايمه.

    رغم اني كنت ماخذه فكره عن تركي بانه شخص مزاجي وماينفهم له وشخصيه صعبه وشخصيه مغروره الا انه له هالجانب وهالذكريات الصعبه وله شخص متعلق فيه.

    كنت دايم ماخذه فكره غلط عن الشباب ب انهم عايشين حياتهم وفالينها ولا انهم شافوا اي شي يكسر طفولتهم او شافوا ذاك العالم المظلم ولو بجزء ذره.

    حتى الاغنياء ممكن يمرون بظروف تغير من مسار حياتهم الناعمه
    توقعت
    ان ماحد ذاق الي ذقته وانا صغيره بموتت اهلي و الحرمان الي عشته.

    بس عيشتي معهم غيرت من تفكيري.

    ناظرته بعد ماكان شارد فكمل/فتحت باب الغرفه ولقيتها متمدده على السرير مجبصه رجلها وملفوف راسها بشاشه ابيض والي امتلى نصفه بدمها وفوق هذا والي زاد علي همي شوفت اسلاك جهاز نبضات القلب موصله بقلبها وابره المغذي مخترق جلدها الرقيق ماقدرت اتحمل شكلها ف بديت ابكي وانا ماسك بيدها بظني انها راح تموت بسببي.

    شكله وهو يتكلم اوجعني ف بديت اطبطب على ظهره.

    اخذ نفس وكمل/بعدها بدا مشوار التدريب القاسي لي بس عشان ابني عضلات جسمي النحيل وفعلا باقل من سنه قدرت اوصل للي ابيه ومره ثانيه طلعتها من البيت بكرسيها المتحرك وعلى وجهها ابتسامه متحمسه وبعد اقل من جهدي الاول وصلتها لراس التل وبالوقت المناسب الي بدت الشمس تغيب اضحكت هي بمرح ورفعت يدها وانا رفعت يدي وصفقناها ببعض معلنين انتصارنا.

    ناظرني وقال/بعد ماشفتها وهي ممده على السرير مجبصه وملفوفه ابعدت الفكره عن راسي نهاياً وحرمت على نفسي افكر اسويها لكن بعد يومين قالت لي وانا متمدد على رجلها "راح انتظرك لين توصلني لراس التل"ماكنت مصدق كلامها وعارضت هالفكره بس قالت لي وهي تنغز جبهتي"ان بديت بشي لازم تنهيه"قالت لي وهي تبتسم بعدها اشتعلت نار الحماس بداخلي.

    ابتسم بوجهي باجمل ابتسامه شفتها بحياتي وهو يقول/وبكذا صار شكلي ديناصور.

    اخر كلامه طلعت مني ضحكه ماقدرت امسكها وهو بدا يضحك معي .

    بعد الضحك الطويل قال لي وهو مبتسم/مثل ما قالوا لي الشباب تخلي الواحد يتكلم وهو مايحس بنفسه.

    يعني فيه احد متكلم عني من قبل:).

    رن الجوال وكان المتصل
    خالد:)

    شكله ماللقى احد يرفع ضغطه ف اتصل علي
    وعشان ارفع ضغطه

    فتحت الخط وبعد ماقال اول حرف سكرته بوجهه
    اهه بديت احس بالانتعاش وشوفت الجوال بيطفى من كثر ماهو يتصل.

    يتصل واسكر يتصل واسكر وانا اضحك.
    بس في شي سد نفسي بعد ماقال تركي

    /لو انك بنت كان قلت بعد "كل شجار محبه".

    ماقدرت اتحمل ف بينت له تعابير المقرف وانا اعرفط وجهي متقرفه من كلامه.

    تخيلوا بس انا وخالد.
    اوعع.

    /لا تطلع كلام مقرف زي كذا بعدين تعال شمعنى انا اكون بنت ليه مايكون هو مثلا.

    ابتسم بغباء وهو يقول/اسفف بس ماقدر اتخيله بنت.

    تجاهلته وانا ارجع نظري للجوال بعد مارن للمره الخمسين وككل مره افصله.

    قام تركي من على الارض وقام ينفض نفسه مد يده لي ف مسكت رسغه وقومني.

    وقبل لا امشي رن جوالي وقبل لا افصل
    شفت الاسم
    الي اخذ قلبي وعقلي.

    واكبر ابتسامه بوجهي لدرجه ان تركي وقف مستغرب مني.

    وبدون اي صبر ومن اول ثانيه فتحت الخط

    "فهد يتصل بك"

    لكن مع ذلك

    النظره مستحيل اقدر انساها من تركي الي ناظرني اياها مستحيل انساها.

    نظرته وانا اقول لفهد ب اكبر ابتسامه وحماس وشوق

    /هلاا.

    ماكنت ادري وماكنت اتوقع لكن
    صار الي صار.

    -
    -

    #عبدالله وسديم.

    كانت قاعده تناظر دريشه الطياره وتشوف الارض تبعد عن موطنها .

    كان جالس جنبها يقرا كتابه وكوب القهوه بيديه الثانيه وهذا هو ينزلها ويحطه بحمايه الكوب.

    كانت شارده تتذكر الثلاث الايام راحت ول اول مره تشوف دموع امها .
    تبكي
    عشانها.

    ماتقدر توصف الاحسايس الي انفجرت بداخلها فجأه

    و
    ل اول مره هي تبكي عشانها راح تتركها
    كانت تتوقع انها راح تكون اسعد الناس لانها راح تتخلص من تحرش زوج امها وامها البارده وعديمة المسؤليه.
    لكن

    هي بكت بعد ماشافت دموع امها لها بكت وهي تحضنها ل اول مره بعد حرمان لسنوات طويله قلبها شب نيرانه يدفي القلب البارد والي مات به الحنان والعطف والاحسايس الحلوه.

    واخيراً بعد 9 سنوات حست بحنانها وحبها لها.

    نزل نظاراته وناظرها بعد ماحس انها هاديه بشكل غريب ف بالعاده تصدع راسه بالاسئله وحركتها الكثيره.

    شاف دموعها تنعكس على قزاز الدريشه ف تنهد وهو يسحبها لحضنه ويضمها.

    /ماهي اخر مره تشوفينها.

    امسكت طرف قميصه وشدت عليها وهي تطلع صوت شهقه خفيفه/اكيد.

    ابتسم وهو يمسد على ظهرها.

    -
    -

    #رسيل.

    (رسيل توأم مهليل الي تكرهها)

    كانت واقفه تناظر جسمها العاري بالمرايه الطويله الي كانت لاصقه بجدران الحمام.

    كانت تناظر نفسها بهدوء بداية من عيونها الذابله الي اخذ بريقها المرض لنحف جسمها الي بدات عضامها يبان لشعر راسها الي كل يوم يطيح ف صارت اشبه بالصلعاء من مقدم راسها لفمها الناشف والي انطخف منها اللون وهذا الحل مع لون بشرتها الشاحبه.

    "تمنيت لها الموت العاجل ف استمع الله دعواتي ف اتاني الموت مرحباً"

    قالت بهدوء وبعدها نزلت دموع حاره بخط مستقيم.
    -
    -

    /وشلون جت؟.
    سال بهدوء وهو قاعد معهم.

    /ماندري.
    البعض قال والبعض فضل السكوت.

    /انت تدري كيف راحت وتدري وين كانت؟.
    قال وهو يناظره ببرود

    /انا مادري اصلا اذا هي عايشه او ميته.
    قال بهدوء.

    /تدرون اني اذا لقيتها راح اذبحها ب ابشع الطرق ولما اقول ب اشبع الطرق ف مارح يجيكم الفكره الي بسويها وعشان ماسوي هالشي علموني هي وينها.

    قال بهدوء وهو يناظرهم واحد واحد.

    بعدها كمل/وان لقيتها راح اذبح اي واحد ساعدها وانتم تدرون اني ما امزح.

    حست بخوف على بنت ابنها الوحيد ف كانت راح تتكلم بس تراجعت بعد ماناظرت مهند وهو يهز براسه ببطى بعد مابعد حمد نظره عنه.

    حمد ومهند وخلود وجدة زينب وعماتها كلهم كانوا قاعدين مع بعض بتوتر بالجوء.

    قالت وحده من عماتها/ماظن انها كانت لحالها لانها جت وهي باجمل منظر ماكأن وحده كانت مختفيه ثمان شهور جت وكأن الوضع طبيعي ولو تشوف فستانها وتسريحتها وريحة عطرها ومكياجها الي جذب الحاظرين انا اتوقع ان جال خلود ماهدى بعد مارجعت من العرس.

    زاد ثقل تنفسه ف قام وطلع من الغرفه وقبل لا يطلع رفس طاوله القزاز الي كان فيه زمزميات القهوه والشاي والمبخره وصحن التمر.

    كل هذا تكسر بالارض مع صوت الطاوله تكسر الطاوله الي تحولت لملح والي انفجعوا منه الموجودين.

    كلهم ناظروا عمة زينب الصغيره بغضب وانزعاج

    ف قالت ببرود ساخر/شفيكم انا قلت الحقيقه وعشان احافظ على حياتي.

    ناظرها مهند لثواني وبعدها طلع من الصاله ونفس الشي مع الباقي وبقت العمه الوحيده بالصاله والي اخذت تمره من الارض ومسحتها منديل
    وقالت/طيب قبل لا تسكر الطاوله خليني اخذ تمره على الاقل ويييه.

    وكملت شرب قهوتها الي صبت لها قبل لا يدخل عليهم الاسد الهايج.

    والحمدالله انها ماحطتها على الطاوله.
    اقسمت التمره بالنص وقالت بستغراب كاذب وسخريه

    /شفيهم معسبين هذولي الجو صافي والمكيف شغال وقهوه وتمر شيبون اكثر من كذا لاحول ولاقوة الا بالله مجانين.

    وبعد ماكلت التمره قالت بضحكه/الله التمر طعمه لذيذ.

    .
    .
    .
    .
    ومن هنا نوقف ونكمل بالبارت الجاي
    اتمنى انه نال اعجابكم.

    شرايكم بالبارت��باللهي مو حلو؟.

    مع ان شوي جاني اكتئاب وانا اكتبه مادري ليه
    وحاولت اخلي جزء بسيط منه كوميدي����.

    عطوني تعليقاتكم وتوقعاتكم للبارت الجاي. ​
     
    انثى شآآآمخة و .pearl. معجبون بهذا.
  3. دمعة امل

    دمعة امل عضو

    إنضم إلينا في:
    ‏7 مايو 2018
    المشاركات:
    8
    الإعجابات المتلقاة:
    0
    نقاط الجائزة:
    30
    الجنس:
    أنثى
    التقيمات:
    0
    يسلمو اناملك حبيبتي بس والله البارت قصير هو مره في الاسبوع فحاولي تخلي طويل شوي وربنا يوفقك وننتظر البارت القادم
     
  4. .pearl.

    .pearl. güzel .. عضو مميز ..

    إنضم إلينا في:
    ‏1 فبراير 2018
    المشاركات:
    535
    الإعجابات المتلقاة:
    2,178
    نقاط الجائزة:
    280
    الجنس:
    أنثى
    الإقامة:
    مدينة الشعراءُ و الصّورُ
    التقيمات:
    0
    اخيييييرااااا.. عاشت ايدج والله اخيرا نزلت الرواية الي كنت انتظرها . كملي كملي
     
  5. دمعة امل

    دمعة امل عضو

    إنضم إلينا في:
    ‏7 مايو 2018
    المشاركات:
    8
    الإعجابات المتلقاة:
    0
    نقاط الجائزة:
    30
    الجنس:
    أنثى
    التقيمات:
    0
    وين باااارت الاسبوع ليش م نزل
     
  6. ♡Moon♡

    ♡Moon♡ عضو

    إنضم إلينا في:
    ‏10 فبراير 2018
    المشاركات:
    1
    الإعجابات المتلقاة:
    0
    نقاط الجائزة:
    20
    التقيمات:
    0
    :'(متى بينزل البارت
     
  7. دمعة امل

    دمعة امل عضو

    إنضم إلينا في:
    ‏7 مايو 2018
    المشاركات:
    8
    الإعجابات المتلقاة:
    0
    نقاط الجائزة:
    30
    الجنس:
    أنثى
    التقيمات:
    0
    وين البارت ليش م نزل
     

الاعضاء الذين يشاهدون محتوى الموضوع(عضو: 0, زائر: 11)