راوية اوعدك عيوني ما تطالع غيرك للممات

الموضوع في 'روايات' بواسطة losh, بتاريخ ‏8 أكتوبر 2016.

  1. losh

    losh .. عضو مميز ..

    إنضم إلينا في:
    ‏8 أكتوبر 2016
    المشاركات:
    83
    الإعجابات المتلقاة:
    106
    نقاط الجائزة:
    280
    الجنس:
    أنثى
    التقيمات:
    0
    الله يسعدك حبيبي والله تعليقك جدااا اسعدني
    وجدا حفزني وانشاءالله قريب راح انزل
    وشكرااا
     
  2. Mishal

    Mishal [ الإدارة ]

    إنضم إلينا في:
    ‏20 ديسمبر 2002
    المشاركات:
    21,926
    الإعجابات المتلقاة:
    8,766
    نقاط الجائزة:
    570
    الجنس:
    ذكر
    الإقامة:
    ٌٌRiyadh
    التقيمات:
    0
    Twitter:
    tgareed
    رواية ممتعة بانتظار البارت القادم
     
    أعجب بهذه المشاركة أميرة القلوب .
  3. 'Smile

    'Smile ﹏♪♪ シ HAKUNA MATATA ﹏ .. عضو مميز ..

    إنضم إلينا في:
    ‏14 مايو 2013
    المشاركات:
    4,154
    الإعجابات المتلقاة:
    9,133
    نقاط الجائزة:
    370
    الجنس:
    أنثى
    التقيمات:
    0
    فعلاً الرواية جميلةة و ممتعة .. لا تطولي بانتظارك ^-^،
    ربي يوفقك ♥،،
     
    أعجب بهذه المشاركة أميرة القلوب .
  4. losh

    losh .. عضو مميز ..

    إنضم إلينا في:
    ‏8 أكتوبر 2016
    المشاركات:
    83
    الإعجابات المتلقاة:
    106
    نقاط الجائزة:
    280
    الجنس:
    أنثى
    التقيمات:
    0
    شكرااا مرااا

    وانشاءالله ما راح اطول
     
    أميرة القلوب . و ヅsmil معجبون بهذا.
  5. losh

    losh .. عضو مميز ..

    إنضم إلينا في:
    ‏8 أكتوبر 2016
    المشاركات:
    83
    الإعجابات المتلقاة:
    106
    نقاط الجائزة:
    280
    الجنس:
    أنثى
    التقيمات:
    0
    البارت العاشر
    @@@@@@@@@@@@
    اتجمعو البنات في الصالة
    سما : تصدقون الفكرة حلوة لازم نسويها كل ما تجمعنا
    ريم : اي
    رهام : بس والله مرا الفكره تتعب والله قعدت افكر لين طق مخي
    سمر : حتى انا ولله الحمد ماسار عندي مخ باي باي
    رهام : اييي صحح تذكرت ريم
    ريم : هلا
    رهام : وريني هديتك
    ريم : نعم حبيبتي ليه ؟
    رهام : شفيها عادي بشوف الله
    ريم : لا مو لازم
    ودخلت جوا سريع
    عبدالعزيز من وراها : من مين تتهربين ؟
    ريم : من مصايبك
    عبالعزيز : انا شسويت ياحرام ؟
    ريم : ابد والله بس راجع حساباتك
    وراحت
    عبدالعزيز انقهر عشان ريم ما اعطته وجه
    ريم وهيا راجعة على غرفتها شافت ابوها في غرفته و اتذكرت انها كانت بتقوله على شي
    ريم دقت الباب : سلام
    ابوسعود : هلا حبيبتي
    ريم : يبا بغيت اقولك شي
    ابوسعود : هلا يمه تفضلي
    ريم : يبه تتذكر استاذ ياسر اللي قلتلك عنه
    ابو سعود : اي متذكره استاذ البيانو
    ريم : نور الله عليك يبه
    ابوسعود : اي
    ريم : يبه ابيك تكلمه عشان اسجل عنده نسيت
    ابوسعود : طيب نشوف
    ريم : يبه شفيك تقولها بدون نفس كذا
    ابو سعود : ريم يمه بس بقولك شي
    ريم : تفضل يبه
    ابوسعود : ماتلاحظين انه رجال وايش راح يقولون الناس
    ريم : الناس ؟
    ابوسعود : اي
    ريم : يبه وانا وش دخلني في الناس انا رايحه اتعلم مو شي ثاني
    ابوسعود : امممم
    ريم : ليه يبه انت مو واثق فيني
    ابوسعود : يخسي اللي مايوثق فيك
    ريم : هاه يبه وانت تقولها
    ابوسعود : بس يعني انا حسيت ان الوضع شوي معقد بس راح افكر شوي
    ريم : يبه والله مافي شي معقد انت وافق وخلاص
    ابو سعود : ........
    ريم : يبه يلا تكفففى
    ابوسعود : والله مدري يابنيتي
    ريم : يبه الله يسعدك ، بعدين تراه دارس و متعلم برا يعني مستحيل الاقي بقدراته
    ابو سعود : خلاص موافق
    ريم : الله يسعدك يبه ويخليك لنا يارررببب
    ابوسعود : اامين يارب ويسعدك انتي بعد
    ريم : والله ماتقصر يبه
    ابوسعود : طيب بس كم حصة بالاسبوع بتروحين
    ريم : اربعة يوم الاحد الاثنين و الثلاثاء و الاربعاء
    ابوسعود : مو كثير عليك يمه
    ريم : لايبه لا تخاف هذا شي انا احبه مستحيل امل منه
    ابوسعود : على راحتك
    ريم : تسلم يبه الله يعطيك العافيه
    خرجت ريم وراحت غرفتها
    مها كانت قاعدة على السرير مع جوالها
    مها : وين كنتي مختفيه
    ريم : والله كنت عند ابوي
    مها : ليش ؟
    ريم : بكلمه موضوع استاذ البيانو
    مها : تقصدين استاذة
    ريم : لا استاذ
    مها سابت الجوال و فزت : وش استاذ ؟
    ريم : استاذ يعني استاذ
    مها : يعني ذكر ولا كيف
    ريم : لا من فصيلة الزواحف
    مها : اوف من جدك استاذ
    ريم : اي شفيها
    مها : ابد والله بس بتروحين عند استاذ لحالك وبين قوسين استااااااذ يعني رجاااالل و ماتضمنينه
    ريم : حبيتي انا ماينخاف عليا بعدين اعرف كم وحده يروحون عنده ومضمون ياسكر
    مها : اوكي بنشوف
    (( عند ابو سعود ))
    ابو سعود دق على استاذ البيانو
    ابوسعود : السلام عليكم
    ياسر : عليكم السلام ياهلا مين معاي
    ابوسعود : معاك ابوسعود انا حاب اسجل بنتي عندك اذا ممكن
    ياسر : اوكي بس ممكن اعرف كم حصة في الاسبوع
    ابوسعود : اربعة
    ياسر : وتبغاها حصص خاصة او مع بقية الطلاب
    ابوسعود : خاصة
    ياسر : ابشر
    ابوسعود : بس انا عندي سؤال ممكن اعرف لقبك
    ياسر : معاك ياسر ال******
    ابوسعود : ياسر انت ابوك حمدان ؟
    ياسر : اي عمي انت تعرفه
    ابوسعود : انا صديق ابوك من ايام الثانوي بس في الجامعة اتفرقنا عشانه اتزوج وراح درس برا لما تشوفه سلم عليه كثييير
    ياسر : انشاءالله عمي يوصل
    ابوسعود : والله ياولدي اني ما اوثق في اي احد بسرعة و خصوصا لما يكون الموضوع فيه بنتي ريم لكن انت والله غير
    ياسر : ابد عمي لا تشيل هم وبنتك انشاءالله في العين وفوق الراس
    ابو سعود : الله يسعدك ياولدي يلا في امان الله
    ياسر : مع السلامة
    دق ابو سعود على ريم
    ابو سعود : ريم خلاص كلمة الاستاذ و انشاءالله راح تبدئين يوم الاحد
    ريم : صدق يبه الله يسعدككك والله فرحتني
    ابوسعود : عاد تصدقين اني طلعت اعرف ابوه والحين احس اني مطمن اكثر عليك
    ريم : الله وناااسه
    ابوسعود : ييلا حبيبتي انا بنام تبين شي
    ريم : سلامتك يبه
    خرجت ريم عند البنات وبصوت عالي
    ريم : بنااااات ابوي كلمه الاستاااااذ حماااااااس
    البنات كلهم منصدمين ماعادا مها
    رهام : استاذ وش
    ريم : صدق او لا تصدق اما مها ماقلتلكم
    مها : ليه وش شايفتني
    ريم : استاذ بيانو ، ولا تنصدمون اي استاذ يعني ذكر يعني رجال اوكي حبيباتي
    سما : اساسا انا مني منصدمة يجي منك
    رهام : وش اسمه ذا الاستاذ حقك
    ريم : ياسر ، ياسر ال*******
    سمر : كذااابه
    ريم : ليش ؟
    سمر : يقولون مرا مزز
    ريم : والله عاد مدري ، ليش انا رايحه ادرس و لا اتأمل ملامحه
    سمر : يازق البنات طايحين فيه بس هو مايعطي وجه عما عليه
    ريم : اي سمعت انه مملوح عشان امه مو سعوديه
    رهام : والله طاحتلكم ريم على واحد مز
    ريم : شرايكم تروحون تاخذون دروس بدالي هاه ؟'
    رهام : يمه منك محد قال شي روحي خذيها انتي
    (( اليوم الثاني الظهر كل عيلة كانت تجهز اغراضها عشان تروح بيتها ))
    ريم واقفة ولابسة عبايتها تستنى سعود
    ريم : سعععووود يلااا اتحنطت
    سعود : طيب جاي استنييي
    رهام نزلت من الدرج سريع : اوف حمدالله لحقتك بسلم علييك يا حلوه
    مها : شوي شوي لا تطيحين
    سلمو رهام و ريم على بعض
    ريم : يلا نشوفكم انشاءالله
    رهام : بتشوفيني انشاءالله
    ريم : يلا مع السلامه كلكم احبكمممم ، ومدارس سعيده
    عبدالعزيز : رهام يلا بروح لا تشغلين امي
    رهام : دقيقه ابفهم انا وش وراك بس تبي تتفلسف
    عبدالعزيز : يلا بس قدامي
    ابو عبدالله : اوس انتو الاثنين وقتكم الحين
    ابو سعود : بتروحين يا ريم مع سعود
    ريم : اي يبه
    ابوسعود : طيب حبيبتي
    كل العوائل سلموا على بعض وراحو بستهم
    (( عند ريم وسعود وهم في الطريق ))
    ريم : سعود
    سعود : هلا
    ريم : قسمبالله متحمسه
    سعود : متحمسه !!؟؟
    ريم : اي
    سعود : على ايش بالضبط ؟!
    ريم : تخيل ابوي سجلني عند استاذ ياسر بيانو
    سعود : اها
    بعد دقيقه
    سعود : وششش استاذه الله يفشلك
    ريم : ههههههههههههههههه دوبك تستوعب
    سعود : اما منجدك ابوي وافق
    ريم : اي والله
    سعود : طيب يلا كنسل يامدير انا مو موافق
    ريم : ومين قالك اني انا اساسا طالبه رأيك
    سعود : ريم تراني اخوك
    ريم : قول والله
    سعود : ريم افهمي ترا رجال وماينفع وبعدين ترا انا واحد من العايله لو معتبريني كذا
    ريم : وكيف مو معتبرينك واحد من العايله
    سعود : يعني ما تاخذون راي في شي كذا
    ريم : ناخذ رايك ؟ وليش انشاءالله تراني رايحه ادرس واتعلم
    سعود : طيب افرضي انا ماوافقت تروحين
    ريم : بصفتك مين ؟
    سعود : اخوك ، واكبر منك بعد
    ريم : اخوي على عيني وعلى راسي بس مو معناته انك تمنعني من شي انا ابغاه ومقتنعه فيك
    سعود : تقولين كذا ياريم
    ريم : اي والف اي
    سعود : طيب
    ((( بعد ربع ساعة ، وصلو البيت وكل واحد دخل غرفته و قعد فيها ))
    نزلت ريم تحت
    ريم : يمه وين سعود
    ام سعود : دخل غرفته
    ريم : اها اوكي
    نزل سعود وطاير على الباب
    ريم : سعود
    قفل الباب وخرج
    ريم : اوكي عادي ما سمعني
    دق جوال ريم
    ريم : ماتوقع لحقت اوحشك
    مها : ابد والله
    ريم : هههه طيب ليه متصله
    مها : ابد ياحلوه بس نسيتي عندي شي
    ريم : يارب مو مهم يارب
    مها : ارتاحي
    ريم : يمه بسرعه قولي وش
    مها : شاحنك
    ريم : كذاااابة
    طلعت وغرفتها وفتحت شنطتها دورت ومالقت
    ريم : يالله اليحن شسوي ماعندي غيره
    مها : ارسلي سعود يجي ياخذه
    ريم : والله فكره الحين بدق عليه
    سكرت ريم من مها ودقت على سعود
    سعود : ها
    ريم : سعود شاحني سيبته عند مها
    سعود : والمطلوب مني
    ريم : انك تجبلي هوا لوسمحت
    سعود : لوسمحت لا
    ريم : ليش
    سعود : تعرفين ليش
    ريم : سعود امانه بلا هبل
    سعود : الحين وقت ماتسيبين شاحنك تبغيني ، ولما تقررين لحالك انا والطوفه واحد
    وقفل
    ريم : والله قفل على وجهي والله طلع زعلان مني يالله الحين كيف بيرضى
    (( عدى يوم بدون اي تفاعلات ))
    الصباح عند عيلة ابو عبدالله
    رهام صحت و تروشت ولبست وجهزت كلشي و نزلت تحت
    رهام : صباح الخير
    عبدالعزيز : يلا يلا امشي مابغا اتأخر
    رهام : ليش كذا قروشة من صباح ربي خير
    عبدالعزيز : امشي
    رهام : طيب اوووف
    خرجو وراحو على جامعة رهام
    رهام وهي نازلة بالصدفة ريم شافتها
    ريم تمشي بسرعة عند رهام : رهام رهام
    رهام : اوه هلا
    ريم تدفها على الباب : مو وقتك الحين ادخلي جوا بقولك شي
    دخلو جوا
    رهام : هاه ايش
    ريم : امشي نحط عبايتنا و نروح الكافتيريا عشان اقلك على رواق
    رهام : اتحمست يلا
    وصلو على الكافيتريا
    ريم : رهام
    رهام : هلا يلا قولي
    ريم : سعود
    رهام انفجعت : شفيه ؟ فيه شي صارله شي امانه شفيه سعود قوللي
    ريم : لا مو لهذي الدرجه
    رهام اتنهدت : اوف اوكي يلا قولي
    ريم : تتذكري على استاذ ياسر
    رهام : يليل امه ايه شفيه
    ريم : سعود عرف وزعل مني اني ما قلتله
    رهام : اما كذا
    ريم : والله يارهام
    سمر : هااااااي
    ريم : بسم الله
    سمر : واضح الموضوع خطير
    ريم : والله مرا
    (( ملحوظة : ريم و رهام و سمر في نفس الجامعة اما سما في جامعة ثانية و مها في ثالث ثانوي )
    سمر : انثري هرجتك يا حلوه
    رهام : هههههه
    ريم : السالفة ومافيها سعود زعلان مني عشان ماقلتله على موضوع استاذ ياسر
    سمر : اوكي كذا الوضع
    ريم : لا وبعد انا ارد عليه وربي غبيه
    رهام : يعني جابت العيد فديتها
    ريم : الله ينور عليك
    سمر : يعني الوضع جيدي
    ريم : بنات اعطوني حل شسوي اوووف
    رهام : سهل وبسيط
    ريم : انثري افكارك يا حلوه
    رهام : كلميه و راضيه لما ترجعين بس مو مع امك او ابوك
    ريم : اجل متى ؟
    رهام : لما يكون في غرفته مروق
    سمر : رائعة جدا
    ريم : بقوله انو انتي راضيتيه في موضوع مروج عشان اول قلي كلميها
    رهام : منجد
    ريم : انتي راضيه صح
    رهام : طبعا طبعا
    سمر : والله في مخططات و مروج وزعل ورضى وحركات شسالفه ؟؟
    رهام طالعة في ساعتها : اولاه الساعة ٨ يلا باي باي حبيباتي
    ريم : وانا كمان بروح عندي محاضرة
    سمر : صرفوا ياكلاب المهم باي
    الساعة ١٢ دقت ريم على السواق عشان يجي ياخذها من الجماعة عشان ماعندها محاضرات و خلصت
    رجعت لقت البييت فاضييي و هادي
    ريم : جااكلين
    جاكلين الخدامة : yes
    ريم : where is my mum "اين امي "
    جاكلين : she is sleep " انها نائمة "
    ريم : ? OK , soud in his room " اوكي ، سعود في غرفته ؟ "
    جاكلين : no he not came " لا لم يأتي بعد "
    ريم : اوفففف
    قعدت في الصالة تستنا سعود لين جاها نوم وغفت على الكنبه
    جاء سعود الساعة ٣
    سمعت ريم صوت الباب و صحت
    ريم : سعود
    سعود : بنام
    ريم : سعود بلا غباء
    سعود دخل غرفته و قفل الباب على وجهار
    ريم : ممكن ادخل
    سعود : لا
    ريم فتحت الباب ودخلت
    ريم : والله تسمعني
    سعود : لا تحلفين
    ريم : طيب اسمع الحين
    سعود : هاه شبتقولين
    ريم : ليش زعلان ياخي
    سعود : مدري
    ريم : سعود ياخي قسمبالله ما اقصد اقلل منك
    سعود : طيب ؟
    ريم : يعني اذا انت تبيني الحين اكلم ابوي يلغي الاستاذ و الله اكلمه انت بس قول اي
    سعود ابتسم : والله
    ريم : انت قول وشوف
    سعود بجدية : طيب يلا انا مو موافق
    ريم زعلت : طيب بروح الحين عند ابوي
    جات ريم تخرج من الباب
    سعود : تعالي
    ريم : ها
    سعود : امزح معك وقسم
    ريم : منجدك ؟
    سعود : اي والله
    ريم : يعني مسامحني ؟
    سعود : اي
    ريم راحت وحضنته
    ريم : احبك يا احلى اخووو في العالم
    سعود : ههه خنقتيني خلاص
    ريم : على كذا انا عازمتك على ستاربكس
    سعود : تمزحين ؟!
    ريم : لا طبعا يلا قوم
    سعود : ومين يسوق
    ريم : شرايك انا ، طبعا لا انت
    سعود : امشي ولايكثر
    ريم : بس ناخذ اللي نبغاه ونرجع عشان عندي حصة اليوم
    سعود : اجل خلاص نقعد و اوصلك عند الاستاذ على طول
    ريم : اوكي تمام
    خرجو ريم وسعود وراحوا على ستاربكس
    ريم : يلا اتت اول
    سعود : واحد كافي امريكانو
    ريم : واثنين موكا كارميل
    وجلسو على طاولة
    سعود : ليه طالبه اثنين
    ريم : كذا
    سعود : طفاسه يعني
    ريم : طبعا لا
    سعود : اجل ليش
    ريم : عشان الاستاذ يعني عيب اروح كذا
    سعود : اها
    ريم : اي صح
    سعود : ها
    ريم : نسيت اقلك
    سعود : ايش
    ريم : رهام كلمتها على سالفة مروج
    سعود : اي شصااار بسرعة قوليلي
    ريم : تقول انها صدقت من اول ما انت كلمتها
    سعود : اما
    ريم : والله
    سعود : يعني ذليت نفسي يوم جيت وقلتلك
    ريم : بس تستاهل
    سعود : مين
    ريم : رهام
    سعود : اي والله
    ريم : ههههههههههههههه لثاني مره
    سعود : احححح الله يقلعك ياريم
    ريم : والله تضحك
    " بعد نص ساعة خلصو و ركبوا السيارة "
    ريم : سعود تصدق لازم كل اسبوع نسويها الخرجه ذي
    سعود : على حسابك طبعا
    ريم : لا عاد لا تاخذ وجه
    سعود : هههه ، يلا وين عنوان استاذك
    ( راحو العنوان ونزلت ريم و كانت عمارهه كبيييرة دخلتها و راحت على الدور ٥ الشقة ٣ ، ودقت الباب )
    فتحت لها خدامة
    ريم: استاذ ياسر هنا
    الخدامة : yes , welcome
    دخلت ريم
    كان جالس على الكنبة و ماسك كوب قهوة اول ما شاف ريم قام بسرعة
    ريم تنحت عليه لانه كاااان جمييييل شعره ذهبي وملخبط على وجهه و عيونه زرقة وخمشه واقف
    ريم : اوه شكلي جايه وقت غلط
    ياسر : لا ابدا بس انا ذحين ماعندي طلاب فماني متعود الحين يبغالي وقت
    ريم : اها
    ياسر : ريم صح ؟
    ريم : ايوا
    ياسر : اهلن
    ريم : شكرا
    ياسر : تعالي معاي غرفة التدريب
    ريم : اوكي
    ريم انبهرت لما شافت الغرفة كانت كبيييرة و لونها ابيض و البيانو في الزاوية وفي لوح و تماثيل كثييير وكان شكلها مراا حلوه
    ريم : ذوقك حلو
    ياسر : تسلمين
    ريم : عاد حتى الصالة و البيت كله يجنن ماشاءالله
    ياسر : من ذوقك
    ريم : الحين نبدأ
    ياسر : اي بس لازم اسألك
    ريم : هلا
    ياسر : انا مبتدءة ولا
    ريم : يعني تقدر تقول كذا بس اعرف اعزف
    ياسر : اوكي كويس ، الحين ابيك توريني اللي تعرفيه
    ريم : اوكي
    بدأت ريم تعزف و كان ياسسر متنح عليها بعد خمسة دقايق
    ريم : خلصت
    ياسر : تقولين مبتدءة اجل
    ريم : هه عاد هذا اللي اعرفه
    ياسر : لا ترا مرا حلو
    ريم : اوه نسيت هذا لك ( اعطته الموكا )
    ياسر : ليش تعبتي نفسك
    ريم : انا واخوي رحنا ستاربكس و قلت اجيب لك
    ياسر : تسلمي ماتقصري
    ريم : اي يلا نرجع لدرسنا
    ياسر : يلا نبدء بذي المقطوعة
    ريم : اوكي
    ( بعد ساعة )
    ياسر : كذا خلصنا درسنا اليوم
    ريم : اوك مرااا شكرااا
    ياسر : تشكرين على ايه ، يلا تعالي نقعد بالصاله
    ريم : اوكي انا بتصل على السواق
    خرج ياسر ودقت ريم و خرجت الصالة
    ريم : ممكن سؤال ؟
    ياسر : اي عادي
    ريم : صح اني مو ميانة بس تحملني عاد
    ياسر : هههههه لا ابد عادي قولي
    ريم : انت ساكن هنا لحالك
    ياسر : اي ، ابوي و اخوي مو معاي
    ريم : عندك اخ ؟
    ياسر : اي بس صغير عمره ١٢
    ريم : اها ، طيب اخر سؤال
    ياسر : هههه تفضلي
    ريم : امك سعوديه ؟
    ياسر : لا امي كنديه بس عايشة في بريطانيه
    ريم : اهاا يعني مو عايشه معاكم ؟
    ياسر : لا احنا نروح له افي الاجازات
    ريم : اها
    ياسر : يلا انتي دورك
    ريم : انا ماعندي غير اخ واحد وامي سعودية
    ياسر : ههههههههه
    ريم : بس عندي عندي اربع اخوات
    ياسر : اها يعني عندك اخوات
    ريم : يعني يعتبروا اخوات
    ياسر : يعني كيف
    ريم : بنات عمي بس زي اخواتي
    ياسر : اها الله يخليهم لك
    ريم : امين
    دق جوال ريم وردت
    ريم : اوكي نازلة
    ياسر : ذا السواق صح
    ريم : اي
    ياسر : يلا مع السلامه
    ريم : باي
    ...................................................
    راحت ريم على بيت عمها ابو عبدالله
    فتحلها عبدالعزيز
    ريم مستعجلة : وييين رهااام
    عبدالعزيز : و عليكم السلام
    طلعت ريم فوق غرفة رهام
    ريم : رههاااااااام
    رهام : بسمالله شفي داخله تداهميني
    ريم : اسمعي الحين راجعة من عند استاذ ياسر
    رهام : اي شصار
    ريم : رهام فاق توقعاتي صراحه
    رهام : ليه
    ريم : رهام قسمبالله احلى من حياتي
    رهام : اما
    ريم : رالله ، تخيلي امه كنديه
    رهام : اي تلاقيه اخذ الحلا كله منها
    ريم : اي والله
     
  6. Mishal

    Mishal [ الإدارة ]

    إنضم إلينا في:
    ‏20 ديسمبر 2002
    المشاركات:
    21,926
    الإعجابات المتلقاة:
    8,766
    نقاط الجائزة:
    570
    الجنس:
    ذكر
    الإقامة:
    ٌٌRiyadh
    التقيمات:
    0
    Twitter:
    tgareed
    يعطيك العافيه على البارت الجميل
     
    أعجب بهذه المشاركة أميرة القلوب .
  7. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,600
    نقاط الجائزة:
    330
    الجنس:
    أنثى
    الإقامة:
    ممكلة البحرين
    التقيمات:
    0
    بارت جميل ..
    الله يعطيك العافيه استمري ..
     
    أعجب بهذه المشاركة أميرة القلوب .

الاعضاء الذين يشاهدون محتوى الموضوع(عضو: 0, زائر: 3)