رواية اخاف احبة ويتركني واخاف ابعد واتعذب

Noonaaa

عضو
،
،
،


السلام عليكم ورحمة الله وبركاته
...
اول شي كيفكم وعنجد وحشتوني كثيررررر
جايه بعد غياب طوووووووويل عشان ارجع اعيد روايتي من جديد
اللي كانو متابعين روايتي راح يسالو ليش قطعت!!
قطعت لان كتبت بارتات ع اساس انزلها بس جهازي خرب وضاع كل اللي فيه وانقهرت ع اللي كتبته وماعاد عرفت ارتب افكاري بسرعه وكمان ظليت فتره بعيد عن النت والروايات لظروف خاصه وبعدها رجعت فتحت المنتدى بكملها لقيت الروايه تخربطت ومدري شلون داخله في روايه ثانيه وردود غير ،، المهم هنا يأست اكملها لان اللي كانت عندي انحدفت وهذي شبه محذوفه ماعاد عرفت احصلها قفلت اللاب ونسيتها لين قريب راسلتني وحده من البنات عن انو ليش ما اخلصها قلت لها انها انحذفت فاجئتني انها حافظه البارتات كلها عندها وحمستني اني انزلها من جديد واكملها ,,
واعذروني ع القرقره الزايده بس حبيت اوضح لكم
،
،
،
اشوفكم قريب بإذن الله
 

أميرة بصمتي ..

سابقا .. وحيده كالقمر
.. عضو مميز ..
هلا وغلا
نورتي والله صح كلامك انا كنت متابعه الروايه من خلف الكواليس
استغرابت لانه تخربطت زي ما قلتي
وان شاءالله ينزل بارت قريب لا تتاخري بليز
متحمسه اعرف ايش راح يصير بين جواد. وجود
:58:بانتظارك :55:
 

Noonaaa

عضو
رواية

((اخاف احبه ويتركني واخاف ابعد واتعذب))

للكاتبه: حنان/ noonaaa



لا احلل من ينقل الرواية دون ذكر اسمي


واعلمو قبل قراءة الروايه انها من وحي الخيال فما نسجت من خيالي لا مقارنه له بالواقع وشكرا









رواية

((اخاف احبه ويتركني واخاف ابعد واتعذب))

للكاتبه: حنان/ noonaaa






الجزء الأول



أهديتك قلبي منذ أول لقاء فأصبح ملكك
أهديتك عيني منذ أول لقاء فأصبحت لا ترى سوى وجهك
أهديتك عقلي منذ أول لقاء فرحل معك وأبى الرجوع
أهديتك دقات قلبي فعزفت لك أجمل الألحان
أهديتك أحلى و غلا الأسامي.........حبيبي
أهديتك كل ما لدي
فماذا تبقى لي؟
أهديتك كل ما خلق الله من الورورد
أهديتك كل ما قال الشعراء من الكلمات والحروف
أهديتك كل ما في قلبي من شعوووور
أهديت الروح وما بجانب الروح
أهديتك حبي فأصبحت أنا العاشفة وأنت المعشووووق
أهديتك كل ما لدي
فماذا تبقى لي؟
أهديتك كل ما قدر لي الله من السعادة
أهديتك الحب والعشق والحنان
أهديتك البسمة على شفتاك
لقد أصبحت في عيني ملالالالالالالالالاك
لقد حفرت صورتك بعيني
وحفرت إسمك بقلبي
وأصبحت بك ولك ومعك أعيش
أهديتك كل ما لدي
فماذا تبقى لي؟
أهديتك دما من الحب تبحر فيه
أهديتك قلبا ترسووو عليه
أهديتك جسدا تسكن فيه


فهل تبقى شيء؟؟






البارت الاول ،،،،





في احد شوارع الرياض كانت مررره مستعجله وتصرخ ع السايق بسررررعه اشفيييييك يلاااا سووووووق
صار يمشي بسرعه جنونيه
وووووووو



ننتقل لمكان ثاني في حي من الاحياء الراقيه شخصيه مهمه ذات منظر انيق وجسم رياضي يبين من خلال بدلته السموكن يمشي بغرور وخطواته الواثقه متجه للسايق اللي فاتح له باب سيارته البورش قفل السايق الباب وراح يركض بسرعه وطلع
:وين تحب اوصلك طال عمرك
جواد وهو ياخذ الجريده ويتصفح: اول شي مر ع الوالد وبعده ع الشركه
طلع السايق من البيت متجه لبيت ابو جواد



في جهه ثانيه : الوو
بصوت مرتجف وخايف : منار الحقيني انا ف مصيبه
منار: شفييييك الووووو ريوووووم ردييي علي
تييييت تييييت تيت
انقطع الخط ورجعت تتصل بس ماردت نزلت بسرعه بعد ما اخذت عباتها والطرحه راحت لاخوها وتناديه بصوت عالي : فهد فههههههد
فهد يناظرها بخوف: بسم الله شفيييك
منار: بسررررعه ابيك توديني عند ريم
فهد: ليش شفيهاا
منار:اووووه مو وقت اسألتك بتوديني ولا شلوووون
فهد: اوووك حاضر امشي


نرجع لاصحاب السرعه الجنونيه اللي لساتهم بالخط ومازالت البنت تصرخ ع السايق وتقول بسرعه
جوانه : يارب يااااارب تحميهم يارب
ماخلصت جملتها اللي وهي تشوف السايق يضغط ع الفرامل بأقوى مافيه ماقدرت تمسك نفسها ف صارت تصرخ ضرب السياره اللي كانت مهديه وتبي تلف بس جت الضربه خفيفه
جوانه: الحمدالله ياربي
نزل السايق يشوف الوضع وتأخر
جوانه وهي تناظرهم(شفيهم هذول ‏و‏‏‏‏‏‏ش يقولون صار لهم ساعه اففف تأخرت ) مدت يدها وصارت تدق بوري
دخل السايق : ماما هدا في سوي مشكله يبي كلم شرطه
ضربت يدها ع صدرها: ي ويلي شررطه طب ليييش الضربه مـو قويه قله كم يبي حق تصليحها ونعطيه
شافت الرجال ينزل من سيارته وجا فتح بابها
ناظرت فيه : اللي تبيه انا حاضره بس خلني امشي اهلي بالمستشفى
الرجال: كلمي طويل العمر انا مالي علاقه
جوانه: طب وينه ذا
الرجال: ف السياره
نزلت بسرعه تبي تعتذر وتخلص عشان تروح المستشفىى وقفت عند السياره والرجال ركب وفتح الشباك الخلفي
(يمممه منوو ذا ي ربي شكله شي مهم ي ويلي وش اسوي الحين اخاف مايرضى)
جواد وهو يناظر الجريده : خلصيني شعندك
جوانه : هاه امممم شسمه اااااا
جواد ببرود ولسى عينه ع الجريده: اخلصي
جوانه : معليش السايق ماانتبه للسياره ووو اممم يعني الضربه مو قويه
ترك الجريده وناظرها بأحتقار: لا ي شيخه ومعليش هذي وييين تنصرف ؟
كلم السايق: منصور دق ع الشرطه يجون يشوفون شغلهم مع الناس المستهتره
جوانه بخوووف : ﻻﻻ شرطه ؟ طب لييييش .. اسمع اي شـ تبيه انا حاضر بس تكفا ماله داعي الشرطه
جواد بنص عين وحاجب مرفوع: اي شيييي ؟
ردت بدون تردد : اييييييه اللي تبي
جواد ببتسامه : حبي رجلي واخليك تمشين بدون مشاكل
(هااااااه بققت عيوني ع كبرها ورديت بسرعه: تخسيييي
جواد: اووك ذنبك ع جنبك .. منصور كلم الشرطه


ورجع يكلمها ع فكره سايقك راح يقول ل الشرطه نفس الكلام اللي قاله لمنصور ان انتي تقولي له اسرع. يعني انتي اللي رحتي فيها
جوانه وبدت الدموع تطلع : الله يخليك والله مضطره اهلي مسوين حادث
جواد : مو شغلي
صرخت بجنووون : انتتتتت ماتحححححس ماعندك احسااااااس لووو ابوك واختك وامك صار عليهم حادث مابتمووووت ما بتخاااااف عليهم ما بترووووووح باقصىىىى سرعه عندك عشان تشوفهمممم صرخت بصوت اعلى ررررررررد قووووووووول بتتركهم يموتو قبل تشووووووفهم هاااااا رررررد ررررررد (بدا صوتها ينخفض) رد رد طااااااخ - طاحت مغمىى عليها





دخلت البيت بعد مافتحت لها الخدامه : وييين ريووووم
الخدامه : في غرفه فوق
طلعت منار الدرج بسرعه ودخلت غرفتها وتخرعت من اللي شافته الغرفه ظلااااام وفي شي مكسووور بالارض وتسمع صوت شهقات فتحت النور وشافت بنت خالتها و وتوأم روحها متكوره ع نفسها ب الارض وتبكييي
راحت لها بسرعه وضمتها : ريووووم حبيبي شفيييييك
حاولت تشيل خصلات شعرها اللي طايحه ع وجهها وتمسح دموعها : ريم حبيبي شفيك علميني منو ضايقك
حضنت منار بقوووه وصارت تبكييي اكثررر
منار: آآآآآآآآآت ي آآآآآآآآآآآت
شوي وجت الخدامه
منار: جيبي مويا بسرررررررعه
منار: ريمييي اهدي ي قلبي مافي شي يستاهل هالدموع .. اهدي وفهميني ‏و‏‏‏‏‏‏ش السالفه ونحلها انشالله مافي مشكله الا ولها حل ان شاء الله
جابت آآآت المويه خذيته وحاولت اشربها وحطيت شوي ف يدي ومسحت ع وجهها
هدت شوي : ريمي قومي ع السرييير يلاا
قومتها وحطيتها ع سريرها ماقالت ولاااا شي تغطت ونااااامت






: هيييي انتيييي قووووومي شفيييييك
(فتحت عيوني وانا احس بأحد يضربني كفوف ع خدودي
جوانه : وجععع شفييييك انت
وقف وناظرها باستهزاء : لساتك عايشه زييين
حطيت يدي ع شعري : وييين طرحتي. بسرعه جلست ولفيتها ع شعري ووجهي
ناظرني بأحتقار وكلم السايق
: امش منصور تأخرت
ركب سيارته ومشىىىى وانا اكتشفت اني جالسه ع الرصيف اففف مغروووور حتىى ما اخذني ع السياره وقت طحتتت مالت عليه
قمت ركبت السياره وكملنا طريقنا ع المستشفى




:ماااااري مااااااري ووصمخ
:نعم مدام
:سااااعه عشان تجي ؟
:سووووري مدااااام
:ويييين جاد
سمعت صوت : هذا هووو جاد ي ام جواد هههههه
سميره(ام جواد عمرها 45 وبحكم طبقتها الراقيه واهتمامها بنفسها تبين اصغر )
سميره: انت ماتقلي ويييينك فيه هاااا من يومين مو داخل البيت
جاد وهو يبوسها ع راسها: شغل ي يمه شغللل ذبحني ولدك كرررررف
مسكته من اذنه
جاد: اااااي آآآآي يمااااااه
سميره: انت ماتترك الكذب. اخوك يقول مو شايفك تداوم بالمره
جاد: ااااي طب خلاص فكي اذني لح لحظههه
فكته. وقف وهو يفرك اذنه: الله يسامحك يمه دايم تظلموني .. انا كنت ف البحرين اخلص كم شغله
سميره: تخلص كم شغله ولا مع شلتك الصايعه
جاد يبقق عيونه مسوي متفاجأ : افااااا انا انا تقولي عني كذا .. ماهقيتها منك ي ام جواد
سميره: اقووول لايكثر ويلا الحق اخوك ع الشركه.
انسدح ع الكنبه اللي باالصاله: والله ہ يمه حديييي مهلووووك مافي امل ارووووح اليوم
سميره وهي توقف : اصلا انت مامنك فايده
مشت شوي والتفت عليه: روح جناحك لا اشوفك نايم هنا مثل البزران





في شركة الهامي التجاريه ع مكتب المدير العام
جواد: ها منصور وش صار ع السياره
منصور: وديتها التصليح طال عمرك
جواد وعينه ع الاوراق اللي بيده والجوال بيده: اووك جيب سيارتي من البيت
منصور : حاضر طال عمرك نص ساعه واكون عندك

طلع من الشركه وشنطته بيده بخطواته الواثقه اللي تلفت الانتباه
ركب سيارته السبورت البوقاتي وطلع ع البيت





:هلا وغلااا هلاا بالحب هلااا.
: هلابك حبيبي (تكلمت بزعل) جووودي وينك عني ماتتصل ولا تسأل
جاد: فدييييت الزعلانه انا
:
جاد: حياتي كنت مشغووول والله ہ ماقدرت ارد ﻋﻟﻳك
:
جاد: الوووو يلا عاااد مهاوي
مها: مابي اناا زعلانه
جاد: افاا زعلانه؟ اجل شكلي بعطي هديتك لبنت عمي
مها: جبتتت لي هديه
جاد بأبتسامه: ايييه احلا واغلىى هديه لحبيبتي
مها : احبببك جودي
جاد : ههههههههه لبىى قلبك

طق طق طق
جاد: لحظه حبييي
جاد: ادخللللل
ماري: بابا جواد يبي انتا
جاد بوجه عابس: وش يبي
ماري: آى دونت
جاد: اووك الحين اروح له بس ويين جالس
ماري: صاله
قفلت الباب وجاد رجع لجواله: بيبي اخوي يبيني لحظه شووي وارجعلك
مها بدلع: اووكي حبيي بس لاتطول ترا اوله علييييك
جاد : ااااه بس فديييييت اللي توله .. دقايق بس

نزل جاد لاخوه اللي كان جالس بالصاله وشايل فنجان قهوته بيده.
جلس جنبه : خييير ي خووي عسىى ماشرر
ناظره بنص عيين : انت ماتقولي وينك ويين مغيب
جاد بملل : يا ليييييل ووشفيكم علييي انت وامك
جواد نزل قهوته ع الطاوله: لانك شخص مستهتر ماعندك مسؤليه
جاد: بدت اسطوانة كلل مررره
جواد بحزم: جاد اناا اكلمك بأدب
جاد: يا اخي ملييييت زهقققققت .. انا مو بزر خلوني بحالي
وقف جواد وهو ينهي النقاش بكلمته: الحكي ضايع معك
في جهه ثانيه واقفه عند باب العنايه وتدعي ودموعها ع خدها:يارررب تحميهم يارب
خرج الدكتور وجوانه بسرعه راحت له: ها دكتور طمني شلونهم الحين
ناظر بعيونها ويبي يرد عليها بس في شي نساه نفسه ظل يناظر بعيونها لحد ما صحى من سرحانه ع صوتها
جوانه: دكتووووور فيهمم شي تكلم لاتخوفني
الدكتور بتلعثم: هاه. لالا الحمد لله نجحت عملية ابوك. والوالده واختك ف غرفة الملاحظه
احمممم تقدري تشوفيهم بس لاتطولين
جوانه: الحمد لله ياربي .. طب متى يطلعون؟
الدكتور: الوالده واختك بنخليهم 42 ساعه تحت الملاحظه وبعدها يقدرون يرجعون معك
جوانه بخوف: وابوي
الدكتور: انشالله بيطلع بس راح يطول شووي
جوانه: يعني متىى
الدكتور رفع اكتافه وقال : الله اعلم
راح عنها وهي اتجهت لغرفة امها
طق طق طق
محد رد ف دخلت بـ هدوء ناظرت امها وتجمع الدمع ف عيونها كانت مسدوحه ع السرير والمغذي بيدها وفي وجهها شوي خدووش
قربت منها باستها ع راسها واختلطت البوسه مع دموعها وبكاها سمعت صوت امها تقول : انا بخييير حبيبتي لاتخافي
رفعت راسها وجلست جنب امها وهي تمسك يدها : خوفتيني ﻋﻟﻳك يممه
رفعت يدها تمسح دموع بنتها : انا بخير الحمد لله اللي نجانا .. بس ابوك واختك كيف وضعهم
جوانه: الحمد لله كلهم بخير
ام جمانه (عبير عمرها 36 تزوجت بدري بعد حب وحملت بعد سنه ﻣ̉ـّڼّ زواجها جابت توأم لكن اشكالهم مختلفه <دانه وجوانه )






انتظرتها لحد ماصحت
ناظرتني واستغربت وجودي : منار؟
منار بأبتسامه: ي الدبه خوفتيني
رفعت شعرها وجلست : انا اسفه بس لو تعرفي وش صار (تغيرت ملامح وجهها لما ذكرت اللي صار )
منار حست بتغير وجهها .. حضنتها وهي تمسح ع شعرها: ريمي البكا والزعل موو حل علميني وش فيييك عشان اقدر اساعدك
ابتعدت عنها : يلا قولي وش صار .. تهاوشتي مع حبيب القلب
ردت بكرررره: حقييييييير لا تذكريني فيييه ..
منار(خفت عليها .. وش صار معها)
منار بعصبيه : علمييييييني ووش فييييه
ريم بدت تبكيي : حقيييير اكررررهه حقييييير الله يااااخذه نذل حيواااااان
منار(حسيتها انهارت ): اهدي ي روووحي خلاااص
لاتقولي شي اهديييي بس
ريم وهي تصارخ وكلامها موو واضح ولا مفهوم من شهقاتها : تخيلي. نمت . كذب علي. اناا لو صاحيه مابيصير شي. بس. في شي غلط اكيييد ﻻﻻﻻﻻﻻااااا. الحقيييير
صارت تضرب نفسها : انااا غبيييييييه غبييييه
منار(ياربي شلوون راح اهديها اصلا ما ادري شفيها .. )
منار: خلاااص اهدييييي الله يخليك خليني افهم شسالفه
اهديييييييييييييييي




طلع من حمامه وهو ينشف شعره ورابط منشفه ع خصره وقف جنب التسريحه وذكر شي خلاه يبتسم

( منصور : طال عمرك هذي طاحت اشيلها؟
جواد: لحظه
نزل من السياره وشافها طايحه ع السكه والشمس عليها نزل لها وحاول يصحيها بس ماصحت
منصور : نشيلها لـ السياره؟
جواد: لا باخذها ع الرصيف الحين تصحىى
شالها وريحة عطرها طالعه .. طاحت الطرحه بس ماناظرها ولما نزلها غصب ماقدر يمنع نفسه من شوفتها شعرها الاسود اللي طايح منه خصلات مغطيه وجهها رموشها الكثيفه خدودها الموورده. غمض عيونه وحطها ع الرصيف رجع فتحها وناظر خشمها وشفاتها المليانه. رفع راسه ياخذ هواااا
جواد بداخله (ربي يحميها لأهلها )

ابتسم اكثر وطلعت ضحكه خفيفه منه وهو يمشط يذكر كلمتها (وجع شفييييك انت)
رمىى المشط وراح لـ غرفة ملابسه لبس بيجامته ورجع ع سريره تغطى وناااام



ف المستشفىى بعد ماتطمنت ع اختها وامها قررت ترجع البيت وتنام شوي عشان تجيب لهم ملابس وشووية اغراض
دقت ع السايق يجي ياخذها لفت طرحتها وتلثمت واخذت شنطتها وقبل تطلع باست اختها ع جبهتها ونزلت لـ السايق ركبت السياره
جوانه : ياربي اخاف اروح البيت بروحي ي الله شكلي بنام بيت عمي احسن
دقت ع بنت عمها
جوانه : الووووووو منوووور
منار: هلااا جوجو شلووونك
جوانه : تماام ي روحي .. امممم
منار : دومات .. شوو اممم شفيييك انتي بعد
جوانه بأستغراب: ليش مييين فيي غيري مضايق
منار : مافي شـي حيااتي يلاا علميني شفيك
جوانه : اهلي.
منار: شفيهم ؟
جوانه : مسوين حادث
منار متفاجأه: مننننن جدكككك؟ متىىى
جوانه : الصباح
منار: وليييييييه ماخبرتيني ؟ توووك تقووولي؟
جوانه : اسفه انشغلت معهم ونسيت اتصل
منار: طب شلونهم الحين
جوانه: الحمد لله تمام .. المهم اسمعي .. انا خايفه ارجع البيت بروحي
منار : فدييييتك اووك روحي بيتنا .. بس انا موو موجوده بنام بيت خالتي
جوانه : ليييييييش
منار : سالفه طويييله .. لحظه جوجو
ثواني ورجعت تكلمت : الووو جوجو تعالي هنا
جوانه : هااه امممم مدري بس
منار : لا بس ولا شي ريوووووم تقوول لوو ماجيتي بتزعل منك
جوانه: امممم ماشي صرت قريبه ﻣ̉ـّڼّ البيت
منار: ننتظرك
قفلت الخط وقالت لـ السايق يوديها بيت اهل ريم

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

جاد: مهااااا وبعديييين معكككك كل يوم تقولي بكره
مها : حبيبي قدر ظروفي ما اقدر اجي
جاد: يعني ماولهتي علي
مها : اشتاقلك حييييل بس ما اقدر .. طب شرايك اشوفك بكره ف المول
جاد بعصيبه: لا المول لااااا
مها: انزين اهدا حبيبي
جاد بخبث : انا ولهت علييييك حسي فيني بشووووفك بشبع بشوفتك مليت من المطاعم والمولات ولا ماتثقي ف حبيبك.
مها : اووك بكره اجي
جاد بأبتسامه عريضه: ويييين تجي؟
مها : ع الشقه
جاد : لبىىىىىىىىىى قلللللللللللبك
مها : ماشي دلبوو الحين بنام عشان بكره عندي دوام
جاد : طيب نووووم الهنا ولاتنسي موعدنا بكره
مها : احبببك
جاد : انا بعد
قفل الخط وما امداه يفكر ف موعد بكره الا وجواله يدق
رد بسرعه : هلااا دنيتي
: انت وييينك مع منوو خطك مشغول انت تكلم غيري صح
جاد : افا ماهقيتها منك تشكي فيني تشكي ف اللي اهدالك حياته تتوقعي اشوف غيرك والااا كلن يشوف الناس بعين طبعه اكيد انتي تخونيني عشان كذا شكيتي فيني صح
: ﻻﻻﻻﻻﻻ اقسم بالله مالي غيرك بس غرت شووي ولا مـو من حقي
جاد بأبتسامه : حقك ونص.
.................................................
.............................

منار تضم جوانه : هلااا ي روحي الحمدلله ع سلامة اهلك
جوانه : الله يسلمك حبيبتي
جت ريم وسلمت عليها وضمتها وتحمدت لها بسلامة اهلها
دخلو البنات ريم نامت ف غرفة اخوها ومنار وجوانه نامو ع سريرها
كل واحد كان شاغله همه ف ماقدروو يسولفو مع بعض كل واحد كان ينتظر الليل عشان يكون فيه مع نفسه

جوانه بداخلها تفكر ف اهلها وتدعي لهم
منار شايله هم بنت خالتها والمشكله الكبيره اللي صارت فيها
ريم تبي الكل ينام عشان تبكي براحتها ع اكبر غلط سوته بس تفكيرها واحد كيف تنتقم لان اللي صاير لها غصب عنها
ناموو البنات ع امل ان بكره يكوون احسن
 

Noonaaa

عضو
صحت ع صوت الاذان لانه كان قريب من المستشفىى
قامت بصعوبه راحت ع الحمام توضت وطلعت ع غرفتها (ايييي برررررد ) قفلت التكييف وراحت ع الدرج اخذت احرام وسجاده صلت ودعت لها ولامها وابوها
سفطت السجاده ورجعتها وتركت الاحرام عليها لانها تحس بالبرد
دانه : امممم وش اسووي الحين .. بدق ع جوانه يمكن تكون صاحيه
اخذت جوالها ودقت
جوانه بخوف: الووو شفييك ي قلبي تعبانه ؟ شي يوجعك؟
دانه : ههههههه انا بخيييير شفييييك
جوانه تنهدت بأرتياح: خفت ﻋﻟﻳك ي مجنونه
دانه: فدييييتك
جوانه: اممم طيب شلونك الحين
دانه: احسن الحمد لله
جوانه: زييين
دانه : ماشي اخليك الحين عشان تكملي نومك وانا بعد بحاول انام
جوانه : اووك ارتاحي انا بجي الصباح واجيب ﻟك ملابس وبشوف متى تطلعي
دانه: انتبهي ع نفسك

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

جالس ع بلوكنتة وبيده قهوته ويتصفح حسابه ف التويتر
ناظر لساعة يده اللي ماخذها
من إقنور مزينه بـ الالماس
جواد: اقوم البس لا اتأخر
لبس بذلته الرصاصي من قوتشي
مشط شعره بترتيب ورش شوي من عطره من ايف سان لوران ..
طلع بهيبته و كـ العاده توجه لشركته


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

منار: جووجوو يلاااا قومي صارت الساعه 10
فتحت عيينها بصعوبه ولسى الثانيه مقفوله : افففف نمت كثييير .. بس ماشبعت
ريم: ايي دايم الدبات مايشبعو نوم
قامت جوانه وهي تشهق : انا دباااا ؟؟
منار: هههههه هذي لو اكسرها تنكسر
ريم تغمز بعينها : عرفت اخليها تصحصح
لبست جوانه الشبشب وقالت وهي وتمشي ع الحمام : مالت عليكم محد ينام عندكم
تحممت وطلعت لبست مع ريم مشطت شعرها الاسود الطويل لحد نصف ظهرها وخلته مفتوح عشان ينشف

دخلت ريم حامله ف يدها صينيه : منووور ي الدبه تعالي ساعديني
منار: خدامتك ونا مادري
ريم هزت راسها بتوعد: مااااشي اوريك .. ترا مازن بالصاله تحت وييييييييلك تنزلي سامعه
طلعت وشوي الا ومنار لاحقتها
ريم: خير شتبيييين
منار بهدوء متصنع: بساعدك فديتك
ريم : ي سلااااام مو من شووي تقولي مـو خدامتك ولا عشان (حطت يدها ع فم ريم عشان ماتفضحها )
منار تهمس : بتفضحيني انتي ؟
ريم عضت يدها ف شالتها بسرعه: قدامي ع المطبخ
منار: حشا اسنان دينصور مو بشر

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

سميره وهي ع طاولة الطعام تفطر : مااري مااااري
جت ماري بسرعه: يس مدام
سميره: وين جاد وجواد
ماري: بابا جواد يطلع بدري بابا جاد نووم
سميره تكلم نفسها: ياربي متىى بيصير مثل اخوه متىى
كلمت الخدامه : اطلعي صحي جاد
ماري: اووك
ماكملت كلمتها الا وابو جواد داخل غرفة الطعام
ابو جواد : صباح الخير
سميره بدون ماتناظره : هلا
جلس ع كرسيه وبدا يفطر : جواد راح ع الشركه؟
سميره : ايه
ناظرها وهو يضحك: اشبوو الحلوو زعلان
سميره بنص عين : سلامتك
ابو جواد وهو يشرب الشاي: علامك احد مضيق صدرك
سميره بنفاذ صبر: صرت ما ادري متى تسافر ومتى ترجع. متى تنام ومتى تصحى كل الوقت برا البيت كل ذا شغل ؟ علمني ليش ماتجلس بالبيت وين تروح
ابوجواد بملل: كم مرره اجاوبك
سميره: ما اقنعتني بجوابك .. ناظرت فيه بتفحص وتهديد : ابووو جواااااد ليكون ماخذلك مرره غيري
ابو جواد : يابنت الحلال انا وحده ومبتلش فيها تبين اخذ لي ثانيه
سميره مبققه عيونها : انااا نشبه يعني ؟؟
ابو جواد يرقع. بأبتسامه وغمزه: ابتلشت ف حبك يعني
سميره بحاجب مرفوع : ايي اكذب علي بكم كلمه
ابو جواد وهو ياخذ منديل ويمسح يده: مشكلتك عجزتي ولساتني شباب ف قمتي تشكي فيه.
سميره : انااااا؟؟؟؟ ۈآﻟﻟہ شوف نفسك انا لـو تطلقني الف من يتمناني
قام ابو جواد : ههههههههههه ايي صح المهم يلا عن اذنك تأخرت ع الشغل
سميره : بحفظ الرحمن ولاتنسى اللي موصيتك عليه
ابوو جواد: ابشرررري من عيوني
(ابوو جواد -خالد- اكبر ﻣن زوجته ب4 سنوات شخصيته حلوه ويحب المزح ومرره اجتماعي عكس زوجته اللي ماتختلط الا بناس من طبقتها الراقيه )


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


منار تناظر ريم اللي تحاول تكون طبيعيه قدام جوانه
منار: ريمي ليش ماتفطري
ريم بعالم ثاني : .......
جوانه تناظرها ورجعت تناظر منار وتأشر لها بيدها بمعنى شفيها
منار هزت كتوفها يعني مدري
جوانه تكلم ريم وهي تلوح بيدها قدام عيونها: ي هوووووووو وييييين وصلتي
انتبهت لها: هااه امممم معكم بس سرحت شووي
جوانه: هههههههه ليكون ف الحب سرحتي
منار ناظرت جوانه ع طول يعني اسكتي
قامت ريم بسرعه ودخلت الحمام
جوانه بأستغراب : شفيكم انا وش قلت
منار: ولا شي بس ريمي تتحس من مواضيع الحب وماتحب تحكي فيها
جوانه بأسف: فديتها طيب بقوم اعتذر منها
ردت منار بسرعه: ﻻﻻﻻ لاتقولي شي خلص انسي الموضوع
جوانه(حسيت بينهم سالفه بس مايبون يعلموني ) جوانه: اووك مابقول شي
قامت جوانه عشان تجهز نفسها بتروح عند اهلها
منار تناظرها: الحين رايحه؟
جوانه : ايه
منار: راح اجي معك
جوانه : اووك جهزي نفسك ع بال ما اكلم السايق يجي
منار: ثواني اكون جاهزه
ريم اللي توها تجي. قالت بأستغراب وهي تناظر ف البنات: على ويين
منار: جوجو بتروح لأهلها وبروح اتطمن عليهم معها
جوانه: تجي معنا؟
ريم: ﻻﻻ مابي احس تعبانه وبنام .. تكلم منار: مينوو ارجعي عندي ابيك
منار وهي تلبس عباتها : اوكيشن

طلعو البنات وركبو السياره ع المستشفىى


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


طق طق طق طق
جاد: افففففففف وبعديييين وووش هالازعاج
ماري: ماما يبي انتا قوم
جاد: خلاص روحي انا صحيت
ماسمع حس عند الباب عدل بطانيته ورجع نااام


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

وقف ﻣن ورا مكتبه وهوو يبتسم: هلا هلاا بطويل العمر
خالد : اجلس اجلس
جواد وهو يجلس: آآآآمر يبه
خالد: مايامر ﻋﻟﻳك عدو شلون الشغل
جواد: الحمد لله يبه كل شي ماشي مثل ماتبي
خالد: كفوو ي ولدي .. الا وين اخوك ما اشوفه
جواد: والله يبه وش اقولك هالولد ما منه فايده
خالد يهز راسه: انا عارف وغسلت يدي منه
جواد: ماعليه توه صغير ومو قد المسؤليه
خالد: يوم كنت انت بعمره كنت ماسك اهم شركه بين شركاتنا
جواد: الله يهديه انشالله
خالد: اميين .. المهم بغيت اقولك ابيك تسافر اليوم على لندن تشوف الامور هناك. عبدالمجيد كلمني يقول ظروري احضر الاجتماع مع المهندسين اللي بيقومو بالمشروع. و انا هالفتره مراح اقدر اسافر
جواد: ابشر طال عمرك اليوم اسافر
خالد: زين. وانا راح ادير المجموعه هنا
جواد : تم
خالد يناظر ولده بنص عين: انت طالع لامك
ابتسم جواد : من اي ناحيه
خالد: قعيطي بخييل مثلها ماطلبت لي لو فنجان قهوه!!
جواد: هههههههه بس قهوه انت تامر الحيين تجيك


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


بالسياره
منار متردده تحكي لجوانه عن السالفه او لا
وتذكرت حالة بنت خالتها يوم تخبرها باللي صار
.
.
.
منار : خلاااااااص اهدييييييي
مسكت يدين منار: مينوو ساعديني هالنذل دمرر حياتي
حضنتها وهي تقول : انا معك وبساعدك بس فهميني وش صار
هدت شووي وبدت تحكي بإرتباك : كنت بشوفه نفس كل مرره وانتي تعرفي ما اشوفه غير وانا بسيارتنا لاني مابي اكون معه بروحنا. بس (وبدت تبكي
منار تمسح دموعها : كملي اهدي وكملي
ريم : اصر علي انزل معه .. قال مراح اوديك مكان بس نجلس بسيارتي شووي وتروحين
ومن كثر اصراره قررت اروح جلسنا بالسياره سولف لي عن اشياء كثيره وبعدها قال انا عطشت طلع 2 عصير شفته عادي بس اللي ماانتبهت عليه العصير حقي كان مفتوح شربت حبيت طعمه وشربت اكثر وماعدت حسيت بشي
سكتت ومنار تناظرها: طيييب وبعديييين
ريم بدا الدمع يتجمع ف عيونها : صحيت ووكنت كنننت ع سرير وكان ك كا ن (ماقدرت تكمل من كثر دموعها ومنار فهمت السالفه)
.
.
.
تنهدت منار بضيق وبصوت مسموع
جوانه: بسم الله ﻋﻟﻳك شفيك
منار تناظرها: بعد نطلع من المستشفى ابي اخبرك على سالفه
جوانه(ناظرتها بأستغراب): ليش مو الحين
منار: قربنا نوصل المستشفى خليها اذا طلعنا لان السالفه طويله
جوانه: اووك



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



:يمااااااه يلا كلميها
: يابنت اركدي علامك
: ابي اعرف الخبر صدق ولا لا بسررررعه
: زيين زييين جننتيني
كتبت الرقم وحطت السماعه ع اذنها بإنتظار الرد : الوو السلام عليكم
سميره: اهلين وعليكم السلام
ام خوله: شخباركـ؟؟ وشلون عيالك
سميره: بصحه وسلامه الحمد لله .. انتي طمنيني عنك
ام خوله: انا بخيير دامك بخير .. سكتت شوي وبعدها قالت: مبرووك ي ام جواد
سميره بإستغراب: على ايش
ام خوله: موو خطبتو لجواد
سميره: ههههه ليش صدقتي .. هذي مجرد اشاعه مدري منو طلعها
ام خوله تبتسم وتغمز لبنتها: والله فكرت الموضوع جد وقلت ابارك لك
سميره: لوو صار شي مثل هـذا انتي اول وحده بتعرفي
ام خوله: انا بصراحه زعلت قلت معقوله اسمع خبر من الناس وحبيبتي وصديقتي ام جواد ماتقلي .. بس زين انه اشاعه
سمييره : ولا تزعلي ولا شي قلتلك اول ناس بتعرف عن خطوبة جواد
ابتسمت ام خوله لانها فهمت الموضوع انها اول وحده بتعرف لان جواد راح يخطب بنتها:
ام خوله: علىى خيير انشالله .. اجل مراح اطول ﻋﻟﻳك .. وسلمي ع جواد وجاد
سميره: يوصل .. مع السلامه
قفلت السماعه
خوله : هاا يمممه وش قالت
ابتسمت امها : ابشررك اشاعات ماخطب ولا شي
خوله طارت من الفرح وجلست تبووس امهاا
ام خوله : بس بس خلاص ذبحتيني
خوله : يا سلاااااام لو يتزوجني بصير مليارديره
ام خوله: يارب يخطبك وافتك منك
خوله: آآآآآآآآآآآآآآآميييييييييين


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


جوانه ماسكه يد امها: شلونك الحين يمه تحسين بشي تاعبك شي
عبير (ام جوانه): انا بخير حبيبتي انتي طمنيني عنك وشلونك وكيف ابوك واختك
جوانه: بخيير الحمد لله شفت ابوي بس ماطولت كان نايم و دانه بروح لها الحين
منار: لاتخافي خالتي الكل بخير وانشالله اليوم بتطلعون
عبير : ان شاءالله
طق طق طق .. دخل الدكتور ومعه ممرضتين
شاف ملف عبير والممرضات شافو ضغطها وحرارتها
الدكتور وهو يناظر الاوراق: كيفك اليوم انشالله احسن
عبير: الحمد لله
الدكتور ناظر جوانه : تقدري تطلعيها اليوم كل فحوصاتها سليمه
جوانه بفرح: والله؟؟ طب واختي
الدكتور يناظر عيونها (ي الله وش فيني انا من امس اذا شفت عيونها ليش ادوخ واسرح)
جوانه بصوت مرتفع شوي: دكتووووور
الدكتور بأرتباك : اشوف تحاليلها واقرر
طلع مع الممرضات
منار وهي تغمز لجوانه بأبتسامه وتدقها بيدها: شعنده الاخ
جوانه قالت بهمس وعدم اهتمام: مدري
منار لسى مبتسمه: شكله معجب فيني طول وقته يناظر بعيوني
جوانه: قليل ادب مايعرف ينزل عيونه عني
منار : ي الدبا اجل انتبهتي
جوانه تغمز لها: ايي اكيييد
منار: بس بصراحه هو خقق
جوانه: عادي مو ذاك الزود
منار تفتح عيونها: هذا عااااادي؟؟ ۈآﻟﻟہ مرره يجنن لو كان يناظرني انا كنت اديته رقمي
جوانه: هههههههه اقول امشي نروح عند دندونه
منار: اييي يلا بسرعه يمكن اشوفه
ضحكت ع جنونها واستأذنت من امها و على غرفة دانه


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


صحىى ع الساعه 11 ونص ناظر ساعته
واخذ جواله شاف 23 مكالمه
جاد يكلم نفسه: يا الله نسينا الموعد افففف
كلم مها: صباح الخيييير حبيبتي
مها: هلاا حبيبي وييينك خوفتني عليك
جاد: فديييييتك والله كنت نايم
مها: طب شلونك
جاد: بخيير دام سمعت هالصوت
مها: دوووم يارب
جاد: تدوم ايامك حياتي
مها: اممممم انا الحين فاضيه
جاد بأبتسامه : يعني اجي آآآخذك
مها: ايه
جاد : فدييييييييتك واخيرا بشوفك .. 10دقايق بس واكون عند باب الجامعه
مها : احبك
قفل الخط و ع طول ع حمامه يتحمم ويضبط نفسه



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


منصور وهو يركب السياره بعد ما طلع جواد: طال عمرك طيارتك جاهزه
جواد: زين اول وديني البيت بسلم ع الوالده
منصور: ابشر
توجه ع البيت و في طريقه للبيت وقف عند الاشاره
كان مشغول بالاوراق اللي ف يده رفع راسه بتعب وهو يمسح ع شعره ووجهه
ناظر الرصيف والاشاره وارتسمت ابتسامه ع شفاته ( هه ياترا وش تسوي الحين ) غمض عيونه وضحك ( صدق اني مجنون وانا وش ابي فيها)
كملوو طريق للبيت
انفتح الباب ودخلت السياره لقصر الهامي
مشت في الممر اللي وصلها للكراج اللي تحت القصر
نزل منصور وفتح له الباب : تفضل طال عمرك
نزل جواد و طلع المصعد اللي وداه لـ الدور الاول اول ماوصل جت وحده من الخدام وخذت شنطته
جواد: لاتطلعيها فوق .. بطلع بعد شوي
الخدامه: اوكي
جواد: وين امي
الخدامه: ف الصاله
مشى جواد لـ الصاله عشان يشوف امه ويخبرها انه بيسافر
وقف لما شاف جاد ينزل الدرج بسرعه وريحة عطره تسبقه
جواد: خير خير على ويين العزم انشالله
جاد وهو ينزل ويتكلم وهو يمشي من عنده: عندي مشواار يلا باااااي
طلع
كمل جواد طريقه وهو يدعي بالهدايه لاخوه



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



جالسه ف غرفتها وحاضنه دبها الكبير اللي اخذه لها حبيبها بكت بألم وهي تذكر ايامها معه حضنته اكثر وزادت شهقاتها .. ذكرت اخر مره شافته رمت الدب ع الارض بكررره وحقد قامت بسرعه فتحت درج الكمودينه وهي تفتش بجنون وترمي الاغراض ع الارض لحد ما لقت مقص اخذته وصارت تقطع الدب بقوه وجنون وهي تبكي وتتكلم ( حقير نذل اكرهك مراح اسامحك الله ينتقم منك الله ينتقم منك



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



جوانه وهي تقفل شنطة اختها : يلا بسرعه تأخرت ع ماما
دانه: جهزت خلاص .. يلا مشينا
منار: ﻻﻻ لحظه جوجو تعالي نسأل الدكتور عن الادويه وكذا
جوانه بأبتسامه : روحي اسأليه بروحك
منار: جوجو يلا عاد تعالي معي
جوانه: نو نو مابروح
منار: جوانه يلاااااااا عن الدلع تعالييي
جوانه: اف وش تبين فيه. ناظرني انا وتلاحقه هالخبله
منار تناظرها ورافعه حاجب: خفي علينا ي توم كروز
جوانه: وعع تشبهي هالجمال برجال .حركت رموشها. انا احلى
منار : اي اي درينا. بس يلا خلصيني
دانه بأبتسامه : وش السالفه
جوانه : هالخبله الدكتور يناظر فيني وهي حبته
منار بققت عيونها : احم احم انسه جوانه. للتصحيح انا اوعجبتو بهي وليس حبيته
جوانه وهي تضربها ع كتفها بخفه : امشي امشي نشوفه ي اوعجبتو
منار بأبتسامه عريضه : مشينا

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

فتحت باب سيارته بتردد ودخلت بهدوء
مها تناظر جاد: عمري قلبي يدق بسرعه
جاد بأبتسامه : لبى قلبك انا. الحين نروح البيت وترتاحي
مها بخوف : طيب خلاص خلنا هنا بالسياره بناخذ راحتنا
جاد: الهيئه بتشوفنا وتصير لك فضيحه.
كمل وهو يرفع يدينه. انا بالنسيه لي عادي. ناظرها : بس انتي اللي بتروحي فيها
مها: اوك خلاص وديني ع بيتك
ابتسم : هوااااااااااا


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



دخل الصاله وابتسامته ع وجهه
جواد: السلام عليكم يالغاليه
سميره بأبتسامه: هلا ي يمه وعليكم السلام.
تطبطب ع الكنبه اللي جنبها : تعال اجلس جنبي
جواد بعد باس راسها جلس جنبها وهو يمسك يدهاا
سميره وهي تمسح ع شعره بيدها الثانيه: ياحبيبي انت
ابتسم جواد: اذا كذا راح تدلعيني مراح اقدر اسافر
سميره: الغي سفرتك ماشبعت منك
جواد: حاااااضر
سميره بأبتسامه: لا ي قلبي روح ربي يوفقك. خبرني ابوك ان الشغل موقف ف لندن ولازم تروح
جواد: بعد حاااااضر
سميره وهي تتنهد: انا ما ادري اخوك طالع ع منو. ليش ماطلع مثلك
جواد: يمه توه صغير ومايفهم شي
سميره: ايوه صح وانت كبرت ولازم ادورلك عروس قبل تعجز
جواد: هههههه لا يمه لسى بدري. لاحق ع الهم
سميره: اي لسى الحين بالله ماتقول لي كم عمرك
جواد: لسى يمه لسى
سميره: ابي افرح فيك ي ولدي
جواد: انشااااااالله بس مو الحين. وقف وهو يناظر ساعته : يمه بروح تأخرت. لازم اطلع الحين
سميره: راسك يابس. بس ماعليه اذا رجعت نتكلم ف هالموضوع
جواد: حاضر يمه تامرين امر
سميره وقفت وهي تحضن ولدها: ربي يحفظك ويرجعك سالم
ابتسم جواد وباسها وطلع



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



وقف عند السوبر وهو يسألها: تبين شي حبيبي
مها: لا ي روحي
نزل واخذ جواله ويتصل
ماهر: اهليييين وين الغيبه
جاد: اسمع انت بالبيت ؟
ماهر: ايه
جاد: اختفي يلا. بس قبل تطلع شغل الكميرات
ماهر بأبتسامه خبيثه: مالي نصيب
جاد: لا هذي حقتي بس انا
ماهر: ايامك ي عمممم
جاد: اقلب وجهك بس
قفل الخط ورجع السياره
مها: مين كلمت
جاد وهو يحرك السياره: هذي الوالده اشغلتني
مها: ليش؟ وش تبي
جاد: حبي ترا ما احب الاسئله الزايده
مها: طيب
جاد: احبكك
مها بأبتسامه: وانا بعد


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


عند غرفة الدكتور
منار تدف جوانه: ادخلي انتي
جوانه تشيل يد منار : انتي اللي تبينه ادخلي مالي شغل
منار برجاء: يلاااا عاااااد
جوانه: نو نو مابي
منار بطفش: ياربي منك وليش جيتي معي
جوانه هزت كتوفها. يعني مدري
منار:طب انا وش دخلني انتي اسأليه عن اهلك. بأبتسامه: وانا اناظره
جوانه: الحين يفكر اني الاحقه
منار: يووووووه منك مراح يفكر كذا
جوانه : الا. كل الشباب تفكيرهم كذا
منار شوي وتبكي : ياربي الهمني الصبر من هالمخلوقه اللي جنبي
جوانه: انتي خاقه معه ادخلي انتي
منار بنفاذ صبر: امشي خلاص مابيه اصلا مو حلو
جوانه ظهرها ع الباب وتتكلم عشان تغيضها: بالعكس (انفتح الباب وما انتبهت) احلىى دكتور شفته بحياتي وله غمازات وااااي فديته بس خاطري لو ابوسه يالبيييييه
منار صارت مزهريه من الفشله وتناظر بأتجاه الباب
جوانه : هييييه شفيك
منار تأشر بعيونها ع الباب
جوانه بأستغراب: شنو
رجعت منار تأشر بعيونها ع الباب
التفت بشويش ويوم شافته خلفها بالضبط ااااااااااااااااااااااااااااااااااااااااااه
صرخت بأعلى صوتها ومنار من سمعها تصرخ قامت تصارخ بعد: ااااااااااااااااااااااااااااااااااااااااااااااااااا مشت جوانه وهي تمسك يد منار وتجرها وتركض ومنار تركض معها
لحد مابعدو شوي منار استوعبت اللي يصير وسحبت يدها وبصوت عالي : هيييييييه شفيييييككككك
وقفت جوانه وهي تتنفس بصعوبه من الركض وماسكه ع صدرها وتناظر منار وانفجرو الثنتين ضحكككك
منار: هههههه ههههههههه شكلك ههههههه ااااااه بطني ههههههههه والدكتور مبسوط هههههههههههههههههه
جوانه: هههههههههه الله ياخذك كله منك
منار: ااااااااااخ ي بطني ههههههههههه بوسه هههههه شو بوسه ههههههه والا والا يوم صرختي بوجهه هههههههههه
جوانه تاخذ نفس وبدت تتجمع بعيونها دموع: الحين وش يقول عني. وصارت تبكي
منار مو قادره تسكت : هههههههههه معجبه ف غمازاته هاه وودك لو تبوسيه ههههههههههههههههههههه
جوانه تضربها ع كتفها: عن السخافه اقول
منار: يمه بطني ههههههههه الحين بفهم شي ليه تبكي ههههههههههههههه
جوانه: ءءء والله فشله
منار : هههههههههههههههههههه
جوانه تناظرها بحقد: ضحكتي من سرك قولي امين. وهي تمسح دموعها. انا بروح عند دندونه
منار ولسى تضحك راحت معها

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

جاالسه بغرفتها وتفكر
:امممممم راح اخليه يحبني ويخطبني بسرعه. اي لحد متى بنتظره. الحين اذا كبرت اكيد امه راح تدور له عروس غيري
اخذت تلفونها ودورت رقمه ابتسمت وهي تضغط زر الاتصال
بعد ثواني جاها الرد
جواد: الووووو
خوله بدلع متصنع: اهليييين
جواد بأستغراب : منو معي
خوله بدلع اكثر: افاااا ماعرفتني. ﻻﻻ كذا بزعل منك
جواد بحزم: عفوا بتقولي من والا مضطر اقفل
خوله: وه فديتككك بس. اوك بقولك مين انا“وسكتت
جواد: خلصيني
خوله: انا احبت جواااد
جواد مصدوم من طريقة كلامها ومنها: عفوا منو انتي عشان تتكلمي معي كذا. وبحزم. لو سمحتي لا عاد تتصلي
خوله : دقيقه بس
جواد بعصبيه: شنووووو
خوله: انا خوله بنت محمد
جواد بصدمه: خوله!!! بنت عمي ابو خالد!!!
خوله: اي انا
جواد بأستغراب: طيب. اححم عن اذنك مشغول الحين
خوله بدلع: لا مافي ابي اكلممك
جواد بتوتر: عندي رحله اكلمك اذا وصلت
خوله: اوعدني
جواد: خلاص قلت بكلمك
خوله بدلع ماصخ: لااا توعدني الحين يعني الحين
جواد يبي يخلص: اوك وعد
خوله: ماشي ي روحي بااااي وانتبه ع نفسك
جود: االله معك
قفل وهو يناظر جواله : وش تبي ذي من وين طلعت لي
كمل ترتيب اوراقه وحطها باالشنطه وقف بسرعه وهو يحمل شنطته ويتوجه لطيارته


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


جاد يفتح البيت: تفضلي حبيبي
دخلت مها وهو قفل الباب
جلس ع الكنبه وجت جلست جنبه
جاد وهو يمسك يدها: اخيرا صرت معك بدون خوف ولا حواجز
مها بأبتسامه: عشان تعرف اني احبك
جاد : وانا اعشقككك. امممم تبي تظلي كذا بالعبايه
مها: اي مرتاحه كذا
جاد: بشوف جسمك ولبسك
مها: لا جودي مابي
جاد وهو يحاول مايعصب : عشان خاطر جودك بشوفك لو مره. والا ممنوع اشوف زوجتى المستقبليه
مها مجنونه فيه لدرجة تسمع اي شي يقوله لها. شالت عبايتها
جاد وهو يناظر رقبتها اللي مثل الثلج وينزل ع صدها المتوسط ووطالع شوي ينزل لخصرها المليان ورجع يناظر عيونها : يا لبىىىىى هالجمااااااال تعالي اجلسي جنبي
جلست وهو يناظر بوجهها قرب منها وقرب وهي بمكانها و لا قدرت تتحرك................................
.....................................................................................................................
 

Noonaaa

عضو
وقفت فجأه والتفتت ع منار اللي لسى تتبسم ع الموقف اللي صار معهم
جوانه: نسيت اسألك وش كنتي راح تقولي لي
تغيرت ملامح منار : امممم ماينفع الحين
جوانه: ليش ماينفع
منار : سالفه طويله ولازم اقولها لك ف البيت
جوانه: طيب الحين انتي مراح ترجعي عندي
منار: اروح معك البيت نحكي وكذا وبعدين ارجع ع بيت خالتي
جوانه: اوك
دخلو الغرفه عند دانه
جوانه: ها حبيبتي جاهزه
دانه: اي جاهزه
جوانه وهي تمسك بيدها: اجل يلا نطلع
اخذو دانه وامها وطلعو ع البيت


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


تسمع صوت امها وهي تناديها بس مو قادره ترد بعد اللي سوته بنفسها
دموعها ع خدها وتحاول تتكلم بس صوتها ماينسمع
ريم بصوت تعبان: يمه انا هنا. يمهه تعالي. يمه الحقيني مابي اموت يم يمممه اااه ي
وغابت عن الوعي
نفس البيت تحت: ام ريم تكلم ابوها: انا هالبنت مدري شفيها صار لها يومين بس بغرفتها
ابو ريم يتصفح الجرايد: يمكن انها مريضه. شوفيها
ام ريم : مي مريضه بس مدري وش بلاها ماتكلمني
ابو ريم: والله مدري. اطلعي شوفيها
ام ريم: الحين اصعد اشوفها

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

: الووو انتي وينك
منار: فهود قول لابوي ان عمي بالمستشفى
فهد: بالمستشفىىى؟ ليش وش فيه
منار: مسوين حادث
فهد بخوف: جواااانه بخير؟
منار: تطمن كلهم بخير امس مسوين الحادث والحين خالتي ودانه طالعين بس عمي لسى شوي تعبان
فهد: الحمدلله ع سلامتهم. طيب وجوانه شلونها
منار: بخير ماكانت معهم
فهد: الحمدلله. الحين عمي بأي مستشفى
منار: التخصصي
فهد: اوك انتي خليك معهم والعصر راح اجي اخذك واسلم عليهم
منار: تمام.
فهد: مع السلامه
منار: باي

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

بعد وصلت البيت وتطمنت ع اختها وامها سحبت منار من يدها وطلعت ع غرفتها
جوانه وهي تقفل الباب: يلا قولي لي وش السالفه
منار تتنهد: فيككك لقااااافه ماتخليك تصبرين دقيقه
جلست جوانه ع سريرها: خلصيني يلا قولي وش فيه
منار تمسك ع بطنها: طيب انا جيعانه ماتتغدون انتم
جوانه بنفاذ صبر: الحين بتقولين والا شلوووون
منار تبتسم: الا بقلك بس جيعانه
جوانه بعصبيه: جعلك الساحق الماحق والرصاص المتلاحق
منار بققت عيونها وتشهق وهي تحط يدها ع صدرها: ييممممممه وش هالدعوه جعلك مثلها ي متوحشه
جوانه: وشوي بعد عليك. الحين من الصبح انتظر نرجع البيت واخر شي ماتقولي
منار تجلس جنبها: طيب طيب بقولك قبل تموتين.
جوانه : اوك قولي
خبرتها منار بكل شي قالته لها ريم
جوانه مبققه عيونها : معقوله لسى في ناس بهالحقاره
منار بأسف: كثييييييرررر
جوانه: فديتها. وانا اقول شفيها شكلها تعبانه
منار: الحين انا قلت لك عشان تشوفي لها حل
جوانه: طيب منو هالشاب من وين وكيف عرفته
منار: اسمه جاد الهامي تعرفينهم
جوانه: لا من وين بعرفه
منار: هذا عائلتهم من ضمن اغنياء العالم
جوانه فاتحه عيونها: لهاالدرجه. طب شلون عرفته. يعني هي مستوها حلو بس مو مررره.
منار: تعرفت عليه ع البي بي
جوانه: فديتها اكيييد مستحيل يتزوجها
منار: هي خايفه الحين من اهلها وصدمتها قويه ف جاد. ونفسيتها زفت. وانا خايفه عليها كثير
جوانه تفكر : اممممم مراح نقدر نسوي شي لها بس بخليه يندم ع اللي سواه فيها
منار: شلون
جوانه: مدري بس بفكر وراح تشوفي وش بيصير له هالنذل
منار بخوف: جوجو لا تحاولي تتحدينه. هذا واحد ما ينلعب معه
جوانه بأصرار: راح تشوفي
طق طق طق
جوانه: ادخلل
الخدامه: غدا جاهز
جوانه: اوك .. يلا ي الجيعانه الغدا جاهز
نزلت ع الغدا وهي تفكر بخطه تدمر فيها جاد
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

فتحت عيونها بهدوء مو مصدقه اللي صار
: انا شلون تماديت معه شلون وصلت لهاالدرجه
التفت له لقته جالس ع طرف السرير ومو ﻻبس غير البنطلون ضمت نفسها وشدت اللحاف عليها وهي تسأل: جاد وش صار
التفت عليها وهو يبتسم بسخريه: ابد انبسطنا شوي بس
نزلت دموعها: جاد انت وش سوووويت لييييش
قرب لها وحط اصبعه ع فمها وهو يقول: اوووششش لا اسمع نفس. كل شي صار برضاك. وابتعد عنها
ناظرت فيه: طيب وش بيصير بعد كذا
جاد وهو يلبس قميصه : امممم ارجعك ع بيتكم وش بيصير يعني
مها ودموعها ع خدها: لا اقصد بعدين
خلص من لبس قميصه وجلس ع السرير وهو يقرب لها تحسس خدها وهو يحاول يشيل الغطا: تصدقين ماشبعت منك
مها تشد على نفسها وتغمض عيونها وهي تحط يدها ع صدره بقرررف: وخررر عني
رفع راسه بأستغراب وضحك بصوت عالي وبغرور : ترا شفت كل جسمك من شوي. لاتسوي فيها شريفه
مها مو قادره تتكلم من دموعها
وقف وهو يعدل قميصه ويكمل الازرار: تحركي خلصيني والا عاجبتك الجلسه هنا
ماردت
جاد: عن نفسي ماعندي مانع بالعكس. وهو يغمز لها. راح انبسط اكثثثررر
وقفت مها وهي تلف اللحاف عليها وراحت ع الحمام


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


خوله تكلم صديقتها: مرررره صوته يجنن ابيه سومي ابيه
سماح: يوووه لاتتأملي كثير هذا ولد الهامي تعرفي شو يعني
خوله بغرور: راح تشوفي كيف راح اجيب راسه
سماح: والله خايفه عليك
خوله: هههههههههه وليش خايفه علي
سماح: مدري احسهم ناس ماينلعب معهم
خوله: انتي بس اصبري وراح تشوفي
سماح: وبعدين جواد ذا مغرور كل البنات مو شايفهم واحسه معقد ونفسيه
خوله: هييه لاتغلطي ع زوجي
سماح: زوجك ف عينك لسىئ
خوله بغرور: هههه بيصير زوجي وابو عيالي بعد
سماح: اوم الثقه
قفلت خوله وهي تبتسم : بعدك ماعرفتيني ي سماح لسى ماعرفتيني

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ع طاولة الطعام
جوانه وهي تشرب العصير: الحمدلله
عبير: على وين ما اكلتي
جوانه: بروح اشوف بابا
عبير: أنا بعد بروح معك انتظريني
جوانه: لا يمه انتي ارتاحي لساتك تعبانه
منار: ايه ارتاحي خالتي توك طالعه من المستشفى
جوانه: أنا بطمنك عليه
عبير: بس ودي اشوفه واتطمن بنفسي
جوانه: اصلا راح يزعل إذا شافك كذا
دانه: صح يمه ارتاحي اليوم
عبير: طيب. بس إذا وصلتي كلميني ابي اسمع صوته
منار تغمز لها: كل هذا حب
عبير بأبتسامه: ايه. من لي غيره
جوانه: افاا وانا واختي وين رحنا
دانه: ههههههه مالنا داعي أنا وانتي
عبير: انتو روحي وابوكم قلبي
منار تسوي انها بتتطيح ع جوانه اللي جالسه جنبها: ي ويل حالي شو هالحب. يارب ارزقني بزوج احبه ويحبني نفسهم
جوانه: هههه استحي ي بنت
منار: قولي امين ي الدبا
جوانه بصوت عالي وهي ترفع يديها: آآآآآآآآآآآآآآآآآآمين وافتك منك
منار تشهق: قويه عاد تفتكي مني. أجل مانيب متزوجه ع قلبك
جوانه: هههههه احسن. وهي توقف : بروح البس واروح لبابا
منار توقف : أجل وصليني بيت خالتي

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

فتحت الباب وماشافت بنتها ع سريرها. ناظرت الغرفه كامله مالقتها
ام ريم : ريييم. رييييم وينك
شافت باب الحمام مفتوح
ظلت تنادي محد رد دخلت ولقت ريم ع الارض والدم حولها
ناظرتها بدهشه وصااارت تصرخ وتنادي ابو ريم
ام ريم وهي تهزها ودموعها ع خدها: رييييم قومي وش فيييك ي بنتي وش جرالك
جا ابو ريم وتفاجأ باللي صار. صار يصحي بنته. اخذ شماغه وربط يدها عشان يخف النزيف. حملها ع طول ونزل فيها ع السياره وهو يتكلم ع ام ريم بصوت عالي : بسرعه خذي عباتك والحقي
حطها ف الخلف وركب وهو يشغل السياره جت ام ريم تركض وركبت عند بنتها
ام ريم: بسرعه بسرعه ي جاسم البنت بتروح منا اتجهو ع المشفى بأقصى سرررعه
وصل ع المشفى وهو يدق بوري عشان يجي احد يحملها
جت الممرضات و النقاله واخذو ريم ع غرفة الانعاش .. .. ..

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ف سيارة جاد
مها بخوف: جاد واللي يسلمك لاتسوي كذا فيني. انا حبييييييتتتتككككك
جاد يبتسم بسخريه: والله قلتلك كل شي صار برضاك. كنتي تقدري تمنعيني
مها ودموعها ماوقفت: حرام عليككك ليش تسوي فيني كذا
جاد يوقف عند بيت مها: انتهى الموضوع. خلاص انزلي
مها تمسك ذراعه وهي تبكي: جاد الله يخليك لاتسوي كذا لاتتركني
جاد بقرف سحب يده : بتنزلين والا شلون؟ وبعدين انا ماقلت بخليك. لسىى بدري
مها: جاد انا احبك
جاد بسخريه : حبك كبير حتى سلمتيني نفسك بدون مقاومه. انزلي تأخرت
مها ماقدرت تقول شي نزلت وهي تتمنى الموت تتمنى لو كان عندها سكين تغرسه ف قلب جاد عشان تنتقم منه ع اللي سواه فيها
نزلت وهي تجر رجولها جر ودموعها ع خدها ولا تدري وش تسوي

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

جالس ف مكتبه ويفكر. أنا ليش اشغل بالي فيها. طيب معقوله كانت تقصدني وقف بسرعه وراح ع الحمام وقف قدام المرايه وابتسم وجلس يضحك ههه توي ادري اني معي غمازات. يعني كانت تتكلم عني. غمض عيونه واخذ نفس وفتحها أنا ف وش افكرر وش جابني هنا واناظر نفسي صدق اني مجنون. غسل وجهه ورجع ع مكتبه
الممرضه: دكتور وليد بسرعه يبونك ف الطوارىء
حط سماعته ع رقبته وطلع

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


الساعه 8 م
وفي مطار هيثرو - لندن
نزل من طيارته بهيبته المعتاده وركب في البي ام
السايق: اوديك بيتك والا الفندق طال عمرك
جواد: ﻻﻻ ع الفندق. وفي نفسه لاحق ع الهم
السايق: حاضر
جواد طلع له سجاره: اسمع
السايق: سم
ولع سيجارته واخذ نفس: لا احد يعرف اني موجود هنا. بالذات كرستين
السايق: تامر طال عمرك
كمل طريقه ع الفندق وهو يناظر شوارع لندن اللي ف كل مكان له ذكرى فيه

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


مسكت يدها وهي تبكي وبعتب: ليش كذا ؟ ليش تسوين هالشي
ريم بتعب: تعبت يا ميمي حيييل تعبت
منار: وتنتحرري ؟؟ كل شي له حل. تبي تخسري الدنيا والاخره بعد ليش كذا
ريم نزلت دموعها: منار ابي منك طلب
منار: ااامري ي قلبي كلي لك
ريم: دقي ع جاد وخبريه عني
منار: انتي مجنونه؟ لا مستحيل
ريم: الله يخليك
منار: لا مستحيل اخليه يفكر انك ضعيفه
ريم: ابيه يحس بالذنب
منار: لا لا كذا يستانس انه كسرك
ريم: بلييييز لاتتعبيني اكثر
منار بعدم اقتناع: طيب
اخذت جوالها ودقت

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

توه وصل البيت رمى نفسه ع سريره بتعب
سمع جواله يدق ناظر المتصل
جاد: اوووه وش تبي ذي
رد بطفش: نعمممم
منار طلعت من غرفة ريم عشان تاخذ راحتها: انت شنو من بشر
جاد : اووووه مو فاضي لمحاضراتك
منار: تدري وين ريم
جاد: مايهمني خلصنا منها
منار بعصبيه: الله بينتقم منك. وراح تذوق اللي ذوقته لها. ريم انتحرت
جاد جلس بسرعه وهو ع وجهه علامة تفاجأ: ليش
منار: لييييش؟؟؟ تسأل لييييش؟ ههه كأنك ماسويت شي يعني
جاد: والمطلوب ؟
منار: الله بيحاسبك. راح يجي لك يوم
قفلت الخط وهي معصبببببههه منه اخذت نفس عميق ودخلت عند ريم
ريم تناظرها بأمل: ها وش قال
منار هزت راسها يعني مافي فايده
ابتسمت بغصه: الله بيحاسبه


ومن جهته رجع راسه ع السرير وهو يكلم نفسه: انتي الوحيده اللي حافظتي ع نفسك مني ومهما ترجيتك ماعطيتيني. بس انا جاد ولد خالد الهامي اخذ اللي ابيه لو بالغصب.

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

:الوووو ليش ماتردين
منار اللي توها طالعه من عند ريم ودموعها ع خدها: معليش
جوانه: طمنيني شلونها الحين
منار: الحمدلله صحتها تمام. بس نفسيتها تعبانه
جوانه بأسف: ياقلبي عليها
منار: بكره بتطلع انشاالله
جوانه: الله يقومها بالسلامه
منار بحقد: السافل هذاك كلمته
جوانه بأهتمام: ليش. وايش قال
منار: ابد ماقال شيء. خبرته ان ريم حاولت تنتحر
جوانه: لللللللليش.
منار: وش اسوي ريم طلبت مني ولا قدرت اردها
جوانه تطمنها : راح اخليه يندم صدقيني
منار: هذا ماعنده احساس. ما اعتقد راح تقدرين تسوين له شيء
جوانه بتحدي: بأذن الله راح اقدر
منار: يارب.
جوانه: اوك حبيبتي اخليك ترتاحي. تعبتي كثير اليوم
منار: وانتي بعد ارتاحي
جوانه: ماشي ي روحي يلا مع السلامه
منار: مع السلامه


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

تنتظر بطفش كل شوي تناظر جوالها: يوووه هذي كلها رحله صارت الساعه 11 وللحين ما اتصل اوف يلا أنا بتصل واشوف اخرتها معه

من جهته كان توه طالع من الحمام ويمشط شعره سمع جواله يدق
ناظر فيه اوف وش تبي ذي النشبه
رد : هلا
خوله: ليش م اتصلت وين وعدك
جواد بملل: شفت ماله داعي اتصالي
خوله: ليش ماله داعي أنا احبككك جواد
جواد: يابنت الحلال اعقلي ترا ما اشوفك الا مثل بنتي او اختي الصغيره
خوله بعصبيه: بنتك؟؟؟؟ أنا عمري 18
جواد: وانا عمري 28. بيني وبينك 10 سنين يعني
خوله: مايهمني
جواد: اسمعي ي بنت الناس أنا ما اشوفك تناسبيني بنظري لساتك بزره
خوله: الحب مايعرف صغير وكبير
جواد : وانا ما احبك
خوله: راح تحبني
جواد يبتسم بسخريه: ولا تحلمي احبك. ويلا راح اقفل لان مابينا شيء عشان تكلميني
خوله تمثل انها تبكي: انت ليش تجرحني أنا وش سويتلك كل ذنبي اني حبيتك اهي اهي اهي
جواد بخاطره مضايق من دلعها بس يحاول يهديها: خلاص الحين ليش تبكي يلا نامي ونتكلم بكره
خوله بابتسامه خبيثه وتمثل البرائه: قول والله راح تكلمني بكره
جواد بنفاذ صبر: والله. يلا ناممي وانا تعبان بنام نلتقي بكره
خوله: اوكيشن مع السلامه ي روحي
جواد بملل: مع السلامه
 

Noonaaa

عضو
رجعت جوانه ع البيت وهي تعبانه خذت لها دوش سريع وطلعت
نشفت شعرها الحريري ولبست بجامتها وجلست ع اللاب توب
طق طق طق
جوانه وتركيزها ع اللاب :ادخخخل
دانه وهي تدخل وتقفل الباب: حسبتك نمتي
جوانه تناظرها بأبتسامه: لا مافيني نوم
دانه وهي تجلس ع الكرسي اللي جنبها : أنا كمان ماجاني نوم
جوانه: ليش
دانه: حاسه ان فيك شيء ف جيت اتطمن عليك بس
جوانه وهي تضمها: يابعد روحي
دانه: متأكده جوجو مافيك شيء ؟
جوانه وهي تبتعد عنها: إذا فيني شيء مالي غيرك احكي لها صدقيني
دانه تضربها بخفيف ع راسها: أجل يلا نامي انتي وكشتك ذي
جوانه: هههههه احلى من كشتك. وتمد لها لسانها
دانه: بس ي بنت بطلي هالحركه عيب
جوانه: ههههههههههههه تعودت ع مدت اللسان ذي
دانه وهي توقف: اوك أجل أنا بروح انام وانتي بعد لا تظلي سهرانه عشان بعد بكره الاحد ي حلوه. اخاف تتعودي ع السهر
جوانه: هففففففف لا تذكريني مالي خلللللق لدوام ابد
دانه وهي طالعه : نامي بس. وقفلت الباب
جوانه تذكرت جاد وحبت تعرف عنه معلومات طلعت من المنتدى بسرعه وراحت تبحث عنه وعن اسمه
قرت عنه كثير ومن بينن الصور لفت انتباهها صوره له مع الشخص اللي شافته بالسياره
جوانه ياربي هذا وين شفته امممممم اي تذكرت هذا صاحب السياره بس وش يبي مع جاد امممم يمكن صديقه والا ولد عمه ما اشوفه يشبهه هفف أنا وش علي منه صدق اني ملقوفه خخخ اه ياربي أنا شلون بدخل شركتهم ولسى ماكملت الجامعه وش اسوي لازم الاقي حل مالي غير دندونه. قامت بسرعه وراحت ع غرفة دانه فتحت الباب بسرعه
دانه تحط يدها ع صدرها: بسم الله شفيكككك
مسكتها من يدينها وتمشي لين السرير وجلستها وجلست: ابي مساعدتك
دانه تتحسس جبهة جوانه: متأكده منتي مسخنه
جوانه تبعد يدها وهي تبتسم : ﻻ تمااام بس اسمعي ابيك جد تشوفي لي حل
دانه: حل بشنو
جوانه: ابي شهاده مزوره
دانه تبقق عيونها وفمها مفتوح: نعععم؟؟؟ لا عفوا ما سمعت زين
جوانه بجديه: والله جد ابي بس شلون
دانه باستغراب: ﻻﻻ اكيد انك مريضه او فصلتي من النوم
جوانه: دانننننه أنا ما امزح أنا ابيها ضروري
دانه بدت تصدقها: وش تبين فيها طيب ؟
جوانه. ياربي أنا ماتعودت اخبي عنك اي شيء بس هذا ما ادري اخاف اقولك وماتخليني اسوي اللي ف بالي
تنهدت بصوت مسموع: مو لي لصديقتي تهقين كيف نزورها
شفتها جالسه تفكر: اممممم عندي صديقه بقسمي اعتقد انها تفهم بهالامور
استانست من قلب: واللهههههه أجل يلا دقي عليها
ناظرتني بشك: كل هالفرح لصديقتك
ءءءءء قمت ارقع: ايه لانها محتاجتها مرررره
دانه بعدم تصديق: اوك هي رقمها مو عندي بس بقابلها يوم الاحد ونشوف
ارتحت من التفكير ان شاءالله انها تقدر تساعدني بوست دانه وطلعت ع غرفتي قفلت اللاب وانسدحت وانا افكر شلون اخلي هالنذل جاد يبوس رجول ريم عشان ترضى عليه.
اه خلاص عقلي تعب من التفكير راح انام و ان شاءالله بكره احسن

قفلت نور غرفتها وشربت مويا و تغطت ونامت



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




صحى ع صوت جواله رفعه بيشوف مين كان رقم غريب رد
جواد: الو
:Welcome to London
(اهلا بك في لندن)
جواد عرف صوتها ع طول وانقهر شلون عرفت انه موجود
جواد:Hi, yes??? What do you want
(نعم؟. ماذا تريدين)
كرستين:I wanted to tell you that is not something you can hide from Christine
(اريد ان اخبرك انك لا يمكنك الاختباء من كرستين)
جواد بقهر بس يحاول يكون عادي: Oh Christine both have missed you so much but you're fatigued last night
(اوه كلا كرستين لقد اشتقت اليك كثيرا ولكن كنت مرهق الليله الماضيه )
كرستين :I want to see you tonight, what do you think ?
(اريد مقابلتك الليله ما رأيك؟ )
جواد يفكر :mmmm. Ok
(حسنا)
كرستين: Ok. Waiting for you in a restaurant Novikov
(حسنا. انتظرك في مطعم نوفيكوف )
جواد:I'll be there at8
(سوف اكون هناك ف الساعه الثامنه )

قفل منها وناظر ساعته شاف الساعه 7 صباحا بتوقيت لندن
قام من سريره وراح ع الحمام ياخذ شور وهو يفكر ف كرستين ومو عارف وش اللي تبيه منه



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




فتحت عيونها بكسل تناظر حولها أنا وين
اول ماشفتها امها تناظر قربت منها ودموعها ع خدها جلست جنبها ومسكت يدها وتناظر بنتها حبيبتها الوحيده اللي كانت بتفقدها: شلونك يمه اليوم عسى ما يضرك شيء ؟
ابتسمت ريم ابتسامه باهته: يمه أنا بخير ابي ارجع البيت
ام ريم: ارتاحي الحين واذا جا دكتورك نسأله عشان يكتب لك طلوع
قطع حديثهم رنة جوال ريم اللي من شافت المتصل قلبها طاح من مكانه.
ام ريم: شفيك ي بنيتي ردي
ريم بارتباك : مابي ارد هذا رقم م اعرف مين
ام ريم: يجوز انه وحده من صديقاتك ردي
ريم بتردد ردت : الو
بصوت خشن يخوف: اهلين
ريم بخوف: هـ هـ ــلا
قال بتهديد: كيف تسوي بنفسك كذا نسيتي اللي اتفقنا عليه
ريم: هاه ل لا مانسيت بــ بس
رفع صوته القوي اللي يخوف: لا بس ولا شيء. الشي اللي انطلب منك لو ماتنفذ خلال هالاسبوع تعرفي وش راح يصير
ريم ودموعها ع خدها: حاضر
قفل الخط وريم حضنت امها وتبكي
ام ريم: شفيك ي بنيتي
ريم ولسى حاضنتها وتبكي : يمه ابي اطلع تعبت ابي ارجع البيت.
ابتعدت عنها: حاضر ي بنيتي الحين اشوف دكتورك
قامت امها وطلعت من الغرفه وريم اخذت منديل وتمسح دموعها
ريم: ياربي أنا الاقيها من وين والا من وين. ياررررب أنا مالي ذنب
بكل اللي صار يارب فرج همي. ليش ليش تجيني الهموم من كل مكان ليش بس أنا. استغفر الله أنا وش جالسه اقول بس والله تعبببببت. يارب يارب فرج هاالهم اللي بداخلي
دخلت امها: خلاص ي بنيتي الدكتور شاف تحاليلك وكتب لك خروج
ابتسمت ريم وسط همها: فديتك يمه ربي يخليك لي
ساعدتها امها لحد تلبس عبايتها وطلعو ع البيت بعد مادقت ع ابوها عشان يجي ياخذهم


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




دانه تصحي جوانه: جججججججوج وجع وش هالنوم كله قومي يلا
ابيك تفطرين معي يلااااا
جوانه مو بوعيها : ءءءءء خليني ابي اروح ءء
دانه فاطسه ضحك: هههه وين تروحين
جوانه لسى تقول خرابيط: باريس. بروح معهم خلوني
دانه: هههههههههههههههه باريس عاد مره وحده والله ي وخيتي ماهقيتك تطبينها
ضربتها ع يدها لين بدت تصحى: ها ها خلاص وش فيك انتي ياربييييييي ماتخلون الواحد ينام براحته
دانه: قومي مافي غيري بالبيت وابي نفطر مع بعض
جوانه تفتح عين: ليش شايفتني زوجك مثلا ؟ روحي افطري مع قطوتك المتوحشه ذيك. وغمضت عينها
دانه: ترا بكره مراح اكلم البنت عشان الشهاده
جوانه نطت جلست: ﻻﻻﻻ صحيت ها. يلا جهزي الفطور وانا اتحمم واصلي واجيك
دانه بابتسامه: اوك ﻻ تتاخري
وطلعت. وجوانه قامت ع الحمام عشان تتحمم


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



خالد ابو جواد وهو ع طاولة الطعام: وين جاد لساته نايم؟
سميره وهي تاخذ جبن بشوكتها: اي والله ان هالولد مدري ع مين طألع
خالد شرب شوي من الشاي: نادي ع الشغاله تصحيه ابيه يروح معي ع الشغل
سميره: هذا مو وجه شغل
نادت ع الخدامه وقالت لها تصحي جاد ظروري
خالد وهو يمسح يدينه وفمه ويترك المنديل ويقوم: قولي له لو ما اشوفه قدامي راح احرمه من كل شيء
سميره: ان شاءالله
خالد: يلا فمان الله.
سميره: بحفظ الرحمن ي روحي
خالد يبتسم ويرجع خطوه ويسوي انه ماسمع: هاه وش قلتي صرت ما اسمع زين هالايام
سميره ترفع صوتها كنها تكلم عجوز: اقول. شكلك كبرت وعجزت ها
خالد: ههههه والله لساتني شباب ي العجيز
سميره تبتسم: اي واضح ي الشايب
خالد وهو يمشي: يلا يلا تأخرت
سميره: بحفظ الرحمن
وراحت تشوف جاد إذا صحى


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


نزلت بكسل وجلست ع طاولة الطعام
جوانه: ي سلاااام وش هالاكلات كلها
دانه تحط ابريق الشاي وتجلس وتصب شاي: ههههه حبيت اسوي فطور حلو
جوانه وهي تمد يدها وتاكل بسرعه: يم يم لذيذ. سفرة ملوك اليوم
دانه تاكل: ههههه عوافي
جوانه: الا وين ماما
دانه: تجهز ملابس حق ابوي عشان بتروح له بعد شوي
جوانه تناظرها بحقد: ي حمارا قلتي لي محد غيرك ف البيت ها
دانه: ههههههه اقصد مراح احد يفطر معي. لانها الحين بتروح لابوي
جوانه: ياربي فقدت حسه بهالبيت متى يطلعونه
دانه: أنا بعد والله
جوانه: باكل بسرعه ابي اروح مع ماما
دانه: ي سلام أنا بعد بروح معكم
جوانه : اوك أجل ابلعي بسرعه
سمعو صوت امهم نازله ولابسه عباتها
جوانه: لحظه ماما بنروح معك
دانه: تعالي افطري لين نجهز
عبير: لا أنا سبقتكم ورايحه اشوف ابوكم
جوانه: ﻻااااا يلا عاد عن النذاله انتظرينا
عبير: ههههه عيب ي بنت أنا امك. وبعدين مين يفطر11 ونص صار وقت الغدا مو فطور ذا
دانه: ههههه تو صحينا طيب
جوانه قامت وراحت طيران ع غرفتها وهي تكلم امها: ﻻ تروحي ها أنا دقيقه وانزل
دانه بعد لحقتها وطلعت
لبسو البنات بسرعه ونزلو لامهم بعد ماطلبت لهم تكسي وراحو لابوهم



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




صحى بطفش ولبس ثوبه وشماغه وتوجه ل الشركه
دخل ع مكتب ابوه
جاد وهو يجلس: امر يبه امي قالت تبيني ظروري
ابو جواد يبعد نظارته اللي كان يناظر فيها الاوراق اللي بيده: الناس تقول اول شيء السلام عليكم وقبل السلام الناس تستأذن وتدق الباب
جاد: اسف يبه م انتبهت
خالد: اسمع اخوك سافر زي ما انت عارف. وهالمره مراح يرجع
جاد بأستغراب: للليش
خالد: لان بخليه يتابع الامور هناك ع طول. مايصير كلنا هنا
جاد: اللي تشوفه يبه
خالد: ومكانه هنا فاضي ف لازم انت من بكررره تبدء تشتغل هنا
جاد وقف متفاجأ: أنا!!! وليش؟ وظف احد من اللي يشتغلون هنا
خالد يناظره ويأشر بيده عشان يجلس: اجلس شفيك ماكملت كلامي
جلس جاد: بس يبه أنا ما افهم بهالامور
خالد: انت مو بزر وانا ما ارسلتك تتعلم برا عشان تقول ما اعرف
جاد: بس يبه !
خالد: لا بس ولا شيء إذا ماشفتك بكره هنا اعتبر نفسك محروم من كل شيء
جاد: ان شاءالله يبه. اوامر ثانيه
خالد: لا سلامتك
جاد: اقدر اروح
خالد: ايه تفضل
طلع جاد معصب ماله خلق الشغل لانه بيفقد حريته والسهر ويصير ينتظم ع حسب دوامه. دق على اخوه
جواد بابتسامه: ياهلا وغلا
جاد بضيق خلق: هلا
جواد: خير شفيه صوتك كذا
جاد: عرفت بقرار ابوي
جواد: ايه ادري بس ليش انت معصب
جاد: أنا ما افهم بشغلكم ذا
جواد: ماعليك راح تتعلم
جاد: اوك. انت شخبارك
جواد: هههه بدري؟
جاد بابتسامه: وش اسوي كنت مضايق
جواد: لا تتضايق ولا شيء ترا حسابك راح يزيد كل ما اشتغلت
جاد: هههه لا يكفيني اللي عندي
جواد: اعرفك مايكفيك شيء. اللي بحسابك راح يكفيك اسبوع مو اكثر
جاد بأبتسامه: ﻻ عاد مو لها الدرجه
جواد:
جاد: يلا اجل مراح اعطلك. انتبه ع نفسك
جواد: ان شاءالله وانت بعد
قفل منه وتوجه للبيت

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


وصلت البيت وع طول توجهت لغرفتها اخذت جوالها ومتردده إذا تدق تخبر منار باللي يصير والا لا
تذكرت موقف
كانت تسولف مع صديقاتها ف القاعه فجأه دخلو عليهم 3 بنات نادو ريم
راحت معهم وكانت اشكالهم تخوف ودوها مكان خلف القاعات هادي مافي احد
البنت الاولى: هذا لك
ريم بفرح: اييه جوالي وين لقيتيه
الثانيه: مالك شغل وين لقيناه. المهم وش اللي لقيناه فيه
ريم بعصبيه: مالكمممم حق تفتشون جوالي عطيني ياه
الاولى: هههههه اعطيك ؟ حاضر بعطيك. وعطتها. بس شوفي ورتها بجوالها صور منار بس بعد ماعدلو الصور وركبوها مع صور شباب
ريم بتفاجأ: شلللللللللون كذا من وين هالصورررررر
البنت الثانيه: هذي صديقتك روحككك وبنت خالتك صح
ريم تبكي: وش تبون فيها ليش تسون كذا وش سوت لكم
الاولى: ماسوت شيء بس ماحصلنا لك صور. المهم اسمعي انتي بتكوني معاونتنا
ريم ولسى دموعها ع خدها: معاونة وش
البنت: نحتاج وحده هنا لانو احنا مو كل يوم نداوم
ريم: طيب بس شنو
البنت: توصلي مخدرات للبنات اللي هنا. حنا نعطيك وانتي توصليها لهمم
ريم بتفاجأ وخوف : شلللللللللللون ؟ مخدرررررررات؟
البنت: هوس ولا كلمه. ايه مخدرات ولو ماسويتي هالشي صور صديقتك وحبيبة قلبك اللي مالها ذنب راح تنتشر بسببك
ريم تبكي: طيب ممكن افكر
البنت: اوك بس لو عرفت انك خبرتي احد بيكون اخر يوم بحياتك
ريم بخوف: حــ حـاضر
البنت: اسمعي حنا نتعامل مع شباب هم اللي يعطون الاوامر المهم بعطيهم رقمك
ريم: ﻻ ليش
البنت: بكره اجي اشوفك. واذا حابه صور صديقتك تنتشر ارفضي
وراحت هي وصديقاتها

ريم تبكي: ياليتني وقتها خبرت منار مو بعد ماتورطت معهم ؤوافقت ع طلبهم.

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


وصلت المستشفى
جوانه: ماما وقت تشوفي الدكتور اسأليه متى يطلع بابا
عبير: ايه اكيد
دانه: وين الغرفه دخت من المشي
جوانه: هذي اللي بأخر الممر
دقت عبير الباب ودخلت
ابتسم ابوهم. توجهت له جوانه وبعدها دانه كانو يبوسونه ع جبهته وخده
ابو جوانه(محمد) : ياهلا ي هلا بنور عيوني
جوانه ماسكه يده: شلونك يبه اليوم
رد ابوها بابتسامه: بخير ي بنيتي
دانه: يبه اشتقنالك متى تطلع
محمد: والله الدكتور يقول بكره
عبير من خلف بناتها: يلا يكفيكم بسلم ع ابوكم
التفتو البنات وهم يضحكون عليها
جوانه: تفضلي ي جوليت هههه
ابتعدت امها جت مسكت يده بحنان: كيف صحتك اليوم؟
محمد يناظر زوجته بحب: بخير ي عمري
عبير وهي تهمز يدينه: علمني في شيء يعورك
محمد: لا نسيت التعب يوم شفتك
جوانه: احححم احم نحن هنا
دانه: ههههههههه امشي نطلع مالنا داعي
محمد: هههه لا وش دعوه بس فقدت امكم
جوانه تمسك دانه وهم طالعين: بنشوف الدكتور ونرجع
وطلعو
دانه: تعرفي دكتوره؟؟
جوانه تذكر الموقف اللي صار لها معه. هاه ايه بس انتي روحي شوفيه أنا استحي
دانه: ي سلام لا مابروح بروحي يلا مع بعض
جوانه بخاطرها اكيد مو فاكر شكلي في كثير مرضى يشوفهم غيري
جوانه: اوك امشي
وراحو لحد غرفته بعد ماسألو الممرضه إذا كان موجود او لا
طق طق طق
رد عليهم: تفضل
دخلت جوانه وبعدها دانه
الدكتور وليد ناظر جوانه وابتسم تلقائيا: امري
جوانه يوم شافته يبتسم طاح وجهها وتقول بخاطرها وي والله اكيد ذكرني اف ي ربي وش هالفشله
دانه يوم شافت اختها ساكته: لو سمحت دكتور بغينا نسالك المريض محمد الـ متى يطلع؟؟
الدكتور يناظر دانه: ان شاءالله بشوف اخر شيء تحاليله ويطلع بكره
دانه: شكرا دكتور
وليد: العفو
طلعو البنات من عنده
دانه: شفيكككك صرتي مزهريه من شفتيه
جوانه: هههه ﻻﻻ ولا شيء ذكرت موقف
دانه : امشي نروح عند ماما وبابا
جوانه: امشي
(ابو جوانه محمد عمره 39 ويشتغل مدرس. يحب زوجته وبناته كثير رغم ان اهله مو راضين ويبون يزوجونه عشان يكون عنده ولد بس هو مو راضي)
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


نزلت من السياره بسرعه لان خالتها كلمتها وقالت لها تجي بسرعه عشان ريم تعبانه. تدور ع جوالها بشنطتها وتمشي وماحست غير لما انصدمت بشي قوي وطيحت شنطتها رجعت خطوه لورا وناظرت فيه وهو يبتسم
مازن: بسم الله عليك
نزل يلم الاغراض اللي طاحت منها وقف وهي لساتها مصنمه مكانها
مازن يمد يده بالشنطه: تفضلي
منار نزلت راسها واخذتها وبخجل: شكرا
مازن يبتسم : العفو ي روحي
منار تمشي بس مسك يدها بلطف: ع وين
منار: ءءء امممم ريم تعبانه بشوفها
مازن: أنا بعد تعبان شوفيني أنا. داويني من حبك
منار صار وجهها طماط من الحرج وف خاطرها هذا مرا جريء.
سحبت يدها بسرعه ودخلت البيت تركض
ومازن ظل يضحك وهو يردد: أأأأأأه احبك احببببك يالخبله
وصلت عند ريم اللي توها طالعه من الحمام كانت تغسل وجهها من الدموع.
منار تقفل الباب وتستند بظهرها عليه وتاخذ نفس
ريم قربت منها تتحسس جبهتها: شفيك شايفه جني بسم الله
منار بإبتسامه: لأ شفت مازن
ريم: ههههه أنا اقول شفيها خدودك حمرا
منار تمشي وجلست ع السرير: اخوك كل يوم يصير خخخقه
ريم بغرور: مو احلى مني
منار: وع عليك وش جاب القمر لك ي الدبا
ريم: ههههه
منار بجديه: ريم اممممم أنا خبرت جوانه عن موضوعك مع جاد
ريم: لللللللللليش؟
منار: اهدي واسمعيني هي حابه تنتقم لك منه النذل ذا
ريم طاحت دمعتها: شلون مراح تقدر هذا انسان حقير
منار: ﻻ ان شاءالله تقدر
ريم: ان شاءالله. بس ماقالت لك وش بتسوي بالضبط
منار: ﻻ والله بس اكيد عندها خطه
ريم نزلت راسها وبصوت هادي: بس مابيها تأذيه. امممم اقصد تخليه يندم ع اللي سواه مو اكثر
منار حنت ع بنت خالتها اللي لسى تحبه رغم كل شيء سواه فيها

(مازن اخو ريم مخلص جامعه ويحب منار من هم صغار والحين منتظرها تخلص دراسه عشان يطلب يدها)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



جواد وهو ينهي اجتماعه: احد عنده تعليق ع اللي قلته
اللي موجودين: لا
جواد: اوك تقدرو تتفضلو
كل واحد اخذ اوراقه اللي ع طاولة الاجتماعات وطلع
جواد يرجع جسمه ع الكرسي وهو يغمض عيونه: اااه وش هالتعب
مر طيف بخياله خلاه يفتح عيونه بسرعه.
جواد: وش تبي ليش كل ماغمضت تخيلتها اف خلاص انسى ي جواد شفيككككك. يضرب راسه بخفيف. ليه تجي صورتها ع بالي من تكون اصلا ووش ابي فيها. ياترا راح اشوفها مره ثانيه. هه م اعتقد هذي مجهولتي. قام اخذ كتابه ودون هالكلمات


مجهولتــى
ملهمتى اليكى رموز العشق
سخريها طوع يديكى
اليكى خواطرى اسردى فيها ماتمنيتى
اليكى قلمى حركية كما تريدين
اشجية يوما بحبك
عذبية يوما لفراقك
ملهمتى لكى القلب والحياة
لكى نفسى بعشقاً زاهد
احبك يامن لا تودين رؤياكى
فاعشق سرابا تمنيتة
لاكنة طال وممللت من الانتظار
ملهمتى صرت بلا نبض
فصار الفؤاد متألما
فبت اليوم خاويا بدون رفيق بدون همس حبيب
تمنيت صوتك يشجو فى صداى
تمنيت هواكى يداعب روحى
تمنيت البسمة على شفاهى
ايتها الجميلة فى احلامى
متى ستزينين حياتى
وتملايها باملا وفرح مادامت الحياة.
مجهولتى هل يكفيكى كل هذا الهوا
دون ان الاقاكى فماذا سادون حين الاقاكى
فصرت جليس قلمى ليلا يعاتبنى
لما صرت بة من عقيما للكلمات
ادون واشرد فى ملكوت هواكى
منسجما مع عطرك مولاتى
اريدك الان وان كان الان لن يردنى
فانا فى بحر المجهول صرت بلا مرسى
وسط الامواج ولا خوفا منها اهدىء
فدوما اصارعها حتى القاكى بلا جدوى
فتمنيت الفراق من لاهواكى
يحاكنى قلمى من انتى ايتها المجهولة
بماذا سارد؟. خائبا دوما فى الرد
لا اكتب. فقط ارسم احلامى بحبرى
اناظر قلمى اراه غاضبا منى
متى ستاتين حتى اواسية ويدون
دوما غزلً وشعرا فى حسناا وفى شغفاا
محال انتى ؟! ام كلها من هواجس عقلى
احبك يامن لاتكونى سوى احرفاا على ورقى
احبك من اليوم حتى القاكي ف احلامي وفي حقيقتي



{الخواطر اللي بالروايه منقوله مع التعديل ف البعض}





>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



ع الغدا بيت خوله
ابو خوله وهو ياكل: يا ام خوله عندي لك خبر بمليون ريال
ام خوله: والله قول قول اجل بسرعه فرح قلبي
ابو خوله يناظر بنته ويبتسم: في واحد طلب يد بنتك
خوله تركت الملعقه بتفاجأ وبسرعه: مو موافقه مابي اتزوج
اخوها سامي: اقول غصبن عنك توافقين ماعندنا دلع البنات هذا
(سامي اكبر من اخته ب4 سنوات متخرج من الكليه وللحين جالس يدور له وظيفه)
خوله بتبكي : والله ما اخذه لو تذبحوني. وتركت السفره وراحت غرفتها ام خوله : طيب ي بو خوله كيف حالته الماديه
ابو خوله: والله حالتهم زينه
ام خوله: طيب وش يشتغل
ابو خوله: معلم
ام خوله: ﻻﻻﻻ ي بو خوله مانبيه قله البنت مخطوبه
سامي: وليش يمه. الرجال مايعيبه شيء. لين متى تبينها كذا
ام خوله : البنت تبي اللي يدلعها ويسفرها وكل يوم بمكان وانتم تبونها تتزوج مدرس راتبه ع قد حاله ﻻﻻ انسى الفكره
ابو خوله وهو يقوم من ع السفره: انتم لا يعجبكم العجب ولا الصيام ف رجب
سامي بعد قام: استغفر الله العظيم بس خليها ارفضو الخطاب وبعدها إذا صارت بالثلاثين قومي دوري لها
خوله اللي كانت تسمع كل شيء دخلت بسرعه غرفتها: ﻻ ي حبيبي ي سمو أنا ابي جواد الهامي وغيررره مستحيل اخذ.





>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>



جوانه بالسياره: يمه تعالي نتغدا هنا وتأشر ع بيتزا روما
عبير:ﻻﻻ أنا ما اتغدا بمطعم بدون ابوك
دانه: الله الله ع الدلع والحب
جوانه: هههههه اوك نتغدا ف البيت امرنا لله
رجعو البيت وكانت الخدامه مجهزه لهم اكل تغدو وكل وحده راحت لغرفتها
جوانه وهي تتصل ع منار: اهلللين
منار: هلا فيك ي قلبي
جوانه: ازيك ي عسل وحشتيني
منار: ههههههه بس ذكرتيني بالدكتوره حقتنا
جوانه: ههههههه طمنيني عن ريمي شلونها اليوم
منار: أنا الحين عندها. لا اليوم احسن .. تسلم عليك
جوانه: فديتها سلمي عليها
منار: طيب
جوانه: الا ماتبين تجين عندي ؟
منار: هههههههه ياربي أنا بختفي عن الكل بهج بسافر إلى الخارج واترككم
جوانه تضحك: وليش ان شاءالله
منار: امي ماصارت تشوفني كله عندك او عند ريم
جوانه: ههههههه احلى شيء
منار: امممممم يب بس مااظن يمدي اشوفك. خليها نلتقي بكره بالجامعه
جوانه تضرب ع راسها: وي نسيت انو بكره دوام
منار: ههههههههه اجل روحي روحي شوفي دروسك يمكن عندك اختبار او شيء
جوانه: اوك مع السلامه
منار: باي ي روحي





>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>




طلع من حمامه نشف ومشط شعره الاسود لبس بدلته رتب شكله ولبس ساعته المرصعه بالالماس حط شوي من عطره المفضل وخذ جواله وطلع ع السياره قال لـ السايق ع العنوان واتجه له
نزل السايق بسرعه وفتح له الباب. نزل بهيبته المعتاده وجسمه اللي يلفت الانتباه بخطواته الواثقه
النادل بعد ماعرف اسمه وداه ع طاولته انتظر شوي وانزعج لانه انسان منظم مايحب يتأخر ع مواعيده بس كرستين تأخرت
انتظر وشاف كرستين تدخل وتمشي نحوه ومعها طفل عمره 4 سنوات يوم شاف جواد صار يركض وهو يردد:Daaad Dad
(ابـــــي ابي)






>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>






راح اوقف لين هنا. توقعاتكم
هل جوانه راح تقدر تنتقم من جاد
وريم هل راح تقدر ترجع صور صديقتها من يدينهم بدون ماتضر احد
ومين كرستين والولد اللي معها.
 

Noonaaa

عضو
البــــــ2ــــارت الثــــــاني


طلع من حمامه نشف ومشط شعره الاسود لبس بدلته رتب شكله ولبس ساعته المرصعه بالالماس حط شوي من عطره المفضل وخذ جواله وطلع ع السياره قال لـ السايق ع العنوان واتجه له
نزل السايق بسرعه وفتح له الباب. نزل بهيبته المعتاده وجسمه اللي يلفت الانتباه بخطواته الواثقه
النادل بعد ماعرف اسمه وداه ع طاولته انتظر شوي وانزعج لانه انسان منظم مايحب يتأخر ع مواعيده بس كرستين تأخرت
انتظر وشاف كرستين تدخل وتمشي نحوه ومعها طفل عمره 4 سنوات يوم شاف جواد صار يركض وهو يردد:Daaad Dad
(ابـــــي ابي)
وقف جواد ومسك الطفل وباسه. ونزله وهو يكلم كرستين
جواد: How many times I told you that does not claim the child and the father that I have meditated

كم مره قلت لكي بأن لا تدعي الطفل يتأمل بأنني والده
كرستين:yes, you and your father why deny
نعم انت والده لماذا تنكر ذالك
جواد:I said you will not believe what the evidence did not come to that
قلت لك لن اصدقك مادمتي لم تثبتي لي
ابتسمت كرستين بمكر وهي تجلس:Do not worry it will be proved soon
لا تقلق سوف اثبت ذالك قريبا
جواد بطفش:And now what do you want from me
والان ماذا تريدين مني
كرستين:
اريدك ان تعترف بطفلك وتضمه إلى عائلتك. وبسخريه. الثريه والا؟
جواد:
والا ماذا؟ لن تخيفيني بتهديداتك
كرستين بسخريه:
هه لا لا اريد ان اخيفك ولكن ثمة امور سأفعلها ان لم تعترف بطفلك
جواد بعصبيه وصوت مررتفع:
قللللللت لككككك اننه ليس طفلي. اعطيني اثبات على ذالك
كرستين تتلفت حولها:
اصمت ماهذا كل من حولنا ينظر الينا
سكت جواد وجا النادل يسأل عن طلبتهم وبعد راح
كرستين:
سأثبت لك انه طفلك خلال يوم واحد فقط اعطني شعره واحده منك وسأثبتها بتحاليل الدي ان اي
جواد بتوتر:
حسناً وسـ ترين ان النتائج سوف تكون سالبه
ابتسمت بثقه:
حسناً. سنرى







ف اليوم الثاني
جوانه تصحي دانه ع الساعه 6
جوانه:قومممممممممي وش هالنوم يلا
دانه:امممم طيب طيب
جوانه: يلااااا
دانه عيونها مقفله:كم الساعه طيبببببب
جوانه:6 ونص
دانه بققت عيونها: وججججججع مصحيتني 6 ونص وش عندك. حسبتها صارت 10
جوانه: يلا قومي أنا مانمت الليل عشان افكر بالشهاده بللللليز يلا
دانه: زين زين نص ساعه واقوم
جوانه تركتها وراحت وهي تقول : هففففف منك ان شاءالله عمرك ماقمتي
دانه ترد وهي تحت البطانيه: لاتدعين ها
طلعت من عندها وراحت تضبط شكلها
لبست جاكيت بني فاتح انيق وفيه رسمات بالاسود مع بدي اورنج وتيور اسود حطت اي لاينر و كحلت عيونها الواسعه من تحت بلون السماوي الغامق وصارت عيونها اوسع واجمل. حطت بلاشر احمر مايل ع اورنج خفيف وحطت روج اورنج فاتح فتحت شعرها اللي لحد نصف ظهرها ولمت نصه لفوق والباقي مفتوح لبست كعبها العالي لونه اسود وقفت بغرور وهي تبوس نفسها : ي لبى هالجمال بس هههههه
دخلت دانه عليها وش هالحلاوه ي بنت
جوانه تناظرها بنص عين: صحيتي؟؟
دانه : من بعد القصف الصهيوني اللي سويتيه تبيني اظل نايمه ! طيرتي النوم
جوانه تناظر ساعة يدها: يلا يلا صارت 7 ونص يبي لنا ساعه مع الزحمه
دانه: اوك بروح البس عباتي
جوانه: ماشي وانا بنزل. بس بسرعه
اخذت عباتها ف يدها ونزلت
عبير وهي تزين السفره جيتي ف وقتك افطري واطلعي وناظرتها: بسم الله عليك وش هالجمال
جوانه تبتسم وباست امها: ههههه من بعض ماعندك ي ماما
وجلست تفطر لحد جت اختها اكلت لها لقمتين وطلعو مع بعض






في شركة الهامي التجاريه
جالس ع مكتبه والاوراق حوله: اففففف وش هالاشياء اف اف أنا وش يفهمني فيها. جمعها بسرعه وطلع لابوه دخل المكتب بعد دق ع الباب
جلس والاوراق بيده: يبه وش ذا موب فاهم شيء
خالد: راح اعين لك عبدالله يكون معك لين تفهم الشغل زين
جاد: ﻻﻻ مابيه هذاك اللي شايف نفسه خير ع وش مادري
خالد بتهديد: جااااد!!
جاد: ما اقول الا الصدق يبه. دور لي غيره
خالد وانا ما اقول غير الله يهديك
وقف جاد: وابي سكرتير
خالد بطول بال: حااااضر وغيره
جاد: سلامتك ي يبه
وطلع من عنده
خالد: اه الله يصبرني على هالولد بيموتني قبل يومي




ف الجامعه
جت البنت عند ريم اللي كانت جالسه مع منار
البنت: هيه انتي تعالي نبيك
منار تناظر ريم: مين هذي
ريم تحاول ماتبين لها: هاه هذي وحده من بنات قاعتي. وقفت بسرعه يلا اشوفك بعدين
منار متفاجأه وفاتحه فمها: بس اءء
راحت ريم قبل تكمل منار كلمتها
البنت: وصلتي الدفعه الاولى والا لسى عندك
ريم بأرتباك: هاه ءءاممممم لأ باقي.
البنت بعصبيه: وللللليش ها انطقي
ريم بخوف: خلاص خلاص اليوم اوزعها والله
البنت بتهديد: واذا ماسويتي هالشي؟
ريم: لا لأ بوصلها والله
البنت: اوكي راح اشوفك بكره
ريم: طيب
راحت البنت وريم ظلت تبكي ماتدري شلون تخلص من هالمصيبه

ف جهه ثانيه من الجامعه
جوانه متشققه من الفرح لان البنت اللي قالت لها اختها عنها راح تقدر تجيب لها الشهاده
دانه : بس من وين صديقتك راح تجيب الفلوس لها
جوانه انطفت بسمتها: اي والله حرام هالمبلغ كله عشان شهاده
دانه: جوج انتي توأمي يعني قطعه مني. وانا حاسه انو انتي تبين هالشهاده مو لصديقتك زي ما تقولي
جوانه تناظر عيون اختها اللي كاشفتها ونزلت راسها: ايه أنا ابيها
ناظرت بسرعه ف وجه اختها وهي تبرر: بس والله لشي ظروري أنا بحكي لك القصه عشان ابي مساعدتك. وحكت لها قصة ريم كلها
دانه تحط يدها ع خدها بتفاجأ: اما افففف والحين انتي وش تبين بالشهاده ذي
جوانه بتردد خايفه اختها ترفض: اممم بأجل هالترم. وبالشهاده بشتغل ف شركتهم
دانه: لا لاتفكري تأجلي ماما مراح توافق
جوانه: مابي اخبرها
دانه: والله م ادري وش اقلك بس عاد انتي ادرى
جوانه ابتسمت لتفهم اختها: الحين الفلوس من وين
دانه بأبتسامه: دامها لك أنا بعطيك عندي المبلغ
جوانه مستانسه وقامت تبوس دانه
دانه: هههههه بس بس لشنو كل هالحماس
جوانه: مادري. بس احلى شيء بشتغل ف شركه وبشهاده من فرنسا هههههههه
دانه: بس لاتصدقي نفسك
جوانه تمد لسانها: روحي بس خليني احلم انو دارسه هناك هههههه
وفي خاطرها انتظرني ي جاد ولد الهامي والله لخليك تحب الارض اللي تدوسها ريم


عبير وهي تدخل البيت وماسكه بيد زوجها: تو مانور البيت
محمد: منور فيك
جوانه تركض من ع الدرجه بسرعه: بابا وحشتني
ضمت ابوها وباسته
عبير: خلاص بيدخل اتركي ابوك يرتاح
جوانه تغمز لها: غيرانه ها. هههههه
عبير ابتسمت ودخلت مع زوجها ع الصاله جلسته وجوانه خلفهم
عبير: قولي للخدامه تجهز الغدا ابوك جيعان
جت دانه وباست ابوها: اخيرا صرت معنا
محمد: الحمدلله
جهزت السفره وراحو ع الغدا وهم فرحانين برجعة ابوهم



بعد يومين من هالاحداث
وهي بالسياره رتبت اوراقها وجهزت شهاداتها حطت اللثمه ونزلت بثقه وقفت وهي تناظر مبنى شركتهم الضخم وبقلبها خوف من اللي بيصير
دخلت وسألت ودلوها ع مدير الموظفين
هادي: تفضلي
جوانه تمد له ملفها: حابه اشتغل بشركتكم
هادي وهو يفتح ملفها ويشوف شهاداتها: وش الخبرات اللي عندك
جوانه: دورات بالكمبيوتر واللغه الانجليزيه. وخبرتي من دراستي بفرنسا. وفي خاطرها تضحك ع نفسها.
هادي: اوك. مد لها ورقه. املي بياناتك هنا واذا احتجنا احد بخبراتك راح ندق عليك
جوانه وهي تاخذ الورقه: لا لا الله يخليك احتاج هالشغل ظروري
هادي: اوكي اشوف بس اكتبي بياناتك. وانتي موظفه ماتتفوت خبراتك عاليه وشهاداتك من اكبر الجامعات
جوانه تبتسم وبداخلها. والله مادريت أنا فرنسا اللي شهادتي منها ما اعرف حتى شكلها
كتبت بياناتها وطلعت من عنده ومتوجهه للبوابه
:لو سمحتي
التفت شافته قدامها وطاح قلبها من الخوف ماتدري ليش.
جا لحد عندها
جاد: انتي موظفه جديده؟
جوانه: لا لسى عطيت اوراقي بس ما اعرف إذا راح اكون موظفه هنا او لا
جاد بأبتسامه: تقدري تداومي من بكره
جوانه: اداوم وين
جاد: احتاج موظفة سكرتاريه عندي
جوانه بسخريه: طيب شفت شهاداتي والا بس كذا توظفني
جاد يناظر بعيونها: من شكلك كذا باين عليك جايبه خبرات عاليه والا ماكنتي تجرأتي تشتغلي ف شركة الـــــهامي.
جوانه ودها تعطيه كف. وتسبه مقهوره منه بس ف خاطرها. اهدي ي جوانه خلي الطبخه تستوي ع نار هاديه
جوانه: نظرتك صح. أنا كنت ادرس بفرنسا وتوي رجعت
جاد: اوه حلو. اجل مبروك ع الوظيفه
جوانه: يبارك بعمرك
جاد: نلتقي بكره. ف الطابق 24
جوانه وهي تطلع. يا الله مو مصدققققه ودي اصرررررخ من الفرح ماتوقعت الموضوع راح يكون بهالسهوله
جوانه ركبت السياره وقالت ل السايق يوديها البيت


دخل ع مكتب هادي وقف هادي من ورا مكتبه: تفضل طال عمرك امر
جاد: في بنت تو قدمت ع وظيفه ابيك توظفها سكرتيره لي
هادي: حاضر
جاد: كنت نازل ابي منك تعطيني موظف سكرتاريه وشفتها وشكلها نشيطه
هادي: اللي تشوفه
طلع من مكتبه وهادي جلس: الظاهر راح يخلي الشركه كلها بنات. هه وانا وش علي منه اهم شيء شغلي. اخذ ملفها وقام يسجل بيناتها عشان تكون بشغلها من بكره




جواد يكلم امه: أنا راح اجيك كل خميس لاتبكي يمه والا انتي تجيني
سميره: لا شلون ابوك يسوي كذا أنا ما اقدر تبعد عني
جواد: ههههه يمه الله يهديك خلاص. طيب اوعدك كل يوم وانا عندك ها وش رايك
سميره: لا لا تعب عليك
جواد: طيب اللي تامرين فيه أنا حاضر
سميره: كل خميس وجمعه تكون هنا والسبت سافر
جواد: حاضر يمه اجل أنا بكره راح اطير لعندك
سميره: ربي يحميك
جواد: ويخليك لي



دانه تصرخ: ككككككككككذابه
جوانه: وجع وش هالصوت خرمتي اذني
دانه: توقعت يكشفونك
جوانه: واو مو مصدقهههه كان ودي اذبحه النذل هذاك ويتميلح بعد
دانه: حقير. هيه انتبهي منه مو يسويلك شيء ترا هالاشكال مايهمهم شيء اهم شيء مصلحته
جوانه: لا لاتخافي. تخيلي من شافني وهو مطيح الميانه
دانه: ماعليك منه. المهم منار عرفت.
جوانه: لأ ماقلت لها
قطع حديثهم صوت جوالها
دانه: منو
جوانه: فهود. ردت. اهليننن ي الدب
فهد: هههههه هلا فيك ي الدبا
جوانه: والله محد غيرك دب.
فهد: خفي علينا ي الرشيقه
جوانه: هههه غصب عنك رشيقه. شخبارك
فهد: تمام وانتي
جوانه: تمام التمام
فهد: جوانه
جوانه: هلا
فهد: امممممم
جوانه: شو انطق
فهد: احححم شسمه ذا
جوانه: وشو
فهد: ابي اخطب
جوانه سكتت وبعدها: هههههههههههههههههههههههههههههههههه هههههههههههههههههههههههههههه تخطب؟؟؟ هههههههههه فهود يتزوج هههههههههههههههه م اتخيلك معرس ههههههههههههههه
فهد: يلا عاد بلا استهبال جد احكي ابي اعرررررس احب وحده وابيها وقلت لجدتي هاوشتني عاد مالي غير اختي حبيبتي تقنعها
جوانه لسى تضحك: خلني استوعب الموضوع اول بعدين اقنع جدتي
فهد بأبتسامه: ياليت تستوعبي بسرعه عشان مافي وقت البنت بياخذها غيري
جوانه: هههههههههه خف علينا ي روميو ع غفله
فهد: يارببببببببي من هالبنت
جوانه: خلاص زين زين راح اكلمها بس خلها تجي الرياض ماينفع اقنعها بالتلفون
فهد: ومتى بتجي حضرتها
جوانه تضحك ع فهد اللي معصب: طب كلمت امك وابوك
فهد: يب امي تقول مالي شغل كلم ابوك وابوي قال جدتك ادرى. وجدتي قالت تخسي تتزوج وحده مو من مواخيذنا
جوانه: ههههههههههههه فديتها
فهد معصب: وش اللي فديتيها رفففففففضت وش اسوي أنا اروح انتحر مثلا
جوانه: ههههههههه خلاص اهدى بكلمها وعد. هي بترجع هالاسبوع خلاص
فهد: اوك بس لا تنسي هاه
جوانه: من عيوني ي المعرس هههههههه
فهد: لا يكثر بس ي العانس
جوانه: ههههههههههه باقي ماوصلت للعنوسه ي الدب
فهد: مدري المهم مو تنسي ويلا اقلبي وجهك
جوانه: اي صفحه
فهد: هه هه هه سخخخخخخخيفه
جوانه: مثللللللللللللك
قفل فهد منها وهو يبتسم ويحمد ربه انو جوانه اخته لان منار ماتسمع له مثلها.
(فهد نفس عمر دانه وجوانه اصغر عنهم بأشهر بسيطه تعبت امه بعد ولادته وظلت بالمستشفى فتره. ف كانت عبير تراعيه مع بناتها وترضعه معهم )




جاد جالس ع الغدا ويلعب بالشوكه ف صحنه وهو يفكر. ياهي حلوه بس فيه سؤال ببالي ليش ماسألتني عن اسمي او من أنا وباي صفه اوظفها. غريبه هالبنت اكيد وراها شي
خالد: وين وصلت
جاد انتبه له: هاه لا ولا شيء. وكمل اكل
خالد: شلون الشغل
جاد شرب عصير بعدها رد: مرررررره حلو
خالد بأستغراب: ارتحت فيه؟
جاد يذكر جوانه: ايه يبه وكل يوم بداوم
سميره بأبتسامه: ايه خلك كذا مثل اخوك جواد
جاد: ان شاءالله يمه



كانت نايمه بعد رجعت من الجامعه بس صحت ع رنين جوالها اللي مو راضي يسكت اخذته وهي مغمضه عيونها
ريم: الو
بصوته اللي يخوف: خلصتي اللي قالولك البنات عليه
فتحت عيونها وجلست بخوف: ايه ايه والله سويت اللي تبونه بس تكفون لاتضر منار هي مالها ذنب خذ صوري أنا بس هي مسكينه
رد بسخريه: هه اقول لا يكثر بس. والاوامر من الحين ورايح راح تجيك بس مني سامعه
ريم: حاضر
: تعجبيني. كذا مراح اضرك لا انتي ولا بنت خالتك
قفل منها وهي قامت تحممت وصلت العصر وهي تدعي ان ربها يفرجها عليها




دخلت غرفة الرسم وجا بخاطرها ترسم خطت الوانها بتناسق جسم عريض ملامحه حاده نظرات قويه تخوف فك متناسق وبالاسود خطت تفاصيل ذقنه. ابتعدت عن اللوحه شوي.
يشبه الرجال اللي شفته بالسياره ملامحه خيال ماكان ع بالي ارسمه اه شفيني الظاهر صورة هذاك المغرور عديم الاحساس لساتها ف بالي تركت ريشتها وطلعت غرفتها عشان تبدل ملابسها. تحممت ووطلعت صلت العشاء وانسدحت ع سريرها بتنام
جوانه: امممممم ياترا وش بيصير بكره معك ي جاد الهامي. اصبر علي وراح تشوف ان شاءالله.
غمضت عيونها بهدوء ونامت





خوله مقهوره من جواد اللي مطنشها: هين ي جواد أنا راح اعرف كيف اجيب راسك
دقت عليه ورد : اهلين
خوله: هلا فيك
جواد: انتي مامليتي من كثر ما اطنشك
خوله بقهر بس تخفيه: حبيبي يدلع علي ويحق له
جواد بملل: متى بتتركيني بحالي
خوله: مابترك حبيبي. إذا تركتك اموت
جواد: وليش تموتي نفسك عشاني
خوله: ايه إذا مراح تحبني
جواد: ي بنت الناس افهميني انتي ولد شخص اعزه واحترمه مابي اغلط عليك
خوله: راح تسمع خبر موتي قريب
وقفلت جوالها
راحت لامها اللي لقتها جالسه بالصاله
جلست جنبها: يمهه
ام خوله وهي تناظر المسلسل وتاكل حب: هاه
خوله: ابيك بسالفه
ام خوله مو معها: طيب
خوله تلف وجهها: يممإااه اسمعيني
ام خوله: ها وش تبين
خوله: يمه جوادوه ذا قاهرني
ام خوله: وليش وش سوا؟
خوله: يمه اسمعي أنا بذبح نفسي
ام خوله بخوف: لا لاي بنيتي لاتسوين بنفسك كذا عشانه تراه مايسوى اهم شيء صحتك
خوله: ههههههه صدقتي يمه. أنا خبله اموت. بس ابيه يفكر اني فكرت انتحر
امها: ها ع بالي بتموتي
خوله: ابيك تتصلي عليه وتهاوشيه وتقولي له اني كنت بموت بسببه واني انتحرت
ام خوله: تهقين ينفع معه
خوله: اكيد يمه يلا الحين اتصلي وقولي له انك بتوديني المستشفى
ام خوله تدق عليه وتنتظر رده
جواد: الو
ام خوله: حسبي الله عليك ي الظالم ذبحححححت بنتي. بنتي ماتت مابسامحككككك كله منككككك كله منكككك
وقفلت
خوله تبوسها: ههههههههه صرتي ممثله حتى أنا صدقتك
امها: افا عليك اعجبك
ومن جهته جواد مصدوم. معقوله ؟ معقوله ماتت؟ ياربي أنا وش سويت طيب ما احبها. بس حتى لو هذي بزرررر ي جواد كنت سايرتها برجع ادق اشوف وش السالفه. دق بس محد رد
كان مشغول باله. وخوله ومها مبسوطين ع اتصاله


غمض عيونه وهو يحاول ينام
جواد: ي الله لو صدق اللي قالته. لا لا ان شاءالله كذب مابي تموت بسببي. خلاص خلاص يلا ظروري انام عشان اصحى اكلم امي واشوف وش السالفه




صحت بنشاط تحممت وطلعت صلت وتوجهت ع دولابها اختارت لها لبس. راحت ع مرايتها كحلت عيونها السود تعدلت. ولبست ونزلت تحت
عبير: اليوم مداومين بدري
جوانه خافت من امها تكشفها: هاه لا ابس أنا بداوم دانه عندها اووف اليوم. وقلت اداوم بدري
عبير: بالتوفيق ي روحي انتبهي ع نفسك
طلعت مع السايق وقالت له يوديها الشركه




نزل طيران شاف امه وابوه ف غرفه الطعام
سميره بصوت عالي: جاأأأأأأد
رجع خطوتين: هلا يمه
سميره: ع وين
جاد : ع الشركه
سميره: تعال افطر
جاد وهو يمشي: لا يمه ما ابي
طلع بسرعه ع سيارته وتوجه ع الشركه نزل بسرعه وتوجه ع مكتبه
فتح الباب وشافها جالسه ع الكرسي اللي قدام مكتبه يوم شافته وقفت
جاد بتفاجأ: شلون دخلتي مكتبي
جوانه: الاستاذ هادي قال لي
جاد وهو يجلس ويناظر بعيونها: اها. اوك
جوانه: وين مكتبي
جاد بأبتسامه: متحمسه ع الشغل شكلك
جوانه: ايه
جاد: الا ماقلتي لي وش اسمك
جوانه: جوانه
جاد باعجاب: جوانه واو اسمك حلو مثلك
جوانه: شكرا
جاد وهو يوقف تعالي اوريك مكتبك طلع وطلعت وراه وداها مكتبها: هذا هو
جوانه: اوك
جاد: اممم ممكن تفتحي اللثمه
جوانه فاتحه عيونها: نعممممم؟
جاد حط يده اليسرى بجيبه ونزل راسه وهو يمسح ع رقبته ونهاية شعره باليمنى: لا لاولاشي انسي
جوانه: اها. طيب
طلع من مكتتبها ويكلم نفسه: افففف أنا وش فيني. اهدى شوي ي جاد اهدىىى. بالعاده البنات يركضون وراك ليش مهتم فيها.
جوانه بعد طلع ابتسمت: هه من اولها تعلق احلى شيء
جلست ع مكتبها وهي تضحكك
جوانه. هههههههه حلو الكرسي والله ي جوج وصرتي ف شركة الهامي مين يصدق ههههههه دقت ع منار اللي كانت بالجامعه.
جوانه: الووو
منار: اهليننننن وحشتيني ي حماره
جوانه: هههههه وانتي بعد والله. لو تشوفيني وين جالسه تموتي ضحك
منار: هههههههههه اتخيلك ع مكتب كبير والكرسي هذاك اللي يصلح للنوم
جوانه: هههههه اي نوم انتي الثانيه شكلك نعسانه
منار: اممممم يعني. يلا يلا قولي وش صار مع هذاك الحقير
جوانه: طلع خروف كل ماشاف بنت خق معها.
منار: وانتي وش ناويه عليه
جوانه تتلفت حولها: اخاف تكون هنا كاميرات خليني إذا رجعت اخبرك
منار: شايفه نفسك بفلم مثلا. وش كمراته احكي احكي محد حولك
جوانه: هههههههههه لا الحذر واجب
منار بسرعه: اوك اوك باي جت الدكتوره
وقفلت منها. جوانه وهي ترجع ظهرها ع الكرسي: ظروري امسك عليه شيء واذله فيه
كان فيه شخص يسمع كلامها بس مايدري مين تقصد سكت وكمل طريقه ولسى كلماتها بأذنه



جواد وهو يكلم بالجوال: جهز لي طيارتي بسافر اليوم
: حاضر طال عمرك
قفل منه وراح يجهز اغراضه ناظر ساعته شافها 9. اممممم ع بال ما اطلع بتكون 10 يعني كذا راح اوصل 4. ابتسم امي راح تستانس
كمل ترتيب واخذ شنطة يده وطلع فتح له السايق الباب وراح ياخذ الشنط طلع : وين تحب اوصلك
جواد: محل المجوهرات
: حاضر طال عمرك
وصل للمحل ونزل بهيبته المعتاده
صاحب المحل اللي من اصل عربي : اهللللين استاز نورت
جواد وهو يسلم عليه: هلا فيك. ها بشر جبت لي العقد اللي طلبته منك
: ايه ولو. وعندي الك تشكيله جديده بتعأد
جواد: اوك وريني
طلعها له. شاف عقد رقيق من الالماس بخطوط رفيعه وف نهايته اللون التركواز من الاحجار الكريمه. بدون مايحس تخيله ع رقبة مجهولته اللي حاس انها بيعكس جمالها وتكون قطعه حلوه ع بياض بشرتها.
جواد بلا شعور: عطني هذا. والعقد اللي من اول
لفه له واخذه جواد طلع السياره وتوجه ع المطار وهو مو عارف ليش اخذه ويضحك ع نفسه وين بلقاها عشان البسه لها
تنهد وهو يناظر بالشوارع




رجعت البيت دخلت وشافت اهلها ع طاولة الطعام يتغدون
جوانه: افا وش هالنذاله تغديتو وتركتوني
دانه: هههههه لا لسى يلا تعالي تو جلسنا
جوانه: اغير ملابسي وانزل
وطلعت غرفتها
محمد: الوالده دقت علي تبيني اروح لها
دانه بفرح: والله جدتي بتجي؟
محمد ياكل: ايه. تبي تتطمن ع ولدها ههههه
عبير: أنا ماخبرتها ع طول عشان ماتخاف عليك وهي تعبانه
محمد: وحتى بعد سمعت صوتي الا تجي وتطمن
دانه: يس الحمدلله فقدتها حيل
محمد: بعد الغدا بروح. إذا تبين معي تعالي
دانه: ايه ايه اككككيد
جوانه وهي نازله: اسمع احد بيطلع وين رايحين
دانه: جدتي بتجي طيارتها توصل بعد العصر
جوانه مستانسه وهي تجلس بتاكل: هياااا هههه وانا بعد بروح معكم
دانه: اوكك

بعد الغدا توجهو ع المطار بحماس بيستقبلون جدتهم اللي تسافر تتعالج وصلو المطار وكا بانتظار رحلتها متى توصل
دانه تعالي ناخذ شيء نشربه
جوانه: اوك امشي
محمد: بس لا تتأخرو
راحو البنات دانه سبقتها وجوانه تمشي بهدوء وبثقه
ومن جهة جواد كان توه نازل من طياره مشى وخلص الاجراءات
يمشي بغرور وخلفه اثنين من حراسه التفت وهو يمشي وصار يمشي مثل الافلام يحس اللقطه تمشي ببطء وهو عينه ف عينها





ماقدر يوقف ولا قدر يشيل عينه. مشى شوي و لف راسه عنها وناظر قدامه بغرور وهو يكمل طريقه

ومن جهتها
دانه بصراخ: جوانوووه وججججججع شفيك مفهيه
جوانه تناظر اختها: هاه. لا ولا شيء
دانه: امشي نروح عند بابا
جوانه بهدوء راحت معها وهي تقول بداخلها. مغرور مالت عليه أنا كنت بطيح من طولي وهو ما اتحركت فيه شعره وحده. وانا وش علي منه يارررربي شفيني. ترا الرجال مو شايفني ابد. حتى ماظنتي يفتكرني ليش افكر فيه. هففففف والله أنا نفسي مو عارفه ليش لساته ف بالي.
دانه نطت بفرح: جدتـــــــــــــي
انتبهت لها جوانه وشافت جدتها توها تدخل راحت تركض عشان تحضنها
الجده بوجهها الطيب البريء اللي يبان فيه ملامح الحب لبنت ولدها: بسم الله عليك يمه لاتركضين لا تطيحين
جوانه وهي تضمها بقوه: فققققققققققققققققدتكككككككككك
الجده: ياحبيبتي
دانه كمان جت و تضممم جدتها: اشتقتتلللللللللللللكككككككك أنا اكثررررر منها
الجده وهي تمسك كل وحده بيد: وانا بعد فقدتكم. الا وين ابوكم
جوانه: هههههههه نسيناه جالس هناك ينتظرككك
الجده: اجل يلا ودوني عنده
اخذو جدتهم وراحو عند ابوهم
 

المتواجدين حالياً (عضو: 0, زائر: 1)

أعلى