كم مره احببت ؟ احببت نفس الشخص الف مره

الموضوع في 'سؤال وجواب' بواسطة Shahad2000, بتاريخ ‏4 أغسطس 2015.

  1. sha2000

    sha2000 عضو

    إنضم إلينا في:
    ‏2 أغسطس 2015
    المشاركات:
    56
    الإعجابات المتلقاة:
    128
    نقاط الجائزة:
    260
    الجنس:
    أنثى
    السلام عليكم ورحمه الله وبركاته حابه أشاركم بروايتي الاولى * كم مره احببت ؟احببت نفس الشخص الف مره * وانشالله تنال اعجابكم واذا شفت اقبال كبير ححد يوم في الاسبوع او يومين انزل فيهم وراح اتقبل اي نقد او اي نصيحه واي شي تلاحظونه خطا قولولي ما راح ازعل بالعكس ذا الشي حيفيدني . ولا ابيح لاي احد ينشر الروايه وينسبها لنفسه كم مره احببت ؟ احببت نفس الشخص الف مره
     
    جاري تحميل الصفحة...
  2. sha2000

    sha2000 عضو

    إنضم إلينا في:
    ‏2 أغسطس 2015
    المشاركات:
    56
    الإعجابات المتلقاة:
    128
    نقاط الجائزة:
    260
    الجنس:
    أنثى
    البارت الاول

    دخلت غرفتها وهي ياله تشوف طريقها من كثر التعب ارتمت على سريرها المهتري وتاملت الغرفه خلاص ذا اخر يوم لي هنا كلها كم ساعه وبتتغير حياتي تاملت الغرفه مساحتها ٣في٢ فيها حمام _ونتم بكرامه_١في ٢بدون باب باب الغرفه بدون مفتاح مافي دولاب ملابسها كانت تحطها ف كيس مافي مكيف مروحه ومو دايم تشتغل نزلت دمعه حاره من عينها من يصدق ذي الغرفه موجوده في سطح قصر فارس متعب ال..... واللي يصدم اكثر انه ابوي وذا بيت امي و ابوي ولي حق فيه مثل خواني لي انا اللي شاذه بينهم .... نجد فتاه تبلغ من العمر ٢٠ عاما عايشه مع امها وابوها لاكن كانها عايشه ببيت غريب عندها اخ واخت كلهم اصغر منها تميم اصغر منها بسنتين مشلول لا يتكلم ولايمشي ولا يشوف بس كان يسمع ويفهم كل شي مخه نظيف فيه ذكاء بس محد لاحظه او بالاصح هو ما يظهره وديم عمرها ١٥ سنه مغروره وتكره نجد نجد في البيت كانت تتعامل مثل الخدم واسوا كانت تتحرم من الاكل وتنحبس في غرفتها اللي تعتبرها مقبره واللي غابنها انها هي بس اخوانها يا ويل احد يمس شعره وحده منهم ومحد من العيله كان يعرفها لان مها (ام نجد) وفارس (والد نجد) قايلين لكل العيله نجد تدرس بره وهي جمله على بعضها ما تعرف تكتبها لان ببساطه فارس سحب ملفها وهي بثاني ابتدائي بس ذا كله بسبب راح نعرفه مع احداث الروايه

    نرجع لنجد بوسط تاملاتها ودموعها اللي ما وقفت قامت اخذت شور سريع تتنشط طلعت ونشفت نفسها لبست بنطلون اسود وتيشيرت احمر قديم لونه رايح مشطت شعرها ولفته كعكه تقدمت للاكياس وصارت تنقص من الملابس الى ان بقا لها لبسين فقط طالعت الساعه ٢:٢٥ بعد خمس دقايق راح تتغير حياتي بس راح تتغير للاسوا ولا للاحسن توضت وصلت ركعتين وجتها احدى الخدم(دالين) : هيا اسرعي الاستاذ مالك خلف القصر والحرس نائمون والكل نائم

    نجد: بس دالين ما عندي عبايه
    دالين ساحضر لك فقط اسرعي اذا عرف احد اني ساعدتك ستكون نهايتي
    هيا خذي العبايه لبستها نجد وصارت تمشي على اطراف اصابعها خايفه احد يشوفها وتنتهي خطتها اللي فكرت فيها سنين توجهت لبوابه الرئيسيه حست باحد وراها لفت والدم وقف في وجها حست ان الموت جاها كان تميم جالس على كرسيه المتحرك ويطالع فيها بكل برود
    نجد تتكلم وهي شوي وتبكي : تميم خليني اطلع حس فيني تعبت خ.... حرك الكرسي اتجاهها ومسك يدها مافهمت هذي الحركه بس عارفه ان تميم مو زي الباقين تفاجات بيه وهو يبوس يدها فتحت فمها على الااااااخر طالع فيها وابتسم وعطاها ورقه فتحتها كان مكتوب فيها كلام بس مافي وقت تقراه قفلت الورقه ونزلت لمستواه : تميم انت اخوي وحبيبي صح ان ولا مره قعدت معك ولا طلبت منك شي انتبه لروحك اوكك
    تميم هز راسه بالموافقه
    قامت نجد :يلا فامان الله
    طلعت وهي مبسوطه ما تدري ليه بس حركه تميم غيرت فيها شي توجهت خلف القصر كانت في سياره دوج سودا مظلله ركبت
    ........: بدري يا ست نجد





    ذا اول بارت لي افيدوني بتوقعاتكم وارائكم
    قراءه ممتعه❤️❤️
     
  3. sha2000

    sha2000 عضو

    إنضم إلينا في:
    ‏2 أغسطس 2015
    المشاركات:
    56
    الإعجابات المتلقاة:
    128
    نقاط الجائزة:
    260
    الجنس:
    أنثى
    البارت الثاني

    .......: بدري يا ست نجد
    نجد ماردت عليه
    مالك: من يعرف انك طالعه غيري انا ودالين
    نجد: تميم
    مالك: انت هبله ولا تستهبلي لي قلتي له
    نجد : انا ما قلت شافني وانا طالعه ، وبعدين حرك عشان محد كمان يشوفنا وينتشر الخبر
    مشا مالك ومسك خط السفر اللي يودي لمدينه جده عروس البحر الاحمر .

    مالك شاب عمره ٢٤من عايله متوسطه تشتغل في بيت عائله فارس ال..... من سنين طويله وكان فارس معطيهم الثقه الكامله عشان كذا نجد فكرت بمالك انه يوديها لان محد راح يشك فيه بس رغم الثقه العاليه وعلاقه الشغل اللي بينهم كان في كره بين العالتين وبالاحرى بين مالك وعائله فارس .

    نرجع لنجد ومالك في وسط الطريق والشارع مظلم ما فيه غير فلاشات السياره تنير درب الطريق لهم

    نجد: كم باقي ونوصل
    مالك :٤ ساعات تقريبا، انا كلمت قريبتي ووافقت انك تقعدي عندها بس لمده شهر بس ،وانتي حاولي تلاقين مكان تسكنين فيه خلال هالشهر واذا تبين تقعدين عندها من بعد ذي المده تدفعين ١٠٠ ريال لليله الوحده وانا كل شهر برسل لك مبلغ عند قريبتي وبتعطيك ياه

    نجد: مشكور مالك ما قصرت بس عندي طلب واخر طلب اتمنا ما تردني
    مالك: امري
    نجد: ابيك تقرا لي ورقه ،تميم عطاني ياها قبل لا اطلع
    مالك:اوكك بس ما يصير اقرا ونا اسوق في محطه قدام شوي نوقف عندها وبقراها لك
    نجد كانت تعتبر مالك كاخ لها مطيحين الميانه بس بحدود هو كمان كان يعرف بقصه نجد لان كان شغال ببيتهم كسواق وكان يحن على نجد بس ما بيده شي يسويه ولا يقدر يبلغ عن العنف الاسري لان يعرف ان الشيخ فارس ال... له مكانته وهيبته والكل كان يحترمه
    وقف عند المحطه : عطيني الورقه
    عطته نجد وقلبها يدق بقوه بدا مالك يقرا ونجد عيونها امتلت دموع والصدمه ومالك نفس الشي الصدمه كبيره وخاصة لنجد يعني ذا سبب الكره والحقد الموجود في قلب امها

    الرساله((....


    """""""""""""
    الساعه٣:٤٥
    اتجهت احدى الخدم للحديقه وياله تتنفس وتصرخ: مدام مها ...... مدام مها
    مها بعصبيه و بغرورها المعتاد : كم مرا اقلك لا تصارخين بقره ما تفهمين
    .....: مدام هذا نجد مافي في غرفه انا اسال كل خدم وكل حارس مافي شوف

    مها: كيف مافي شوف يعني وين بتروح
    .....: ما ادري مدام ولله كل نفر قول مافي شوف

    مها بعصبيه: خلاص روحي
    اخذت جوالها واتصلت على فارس
    مها بعصبيه اكثر : اووووف لي ذا ما يرد حذفت الجوال وقعدت لا يكون هربت بس ما اظن اكثر من خمسين حارس حول القصر شلون بتهرب بتفضحنا ذي بنت الحرام لو عرف فارس وربي لا يطلقني هذا اذا ما قتلني
     
  4. فرآاوله

    فرآاوله اذكروني بدعوه .. عضو مميز ..

    إنضم إلينا في:
    ‏22 يوليو 2015
    المشاركات:
    788
    الإعجابات المتلقاة:
    7,345
    نقاط الجائزة:
    320
    الجنس:
    أنثى
    الإقامة:
    نهاايه
    كأول روايه لك
    انها جمييييلة
    استمري
     
    مريوووو-ووم و Shahad2000 معجبون بهذا.
  5. M-als7y

    M-als7y عضو

    إنضم إلينا في:
    ‏19 يونيو 2015
    المشاركات:
    560
    الإعجابات المتلقاة:
    481
    نقاط الجائزة:
    330
    الجنس:
    أنثى
    رواية جميلة بما انها اول رواية لكي .. و اتمنى ان تستمري بها .. و سأكون من مشجعيك دوما ..
     
    أعجب بهذه المشاركة Shahad2000
  6. sha2000

    sha2000 عضو

    إنضم إلينا في:
    ‏2 أغسطس 2015
    المشاركات:
    56
    الإعجابات المتلقاة:
    128
    نقاط الجائزة:
    260
    الجنس:
    أنثى
    البارت الثالث

    (في البارت الاول غلطت وقلت ان تميم ما يشوف تميم يشوف ، تميم ما يمشي ولا يتكلم وشكرا على التنبيه):5:

    ** نجد انتي اختي بس مافي يوم حسيت معنى ذي الكلمه تجاهك وكله بسبب امي ظلمتك بكل اشكال الظلم حرمتك من تعليمك سلبت حقوقك وانا متاكد للحين ما عندك شي يثبت انك نجد بنت مين او انك عايشه عند مين وكل ذا كله كان بسبب كان نفسي اعترف لك واقولك من مده لك حقك انك تعرفي بس ضعفت اول مرا احس اني خايف .. الكلام اللي بقوله بيصدمك ما ادري كيف وشلون بتكون ردت فعلك بس كيف ما كان لازم انك تعرفي قبل كم سنه سمعت امي تكلم ابوي بالديوانيه بالبدايه ما كنت مصدق بس بعدها تاكدت لم شفت الاوراق ... نجد امي كانت تشتغل بعماره دعاره وبيوم غلطت وحملت فيك لم عرفو اهلها تبرو منها وبيوم قابلت ابوي وتعاطف على حالها وقرر يستر عليها ويتخلص من ضغوط جدي لان كان يعايره بانه للحين ما تزوج ولم تزوجها كانت بشهور الاولى واقنعو الكل ان ولادتك بتكون مبكره وسجلك باسمه والحين هو نادم لانه تزوج امي ونادم اكثر انه ربط اسمك بسمه وما يقدر يسوي اي شي لان بتطيح على راسه بيخسر املاكه واحتمال كبير يتبرا جدي منه... بس الذنب مو ذنبك والقدر مو بيدنا نتحكم فيه وزي مافي احزان اكيد في افراح بس متى وكيف تصير ذا كله عند ربي ونتبهي لنفسك وين ما كنتي **
    تميم
    مرت ثلاث دقايق والصمت حليف الموقف
    مالك: نجدد خلاص اللي صار صار ولازم ت..
    نجد بنبره بكي وقهر : كل ذا وتقول اللي صار صار 20 سنه كان في شخص اعتبره ابوي طلع واحد ما يقرب لي لو ادري اعيش عشرين سنه مظلومه ولا اعرف ان امي وابوي اصلهم من ... ماقدرت تكمل ودخلت بنوبه بكا
    مالك فضل السكوت لان كل كلمه قالتها كانت بمحلها حرك السياره ومشا وهو يتقطع من داخله صوت بكاها راح يخلي اي احد يشفق عليها ومن بين اصوات البكا والنياح ما حس مالك الا والسياره تتقلب على الطريق واصوات البواري واصوات شباب صارت الدنيا تلف فيه وسللم امانته لربه ( كل واحد له نهايه ايش ما كانت مكانتك نهايتنا تحت التراب ودايم نسال ربنا حسن الخاتمه) اما بنسبه لنجد تعبها وجروحها النفسيه كانت تالمها اكثر من جروح جسدها ..

    ،،،،،،،،،،،،،،،،
    وصل فارس (ابو تميم) للبيت واعصابه تالفه من الشغل فتح له الحارس بااب القصر استقبلته الخادمه واخذت منه غترته وعقاله وعلى طول توجهه للفت وتوجه لجناحه مان عباره عن صاله كبيره كلها بلون الابيض والذهبي ومطبخ صغير مفتوح على الصاله وغرفه النوم اللي تدل على عز وفخامه القصر بكل ما فيه ... دخل الغرفه دخل الحمام_ ونتم بكرامه_ اخذ له شور لف المنشفه على خصره ومنشفه اصغر ينشف فيها شعره كانت جالسه ع السرير وعلامات التوتر واضحه بوجهها
    فارس طالع فيها بستغراب: وش فيه وجهك مخطوف؟؟
    مها وزاد فيها التوتر: انا .. لا مافيني شي
    فارس لف وجهه بطفش : اهاا ، كلمي الخدم يحضرون الغدا
    مها: من ن عيوني
    وقامت بعجله وطلعت .. فارس: الله يستر منك بس

    خلاص مو لازم يدري هو من متى يجي و يسال عنها ولا يدور وراح نكمل عادي بس لو دري لا لا ماراح يدري خلاص ي مها اووف خلاص قفلي الموضوع اتصلت على احدى الخدم وطلبت منها تحضر الغدا وطلبت منها ان تنبه على كل العاملين ما يجيبو طاري نجد قدام فارس..



    نهايه البارت توقعاتكم :)
     
  7. sha2000

    sha2000 عضو

    إنضم إلينا في:
    ‏2 أغسطس 2015
    المشاركات:
    56
    الإعجابات المتلقاة:
    128
    نقاط الجائزة:
    260
    الجنس:
    أنثى
    اتشرف فيك ولله وانشالله اكون عند حسن ظنكم
     
    Т Ғ A Ϩ Э L و M-als7y معجبون بهذا.

الاعضاء الذين يشاهدون محتوى الموضوع(عضو: 0, زائر: 0)