رواية غرور بنت بإول العشرينات

الموضوع في 'روايات' بواسطة bnt_abooy, بتاريخ ‏30 يوليو 2015.

  1. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    1,338
    الإعجابات المتلقاة:
    498
    نقاط الجائزة:
    420
    الجنس:
    أنثى
    ASK ME:
    https://ask.fm/bnt_abo0y?utm_source=copy_link&utm_medium=android
    "البارت الثالث والعشرون"
    "PART 23"


    قد تمر علينا لحظاتٌ نشعر فيها بالقلق والوحشة ، وأحوجُ مانكون فيها لآذان تصغي إلينا ، فليس من الخطأ حينها أن نبوح لأحدهم بما يختلجُ داخل قلوبنا ، علنا نخفف عنها وطأة الضيقِ والحيرة والأسى..


    شكى همه لصديق دربه اللي معاه ف كل شي علمه بسالفته اللي كلها ألم وقهر حكى له عن شهد البنت اللي يحبها ، حبها بجنون ومن كل قلبه وكان مستعد يسوي اي شي عشانها بس للاسف ما راح تصير من نصيبه يشوفها تروح قدام عينه وما بيده اي شي عشان يسويه لانه جدتها قبل لا تموت وصت عليهم شهد ما ياخذها غير مصعب ولد عمها وهم يحققون وصيه الجدة ، يشوفها تروح لولد خالته وهو قلبه كله ألم وحزن يحس بالنار تشتعل داخله ، شايف روحه وقلبه تروح لشخص ثاني ، أصعب شعور انك تشوف الشخص اللي تحبه يروح لغيرك قدام عينك وانت مابيدك تسوي شي غير تبتسم بـ أبتسامة ألم ابتسامه مافيها اي روح فيها معاناة وبس .

    نروح عند حنان .
    اتفقت مع هنادي على كل شي وهنادي وافقتها ف الخطه واتفقوا على فيصل ، حنان بدورها كانت تبي شي تمسكه على فيصل وتستخدمه ضدة وتهدده فيه عشان يخضع لها ويسمع كلامها وشافت انه الشي اللي بتسويه هو المناسب مع انه خطأ كبير وخصوصاً انها ترتكبه ف حق فيصل لانه مستحيل يسكت لها ويعدي الموضوع على خير .


    رجعت حنان البيت بعد ما اتفقت على كل شي مع هنادي باقي بس انها تستدرج فيصل للمكان عشان ينفذون الخطه لكن كيف ؟ هذا الشي اللي بدت ترتب وتخطط له حنان ..
    وبينما كانت غارقه بـ أفكارها وخططها وصلها مسج من عند فيصل " جهزي نفسج اليوم المغرب بمر عليج وبنطلع نتعشى برا واستأذنت من عمي و وافق ، لا تتأخرين علي بكون بـ انتظارج " .

    حنان قرئت المسج وعصبت : الحقير يباني اطلع اتعشى معاه بعد اشوفه وايد مصدق نفسه اني زوجته، وابووي كيف يوافق من دون لا يسألني حتى اوففففف بسس الله ياخذك يافيصل وافتك منك و ان شاءالله الدور المستانس فيه ما راح يستمر ، راح اسلك لك لين ما امسك عليك شي وبعدها لكل حادثه ً حديث .

    من جهه ثانيه كان فيصل ف السوق يدور على هديه يشتريها لـ حنان لانه يشوف من غير اللائق يشوفها وما يقدم لها شي خصوصا يوم الملجه ما عطاها شي بسبب الظروف واللي صار.. لفت نظرة سلسال جميل ويضم حرف الـ H وكان راح ياخذه لا انه شاف جنبه سلسال بنفس الهدوء والبساطه بس هالمرة مرسوم عليه حرفه اللي هو الـ F وابتسم ابتسامه انتصار وهو يتخيل شكل حنان من تفتح العلبه وتشوف حرفه اكيد راح تنقهر بس هو بطريقته راح يجبرها تلبسه ويخلي عنقها يتزين بحرفه واخذ الحرفين حرفها وحرفه طبعا حرفها قرر يحتفظ فيه له ويحطه كـ زينه للسيارة ،اخذ السلاسل وطلع دون لا ينتبه للشخص اللي يراقبه ..


    ف بيت ابو محمد " حسن "

    ف غرفه حنان تحديداً كانت نايمه ومقفله ع نفسها الباب وأمها عجزت معها تدق عليها الباب بس مافيه اي رد من حنان وكانت متضايقه لان قرب موعد آذان المغرب وفيصل راح يجي بعد الصلاه وحنان مو مهتمه ابد , جلست ف الصاله وهي متضايقه ومع دخول محمد للبيت شافها جالسه وهي تدعي انه الله يصبرها على حركات بنتها...

    محمد بابتسامه : هلا بالزين هلا بأم الحلوين ليش قاعده بروحج ف الصاله ؟؟

    أم محمد بعصبيه : محمد شوف لي حل مع اختك تراني تعبت من تصرفاتها وعنادها محد خربها غير دلع ابوك ..

    محمد بجديه : خيير يمه وش صاير ؟؟ شو مسويه حنان بعد ..
    أم محمد : عجزت معاها ابي اصحيها ما تصحى والشي اللي قاهرني مقفله على نفسها الباب ومافيه وقت باقي شوي ويأذن آذان المغرب وفيصل متفق مع ابوك انه يطلعون هو وحنان يتعشون برا..
    محمد وهو يضحك : الحين انتي مضايقه نفسج عشان هالموضوع والله ع بالي صاير شي , يعني حنان ونومها الثقيل هالشي مو غريب علينا واذا على موضوع الطلعة خليها بكيفها هي الخسرانة بتروح لولد الناس بكشتها ..

    أم محمد : الحين انا اقولك الولد بيجي وانت جالس تضحك وتستهبل ؟ بدل لا تقوم تشوف لي حل صدق ما منك فايده .. وقامت تبي تروح وهي معصبه ع تصرفات عيالها .
    محمد وهو يضحك : خلاص يمه هدي نفسج وريحي جمالج تبيني اصحيها ؟؟ ثواني وتكون صاحيه بس انتي لا تضايقين نفسج واهم شي لا تعصبين علي لانه مالي ذنب ترا ..

    ام محمد : طيب يلا ورينا عرض اكتافك وروح صحي اختك من النوم خلها تتجهز ..
    محمد : ابشري بس وين مطبخكم راح ههههههه ..
    ام محمد : ليش وش ناوي عليه ؟؟
    محمد بابتسامه خبث : انتي قلتي صحي اختك عاد تحملي اللي بيصير ..
    راح للمطبخ وخذ ماي بارد وهو يبتسم وقبل لا يوصل غرفه حنان راح لغرفته عشان يجيب نسخه المفاتيح ومن ضمنها نسخه مفتاح غرفه اخته وصل لباب اخته وطلع المفتاح بهدوء وفتح الباب وخلاه مفتوح عشان يقدر يشرد بعد اللي بيسويه توجهه لسرير حنان بخطوات خفيفه وشال اللحاف عنها وتأكد انها رايحه ف سابع نومه واخذ الماي وكبه عليها كله و وقف وهو يطالعها مفزوعه من النوم ومستغربه ماتعرف شو اللي صار معها واول ما شاف شكلها ضحك بصوت عالي ومن غير لا ينتبه صابته مخده ع ويهه وقتها انحاش من دون لا يلتفت وفجأة سمع صوت صراخها واصل اخر الممر وهي تنادي عليه وتسبه ضحك من كل قلبه ع اللي صار هاذي الحركات كانت حنان تسويهم ف محمد والحين يا الوقت اللي محمد يرجعها فيها ..


    قامت حنان وهي متضايقة لأنها بتطلع مع الشخص اللي بصفته زوجها وهو نفس الشخص اللي تكرهه اكثر شيء في هالدنيا هو و سعود صارت تكرهه جنسهم , تكرهه فصيلة الرجال بشكل عام بس لازم تساير فيصل عشان توصل لهدفها وتبي تلوي ذراعه قبل لا يلوي ذراعها .

    أم محمد : طيب ومتى قررت هالشي؟
    محمد : اليوم كنت أفكر بالموضوع وقلت نجتمع ويا الشباب ونسير يومين للمزرعة نغير جو خصوصاً اخر فترة محد قام يشوف الثاني من بعد سالفة الملجة .
    أم محمد : الله يجمعكم بالخير دايم .. بس لا تنسى تعزم نسيبك فيصل ترا خلاص صار منا وفينا .
    محمد : ما راح انسى يمه لا تحاتين .. بس عندي طلب صغير اتمنى ما ترديني فيه خايب .
    أم محمد : قول حبيبي أسمعك وطلبك مقبول من الحين .
    محمد بتردد : ما يصير يا يمه تقاطعين خالتي أم سعود هي مالها ذنب باللي صار وحالها من حالنا ما تدري بشي عن ولدها ولا كانت تدري انه بيسوي اللي سواه ..
    أم محمد بنرفزة : بس يا محمد ....
    محمد هو يقاطع كلام امه : لا بس ولا شيء يمه وغلاتي عندج تسوين جمعه صغيره ف البيت وتعزمين كل العايله و اولهم خالتي أم سعود منها تهدي النفوس ومنها نعتبرها حفله صغيره لحنون ..

    أم محمد بتفكير : مادري يا محمد الموضوع مب سهل واللي صار شي كبير ما اقدر انساه بين يوم وليله .

    محمد : يمه سمعيني كل شخص ياخذ نصيبه وسعود وحنان مو مكتوبين لبعض وبعدين ما ندري يمكن خيرة .. انتي خذي راحتج وفكري بالموضوع وبتشوفين انه كل كلامي صحيح وترا هالدنيا فانيه ما تستاهل الزعل وبعدين بقولج شغله ثانيه مرة وحده عرفي العايلة بأم فيصل واهلها .
    أم محمد اقتنعت : اي والله ما فكرت فيها من قبل لازم نعرفهم على بعض خلاص يا حبيبي مثل ما قلت يصير كم حمود عندي ؟

    محمد بابتسامه : فديت الغالية أم الغالي اللي هو انا الله لا يحرمني منج أطيب قلب بهالدنيا انتي..
    حنان وهي نازله من الدرج سمعت جزء من كلام محمد : اوهوو رحنا فيها وطي اجتمعوا الام و ولدها الله يعيني بسس ..

    محمد باستهبال : ادري تغارين بس ما توقعت هالكثر ههههه .
    حنان : مالت الا مالت اصلا ما اغار ومن يومك دلوع الماما الله يعين مرتك عليك...
    محمد يضحك :هههههه شدخل مرتي انزين ؟؟
    حنان : دخلها انه بتاخذ واحد دلوع مثلك .
    محمد : اقوول لا يكثر طلعي وانتي ساكته ههههه شكلج تحفة وانتي غيرانه خلج على هالوضع لين يشوفج الخبل اللي خذاج .

    حنان انقلبت ملامح ويهها وتضايقت بس ما حبت تبين لهم لكنن ملامحها انعفست فوق تحت ولاحظوا عليها هالشي وقبل لا ام محمد تتكلم صدرت نغمة من جهاز حنان معلنة وصل مسج يديد وكان هالمسج من فيصل يبلغها انه ينتظرها برع ..

    حنان بضيق : يمة انا طالعه مع ... وسكتت ماعرفت تقول لا زوجي ولا تنطق اسمه .

    محمد : خليني اوصلج للباب واسلم عليه ..
    أم محمد : يلا حبيبتي الله يحفظكم ديري بالج على نفسج ..
    حنان : ان شاءالله ترا كلها ساعه بالكثير وراجعه ماني مطوله ..


    يتبعععع
     
    أعجب بهذه المشاركة دمعة امل
  2. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    1,338
    الإعجابات المتلقاة:
    498
    نقاط الجائزة:
    420
    الجنس:
    أنثى
    ASK ME:
    https://ask.fm/bnt_abo0y?utm_source=copy_link&utm_medium=android
    مرحبا حبايبي كيف الحال ؟؟
    راح استمر ف كتابه البارتات وانزلها واكمل الرواية واتركها كاملة ان شاءالله ,, وشكراً لكل اللي يدعموني ويحفزوني .. بالنسبة لتخصيصي للاوقات ما شفت تفاعل بخصوص هالموضوع لذلك ما حددت يوم ..
     
    القلب الهتون و دمعة امل معجبون بهذا.
  3. عاشقة بارك جيمين

    عاشقة بارك جيمين I love you Jimin .. عضو مميز ..

    إنضم إلينا في:
    ‏15 مارس 2018
    المشاركات:
    4,595
    الإعجابات المتلقاة:
    2,335
    نقاط الجائزة:
    710
    الجنس:
    أنثى
    سبق وقرات خمس روايات بمنتدى تغاريد قبل ماتسجل هنا وهي كانت وحده منهم وعن جد حلووه بكل المعاني واحداثها خطيره مره :evilsmile:كلها مصايب ههههه
    اتمنى تكتبين روايه ثانيه يالغلا:.):winkytongue:
     
    أعجب بهذه المشاركة bnt_abooy
  4. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    1,338
    الإعجابات المتلقاة:
    498
    نقاط الجائزة:
    420
    الجنس:
    أنثى
    ASK ME:
    https://ask.fm/bnt_abo0y?utm_source=copy_link&utm_medium=android
    اسم الروايه الثانيه ف بالي بس من اخلص هالروايه ببدا ف الثانيه
     
  5. دمعة امل

    دمعة امل عضو

    إنضم إلينا في:
    ‏7 مايو 2018
    المشاركات:
    13
    الإعجابات المتلقاة:
    5
    نقاط الجائزة:
    50
    الجنس:
    أنثى
    وااااااااااااااااو واخيرا والله نزل بارت جديد والله م مصدقه بس بالاول لازم ارجع كم بارت لورا عشان اجمع الاحداث . مشكوره قلبوووووو وربنا يعطيك العافيه وتسلم اناملك
     
    أعجب بهذه المشاركة bnt_abooy
  6. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    1,338
    الإعجابات المتلقاة:
    498
    نقاط الجائزة:
    420
    الجنس:
    أنثى
    ASK ME:
    https://ask.fm/bnt_abo0y?utm_source=copy_link&utm_medium=android
    حبيبتي وتسلمين لي انتي
     
  7. القلب الهتون

    القلب الهتون عضو

    إنضم إلينا في:
    ‏20 يوليو 2017
    المشاركات:
    6
    الإعجابات المتلقاة:
    8
    نقاط الجائزة:
    80
    الجنس:
    أنثى
    يعطيج العافية
    الرواية واايد واايد حلوه
    استمري بالبارتات الله لا يهينج
     

الاعضاء الذين يشاهدون محتوى الموضوع(عضو: 0, زائر: 3)