رواية غرور بنت بإول العشرينات

الموضوع في 'روايات' بواسطة bnt_abooy, بتاريخ ‏30 يوليو 2015.

  1. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    328
    الإعجابات المتلقاة:
    494
    نقاط الجائزة:
    300
    الجنس:
    أنثى
    عذراً عالتأخير والقصور الفترة الاخيرة انشغلت بأجراءات تسجيل الجامعة وذا ، اتمنى تعذروني وتكلمة البارت راح انزلها اليوم :.):angel: .
     
    ريمــآ و ♥ قلوب حانيه ♥ معجبون بهذا.
  2. جانا ♡

    جانا ♡ عضو

    إنضم إلينا في:
    ‏25 يوليو 2017
    المشاركات:
    20
    الإعجابات المتلقاة:
    3
    نقاط الجائزة:
    40
    حلووو البارت مراا❤ ... ياريت تكملين الرواية بسرعة تحمست ... بالتوفيق
     
    ♥ قلوب حانيه ♥ ،ريمــآ و bnt_abooy معجبون بهذا.
  3. إنكسار أنثى

    إنكسار أنثى لا يوجد .. عضو مميز ..

    إنضم إلينا في:
    ‏23 يوليو 2017
    المشاركات:
    1,485
    الإعجابات المتلقاة:
    9,003
    نقاط الجائزة:
    290
    الجنس:
    أنثى
    الإقامة:
    الرياض
    يعطيك العافيه على البارت

    تصدقين رجعت قريت الرواية من جديد ..لاني نسيتها
    والفترات بين التنزيل ..هي السبب
    بس معدورة
     
    أعجب بهذه المشاركة bnt_abooy
  4. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    328
    الإعجابات المتلقاة:
    494
    نقاط الجائزة:
    300
    الجنس:
    أنثى

    انا اعتذر منكم جميعاً وبإذن الله بس تتحسن الاوضاع راح احدد يوم في الاسبوع او يومين انزل لكم البارتات ، اتمنى تستمرون بدعمكم لي و ان شاءالله ماراح اقصر معاكم .
     
    أعجب بهذه المشاركة ريمــآ
  5. bnt_abooy

    bnt_abooy .. عضو مميز ..

    إنضم إلينا في:
    ‏30 يوليو 2015
    المشاركات:
    328
    الإعجابات المتلقاة:
    494
    نقاط الجائزة:
    300
    الجنس:
    أنثى
    " تكملة البارت "

    حنان كانت شوي وتهزئى فيصل لكن فكرت فيها واخيرا الفرصة يات لين عندج ياحنان لا تضيعينها يالله عسى احصل اللي اباه بس . : امم طيب ممكن جوالك عشان اضيف نفسي وبعد اذا تبا حسابي حق السناب بعطيك .

    فيصل استغرب انها وافقت بسرعه وشكك في وضعها بس قال يمكن لاني صرت زوجها ما تقدر تعارض وعطاها الجوال حنان خذت الجوال من ايده ودخلت على قائمة الاسماء تدور اللي تبيه وهي تدعي انها تحصل اللي في بالها لمحت اسماء بنات وايد بس ما كان عندها فرصه تختار شافت اول اسم وسجلت الرقم عندها وبحركه سريعه ضافت نفسها في السناب والبيبي وهي مقررة بعد هاليوم تغير حساباتها الود ودها حتى رقمها تغيره بس قالت ماله داعي لان اكيد راح يصير بيني وبين فيصل تواصل .

    فيصل كان يناظرها وسرحان فيها حتى ما انتبه لحنان انها تأخرت شوي شافها تمد يدها له اخذ جواله وسكت ماعرف ايش يقول .

    حنان دام اني اخذت اللي ابيه لازم اطلع الحين قبل لا يوصل العشاء ولا راح اضطر اتعشى معاه ، ففكرت انها تمثل ع فيصل شغلت رنه جوالها على اساس احد يدق عليها وردت آلوو ها يمة ، اي طيب ، تبيني اجي خلاص جايه اي ان شاءالله لا الحين جايه ماراح اتآخر طيب مع السلامة .

    حنان قامت وقالت : انا لازم اروح امي تبيني ضروري يلا عن اذنك وراحت بسرعه دون لا تعطي فيصل مجال انه يتكلم.

    فيصل انقهر كان وده يتعشى معاها لكن ماصار فقام اهو الثاني وراح عند ابوه والبقيه .


    رجعت حنان عند امها وأم فيصل وكملوا سوالف وتعشوا مع بعض ثم سهروا الى ان راحوا اهل فيصل بيتهم وكل شخص توجهه لغرفته وكانت حنان أولهم متحمسة عشان تنفذ اللي في بالها بـ اسرع وقت .

    وقامت تخطط وترتب افكارها وقبل كل شي لازم تتأكد من الرقم اللي اخذته وتجيب معلومات عن البنت عشان تعرف كيف تتعامل معاها .

    صباح يوم جديد على أبطالنا .

    جهزت نفسها و اوراقها اللي راح يطلبونها للعمل كانت متحمسة تبدا بداية جديدة وفي نفس الوقت خايفة ، الشركة اللي بتقدم عليها معروفة وسمعتها طيبة والكل يتمنى انه يشتغل فيها وماتدري هل راح يوافقون على طلبها او لا خصوصاً هي ماعندها خبرة وما اشتغلت من خلصت الجامعة ، جلست في البيت طبعاً بـ أمر من سيف كان مايبيها تشتغل وهي وافقته وسمعت كلامة والحين تحسفت لذلك لازم تبدا صفحة جديدة من حياتها وتترك الماضي وراها ، لازم كل صفحة من الماضي تحرقها وهي مبسوطة وسعيدة ، زعلها وحزنها اشياء لازم ماتوقف عندها بالعكس لازم تكمل ، صحيح فقدت جزء منها وتغيرت اشياء كثيرة بـ مفهومها وفقدت ثقتها بـ مسمى الحب والغرام لكن كل اللي صار معاها خلاها تقوى لو كانت ضعيفة نضجت ونضج تفكيرها واهم شي قلبها صار صلب وبـ اعتقادها مستحيل ترجع تحب من جديد < اكيد عرفتوها ، هاذي نورة الجاسم .

    اخذت مفاتيح سيارتها ومسكت ملفها الاسود بأيدها وطلعت من البيت وهي تتوكل عالله في كل خطوة تخطيها .


    طلعت حنان من البيت الصبح بحدود الساعة عشرة وكان يدور في بالها خطة الايقاع بـ فيصل اتفقت مع البنت بعد ما جابت عنها معلومات وعرفت عنها اشياء خلال كم ساعة بس وصار لازم تنفذ الخطة سووا بموافقة البنت او لا اساساً البنت ماعندها اي خيار ثاني والظاهر انها بتوافق على كم فلس وتنفذ اللي بتقول لها عليه حنان من دون أي تردد .

    وصلت للمكان المتفق عليه واجرت اتصال عشان تتعرف عالبنت .

    حنان بعد كم رنة : آلوو انا وصلت ، كيف راح اعرفج ؟
    البنت : بتلاقيني في طاولة على ايدج اليسار اول ماتدخلين ولابسه عباية ملونه رصاصية .< لسى مادخلت في راسي موضة العبايا الملونة .
    حنان : اها طيب خلاص كأني شفتج ، الكتاب مبين من عنوانه .

    البنت : عفواً ؟؟

    حنان ماردت وسكرت الخط .
    راحت لها وبعد السلام والمجاملات تكلمت حنان بصوت واثق : شوفي انا اليوم ما ييت لج الا عشان تساعديني في مهمة طبعاً لج اتعابج والمبلغ اللي تطلبينه كل اللي عليج تسوينه تنفذين خطتي حرف بحرف ، واذا انتي موافقو خليني اقولج عالخطة واذا ماتبين هالشي راجع لج .

    هنادي : انتي قلتي لي انه الموضوع يخص فيصل صح ؟؟

    حنان : ايه يخص فيصل اساساً فيصل هو الاساس من جيتي هاذي .

    هنادي : اوكي علميني بالشي اللي بتسوينه بعدها اقرر اوافق او لا .

    حنان : لا يا قلبي توافقين اعلمج بالخطه ماتوافقين اخذ اغراضي وامشي في الاخير انتي الوحيدة اللي راح تستفيدين من كل النواحي .

    هنادي بتفكير : خلاص موافقة بس على شرط تدفعين لي مبلغ حلو وكاش قبل التنفيذ .

    حنان : ههههههه كاش ايه ادفعلج بس قبل التنفيذ لا ياقلبي كل شي بوقته حلو وبعدين قبل لا اقولج ع الخطة شو يضمن لي انج ماراح تعلمين فيصل باللي اقولج عليه ؟؟

    هنادي : ماراح اعلمة لا تخافين ، فيصل قبل كل شي يحقرني ويعاملني كـ جارية عندة وقت ماحب دق علي وقت ما بغى نسى وحدة اسمها هنادي بعدين انا اللي يهمني الفلوس ومايهمني شي ثاني .

    حنان : حلوو كلام مقنع لكن يكون في علمج انا اعرف كل كبيرة وصغيرة عنج يعني حرف واحد يطلع منج صدقيني بتندمين واعتبريه تهديد او اللي تبينة .

    هنادي انقهرت بس حاولت ما توضح : اممم ممكن اسألج سؤال ؟؟
    حنان : اشوف السؤال بعدها اقرر اجاوب .

    هنادي في نفسها الله ياخذج : وش علاقتج مع فيصل انتي تحبينه ؟

    حنان : هههههههه قالت احبه قالت حبيبتي لو يظل اخر انسان بهالكون كله صدقيني ماراح احبة عالعموم جواب سؤالج راح تعرفينه بس مو الحين وخليني الحين ابدا بالاهم واقولج عن الخطة وتفاصيلها ....

    وحكت لها عن تفاصيل خطتها والشي اللي قررت تسويه مع فيصل .


    وصلت للمكتب وطقت الباب جاها الرد من ورا الباب يرحب فيها .

    نورة : السلام عليكم .
    خالد وعينه على الاوراق: عليكم السلام ، تقدرين تتفضلين .

    نورة جلست ومدت الملف لخالد وهي مستحيه منه : هاذي اوراقي تقدر تطلع عليها .

    خالد رفع عينه وتفاجأ بالبنت اللي قدامة ماكان متوقع يشوفها وبالأخص في الشركة ، لما شافها حس بـ احساس غريب وكأنه احساسه بشوفتها اول مرة رجع ظل يناظر فيها وفي ملامحها ونسى نفسه وتذكر الاحداث اللي صارت معاه لما سووت حادث واسعفها واول مادخل عليها غرفة الملاحظة كل شي رجع قدامة ظل غارق في الذكريات الماضي ونسى الحاضر لحد ما نادت عليه نورة : استاذ خالد اوراقي اذا حاب تطلع عليهم.

    خالد : ايه اكيد انا اسف سرحت لبعيد شوي .< عرفتوا مين اللي ساعد نورة ذاك اليوم في الحادث واسعفها للمستشفى ؟؟ ايه خالد ما غيره .

    نورة فضلت الصمت وهي متوترة .

    خالد بعد ما شاف اوراقها والشهايد : ماشاءالله عليج متفوقه في كل شي وعندج بكالوريس ادارة اعمال بس الغريب في الموضوع انه مذكور ماتوظفتي في اي مكان ممكن اعرف السبب ؟؟

    نورة ماعرفت شو تقول بالضبط : امم احم كانت ظروفي ماتسمح لي اتوظف لذلك ماتوظفت لحد ما شفت انه الوقت مناسب لي .

    خالد : طيب اخت نورة عندنا وظيفه شاغرة ولج الحرية بـ انج تقبلينها او ترفضين بصراحة انا ادور على سكرتير او سكرتيرة لي طبعا مايفرق المهم عندي الشغل يكون زين ومضبوط ، انتي مستعدة للوظيفه والمسؤوليات اللي راح تجيج ؟

    نورة بدون تردد : اكيد استاذ ، انا موافقة يعني بصراحه انا صحيح املك شهادة بس ما املك خبرة وهالشي مطلوب هالايام بس ماعليك ان شاءالله بتعلم بسرعه وكل شي بيكون مثل ماتحب .

    خالد بـ ابتسامة : على بركة الله ، اذا تحبين تقدرين تداومين من بكرا لانه انا محتاج احد يساعدني هالايام ومثل ما يقولون خير البر عاجلة .

    نورة ابتسمت : اكيد ما عندي مانع وان شاءالله من باجر اكون عندكم والحين استأذن استاذ ، وقفت و وقف معاها خالد ومد يدة يصافحها نورة مدتها بعد تردد وسلمت عليه وبعدها ودعته وطلعت من المكتب وهي تحس انها انجزت شي كبير اليوم واستأنست عالتغير اللي قاعد يصير في حياتها .


    في عايلة عبدالعزيز الـ سعود .

    كان جالس في غرفته متضايق من اللي صار وش يسوي بعد يومين بتصير لولد خالته كيف بيتصرف اذا شافها مع غيرة يحسس في قلبه نار بس ما بـ ايدة شي ودعها و ودعته بكل برود على قولتهم صاروا مثل الاخوان ، هو يحترق في الدقيقه ألف مرة وهي تموت كل ما قالوا لها انتي لـ مصعب .


    " انتهى البارت "


    (لاتنسوون الصلاة على النبي محمد صلى الله عليه وسلم )
    *
    توقعاتكم الحلوة للبارت ؟؟
    تتوقعون وش هي خطة حنان مع هنادي + سعود متى راح يرجع و وش هو سبب اختفاءه ؟؟
    وش سالفه عزيز مع شهد ؟؟
     
    ريمــآ ،Yemen girl و Oscar & Roody معجبون بهذا.
  6. بدوية رجه

    بدوية رجه عضو

    إنضم إلينا في:
    ‏25 أغسطس 2017
    المشاركات:
    3
    الإعجابات المتلقاة:
    5
    نقاط الجائزة:
    50
    الجنس:
    أنثى
    ريمــآ و Oscar & Roody معجبون بهذا.
  7. القلب الهتون

    القلب الهتون عضو

    إنضم إلينا في:
    ‏20 يوليو 2017
    المشاركات:
    4
    الإعجابات المتلقاة:
    6
    نقاط الجائزة:
    50
    الجنس:
    أنثى
    تجنن يعطيك العافية كملي ☺
     
    ريمــآ ،Oscar & Roody و bnt_abooy معجبون بهذا.

الاعضاء الذين يشاهدون محتوى الموضوع(عضو: 0, زائر: 0)