أحببت لقيطه .. بقلمي

الموضوع في 'روايات' بواسطة عبير الورد .., بتاريخ ‏21 مايو 2014.

  1. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,599
    نقاط الجائزة:
    330
    الجنس:
    أنثى
    الإقامة:
    ممكلة البحرين
    السلام عليكم ورحمة الله وبركاته ..

    هذا اول موضوع لي اتمنى يعجبكم

    فكرت اكتب رواية

    ( أحببت لقيطه )

    وهاذي اول رواية اكتبها يارب تعجبكم ..

    الشخصيات ..‏
    عائله ابو فيصل .. ‏
    ابو فيصل‎ ‎‏( احمد ) : عمره 46 رجل اعمال غني جدا ومشهور ومعروف ، حنون . طيب ويحب عياله كثير و شخصيه وله هيبه ..
    ام فيصل ( سلمى ) : عمره 44 امرأه حلوة طيبه وحنونه تحب عيالها وتخاف عليهم وتموت في مرام بنتها ..
    فيصل : عمره 24 طول مناسب له وجمسه معضل ابيض بس مو كثير وعيونه عسليه وشعره اسود ناعم لي رقبته وخشمه سلة سيف وحلوو له هيبه وشخصيه يشتغل في شركات ابوه ..
    وليد : عمره 22 وطوله مناسب وجسمه رياضي عيونه بنيه وشعره بني لي رقبته خفيف دم ويحب الوناسه والفله بس وقت الجد جد ..
    مرام : عمرها 20 تشابه فيصل شوي عيونه عسليه فاتحه و شعرها طويل لي نص ظهرها ناعم وبشرتها بيضاء وحلووة خشمها حلو وصغير وفمها صغير

    عائلة ابو نايف ( اخو ابو فيصل ) ..
    ابو نايف : عمره 45 رجل اعمال غني جدا ومشهور ومعروف ويحب عياله وحنون ويخاف عليهم ..

    ام نايف : عمره 43 طيبه وست بيت وحنونه كثيرر ..

    نايف : عمره 22 طوله مناسب له وجسمه رياضي وعرض رجال بشرته بيضاء بس مو كثير عيونه بنيه وخشمه سلة سيف و شعره لي رقبته اسود وناعم و ضحكته تخقق مزيوون مره ما يهتم بشي اسمه بنات وحنون وطيب ..

    نوره : عمرها 20 بنت حلووة مره رشيقة وطولها مناسب شعرها لي نص ظهرها لونه بني عيونها واسعه العدسه سوداء وهي بيضاء و خشمها صغير وحلو وتحب بنت عمها مرام وهي وياها صديقات بالحيل ..

    شهد : عمرها 19 طيبه واجتماعيه شوي فيها غرور وعيونه ناعسه وبنيه و بيضاء وشعرها اسود لي كتفها ناعم وخشمها حلوو صغير تحب اختها حيل ..

    عائلة ابو حمد ..
    ابو حمد : عمره 45 رجال مثقف و رجل اعمال وعنده شركات حنون على عياله وطيب معهم ..

    ام حمد : عمرها 43 ست بيت وطيبه وتعصب بس مو كثيرر ..

    حمد : عمره 23 شعره اسود لي تحت اذانه خشمه سلة سيف عيونه واسعه بلون الاسود لون بشرته حنطي طيب بس عصبييي ..

    رعد : عمره 21 يحب الوناسه والمباريات عيونه بني فاتح وشعره اسود ناعم جسمه رياضي قصير بس مو وايد اوك يعني و يمووت في خواته وحنون ..

    حنان : عمرها 20 طيبه وشخصيتها قووويه ولونه عيونها عسليه على اصفر فاتح ورموشها كثيفه عيونها تخفف و خشمها صغير وحلوو ويشرتها بيضاء ورشيقه واجتماعيه وحبوبه ومزيونه حيل ..

    ريم : عمرها 19 حساسه وطيبه ودمها خفيف و لون عيونها اسود وشعرها اسود لي خصرها وطولها مناسب لها ورشيقه ..

    خالت نايف ..
    ام عبدالله : عمرها 43 زوجها متوفي تحب المظاهر والفلووس تبي تزوج بناتها من عائلة غنيه

    عبدالله : عمره 22 يحب الوناسه وطوله مناسب له وعيونه واسعه بنيه وشعره اسود وبشرته لونها اسمر ..

    هند : عمرها 20 مغروره وشايفه نفسها وعيونها سوداء ولون بشرتها حنطيه شعرها لي اكتافها اسود وطويله بس مو وايد
    و تحب نايف ..

    ندى : عمرها 19 طيبه وهي صديقة شهد حيل ولون بشرتها بيضاء وشعرها لي نص ظهرها وخشمها صغير وحلوو ..

    باقي الشخصيات راح تتعرفون عليها من الرواية ..

    لمشاهدتها على الانستقرام

    https://www.instagram.com/rwaiat_samt/ أحببت لقيطه .. بقلمي
     
    جاري تحميل الصفحة...
    آخر تعديل: ‏3 سبتمبر 2017
  2. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,599
    نقاط الجائزة:
    330
    الجنس:
    أنثى
    الإقامة:
    ممكلة البحرين
    البارت الاول ..

    استيقظت بعد ان اشرقت الشمس لتعلن بدأ يوم جديد اغتسلت وتوضأت وصلت الفجر وسرحت شعرها ولبست بنطلون جينز اسود وبلوزه بيضاء في رسومات سوداء وجلست على السرير وهي تقول من نفسها : خاطري امشي والله عجيب المشي من الصبح ..
    راحت جهة سرير اختها
    .......... : ريوم ريوم
    ريم : اوووف خليني انام
    ......... : ريوم قومي ما شبعتي نوم
    ريم : حنون انقلعي ابي انام
    حنان : ريووم يالله قومي نمشي
    ريم طالعت الساعه بعين : حنون انتي مجنونه الساعه 6 تبين تمشي ضفي وجهك عني لا ارفسك الحين
    حنان بزعل : اذا ما تبين تمشين على الاقل قومي صلي الفجر يالدوبه
    ريم بعصبيه : اوووف ما تخلين احد ينام وقامت وراحت الحمام ( وانتوا بكرامه ) اغتسلت وتوضأت وصلت .. وسرحت شعرها وقعدت على السرير
    ريم : حنان
    حنان: هلا وافقتي بتمشي وياي والله المشي الصبح حلوو بنروح الكورنيش نمشي ..
    ريم قربت من اختها : انتي فيك شي مسخنه ( حطتها يدها على جبهة حنان ) لا ما فيك حراره .. طيب اذا افترضنا بنروح نمشي من بيودينا الكورنيش
    طق طق طق
    حنان مقهوره : ادخل
    ........ : صباح الخير
    ريم وحنان : صباح النور
    حنان شافت رعد لابس سبورت: رعوود وين رايح ..
    رعد : باروح امشي بالكوريش
    حنان قفزت من مكانها : رعوود تكفى ابي اجي امشي وياك الله يخليك ..
    ريم : الحمدلله والشكر من صدقكم انتوا
    رعد : ايه بعد المشي من الصبح حلوو
    حنان لبست عبايتها وشيلتها واخذت جوالها ونظارتها الشمسيه
    : ريم تعالي ويانا
    ريم : لا ما ابي باقعد مع الوالده ..
    رعد : اصلا دوبه ما تقدر خيش النوم وراح
    ريم صرخت : رعووووود محد دوب غيرك
    ونزلوا تحت
    ام حمد : تعالوا فطروا وبعدين روحوا تمشوا
    بدلت ريم ونزلت ..
    حمد : في احد يروح يمشي من الصبح
    ريم معصبه : حمد لا تحاول فيهم الا يبون يمشون مخربين نومتي ويبوني امشي وياهم بعد .
    ام حمد : وانتي شفيك معصبه
    ريم : من بنتك هلي ما تخلي احد ينام تقول جرس انذار يرن عند راسي هالمزعجه فيها شحنات زياده ..
    حنان فتحت عيونها: هييييييئ انا جرس انذار يا خيش النوم .. وبعدين قولي ماشاء الله
    ريم : وانا صادقه
    حنان سفهتها وقعدت تآكل
    رعد : يالله عن اذنكم
    حنان شربت عصيرها : عن اذنكم
    ام حمد : بحفظ الله
    حمد : والله مجانين
    ريم : من زمان
    ام حمد : ههههههههه الا قولوا نشيطين

    في احدى القصور ..
    في مكتب ابو نايف
    نايف : يبه عطني مفتاح السياره الله يخليك
    ابونايف : ان شاء الله بس يا ابوك ماعاد تفحط فيها والسياره بدال الواحده اجيب لك عشر بس اهم شي سلامتك يا ولدي اوعدني يا نايف تترك التفحيط
    نايف باس راس ابوه : الله يخليك يالغالي اوعدك ماعاد افحط ولا ارجع لتفحيط ابد اهم شي رضاك يالغالي
    ابتسم ابو نايف : طلع مفتاح السياره من درج المكتب : تفضل يا ولدي
    نايف باستغراب : بس يبه هذا مو مفتاح سيارتي
    ابو نايف ابتسم : هذا مفتاح سيارتك الجديده
    نايف بفرحه : الله يخليك لنا يالغالي ولا ننحرم منك و باس راس ابوه وطلعوا من المكتب شاف امه قاعده في الصاله مع نوره باس رأسها نايف : شخبارك يالغاليه
    ام نايف : بخير دامك بخير
    نوره باست راس ابوها وقعدت : افااا يمه اشوف هالكلام دايما ينقال لنايف وانا
    نايف: هههههههههه بدأت الغيره يا نوير ..
    ام نايف : هههههه

    في قصر ابو فيصل ..
    دخلت مرام على غرفة وليد معصبه حتى ماطقت الباب : وليدوه يالدب ليش ما آخذ اللاب مالي بدون ماتقولي عفست الغرفه فوق تحت لو ماقالي فيصل كان فكرت انه ضاع
    وليد : فيصلووه الدوب قال لك اوريه
    راح لغرفة وليد وهو متعود يفتح الباب وما يطق ومرام وراه
    وليد بعصبيه : فيصلوه ليش قلت لها كنت الحين بكمل وبرجعه لها
    فيصل ببرود : هههههههه اول قبل لا تدخل طق الباب ثانيا هي سألتني وانا قلت لها
    مرام : وجع كان على الاقل استأذنت وبعدين اللاب مالك وينه
    وليد : اولا يا حبيبتي يا اختي بكمل وبعطيك ثانيا الاب حقي اخترب علي امس في الليل وما اقدرت اطلع في الليل اوديه المحل يصلحونه
    مرام : مو شغلي الحين ابيه روح جيبه
    وليد : جعلك يا فيصلوه وانت في الشركه تطيح قدام الموظفين كلهم وتقوم وترد تطيح ويضحكون عليك
    فيصل فتح عيونه : الله كل هذا يا وليد وخذ علبة الكلينكس ورمها عليه صارت برأسه
    وليد : ووووجع فيصلوه يا حمار
    فيصل : اولا اسمي فيصل ثانيا اطلع برااا غرفتي وخذ مرام وياك وثالثا لا تقول حمار احترمني انا اخوك الكبير
    وليد طلع وصك الباب
    فيصل : وانتي ليش واقفه يلا فارجي
    ( بابتسامة خبث ) وروحي لا ينحاش من البيت وما عطاك اللاب
    مرام شهقت : هييييئ وطلعت وليدوه
    وليد : تفضلي وتوبه اخذ منك شي
    مرام : هههههههه احسن

    عند رعد وحنان ..
    حنان : اووف تعبت رعود خلاص خل نرجع
    رعد : ههههه بهالسرعه تعبتي يالله امشي
    حنان بتعب : لا ما اقدر خلاص مافيني حيل
    رعد : كيفك ومشى عنها ..
    حنان : رعوووود وقف ولحقته وهي تعبانه تكفى رعود تعبت خل نقعد
    رعد : اوك يالله بنرجع البيت
    حنان ابتسمت : الحمدلله
    رعد : هذا وانتي متحمسه وبسرعه تعبتي
    حنان : ترى صار لنا 3 ساعات واحنا نمشي ما وقفنا اكيد بتعب اذا انت متعود انا مو متعوده
    رعد : هههههههه طيب يالله ركبي السياره خل نرجع
    حنان : رعد تكفى مر على باسكن خلني ابرد على قلبي من الحر والتعب ..
    رعد: ان شاء الله آنسه حنان
    حنان ابتسمت ..
    ومروا باسكن رعد : اشتبين
    حنان : توفي
    اشترى لها ورجعوا البيت
    دخلت الغرفه خذت شاور وبدلت ملابسها وانسدحت على السرير ..
    ريم بابتسامه : وش فيك حنون
    حنان : تخيلي رعد خلاني امشي معاه 3 ساعات ورى بعض وما وقف دقيقه واحده ..
    ريم : ههههههههه تستاهلين
    حنان : اقول كلي تبن وانا بنام ..

    في بيت ام عبدالله ( خالة نايف )
    هند تفكر وسرحانه ..
    ندى : هند
    هند : ........
    ندى صرخت : هند وصمخ
    هند : خير اشتبين
    ندى : وش فيه سرحانه
    هند حطت يدها تحت خدها : آآآه يا ندوي بذاك المزيون
    ندى : يا ويلي على الحب تكفين من هو قولي ..
     
    آخر تعديل: ‏25 ابريل 2017
    مُنحنى آخر و كاظم العشق معجبون بهذا.
  3. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,599
    نقاط الجائزة:
    330
    الجنس:
    أنثى
    الإقامة:
    ممكلة البحرين
    ﻫﻨﺪ ﺣﻄﺖ ﻳﺪﻫﺎ ﺗﺤﺖ ﺧﺪﻫﺎ : ﺁﺁﺁﻩ ﻳﺎ ﻧﺪﻭﻱ ﺑﺬﺍﻙ ﺍﻟﻤﺰﻳﻮﻥ
    ﻧﺪﻯ : ﻳﺎﻭﻳﻠﻲ ﻋﻠﻰ ﺍﻟﺤﺐ ﺗﻜﻔﻴﻦ ﻣﻦ ﻫﻮ ﻗﻮﻟﻲ
    هند : من غيره نايف
    ندى :نايف ولد خالتي سلوى .. والله يآخذ العقل يخقق
    هند : ندوي وجع لا تتغزلين فيه
    ندى : ياعيني على الي تغار ههههه
    هند : كيفي حبيبي واغار عليه وباقول لامي بكره نروح بيت خالتي سلوى ودي اشوفه

    في بيت بو حمد
    ريم : حنون يالدبه قومي يالله بننزل نتغدى قامت حنان وغسلت وجها وسرحت شعرها ونزلت
    باسوا راس ابوهم وامهم
    حنان بتعب : شلونك يبه عساك بخير
    ابو حمد : بخير وش فيك تعبانه
    ريم : هههههه كانت نايمه
    ابو حمد باستغراب : نايمه لها الوقت
    حنان : لا يبه بس الصبح مشيت مع رعد اووف مارضى يوقف وانا تعبت تكسرت
    رعد : ههههههههه هذا ولو شفتها شلون كانت متحمسه
    ريم : ايه والله ازعجتني من صباح الله قومي امشي وياي والحين شكلها متحسفه انها مشت ههههه
    حنان : لا مو متحسفه والله حلو المشي من الصبح بس مو مع رعد
    الكل ضحك ماعدا رعد
    رعد : طيب يا حنون اذا قلتي بمشي وياك يا ويلك
    حنان : لا توبه
    حمد : ههههههههه مسكينه شكلك ما خليتها تقعد ابد وراء بعض بالساعات أخوي واعرفك
    رعد : ايه ههههههه
    وتغدوا وخلصوا
    ام حمد : حنون حبيبتي غسلي المواعين
    حنان : يمه تعبانه مالي خلق ريوم قومي غسليهم
    ريم : لا والله عيوني مواعين الغداء اليوم عليك
    حنان : يبه ليش ما تجيب لنا خدامه
    ابو حمد : ان شاء الله بكره بجيبها
    ريم : صدق يبه
    ابو حمد : ليش شايفتني اكذب يعني
    ريم : لامحشوم يبه
    ابو حمد : ايه صدق
    حنان باست راس ابوها : الله يخليك لنا يا احلى اب
    ريم باست ابوها : ويطول في عمرك يا الغالي
    راحت حنان غسلت المواعين وخلصت ورجعت الغرفه
    شافت ريم متملله : قعدت حنان وخذت جريده وقعدت تتصفحها .. فجأه
    ريم بصراااخ : اووووووف
    حنان فزت : وووجع وش فيك
    ريم متملله : ابي اطلع من البيت طفش اوف
    حنان باستهئزاء : كان غسلتي المواعين عني هههههههههه
    ريم بقهر : كلي تبن
    حنان : خلاص لقيتها
    ريم : وشو
    حنان بابتسامه : نروح لحمود يطلعنا الراشد نشتري لنا وتغيرين جو
    ريم : والله فكره بس ما اعتقد بيرضى
    حنان : نحاول
    بدلوا ملابسهم و كل واحده سرحت شعرها .. و لبست عباتها وشيلتها وخذوا الشناط في يدهم وطلعوا
    راحوا لحمد الي قاعد على التلفون ويطق طق فيه
    ريم بدلع : حمد
    حمد بدون ما يرفع راسه : هلا
    ريم : فديتك حمود تطلعنا الراشد
    حنان : تكفى حمد طلبتك الله يخليك
    حمد رفع راسه فتح عيونه : ماشاء الله الخوات جاهزات .. كان ودي اوديكم بس مشغول مواعد واحد من الربع اذا خلصت بطلعكم ( ابتسم ) يالله عن اذنكم
    ريم بصوت مسموع : الا وين رعد
    حمد : طلع ما ادري وين راح
    طلع حمد وخلاهم مع انهم جاهزين قعدوا على الكنبات طفشانات ومتضايقات
    دخل رعد قفزوا عليه فجأه : رعوووود
    رعد فز مره واحده من الخوف : بسم الله وش فيكم
    ريم : تكفى رعود الله يخليك ودينا الراشد
    حنان :الله يخليك رعود
    رعد يتصنع العصبيه : انت وياها اصغر عيالكم اسمي رعد
    حنان :رعد بتودينا او لا
    رعد : اممممممم وين الوالده
    ريم بضيق : عند خالتي
    رعد : وليش متضايقه
    ريم : ابي اطلع ومحد طلعني
    رعد شافوهم لابسين وجاهزين : بس هذا الي مضايقك افااا عليك الحين اطلعك
    ريم بفرحه : صدق والله
    حنان : فديتك والله يا احلى اخو
    رعد بابتسامه : انا بطلع ريم بس
    حنان عصبت : طيب مع السلامه وراحت وهي معصبه ومقهوره بس رعد مسكها
    : هههههههههه امزح وياك وش فيك زعلتي
    حنان بزعل : ما ابي اروح معكم باقعد في البيت
    ريم : يالله حنان بلا دلع
    رعد باس حنان جبينها : وانا اقدر على زعل احلى خوات
    يالله دقايق ابدل ملابسي ونروح

    في بيت بونايف ..
    نزلت نوره من غرفتها وكانت لابسه العبايه والشيله وفي يدها شنطتها ومعها نظاره شمسيه ولحقتها شهد اختها ..
    حصلوا نايف وابوهم وامهم في الصاله باسوا راس ابوهم وامهم ..
    ابو نايف : وين رايحين يا حلوات
    نوره : بانروح الراشد يالغالي
    شهد : ايه يبه بنشتري اشياء ناقصتنا
    نايف :طيب انا بوصلكم
    نوره : طيب
    شهد : غريبه بالعاده تقول لنا روحوا مع السواق شسالفه ..
    نايف : لا سالفه ولا شي يالله انا الي بوصلكم وخلاص
    نوره وشهد : اوك يالله عن اذنكم
    نايف : مع السلامه
    ام نايف : بحفظ الله
    طلع نايف مستانس ركب سيارته الجديده ‏BMW‏ الرصاصيه وركبوا خواته ..
    نوره : واااااو هاذي سيارتك الجديده
    شهد : رووعه السياره
    نايف : ايه سيارتي
    نوره : متى شريتها
    نايف : هاذي هدية الوالد الله يطول بعمره
    شهد : والله تستاهل يا نيووف ..
    نوره : الا اشوفك كاشخ اليوم زياده وش عندك والا علشان السياره الجديده
    نايف : ههههههه انا كل يوم اكشخ نوير
    شهد : لا قصدها صاير اليوم حلوو زياده يا خوي
    وصلوا الراشد ..
    وتموا يمشون من محل لي محل
    نايف : اوف تعبت امشوا خل نقعد
    شهد ونوره : اوك
    وهما ماشين نايف كان قاعد يطقطق على جواله وصدم بواحد ..
    ‏....... : وووجع
    نايف: آسف اخوي ما انتبهت رفع رأسه
    ( وبدهشه ) رعد
    رعد : نايف هذا انت وينك من زمان ماشفتك .. ‏
    نايف جات عينه على حنان بس هي كانت لابسه لثمه طالعت ناحيته وجات عينها بعينه ولفت وجها على طول ‏
    نايف : وش عندك هنا ‏
    رعد : لا بس جايب الاهل ‏
    وراحو وقعد وياه ‏
    اما البنات ..‏
    ريم : السلام عليكم انا ريم وتأشر على حنان وهاذي اختي حنان
    نوره ‎:‎‏ وعليكم السلام انا نوره وهاذي شهد ‏
    وراحوا مع بعض يشترون اغراضهم ‏
    حنان ابي اعدل الثمه احسها بتطيح احد يجي وياي الحمام ‏
    الكل : انا بروح ‏
    حنان : ههههههه يالله
    راحو والي عدلت شيلتها ولي عدلت نقابها او لثمتها كلهم متغطين ماعدا شهد ما تتغطى .. ‏

    رعد ونايف اصدقاء من ايام الدراسه وقعدوا سوالف من زمان ماشافوا بعض
    لين رن جوال نايف وكانت نوره وقالت له انهم بيرجعون البيت
    سلم نايف على رعد وراح ‏
    نوره :ريم هذا رقمي علشان نصير صديقات اكثر ‏‎
     
    آخر تعديل: ‏25 ابريل 2017
    مُنحنى آخر و كاظم العشق معجبون بهذا.
  4. amele

    amele .. عضو مميز ..

    إنضم إلينا في:
    ‏29 سبتمبر 2013
    المشاركات:
    2,003
    الإعجابات المتلقاة:
    1,215
    نقاط الجائزة:
    320
    الجنس:
    أنثى
    الإقامة:
    الطائف
    البارت حلو
    بانتظار البارت القادم
     
    أعجب بهذه المشاركة كاظم العشق
  5. T28

    T28 عضو

    إنضم إلينا في:
    ‏23 مارس 2014
    المشاركات:
    129
    الإعجابات المتلقاة:
    58
    نقاط الجائزة:
    240
    الجنس:
    أنثى
    كملي
     
    أعجب بهذه المشاركة كاظم العشق
  6. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,599
    نقاط الجائزة:
    330
    الجنس:
    أنثى
    الإقامة:
    ممكلة البحرين
    شكرااا

    اسعدني مروركم

    ان شاء الله بكمل ..
     
    مُنحنى آخر و كاظم العشق معجبون بهذا.
  7. همس المشاعر♡

    همس المشاعر♡ .. عضو مميز ..

    إنضم إلينا في:
    ‏20 مايو 2014
    المشاركات:
    2,733
    الإعجابات المتلقاة:
    2,599
    نقاط الجائزة:
    330
    الجنس:
    أنثى
    الإقامة:
    ممكلة البحرين
    ﻧﻮﺭﻩ : ﺭﻳﻢ ﻫﺬﺍ ﺭﻗﻤﻲ ﻋﻠﺸﺎﻥ ﻧﺼﻴﺮ ﺻﺪﻳﻘﺎﺕ ﺍﻛﺜﺮ
    خذت ريم الرقم
    نوره: يالله مع السلامه
    حنان وريم : مع السلامه

    في سيارة نايف ...
    شهد تفكر : اقول نوير شفتي الي اسمها حنان ياربي تفكرني في احد بس من ..
    نوره تفكر : ايه والله تشابه احد (فجأه صرخت ) ايه عرفت تشابه مرام
    نايف فز : وجع قصري صوتك
    شهد : ايه صح تشابه مرام
    نايف : طيب واذا يخلق من الشبه اربعين
    نوره : هههههههه صادق اخوي

    في بيت ابو فيصل ..
    مرام في غرفة فيصل
    مرام : فيصل
    فيصل : همممم
    مرام : اوف ملل سولف وياي
    فيصل ابتسم : يالله سولفي اسمعك
    مرام : ايوه كذا
    ابتسمت ابتسامه خبث : تدري ان امول بترد من كندا
    فيصل قفز من مكانه وجلس جنبها : والله
    مرام : ههههههههه والله
    خالي راشد بيرد السعوديه ولان امول خلصت دراسه ..‏
    انسدح فيصل وهو يفكر ويقول في نفسه : آآآه من زمان ما شفتها والله مشتاق لها ولعيونها السود الي تذبح ‏
    مرام : فيصل ‏
    فيصل : لا رد ‏
    مرام : فيصل فيصل ‏
    فيصل : نعم ‏
    مرام : وين سرحت من الي ما اخذ عقلك
    فيصل : هههههه محد
    دخل عليهم وليد حتى ماطق الباب هههه ما يحب يطق الباب .. ‏
    وليد : مرام انتي هني وانا ادورك ‏
    فيصل : وليدوه كم مره اقول لك يا التبن طق الباب قبل لا تدخل
    وليد : كيفي وما ابي اطق اوف انزين مرام تعالي ابيك
    فيصل خذ المخده ورماها عليه : كل تبن بس غرفتي وكيفي وتطق الباب غصب عليك ..
    وليد : وجع
    مرام : وش تبي وليد
    وليد : تعالي ما تبين تلعبين بلاستيشن وياي
    مرام : والله فكره يالله نروح نلعب
    وراحوا ..
    فيصل : شوف الحمير سحبوا علي حتى ما قالوا تعال العب ويانا خلهم يولون .. ورجع يفكر بأمل ..

    في صباح اليوم التالي ..
    غيرت ملابسها اغتسلت وتوضت وصلت الفجر ولبست تنوره صفراء عليها شيفون وفيها تكسرات وبلوزه بيج نص كم وسرحت شعرها وربطته على جنب ونزلت نشيطه وفرحانه لقت ابوها وامها وفيصل ووليد مجتمعين على طاوله الافطار باست راس ابوها وامها : صباح الخير
    ابو فيصل : صباح النور .. غريبه ليش قاعده بدري احيانا اروح الدوام وانتي للحين نايمه
    فيصل كاتم ضحكته : ايه والله معجزه
    الوليد : هههههههه لو كملتي نومتك احسن
    مرام بزعل : افااا هذا وانا مستانسه جذي تسوون فيني خلاص اجل برجع غرفتي ..
    ابوفيصل : هههه لا عاد كل شي ولا زعل مرام الغاليه
    ام فيصل : ما عليك من هالطبول يا بنتي
    وليد : افاا يالغاليه سمعت يا فيصل خل نقوم احسن لنا ‏
    فيصل: ههههه ايه سمعت بس تمون الغاليه يالله الحمدلله شبعت عن اذنكم وقام وراح ..
    ابو فيصل : لحظه يبه ابيك تجي وياي الشركه في اجتماع مهم ولازم تحضره
    فيصل : ابشر يا يبه راح الغرفه وبدل ونزل ‏
    وطلع فيصل من البيت وهو لابس ثوب ابيض وغتره وشعره الناعم الاسود على وراء ونظارته الشمسيه البينه وفيها اللون الذهبي على عيونه ولابس ساعته الفخمه يمشي بكل ثقة فتح له الحارس باب السياره وراح الشركه جلس ربع ساعة وصل ابوه وبدوا الاجتماع لان الكل كان موجود ..

    بعد الظهر
    مرام : والله باشوف الوالده وبرد عليك
    نوره : طيب انا ناظرتك لا تتأخرين‎ ‎
    مرام : ان شاء الله
    وصكرت الخط من نوره ونزلت من غرفتها لقت امها في الصاله باست راسها وجلست جنبها في الكنبه ..‏
    مرام : شخبارك يالغاليه ‏
    ام فيصل : بخير يا أحلى مروم ‏
    مرام : يمه وش رايك نروح اليوم عمي ناصر ( ابو نوره ) والله مشتاقه لنوره
    ام فيصل : والله وانا بعد مشتاقه لهم
    نزل وليد وكان لابس بنطلون جينز ازرق وفانيله سوداء ونظارته على شعره ولابس ساعته بلون الاسود وماسك جواله سلم عليهم وباس راس امه ‏‎
    ‎مرام : يالله يمه باروح اجهز وبعدين باتصل لسواق يجهز السياره
    وليد : وين رايحين يمه
    ام فيصل: بنروح بيت عمك ناصر
    مرام كلمت السواق وراحت فوق ‏
    وليد : يمه انا بوديكم بكلم السواق وباقول له انا بوديكم اوك ‏
    ام فيصل : طيب يا ولدي باروح البس ولا تقعد تحن علينا ‏
    وليد : ان شاء الله ‏
    مرام لبست فستان اصفر لي تحت الركبه وسرحت شعرها ورولته وحطت مكياج خفيف ولبست الكعب بلون الذهبي ولبست عبايتها و شيلتها وسمعت امها تناديها : مرااام خلصتي
    مرام وهي نازله : يالله يمه خلصت

    في بيت ام عبدالله
    طلعت من غرفتها لابسه فستان احمر قصير وكعب عالي ومكياج ثقيل وتمشي خطواتها بكل غرور وامها تطالعها : ماشاء الله عليكي يا بنتي طالعه قمر
    ندى : يالله تأخرنا ترى عبدالله جن وهو ينتظرنا برى في السياره ولبسوا عبايتهم وراحوا لبيت ام نايف ..

    عند ام فيصل ووليد ومرام وصلوا ..
    وليد : يمه بنزل اسلم على عمتي
    ام فيصل : يالله يمه
    سمعوا طق الباب راحت الخدامه تفتح الباب وخذت عبايتهم ودخلوا رحبت فيهم ام نايف وجلسوا في الصاله وليد سلم على عمته ..
    ام نايف : شخبارك وليد ليش ما تزورنا ولا نشوفك
    وليد : والله ياعمتي اشغال
    نزلت نوره فرحانه علشان بتشوف مرام كانت لابسه فستان وردي ومسرحه شعرها على جنب ومن فرحتها ما انتبهت لوليد و ضمت مرام ..
    ام وليد وام نايف مستغربين ..
    التفت شافت وليد انحرجت وراحت تركض على الدرج ودخلت غرفتها ووجها احمر ..
    وليد كان مستانس لانه شافها يحبها ( واخيرا شفتك ) : يالله عن اذنكم انا رايح
    وعقب ما راح نزلت شهد وسلمت عليهم وجلست معهم ..
    مرام : عن اذنكم باروح اشوف نوير
    وراحت طقت الباب شافت نوره قاعده على السرير وسرحانه
    ابتسمت بخبث وراحت لها وبصوت عالي : بوووووووووووو
    فزت نوره من مكانها : يمممه
    مرام : ههههههههههههههههه وش فيه سرحانه اكيد بالحلو الي كان تحت ( تقصد وليد )
    نوره : مو سرحانه بشي
    ام عبدالله وبناتها وصلوا
    سلمواا على الكل وشهد ضمت ندى وقعدوا عقب شوي نزلوا مرام ونوره وسلموا عليهم وراحوا البنات في جهه وسوالف ..
    رن جوال نوره شافت الرقم غريب وطنشت
    مرام : من
    نوره : ما ادري رقم غريب
    مرام : طيب ردي يمكن احد تعرفينه
    رن التلفون مره ثانيه وردت نوره : الو السلام عليكم
    ‏.......... : وعليكم السلام انا حنان
     
    آخر تعديل: ‏25 ديسمبر 2016

الاعضاء الذين يشاهدون محتوى الموضوع(عضو: 0, زائر: 1)