• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

نزفٌ الآشواق .. ~

j e f a f

الذكريات ..
[شاعر تغاريد]
.
.

تبي الصراحة .. تراك اليوم "واحشني"
وعلى بالي .. لك الاحساس .. والصورة
خلّ الظروف .. وتعال اليوم .. ناقشني
وعلمّ خفوقي كيف .. ما ينطفي نوره ..!
فديت القلب .. فديت الروح .. "تؤبشني"
ولِك ماعاش .. من ينساك : ف شعوره !
واذا بتسمح .. لك الخطوات " تنعشني"
انا ودي .. بعمري فيك ... وشهوره !
 

j e f a f

الذكريات ..
[شاعر تغاريد]
،

حبيبي يوم احَسْب الحب بالاعداد
ابي اعرف : يَ كَم اطيافه ولونه ..؟!
وعدد ماجيت في بال الهوَى وقّاد
وعدد ماحنّ : قلبي لَك .. وشجونه
وعدد مازعزعت غيباتك : الاوتاد !
على صبري : على حلمي : على كونه
وتدري حيل : غدينا يا لقىَ ابعاد !
سنينُ وخِفت : لَيَبْكُونِي .. ويَِبْكُونه !
ولا ألقَى بعمري له : ثيابِ جْداد !
ولا يسمع .. مشاعر مِنْ : يعزّونه !


https://vb.tgareed.org/t/493331/


حياكم الله :wrda:
 

j e f a f

الذكريات ..
[شاعر تغاريد]

.
.

لك في زمان العمر : ياذكرَى مكان
ولك في حنين الوقت : ياموعد ظهور
لا ! مآ تموت ايام عمرك : والزمان
لا ! ما نسيت الود : واسراب الشهور
يبقى مكانك .. في زماني : له أمان
من كل غيبة : بين قلبي ، والشعور
اليوم جيتي ! في وَسَط فكري ، وحان
لك موعدٍ ، في حضرته .. كل الغرور
إنك وحيدة ! لو ملَوْ قلبي : حنان !
وإنك فقيدة ! في غيابك : والحضور !
 

j e f a f

الذكريات ..
[شاعر تغاريد]
انا قررت اسوي حساب ف تويتر
ماله اي علاقة ف الحياة الا بالشعر وكتاباتي
بتدعمونن ولا اشوف اصحاب غيركم :coldsweat::bhert:

ابغى بعد سنه تخلوني تحت سعد علوش بالتعزيز
ويوم اقولكم :
احد ينشرى واحد ينباع واحد تبديل
واحد ماهو بينباع ولا هو يُشترى


تقولون اااااالله علييك ايه الكلام دَهـ وتعززىييييز للاخر ، اتفقنا ؟ :cool::coldsweat:

وابشرو بالمقاطع واسجل لكم في السياره وانا افرفر في التحلية ومن حركات الشعراء هذي x'D:55:
 

j e f a f

الذكريات ..
[شاعر تغاريد]
احد اصدقائي : "يوسف الهذلي"
شاعر جميل ومهتم بالشعر الشعبي وفنونه ..
وابن بيئته ..
دائماً ما احب اشاكسه .. واستمتع برده ..
لكن هالمرة .. قلت له في مقام المدح :

بيّض الله وجهك ،، ياعزيز المقامِي
فعلك اللي سبقنا .. بالوفا واكتماله
مايقدّر فعولَ .. المرجلة بالتمامِي
كود منهو كفوفه : مدّها بالجماله
ولا تِكَبِّر بجاهه .. "مدحةٍ" بالكلامي
يرتكي للنوايب : لوْ تفوق احتماله
وانت ياسعْد منهو ، لَه فخَر واهتمامي
قدوته في مواقيـ : ـفَ الجزالة ومثاله
يارفيع المعالي ، ونورنا ف الظلامي
من ثمين الخصايل : كل وصفٍ شرى له
يوسفّيٍ في نهجك ، صاحبك مايضامِي
من هذيل الشهيرة : سابقة بالجزالة
طيبتك شي ظاهر .. وبالمواقف عصامِي
والنوايا تشابه .. صُبحها : وابتهاله
فيك ابكتب قصيدي والوصوف الجسامِي
علّها اليوم تَصعد ، للمقام .. المقالة

.
.


وان شاء الله بنزل بالمدونه وحدة من مشاكساتنا لكن لها توجه مختلف .. وقصة نحكيها في وقتها باذن الله
بس ابحاول ادعمها بتسجيل صوتي لي وله ..​
 

المتواجدين حالياً (عضو: 0, زائر: 1)

أعلى