• المدونات خاصة بأصحابها سيتم منع اي شخص من دخول القسم كامل اذا حاول المشاركة في مدونة غيره .

  • برعاية 
    مواسي / ذهب الإحساس / وعد
مدونات الاعضاء

وهــم ❗️

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #631
.
.

بعض الغياب احيانْ : يعني رحيلك !
ما كلّ غيبه يابشر : نقوَى عليها !
لو كنت تجْمع : مابقَى من قليلك ..
تبقى فقيرٍ للهوَى : مديون فيها !
من قبل لا تسلك : منابع دليلك ..
من قبل لا ترسي : عليها .. تجيها !
اصعب من اللي : بالوهم هد حيلك !
واقسى من اللي : جا لها ومايبيها !
فيها اكتمال الحزن : لا جر ليلك ..
موال شرقي .. عازفه : راح فيها !
ماهو شهيدٍ ف الهوَى : إلاّ قتيلك !
رِضى الجروح .. وانتحرْ : مُوت فيها ..!​
 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #632
.
.

ياغايبين : الوقت .. ماينطر احد !
وهذي الدقايق : نزف عُمُر المبْتلي !
وياعابرين : إن كان باقي من وعد !
لا شك هو اعلان .. موعد : مقْتلي !
وياهاجرين القلب : وش باقي بعد ؟
وانا الذي سلّمت : قدري ومنْزلي !
من خالف العنوان ، مايغني ابد !
دام المسار : معاكسٍ ن كلْ مايلي ..
الحب ، واشجان الوفا ، وآخر عَهد !
يا كيف ترقَى : ذكرياتي وتعْتلي ..؟
 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #633
.
.


هناك بعض الصفات ..
نعتقد انها "نقيصه وذم" في كل احوالها ..
إلا أن بعض الكتّاب .. لا يعطون العُرف ذات اهميته ..
مؤمنٌ انها كما تفهمونها ..
لكنني كـ شاعر قلت :

الغدر يجي أحيانْ .. بصورة جميلة !

.
.


نص جديد باذن الله اشارككم فيه مساحةً من التضاد بين المنطوق والمنطق !
.
.

الغدر : يجي احيان .. بصورة جميلة !!
يوم إنّ عينك .. صدفه اليوم : بتشوف ..
من دون موعد .. واحدٍ .. ماله مثيله !
تخْطِفك نظرةْ : ذكرياته : على خوف ..!!
يمكنّها .. من نظرة الجاني .. لقتيله ؟!
ولاّ تكون : نظره من .. واحد شُغوف !!
ماعاد ندري !!! .. الهوَى : مافيه حيله !
حتى المشاعر .. ضايعه : بين الحروف !
ياصاحْبي : "إنِ استطعت".. الهجر شِيله !
خلّ الوصل .. يبقى على : بابي يطوف !
العُمْر مرّة .. كانْ لِك في الغدْر : مِيله ..
بسامحك .. من كلّ ما .. كنّا نشوف !
ماني بقايل .. ساعتك : يا كَم بخيله ..!
وساعتْك تدري .. وقتها : كان محفوف
بالذكريات .. اللي ابد : ماهي قليلة !
إنْ كِنت اقدّرها !! ترَى إنت : مألوف !!
أنا الذي .. يشري العُمُر : في خليله ..
يوم إنّ غيري .. بين سايم .. ومحسوف !!

.
.


 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #634
.
.


آنا الوطن ..
وانتي "كلّ .. الذكريات" !!
والعمر سورٍ ..
يمنع اللي .. ب يغزيك !!
،
وقلبي بدونك ..
يفتقد .. طوق النجاة !!
والارض ماعادت ..
تصافح .. مراسيك !!
،
انا حقيقة ..
غايبة .. وسط الحياة !!
انّي البعيد ..
وإني اللي .. يبي يجيك !!
،
صرت اصدّق ..
في الهوَى .. "حتّى الفِتات" ؟!
وصرت اكذّب ..
كل دمعة .. ب "تبكيك" .!!
 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #635
.
.

من المواعيد المنتظرة ..
ذكرَى الزفاف ..
وتسترجع تفاصيله ..
كنت بنزل المشاركة ف الديوان بس قلت اسرار بيوت ماينفع :coldsweat:

.
.


CF599ABC-EACE-4BA4-8819-B8ED50A724E8.jpeg


.
.


الليله : ذكرى .. مولدي في زفافك
لأنّ العُمُر ما ينحسب قبل جيّتْك

و"العام" كمّل .. لذته يوم شافك
بنفس الشعور اللي قبل وقتْ شوفَتْك

افنان .. لو ببني : بيوتك .. وقافك
احترت في جنّة غرامي .. وفَيّتْك

الشعر يرسم : ضحكته في غلافك
ومن الغلا : لك محتوَى من مزِيّتْك

واليوم كَمّل .. هَالعُمُر في ضفافك
والقلب : عامْ ! بالوفآ من محبّتْك

ماخفت! من شيٍّ وانا ف انتصافك
الارض تنبت : فرحتي في معِيّتْك

اخاف من عمري .. ياغلآ ما اخافك
إنّه يقصِّر في حقوقك .. وطِيْبَتْك !

،
 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #636
.
.


خِذني جفافك .. في القلم والمحْبرة
وخذني سطر .. من شهقتي مايكتمل
خذني اعوجاج الحرف .. تحت المسطرة
وخذني كتابٍ مَلّ .. مِن ثِقل الحِمِل
خذني دموع الوجد .. عند المقبرة
وخذني حنينٍ كلْ : مَ اوْجعني ثمِل
خذني رماد الحب .. فوق المبخرة
وخذني مسافه بين : جرحك والأمل

ولاّ اقولكم .. مو خذني انا باخذكم هنا احسن :biggrin:
القصيدة كامله :wrda:
https://vb.tgareed.org/t/490694/

 

وَهـم

الذكريات ..
[شاعر تغاريد]
  • كاتب الموضوع كاتب الموضوع
  • #637
.
.


اخر وطن ..
واقرب .. من اليآس والشّك !
هو اصدق الخلّان ..
واوفَى الحبايب !
اجيه ظامي ..
عِدّته .. والاخ : يضْحَك !
هو يدري إنّه ..
فرحتي .. والمصايب !

.
.



* تزاحم ( الاعمال - الافكار - المهام ) الجديدة ..
لا بد ان يأخذ حيزاً من شيءٍ كنت تفعله سابقاً بمتسعٍ من الوقت والاهتمام ..


لذلك اصدق ما قالت العرب هنا :
طق بالثانية > @رازي :coldsweat::bhert:
 

المتواجدين حالياً (عضو: 0, زائر: 1)

أعلى