• سبحان الله وبحمده سبحان الله العظيم
الحالة
مغلق و غير مفتوح للمزيد من الردود.

Єѕрѓєѕѕồ

⭐️ عضو مميز ⭐️
الألف: ابي اطلع اسهر مع اصحابي لاتنتظريني على العشاء.

الباء:بكرا باطلع البر نصيد ضبان انا والربع.

التاء:ترى يوم الخميس مو فاضي اوصلك عند اهلك.

الثاء:ثلاثين مرة قايل لك مابغى ازعاج يوم ارجع من الشغل.

الجيم:جيبي لي مفتاح السيارة من على التلفزيون(والتلفزيون قدامه)

الحاء:حياتي ممكن تسكتين خلودي مابي اسمع صوته(كانه ولدها بروحها)

الخاء:خذي هالملابس واغسليهم بسرعة ابي اطلع بعد ساعة.

الدال:دوري لي على الجزمة _وانتم بكرامة) تاخرت على العمل.

الذال:ذكريني حبيبتي اجيب لك فلوس لمصروف البيت(طبعا مو لله لانه بيسافر شهر بروحه)

الراء:رحت اسحب فلوس من البنك لقيت الصراف مافيه فلوس(تصريفه)

الزين : (زواج اختي الشهر الجاي اعطيني فلوس باشتري فستان)

السين:سيارتي مافيها بنزين اجلي مشوار بيت اهلك بعدين.

الشين:شيلي ولدك من قدامي هالحين لاسطره(مسكين الولد فرحان انه شاف ابوه)

الصاد:صار لي ساعة انادي عليك واقول لك ابي ماي(مدري منو العطشان)

الضاد:ضايق خلقي باطلع اشم هوا شوي وارجع(يعني بالمختصر مابيكي معاي)

الطاء:طلعة من البيت بعد اليوم مافي مو كل يوم اوقف 5 دقايق انتظرك بالسيارة.

الظاء:الظاهر اني اليوم بتاخر بالسهرة ومابرجع الا الفجر.

العين: عيوني ممكن تاجلين الموضوع بعدين الحين مشغول باشوف المباراة.

الغين:غالية والطلب رخيص بس تبي تشوفين اهلك اسبوع خذي راحتك واقعدي شهر معاهم( يبي الفكة)

الفاء:فهد ومحمد بيجون عندي نلعب بالوت.(كانهم بزارين يجتمعون على لعبة)

القاف:قولي لاهلك يرسلون لك السواق وخليه يوصلك السوق.انا مو فاضي.

الكاف:كملي مشوارك وروحي للسوبرماركت واشتري اغراض البيت بالمرة.

الللام:لو مريتي على محل للساعات خذي ساعتي غيري لها بطاريات.

الميم:من يوم تزوجنا ماسافرنا مع بعض ايش رايك نسافر يومين جدة(هذا وهو ماعمره سافر معاها يبي يمشيها يومين بس وبجدة بعد)

النون:نامي بكرة عندك شغل وانا بروح اقعد على النت شوية اشيك على الايميل(ومدري هو رايح يشيك على الايميل ولا حجة بس )

الهاء:هالمرة حبيبتي روحي ارتاحي وانا باغسل الصحون .
البنت طبعا بتستغرب وتقول: لا حبيبي روح ارتاح وانا عندي كم ( مدري ايش اسم زوجها)علشان اتعبه.
وهو مايصدق ويطلع من المطبخ ويقول تسلمين لي حبيبتي .
(لكن تعرفون هو ليش قال كذا(علشان تقول عنه زوج عصري ويحب يساعد ويضمن انها تشتغل ثاني يوم من غير ماتتذمر) يعني مصلحة

الواو:ودي اعرف انتي ماتتعبين من هالخرابيط مكياج وموديلات(ولو انها ماسوت كذا قال هذي مهملة بروحها)

الياء:ياليتني ماتزوجت ولابلشت عمري بالعيال ومشاكلهم.

ولو ماتزوج كان قال :
يمه واللي يعافيك باتزوج خلال شهر واذا مازوجتوني باسافر واتزوج اجنبيه.
 

user450

⭐️ عضو مميز ⭐️
صـــوت الوفـــا يسلموووووووووو

يسلمو اخوي صـــوت الوفـــا

الله يعطيك العافيه

تقبل تحياتي
اخوكم
القلب المحتاس
heart2heart2
 

@@بنـــدر@@

⭐️ عضو مميز ⭐️
ههههههههههههههههههههههه

ايه والله شباب اخ زمن يفرون الزمبرك حقهم ويطلبون
صارو لعبه من ابو ريالين هههههههههههه
 
الحالة
مغلق و غير مفتوح للمزيد من الردود.

المتواجدين حالياً (عضو: 0, زائر: 1)

أعلى