رواية حياتي تدمرت بسبب نظرة لقافه / بقلمي

الموضوع في 'روايات' بواسطة تعرف احد يعرف احد يعرفني, بتاريخ ‏21 فبراير 2012.

  1. لبيه يا المنادي

    لبيه يا المنادي عضو

    إنضم إلينا في:
    ‏30 مارس 2012
    المشاركات:
    21
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    البارت الخامس عشر ^^









    رغد نزلت بسرعه من السياره وبعدها نزلت عهود

    رعد وعبدالعزيز منصدمين ومو فاهمين السالفه ابد بس مفهين مرا ومصدومين يعني وش ذي البنت اللي خايفه على اخوهم

    رعد عرف اسمها وعرف انها اخت فيصل بس مايدري وش اللي يقربها لفهد يعني رعد شاك بالسالفه

    عبدالعزيز مايعرف اي شي عنها بس يدري انها اخت فيصل ومصدوم من خوفها لاخوه فهد بس مايدري وش اللي يقربها لفهد

    ...ودخلوا المستشفى...

    فهد بغرفه من الغرف نظفوا يده وعقموها

    والكل منتظر عند باب الغرفه منتظرين

    اللي منهم مايعرف السالفه طبعا الاغلبيه مايعرفون السالفه
    ومنهم يقول ايش هي السالفه او ليش فهد سوى كذا او مين البنت هذي وايش دخلها بحيات فهد

    والكل منتظر خروج الدكتور من الغرفه

    ..وبعد نص ساعه تقريبا خرج الدكتور ...

    والكل على وجهه علامة استغراب وتعجب وخوف

    اتجهت رغد لدكتور بخوف ولهفه: تكفى يادكتور وش فيه فهد
    الدكتور: انتي زوجته
    رغد كذا مره تسمع ذي الكلمه ومااستغربت : لا اخته
    الدكتو:اهاا لا الحمدلله فهد سليم بس ابغى واحد منكم يجي معايا عشان اتكلم معه

    والكل آذان صاغيه

    وردت رغد بسرعه: أنا يا دكتور
    رعد حس انها لهدرجه قريبه لفهد بس ليش قالت اخته: لا انا يادكتور
    رغد كانت تناظر رعد وفهمت انه يناظر لها بنظرات تحدي وردت له النظره وتحدته بنظره تحدي:
    رغد بعناد وتحدي: وانا
    الدكتور : اوكي تعالوا انتوا الاثنين
    وراح الدكتور والكل دخل على فهد وكان صاحي
    اما رغد ورعد راحوا مع الدكتور
    ...ودخلوا مكتب الدكتور...
    الدكتور: فهد صراحه يمكن عصي مرا بس في شي خلاه يعصب مو معقوله يجرح يده من سبب تافه

    رغد لفت وجهها للجدار صدت عن سوال الدكتور

    رعد انتبه لهاوانتبه لنظراتها لانها لابسه لثمه وحس بقهر ويقول بقلبه( البنت هذي عندها سر بس وراها وراها والزمن طويل ..او اسئل فهد وش صاير )
    رعد بمكر وكان يقصد رغد:والله يادكتور بحاول اسئل راعي السبب وبشوف رده
    رغد خافت من نظرات رعد وتهديده وشكت انه يعرف السالفه : عن اذنكم
    الدكتور ورعد: اذنك معك
    رغد شافت عهود بالاسياب
    وراحت لها متروعه: عهود الحقيني
    عهود بخوف :وش صاير وش قال الدكتور
    رغد: ولاشي بس رعد احس انه يعرف شي
    عهود بستغراب: ليش
    وقالت رغد لها الحديث اللي دار بينهم
    عهود: لا شكله بيعرف السالفه يامنك او يامن فهد
    رغد خانقتها العبره : انا السبب
    عهود ضمت رغد تهديها: خلاص هدي ماصار شي
    رغد كانت ضامه عهود وكانت تبكي
    ...سكتوا كان هيبه ملك ..او ملك مر من عندهم ...
    ووقف كان رعد يناظر رغد بستغراب
    ورغد كانت تطالع له بخوف وخبت راسها في حظن عهود من خوفها من اللي بيجيها من رعد
    رعد حس بخوفها بس كمل طريقه ودخل على فهد وسلم عليه
    رعد : سلامتك
    فهد بااحراج من اللي سواه فيهم وفي نفسه: الله يسلمك (ونزل راسه مفتشل)
    الكل: الحمدلله على السلامه

    وتذكر رغد ورفع راسه يدورها بين البنات بس مالقاها ومالقى اخته عهود

    رعد انتبه لنظرات فهد انه جالس يدور: سلامات فهد مين تدور
    فهد ابتلش وارتبك وحطها في عهود: اختي
    رعد بتركيز : اختك ولا اختك عهود
    فهد استغرب بس كانه فهم انه يقصد رغد: لا عهود ليش هي ماجت معكم
    رعد: لا جت بس انها برا مع وحده
    فهد صد يوم سمع كلمه وحده عرف انها رغد
    رعد قالها كاش: أإحـم شباب وبنات ممكن شوي بكلم اخوي بكلمت راس
    الكل : حاضر خذ وقتك
    ...وطعلوا...
    فهد تنهد : آآه
    رعد: فهد يعورك شي
    فهد: لا
    رعد: صراحه بفهم ايش السالفه منك ولا منها
    فهد انصدم من طريقه كلام عد..الكلام بفمه قاسي و اول مره يكلمه بالطريقه هذي : اي سالفه
    رعد: طيب مسوي نفسك بريء وحالتك هذي كله منها
    فهد: مالها دخل واصلنا مابيني وبينها شي مجرد اخوان
    رعد تطمن من كلام اخوه بس السالفه وراها إن (وراها شي ) :طيب اوكي صدقتك

    ...دخلت عهود وسلمت على فهد وتحمدت له السلامه وما انصدم انها مادخلت الغرفه ...

    فجاءه عهود: تعالي مافيه احد غريب

    دخلت رغد وهي خايفه من نظرات رعد لها ولف راسه فهد للجهه الثاني صد عن رغد
    رعد بعبط وبمكر وحب يبداء اللعبه معها : صح مافي احد غريب كلنا اخوانك
    فهد رفع راسه ولفت يطالع لهم
    وكمل رعد بمكر: ولا انا غلطان
    رغد ودموعها نازله وشهقاتها طلعت وسمعوها رعد وفهد وعهود
    عهود تخز رعد يعني شوي شوي على البنت
    فهد مايدري وش اسلالفه اكيييد رعد دخل بالسالفه
    ورغد خايفه من رعد لانه ماراح يخلي السالفه تعدي على خير ويسكت

    عهود ضمت رغد ...رغد خبت راسها في حظن عهود ..وعهود ضامتها

    رعد منصدم (لهدرجه خايفه مني )
    فهد لحد الان مو فاهم شي
    رغد تبغى تناظر فهد رفعت راسها وتناظر فهد بنظرات حزن مليانه خوف
    ولفت عيونها وطاحت عيونها في عيون رعد وهو يطالع لها مستغرب
    وخافت وخبت راسها في حضن عهود
    عهود: يله استئذن بااي
    وطلعت ومعها رغد

    رعد فهم نظراتها انها خايفه منه

    فهد يقول بقلبه (نظراتها مليانه خوف ..من رعد اكييد مخوفها ولا مهددها بس كانها تقول في نظراتها اني خايفه من اخوك)
    رعد: أإحـــم
    فهد يطالع له ينتظر متى يتكلم : ...
    رعد: تبي تاكل شي او اجيب لك شي
    فهد: لا سلامتك
    ...ودخل عليهم الدكتور ...

    الدكتور : اهلين فهد
    فهد:هلا دكتور
    الدكتور: الامور تمام..؟!
    فهد: ايه الحمدلله بس يادكتور انا بطلع اليوم ماابغى اكمل يوم واحد هنا
    رعد: لا بتجلس وين تروح ماوراك شي
    الدكتور : اوكي ساعتين وبتطلع ..اتفقنا .؟!
    فهد: اتفقنا ..مشكور
    الدكتور : العفو
    فهد: رعد
    رعد: سم
    فهد: تكفى ابغى كابتشينو من المقهى اللي تحت
    رعد: اوكي
    ...وطلع...
    شاف عهود واقفه بجمب رغد

    ورغد جالسه على الكرسي وضامه رجولها وحاطه راسها على ركبتها

    رعديتكلم بهمس :عهود
    عهود: هلا
    رعد: انزلي جيبي لفهد كابتشينو
    عهود تناظر لرغد اللي كاسره خاطرها وهي بالمستشفى مو حاسه باللي حولها :اوكي

    ...وراحت....
    رعد قعد يتنحنح عند رغد: احم احم
    رغد حست بنفسها ورفعت راسها وخافت لفت تناظر وين عهود وتدورها بس مالقتها وخافت زياده
    رعد بمزح مع رحمه: لاتخافين ماراح اكلك عهود راحت للمقهى تشتري لفهد
    رغد ماقدرت تتكلم
    وهو مايدري وش كان بيقولها: أأ تبغين تدخلين عند فهد حياك خذي راحتك
    رغد : لا (وعلى طول شهقت شهقه قويه قطعت كلامها اللي كانت بتقوله )
    رعد اخترع وخاف فيها شي: فيك شي
    رغد تبكي : لا مافيني شي
    رعد : متأكده
    رغد قامت من الكرسي بعصبيه وهي تبكي وصرخت شوي: خلاااص بعد عني قلت لك مافيني شي

    طبعا فهد كان باب غرفته مفتوحه ويشوفهم بس وده يعرف وش السالفه او ايش يقولون

    باللحظه هذي جت عهود ....ورغد ضمت عهود وجلست تبكي
    رعد مايدري ليش قالت كذا او ليش صرخت في وجهه ولف يناظر لفهد وهو داخل غرفته وشاف فهد وجهه مو مطمن ولف يطالع لعهود
    عهود: وش سويت فيها
    رغد: ماسوى فيني شي بليييز خلينا نروح تكفيين

    عهود: اوكي خلاص هدي ماصار شي
    واعطت عهود الكابتشينوا لرعد عشان يعطيه فهد
    رعد : o_O

    ...وراحوا لشاليه وطمنوا الحريم وبعد ساعتين خرج فهد من المستشفى ودفعوا مبلغ المرايه وتعشوا في الشاليه وتبادلوا ارقام بعض...

    ...وكل واحد راح لبيته بعد ذا التعب وناموا...






    تقييم + ردود
     
  2. لبيه يا المنادي

    لبيه يا المنادي عضو

    إنضم إلينا في:
    ‏30 مارس 2012
    المشاركات:
    21
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    البارت السادس عشر ^^




    الصبح الساعه 9

    في بيت ابو فهد

    نزل فهد من غرفته حالته مو مثل قبل ...ذبلان ومره حالته تكسر الخاطر

    ام فهد خاطرها منكسر على شكل ولدها: فهد

    فهد بتعب: هلا يمه

    ام فهد:وش فيك

    فهد: مافيني شي

    ام فهد: طيب تعال بقولك شي

    فهد:يمه اسف مرا تبعان

    ام فهد: طيب تبعان وتروح لشركه.؟!!

    فهد بتعب: يمه تبغين شي

    ام فهد: لاسلامتك بس انتبه لنفسك

    فهد: انشاء الله ....

    ....وطلع وركب السياره وراح لشركه....

    ____________________________

    نروح لشركه

    اول مادخل الكل وقف مندهش من فهد ان حالته مرا تبعان ودخل مكتبه


    والكل يدخل مكتبه ويتحمد له السلامه


    رعد دخل: آهلن

    فهد: هلا والله

    رعد: ليش جاي الشركه

    فهد: ليش تسئل

    رعد: لا ولاشي بس شكلك تعبان

    فهد: لا موتعبان بس جيت هنا لاني طفشان

    رعد نسى نفسه: طفشان ولا ..وسكت xd

    فهد مستغرب: والا ايش.؟!

    رعد بتصريف: سلامتك

    رعد: أأإإ فهد بقولك شي بس لاتزعل وتعصب

    فهد: تفضل لا ماراح اسوي شي

    رعد بااحرااج : أأأ إإإ شسمه اي فهد ترى شوي وينكشف سرك يعني الكل بالشركه مستغرب وما كنت كذا قبل وثانيا مافيه رجال تهزه بنت وماهقيت ان بنت تسوي فيك كذا

    فهد: عاارف اللي كنت بتقوله بس انا مااحبها وانتظر لو اسبوع ويتعدل مزاج وارجع زي ماكنت قبل

    رعد: كفوو اخوي ابغاك زي قبل

    وخذاهم الوقت بالسوالف

    ...وطلع رعد ...


    فهد انهد حيله وحط راسه على المكتب وهو ذبلان وتعبان ماتعشاء ولا افطر

    بعد خمس دقايق طق الباب

    فهد بدون مايناظر وبدون مايرفع راسه قال بنبره كلها تعب : ادخل

    دخل: السلام عليكم

    فهد بدون مايناظر : وعليكم السلام

    اللي دخل منصدم هذا مو فهد اللي اعرفه

    فهد حس ان احد ساكت ورفع راسه وانصدم



    مين تتوقعون ...؟!

    وش اللي بيستنى فهد بعد ذا التعب و الكائبه..؟!

    وش بيصير لرغد مع الوقت ...؟!

    هل بيتدخل رعد بسالفتهم..؟!

    ردود + تقييم
     
  3. لبيه يا المنادي

    لبيه يا المنادي عضو

    إنضم إلينا في:
    ‏30 مارس 2012
    المشاركات:
    21
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    البارت السابع عشر ^^


    استرجاااع

    فهد حس ان احد ساكت ورفع راسه وانصدم


    فهد منصدم: فيصلّّ!!

    فيصل مستغرب: فهدّ!!

    فهد بتعب: هلا

    فيصل: ليش حالتك كذا .. وش فيك..؟!

    فهد : مافيني شي بس شوي تعبان

    فيصل بحزن: سلامتك

    فهد توه يستوعب: هلاهلا تفضل

    فيصل مستغرب مو فهد اللي شفته بالشاليه : لا لا زاد فضلك.. بس وش فيك..؟!

    فهد ارتبك : لا مافيني شي

    فيصل: امش نروح للمستشفى

    فهد: اقولك مافيني شي

    باللحظه هذي دخل رعد وانصدم مين اللي عند فهد

    رعد: هلا فصولي

    فيصل : هلابك لا لا مقدر على الدلع ههههه

    وسلم عليه


    رعد: ههههههه

    فهد حط راسه على الكرسي ( رجع نفسه على الكرسي) وتنهد


    فيصل انتبه له: رعد اخوك وش فيه ..ليش وجهه كذأإ ... صاير شي انا ما اعرفه


    رعد: لا لا بس شوي تعبان

    فيصل: طيب ليش مايروح للمستشفى

    رعد: حاولت بس ماقدرت له معاند... ولازم يروح كل يوم للمستشفى عشان يده بس ماراح

    فيصل: لا دام السالفه كذآ انا بوديه

    فهد: اقولكم مافيني شي

    فيصل: اقول قم بلا دلع

    رعد: هههههه يله فهد لازم تروح

    وقام فهد من الكرسي وحس رجوله ماتقدر تشيله وطاح على الكرسي


    رعد وفيصل قربوا عنده

    رعد: فهد فيك شي

    فهد بتعب: ماادري

    فيصل بخوف: تبغى ندق على الاسعاف

    فهد: لا لا مولازم انا اروح

    رعد: متاكد تقدر

    فهد: ايه

    فيصل رفع فهد وسنده عليه ومسك يده اليمنى ورعد مسك يده اليسرى

    وطلعوا برى الشركه وراحوا للمستشفى

    وبعد ساعه

    نروح لبيت ام فيصل

    __________________________

    ام فيصل : رغد

    رغد: هلا

    ام فيصل: دقي على اخوك شوفي وينه

    رغد: من عيوني

    ..ودقت على فيصل..

    فيصل: هلا

    رغد: هلابك

    فيصل : امري

    رغد: وينك انت

    فيصل: بالمستشفى

    رغد شهقت بخوف: ليش وش فيك

    فيصل: لا مافيني شي بس فهد تعبان وديناه انا ورعد

    رغد خافت على فهد بس اللي خافت منه رعد وسكتت

    ام فيصل ماتطمن قلبها وسحبت الجوال من رغد

    ام فيصل بخوف: الو

    فيصل : هلا يمه

    ام فيصل : وش السالفه

    فيصل يهديها: لا بس فهد تعبان وديناه المستشفى والحين بنطلع

    ام فيصل : لا لا تودونه مكان اول ماتطلعون تعالو عندي

    فيصل بفرح: من عيوني يالغاليه ... هاه تبون شي

    ام فيصل : لا سلامتك ..وانتبهو لاانفسكم

    فيصل : انشاء الله

    ...وسكر الخط...

    رغد: ماما

    ام فيصل: هلا

    رغد: مين بيجي

    ام فيصل : فهد ورعد

    رغد: اها

    ام فيصل : رودي

    رغد: عيونها

    ام فيصل : روحي جيبي بطانيه لفهد

    رغد: طيب بس ليش..؟!

    ام فيصل: لانه تعبان اخاف يمرض زياده

    ام فيصل: وقولي للخدم يجهزون حلا والشاي والقهوه والفطاير في المجلس اللي بالملحق

    رغد: من عيوني


    ..وراحت رغد للخدم وقالت لهم المطلوب ...

    ام فيصل : رغد

    رغد: هلا

    ام فيصل : ترى فيصل والشباب بالملحق لحد يطلع بالملحق

    (اقولكم ليش ام فيصل قالت لرغد بذات لان رغد تعشق شي اسمه مجلس الملحق وهو مجلس الرجال )

    رغد: اوكي بروح اعطي خبر ليناد

    ام فيصل : وصحي اخوك خالد

    رغد وهي تركض وتصعد الدرج: اوكي

    ...ودخلت على خالد....

    رغد وفت عند الباب تطبل فيه وتضرب وتغني زهقت وهو ماقام

    رغد بصراخ : خلووود قووم... خالد ووجع قم


    خالد ولا طق لها خبر

    رغد بنجاسه: خالد الحق على البليستيشن حقك خربته ريناد

    خالد نقز من فراشه بعصبيه: والله لا اكفخها مو اول مره تخربه ذي الخبله ...(ونط من السرير )...

    ولافكر يغسل وجهه وياخذ شاور جاهز للهواش وفتح الباب بسرعه ومسكته رغد مع التيشيرت حقه تهديه


    رغد تحك راسه بانها توهقت: امزح امزح امزح .. ماسوت شي ..بس امي قالت صحي
    خالد وانت ماصحيت

    وعضت شفايفها وركضت لغرفه ريناد وسكرت الباب وقفلته

    خالد من ورى الباب: اوريك يالخبله حسابك بعدين

    ريناد مو فاهمه شي

    رغد فاقعه ضحك:هههههههه


    ريناد: وش فيك!!

    رغد: هههههه توه صاحي نوم

    رييناد: لا تقولين قلتي له شي وهو نايم

    رغد: هههههأإأإي ايه قلت له انك خربتي البليستيشن وقلت له امزح وعصب علي

    ريناد: أكييييييد طبعا قومتيه على حسابي وخذيت كم سبه منه بسبتك

    رغد: أيه سبك ههههههه

    ريناد تمد يدها: يله اعطيني فلوس ماشاء الله تقومين الناس على حساب غيرك

    رغد: انقلعي بس

    ريناد بوزت: ...

    رغد: لا مقدر على زعل رنوو

    ريناد: خلصتي..؟!

    رغد بااستغراب: ايه

    ريناد: يله برا

    رغد: ياسخيفه كنت بقول شي بس نسيت

    ريناد: وشو..؟!

    رغد: لا انتي تقولين برا

    رينناد: مافيه طلعه من هنا الين ماتقولين

    رغد تحك راسها بفهاوه :هااه اييه لاتتطلعين للملحق

    ريناد: ليشش.؟!

    رغد: لا بس بيجون شباب

    ريناد: والله مدري مين اللي يطلع كل يوم للملحق ويعشقه

    رغد: انقلعي بس

    .....ريناد كانت ورى رغد بالضبط عشان تبغى تقفل باب الغرفه اذا طلعت رغد ...

    فتحت الباب رغد ولقت اخوها خالد يطالع لها بضحكه شريره

    خالد كان معه مسدس مويه: نيااهااهاااهاا

    ....ريناج شافته ودفت رغد برى الغرفه وسكرت الباب وقفلته ...

    ....وقعد خالد يرش رغد بالمويه وهربت ... رغد نص شعرها ونص ظهرها مويه...

    .....بعد نص ساعه....


    رغد وام فيصل بالصاله

    دقت ام فيصل على فيصل

    ام فيصل : الو فيصل

    فيصل: هلا يمه

    ام فيصل : تعالوا لصاله بسلم على فهد وبتحمدله السلامه واذا تبون اجلسوا بالصاله

    اوسع لكم واشرح لكم

    فيصل: من عيوني

    وسكر الخط

    ____________________

    نروح عند الشباب بالملحق

    فيصل: فهد امي تقول تعالوا داخل وبتحمد له السلامه

    فهد: طيب بس رعد بالحمام

    فيصل: امش داخل اذا طلع انا اروح اجيبه

    فهد: اوكي

    ودخل فهد وفيصل من باب النساء وعلى طول لصاله

    رغد تحسب الكل دخل وخرجت من باب الرجال وراحت للملحق

    الملحق عباره عن حمامات ومغاسل و مجلس كبيير وفخم بمعنى الكلمه وكلمه فخم قليله بحقه

    المجلس زجاجي فخم والاضاءه عاكسه على المجلس والمغاسل واضاءت البيت تعكس انوار روعه عليه

    دخلت رغد الملحق وسكرت الباب الزجاجي يعني تشوف اللي برى وهم مايشوفونها بوقت الصبح

    وشغلت البلازما وتلحفت بالبطانيه اللي كان متغطي فيها فهد لانها بردانه لان خالد رش عليها مويه

    وقعدت تقلب بالقنوات وانتبهت ان احد بيفتح الباب وتغطت بالبطانيه ووقفت يعني قامت وصارت واقفه

    فتح الباب مستغرب (لهدرجه فيصل ولا فهد يلعب معي الله يرجهم ) : فيصل

    رغد ساكته ومنفجعه (هذا مو صوت فيصل) وخافت زياده

    رعد بهيبه: وش فيك..؟!

    يلف يمين وتلف معه عشان مايشوفها ويلف يسار وتلف معه عشان مايشوفها

    انقهر وقرب منها ويسحب البطانيه وهي متمسكه فيها ودمعت عيونها وقعدت تبكي على الصامت من خوفها

    انقهر وسدحها بااقوى ماعنده وجلس فوقها وسحب البطانيه وهي مازالت متمسكه فيها وعاضه على شفايفها

    وانقهر وسحبها بااقوى ماعنده وأنصدم ماتوقع انها رغد ومنصدم من جمالها بس مصدوم وماقدر يتكلم او يتحرك او يقوم عنها
    رغد وهي تبكي ارتبكت وخافت : رر رر رعد..؟!

    رعد لحد الان مصدوم (وش جاب رغد هنا وفيصل وفهد وينهم)

    رغد شهقت خايفه منه ودفت صدره بيدينها وبعد عنها بسرعه وهو جالس على الارض
    وقعدت تركض وتبكي وطلعت من مجلس الرجال


    ودخلت مع باب الرجال وصعدت الدرج وهي تركض

    فهد انتبه لها انها تبكي وجايه من برى

    بس فيصل ماانتبه لانه يكتب بالبلاك

    دق جوال فهد: الو

    رعد: يله مشينى

    فهد مستغرب (يعني رغد كانت عند رعد لا لا مستحيييل) : طيب الحين جاي

    وسكر الخط

    فهد: يله فيصل حنى بنمشي

    فيصل : على وين بدري

    فهد: والله بروح البيت تعبان

    فيصل : اوكي على راحتك ... سلامتك

    وطلع فهد وركب سياره رعد

    فهد في قلبه سوال

    فهد: رعد

    رعد: هلا

    فهد بقهر: رغد وش تسوي عندك ..؟!

    رعد بتوتر: لا بس هي دخلت المجلس بالغلط .... ( وقاله السالفه ) ..؟!

    فهد انقهر ان رعد يشوف رغد وهو مايشوفها بس حاول ينساها

    رجع فهد للبيت وناام


    وراح رعد لشركه يكمل شغله


    وجاء وقت الليل ورجع رعد للبيت هو وابو فهد

    بس على فكره ابو فهد مو كل وقته بالشركه لا لان رعد هو اللي مستلم الشغل كله وفهد عن قريب انشاء الله

    وانتهى ذأإ اليوم بتعب ومرض فهد


    توقعاتكم :

    بيرجع فهد زي قبل..؟!

    رغد بتعيش حياتها وتنسى فهد..؟!

    فهد بيعيش حياته وبنسى رغد...؟!

    رعد تتوقعون بيسوي شي ويتدخل في اشياء ...؟!


    ردود + تقييم
     
  4. لبيه يا المنادي

    لبيه يا المنادي عضو

    إنضم إلينا في:
    ‏30 مارس 2012
    المشاركات:
    21
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    وانشاء الله تعجبك

    وانا نزلت بارتات عشان (تعرف احد يعرف احد يعرفني ) مانزلت لكم

    وطفشتوآ لانها ماتنزل وبعد الاحيان يكون عندها ضروف

    ومششكورة يـآ قلبي اللي قالت يعجبني اسلوبك وصراحه هذي اول روايه كتبتهـآ وانشاء الله فيه تقدم

    وانشاء الله توصلين بالسسلامه
     
  5. Mr.faisal

    Mr.faisal عضو

    إنضم إلينا في:
    ‏24 مارس 2012
    المشاركات:
    2
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    مشكورة ع الرواية .,!
    لكن عندي ملاحظة مهمة أنك تكتبين أنشاء الله" وهذا ما يجوز"<والصحيح تكابين ان شاء الله.,!
     
  6. اتابع بصمت

    اتابع بصمت عضو

    إنضم إلينا في:
    ‏12 مارس 2012
    المشاركات:
    1
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    فديــــتـــــــــــكـ رررررررررروعة بليز كلميها بسرعة
     
  7. لبيه يا المنادي

    لبيه يا المنادي عضو

    إنضم إلينا في:
    ‏30 مارس 2012
    المشاركات:
    21
    الإعجابات المتلقاة:
    0
    نقاط الجائزة:
    0
    رد: رواية حياتي تدمرت بسبب نظرة لقافه / بقلمي

    اتابع بصمت انا اسفه يعني اكثر من كذا مااقدر

    لان الموضوع مو انا مسويته وانا عضووه جديده في هذا المنتدى

    بس حبيت اقول اللي دخل هنا وماشاف بارتات يدخل قوقل

    ويكتب بالبحث (روايه حياتي تدمرت بسبب نظره لقافه)

    ولتأكد في منتدى( باص بنات )وهناك البارتات كثيره و وصلت الان في بارت 49 وانتم الان في 17

    ومع السلآمه وفقكم الله .~
    أختكم : لبيه يـآ المنـآدي .~
     

الاعضاء الذين يشاهدون محتوى الموضوع(عضو: 0, زائر: 1)