رواية حياتي تدمرت بسبب نظرة لقافه / بقلمي

الموضوع في 'روايات' بواسطة تعرف احد يعرف احد يعرفني, بتاريخ ‏21 فبراير 2012.

  1. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    السلام عليكم ورحمه الله وبركاتوو.....

    كيفكمـ

    هذا اول موضوع لي في هذا المنتدى انشاء الله يعجبكم

    مارح اطول ابداء بالرواية


    تبدا الروايه فى مجمع من مجمعات الشرقيه
    اول شي بعرفكم على عائله
    ام فيصل الام اسمها ساره/ ابو فيصل اسمه :عبد العزيز آل.....
    اكبر ولد فيصل :19سنه..عصبي مايعرف امه من ابوه اذا عصب..ورمنسي على الخفيف مو مره ...وحواجبه مرسومه..جماله جمال ربااأإني ..عيونه كبار..بشرته بيضاء..جسمه حلو ومعضل شوي يعني رياضي..له هيبه بين اخوانه واهله.
    ـــــــــــــــــــــــــ ـــــــــــــــــــــــــ ـــــــــ
    رنيم :17سنه عاقله..عيونها عاديه بس حلوه ..عدسات عيونها مايله على الاخضر ..بشرتها بيضاء ..وشعرها ناعم مو طويل وسط..وجسمها حلو مو نحيفه ولا سمينه وسط ..تحب شي اسمه سباحه او ركوب خيل.. مبتعثه بعثه برى بكندا
    ـــــــــــــــــــــــــ ـــــــــــــــــــــــــ ـــــــــ
    رغد:16..جريئه ..عيونها كبار ..عدسات عيونها زرقاء..رموشها كثيره..حواجبها مرسومه خقه قليله عليها...جمالها جمال رباني...وجسمها خيال ..عليها خصر مره جنان..نحيفه وبشرتها بـيـضاء..شعرها ناعم زي الحرير اسود طويل يوصل لنص فخذها..ورومنسيه وحبوبه وفيها رجه..وطولها وسط
    ـــــــــــــــــــــــــ ـــــــــــــــــــــــــ ـــــــــ
    ريناد:15 سنه نحيفه وعيونها كبار خقه مو مثل رغد طبعا رغد احلى خواتها ..بشرتها حنطيه..وفيها رجه مو طبيعيه..وهبال ..شعرها اسود قصير وخجوله ..وقصيره بس مو مره لا قصرها راكب عليها
    ـــــــــــــــــــــــــ ـــــــــــــــــــــــــ ـــــــــ
    خالد:12سنه وسيم ..مدلل لانه اخر ابن لهم واخر العنقود..شقي ..يحب شي اسمه العاب ضحك وتعليقات ..مزيون..خشمه سلالت السيف ..بشرته بيضاء..وعيونه وساع ..ونحيف..وشعره ناعم طويل
    ـــــــــــــــــــــــــ ـــــــــــــــــــــــــ ـــــــــ
    في احدى المجمعات ام فيصل اشترت اغراض وملابس هي ورغد وريناد والخادمه والسواق
    السواق يدق على ام فيصل:الو مدام انا عند بوابه واحد
    ام فيصل: اوكي خلاص الحين برسل لك رغد ومعها الاغراض
    السواق: اوك
    ام فيصل:يله رغد السواق عند البوابه واحد روحي انتي والاغراض اللي معك
    وبعد دقايق اتقضاء يعني اشتري اخر شي ماراح اطول وارسل الخدامه وريناد

    رغد بكل تعب:انشاء الله يمه

    ام فيصل : تدلين

    رغد بضحك وهستره: لاتوشيبا

    ام فيصل :تنكتين

    رغد ميته ضحك: لا احاول

    ام فيصل وهي تخز رغد : اقوووول

    رغد بهستره وهبال داريه وش بيصير لا زودتها وتتكلم ببرائه بس هو العكس الصحيح:قولي يمه محد ماسكك

    ام فيصل عصبت تفتح الاكياس تدور اقرب جزمه تصكها برغد

    (رغد طبعا تعرف امها زين اذا عصبت واخذت الاغراض وهربت)

    ام فيصل :فاضيه تنكت

    ريناد تضحك على هبالة اختها:ههههههههههههه

    ام فيصل:وش فيك تضحكين

    ريناد:رغد اخذت الاغراض هههههههه

    ام فيصل:ايه انا قايله لها

    ريناد متسدحه ضحك موقادره تتكلم:يمه هههه رغد راحت للبوابه خمسه مو واحد

    ام فيصل بخوف:يمه بنتي اخاف تركب سياره ثانيه تحسبها السواق ريناد دقي عليها

    ريناد تضحك مو قادره تتكلم:الو قلب وين رايحه

    رغد :للبوابه

    ريناد :رقم كم

    رغد بستغراب:واحد

    ريناد فاقعه ضحك:واللي انتي عندها رقم ايش

    رغد بتعجب:ماادري اضن انها واحد (وتطالع للبوابه طلع رقمها خمسه مو واحد)

    ريناد:ياهوووه انتي رايحه للبوابه خمسه يالحولا روحي للبوابه واحد السواق هناك

    رغد بعصبيه وهي اصلنا خايفه:طيب اعصابك بعد اطلعي من الجوال واعطيني كف كلها من امي خلتني اركض ولا اشوف اللي قدامي زين اني ماركبت مع احد على بالي سواقنا

    ريناد: امي مالها دخل الا كلها من سماجتك

    رغد بعصبيه ومره تعبانه ودها اقرب سرير ترمي نفسها عليه:طيب باي

    ريناد تضحك:ههه باي

    رغد متجهه للبوابه رقم واحد وطلعت برى المجمع تدور السواق مالقته من الزحمه على دخلتها للبوابه الا شاب زاحف دخل معها على اساس انه اخوها ولا حبيبها والسيكورتي
    الى عند البوابه رقم واحد على باله انها زوجته ولا اخته انتبهت رغد ان واحد دخل معها وهي للمعلوميه لابسه عبايه كتف ونقاب وتذكرت ان المجمع مايدخله الى العوايل وراحت لسيكورتي
    اللي عند البوابه

    رغد: لوسمحت ترى ذاك الولد مو من طرفي

    السيكورتي بسخريه:شلمطلوب (السيكورتي اسمه فهد)

    رغد بعصبيه:المطلوب انك تطرده برى المجمع

    فهد(اعجبه كلام البنت واول مره يسمع كلام بنت بالجرائه هذي وحب يزيد السالفه ويطول ):ايوه كملي

    رغد (حاولت تقهره مثل ماقهرها): وباين من شكله راعي مشاكل والمجمع للعوايل واذا سواء مشكله وجاء المدير بيهاوشك انت وانا بقوله ترى انا قلتله بس قال بكيفه وانا صراحه ماارضى اشكال زي ذي تدخل بالمجمع

    فهد (شوي ويضحك على جرائتها ):اها

    رغد وهي تطير عيونها عليه وتخزه تحاول تقهره وتتكلم بغرور :واضن
    للمجمع قوانين ومن قوانينه هالاشكال ماتدخل المجمع وهو بس للعوايل

    فهد (اعجبه كلام البنت ونظراتها له وان معها حق):ابشري الحين بجيبه ومعك حق

    (ورفع الاسلكي ينادي السيكورتي يمسكه وقاله مواصفاته عشان يجيبه)

    فهد:وش رايك ارتحتي و ريحتي ملائكتك معاك

    رغد نست نفسها انها تكلم رجال ونست السواق اللي له ساعه برى ينتظر :ايه ههههههه
    فهد خق على عيونها الزرقاء الى تدوخ الواحد اذا ناظر لها وابتسم بدون مايحس بنفسه ،
    رغد تطالع لفهد بااعجاب بالوسامه الى مرسومه وبوجه وجماله جمال رباني يذبح وقعدت تطالع لفهد لابتسامته الى تذوب وتذبح القلب وانتبهت ووخرت الابتسامه

    فهد ماشاء الله عليه مسك خط في عالم آخر...

    رغد تقول بقلبها(ياليل وش ذا مسك خط بس ابتسامته تدوخ )وقالت بصوت عالي: أحــم

    فهد انتبه لنفسه وصرفها :هذا الشاب اللي دخل

    رغد ابعدت عنهم شوي

    الشاب:نعم خير ماسكيني

    فهد:ليش داخل المجمع المجمع للعوايل

    الشاب بكذب: يارجال معي اختي

    رغد مصدومه وخايفه من شكل الشاب,,

    فهد :وينها

    الشاب يأشر على رغد اللي كانت بعيده عنهم شوي وحست انه يقولهم انها اخته

    فهد بقلبه ضحك لانه يبغى يسمع صوتها الناعم وشكلها الجذاب وهو لحد الان ماشافها بس حس .

    رغد بعصبيه قربت لفهد: كذاب انا المشتكيه عليه وتقول اختي

    الشاب باكبر كذبه يقصد رغد:ياساره بلا اجرام ونذاله اعترفي اني اخوك وامشي بلا كذب

    رغد مصدومه وخايفه من طريقه كلامه وبدت يدينها ترتجف

    فهد يدري ان الولد كذاب بس حب يطول بالسالفه وكمل ضحك:اها اسمك ساره يله بلا لعب بزران وخلي العب للبزران وخوذي اخوك معك ...

    وسكت ماكمل انصدم قاعد يشوف يدينها الناعمه ترتجف وعيونها تلمع

    رغد ودموعها شوي وتنزل النار شابه بقلبها وماتدري وش تقول :اصلنا مو اخوي والدليل ان اسمي مو ساره اسمي رغد

    فهد بقلبه (لبى اسمها يدوخ مع انها فضحت بنفسها):طيب

    رغد والنار ماكله قلبها اكل دفت الشاب مع صدره بقوه بس تعتبر خفيفه او ماتعور عند الشباب ..

    الشاب انقهر من رغد بنت تتعدى عليه دف رغد بقوه بيرد ضربتها لها
    وهرب بيطلع من المجمع لان رغد قهرته لان اللي قبلها يدخلونه بس رغد لا الا الشرف والحركات هذي ....

    رغد طاحت على الارض اغمى عليها من قوه الطيحه والولد يده ثقيله وفقدت الوعي واغراضها بكل مكان

    فهد بخوف حرك راسها بيتاكد صار فيها شي ولا لا بس من قوة الطيحه مسك راسها من ورى شاف الارض كلها مليانه دم وتركها وركض برى المجمع



    سوري البارت قصير المرآ الجايه اطول واحلى وحمااسي
    بس ياليت اشوف الردود السنعه + تقييم
    رواية حياتي تدمرت بسبب نظرة لقافه / بقلمي
     
    جاري تحميل الصفحة...
  2. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    رد: روآيه حيــــــاتــي تـــدمرت بسبب نــــــظره لقافه/ بقلمي

    البارت الثاني

    كتبته لعيونكم


    فهد بخوف حرك راسها بيتاكد صار فيها شي ولا لا بس من قوة الطيحه مسك راسها من ورى شاف الارض كلها مليانه دم وتركها وركض برى المجمع
    يمسك الشاب ومسكو السيكورتيين الشاب وراح فهد
    يركض عند البوابه ودخل ويحرك رغد ويقولها:رغد رغد ..ويقول بنفسه ( انا السبب ..انا السبب ) رغد رغد..ويصفقها وشال راسها وحطه على كتفه وفجاءه حط راسها على صدره عشان بيطلع مفتاح السياره
    وانصدم اول مره يشوف دم والمشكله دم بنت على جسمه وكتفه وشالها وضمها من الخوف لان هو السبب وشالها وراح لاقرب مستشفى ورغد لحد الان مغمى عليها
    طبعا فهد غني بس لان كل اصدقائه يشتغلون سيكورتيين بالمجمع ال***... وبعد خمس ساعات صحت رغد ولقت نفسها بمستشفى وعبايتها مأخوذه وشعرها الطويل مفتوح ومنثور تلقائيا على السرير وعلى المخده
    رغد ترتجف من البرد بس حست شي مدفيها وتشم ريحه عطر رجاليه لفت ولقت شاب منهك جالس على الكرسي بجمب سريرها وحاط راسه بسريرها عند كتفها ورغد لحد الان
    مصدومه وماتدري ايش اللي صار لها
    رغد ودموعها تتناثر على يد الشاب اللى لحد الان ماتدرين مين هو او وين هي وليش حالتها كذا...رغد بشهقاتها الى ملت الغرفه فجاءه من الخوف ..سمعها فهد و رفع راسه مايدري وش فيها
    فهد : رغد فيك شي يوجعك شي
    رغد تبكي و دموعها ماوقفت وشهقاتها كل مالها تزداد و بصعوبه تكلمت : مـ مـ من اانت و وشلون عرفت اسمي ولييش انا هناا
    فهد حن عليها وحب يهديها : بجاوب لك وبقول لك كل شي بس انتي هدي نفسك ..(واخذ نفس وتنهد).. تتذكريني انا السيكورتي ..وانتي بنفسك قلتي اسمك ..وانتي بالمستشفى لان الولد دفك واغمى عليك
    رغد حست انها مسويه جريمه كبيره بفهد لان شكله مرا تعبان : طيب ليش فيني ذي الابر والمغذي و ماخذين العبايه
    فهد بحزن على حالتها وحب مايخوفها :المغذي لان اغمى عليك واخذو العبايه عشان يركبو لك المغذي
    رغد مااستوعبت : طيب ممكن يااخوي تطلع
    فهد انقهرليش تطرده وليش قالت يااخوي ويقول بقلبه( لهدرجه انا تعتبرني مثل اخوها لا مستحيل لهدرجه حظي نحس طيب انا حبيتها بس ليش تطردتني ايه يمكن انها تتغطى عشان كذا )وقام من الكرسي ومشى بيطلع كم خطوه
    رغد فجاءه شهقت ورفعت راسها تناظر لفهد
    فهد لف اول ماسمع الشهقه خاف عليها حسب فيها شي لان هو السبب في حالتها :وش فيك ...بخوف قرب لها الين ماوصل لعند راسها
    رغد استغربت من رده فعله ونست انها تتغطى ونست انها تكلم واحد غريب ونست السواق ههههههه وقالت بخوف :ليش ملابسك دم فيك شي
    وقطعت كلامها متالمه من راسها ومسكته حست فيه شاش ملفوف حوالين راسها
    فهد مو مصدق مستغرب او مصدوم يقول في قلبه(لهدرجه خافت علي لا لا يتوهم لي لهدرجه على طول حب ماكملت ساعتين عشان تحبني اف اثاريني جالس اتوهم)
    فهد:سلامتك مافيني شي هذا دمك بعد ما دفك الولد من قوه الطيحه اغمى عليك وراسك نزف دوم والارض امتلت
    رغد بخوف قاطعت كلامه ودموعها تنزل وكانت منسدحه ورفعت جسمها وجلست وقعدت تبكي منهاره :اامي بـ بـ بالمجمع ماابغى دق عليها ..وين جوالي ..كم ساعه مغمى علي
    فهد ضمها بيهديها ورغد تدفه تبعد فهد عنها مو حاسه بنفسها هي وش قاعده تسوي ضمها فهد بقوه عشان تهداء وقال:استني شوي انا بدق عليها خلاص بطلع جوالي ..مغمى عليك خمس ساعات
    رغد قاطعته: وين شنطتي
    فهد :اووف جوالي مو معي كلها منك نسيته بالارض اكييد انسرق وجوالك وشنطتك بالارض طايحه انا شلتك وركبتك بسيارتي وجبتك لذا المستششفى
    رغد وقفت دموعها باللحظه هذي و زادت شهقاتها وقالت بخوف : انت اللى جبتني هنا
    فهد: ايه
    رغد : طيب امي كيف بدق عليهاا
    فهد : من تلفون المستشفى
    رغد بوجه كله برائه : مو حافظه رقمها
    فهد :هذي المشكله
    فهد ماحس بنفسه من التعب : اوكي حبيبتي انا بروح لشقه اخذ شاور واغير ملابسي وانام لو بس ساعه واجيك
    رغد مستغربه من كلمته ونست نفسها انها تكلم رجال غريب والمشكله كاشفه وجهها
    رغد وهي ناسيه مين تكلم بالضبط بس معتبرته واحد من اخوانها:لا تكفى لاتخليني مالي غيرك مااعرف احد بذي الديره وانا مو من هنا واهلي اكييد رجعو لديرتي
    فهد بفرح عطاها ذيك الابتسامه الى تذبح ..ورغد ابتسمت ابتسامه بدون ماتحس في نفسها ..فهد داخ في عيونها وابتسامتها
    فهد : اوكي ماراح انام بنام عندك مرافق ...وفرحت رغد وطلع
    رغد ودموعها بكل مكان وشهقاتها ماليه الغرفه وقعدت تبكي وصارت احداث طويله
    وبعد ساعه دخل فهد لقاها نايمه تقطع قلبه يوم شافها وعلى شكلها البنت مرا بذلانه مو زي قبل وخرج وراح سئل الدكتور
    فهد : يادكتور متى نامت رغد
    الدكتور: اسف هي ماكانت نايمه اول ماطلعت انت قعدت تترجانا وتبكي تبغى تطلع..فهد ودموعه طلعت والعبره خانقته
    الدكتور: واسفين لاننا ماطلبنا اذنك ...
    وخاف فهد وقطع كلام الدكتور بشهقاته وصوته انبح وقال : يادكتور صار فيها شي وش سويت فيهاا وش سويت فيها
    والدكتور قاعد يهدي فهد: ماسويت فيها شي بس عطيتها منوم ....فهد اعصابه تلفانه ومو عارف وش يقول بالضبط وشهقاته كل مالها تزود اكثر من قبل
    فهد : قول لي يادكتور تعورت ولا لا ...وفهد ماسك بجاكيت الدكتور او (البالطو) يهز فيه : قول لي تعورت ولا لا
    الدكتور قعد يتاسف لفهد وقعد ينادي الممرضات يحطو (ن) فهد فوق السرير ويهدونه شوي بنفس غرفه رغد ويعطونه ابره منوم لان اعصابه وحالته وشكله مراا تحزن
    ـــــــــــــــــــــــــ ـــــــــــــــــــــــــ ـــــــــــ
    اليوم الثاني

    وقامت رغد من اليوم الثاني في الصبح وخافت ودموعها طلعت وهي تناظر حال فهد وتقول في نفسها (وش سويتي فيه ..الولد نايم بنفس غرفتك ومرافق معك وحالته زي الزفت مو زي اول)
    وفهد كان توه قايم بس مسوي نفسه نايم باللحظه هذي دخل الدكتور
    الدكتور: الحمدلله على السلامه يارغد ..وشافها ماتطالع له تطالع لفهد
    وقال الدكتور : صراحه يارغد زوجك خايف عليك ..مراا حالته بتخوف ولما شاف انك نايمه خاف وسالني وش سويت فيها وشكله مااكل شي من امس لان شكله وحالته
    مرا صعبه عشان كذا اعطيته منوم زيك ..
    رغد انتبهت لكلام الدكتور وقعدت تطالع الدكتور وقالت : تعور او تالم من الابره
    قعد الدكتور يضحك : هههه اول مرا بحياتي اشوف زوج و زوجه يحبون بعض لدرجه انه امس سئلني نفس الكلام اللي قلتيه يقول تعورت او تالمت من الابره يعني والله انكم غريبين
    رغد حست انها بأمان والولد مو راعي لعب يعني ولد ناس ومتربي وماينعاف وحست انها بايدي امينه وفرحت من قلبها على كلام الدكتور لما قال اول مرا بشوف زوجه تخاف على زوجها
    من ابره وحتى هو خاف عليك من ابره وقعدت تضحك من قلب
    وشافها الدكتور وقال : دوم هضحكه
    رغد :متى اطلع ..وفجاءه سمعها فهد وهو مسوي نفسه نايم وحزن لانها بتروح وهو يبغى يجلس معها اكثر من كذا
    الدكتور: الجرح الى براسك بسيط يعني بس خروجك الين مايسمح لك زوجك بالخروج ويوقع عشان مايصير شي فيك مايكون على مسئوليتنا
    رغد انقهرت وماحست بنفسها وقالت بصوت عالي: وش ذا الزووج العله
    فهد ماقدر يستحمل فقع ضحك وباعلى صوت : هههههه
    رغد استغربت ليش يضحك وتذكرت انها قالتها بصوت عالي وعلى بالها انها قالتها بينها وبين نفسها
    وجلس الدكتور يضحك وقال: يله زوجك صحي من النوم بخليكم مع بعض وعلى طول بسرعه طلع وصك الباب
    رغد بهواش استعباطي:مو زوجي هيييه تعال انت اوووف
    فهد ماقدر يستحمل كان منسدح على السرير وجلس على السرير يضحك مادراء الى المخده جايته من رغد .. فهد ضربته المخده وماقدر يتحكم بنفسه طاح من الجهه الثانيه من فوق السرير
    رغد بخوف قامت ونست نفسها انها مع واحد غريب طول ذا الوقت وماحست بنفسها وراحت عنده :بسم الله عليك صار فيك شي
    فهد بستغراب : لهدرجه خفتي علي
    رغد تضربه : قووم بلا كلام فاضي .. ومسكت يده وقام
    فهد قال لرغد كلام بدون مايحس بنفسه لانه اخذ راحته زياده عن اللزوم : وش رايك فيني
    رغد بااستغراب وشافته مبتسم : من اي ناحيه
    فهد : من كل النواحي
    رغد : ماادري
    فهد : ترى بطلع وبخليك وترا مااوقع لخروجك
    رغد : لا لا خلاص بقول... فهد تبسم على خبالها
    رغد مو فاهمه قصده ابد لانها معتبرته اخوهاا: حلو وابتسامتك حلوه ..ونظرات عيونك تطيح الطير الطاير <<ماتعرف ترقع..وكملت .. ووخوفك علي وصبرك علي و يعني ماتنعاف
    فهد : يعني وشلون ماتنعاف
    رغد ببرائه: يعني لو تبي اي بنت ماراح ترفض
    فهد يعيد كلامها يبغى يبين لها شي : اي بنت
    رغد مااستوعبت عليه: ايه اي بنت
    فهد على بالها فهمت قصده وعادها يتاكد : اي بنت
    رغد بااستغراب: وش فيك تعيد وراي وقفت لحظه وفهمت قصده وخزته وقالت : ترا انا مو من بنات هالايام انا بنت ناس واهم شي عندي شرفي
    فهد اعجب فيها وفي كلامها وفي اسلوبها و جمالها وقعد يناظر فيها ...وراحت رغد لسريرها ولفت للجهه الثانيه يعني يصير فهد وراها
    معطيته ظهراها و حاولت تتذكر رقم امها و فجاءه لفت ولقت فهد بجمبها وجالس على الكرسي وساند (حاط) راسه على الجدار يفكر
    رغد مستغربه ليش حالته كذا وبتناديه بس انها ماتعرف اسمه وقالت: ياهووه
    وانتبه لها فهد وخزها وقال : اضن لي اسم
    رغد بخوف وعصبيه : وانا وش دراني وش اسمك
    فهد : اسمي فهد
    رغد : عاشت الاسامي
    فهد : عاشت ايامكـ
    ومر وقت الليل بااحداث واكثرها نوم ودخول الممرضات و الخ
    وكان ختام اليوم الثاني نوم ZzZzZzZ


    الكاتبه : عزوف تذبح القلب بغلاآهـآ

    [​IMG][​IMG]الله الله بالردود السنعه الى تفتح النفس + تقيييييم[​IMG]
    وياويل وحده توط وط هناأإ و ما القى لها رد
     
  3. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    رد: روآيه حيــــــاتــي تـــدمرت بسبب نــــــظره لقافه/ بقلمي

    البارت الثالث


    ........ومر اليوم الثالث بالمستشفى......
    وكان فهد شاري لرغد ملابس وراح لشقه اخذ شاور وبدل ملابسه واخذ الاغراض وراح للمستشفى ودخل عليها لقاها نايمه
    فهد : رغد يله قومي بسك نوم
    رغد : اوكي خلااص قمت ...انتبهت للاكياس وقالت : وش هذي الاكياس
    لحظه قبل لا اكمل ترا رغد كاشفه طول الوقت ومعتبره فهد مثل اخوها
    نكمل...
    فهد : انا شاري لك ملابس
    رغد بمصخره : ومصدق نفسك اني بلبسها بس لحظه وش دراك بمقاسي
    فهد : عندي اخت نفس جسمك واعرف مقاسها
    رغد بفرح : تكفى خذني لها بروح لمها وبشوفها تكفى
    فهد : مو هنا هي بديرتي ال...
    رغد : اهاا يعني انت هناك
    فهد بااستغراب: ايه ليش
    رغد مستانسه : انا من هناك
    فهد عطاها ذيك الابتسامه وعلى طول قال : انا طالع برى الغرفه عشان تاخذين شاور وتلبسين وتلقيني خارج المستشفى
    رغد بخوف : لا تكفى ..ولف فهد يطالع لها ..
    رغد: تكفى خلك هنا اخاف احد يدخل علي لان الغرفه والحمام مايتقفلون
    فهد بسخريه وحب يخوفها : وماتخافين اني ادخل عليك
    رغد بعصبيه بس من داخلها ذابحها الخوف من كلام فهد : اجل خلاص ماابغى اخذ شاور ولا البس
    فهد يضحك:ههههه اكذب اكذب وتراني مو من عيال هاالايام وربي ماادخل عليك بجلس بالغرفه وانتي بالحمام
    رغد تطمنت يوم حلف: اوكي
    فهد: اصلنا بتلبسين من اللي انا شريتهم لك صح انا زوجك (وقعد يضحك) وثانيا ماراح تركبين سيارتي وانتي نص شعرك دم
    رغد استحت من كلامه يعني خلاص مسك الكلمه عليها من كلام الدكتور وفيها قهر بنفس الوقت لانه يقولها ذا الكلام واخذت الملابس ودخلت الحمام واخذت شاور
    واول ماخلصت شاور جلست بالحمام تدور الفوطه او (المنشفه) مالقتها وتذكرت انها مااخذتها
    رغد : فهد جبتلي منشفه!!؟؟
    فهد : هههه ايه هذاهي عندي
    رغد : جبها
    وقام واخذها وفتحت رغد الباب
    رغد : لاتشوف بس دخل يدك والمشفه من عند الباب مو راسك
    فهد قعد يضحك على خبالها ..ودخل يده والفوطه ورغد كانت يدها مبلوله بالمويا وماانتبهت انها مسكت يد فهد
    فهد حس بنعومه و حس بنفسه وترك المنشفه على طول يحسب رغد مسكتها وطاحت المنشفه على الارض والارض كانت مليانه مويا
    ماسمع الا صكت الباب ورغد قعدت تصارخ: لااا لييييش تطيحها
    فهد قعد يضحك عليها ..ولبست ملابسها وطلعت ..
    فهد يطالع لها من فوق لتحت وقعد يضحك:هههههه
    رغد :وش اللى يضحكك
    فهد: ملابسك مبلوله كلها ماء
    رغد :ايه من هبالتك ...وشافها تدخل ملابسها المستعمل بالاكيااس وتلبس عبايتها وترتجف وخاف عليها
    فهد : رغد فيك شي
    رغد خانقتها العبره ودموعها طلعت وشهقاتها تطلع بصوت عالي
    فهد خاف عليها واخذ جاكيته ولبسها اياه وضمها بكل حنان وطيبه
    رغد حست بالدفئ ورفعت راسها وعيونها فوق وطاحت عيونها في فهد واستغربت تشوف عيونه دمعت وشهقاته تزيد اكثر واكثر
    رغد وهي خايفه :فهد وش فيك فيك شي تتألم من شي انادي لك الدكتور
    فهد قاطعها وشاف رغد خايفه عليه: كله مني كله مني
    رغد مستغربه ودموعها ماليه جاكيت فهد :ليش كلها منك!!
    فهد شهقاته الى ماليه الغرفه : حالتك واهلك واللي هم الحين هم بديرتك وانتي هنا بالمستشفى بسبتي وانا لو سويت كل اللى قلتيه ما صار كذا انا ..<<انا السبب
    رغد قاطعته وحطت يدها على فم فهد وعيونها مليانه دموع وشهقاتها تزيد وصوتها انبح: لاتقول كذا هذا مقدر ومكتوب
    فهد مستغرب من حركتة رغد ويقول بقلبه(كيف قدرت تحط يدها على فمي مع اني بديت احبها بس يمكن كانت ردت فعل)..وهي حست من نظرات فهد انه يحبها ونزلت يدها
    بس قاطعهت خيالها وخياله وقالت:يله نروح ..ولبست جزمتها ونقابها واول ماطلعو من الغرفه لقو الدكتور قدامهم
    الدكتور: رايحين
    فهد: ايه
    الدكتور: اجل تعال وقع على ورقه خروجها
    فهد وقع ....
    وقال الكتور : المبلغ *** لمرافقتك
    فهد قلب لون وجهه احمر اخضر اصفر ازرق الى تبون لانه نسى المحفظه بالشقه
    رغد شافت وجه فهد وعرفت
    فهد :والله يادكتور نسيت المحفظه في الشقه
    رغد قاطعته : تكفى يادكتور خلنا نطلع ماصار لنا اسبوعين متزوجين
    فهد مستغرب ومصدوم ومندهش وبنفس الوقت وده يضحك بس مو قادر
    الدكتور: صح نسيت والله عشانكم بس فرحت كثير لما شفت الفلم الهندي الى عملتوه هنا هههههه
    رغد شافت وجه فهد منصدم ومفهي لحد الان مو مستوعب شي ضربت كتفها في كتفه وضحكت وقالت :يله نمشي
    وطلعوا وحطت الاغراض وراء بالسياره ولحد الان مصدوم وجلست ورى
    فهد : تعالي قدام
    رغد منصدمه : ماابغى
    فهد : تعالي قدام
    رغد : اقولك ماابغى
    فهد عاندها : ماراح امشي الين ماتجين قدام
    رغد جلست قدام بجمبه بتافف لانها ماتحب تسوي شي بالغصب
    فهد لحد الان مصدوم من جرائتها وذكائها :رغد ليش قلتي كذا !!
    رغد قاطعته : لاتصدق الى قلته بس عشان ماياخذ منك فلوس بسبتي
    فهد انقهر وعصب من حركاتها واسرع ونزل لشقه واخذ ملابسه والمحفظه وركب السياره وكان داعس على البانزين يعني مسرع
    رغد لاحظت انه على طول يزعل ويعصب وبتهدي الوضع قالت: فهد
    فهد قاطعها بعصبيه : نعم
    رغد: ليش معصب خفف السرعه تراني بذمتك
    فهد ميل فمه يعني ضحكت سخريه : ليش بذمنتي انتي مو زوجتي
    رغد :اجل نزلني
    فهد بمزح:ليش زعلتي وانا صادق منتي زوجتي
    والكل سكت فهد ارتبك من الصمت ذا وشغل اغنيه وماعجبته وقعد يقلب بين الاغاني وقف على اغنيه تتكلم عن الرومنسيه والحب
    فهد في قلبه ( ياليل انا زودت الطين بله طيب ليش مااسولف معها وش بيصير مثلا اوكي بتعتبرني مثل اخوها بس وياليت ماتعتبرني مثل اخوها اه بس )
    رغد في قلبها (شكله مرا رومنسي بس وش مجلسني قدام عنده والله فشله طيب الحين الجو ذا يخليني ارتبك بحاول اغير الجو صوح وهو بمثابت اخوي)
    فهد ورغد بنفس الوقت: أااا أحم ....
    رغد وفهد : ههههههه ..
    رغد : تكلم ...
    فهد :لا انتي ...
    رغد : هههههه اوكي
    رغد ارتحات له وتوها تحس بحبها له بس ماحبته مثل ماحبها هو هي تحبه كـ أخ
    وهي بالطريق عشان يروح هو ورغد لديرتهم اخذتهم السوالف وصارو يفهمون لبعض ويطلعون اسرار بعض وكل واحد يعلم بااسماء عايلتهم
    وكان فهد مو مسرع في السياره كانت السرعه وسط
    رغد : انت من النوع العصبي مراآ صح
    فهد : ايه صح
    رغد : وبعد
    فهد: اممم عصبي وفيني رومنسيه ترا مو مدح فيني بس الى اقوله عني صح وعندي خيول بالمزرعه لي وعندي شركه كبيره
    رغد قاطعته بااستغراب: عندك شركه وتشتغل سيكورتي بالمجمع
    فهد يضحك على نظراتها طبعا متغطيه عنه بس لابسه نقاب: ههههه ايه عشان اصدقائي كلهم هناك وانا اقولهم تعالو عندي بالشركه اشتغلو معي بس رافضين يقولون خلنا نفلها ولاحقين على الكد والكديد
    رغد : واذا
    فهد : طيب خليني اكمل عصبي و رومنسي و خياله و عندي شركه بس تراني حبوب وطيوب و حنون وعمري 20 سنه وانتي
    رغد سرحت في كلام فهد وشخصيته وعمره وطريقه كلامه بس بالضبط ايش اللي تفكر فيه ماندري
    فهد: وين رحتي
    رغد : معك
    فهد ضحك على هبالها وحس انها بدت تحبه بس مو متاكد من مشاعرها
    رغد : اممم اسمي رغد عاشت الااسامي ...فهد قعد يضحك عليها وهو يسوق
    رغد :ورومنسيه بس مو مرا وفيني رجه بس مو مثل اخواتك وحساسه وبسرعه ازعل واذا زعلت وعنيده ومااحب شي اسمه بالغصب صعب اني ارضى بسرعه
    فهد قاطعها : نفس اختي ريم
    رغد :أستووب بكمل
    فهد:ههه والله لو اننا بلعبه عشان تقولين استوب يله تفضلي
    رغد :وعمري ..شافت فهد تحمس خربت عليه وقالت : لا مني بقايله هونت ( ماابغى اقول خلاص )
    فهد :لاقولي
    رغد حبت تخوفه وتشوف رده فعله قالت: 25
    فهد شهق ذيك الشهقه وقلب وجهه احمر وقف السياره على جمب وماقدر يتنفس وضاعت كل احلامه
    رغد بخوف تشربه المويا وتقول: فهد اكذب اكذب
    فهد يشر بسخافه يعني كم (وضحت كذبته ) ويسوي نفسه بيموت
    رغد بخوف: 16 والله 16
    فهد في فمه ماء وماقدر يستحمل وفقع ضحك وطلعت المويا اللى بفمه وقعد يضحك : ههههههههه هههههههاآآأإآآااأإي
    زعلت رغد من حركته السخيفه لان قلبها شوي ويطلع من محله
    وحرك السياره وكمل طريقه وجاء وقت المغرب
    ودخل مدينه بس مو ديرتهم
    رغد بااستغراب : ليش ماكملت الطريق
    فهد بخوف : ماادري خايف انام لاني تعبان مانمت زين
    رغد حست فيه وقالت : طيب
    ونزل فهد من السياره هو ورغد ودخلو فندق لشقق
    فهد يسئل صاحب الشقق حق الاستقبال: عندك شقه فيها غرفتين
    حق الاستقبال:لا والله ماعندي
    رغد طارت عيونها ..فهد شوي ويضحك: اجل وش عندك
    حق الاستقبال: ماعندي كل الشقق فل ماعدا وحده فيها بس فيها غرفه وحده
    رغد تتوعد فهد وتشرله ياويلك اذا اخذتها وفهد عاندها واخذ الشقه لانه تعبان ودايخ طبعا
    بتسئلون كيف اخذ الشقه هذا الفندق اسلوبه غير يعني يسئلون كم يوم تبغاها وفهد اخذها يوم واعطاه المبلغ بدون كرت العائله والخ
    ودخل الشقه وماحس بنفسه وش يقول وقال: شيلي النقاب
    رغد انقهرت وقالت: نسيت انك غريب ؟!
    فهد باارتباك: اسف ماكان قصدي بس انا مو من عيال الجيل هذا بس اني تعودت عليك بالمستشفى كاشفه ولا فكرتي تتغطين
    رغد تذكرت انها طوال الوقت وهي بالمستشفى كاشفه وقالت بفهاوه : تصدق نسيت اني كاشفه وشلون راحت عن بالي
    فهد قعد يضحك على خبالها وهبالتها وفيها رجه حلوه مو مثل اخواته الخبول الى مراجيج جد مو مثلها ذي رجتها زيها ناعمه
    رغد انتبهت لسرير وطارت عيونها: لا مستحيل السرير طلع واحد وكبير يعني حق شخصين (وطبعا لحد الان متغطيه ماراح تكشف)
    رغد :والله لو اموت ماانام بجمبك ولا بعد هذا الى ناقص وبعد مخده وحده مو ثنتين بس كان قسموها نص لانها حقت شخصين
    فهد كان بيقول لهم يجيبو سرير حق شخص واحد لرغد ...
    رغد بطفش وتاافف: اووف يعني طوال الوقت بكون متغطيه كأني ام خماس
    فهد يضحك عليها وحب يرفع ضغطها وانسدح على السرير وقال: بكيفك تبغين حياك ماتبغين بكيفك

    ....وماحس بنفسه ومن التعب نام على طول وبعد نص ساعه قام من النوم ماتطمن.. قلبه فيه شي.. صحى من النوم ....
    وجلس لانه كان منسدح وتقطع قلبه على اللي شافه وقعد يلوم نفسه
    فهد :كله مني كله مني انا وش سويت فيها هي ماسوت فيني شي ...لانه شاف رغد منسدحه على الارضيه وكانت بارده ولامه رجلينها من البرد
    فهد والعبره خانقته ودموعه تنهمر شالها بسرعه وحطها على السرير يحسب فيها شي وضمها وقعد يبكي وصوته المبحوح مالي الغرفه يناديها
    فهد بصوته المبحوح:رغد رغد تكفين قومي ..رغد تكفين ردي علي ..وشهقاته ماليه الغرفه
    وقامت رغد على شهقاته منخرعه : وش فيك
    فهد بخوف : فيك شي
    رغد بخوف : لامافيني شي
    فهد : ليش طايحه على الارضيه
    رغد بخوف:نايمه ليش وش فيك وليش انا بالسرير ومتى قمت مايمديني توني نايمه وليش ضامني وتناديني
    فهد : لا ولاشي بس على بالي صاير فيك شي وطايحه على الارض وشلتك وحطيتك على السرير
    رغد تطالع له وحست بالامان وانه خاف عيلها زي مايخاف الاخ على اخته وقالت بدون ماتحس بنفسها : الله يخليك لي
    وشافت ابتسامة فهد وصرفتها :ولهلك
    فهد :آميين
    فهد : يله انا بنام بالارض وانتي نامي بالسرير
    ..وأخذ الجاكيت حقه يغطي فيه رغد واخذ البطانيه وخلاها بطانيه له ومفرش من تحته بنفس الوقت واخذ خوداديه صغيره وحط فوقها بلوزه رغد ...
    ..وهي اخذت المفرش الى تحتها خلته مفرش وبطانيه لها بنفس الوقت وعشان ماتبرد تغطيت بجاكيت فهد وفوقه المفرش ...
    وفهد نام على ريحتها وهي نامت على ريحته
     
  4. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    رد: روآيه حيــــــاتــي تـــدمرت بسبب نــــــظره لقافه/ بقلمي

    لالالالا تقول مو حلوووو وين الردووووووود
     
  5. some1413

    some1413 عضو

    إنضم إلينا في:
    ‏15 فبراير 2012
    المشاركات:
    140
    الإعجابات المتلقاة:
    0
    نقاط الجائزة:
    110
    رد: روآيه حيــــــاتــي تـــدمرت بسبب نــــــظره لقافه/ بقلمي

    كملي كملي الله يخليييك رووووعه
     
  6. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    رد: روآيه حيــــــاتــي تـــدمرت بسبب نــــــظره لقافه/ بقلمي

    لازم تستنون الى بكره معليش

    هاذي قونين ( تعرف احد يعرف احد يعرفني ) << لا ما اعرف هههه
     
  7. تعرف احد يعرف احد يعرفني

    تعرف احد يعرف احد يعرفني عضو

    إنضم إلينا في:
    ‏21 فبراير 2012
    المشاركات:
    53
    الإعجابات المتلقاة:
    0
    نقاط الجائزة:
    0
    رد: روآيه حيــــــاتــي تـــدمرت بسبب نــــــظره لقافه/ بقلمي

    للعلم اي سال او اي شي تاني <<سيتم الجواب عليه

    وانا انزل بارت كل يوم انشاء الله يعني اذا عندي اختبار او شي كذا ما اقدر

     

الاعضاء الذين يشاهدون محتوى الموضوع(عضو: 0, زائر: 0)