• سبحان الله وبحمده سبحان الله العظيم

بياع الورد

⭐️ عضو مميز ⭐️
السلام عليكم اخواني وخواتي ابي اقول لكم قصه حقيقيه لشاب اسمه يوسف الصالح هذا يوسف ادمن المخدرات والحمدالله الله من عليه بالهدايه وانا ابي لقولكم قصته من البدايه طبعا الي يحب يقراها وابي تعليقكم عليها شاب بعمر الورد ادمن المخدرات والله حرام0000

هذا شاب كان ملتزم من المسجد لي البيت ومن البيت للمسجد صحيح انه كان عنده ابو شديد ولكن من البيت للمسجد ومن المسجد للبيت كان الابو يقول للولد
شوف اذا مانجحت هالسنه بشتغل عليك بالعقال وهذا الود قام يفكر في هذا
الموضوع ويبغي الحلول السريعه وكان هو مشترك في مكتبه المسجد وراح لزملاءه زقال لهم ابوي يقول اذا مانجحت هالسنه بشتغل عليك العقال وقالوا
له صل ركعتين وادعي ربك قال في قلبه لالالا هذي يبيلها شغل على ماتوضأ
وعلى ماصلي وعلى ماتروح فوق الا خلصت الامتحانات وقال ياشباب يقولون
في حاجه اسمها البراشيم قالوا لالالا من غشنا فليس منا فقال يا شباب ماعندكم
سالفه مايصير كله صج صج صج مايصير فراح المدرسه وراح حق ربعه الرجه
وكان في واحد قاعد عند سور المدرسه اسمه عبدالله فقاله عبود ابوي يقول
فقال قصدك الشاكوش فقال الشاكوش يقول اذا مانجحت هالسنه بشتغل عليك
العقال فقال عبود انال الله ياخي الشكش حقك معقد وكان اهو قاعد يدخن
وقال خذ الدخان وكان يوسف عمره مامسك زقاره طبيعيه بحياته وخذاها ودخنها وجا وقت نهايه الدوام وراح يوس وعبود وكان في واحد اسمه نصور وهذا نصور مفصول وكان يجي اذا كان في هوشه ولا حاجه ولا شي وراح عبود ويوسف وركبوا معه في السياره وكان يوسف في وسطهم وقام نصور يفحط فيهم وقال عبود حق يوسف الشكش حق يوسف يقول اذا مانجحت ترى بشتغل عليك وقال نصور يوووه ابوك هذا معقد وطلع من مخابيه منديل وهذا المنديل هو الي غير حياة يوسف كلها وطاح المنديل ولا فيه اربع حبات وقال نصور حق يوسف خذ هالحبه وكان يقوله انا احبك انا اعزك انا ما بضرك كلها يقولون كذا بالبدايه وخلى يوسف يشتاق لها وخذا يوسف الحبه وكلاها وصف يوسف المنظر الي شعر فيه كنه باب انفتح وفي ضباب وفي شي اسود وقام نصور يفحط والشباب يصفقون وقال يوسف اكيد هذول عندهم حل اكيد وراح البيت وهو دايخ
وشافته امه وقالت له اشفيك ياولدي وقال لها يوسف كل شي وقالت روح فوق لايشوفك ابوك وكان بوقتها ادمن المخدرات وقالت له شوف 2 لايدرون ابوك وجارتنا ام محمد قال اوكي وكل مايبغي فلوس يروح عند امه واذا ماعطته قال لها ترى والله افضحكم اروح عند ام محمد والمسكينه تختف وتعطيه لما ملت وحولت المعامله على اخته وكان توه محشش ودايخ قالت الام شوفي اخوج قالت لاحد يدري بعدين محد يجي يخطبني ويوسف استانس وجيب فلوس جيب فلوس واذا ماعطوه يقول ترى والله افضحكم بعدين محد يجي يخطبكم ويخافون
وبعدين قالوا حق اخوه وقال اخوه يوووه اهم شي لايدرون اهل زوجتي وميت من الوناسه يوسف وملوا وقالوا حق ابوه وهم توقعوا لمن يدري ابوه بيذبحه وكان يوسف واقف فوق ولا قالوله قال يوووه اهم شي لايدري بوفهد قال يوسف حتى ابوي هههههه وكل ماشوفه طايح قالول حق ابوه اشفيه يقول الابو لا مريض الولد والله ولا عارفين اشفيه واقعدت الام ويا الابو واتفقوا على انه يزوجونه واستانس وقال الله غرفه بروحي والمفتاح عندي ومرتي عندي وفي يوم من الايام طاحت عليه مرته وقالت شنو هذا قال انا مريض وهذا دواي
وقال لها بيعي ذهبك عشان اروح الهند اعالج وباعت المسكينه ونزل كميات كبيره في الهند يوم رد وقالت شنو هذا قال لها مخدرات اخلصي اشتبين ومرته اقعدت ويه امه وابوه عشان يطلعون له حل وقالوا جيبي له ولد عشان يبطل اشوي ولا زادت حالته وهي في الشهر 8 كان اهو عند واحد من عايله محافظه
وكان وقتها اكبسوا عليهم وقال هذا لرجال تكفه شيلها عني انا اذا دروا اهلي بيذبحوني وقال ابشر واشيلها وانا اضحك وطقوا طق وهم يقوله مهي بلك واهو يقول معصي اقولك لي وراح يوقع ولا حكم 7 سنين 7سنين اهداها حق واحد نذل واول ماطلع من السجن راح سيده عند بيت الرجال وضرب الباب وقال وين ابوك وطلع له الابو وقال انت ماتستح تضرب الباب علي الحين انت مشبوه ومايدري انه انشبه منه وراح يبي يشوف ولد واتصل على اخوه وراح يشوف ولده العصر كان في جهال وكلهم يقولون عمي جه عمي جه وكان ولده معاهم وكان خجلان لانه مو عارف ولد قال حق اخوه واخوه ياشلا من فوقه هذا صالح وراح يوسف يلم صالح وقال صالح عمي اشلونك قال له يوسف انا بابا
وقال بابا انت وينك مارد عليه وباليل رد تعاطى ودخل السجن سنه ونص
وكان وقت ارمضان طلع يوسف من السجن وراح البيت وكانت الام موجوده بالصاله سلم عليها وراح يجيب شغله من الحجره وقامت له الام وقالت يا ولدي حنى برمضان قال لها ادري خير وقالت ارمضان لالا تقول كذا قال لها رمضان لج ولشكالج رممضان مب لنا وراحت وراه وهي خايفه لحد يشوف الي معه قام ودزها على راسها والله والله انها ماقدرت تشوف وقالت روح الله لا يوفقك لابدنيا ولا باخره وراح وكان في واحد ماخذ جرعه وميت وخذوه رموه بمكان مهجور وراحو وكبسوا عليهم وهو دش المصحات مالت مكافحه المخدرات وكان هناك زميل قديم كان من اصحاب المكتبه وكان يوسف يكره كره اليهود والله هداه على ايد هذا الرجال وكان يوسف مايحبه كان رجال مصمم يتم معاه والله هداه والحين هو معالج اخصائي للادمان


اشرايكم بالحياة الي عاشها من حبه الي سجون ومصحات اشرايكم
اتمنى انكم تنشرونها لصالح المجتمع
 

وين الحب

⭐️ عضو مميز ⭐️
قصه روووووووووعه

يعطيك الف عاافية اخووووي

عساااك على القوة انشالله

تحيااتي

وين الحب
 

غزال العارضية

⭐️ عضو مميز ⭐️
مشاركة: قصه حقيقيه لشاب ؟وابي التعليق عليها؟؟؟ تكفون اقروها كامله

قصه روعه

مشكور اخوي على هل مشاركه

يعطيك العافيه
 

الملهمة

⭐️ عضو مميز ⭐️
قصه روووووووووعه ......

يسلموووو

اخووووووووووي

بياع الورد

على القصه......

ويعطيك العافيه..
 

اول اطيافي

⭐️ عضو مميز ⭐️
مشاركة: قصه حقيقيه لشاب ؟وابي التعليق عليها؟؟؟ تكفون اقروها كامله

شكرا على القصة ابيااااااااااااع
 

كتكوته تغاريد

<font color="#8F3E87">مشرفة سابقة</font>
⭐️ عضو مميز ⭐️
مشاركة: قصه حقيقيه لشاب ؟وابي التعليق عليها؟؟؟ تكفون اقروها كامله

سبحان الله ...


الله يبعدنا عن كل ما يغضبه ويهدينا دوم يا ربي ...


جزاك الله خير عالقصه يا أخونا بياع الورد ..
 

طلي

⭐️ عضو مميز ⭐️
مشاركة: قصه حقيقيه لشاب ؟وابي التعليق عليها؟؟؟ تكفون اقروها كامله

لا حول ولا قوت الا بالله

الله يهديه كل هادا بدأ بحبه

بياع الورد .. جزاك الله ألف خير.. ونشالله الناس ياخدو العبره منها
 

جون

⭐️ عضو مميز ⭐️
مشاركة: قصه حقيقيه لشاب ؟وابي التعليق عليها؟؟؟ تكفون اقروها كامله

مشكور على القصة الرووووعة
 

المتواجدين حالياً (عضو: 0, زائر: 1)

أعلى